هلا وغلا
قصص مع نور
للكاتبه نور الهدى
قصص أم مينا
والحق يطلع لو يطوّل مغيبة.
ريماس؛ايي طلع من لغرفه وطلعت وراه كمش ايدي
ونزل بسرعه ما جنت اكدر انزل بسرعه لان بطني توجعني
ادهم؛ نزلت بسرعه فس لاحضتها متنزل بسرعه كمشتها من ايدها ونزلت بسرعه
ريماس؛ طلعت وكلي روحي اصدي بالسياره صعدت وهوه فتح باب الطرمه طلع لسياره وشفت امه طلعت من باب المطبخ نولت جزا الكرسي
ادهم؛ امي طلعت ولبنيه نزلت حنى ما شوفها امي لمهم امي سدت باب الطرمه اني رحت خويه كومه عبرنا امي
ريماس؛ كعدت على الكرسي وبطني توجعني كولش
ادهم؛ جنت حاير اشاسوي وبيت لبنيه يبعد عن بيتنا 5دقايق
ريماس؛ وصل لراس لفرع لحضه اوكف هنا
ادهم؛ ليش
ريماس؛ احسن حنى محد يعرفني
ادهم؛ هسه شلون دخلين اكيد حيشوفوج
ريماس؛ ما اعرف بجيت متماسكت نفسي شفت ابويه طلع هوه وعز وركبو بالسياره فرحت لان طلعو هسه سهل ادخل
ادهم؛ هذول اهلج صح
ريماس؛ بشهكه وبجي ايي اهلي ابويه وعز اخويه
ادهم؛ لتبجين هسه منوين دخلين
ريماس؛ مسحت دموعي وكلتله من بيت عمو وادخل لبيتنا من لترك اكو باب ادخل منه
ادهم؛ هاا تمام
ريماس؛ شكرا وقبل ما انزل كلتله خويه لاتورط نفسك ويايه انته مالك دخل شنو ذنبك تبتلي بيه وبغلطت ابن عمك
ادهم؛ ما اعرف شنو اكللها راحت وشفتها دخلت لبيت
ريماس:؛ فتحت باب بيت عمي من لسيم وسديته على كيف جان باب لمطبخ مسدود لان شته وبارده فاا افتريت من لترك وفتحت لباب يلي يدخل على لطرمه مالتنه دخلت للطرمه وباوعت من شباك لمطبخ محد بالمطبخ اتصلت على امي
ام عز؛ الوو. هاا ماما اجيتي
ريماس؛ هااا اي دا امشي انتي بالبيت
ام عز؛ ايي هسه راح اروح اني وبيبيتج لبيت عمج اعوفلج لباب مفتوح بس ادفعي وادخلي
ريماس؛ اي تمام سديت لتصال وبقيت بالترك انتضر امي وبيبيتي يطلعن.....