حـــمامة الشـــهم..🕊️
فـاطمة الشمري 🦋
اني فُرصة واذَا أحبك
إستغلني !
مِن أديرن ظهَري عِنك
لو هَوُى الله يصَير يمك مَا يردَني .
_________________________________
( ترة البارت عن بس حياتهم السعيدة ما بي
احداث وهم رومنسي ها 🌝)
( راح اغيب هل فترة لا تنسوني يجوز اغيب 3 اشهر ) 🚫😭
_______________________________
بــيران ...✓
كاعدين ننتضر على نار اباوع علية رجلة تهتز
وهو كاعد متوتر وخايف
لزمت ايده وكلت _
_ اهدئ راح يصير بيك شي من توترك هاذا
رفع راسة متنهد وكال _
_ مو طولت
_ ادعي تمر على خير شوف رائد خطية
روح خفف عنة
باوع على رائد وتنهد بتعب وكال _
_ ابو علي ...تعال اكعد ليش واكفك
رائد_ ماكدر ماكدر وصتني على الجهال شهم
خايف يصيرلها شي
كام شهم علية مادري شنو حجة ويا
بس خلاه يكعد احنا هنا خمسة
ايهم عمة شهم سجى واني وشهم ورائد
نجمة فجأة جايها وجع قوي بس ما عدها
ولادة وهسة جاي تجري عمليتها
بس حالتها مستعصية خايفين لا يصير
عليها شي قبل لا تطب ضلت توصي
بجهالها وخوفتنا
ضلينا كاعدين منتضرين على نار لا احد
خلة شي بحلكة ولا مرتاحين
ضليت ادعي وانخى العباس ابو
فاضل انخى ام البنين اذا صارلها شي
والله كلها تدمر
اطفالها رائد واكثر شي هو شهم وايهم
يتدمرون والله
ما صار شهر من رجعنا سوية اني وشهم
واليوم من الصبح خابرنا رائد موديها
للمستشفى ما راد شهم ياخذني بس اني
لحيت خلينا ليث يم زينة
واجينا
رجع شهم كعد بصفي يفرك راسة لزمت
ايدة حزينة على حالة ضغط على
ايدي حيل وراسة ارخى على الحايط
ضلينا ننتضر وما حسيت بنفسي من نايمة
على جتف شهم اله من فز هوة
فزيت شفت الدكتورة طلعت
رائد _ ها بشري دكتورة فدوة مرتي
شهم _ شلونها ليشش ما تحجيين
الدكتورة _ هو انطيتوني مجال ..المريضة بخير بس ...
ايهم _ بس شنو شبيها جهالها بخير
الدكتورة _ للاسف فقدنا واحد من التوأم
رائد غمض عيونه حيل وكعد مهدود حيلة
وسجى كالت
_ ميخالف المهم صحتها
الدكتورة _ فعلا لازم تحمدون الله انو
نقذنا الام اصلا هاي معجزة انو عاش واحد
من التوأم الام حالتها ضعيفة ويا ريت
بعد ما تحمل بسرعة هيج
سجى _ اكيد دكتورة بعد هاي اخر مرررة
موو رائد
رائد انحرج من الوضع وشهم خزر عمتة
رائد جان مقهور كلش على ابنة
لان هما توأم بنية ووليد للاسف الوليد
راح وبقت البنية والحمد لله
بصحة زينة ونجمة هم
ضلت فاقدة
لحد باجر الضهر يلة كعدت
كلنا استقبلناها وفرحنالها وتحمدنا
الله انو كلشي ما بيها
هم ضلت تبجي على ابنها بس بعدين حجينا
وياها وكلنا مو زين بقت البنية
واهم شي انتي زينة بعدين
اقتنعت وسكتت من شافت بنتها
وبعد توبت ما تحبل لان كالت هيج كافي
شهم جان فرحان لاختة وايهم هم كلهم
انطوها مبلغ جبير ك دلوعة للبنية
وشهم وعدها بهدية خاصة الها ول بنتها
كالت الدكتورة لازم تبقة بعد يوم علمود
صحتها وشهم كال لازم ياخذني
للبيت ولازم نحضر ل عزينة استقبال
لنجمة
رحنا للبيت وزينة خطية هم توها جايبة
ما صار جم يوم وامها يمها ف امها
مسوية غدة رغم جنة متغدين بس
ما كسرنا بخاطرها تغدينا وكعدنا شوية
اخذنا ابنا ورحنا للبيت
ليث _ ماما
خليتة بالكاع وشهم سد الباب وكال _
_ راح اروح اسبح
_ روح عيني
راح شهم باوعت على ليث وكلت _
_ ها حبيبي شبيك
ليث _ عمة ننة دابت بيبي
ضحكت بخفة وهزيت راسي وكلت _
_ جابت بنية تجنن بس تكبر ازوجك ياها
عبس بحلگة وكال ما راضي _
_ اني اليد انين ماتي
_ ألين ؟ ههههه بنت خالو
_ اي هيا حلوة ماتي عمة أتول دالت
هيا مالتك
_ والله عمي زين ما تخون هههه يلة خلص
الله لا يحير مسلم بس تكبر اخذ الي تعجبك
بس كون ما يسرسحنك ثنينهن
نعسان ؟
انتبهت علية يفرك بعيونة ويتثاوبت
جريته ابوس بي واكول _
_ تعبت من شنوو
_ تنت العب واتلت وتعبت
_ اووي اروح فدوة يلة تعال ابدلك ملابسك
وانام
لزمت ايدة واخذتة لغرفتة بدلت
ملابسة وصعدته للجرباية تغطيت ويا
وخليته بحضني اطب طب علية وهو
حاضني
جنت اني هم نعسانة وتعبانة وانتضر
ينام حتى اروح اسبح وانام
انفتح الباب وطب شهم شاف ليث
بحضني تقرب كعد بصفة وباسه
_ شعجب نام
_ تعبان من العب
_ هههه الله يرزقنا هل تعب
هزيت راسي مبتسمة جر ليث مني
بخفة وكال _
_ روحي اسبحي حتى نرتاح شوية واكعد
اتسوك للعزيمة
كمت وتمددت بتعب ضل يباوعلي وكال _
_ شو تعاي
_ شنو
رحت يمه تقرب باس خدي وشفتي
وكال _
_ يلة روحي من البارحة ما ماطك
ضحكت بخفة وبست خدة عقد حواجبه وكال
_ روحي روحي
رحت بسرعة اضحك سبحت وبدلت
مشطت شعري وشسورته شوية وطب
وراية كال
_ نعيمأ
_ نعم الله ضلوعك
كلت واني امشط بس صاح _
_ شلوون
_ ها شنو
_ شنو نعم الله ضلوعك ؟؟
_واذا
_ واذا ؟؟
_ كل مرة اكولها مادري بيها غلطة
عقد حواجبه بانزعاج وراح للجرباية
عضيت شفتي بحذر ردت انكتل يل
كعبة
سويت روحي غشيمة واني اصلا
بعرتها
_ صليت ؟
_ اممم
_ تقبل الله
_ تقبل الله اعمالچ
طفيت الضوة ورحت للجرباية وتغطيت
وتمددت مرتاحة باوعت علية
مشغل الموبايل رفعت ايدة وطبيت
بحضنة بست صدرة وكلت _
_ اسفة حبيبي والله ما ادري
_ عادي ما صار شي
_ مقهور على نجمة ؟
_ امم هم خطية خسرت واحد من اطفالها
_ المهم هيا بخير الله يعوضها انشاء الله
_ اي المهم هيا بخير كلشي ما اريد
قفل الموبايل ولمني زين بحضنة
كالي _
_ اذا كعدتي كعديني ب 4 دا اروح اتسوك
_ اممم
_ مو كتلج لا تجين وياي تتعبين
_ هسة يروح التعب
باس كصتي ونام هو هم لان تعبانين
هاي شهر مر احلة ايام حياتي جاي
اعيشها خلصت المشاكل وسوء الفهم
وتصافت القلوب
حياتنا حلوة ودائما تعلمنا درس ما
ندخل احد بيناتنا سواء زين او شين
مشاكلنا نحلها سوية
واصلا زعلنا ما يطول يوم
زينة علاقتها ويا ايهم امم مادري شلونها
بس هيا جاي تلعب صح
متجاهلته وتحرگه حرك من تكله باقية
علمود ادهم
حتى الغرفة جان بس هوة ينام بيها
هيا عازلة نومتها بالستقبال
طبعا هيا تحجيلي اغلب وقتنا سوية
لان كمنا من يرحون لدوامهم
ننام سوية ما اروح لاهلي اروح بس
نهار وارجع
لان هيا خطية هم ما عدها احد وبيت اهلها
بعيد
ما شاء الله جابت ادهم قفل ملف كل
الاطفال عدنا اشكر مثل ايهم
ما ورث من زينة غير الخدود
يجنن مو طفل ما شاء الله
رغم ايهم يحلف بالقرأن وداعت ابنة
من ذاك اليوم الي هيا دارية عنده
موبايل عايف البنات وحلف بالقران
كدامنا بس هيا ولا اصلا تباوع علية
تعجبت من ايهم شلون حبها لهل درجة
واني جنت متأكدة بس زينة الي راح
تعدلة
حضرنا العزيمة وعاونتني بتول وام زينة
هم ثاني يوم طبعا
واجت نجمة هنا يمنة
بنتها الحمد لله بصحة زينة وما بيها
شي رغم اشوف نجمة
فرحتها مكسورة لان خسرانة ابنها
بس متقبلة
جابولها اطفالها وتلهت بيهم وتحمد
الله الي رجعها الهم
طبعا اجو اهلي ومن بيت عم شهم
وسوسن وام رائد
حضرنا العزيمة وكملت وخلصنا
كلنا النجمة تبقا هنا جم يوم بس هيا
ما قبلت تكول ارجع لبيتي احسن
ودعناها وشهم وعدها يجيها ويجيبلها
هدية وايهم هم
نضفنا البيت اني وبتول والمواعين
وخلصنا
شهم وايهم وبافل كعدو برة وزينة رجعت لبيتها
هيا وامها
هم شوية كعدنا سوية وبافل اخذ امي
وبتول وراحو للبيت
جاي اغسل بالستكانات وطب ايهم
كال
_ بيران
_ ها
_ اكلج زينة اكلت ؟
_ ما اكلت هواي ليش ؟
_ ما تاكل موتتني اكلج ولو تعبتي بس
تكدرين تطلعيلي لحم تخلينه
بالشياش حتى اشوي برة
_ لا ماكو تعب اكيد هسة اني هم ردت
اكلك هيج هيا توها والادة وموزين عليها
_ اي والله تعبتني زينة
_ وانته ما تستاهل ابو جروحي
كلت واني اطلع الحم واكصكصه
_ اهوو يابة والله بطللت
_ هيا تأذت منك والله مادري شلون بقت وياك
غيرها تطلگ
_ بيش مفاولتني هيا تحبني
_ اذا تدري بيها تحبك ليش تأذيها ؟
_ هسة شسوي احلفلها بعد ما اراسل ما تصدگ
_ بعد هاي يمك رجعلها الثقة الي خسرتها
_ الله كريم .. انطيني مشكور
_ ولا يهمك راح..هاك هم طماطة اشويها
راح اسويلك زلاطة
_ رحم الله والديج ام ليث...الوفي
_ هه ابو جروحي
_ ردت بس تنسين
طلع ضحكت علية وسويت اله زلاطة
وخليت خبز رحت فرشت سنوني
وغسلت وجهي ورطبته
وشهم بالغرفة كعدت شوية ورحت طلعت
على ايهم كلت
_ خلصت
_ اي خلصت بس صينية
_ اي لحضة
رحت جبت الصينية والزلاطة انطيتهم
اله شكرني وراح بعد ما طفة النار
قفلت الباب وطفيت الاضوية
ورحت للغرفة اول ما طبيت كال
_ وينج صار ساعة انتضر
_ جنت اساعد ايهم
_ دتعاي تعاي
_ هسة خلي اغير ملابسي
_ ميحتاج تعاي
_ اشش
باوعلي بانزعاج شمرتله بوسة واخذت
ملابس نوم لان صرت مراة متزوجة
بعد ههه
لبست ورجعت للغرفة طفيت الضوة
ورحت تغطيت
_ اخخ تعبت
_ شبسرعة تعبتي
_ شهم نام حبيبي نام لا تلمح
_ هاا يعني كمتي تلكفينها مو فاهية
_ بسببك اكيد كمت احتى الحجاية
العادية لضل افكر بيها خاف عيب
_ هههههه
تقرب مني وعض حنچي بخفة وباسة _
_ اخخ هاي ليش
_ لا تنامين مشتاقلج .. اريد اشبع بيج باجر
التحق
دفعته عني خجلانة رغم تطور الوضع
بينا لسة اخجل مو بيدي
لزم ايدي وجرني اكثر اله باس عيوني
_ احبچ ..لا تدفعيني هيج عنج لا تبتعدين
عني اصلا .. اريدج ما تريديني انتي
حرك ايده على طول ذراعي ورفع ايدي
باسها بلعت ريك وگلبي من وحدة كام
يدك سريع
خله ايدي على خدة وكال _
_ جاوبي !
