៚ ព្រឹកនៃថ្ងៃថ្មីក៏ឈានចូលមកដល់ពាំនាំមកជាមួយនឹងពន្លឺព្រះអាទិត្យរះឡើងយ៉ាងខ្ពស់ត្រដែតដែលធ្វើឲ្យចែងចាំងពេញមួយចំហៀងផែនដី។ ក្រឡេកមកមើលរាងល្អិតនិងលោកម្ចាស់របស់គេឯណេះវិញ កំពុងតែគេងឱបគ្នាយ៉ាងស្កប់ស្កល់បន្ទាប់ពីបញ្ចប់ភ្លើងសង្រ្គាមកាលពីយប់មិញនេះរួចមក។ Taehyung បើកភ្នែកឡើងព្រឹមៗភ្ញាក់មកមុនគេ មុននឹងនាយតូចក៏ងើយមុខឡើងទៅសម្លឹងអ្នកដែលកំពុងគេងឱបខ្លួនជាប់ពេញមួយយប់ទាំងលួចញញឹមឡើងមកតិចៗ ព្រោះអ្វីៗគឺបានដើរទៅយ៉ាងរលូនបន្ទាប់ពីការសារភាពស្នេហ៍ក៏បញ្ចេញមកអស់ចំពោះគ្នាទៅវិញទៅមកនៅក្នុងយប់មិញនេះឯង។
« អរុណសួស្ដីលោកម្ចាស់ជាទីស្រលាញ់ » ពេលដែលឃើញរាងក្រាសកម្រើកត្របកភ្នែកឡើងមកភ្លាម Taehyung ក៏និយាយអរុណសួស្ដីទៅកាន់រាងក្រាសភ្លាមៗតែម្ដងដោយភ្ជាប់មកជាមួយនឹងស្នាមញញឹមដ៏ស្រស់ស្អាតពេញនៅលើផ្ទៃមុខរបស់គេ។
« morning my baby » Jungkook ពត់ខ្លួនបន្តិចរួចក៏បន្តឹងកម្លាំងដៃឱបកាយតូចជាប់ទ្រូងរបស់ខ្លួន។
« ថ្ងៃនេះលោកម្ចាស់ត្រូវចេញទៅធ្វើការងារទេ? »
« អឹម! មានប្រជុំរឿងការងារបន្តិចបន្តួច អូនចង់ទៅក្រុមហ៊ុនជាមួយបងឬអត់? »
« ថា...ថាម៉េច? ទៅបានមែនហេស៎? » Taehyung សួរទាំងភ្ញាក់ផ្អើលនិងសប្បាយចិត្តមកដំណាលគ្នាឯ Jungkook ក៏ងក់ក្បាលបញ្ជាក់ថាទៅបានទើបនាយតូចខិតខ្លួនចូលទៅរកនាយកាន់តែជិតស្ទើរក្លាយជាខ្លួនតែមួយទៅហើយដើម្បីឱបរឹតរាងក្រាសឲ្យណែនជាងមុន។
« រៀបចំខ្លួនទៅពួកយើងត្រូវចេញទៅពីព្រឹកបន្តិច » Jungkook ទាញភួយក្រោកឈររៀបនឹងដើរចេញទៅបន្ទប់ទឹកទៅហើយតែក៏ត្រូវ Taehyung ហៅបង្អាក់ដំណើររបស់នាយ។
« លោកម្ចាស់បីអូន » Taehyung ក្រោកអង្គុយលាដៃត្រដាងចាំឲ្យគេមកទទួលលើកខ្លួនបីឡើងឯ Jungkook ឯណោះក៏ព្រមតាមចិត្តរបស់រាងតូចទៀតទើបនាយឱនចុះចូលទៅលើកបីរាងកាយស្រាលដូចជាសំឡីឡើងដើម្បីទៅងូតទឹកជាមួយគ្នា។
***
អ្នកបម្រើនាំគ្នារៀបចំអាហារពេលព្រឹកដូចជារាល់ដងហើយក្នុងនោះគឺមាន hyunjin ដែលកំពុងអង្គុយចុចទូរស័ព្ទនៅលើសាឡុងរង់ចាំ Jungkook មកដល់នឹងបានបរិភោគអាហារជាមួយគ្នា ចំណែកឯ Minho មិនបាននៅបាយជុំគ្នាជាមួយពួកគេនោះទេគឺនាយជាប់រវល់ទៅផ្ទះរបស់នាយវិញ ថ្ងៃបន្តិចទើបត្រឡប់មកវិញបន្តភារកិច្ចរបស់នាយដដែល។
