حربِ العِشق...

" حقد..! " ~4~

ليلاََ..
و في احد المقاهي الشعبيه
يجلس معتز مع صديقه عبدالرحمن
اردف معتز وهو يرتشف بعض القهوه
: لو عايز تنتقم من حد تنتقم منه ازاي؟..

عبدالرحمن بعدم فهم
: مش فاهم انتقم من حد ليه اصلا؟..

معتز : عادي هتعمل ايه يعني..

عبدالرحمن : يعني مش عارف انا مش من النوع اللي هو انتقم بس لو الشخص فعلا ظلمني هدعي عليه و خلاص و دعوة المظلوم مستجابه
و ربنا يمهل ولا يهمل
لكن لو انتقم هو اصلا مفيش حاجه اسمها انتقام ربنا قال {وَ إِنْ عَاقَبْتُمْ فَعَاقِبُواْ بِمِثْلِ مَا عُوقِبْتُم بِهِۦ ۖ وَلَئِن صَبَرْتُمْ لَهُوَ خَيْرٌ لِّلصَّٰبِرِينَ}
يعني يجوز الأخذ بالحق لكن الانتقام فـ ده لله بس
{أَليسَ اللهُ بِعَزِيزٍ ذى إِنتقَام}
ف اني اخد حقي من حد اصلا معملش حاجه و اخد حقي في ايه فين الحق في الموضوع ف الإنسان اللي بيعمل كده ناقص الصراحه عايز اخد حقي من حد معملش ليا حاجه ازاي..

معتز بتأفف : تمام تمام

عبدالرحمن : بس ليه بردو السؤال ده

معتز : ابن عمي اللي اسمه إلياس ده رجع
من كام يوم كده

عبدالرحمن : و ايه دخل السؤال بيه؟..

معتز بحقد : جاي على الجاهز كده و ياخد كل حاجه و حياته ماشيه كويس.. حتى اللي عملته فيه لسه حياته حلوه.

عبدالرحمن بصدمه : ليه يا معتز كل الحقد ده
يبني الأرزاق دي في ايد ربنا و ربنا قال
" وَلو بَسطَ الله الرِزقَ لِعِبَاده لَبغوا في الأرضِ ولَكِن يُنزل بقدر ما يشَاء إنه بعِبادهِ خبيرٌ بصِير .."

يعني بلاش تقعد تقول هو ياخد كل حاجه و كده و ربنا مقدر لكل واحد رزقه.. ارضى بـ اللي مكتوب لك يا معتز و بلاش تبص لغيرك و انك تنتقم او تعمل حاجه عشان هتبقى اخرتك وحشه لو عملت كده او ظلمت حد..

معتز : خلاص يا عم الشيخ شوفتني عملت فيه حاجه.

عبدالرحمن : ربنا يهديك..

و انتهى حديثهم على هذا..
ياتُرى ما الذي يخطط له معتز لينتقم من إلياس
و إذا فعل به شئ ما مصير معتز من ما سيفعله!..
______________________
: هتفضلي قاعده كده من غير شغله ولا مشغله
كان ذلك صوت والدت لارا

لارا : ايه يا امي الحبيبه انا مش عملت المواعين و نظفت معاكي البيت في ايه تاني

والدتها : عموما في عريس جاي لك قومي البسي و حطي حاجه في وشك ده

لارا برفع حاجب : ماله وشي يا ست الكل اللي هيجي يشوفني على طبيعتي دي اولا
ثانيا من قبل ما يجي قولي له مش موافقه.

والدتها : انا قولت كلامي.. نص ساعه و تبقى جاهزه

لارا بتأفف : يووه بقى..

......

بعد نصف ساعه..

: اولع في نفسي ولا اعمل ايه!..
كالعاده كان صوت والدت لارا

لارا : في ايه يا ماما انا عملت ايه

والدتها بغضب : استعبطي يابت كمان.. انا مش قولت لك نص ساعه و تبقى جاهزه!..