_ ها
_ تريديني
_ ه ها
خلة وجهة بركبتي ومشة خشمة
على رگبتي دغدغني هل شعور وغمضت
عيوني باس رگبتي وكال
_ جاوبي
_ اي
_ شنو
_ اريدك
رفع راسة مبتسم وتقرب من شفتي گبل لا
يبوس همس _
_ حمامتي الخفيفة
.....
لفيت نفسي بالبطانية
مندارة وخجلانة اني شلون اصير هيج
ما استحي
حضني من ورة حيل وباس چتفي
_ كافي شهم
_ شكافي شكافيي ولج
_ شهمم
_ عيون شهم وگلب شهم يا ضالمة
شلون جنتي حارمتني منج هيج شلوون
_ اي مو انته جنت هيج جنت تهجم علية
تخليني ازوع العافية
سكت بس مخلي وجهة برگبتي انداريت
علية وحضنته وكلت
_ شوكت تروح
_ الفجر
_ لا تروح
_ بيش ندلل بريبرة لعد
_ ماريد دلال اخاف عليك هذولة يأذوك
_ اوي
_ لا تعييب علية شهمم ..هسة غيير يوخر عن
رگبتي عاد
ضحك رفع راسة وباس شفتي كوة وخرته وكلت
_ عمي ضل على رگبتي احسن
نام بمكانة وجرني اله نومني على صدرة
يلعب بشعري ويحجي _
_ راح اطلب اجازة حتى نروح
_ اممم
_ شبيج
_ نعست
_ بس اكلج هيج تسنحين
_ شهممم
_ اخخخ
غمضت عيوني حيل وغطيت وجهي من
هجم عليه من جديد ...
زيــنة ...✓
بعد الي شفتة من ايهم اخر مرة انهاريت
وحسيت الحب الي بگلبي اله من صدك
تبخر وصرت اقرف منه
اجت ايام حتى ماكدر اباوع بوجهة تلعب
نفسي والله
ما تحملت ورحت على شهم حجيتلة
كلشي وكتلة يوديني ويطلگني
من ايهم
شهم ما وافقني الرأي كل عادة عارضني
وحاول يصلح الي سواه ايهم
بس اني جنت مصرة
ابچي واكلة ماكدر اتحمل
بعدين كالي حاولي اخر مرة علمود
ابنج بس مو علمود ايهم ولا علمودج
ايهم جاية وحاجيلة كلشي قبلي وحالف
اله ميرجع بس هه ايهم ميرجع
مستحيل يحلف منا الكاه مراسل
منا
حلفلي ايهم يحبني وشوفني محادثاته
من يروح للدوام شلون يوصي بشهم بيه
ويكله خلي بيران تساعدها خلي بيران
توديلها اكل
بس اني جنت معصبة منه وحزينة فد نوب
فاقدة الامل بي والحب ما يكفي وحدة
شسوي بحبة اذا هو يخوني
بكلشي ما مقصر بس يخون شنو الفايدة ؟
اخذت امي ادهم مني بعد ما رضعتة
هل ايام تلهيت بي وفرحانة بابني مثل
الگمر
امي من كمت اولد اجت يمي وهاي راح
يصيرلها اسبوعين هنا تعتني بيه وهيا
الي شايلة البيت وبيران هم ما مقصرة
بس امي باجر تروح كتلها _
_ يمة اكعدي شوية عوفي الشغل عااد
_ ما عندي شي بس اجيب الملابس من برة
_ اكعدي ايهم يجيبهم
ضحكت وكعدت يمي وكالت _
_ ايهم رجلج ولج ! هواي تتامرين علية
_ لعد شنو شغلة عوفي
_ لاحضت وجهج ثگيل علية شصاير
_ شصاير يعني يخوني
سكتت تباوعلي بحزن تنهدت وكالت _
_ حاسة بيج يمة بس ... لا تسوين هيج
_ شنو
_ يمة اني فرحانة بيج الحمد لله انتي احسن
خواتج كلهن هذنيج عايشات بالضيم
وانتي الحمد لله بيت ورجل مدللج
وحماج يحبج وحماتج لا ترجعين على ابوج
يمة اني ما جنت احجي بس من اشوفج
محصرة گبل اموت من القهر
سكتت ما جاوبت بس سكتت كلامها صح
وكلشي هسة زين بس لو ايهم يتعدل
اندك الباب امي كالت _
_ تعال طب يمة
طب ايهم وبيدة صينية درت وجهي عنه
كال هوة _
_ مريتي ما ماكلة شلون سويتلها تگة لحم
امي كالت وهيا تضحك _
_ فدوة اروحلك عيوني ولهل محنة اي والله
كتلها اسويلج ما قبلت
زينة _ ما اشتهي يمة ماريد
ايهم _ مو بكيفج انتي تعبتي ويرادلج
تتغذين
زينة _ ما ...
امي قاطعتني وكالت _
_ انته وكلها اني رايحة اجيب الملابس برة
ايهم _ براحتج عمة لا تتعبين نفسج
_ لا يروحي ماكو تعب يلة اترخص
طلعت امي وسدت الباب تقرب وصعد
على الجرباية وخله الصينية بصفي _
_ يلة اهجمي
_ ماريد
_ خوش تگة ولج اچلي
_ ايهم فدوة ماريد عيني
_ اشش علمود شركة المراعي
استغفرت وسكتت مستحيل يتنازل وعنوديي
لف لفة وقربها من حلكي ناضرتة
ما راضية بس هو ضل مخلي اللفه
اكلت ابتسم وكرص خدي _
_ عفية بالشاطرة
_ لا تسوي نفسك حنين خوش خلي يفيدنك
بناتك
_ ما عنديي غير بنياني زينة
_ اممم مبيين كلش من المصاليخ الي شفتهم
_ تبت !
_ ترة لو كلها تقنعها وتكلهم عفتهم اني الوحيدة
الي مستحيل اصدگ حتى لو ما تخابرهن هنا
تخابرهم بالدوام
_ وداعت ادهم !
_ لا تحللف بادهمم
_ ما مجذبب توبت عفتهم خلص
_ ما اصدگ
_ طبج مرض لا تصدگين
درت وجهي بعصبية رجع يوكلني وانوب
نتعارك وندعي دماية وهو يرجع يتصرف طبيعي
ولا كانو ويمزح كملت اكل وجنت صدك
جوعانة والتگة طيبة
_ شكرا
_ تدلل ام ادهم
سكتت اعدل كعدتي وبحرگة سريعة
تقرب باس خدي باوعت عليه بعصبية
طول هل فترة مانعته يتقرب مني ك عقاب
شكد راضاني وشكد حاول
ما رضيت كل مرة ما يطول زعلنا بس
هسة طول اقل الشهرين
_ خلص حبيبتي فرصة اخيرة وشوفي
_ انطيتك كومة فرص اني روحي لابت
منكم وتعبت لو ما شهم وابني ما اضل دقيقة
خوش
ناضرني ساكت وشفت الغضب بعيونة
جنت ابد ما اطلب الطلاك لان اخاف فكرة
انفصالي عنة بس هسة اكولها
وبكل ثقة لان هو چان على اقل عركة
يهددني بالطلاك بس هسة لو شما ادوس
ابطنة
ميجيب سيرة الطلاك
_ وين ترحين ها ؟ تاخذيني ابني وترحين
ترة اذا تفكرين هيج انسي ادهم
_ اي خلص ادهم ابنك اكيد وانته احسن
مني حتى تربي اجي اشوفة وخلص
بحلق بيه بصدمة طبعا كلامي جذب بس
هاذا تعلوم شهم هو كالي اذا حاول
يضغط عليج بابنج هيج كليلة
بلع ريگ وكال
_ تخبلتي !؟
_ شنو مو ما تريد تفارق ابنك خلص
_ احجييي عدل لا بالحسيين زينة اجي
النعال اكطعة على راسج
_ شحجييت
_ صوتج صوتجج امج برررة عييب
_ شوف حبيبي اني ما كارهة ابني واذا تريدني
ابقة هنا ابقة بس ما تلكة زينة القديمة
الي تحبك تريد تروح تراسل تخابر عسى
ما تجيبهن كدامي مالي شغل بيك حتى
اذا تريد تتزوج تزوج بالاخير انته رجال
والك احتياجاتك واني ما اكدر البيلك شي
_ زييييينة
_ ها
_ غصبأ عليج تنچبين وتبقين وتتقبليني هم
مو تريدونييي اعوفف الخررة عفتهمم بعد
شكوو
_ مو كلشي مثل ما تريدة اني هم بشر
وگلبي انكسر منك خووش
_ مو جااي اعتذرر لعد اوكلج نعل
_ ايهم لا تخليني اغلط
باوعلي بصدمة واجه لزم فكي وكال _
_ شحدج
_ والله اغلط اذا غلطت علية
_ اغلطي
_ وخرر
باوع عليه وعيونة تفتر واني لازمة ايدة
اريد اوخرها ما احس غير شفايفة
انطبكت على شفايفي
غمضت عيوني حيل اوخر بي
ميوخر هو اني شلوني مناك مشتاقتلة
كومة وكوة لازمة نفسي انتو
تشوفوني هيج ثكيلة بس اني الصراحة
خفيفة واتسرسح بوسة بس
كل كلامي جذب مال يتزوج وما يهمني
بس اريد احرگ كلبة
كرصت ايدة حييل ووخر كلت _
_ شبييك استخفييت هاا
_ احسن من ما اصفكج راشدي
_ شحدك والله اندمك
كرص خدودي حيل دفعت ايده عني وكلت _
_ امشي عني ايهمم تررة مستحيل انسى
ذيج المراسلات ولا نفسي تتقبلك بعد
_ مشتاقلج والله اريد حضنج
_ انته الي وصلتنا لهل حالة بسبب كم وحدة
رخيصة دمرت الي بيناتنا ف لا تلومني
اني ضغطت على نفسي هواي وتحملت
وكلت يعوفهن يعوفهن بس انته..