មួយសន្ទុះក្រោយមក Jungkook ក៏បានចុះមកខាងក្រោមដោយមាននាយល្អិត Taehyung តាមមកពីក្រោយឯ hyunjin ពេលដែលឮសម្រឹបជើងរបស់ពួកគេហើយក៏ងាកមុខទៅមើលក៏ឃើញថាថ្ងៃនេះ Taehyung ដែលជាកូនបំណុលនិងមានឈ្មោះជាអ្នកបម្រើនៅក្នុងវិមានមួយនេះ មានការស្លៀកពាក់តុបតែងខ្លួនខុសពីធម្មតា ដូចជាកំពុងតែរៀបចំចេញទៅក្រៅជាមួយនឹងអ្នកណាអញ្ចឹង ប៉ុន្តែគេមិនបានសួរនាំអ្វីនោះឡើយគ្រាន់តែអង្គុយឆ្ងល់ប៉ុណ្ណោះ។
« តោះឆាប់ចូលតុបាយទៅ » Jungkook ហៅនាយជាប្អូនឲ្យចូលទៅក្នុងតុអាហារដើម្បីញ៊ាំឲ្យហើយរួចរាល់មុននឹងចេញដំណើរទៅក្រុមហ៊ុន។
ពួកគេចូលទៅក្នុងតុបាយជុំគ្នាឯ Taehyung ក៏ឈរស្ងៀមមិនហ៊ានចូលទៅជិតព្រោះគ្មានសិទ្ធិនិងមិនទាន់មានការអនុញ្ញាតពីនរណាម្នាក់នោះឡើយ។
« Tae! ហេតុអីអូនមិនចូលអង្គុយទៅពួកយើងត្រូវញ៊ាំអាហារជាមួយគ្នា » Jungkook បែរទៅសម្លឹងរាងតូចដែលឈរក្បែរដៃនិងសួរទៅកាន់គេ។
« ខ្ញុំ...ខ្ញុំ »
« ឆាប់ចូលមកបងត្រូវប្រញាប់ទៅក្រុមហ៊ុន » Jungkook ក៏ចាប់កដៃរាងតូចឲ្យអង្គុយចុះក្បែរដៃស្ដាំរបស់នាយធ្វើឲ្យអ្នកបម្រើដែលឈរក្បែរៗនេះភ្ញាក់ផ្អើលនឹងកាយវិការបស់ពួកគេដែលមើលទៅពិតជាស្និតស្នាលគ្នាណាស់ថែមទាំងនិយាយស្ដីដូចជាគូស្នេហ៍ទៀតផង ចំណែកឯ hyunjin ក៏ភ្ញាក់ផ្អើលមិនតិចដូចគ្នាដែរ ដែលសុខៗពួកគេទាំងពីរក៏ស្និតស្នាលគ្នាខុសពីធម្មតា ប៉ុន្តែនាយមិនហ៊ានសួរនាំអ្វីនោះទេព្រោះរឿងបែបនេះមិនគួរចេះតែលេងសើចផ្ដេសផ្ដាសបានគ្រប់កាលៈទេសៈនោះឡើយ។
***
ក្រោយការបរិភោគអាហារបានបញ្ចប់ទៅ Jungkook ក៏ដើរចេញទៅមុនដោយអូសទាញរាងតូចទៅជាមួយនាយដូចគ្នា ធ្វើឲ្យគ្រប់គ្នាក្នុងវិមានមានការងឿងឆ្ងល់មិនតិចនាក់នោះទេព្រោះមិនទាន់មានការប្រកាសអ្វីចេញពីមាត់របស់ Jungkook នៅឡើយថាពួកគេទាំងពីរនាក់ឥឡូវនេះកំពុងតែស្ថិតនៅក្នុងទំនាក់ទំនងអ្វីឲ្យប្រាកដ? មានតែចាំមើលសិនប៉ុណ្ណោះគ្មាននរណាម្នាក់ហ៊ានហារមាត់សួរនាំរឿងផ្ទាល់ខ្លួនរបស់ចៅហ្វាយនាយរបស់ពួកគេនោះទេ។