لارا : ماما انا مش هتجوز متحاوليش.. قولت لما اتخرج ابقى افكر بقى.. واخده لي بالك افكر مش اتجوز..

والدتها بغضب : اقسم بالله لو ما قمتي دلوقتي انتِ حره من اللي هيحصل لك

و خرجت و اقفلت الباب بقوه

لارا : يالهوي.. دي هبدت الباب.. يلا أمري لله

و ذهبت لترتدي ملابسها
......

بعد نصف ساعه آخرى..

دق جرس الباب و ذهب والد لارا ليفتح

والدها : اتفضل يابني البيت بيتك

الشخص : يزيد فضلك يا عمي...

بعد أن يجلسوا..

الشخص : انا يا عمي يشرفني اني اطلب ايد الانسه بنت حضرتك لارا..

والدها : احنا اللي لينا الشرف عموما انتَ شاب كويس بس شرع ربنا بيقول ناخد برأيها هي حياتها هي مش احنا..

الشخص : طبعا ياعمي

والدها : اسمك ايه بقي؟..

: إلياس..

والدها : عاشت الاسامي حلو إلياس

إلياس ببسمه : شكرا لحضرتك

والدها : بتشتغل ايه بقى

إلياس : يعني في الاستراد و التصدير كده يعني و بعض شركات والدي الله يرحمه بره مصر انا اللي بدير معظمها و الباقي أخويا الكبير

والدها ببسمه : اللهم بارك.. ربنا يزيدك يبني

بادلهُ إلياس الابتسامه..
و سكتا كُلاََ منهُما
.......

في الداخل.. تحديداََ غرفه لارا..

لارا : بصي يا امي اطلعي انتِ الاول بعدين انا ده اللي المفروض يحصل مش انا بعدين انتِ

والدتها : و ايش ضمني انك هتخرجي

لارا : هخرج ياست الكل متخافيش يلا بس

والدتها : اما نشوف

ذهبت والدتها للخارج و بقيت لارا لِحالها في الغرفه

: انا هخرج و خلاص و لما اقابله نشوف نطفشه ب ايه.. استعنى بالله...

........

عندما خرجت من غرفتها سحبتها والدتها

لارا بفزع : بسم الله في ايه يا ماما

والدتها : خارجه كده امسكي العصير ده

لارا : ما كل مره بنطلع العصير و محدش بيشربه سيبيه و خلاص مش لازم

والدتها وهي تكاد تخنقـ ها
: انتِ عايزه تجننيني يابت اخلصي امسكي العصير و اطلعي يلا

لارا : حاضر طالعه اهو خلااص

عندما خرجت كانت مصدومه من وجوده
و فهمت لماذا طلب رقم والدها..

والد لارا : ده استاذ إلياس يابنتي شاب محترم
و انا عن نفسي موافق عليه بس الرأي في الاول و الاخر رأيك..

نظرت لهم لارا بدهشه و قالت
: مش موافقه

نظر لها والدها و إلياس بصدمه

اردف والدها بضحك
: ايه اللي مش موافقه يا لارا في ايه

لم تنطق لارا بقيت صامته من ما فعلته

إلياس : طب استأذنك ياعمي بس اقول لها حاجه

والدها : اتفضل يبني
ثم قال لـ لارا
: قومي يا لارا خدي إلياس و اقعدوا في البلكونه

لارا : حاضر...
.....

عندما جلسوا..

إلياس : افهم بقي ايه مش موافقه دي؟..

لارا : انتَ ايه اللي جابك

إلياس : يعني اقعد احب فيكِ كده و نتقابل مثلا و كل ده ولا ادخل البيت من بابه احسن و تبقى حلالي

لارا : تحبني ازاي يادوب اتقابلنا مرتين بس

إلياس : نتقابل مليون مره يعني عشان أحبك ولا ايه؟..