_ والله عفتهن والله بيش احلفلكم وتصدگون
_ الجذاب احترگ بيته ومحد صدگ بي
_ راح اهفج ترة
_ هفني يلة بلكت ترتاح هو انته تدور
عليها دوارة
_ عسى ان تكرهو شيء وهو خير لكم
_ شنو ؟
_ شنو ؟
_ ها
_ شكاعد تكول شنو عسى ان تكرهو شيء وهو خير لكم شدخل هاي بهاي ؟
_ والله ما ادري سمعتها بالانستا وكلها تكولها
وكلت اكلج ياها
_ ايهم ايهمم راح تخبلني والله
_ ترة حرام عليج تسوين بيه هيج انتي
تعرفين الماضي مالتي ؟ الماضي مالتي
مؤلم ابوي جان يحبسني بالمخزن
يجلد بيه بقايش مالت مبردة ويخليني ايام
بدون اكل
_ اي
_ اي
_ اي وشنو يعني لان ابوك يضربك من وانته
صغير لازم تخابر زين اني ابوي هم
يلزمني بعودة خضرة يخليني زرگة ايام
ويچويني بيدي وبجسمي هم
هم خنتك ؟
_ عوع حتى گلبج اسود كلت راح تنقهر
علية
_ اني مو ما مقهورة عليك ايهم نادرأ ما تلكة
احد عايش طفولة زينة احنا كلنا عدنا
طفولة قاسية وعدنا اشياء تأثر بنفسيتنا
بس ما نأثر بنفسية احد غيرنا باله
اني متعذب زين المقابيلي شنو ذنبة
لازم امرضة وياي ؟
_ عمي جذب حتى ما مهتم خلص
شفتة صدك ضاج واني يشهد الله ادري
بطفولته واتذكر من حجتلي بيران شكد
بجيت بس ما لازم اخلي هاذا سبب حتى
يتحجج
لزمت ايده وكلت _
_ اذا انتة مريض ف لا تمرض احد وياك
لو تعالج نفسك من هاي حجتلك
الي ما الها دخل بالسالفة لو تعوفني
_ ما اعوفچ ولا مريض خلص نچبي
كمت من الجرباية وكلت _
_ براحتك
طلعت من الغرفة ضايجة رحت يم امي
هم فرشت لايهم بالستقبال لان هيا يمي
وين تنام واحنا بس غرفة وحدة
عاد هو راح نام واني نمت ثاني يوم كعدت
ويا امي قبل جم يوم لميتلها اغراض
من البيت ملابس عندي الها ومن المطبخ
اشياء كوة لزكتلها
وهم مبلغ مالي بالكوة يلة اخذته ادري بيها
تخجل من ايهم ومني
بس كتلها ايهم مثل ابنج وهو مستحيل
تضيگ عينة منج
وداها ايهم وهم خطية متسوك الها
خابرتني هيا ومنطيها هم فلوس
تكول كلفتكم بس اني خطية صار ايام
طايرة وياية
اني هم صرت احسن كمت على البيت
وعلى نفسي ولو هم احس نفسي مثل
الي اعضامي مفتوحة بس احس نفسي
خفييفة بدون بطن وامشي براحتي
ايهم هم استمر يراضيني واني قافلة لان
اريد بس اعلمة درس
اريد اصدك بي واكول عايفهم بس ماكدر
ما اثق بي من هل ناحية ابد
راح للدوام بعد ايام من التحاق شهم
وبيران اجتي يمي كالتلي راح
شهم يطلب اجازة ونروح سفرة وجانت
فرحانة هم فرحتلها تستاهل بيران
هل فترة هيا نحجت المرحلة ثانية وهسة
هيا بفترة عطلة لان صيف
واوقاتنا سوية سوينا اني وياها عناية
خوب اني صايرة فد نوب مهملة لان
جنت حامل ومالي خلك
صرت الق لق واكيد تعرفون منو راح اقهر
هيهيهي
بيران ما شاء الله ما تحتاج هيا من الله
تلق لق بس هم سوت وليث ويانة
هم يدلج
ادهم مرات يموتني مرات زين الشي
الزين بي ينام هواي هههه بس يرضع
وينام
ام بيران هم اجتي وبتول هيا تعرفلة اكثر
وعلمتني شلون اكمط وشلون اخلي
يرتاح من يرضع
ايهم صار يراسلني طوول الوقت رغم
اني احاول اتجاهلة بس يا اخي ماكدر
احبة شسوي سحلني من اول مرة شفتة
كبل جان ميراسل هواي واكيد تعرفون
ليش بس هسة طول الوقت حتى
باليل من يصير ب استراحة او من يريد
ينام يتصل ويضل لحد مينام
واني مطنكرة بس احجي يعني زعلان
و...وانتو بعد افهمو
نزل شهم قبل ايهم وكادر ياخذ اجازة
وهسة كام يحضر حتى يروحون ل
( دهوك )
بعد ايام من التحضير راحو واجة ايهم
هم مثل هل فترة غاثتة اسلم علية من ورة
خشمي وهو جان متوقع راضية بعد
مراسلاتنا هيج اخلي يتأمل وبعدين
ما اقبل
هم جاب اكل ويا غدة وصبيته بعد ما جبت
المهد مالت ادهومي يمي كعد
هوة بعد ما طلع من الحمام وكال
_ يا بوية نعساان
فتحت علاكة الصمون وخليت كدامة
والله خطية اريد اقسى ويا بس احبة يعني
انقهر علية صدك تعبان
ايهم _ شلونه الزلم مال ابو خوما يتعبج
_ لا زين
_ دشوفي الجمال لو ما اني تجيبين هيج
جمال
باوعت عليه صفح وهو يركص بحواجبة
تغدينا وشلت المواعين
غسلت وادهم كام يبجي اخذته ارضع بي
وايهم متمدد على التخم يگلب بالموبايل
مديت راسي اريد اشوف
كلت بسخرية _
_ ها اشتاقيتلهن !
باوعلي باستغراب وعقد حواجبة وشمر
الموبايل علية _
_ صديقيي والحسيين صديقي ترة نفسي
لعبتت
_ شبيك عصبي حبيبي هدئ
_ اخخ اويليي يا زيينة اني اعلمج
ناضرتة بتكبر وهو يتكرضم
يباوعلي بنضرات مريبة وهاي اني الي
مخططتلها لابسة دشداشة ربع ردت ودلعة
وكصيرة وتحججت بالحر ولان اريد ارضع
ادهم والاحلة من هيج ميكدر
يتقرب لان اني بفترة انفاس
خلة وراح للغرفة وهيج ضليت اعذب بي
اتدلع كدامة البس الي يعجبني
وما اخلي يطخني بوسة ما انطي
ادوس ابطنة واغثة وهم ميحاجيني ادري بي
عصبي ومن احجي ويا هيج يخلي
ويطلع من البيت
لحد
ما اليوم سبحت وخلصت الاربعين مالتي
بعدني توني طلعت من الحمام شفتة بوجهي
فززني
_ خلصت الاربعين ؟؟
_ يمة فززتني وانته حاسبهم ؟؟
_ مو روحي طكت تعااي
_ لا والله ؟ وشتريد
_ شبيج حبيبتي ما اشتاقيتيلي ؟
_ لا ليش اشتاق خلي المصاليخ الي بالموبايل
يفيدنك
_ زينة ! راح يصير شهرين كافي
_ لا حبيبي اني كتلك ما عدت زينة الي تحبك
_ يعني متحبيني !؟
_ اي بطلت احبك
_ وليش لعد ضليتي يمي اذا ما تحبيني
_ علمود ابني غير
_ زينة !
_ شنو
كلت واني انشف بشعري ضل يباوعلي
واحس بنفسة يصعد وينزل بعصبية
واني متجاهلته خله وطلع برة البيت بعصبية
لزمت گلبي بخوف يمة عبالي
راح يكتلني
مر اسبوع على هل حال كام حتى ميكدر
يمزح يراقبني على نار واني بااردة
ويا وكانو ما صار شي امشي والبس
واتدلع هو محترگ
وبيوم جنت كاعدة ارضع ب ادهم واكل
من البقلاوة الي جابها هوة علمود
الحليب الطبيعي طبعا
طب للغرفة باوعلي وجان يا يمة شصاير بي
من العصبية يركع ببوب الكنتور تركع
كلت واني اكل واجر بالحجاية
_ على كيفك حبيبي ادهومي لا يفز
باوعلي بحدة وركع الباب حيل واني
بس اباوع بدل ملابسة واجة تمدد على مكانة
وغطة عيونة بايدة بذراعة يعني
خلصت من ادهم ومسحت حلكة كمت وديته
على الكاروك مالته ورجعت
المكاني تمددت واتعمد
ما اتغطى وخر ذراعة يباوعلي
واني اتمغط واكول تعبني ادهم
استغفر ودار جسمة لذيج الجهة كتمت
ضحكتي وغمضت اريد انام لان وكت نوم
وتوني غفيت حسيت
بي تقرب سويت نفسي نايمة
اريد اشوف شيسوي وخر شعري عن وجهي
وباس الجوة عيني
تبعثرت امواري وكوة سيطرت لا افتح عيوني
ايدة صارت على خصري وجرني
الحضنة باس شفتي بخفة وهمس _
_ اسف شما تسوين حقج بسببي خسرتي
ثقتج بيه
بلعت ريك ساكتة وگلبي كام يرجف باس
خدي ورجع يهمس _
_ بس ايهم ميجذب عليج وداعتج وداعت ادهم وشهم ونجمة من يوم الي كسرت
الموبايل ما مراسل بعد
وندمان هم لان خليت علاقتنا هيج تتدهور
رجع يبوسني وكال _
_ ادري بيج كاعدة لا تمثلين
فتحت عيوني اباوع علية بلوم ايدة
تمسح على خدي وكال _
_ اكو فرصة ثانية لو نعزل
_ عزل
دفعته عني وانداريت بعصبية ودموعي
نزلت كل ما اتذكر وحدة غيري مشاركتني
بي اموت من القهر
حسيت ايدة صارت على جتفي
يمسح بحنية
غمضت عيوني ونمت
مر يومين وحسيته مقهور حتى كام ما
يزعجني ولا يحجي بس مزعوج
هواية
وبيوم جاي اسوي عشة وسمعت ادهم يبچي
كلبت الجدرية وبعدين قبقتها ورحت
طلعت للصاله
بس شفتة طلع من الغرفة شايل ادهم
ويسكت بي ابتسمت تقربت
وكلت
_ انطيني خلي ارضعة
_ شنو هاذا ميشبع
اخذته منة ورحت كعدت على التخم
وبديت ارضع بي
هو كعد على التخم يباوع علينة خلصت
ومسحت
حلك ادهم بسته وخليته بالكاع
حللته من الكماط وكلت
_ اكعد يمة بين ما اخلص العشة
_ شسويلة خاف يبچي !
