فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22
ها هيا وخلصت بعد
جنت متوقعك تحبني صدك
جنت حسبالي كد الوعد._______________________________
تنهدت وبديت انعس وهو ماكو توني غمضت انفتح الباب شهكت فازة وكمت ساندة نفسي على ادية الغرفة ضلمه وما اشوف غير طوله
شغل الضوة وباوع علي جان وجهه مزعوج بس بعدين رخت ملامحه وضل صافن علي ياربي ياربي ما ينفجر بوجهي ياربي بلعت ريك وكلت_ تـ تاخرت وين جـ جنت
سد الباب بسرعه وحك خشمه وعينه ما شالها عني حسيت روحي تندمت وصرت هل كبرني من ما رد علي دنكت بحزن وكلت _
_ اذا تريد نام هنا الجرباية بيها ريحه مو حلوة
ونمت مغطيه راسي ودموعي بسرعه نزلت ما رد علي تجاهلني مثل ما توقعت حسيت بي طفه الضوة واسمع حركته من يذب قمصلته
وجزء مني ارتاح من نام بصفي عاد خلي ينام هنا ولا على الجرباية
رجعت نفسي على الحايط من سحب الغطة وطب وياي وتقوس ضهري من حضني من ورة محاوط خصري حيل جمدت حرگتي وضليت كاطعه النفس خله وجهه برگبتي يحجي__ يا ترة استاهل كل هاذا الجمال ؟
_ ها
_ ليش عيونج مدمعات
كال هيج لان خده صاير على خدي وجان خدي مبلل مدموع مادري شصار بيه قربه لهل درجة مني مادري يعني يجوز ما ارتاحيت كمت اتحرگ بانزعاج _
رائد _ ليش متحجين وياي
التفتت راسي اله وكلت بانفعال _
_ انته الي متحجي ويايييي
ضحك لزم زندي ودارني اله خله ايده جوة راسه وسحبني الحضنه يحجي وايدة صارت على شعري الي صاير ذيل حصان _
_ انتي هسه مقهورة مني لو زعلانه ؟
_ ثنينهن
حجيتها بغصه حسيت بي يسحب الكتر الي لامه بي شعري ورجع مغلغل اصابعه بنص شعري اني صاير وجهي بركبته وما اشوف شي منه احاول ما استنشق عطره عطرة حلو بصراحه واذا شميته راح افضح نفسي هو اني شخليت بنفسي
بعدت عنه اباوع لوجهه ساكته هو سكت وايده على خدي يباوع بعيوني ويمسح بدموعي _
_ تمردين گلبي من تبجين
_ انته ليش هيج تسوي لعد
_ شمسوي
_ ليش تغشم نفسك انته من ذاگ اليوم من شوف من صعدت للسطح لالا مو من صعدت للسطح من انته جيت وجان هيج تجرني الك وتكول عادي نتعمق بعلاقتنه يعني احنه لا تعمقنه اسود نوب بس شديت وياي
YOU ARE READING
حمامة الشهم ( مكتملة )
Randomقصة حقيقية بقلمي انا _ فاطمة 🤍 مشهد اول...... ضلام والبيت هادئ بشكل يخوف لحد الان ما مرتاحه لهاذا البيت جيت علي اليوم والناس البي غرييبين وبسرعه دا اخلص واطلع ... تقدمت على الباب دا افتحه وجان اشهك بسرعه من الايد الي صارت على بطني وحلگي محاوطني بقو...