***
ឡានពីរគ្រឿងបានធ្វើដំណើរមកដល់ក្រុមហ៊ុនរបស់ Jungkook ទើបមានអង្គរក្សចេញមកបើកទ្វារឡានម្ខាងឲ្យនាយ មុននឹងនាយទម្លាក់ជើងចុះចេញមកមុន បន្តិចក្រោយមកក៏មានរាងល្អិតម្នាក់ទៀតចេញមកតាមក្រោយជាមួយទើបពួកអង្គរក្សទាំងនោះក៏ឱនគំនាបគោរព Jungkook តាមទម្លាប់ ប៉ុន្តែម្ដងនេះ Jungkook មិនមែនមកតែម្នាក់ឯងនោះទេគឺមានក្មេងប្រុសម្នាក់តាមមកជាមួយនាយផងដែរ។
Hyunjin ចេញមកតាមក្រោយដែលជាឡានទីពីរធ្វើដំណើរមកជាមួយគ្នា។ ពួកគេក៏បោះជំហានចូលទៅកាន់បរិវេណក្រុមហ៊ុនខាងក្នុងដោយ Jungkook ជាអ្នកនាំដំណើរមុនគេដូចមុនដដែល។
Taehyung ងាកសម្លឹងជុំវិញខ្លួនទាំងជំហរមាត់មិននឹកស្មានថាទីនេះធំដល់ថ្នាក់ហ្នឹងនោះទេឯបុគ្គលិកក៏ច្រើនទៀតផង ម្នាក់ៗសុទ្ធតែស្វាហាប់ញាប់ដៃញាប់ជើងក្នុងការបំពេញការងាររបស់ពួកគេពិតមែន។
ដើរពីមាត់ទ្វារមកដល់ច្រកចូលជណ្ដើរយន្តប្រអប់ បុគ្គលិកតែងតែឱនគំនាប Jungkook និង hyunjin ជានិច្ចក្នុងនាមពួកគេជា boss មានឋានៈធំចំឡែកអី Taehyung ក៏ត្រូវបានពួកបុគ្គលិកនិងអង្គរក្សទាំងនោះឱនគំនាបដាក់គេដូចគ្នា ប៉ុន្តែគេមិនមានឈ្មោះជាផ្នែកអ្វីមួយនៅក្នុងក្រុមហ៊ុនមួយនេះនោះទេ ទើបធ្វើឲ្យនាយល្អិតជ្រួញចិញ្ចើមឆ្ងល់និងឱនគំនាបគោរពតបទៅកាន់អ្នកដែលឱនលំទោនដាក់គេវិញ។
« អូនមិនបាច់ឱនគោរពពួកគេក៏បាន » Jungkook ចុចលេខជណ្ដើរយន្តរួចក៏ទាញចង្កេះរាងតូចយកមកឱប។
« ហេ...ហេតុអី? ពួកគាត់គោរពខ្ញុំ- »
« អូន! »
« ពួកគាត់គោរពអូនដូច្នេះហើយទើបអូនត្រូវឱនលំទោនគោរពទៅកាន់ពួកគាត់វិញ »
« អូនជាមនុស្សរបស់បងមិនមែនជាបុគ្គលិកនៅទីនេះ ដូច្នេះពួកគេត្រូវតែគោរពមនុស្សរបស់បង មិនមែនឲ្យមនុស្សរបស់បងទៅគោរពពួកគេវិញទេ »
« អូនយល់ហើយ » Taehyung ងក់ក្បាលតិចៗបញ្ជាក់បន្ថែមថាគេបានយល់ពីសម្ដីរបស់ Jungkook ដែលបានរៀបរាប់ប្រាប់គេនៅមុននេះ។
ទីង៚