_ لا ميبجي بس اكعد يمة
_ خوش
كعد يمة يباوع علية بترقب ضحكت _
_ بس دير بالك علية لا تصفن هيج
باوعلي صفح هزيت ايدي ورحت
كملت العشة سويت صينية دجاج بالخضار
بالفرن وتمن
صبيت الاكل وباوعت من المطبخ
شفتة يبوس بيد ادهم ابتسمت
هو حباب والله بس بس لو يعوف
المراسلة
وديت الصينية وخليتها بالكاع
وكلت
_ يله اهجم
باوعلي باستغراب لان جاي امزح ويا بس
ابتسم وكعد جبت البن وكعدت
اكلنا كال _
_ عاشت ايدج حبيبتي
_ بالعافية
خلصنا اكل وشلت المواعين كمطت ادهم
ورجعته لكاروكة باوعت على المراية
وتنهدت
رحت للكنتور اخذت ملابس نوم
من مالاتي لونة كرزي
لبسته ومطشت شعري رشيت عطر
ورحت ابمكاني العب بالموبايل
ورة شوية طب هوة للغرفة گبل عيونة
وكعت علية ضل صافن بعدين فرك
وجهة واستغفر واخذ السويج
عقدت حواجبي وكلت _
_ وين ؟
_ هنا يم جماعتي نامي لا تنتضريني
_ لا تروح
_ ها
ذبيت الموبايل وفتحت ادية ثنين وكلت
عابسة شفتي واتدلع _
_ لا تعوفني حبيبي
رفع حواجبه مصدوم ما متأكد مني بس
اني فعلا حسيته خلص تعلم الدرس
واني مو غبية حتى اخلي هل زعل
يتحول من صدك لعدم اهتمام طول الزعل
والمشاكل يمكن تخلي الحب بداخل الشخص
يتبخر ويتعود عليك مو بقربة واني
خلص صحيح لسة حازة بخاطري
بس ما شايفة شي منه وموبايلة مخلي
بدون رمز وحلف بادهم ما عندة غيره
ولا مراسل وحدة
ابتسم بخفة وحك خشمة وكال _
_ خاف تضحكين علية ترة والحسين اكتلج
_ لعد يلة روح خلي جماعتك يفيدك
درت وجهي بزعل شمر السويج واجة شمر
نفسة علية خنگني وكال كاز على سنونه _
_ دنعل ابو جماعتيي بيشش كيلوو
عض خدي حيل خلاني اكمز هو أني صوجي
_ لجج يا ضالمة شهريين شهريين حارمتني منجج
_ مو بسببك
كلت بزعل واني العب بالقميص مالته
باس خدي حيل وابتعد _
_ التوبة بعد التووبة
_ ايهم ...اني صحيح كتلك بعد ما احبك
بس اني اجذب احبك واريدك
_ ادري ادري يروح ايهم
_ بس ايهم اني بعد حتى لو احبك ماكدر
اضل وياك اني اريدك بس الي وبالكوة
يلة نسيت شوية القرف الي شفته بس
هاي اخر مرة فعلا اخرر مرة بعد لا
احاول ولا ابقة علمود ادهم ولا
اهتم
اني اول مرة انطيتك فرصة والثانية الي
والثالثه الحبنا وهاي الرابعة ل خاطر
ادهم بس بعد ميهمني شي لا تخاربنا ايهم
علمود جم وحدة ما تسوة
تنهد وباس شفتي وخله كصته على كصتي _
_ ندمان والقران حلفت بالقران بعد ما
اراسل وحدة وطلبت السماح من رب
العالمين وبعد مستحيل اعيدها
ابتسمت بخفة وحضنت ركبتة حضني
حيييل ونام على الجرباية ضل حاضني
بس يبوس برگبتي
غمضت مرتاحة
اني هم مشتاقتله وهم تعذبت بهل
بعد بس جان لازم اوعي على نفسة مو
كلشي يريدة يصير ولازم يختار يا امة
حبة او متعته
ابتعد بخفة وسحب وجهي يبوس بيه
واني بادلته بكل حب مني
وخلال كلماته الي يهمسها والامسات
استشعرت من صدك شكد مشتاقلي
ومتعذب
_ احبچ احبچ بعد لا تبعدين عني ابد
خليت راسي على صدرة وغمضت
وهمست _
_ اني هم احبك
ضل يبوس براسي بوجهي واني غفيت نمت
بــيران ...✓
من اجة شهم فاجأني وكالي يومين
ونروح وصدك وفة بوعدة واخذنا اني
وليث
هو قرر ياخذنا لدهوك كال الاماكن هناك
لطيفة
واني ما اعترضت عسى ما ياخذني
يفرني بالفرع ارضى
كضينا الطريق اني وليث نايمين بس
ناكل ونرجع انام حتى شهم زعل
بالطريق لان نايمة
وردت ارضي بس نعسانة الطريق
ينعس
وصلنا بوقت متاخر وهو جان حاجز بالفندق
غرفة واني وليث جنا شبعانين نوم
ف هو انتقم من عدنا نام وخلانا ميتين
جوع ناكل بسكت
صارت بال2 باليل واني ماكدر انام انوب
متت من الجوع وليث نام
حاولت انام ما كدرت
زفرت بملل ودغيته بتذمر _
_ كووم شهم شهم شهم شهم شهم
ما رد عليه كعدت بصفه ومديت ايدي
فتحت جفون عيونه وكلت _
_ شهمممم
_ مممم
_ كووم شكو نايم كوم
دار وجهة لذيج الجهى ولا كانو جاي اكعد
بي طفرت من فوكاه لذيج الجهى
وكمت لازمة جتفه واهز بي
_ اكعد اكعد اكعد شوف من الشباك العالم
كلها طالعة خلي نطلع مو جايين نتونس
_ اشش عوفيني ما بية
_ شنو ما بيك لعدد شكو جايبني كوم
رجعني يلة ماريد ابقة هنا
_ مو امشي بكيف بريبرة انا شنو بومة انتي
تنامين الضهر وتضلين كاعدة اليل كله
عوفيني بحالي نعسان
_ ما يلة كوم جوعانة
ما جاوبني مغمض تذمرت وتمددت
فوك ضهرة اذب ثگلي كلة علية وكلت
_ ما اكوم اله تكوم انته
_ اي عفية ضهري يوجعني بعد بعد اخخخ
ذبيت ثگلي حيييل وهو ما كال اخ
درت نفسي وحضنته من ضهرة وكلت
_ كووم شوف هذولة من الشباك شلون
متونسين واحنا نايمين
_ لا تشعلين جدي بنص اليل كومي عني
_ ماا
_ خوش
كام فجأة خلاني اشهك واكع نام
فوكاية يباوعلي بعيون مورمات من النوم
_ انتي الي تحارشتي مو تكضينها اووي واوي
_ ترة جاي اكلك جوعانة !
_ اي خلي اعشيج
اجة يبوسني ما خليتة تذمرت خله وجهة برگبتي وذب ثگلة علية اختنكت وكلت
_ رااح امووت شهم
شال ثگلة مني يضحك عصر فكي بخفة
وهو يحرك وجهي _
_ مو توج تريدين تخنكيني
_ هو اني مثلك انتة بكد البغل
عصر فكي وكال ما راضي _
_ السانج يرادلة كص
_ ها ..اني من اكول هيج مو يعني غلطة
هيج كلمة عادية
_ شهل عذر الطايح حضة بعد اذا عدتيها
اكص السانج
_ تريد تضربني همم
كلت اتدلع واسوي بروحي كيوت كوة واني
خوت مو كيوت قلص عيونة
وتقرب باس خشمي بخفة وهمس
_ اكصة بس بطريقتي
حضنت ركبتة وضميت وجهي _
_ خليي نطلع
قهقة بخفة وكام عني تثاوب ومدد جسمة
_ ما ترهم هسة
_ ليشش
_ ليث نايم وماكو هواي اماكن هسة
مفتوحة
_ لعد جايين نكعد هنا
كرص خشمي حييل خلة روحي تشوغ
وكال كاز على سنونة _
_ لا تتموعين ترة ما ارحمج انا
_ اووف خلي انام احسن
نمت بصف ليث مغمضه بعصبية
هو اني صدك شكد مستخفة يعني
وصاير يعجبني اتدلع علية هواي هو
علمني والله مالي شغل
بس شكد هسة اني ابين ايع هسة
شيكول تصغر بنفسها خرب حضي
فتحت عيوني من نام وراية وحضني
خلة وجهة بركبتي وكال بصوت نعسان
_ لاحكين على الطلعة ومطولين هنا
لاخليج من الطلعات تكولين شهمم
احبسني مارييد اطلع
ضحكت بخفة بس ما جاوبت باس خدي وكال _
_ راح اجيب اكل من جوة المطعم مال
الفندق ما اتأخر وعد باجر نكضي اليوم
برة
_ عادي نبقة هنا بس لا تنام اني امل
كلت ونمت على ضهري اباوع الوجهة
الي كبالي ابتسم وكال بسخرية
_ لعد شيكول كلبك يا شهم تجرينها
9 ساعات نوم
_ لا تحجي هيج شهم مو..مو اني من العلاج
والسكر انام
_ امم خوش جذبة من اول ما شفتج
انتي تحبين النوم شدخل هاي
مديت ايدي العب بشواربة خوش علمني
نجمة وبتول على اسلوب يسرسح
الرجال هو اتدلع علية واتدلل
_ اني اشتاقلك واكول هيج انته اذا اشتاقيتلي
هم كعدني
لزم ايدي الي على شوارية باسها وتقرب
باس الدلعة من الفستان مالت النوم
الي لابسته وكال
_ ميهون علية اكعدج لا تسوين هيج بيراني
ما اتحمل هيج گلبي رجيج
حضنته حيل استنشق عطرة الطيب
الي صرت مدمنة علية بعد احم
بعد ماضي طبعا هه شكد متناقضة
جنت اكره عطرة وتلعب نفسي
منة بس هسة احس براحة مو طبيعية
من اشم العطر مالته
باس شعري وكال _
_ طلعيلي ملابس بين ما اغسل
هزيت راسي مبتسمة ضحكلي
وكام طب للحمام طلعت اله فانيلة
سمائية صيفية
وبنطلون
طلع بدل واخذ محفضته سألني شنو
اريد وصيته على بيتزا
وببسي وليث كتلة يحب الفنكر
عدلت شكلي شوية وكعدت ليث
بالكوة كتلة ابوك راح يجي
عدلت الجرباية وعزلت الملابس
بالكنتور الموجود بالغرفة
هيا غرفة جبيرة حيل بيها حمام وشباك
جبيير يعني بواجهة الغرفة شباك يطل
على المقابيلي كلة يجنن
والجرياية بصفة من الغرفة
وصفحه بيها تخم لونة نيلي وهيا الغرفة
بالتصميم الون النيلي
وبيها بلازمة وثلاجة صغيرة وهواي
اشياء
انفتح الباب وطب شهم بيده علاليك
اخذتهم منه وهو كعد وهاذا الحجي
راح تصير الفجر
كعدنا سوية اكلنا ونضحك ونتشاقة
من خلصت ضربلي الابرة مالت الانسولين
لان هواي اكلت اشياء مضرة اليوم
صلينا سوية الفجر ونمت على ايدة وليث
من ذيج الجهى
كعدني الصبح وجنت متحمسة
نطلع هواي
لبست شي خفيف لان حارة ولبست العباية
ما خليت هواي مكياج لان هيا حارة
ويموع بس شوية
شهم هم كشخ وليث وطلعنا اول ما تريكنا
بعدين طلعنا وأخذنا الاماكن تجنن
كلها بحر وشلالات والناس كومة
حتى صعدنا بالقارب والمي صافييي يجنن
ضليت النهار كله بس فاكة حلگي ومبتسمة
هو ميعوف ايدي منا الهنا
الاماكن تجنن والبحر والشاورع والناس
البيها رغم اغلبهم ما افتهم شيحجون
بس شهم يعرف يحجي وياهم
نكعد باماكن نرتاح ناكل ونرجع نفتر
لحد ما صارت باليل رجلية وكعن من التعب
وكتله نرجع
_ ها مو كلتي اريد اضل لليل مثلهم
_ نرتاح شوية ونرجع نطلع تعبت
ضحك وهز راسة رجعنا محملين اغراض
تعرفون بس هاي حلوة هاي الزينة
هاي البتول هاي ل امي هاي وهاي
يصيرن كومة
سبحت بسرعة وطلعت تعبانة بس احس
من سبحت راح التعب
هو لكيته مبدل ال ليث بعد ما سبح
قبلي
هو وليث كعدت بصفهم مادة رجلية
واكول
_ شفت البحر شلون يجنن
_ اممم
باوعلي وهو يدكم القميص النوم مالت ليث
_ نفس لون عيونچ وصفائهم
بلعت ريك بخجل والتفتت كدام
افرك برجلية ضحك
ليث فتح الايباد وراح للجرباية نام
اجه هو علية تقرب
وبعد شعري المبلل عن كتوفي
_ شلون طالعة هيج راح تتمرضين
لبست بس بنرص الحمام وطلعت
توترت من قربة مني وكلامة ونضراتة
كل ما يتقربلي احس مثل اول مرة
نفس الاحساس ونفس الخجل والتوتر
لزم خدي وقربني باس فگي بوسات
خلتني اغمض ايدة صارت
على خصري قربني اكثر
كلت لازمة ايدة
_ ش شهم ليث
تنهد وابتعد كوة مفتح عيونة كالي _
_ مشغول بالايباد خليني ابوس عوفيني
_ لا حباب ماريد شي ينرسم بعقلة وهو
طفل غلط هل شي
هز راسه وكال وهو قريب من وجهي
_ اعرف بس متاكد منه ميباوع
شوفي وين داير وجهة ومنغمس بالايباد
_ ميخالف ..خ خلي اروح امشط
_ همم شسوار بالحمام روحي اخذي راحتج
شكد ما تردين هو انتي تريدين تشردين
بس وين تشردين لاكفج لاكفج
شردت بسرعة گلبي يرجف بعد ما اخذت ملابس طبيت الحمام
وضحكت بخفة سشورت شعري
وسويت العناية الليلية مالتي
يعني طولت بالنص ساعة رشيت عطر
بعد ما بدلت قميص نوم زهري
حرير وباارد يجنن النوم بيه
فتحت الباب على كيف وطلعت ماكو كدامي
التفتت شفته متمدد على التخم
ومخلي ليث على صدرة وليث نايم
بلعت ريك
ورحت شربت مي اباوع علية بطرف عيني
كام غطة ليث واجاني ذبيت الكلاص
وخليت ادية كدامي ك دفاع _
_ شتريد ؟.
_ شنو
_ ليش نومت ليث ترة اريد انام يلة روح
نام
_ اي انا هم اريد انام يلة تعالي انام
_ ها
راح للجرباية تمدد بلعت ريك ورحت للجرباية
اباوع بشك تمددت بصفة
بعدني ما متغطية صار فوكاية شهكت
_ ها تجذب ؟
_ لعد صارلي ساعة انوم بليث دا تنامين
_ ا اني نعسانة
_ انا هم
همس وخلة وجهة بركبتي غمضت عيوني
لا اراديأ وكلت _
_ شهمم هيا كل ساع ك كافي
_ امممم
رفعت ايدي خليتها على شعرة من حسته
توقف دائما من خجلي اوقفة
واحس بي يخاف يزعجني ادري بلهفته
وشكد يحب يلمسني بس
المشكلة بيه ما صار شهرين
من تم زواجنا ولسة ما متعودة اخجل
مو بيدي
واخاف ينزعج من رفضي هاذا ف دائما
احاول اتغلب على خجلي
وابادلة نفس حبة ولمساته
_ شهم
رفع راسة مني رگبتي قريب وجهي وكال _
_ هممم
نزلت ايدي من شعرة على خدة حركت جف
ايدي بنعومة وكلت _
_ ضجت مني ؟
_ من شنو
بلعت ريك ورمشت عدة مرات وتنهدت
_ ل لان مرات ابعدك عني ؟
صفن بوجهي وابتسم بخفة وكال _
_ اچذب اذا كتلج لا بس المهم ادري بيج
تريديني مثل ما اريدج انتي بس
تخجلين
_ امم اني ما اكره لمسك الي صدگني
ب بس احس لسة ما متعودة
_ ما ضجت منج حبيبي
_ ل لعد ل ليش و وكفت
_ وكفت شنو
ضربت جتفة بخفة بخجل وغضب _
_ لا تسوي نفسك ما مفتهمم شهم
ضحك ولزم فگي بخفة عصرة وكال _
_ حبيبي انتي مشتهية ومستحية خوب كولي اريدك وخلص
_ اوووف وخر وخر صوجي اني ضايجة عليك
دفعته عني وهو شمر نفسة على الجرباية
يضحك من كل گلبة كمت ابعد بشعري
واتنفس بعصبية
واحس بخجل واحراج مو طبيعي
_ ماكو شي يضحك على فكرة
باوع وارتجى على ذراعة وكال _
_ تعاي بحضني طبي يلة
_ ما
چان رافع ايدة الثانية خزرني وكال _
_ يلة
_ ما شنو كوة يله اريد انام روح جيب ليث
_ وج اخخخ يهل عنااااد
جرني غصب وقرصني قرص بحضنه
لزم فكي عصرة وباس شفتي
وخرت ايدة منزعجة
_ كل ساع ولزمت فكي هيج شنو خاف تعودت
على قبل ؟
_ ههههههه من الزمج هيج شفتج تصير
على استعداد للشفط
_ اضوج منها هل حركة لا تسويها
رجع كررها وباسني باوعت عليه ضايجة
ابتسملي ساكت ارخيت راسي على
صدره وكلت
_ شوشو
_ شوشووو
_ شنو
_ منو شوشو ولج
_ دا ادلعك شبيك
_ تدلعيني شوشو تدرين شتخسلت نفسي من كتيلي شوشو
_ شتخيلت ؟
_ خليتي ساكت احسن بعد لا تكليلي قندرة
_ محشوم شوشو حبيبي
خزرني ضحكت حيل وكرصت خدة _
_ حبيبيي شوشووو
_ بيرااان
_ ها شوشو
عض حنجي حيل خلاني اكمز صحت بوجع
وضربته بخفة _
_ هااي ليش
_ لا تكولين نعال شنو زربان
_ هسة شفتهمت اني ؟
_ تعاي ارجعي
زفرت بغضب ورجعت راسي لحضنة انكلب
على صفحته حاضني حيل ويبوس
بركبتي وجهي
واني ضايجة وسويت زعلة
_ وخر بعد ما اريدك يلة
_ اوي
كال يسخر من طريقة كلامي زين واذا
تدلعت شنو يعني عود ليش يضوجون
من البنية الي تدلع هو الدلع المن خلق غير
للبنية اذا ما تدلعنا احنا منو يتلع ابوي ؟
_ يلة لعد اذا ما عاجبتك لا تبوس بيه يله
_ شنو يله شنوو اليوم املخجج
لزم فكي حيل ويبوس بوجهي حيل خنكني
اريد اجر النفس ماكو صحت مفرفحه
روحي
_ شهمممم رراح امووت شبييك
ابتعد يضحك علية كمت اتنفس حيل
ولازمه وجهي شوارية جككن وجهي تجكك
كام وجهي يحركني
اجيت انزل من الجرباية رجعني يضحك
_ يلة يلة اسفين اسفين
_ اريد ابرد وجهي كام يحركني
وخر اديه من وجهي ومسح على خدودي بهدوء
تقرب باسهم بخفه وكال
_ اكزكز عليج ما اسيطر
ضل يباوعلي بس بلعت ريك ودفعته على
الجرباية ونمت بحضنه _
_ خلي انام
_ بت الحلو شلون دفعيني هيج ؟
_ اشش اسكت شوشو
صحت حيل من كرصني وكال
_ لا تكولين قندرة
_ اني ما كايلة قندرة
_ شحدج تكولين
_ اي ما كايلة جاي اكول شوشو
_ كولي قندرة ولا تكولين شوشو
_ يابة شبيك والله حلو الدلع
_ هسة شنو
_ شنو
_ نضل نحجي ؟
_ لعد شنسوي
_ نباشر
_ اشش خلي نحجي شوشو
_ استغفر الله
_ ممكن اسألك ؟
_ يلة
_ شوف انته مو خليت ليث باسمي يعني
اني هسة صرت امة بس من رحنا
كطعنا مهر ليث عمرة اربعة لو ثلاثة مادري
المهم مو يعني راح يرجع عمرة صغير
بالوقت الي تزوجنا بي يعني كطعنا مهر بي
_ هممم
_ لعد شلون راح يسجل بالمدرسة ؟
_ حليتها لا تفكرين بيها
_ شلون ؟
_ بطريقتي
_ قصدك بفلوسي
_ هههه
_ شهم لا ترشي بالعالم هيج مو حلو
_ شسوي لعد
_ انته ليش سجلته باسمي
تنهد يبعد خصلات شعري ورة اذني _
_ ما ردت ليث يكبر ويحس نفسة مختلف
عن اخوته اريدج امهم كلهم ماريد يتذكر
قندرة لا بجنسية ولا بذكرة
_ اخوته ؟
_ هممم
_ منيله اخوان
_ هسة نسوي
_ اسكت ..زين شهم
_ غير تفضها
_ شوف هو سؤال تافه بس يدك
براسي
_ اي باله
_ ليش عود من تصير مشكلة بين الزوج
وزوجته وتكله طلكني رغم هيا واثقه
من قرارها وصرة بس هو ميسوي مثلها
ضحك بخفة يباوعلي _
_ لان ندري بيجن تختلفن بسرعة
_ شلون
_ هيا المراة تريد الي يتمسك بيها اي مشكلة
تصير ما عدها غير هل طلب حتى
تثبت نفسها اله وتهدده بنضرها بس هو
الرجال يدري بيها وحافضها بس مو الكل
_ شلون مو الكل
_ اكو زلم ميفتهمون اذا هيا عصبت
وكالت طلكني اخليها تهدئ أراضيها
ما اعاندها واطلكها انا هم واخرب الاول
والتالي
_ هممم
.
.
تقرب مني يبوس بيه سيطرت على رجفتي والخجل وبادلته البوسة ..الامسات ...الحب
الشغف كل مرة يتقربلي احس وكانه اول
مرة يلمسني ...
.
.
.
_ حمامتي
_ هممم
_ باجر راح اوديج مكان يفز گلبج عليه
_ هممم
_ شبيج
_ لا
_ هههه شبسرعة تنامين ؟
شبكته بس اريد انام عيوني كوة تنفتح
غفيت بسرعة وهو ضل يضحك ويبوس
بوجهي ....