« ចេញពីប្រជុំបងនឹងនាំអូនទៅក្រៅ អញ្ចឹងអូនអង្គុយចាំបងក្នុង office សិនទៅ! តោះ hyunjin » ក្រោយជណ្ដើរយន្តប្រអប់នាំពួកគេមកដល់ជាន់ប្រជុំ Jungkook ក៏បាននាំរាងតូចឲ្យគេមកអង្គុយរង់ចាំនាយនៅក្នុងការិយាល័យរបស់នាយសិនឯនាយនិង hyunjin ត្រូវចូលទៅកាន់បន្ទប់ប្រជុំ ពេលដែលការប្រជុំបញ្ចប់ទៅ Jungkook នឹងនាំរាងតូចចេញទៅក្រៅដូចអ្វីដែលនាយបាននិយាយអម្បាញ់មិញនេះ។
« ការិយាល័យរបស់លោកម្ចាស់ធំខ្លាំងណាស់ » Taehyung ងាកសម្លឹងជុំវិញខ្លួនរបស់គេក៏ឃើញថា office ផ្ទាល់ខ្លួនដែលជាកន្លែងសម្រាប់ boss ធ្វើការគឺពិតជាធំខ្លាំងណាស់ ហើយអ្វីដែលទាក់ទាញចំណាប់អារម្មណ៍របស់គេនោះគឺផ្ទាំងកញ្ចក់យ៉ាងធំដែលអាចមើលឃើញពីទិដ្ឋភាពរបស់ទីក្រុងបានយ៉ាងពេញៗភ្នែក មានចរាចរណ៍ខ្វាត់ខ្វែង អគារធំតូចជាប់ៗគ្នា មិនដូចជានៅឯវិមាននោះទេដែលនៅដាច់ឆ្ងាយពីអ្នកដទៃហើយមិនអាចមើលឃើញពីទិដ្ឋភាពរបស់ទីក្រុងបាន ព្រោះវិមានរបស់ Jungkook ជាតំបន់សុវត្ថិភាពខ្ពស់និងជាតំបន់ដែលបានគ្រប់គ្រងដោយ Jungkook ផ្ទាល់ទើបទីនោះស្ងប់ស្ងាត់មានតែនៅគៀកៗព្រៃឈើនិងមិនអាចមើលឃើញពីអគារធំៗនិងផ្ទះរបស់ប្រជាជនកូរ៉េឯទៀតបាន។
Taehyung ក្រោកពីសាឡុងដើរសម្ដៅទៅរកផ្ទាំងកញ្ចក់យ៉ាងធំនោះដើម្បីមើលពីទិដ្ឋភាពរបស់ទីក្រុងដែលរីកដុះដាលអភិវឌ្ឍន៍យ៉ាងជឿនលឿនជាទីបំផុត។ នាយតូចក៏បង្វែរចំណាប់អារម្មណ៍មកដើរមើលពីជ្រុងជ្រោយនៃការិយាល័យមួយនេះម្នាក់ឯងវិញឃើញថាការរៀបចំពិតជាល្អឥតខ្ចោះពិតមែន។
« លោកម្ចាស់ជាមនុស្សមានរបៀបនិងម៉ត់ចត់ខ្លាំងណាស់ ម្នាក់ៗតែងតែគោរពឱនលំទោនចំពោះគាត់ សូម្បីតែនៅមហាវិទ្យាល័យកាលពីប៉ុន្មានសប្ដាហ៍មុនក៏អញ្ចឹងដែរ! តើគាត់ជានរណាទៅន៎? » Taehyung និយាយម្នាក់ឯងទាំងងឿងឆ្ងល់និងចង់ដឹងមកដំណាលគ្នា ព្រោះគេមិនបានស្គាល់ពីប្រវត្តិរបស់រាងក្រាសច្បាស់នោះទេថានាយគឺជានរណាឲ្យប្រាកដ គេដឹងត្រឹមថានាយគឺជាមនុស្សដែលមានឋានៈខ្ពង់ខ្ពស់និងមានអំណាចធំតែប៉ុណ្ណឹង តែគេមិនបានដឹងថារាងក្រាសនៅមានឋានៈអ្វីនិងការងារអ្វីទៀតនោះទេ។
បន្ទាប់ពីដើរមើលឆ្អែតចិត្តហើយ Taehyung ក៏ទៅអង្គុយចុចទូរស័ព្ទរង់ចាំរាងក្រាសត្រឡប់មកវិញ។ ប្រហែលមួយម៉ោងកន្លះក្រោយទ្វារការិយាល័យរបស់ Jungkook ក៏បានបើកឡើងបង្ហាញឲ្យឃើញពីរាងសង្ហារមាឌឌាំងដើរចូលមកជាមួយនឹងមនុស្សដដែលនោះគឺ hyunjin ។ Jungkook បោះជំហានចូលទៅរករាងតូចដែលដាក់ខ្លួនគេងលង់លក់លើសាឡុងមិនដឹងតាំងពីពេលណានោះទេ ឃើញដូច្នេះនាយក៏ផ្ដល់សញ្ញាទៅដល់ hyunjin ឲ្យអ្នកជាប្អូនចេញទៅខាងក្រៅទើប hyunjin យល់សាច់ការក៏ឱនគំនាបជាមុនសិនមុននឹងបោះជំហានចាកចេញទៅខាងក្រៅដោយទុកឲ្យពួកគេនៅតែពីរនាក់។
« kitten! Baby! អូនសម្លាញ់ » Jungkook ដាស់រាងតូចដោយហៅគេដល់ទៅបីដងឯណោះទម្រាំតែនាយល្អិតភ្ញាក់ដឹងខ្លួនពីការគេងលង់លក់ដ៏សែនជ្រៅរបស់គេ។ Taehyung មមីមមើក្រោកអង្គុយរួចក៏បែរមុខទៅសម្លឹងមុខរាងក្រាសដែលបន្ទន់ជង្គង់អង្គុយចុះក្បែរសាឡុងដែលគេបានគេងលក់លើនេះ។
« លោកម្ចាស់មកវិញហើយហេស៎? »
« អឹម! អូនងងុយមែនទេ? »
Taehyung ក៏ងក់ក្បាលជំនួសការឆ្លើយព្រោះគេនៅមិនទាន់អស់ជាតិងងុយគេងមុននេះនៅឡើយទេ។
« មកពីយប់មិញនេះបងរំខានឲ្យអូនមិនបានគេងហើយ បានជាអូនគេងមិនទាន់ឆ្អែត » Jungkook ក្រោកទៅអង្គុយក្បែររាងតូចរួចលើកដៃឈ្លីសក់ក្បាលរបស់គេលេងទាំងញញឹមស្រស់ខុសពីទឹកមុខរបស់នាយរាល់ដងដែលតែងតែមុខមាំជាប់ជានិច្ច។
« ងងុយគេងហើយក៏ឈឺដែរ »
« សុំទោសសសសស »
« អត់ទទួលទេតែអូនពេញចិត្តនឹងធ្វើឲ្យលោកម្ចាស់សប្បាយចិត្ត! លោកម្ចាស់នៅមិនទាន់ប្រាប់អូននោះទេហេតុអីបានជាយប់មិញអារម្មណ៍មិនល្អ? » Taehyung ងើយមុខសម្លឹងមុខរាងក្រាសនិងសួរគេដោយធ្វើទឹកមុខភ្លឹសៗរង់ចាំចម្លើយ។
« កកស្ទះរឿងការងារតែប៉ុណ្ណឹងអូនកុំខ្វល់ច្រើនអី ព្រោះអូនបានធ្វើឲ្យបងអារម្មណ៍ល្អវិញហើយ » Jungkook លើកដៃអង្អែលថ្ពាល់រាងតូចស្រាលៗនិងញញឹមដាក់គេធ្វើឲ្យនាយល្អិតញញឹមតបវិញ។
« បើពេលណាលោកម្ចាស់អារម្មណ៍មិនល្អ លោកម្ចាស់ប្រាប់អូនមកណាអូននឹងជួយសម្រាលទុក្ខនិងកាត់បន្ថយ ស្រ្តេស របស់លោកម្ចាស់ខ្លះៗ » Taehyung លូនចូលទៅឱបចង្កេះរាងក្រាសនិងនិយាយប្រាប់នាយ។
« អឹម...ដឹងហើយក្មេងឆ្លាត » Jungkook ឱបគេតបវិញនិងអង្អែលខ្នងរបស់គេទៅមកព្រមទាំងឱនទៅថើបសក់ក្បាលក្រអូបៗរបស់គេពីរបីខ្សឺតផងដែរ។
To be continued........
****
Goodnight loves<3