كعدت الصبح وسبحت وكعدته كوة حتى نروح
للمكان الي كال علية
نزلنا تريكنا جوة ورحنا ثلاثتنا
شكد لحيت وين مودينا بس يكلي مكان
يفز گلبج عليه
وصلنا لمثل المنتجع او هو منتجع طبينا
جان يجنن يجنن كلشي بي حلو استقبلونا
ثنين رجال ومراة
يرشدونا جان يجنن كلشي بي
تجولنا بيه ومن صدك تونست وفز گلبي
علية اخر شي المراة اخذت ليث وكالت بابتسامة
_ اخذو راحتكم
عقدت حواجبي باستغراب وكلت
_ وين ماخذة ليث ؟
شهم _ عوفي تعالي وياي
_ بس
_ اعرفهم واثق بيهم راح يروح يلعب مو بابا
ليث _ ابيي الألعاب بلله
ما رضيت نعوف ليث وكلت _
_ وين ماخذني جيبة ويانة
_ مو گلبه ميتحمل الفزه مثلج
_ ليش مو هو هاذا الي فز گلبي عليه ؟
_ لا لا امشي غير شيي
جر ايدي ومشينا سويا استغربت فتحولنا
غرفة جبيييرة بس شنو تجنن تجنن
گبالها شباك جبيير ويطل على مسبح
خاص يعني افتريت بالغرفة
بدهشة
_ عزا شهم يجنن والله
باوعت علية مبتسم جر ايدي ورحنا كدام الشباك اكو كنبايتين مثل الجرباية
كدام كالي
_ اكعدي
كعدت بحماس ومددت رجلية كعد بصفي
ومدد هم جر الغطة على رجلية
وكال
_ لمي نفسج شوية راح يطبون
_ منوو
تغطيت زين هو يبتسم بلعت ريك وكلت
_ منو همه شهم
لزم ايدي حيل وكال _
_ بيران لا تخزيني مو تسوينها سالفة مو
_ شكو عليك الله راح ابچي
صاح بصوته العالي
_ طبوو
راقبت الباب بحرص شديد وگلبي يدك
انفتح الباب وطب رجال لازم حبل
بيده
ما افتفسرت هواي لان حسيت الدم
تجمد من شفته يجر اسد
اسد ضخم ويخوف
كمت اريد احجي ماكدر ايد شهم لزمتها بكل
قوتي وامتمت وهو يضحك ونايم
براحة وماد ايده يصيح لل اسدددد
استفقت من صدمتي من تقرب الاسد
صرخت كل قوتي وطفرت
باوعلي بصدمة
ولزمني
واني كمت اريد بس اشرد واصيح
_ ولك شهم ولك شهمم راح ياكلنيييي
_ ولج اكعدي ولج اكعدي
_ ولجج يممه ترييد تموتنييي عووف ايدي خلي اشردد
اباوع على العمال انتهو من الضحك وشهم
يريد يلزمني تصركعت كل نضري على
الاسد شلون سنونه كبار شلون
صافن علية عبالك يريد يهجم
كمت ارجف وابجي واصيح خزرني حيل
وكال
_ اكعدي ولج ما يسوي شي عيب منا العالم
_ شهم شهم گلبي راح يوكف والقران
بعد ما اتحمل
_ بس باوعي علية كلشي ميسوي فقير
_ يااا فقيير شووف سنونه
راد قنع بيه انوب يريدني الزمه فوكاها
من شافني كمت ابجي وارجف وردت
صدك يغمى علية كاللهم طلعو
جنت مجلبة بقميصة حيل
وضامة وجهي ورة
ضهره
طلعو وسدو الباب كال _
_ ن***
وخرت عنه وضرب ضهره ابجي وامسح
بوجهي
_ هيا هياي مفاجأة ؟ فجعتني مو مفاجأة
_ طاح حضج من البارحة وصيت يجيبونه وهسة يله وصل وهيج سويتي
_ شهم ترة هاذا اسد منيلك منيلك گلبي راح يكع
جنت لازمه قميصة بعصبية لزم اديه
وبعدهم وكال _
_ مو كتلج محضرلج شي يفز گلبج عليه
_ گلبي وكع موو فزز منيلك هاذا ؟؟
رجع متسطح بمكانه براحة واديه جوة راسة
_ اشتريته
_ شتسووي بي والله فايخ انته
رفع حاجبة يباوعلي واني لسة گلبي
يدك سريع كلت بمرطمة
_ وكعت گلبي ردت اموت ليث وين
_ جاي يلعب برة
تنهدت ورجعت نمت بصفة بعدني ما
حاجية شهكت بفزع من صار فوكاية
ركبة منا ومنا واديه ساندهم
وجهة قريب مني
_ ما تشوفينها فرصة حلوة نستغلها
خليت اديه على صدره ونفيت براسي _
_ لا ابدد مو حلوة
ابتسم بخفة نضراته تريد تخترق وجهي
نزل راسه باس عيني تلقائا غمضت
باس الثانية وتنهد وهمس
_ احبچ شلون بيه
فتحت عيوني بتردد والخجل سيطر علية
بلعت ريك وكلت
_ اني هم
_ صدك
_ والله
_ شنو
_ اني هم احبك
تقرب عض خدي بخفة وباسه يكول كاز على سنونة
_ اروووح فدوة لليحبنيي
رفع راسة مني ومد ايده ينزع الحجاب كلت
_ خاف يطبون
_ محد يطب ما راح نطلع
_ ها ؟ شلون
_ حجزت هاذا الجناح النه
_ الله صدك
شمر الحجاب ليغاد وتقرب خله وجهة برگبتي
وتنهد براحة رفعت اديه
لزمت قميصه من خصره بدون وعي
چان يبوس رگبتي بطريقة ...مغرية
رفع راسة مني باوعت عليه ساكته بس
وارمش عقد حواجبه وكال بحدة _
_ لا تباوعين علية هيج ..لج ما ارحمج
گال هيج ولزم فكي واخذ شفايفي حيل
غمضت عيوني متوجعة حتى احتاريت
شسوي
استمر يبوس لحد ما حسيت توجعت
من صدك ضربت جتفه
ضربة ضربتين يله وخر
لزمت شفتي بوجع وباوعت على اصبعي
كله دم كلت واني عاقدة حواجبي _
_ هاي ليش وجعتني
جان يتنفس حيل يم وجهي غمض عيونه
وبلع ريك وخر ايدي
ومسح شفايفي بيده طبع بوسة خفيفة وكال
_ اسف ماكدر اسيطر
انكلب على ضهرة بمكانة ولزم ذراعي جرني
الصدرة خله نص جسمي على
صدره خليت راسي على گلبة
اسمع الحفلة الي جاي دك
_ شهم گلبك
_ شبيه
_ يدك سريع
_ شلون ميدك
_ شهم ليش تحبني ؟
باوعلي بس ضليت انتضر الجواب
لزم خصري اكثر ورفعني على جسمة
خلاني فوكاه
بلعت ريك وكلت
_ شكاعد تسوي
لزم رجلية وصرت كاعدة على بطنة رجف
داخلي وبلعت ريك اني ما متعودة هيج
ابد حاولت انزل ما خلاني ضغط
على افخاذي وكال
_ خليچ
_ شهم حباب وخر عيب
_ سألتني ليش احبچ ؟
هزيت راسي چان لازم اديه ثنين شابكهم
باديه كال وهو صافن بوجهي
_ كل يوم اسأل نفسي هل سؤال وكل مرة
يكون الجواب لانچ انتي حبيتج
_ شلون
_ مادري كل الي اعرفة انو انا احب كل شبر
بيج
ابتسمت بخجل ودنكت سحبني من اديه
صرت قريبة وجهة كال
_ وانتي ؟
_ ش شنو
_ ليش حبيتيني
_ مادري
_ شنو ما تدرين
_ مادري هو اني هيج فجأة كمت احبك
وهيج هم مادري شلون حبيتك عاد اني
كيوت انحب انته ما تنجرع
فتح عيونه بصدمة جان متوقع مني غزل
ضحكت من كل گلبي جان يباوعلي
بانزعاج
دفعني عنه وكعت بصفة اضحك كمت
كاعدة بصفة وكلت
_ هههههه شبيك زعلت
ما باوعلي تجاهلني زميت شفتي
وترددت ارجع لمكاني بس يا اخي ميرضى
اله بهل سوالف
رجعت كعدت على بطنة باوعلي بسخرية
تقربت لزمت خده بيدي وبست خدة وكلت
_ اتشاقة وياك ... اني حبيتك لان حنين
صح اول بداية بسبب المشاكل جنت قاسي
بس خليتني احبك غصب عني رغم
جنت اكرهك بس لان جنت تهتم هواي بيه
الاهتمام والحب والحنية الي قدمتهم الي
وكعني الك
واحبك لان انته صريح ما تخدع
واحبك هسة بدون تكلفة
راقبت ملامحة ذبلت بكلامي وبقربي منة
مرات اتعجب من حب شهم الكبير
الي اني اعترف اني احبة وهواي هم
بس هو يحبني أكثر يحبني بطريقة تخليني
احس بنفسي مقصرة ويا
وافكر مرات هاي اني بيران التافه هيج
صرت عند احد عزيزة وعندي احد
يعشقني لهل درجة
ادري بي شكد يفرح من ابادر اني بالتقرب
يحب يبوسني ويلمسني بس احس من
ابوس اني او ابادر يفرح اكثر
وحتى هسة ينتضر اني الي ابادر
وما قصرت
غمضت عيوني وتقربت من شفايفة
حسيت بجسمة ارتخى وحاوطني بذراعة
وايدة الثانية لزمت رگبتي
وتعمق حيل بالبوسة
ابتعد يتنفس حيل يباوعلي بعيون
ذبلانة باوعت بعيونة
لمني حيل لحضنه ساكت اني هم
سكتت مرتاحة
لحضنة كمت ما احس بالراحة والامان
اله بحضنه
لحد ما كرهت الصمت رفعت راسي شوية
من صدره وكلت
_ جوعانة
_ شتريدين اطلبلج
كال وهو يعدل شعري الي صار على وجهي
فكرت وكلت
_ اممم اريد اريد بيتزا وفنكر
_ هو هاذا اكل خلي اطلبلج هبيط مندي باچة
_ لا لا اريد بيتزا وفنكر وببسي وليث
_ ماكو اكلة اسمها ليث اعذريني
_ رووح جيبة گلبي ما مرتاح هيج
تنهد بثقل ابتعدت عنه وهو كام ضليت
كاعدة مبتسمة كالي _
_ هسة اجي لا تطلعين وحدج
_ ماشي
كرص خدي وباس اصابيعة وراح
نمت بمكانه ولزمت گلبي مبتسمة
والله الحب حلو ههه
نزعت البوت جنت لابسة بنطلون وتيشيرت
طويل شوية لان لابسة عباية فوكاهن عادي
تجولت بالغرفة كلشي بيها فتحت
الباب مالت الشباك الجبير اباوع
المسبح بذهول يجنن
سمعت الباب نفتح رحت شفت شهم
وليث وليث شايل بيده نفاخة جبيرة
على شكل دب
اجة يشوفني ويحجيلي كعدنا
ناكل كلت لشهم
_ شهم لعد واغراضنه شلون
_ هسة يجيبوهن
_ ها ماشي
كملنا اكل صلينا سوية وشوية وجابو
الجنط بدلت ملابسي لبس مريح
هو هم بدل وليث بدلت ملابسة اليوم هواي
فترينا وبعد ما نطلع اليوم نرتاح
خابرنا الاهل نتطمن ونحجي ونضحك
صار اليل هم بعد ما تعشينا وخلصنا ليث
نام واني تصورت جم صورة وادز
لبتول وزينة
فتحت الشباك وطلعت اشوف المسبح
كعدت قريب اتلمس المي ومبتسمة
فزيت من صوت شهم وراية كال
_ عجبج
_ اي كلش يجنن شلون المي هيج دافي ؟
_ تريدين تسبحين
_ ها
كعد بصفي رافع حاجبة _
_ نسبح
_ خاف اغرگ
_ الزمج
_ ها ..لا لا بس اباوع ماريد
_ متأكدة
_ اي
_ لعد راح انزل اسبح انا ضلي باوعي وتحسري
كعدت وخليت رجلية بالمي جنت لابسة
فستان نوم قصير صاير تعلاكة
ما بي ردان لونه سمائي ما احب
البس هاي السيتات مالت النوم الي
تصير مدري شلونها حصر وضيقة لا
احب هيج شي حرير ارتاح بي
نزع فانيلته والبجامة وطب للمسبح
ضليت اباوع بس
طلع راسة من المسبح وكال
_ شعورر مرييح انصحج چيتي
_ لا بس اباوع
ضل هو بالمي يسبح لو يرش علية مي
واني بس العب برجلية بالمي
غطس بالمي قريب مني كلت
_ مو تغرگ ترة ما انقذك ما اعرف ...
قطع كلامي وصرخت حيل بفزع من انجرت
رجلية الي جوة المي بسرعة وصرت
بالمي غطست جوة بالمي كمت ارفس
اباوع علية يمي جوة المي تشبكت بي
بخوف رفعنا فوك شهكت حيل
اخذ نفس وامسح بوجهي
_ هااي ليش هااي ليشش موتتني وكعتت كلبييي
_ اريدج وياي شنو
_ بس مو هييج شهم مو هييج ليش دائما
هيج گلبي راح يوگف من وراك
_ هههه جري نفس جرري
جلبت بيه زين خاف اكع هو هم محاوطني
بذراعه كام يسبح برجليه
واني وياه كالي
_ ترة مو شط مسبح مو غميج ذبي رجليج
مجلبتهم بطني
_ اغرگ اغرگ
_ بس ذبي رجليج وشوفي لازمج
_ شهمم
لزم رجليه وبتردد ارخيت جسمي صارن رجلية
طايفات بالمي هو صحيح شعور حلو بس
يخوف
_ شهم لا تعوفني
_ ما عايفج ها لازمج
من تعودت كمت احرك رجلية بالمي بس
شنو مچلبة بركبته تجلب
_ الله المي دافي شهم يجنن والله
اخذت مي بيده وذبيت على وجهة اضحك _
_ شووف حلو
جان بس مبتسم الي ايدي الي على وجهة
لزمها وباسها نزلتها على كتفه اباوع علية
كالي
_ اعوفج تسبحين ؟
تمسكت بيه بخوف انفي براسي _
_ لا لا فدوة شوف شلون رجلية طايفات فوك
غميج المي
_ جربي
_ لاا
_ بس عوفي رگبتي خنكتينيي
بلعت ريك وخليت اديه على كتوفه متمسكه
بيهن حسيته ارخى ذراعة من خصري كلت بخوف
_ شهمم
_ عيونة شبيج لا تخافين ما اخليج تغرگين
_ اخاف
_ ثقي بيه بس وارخي جسمج
بلعت ريك بخوف من ترك خصري نسحب
جسمي جوة جلبت ب كتوفه
بس لزم اديه وخرهم غطس
وجهي تلقائيا بالمي كمت اتلخبط بخوف
غطس يمي جوة المي جلبت بي
حضنته حيل وحاوطته برجلية خايفة
رفعني فوك المي اخذت نفس حييل
اشهك كلت بعصبية _
_ طلعني شهم ماريد اسبح طلعني
سكتت فجأة ببوسته المفاجئة خفت لا
اكع من جديد حاوطت ركبته مغمضه
تعمق بالبوسة هواي
حسيت نفسي اختنكت ابتعدت شوية اتنفس
وهو هم كلت وسط ما اتنفس
_ وقتها ؟
_ كلشش وقتها تعاي
رجع يبوسني حيل غمضت مستسلمة
وبادلته البوسة فتحت عيوني من
حسيته يمشي ويطلعنا من المسبح
ما انطاني مجال حتى اسأل ضل حاملني
بيده وطب الغرفة
كطعت البوسة اني وكلت الهث
_ شهم ...
_ اششش
نزلني على الجرباية وطفة الضوة رجع
علية كلت بصوت ناصي _
_ م ملابسي مببلة
_ ميخالف
سكتني بالبوسة غمضت عيوني مستسلمة
وگلبي ينبض حيل وصراصير
تلعب بمعدتي ....
نـجمة ..✓
خليت بنتي رقية بالكاروك مبتسمة
شكد احب جهالي ومستحيل افرق بينهم
بس هاي بالذات غيرت اسمها من الاول عود بنين بس بعدين ثبتنا على رقية
جانت مستحيلة الي كل الدكاترة الي
شفتهم كالو لو انتي لو الاطفال لسة ما
متخطية فقدان ابني بس الحمدلله
الي عوضني برقية وما عاقبني
بستها بخفة وهمست
_ يا روح امج
كمت بهدوء ويا ما كمت طب رائد للغرفة
توه راجع من الشغل باوع للجهال نايمين
كلهم همس
_ حرامات جبتلهم نمنميات
_ نطيني ياهن الي
ضحك بخفة وانطاني العلاكة رحت علية
بست شفايفة بخفة وكلت
_ جنت انتضرك
حاوط خصري بيده وحضني لصدرة وكال
_ ليش تعبين نفسج الجهال كافيين
_ شلون انام وعمو رائد برة ههه
_ عمو هههه من زمان ما سامعها
_ اسبح بين ما احميلك العشة
هز راسه التعب واضح بعيونه رحت
للمطبخ
هل راحة بگلبي والاطمئنان جانت
غايبة عني لوقت طويل
وقت جنت بي احس نفسي مذنبة
السبب بفراق شخصين
تعذبت هواي بذيج الفعلة الي فعلتها
وتعاقبت هواي سواء صحتي زوجي اطفالي
نفسيتي
كلهم حسيت نفسي تعاقبت بيهم
اولا من تراجعت علاقتي ب رائد ووصلت
للمحك مادري شلون اصلا تحملني
ذيج الفترة جنت بس اريد انفصل
بدون سبب
ومن انمسيت ذيج المرة من جنت حامل
بابني الثاني
صحيح رجعت للبيت وهو الي رجعني بس
حسيني بذنبي هواي
تجاهلني بطريقة توجع
حتى كام ينام بالستقبال عذبني هواي
وتعذبت يله تعدلت نفسيتي وخرجت
من اكتأبي
ورضيته كوة
والثاني بصحتي من هواي تمرضت هل
فترة هواي كل شوية علة جديدة
وخصوصا بحملي
اني جنت ادري بنفسي تسرعت من حبلت
بسرعة ورة ابني بس ..
جنت اريد اعوضه ل رائد ادري بي
يحب الاطفال هواي يحبهم
ودائما تكلي عمتي هو جبير ويريد ولد
وتغاضيت عن صحتي وحملت رغم هو فرح
هواي وطار بس هم خاف علية وكالي
هاي اخر مرة
هواي تعذبت من كالولي حملج صعب وخطير
والي تدمر اكثر مني رائد
جان ما ينقهر كدامي بس من انام
افز علية لازم ايدي ويبجي
يبجي بصمت ويخاف اكعد هاذا الشي
كفيل من انو يدمرني
يموتني شلون اعوفهم واموت هيج شلون
اطفالي صغار شلون راح يعيشون بدون
ام هيج جنت افكر
بس الحمد لله الله رب العالمين باوع
لحالي وما فرقني عنهم
توني خلصت حسيته حضني من ورة حيل
واشتم ركبتي ابتسمت بخفة
وكلت
_ ها عمري
_ اشتايقتلج
_ اني هم يروحي ...اسفة جاي انشغل هواي
عنك من ورة الجهال و ..
_ اشش لا تبررين ادري مو اعمى اني
ابتسمت شال الصينية هوة عني
لحكته كعدت بصفة متعودة ما اتعشى انتضره
ومتعشة سوية
وكلني بيده وهو هم ياكل
شلت الصينية وسويت جاي شربنا
ورحنا للغرفة نام هو بمكانه واني
رحت بس تعطرت وفتحت شعري
رحت طبيت بحضنه وبست صدرة متنهدة
براحة كلت بابتسامة
_ رائد نروح الجمعة نخرم اذان رقية
ونجيبلها ذهب
_ هههه بعدها زقجة
_ ميخالف اريدها تكبر بسرعة اريد
اسويلها ستوتات والبسها بدله
باس كصتي يضحك ويكول
_ لو شكبرك صيرين تبقين زعطوطة وسوالفج
تضحك
_ شكايلة ؟ ترة صرت مراة اني ام علي
_ على راسي ام علي
ابتسمت ضلينا نحجي بمواضيع
تخصنا نضحك ونحجي لحد ما نمنا
هيج كضيت حياتي ويا رائد لحد هل
وقت
حبني احترمني عوضني
حب كل حياتي رائد الي ما تخلى عني
باصعب المواقف اثبتلي حبه وحرصة الي
بعد شعور ذنب وقهر اخيرا تحررت
اني اعترف غلطانة ومتسرعة جنت
غبية انضحك علية
وانصحكم لا تتصرفون بتسرع
فكرو كلش زين قبل لا تسوون اي شي
بتصرف واحد غبي يمكن
تخسر كلشي عندك ف احذرو
ويله باااي ✓✓
بيران ...✓
كضينا اسعد ايام حياتنا هنا حسيت نفسي
صدك بشهر عسلي الي ما عشته من
قبل
كل شي بهل اجازة يجنن حرفيا كلشي
وما بقة غير يومين ونرجع
لمحافضتنا وبيتنا
جنا كاعدين يم المسبح نشرب عصير
ثلاثتنا شكلنا يضحك اني وليث
لابسين نضارات وقبعات شهم
اشتراهم النه
ومرتجين عبالك ملوك وشهم كاعد بلا اهتمام
يتصفح موبايله واني وليث
نحجي نحجي نحجي نحجي مادري
اي شي يجي بحلكنا نحجي
ونضحك
لحد ما نتر بينا شهم
_ بسس كافييي خلييي اسمع البصمة كافيي
فزيت اني وليث نباوع علية خزرنا
سكتنا عاقلين دز هوة بصمة مالت شغل
ليث خله ايده على حلكة يضحك ويهمس
_ بابا يحوف
_ اي والله صدك لا هاذا مضغوط من عدنا لان احله منه
_ اني احله من بابا بابا مو حلوو اييع
ضحكت مخليه ايدي على حلكي خزرنا شهم
شربت عصير بعدم اهتمام وليث
عاف العصير
وطب للغرفة يلعب
تقرب من شهم اباوع للموبايل مالته بفضول
باوعلي شوية ورجع يكتب ما مهتم
مليت من اقرة رسايله مو حلوات
مملات
ارتجيت براسي على ذراعة اشرب
عصير بالگصبة واباوع للمسبح
انوب اباوع للموبايل انوب اباوع لرجلية
للو للمسبح ملل
باوعت على الكلاص هاذا ميخلص
وين اودي
باوعت الشهم قربت الگصبه من حلكة
_ اشرب
_ ماريد
جان منشغل يكتب سريع رجعت الح _
_ اشرب هاك طيب
_ ماريد عيني ايدج خلي اشووف
رفعت كتوفي بعدم اهتمام وكلت قبل
لا ارجع اشرب عصير _
_ بكيفك ...تتنكس مني ههه
ضليت العب برجلية واشرب ما انتهبت علية
يباوع علية اله من التفتت جان عاقد
حواجبة باستغرب بلعت العصير وكلت
_ شبيك
_ اتنكس منج ؟
_ لعد ليش متشرب
_ النهار كله امطك بحلكج ما تلعب نفسي ؟
ضربت جتفه بخجل ودرت وجهي
جر وجهي اله وباس شفايفي حييل
وخر وكال
_ لو اتنكس منج ما ابوسج هيج بس
هذوله *** اميي بغبائهمم
_ ل لا تفشر شبيك رجعت للفشار
_ استغفر الله
رجع يراسل وهو مرتجي على الكنباية
وراه رجعت مقربتله العصير وكلت
_ اشرب لعد
تنهد بقله خيله وشرب شفط العصير
كلله هو جان بي شوية باوعلي
بخبث
_ شربته كله بعد شتشربين
ذبيت الكلاص بعدم اهتمام وكلت
_ هو اريد اخلص منه
_ مزبله عندج ؟
_ لا محشوم
هو يريد يطنكر بس مشغول رجع
يراسل لبست النضارة زين
ونمت على فخذة مغمضه
استمتع بالصيف هههه
اجة ليث صعد شوية خبث وراجع للغرفة
حسيت باسترخاء
من غلغل اصابيعه بشعري يحركهم
ببطئ احب هل حركة هواي
_ نمتي ؟
_ همم لا مسترخية
_ مسترخية اوي دكومي نامي جوة راح
تصيرين زرگة من الشمس
_ بالفي اني وين بالشمس ما تشوف
البرودة حلوووة
دز بصمة اخيرة رزاله وطردة وشمر
الموبايل معصب وكال
_ وين ما اروح ما اخلص منهم ...تعاي انتي
جرني من ذراعي ونومني على صدرة
شبكته باديه كالي
_ عكب باجر نروح وين تريدين نطلع اخر مرة
_ مادري بكيفك
_ ختمتلج كل الاماكن وين اوديج بعد
_ نتمشى بس
_ خوش
باوعلي منزعج ونزع النضارة وشمرها
وكال
_ شهل مضرطة
_ دا استمتع بالصيف!
_ استمتعي بيه احسن افيدج
_ انته صاير فد نوب هواي منطيتك مجال
كافي يله
_ ههههه مطيتني مجال الفاهية
_ لا تكولي الفاهية هل فاهية ساحلتك بعيونها
ضيق عيونه وعصر فكي _
_ انغريتي هواي بسببي
_ هههه اتشاقه
_ حقج تنغريت حقج
تنهد وسكت حاضني مر وقت وليث
يم الشباك يلعب بالعاب ويحجي
وياهم عود يتعاركون
باوعت عليه صافن خليت ايدي على خدة
وكلت
_ شبيك عمري
_ ما بيه
_ احد ضوجك
_ جؤؤ تذكرت الماضي بس ردت افقد عقلي
تنهدت ساكته رفعت نفسي بست
فخدة وكلت
_ لا تفكر بالماضي خليك هنا بالحاضر يمي
لزم ايدي باسها مبتسم وكال
_ لو ما انتي فاقد اخر ذرة بعقلي ...تتذكرين
اول ما صارت المشكلة
_ هممم
_ من فهمت عنج غلط جنت بداخلي
غصب مكبوح مادري شصارلي كمت
اتصرف واتخيل اشياء مو طبيعتي
وجنت اكدر اعوف هذيج المهمة وما اغيب سنة
بس ...
_ شنو
_ دريت بنفسي مو صاحي
سكتت مقهورة كمل وهو يباوع
علية بهدوء _
_ للاسف انتي جنتي كدامي صبيت
بيج غضب ما الج ذنب بي وتاكدت
من نفسي بذيج المرة
_ ياهي ؟
_ قبل لا اروح تتذكرين من ...ضربت ايدج
_ اممم
_ ما جنت اصلا مخطط اضربج مادري شصارلي انرسم بعقلي انو كل مراة
نفسهن محد بريئة كلهن يستاهلن عقلب
مادري عقلي شبي
ولاول مرة بعمري من ضربتج ج جنت
احس بلذة لذة مادري شنو سببها
من ضربتج تخيلتج غيد تخيلتج ميار
ما صحيت على نفسي بس من اغمى عليج
وقتها انصدمت
انصدمت بنفسي وبيدي الي شايلة الصوندة
وبشكلج
ضليت مصدوم فترة اباوع عليج وما
مصدك
يجوز ما راح تصدگيني بس بجيت
بجيت بطريقة ضعيفة من سويت هيج
بجيت من ضعفي لهل شعور المقرف الي
صارلي ليش تلذذت بالضرب
خفت لا تطلعلي سالفه جديدة
ورغم جنت فاهم عنج غلط بس
ما رضيت بالي سويته
ورحت قبلها بفترة جنت مخطط ما اروح
اكلف احد غيري وابقة حتى اغثج بس
دريت اذه بقيت راح تكونين ضحية
وراح أذيج هواي
حاولت اعالج نفسي بوقت ضيق بمهمتي
جنت اراسل دكتور نفسي
سعادني شوية جنت اكره شعوري تجاه
النساء هواي انرسمت فكرة بعقلي
محد بيهم بريئة
جنت اضن تشافيت بس من رجعت
كلشي حواليا يذكرني كلشي كل
ما اريد اخفف وياج الكه نفسي
قاسي اكثر
بس من دخلتي بغيبوبة بسببي وقتها
صحيت على زماني
ورحت شخصيأ لطبيب نفسي
وساعدني هواي
شوية شوية ساعدني شلون اتحكم
باعصابي شلون انسى الماضي
جنت مقرر من صدك انسى كلشي وابدي
من جديد وياج لان ورغم شعور الحقد
وقتها حبيتج
وما اكدر اوصفلج شعوري من
من عرفت انتي صدك كالج علاقة
شنو شعور الذنب الي ينهش گلبي وروحي
بنفس الوقت جنت فرحان لان
ما خنتيني بس عرفت اذا عرفتي راح
تتركيني ف
اوقعتك بحبي ههههه
ابتسمت بخفة متنهدة رغم جان هوة
هم حقير بس هم الله يساعدة
على كل هل عذاب والحزن
بست ركبته بوسة خفيفة وكلت بهدوء _
_ كلشي صار ماضي بعد لا تتذكرة
وانسى
حضني حيل اله يهمس ب " احبچ "
رجعنا لمحافضتنا بعد يومين استقبلونا
اكيد بعزيمة جبيرة
كلهم جبنالهم هداية واغراض كومة
شهم جاب هدية خصيصا ل نجمة
وبنتها كلش حلوات طقم ذهب نازك
وحلو
وقبلها جان جايب لزينة هم
رجع لدوامة ومرت ايام هادئة زينة
وايهم اخيرا متصالحين وايهم
نتمنا ما يخطئ
نجمة صارت تجي كل فترة وصرنا متعودين
على الجمعات بيناتنا يوم الجمعة
وبيوم جان صادم الي
اهز برجلي بتوتر وبتول يمي تعض
باضافرها
فتحت ايدي ببطئ وفتحت عيوني بصدمة
بتول صرخت
_ حامللللل
كومتني تحضن بيه واني فاتحة عيوني
وحلكي ما مستوعبة حامل !
اني مادري افرح لو لا هل وقته او لا
بس شعور الفرح تغلب علية
وابتسمت حيل
_ بتول اني حامل ؟
_ اي ولج ايي خلييي ارووح لعمتييي
راحت تركض واني مبتسمة ما اجة
على بالي غيرة شنو راح تكون ردة فعلة
وهو باجر جاي
امي هلهلت فرحانة جانو مصدومن وفرحانين
لان عبالهم اني ما احبل لان مر وقت
هواي طويل على زواجنا
وصيتهم محد يحجي وحذرت بتول ما
تكول لبافل لان ما عندة مانع بالمزح
يكول
نمت واني كوة مسيطرة ما اتصل وواكول
ما كلت ليث لان هم يبعرها ردت يسمعها
من حلكي
اتصلت علية عادي حجينا سوية وكل
شوية سألني شبيج مبتسمة
اكله فرحانة لان راح تجي
صبح الصبح وبالف يا علي اجه اليل
حضرنا العشة واجة شهم
سلمنا علية وتعشينا سوية
كعدنا يم اهلي شوية
واخذت اغراضي وطلعنا
صعدت بالسيارة ساكتي وگلبي يدك سريع
صعد وليث بحضنه
باوعلي مستغرب
_ شبي وجهج اصفر ؟
_ م ما بيه شي
_ ماخذة علاجج
_ ا اي
شكله كطعته لان حامل وخاف ميصير
خلاني براحتي ورحنا للبيت واني ايدي
ترجف ساكته كل شوية يستغفر
لحد ما طبينا البيت اجيت اروح للغرفة
حتى اتحضر وهاي بس لزم ايدي ولزم كتوفي
وكال بحدة
_ شكو
_ ش شنو
_ كلج ترجفين بيران لا تخبليني شصاير
من اجيت انتي حتى ما تباوعين
لوجهي صاير شي ؟
_ ل لا
_ احجي شكو لا توكعين گلبي
_ شهم
_ ها عيوني شبيج
بلعت ريك وعضيت شفتي بتوتر لزم
وجهي بحنان وكال
_ شبيج
_ اني حامل
_ شنو
_ اني حامل شهم ردت اسويها مفاجأة و
وكيكة بس ما كدرت اضمها ماكدر اضم
شي عليك ا اني خايفة شهم
جان صافن يوجهي مصدوم ما حجة
بلعت وكلت
_ شهم
_ ها
_ اني حامل
_ ها
_ والله
_ لا تجذبين علية بيران ترة بالحسين
اكتلج
_ لا والله اني حامل
فتح عيونه بصدمة حيل وشهك ما مصدك
_ لج صددك
_ اي والله
ابتسم حييل بسعادة وجرني لحضنه
حيل يحجي
_ حامل حامل يروح شهم حامل بابنا ؟
_ اي اي والله دريت البارحة حامل اني
ابتعد يبوس بوجهي بلهفة وسعادة
خله ايدة على بطني بحذر مبتسم
_ هنا ابني
_ اي
_ يروح شهم
لمني حيل بحضنه وشالني من الكاع يفتر
بيه بسعادة تمسكت بيه مبتسم
وگلبي يدك
ابتعد بحذر وكال لازم وجهي
_ من هاي وجهج اصفر همم
_ اي صار اسبوع نفسي تلعب وادوخ
ومن اشرب علاجي بطني تكوم توجع وبتول جابتلي تحليل وطلعت حامل
_ باجر نروح للدكتورة من اليوم ممنوع
تنحركين ولا تشتغلين خوش
_ ههه مو لهل درجة
_ لهل درجة لكك ليث راح يجيك اخخ
ليث _ ها
_ راح يجيك اخو ما تحبه
_ وينه
_ بعدة راح يجي
_ اييي اليده احوي
_ اخخ اروح فدوة لولديي
_ هههه ترة بعدما منعرف ولد بنية
_ ميخالف ولج خليي ارووح ابشرر ايهم
ابتسمت بسعادة راح يصيح لايهم
فرحان فضحنا شهم
وداني للدكتورة وتغير علاجي بسبب
الحمل جان حملي خفيف وابد ما تعبني
الحمد لله
عرفت روحي حامل بولد وطبعا شهم
طار بهل خبر ما جان معترض ولد
بنية بس يريد اخو ليث يكول ولدي السباع
( مهيب ) صار اسم ابني
ورغم من صار وقت الدوام اعترض
شهم دراستي بهل وقت لان حامل
بس اني اصريت
جان يخاف علية من الهوى
اشتغل بوكة عنه ميقبل اتحرك
ما كضت السنة واني ولدت ابني
وقتها شهم سوة حفله جبيرة كلش
بالقاعة
احتفلنا بلحضات سعيدة عوضتنا
عن كل نقص وألم
وهاي هسة احنا بسنة 2023 صار عمر
مهيب سنة ونص
ليث اول ما اجة جان يغار منه وينقهر
جنت انجبر ما اخذة كدامه خاف
ينقهر بس بعدين صار يحبه
وكل وقته ويا
وانخلطو سوية جهال بافل ابن ايهم وجهالي
نجمعهم يلعبون سوية
كملت دراسة بالكلية لحد هل وقت
واني هسة مرحلة ثالثه
زينة وأيهم الحمد لله من صدك ايهم تغير
وما بعد سمعنا مشكله الهم او صوت
شهم كل ما حبنا يزيد البعض يوم عن يوم
كل يوم وكل دقيقة يحسسني انو اني
ملكه اميرته يعاملني مثل ما يعامل الابو
بنته حبني بكل حنان ولازال
واريد بس تدعولنا بالتوفيق وكون ما
بيوم لا سامح الله نفترق او يصير شي
( مهيب )
تمتم بأمان الله 🤍
( راح اغيب هل فترة لاسباب شخصية
وما راح اكدر اكمل تجبر الرماد هسة
بس اكيد راح ارجع من استعيد شغفي
وحماسي بس لا تنسوني 🌝🤍