لارا بتفكير : يعني انتَ عايز تتجوزني صح

إلياس : لا جيت و دخلت البيت و طلبت ايدك من ابوكي عشان بهزر.. ما اكيد عايز اتجوزك

لارا بضحك : خلاص ياعم عرفنا

إلياس ببسمه : ها بقي موافقه

لارا : يلا اهو عشان بابا بس

إلياس برفع حاجب : بابا اه.. مصدقك كملي

لارا : ايوه بابا و امي اللي قاعده جوه دي عايزاني اتجوز ف انا عشان مطيعه بسمع كلامهم

إلياس : هعمل نفسي مصدقك ماشي..

ضحك كلاهُما
و خرج كُلاََ منهم

إلياس بعد ان جلس
: هي موافقه ياعمي.. كانت بتهزر بس مش اكتر

نظر لها والدها بصدمه على انها وافقت و قال
: طب خير يبني و كويس انها كانت بتهزر مش اكتر

إلياس : مش هنحدد بقي معاد كتب الكتاب

لارا بصدمه : كتب كتاب ايه

إلياس : بص ياعمي عشان تبقى كل حاجه حلال نكتب الكتاب على طول.. هي موافقه و انا موافق ف الأحسن نكتب الكتاب عشان متبقاش ذنوب على الفاضي.. بس لو حضرتك مش موافق و نعمل خطوبه ف راحتكم اهم بس انا قولت ان كده احسن

والدها : لا يبني هو كلامك صح بس انا بتكلم ان كده بسرعه يعني ف لو هي موافقه تمام نشوف و نحدد

إلياس : ها يا لارا

لارا : اللي بابا يشوفه

كان والد لارا جالساََ وهو مصدوم من ما يحدث و انها وافقت على احدهم...

___________________
صباح يوم جديد
نزل شخص من غرفته و ذهب إلى والدته

: انا ماشي عايزه حاجه

نظرت له الام نظره حزينه و قالت
: لا يا حبيبي سلامتك

اومأ لها ثم ذهب..

......
كان يتمشى بهدوء و يفكر لماذا يعامله والده بهذه القسوه؟..

نعم هو ذلك الشخص المجهول الذي ظهر في احد الفصول السابقه
انه "سليم المهدي.. "

أثناء سيره اصطدم بأحد كان يمشي بجانبه

اردف سريعاََ : انا اسف مختش بالي بجد اسف

قالت التي اصطدم بها
: لا عادي ولا يهمك حصل خير

سليم : تمام عن إذنك

نظرت الفتاه على اثره و بقيت محدقه عليه لوقت ثم ذهبت

.....

ذهب سليم الي إلياس في ذلك الوقت
و بعد ان دخل منزله

سليم بمرح : فين إلياس يا أكرم

أكرم : ياخي احترمني شويه ايه اكرم دي

سليم بضحك : معلش بقي يا أكرم فين هو بقى

أكرم : قاعد في اوضته فوق

سليم : تمام انا طالع له

بعد أن دخل سليم غرفة إلياس

سليم : اللي واحشني و لما نزل مصر مقالش ليا غير بعد يومين

إلياس بابتسامه : ازيك يا سليم عامل ايه

سليم : مالك يالا في ايه.. هو ده السلام.. بعد كل الغربه دي

نهض إلياس من موضعه و ذهب إليه و عانقه

إلياس : مفيش بس كنت مدايق شويه بس.. و والله فرحان اني شوفتك

سليم : معتز صح

إلياس : اه.. معرفش ماله و ليه بيكرهني كده.. انا عارف انه مش بيطقني بس انا فعلا معملتش له حاجه و بعتبره زي اخويا

سليم : خلاص يا عم فكك منه.. المهم دلوقتي مش ناوي تتجوز

إلياس : خطبت يا عم خلاص

سليم بصدمه : نعم يا اخويا و من غير ما تقولي

إلياس بضحك : كل حاجه جت بسرعه ملحقتش.. حتى عمي مقولتش له غير بعد ما جيت

سليم : مش فاهم ازاي و ليه مقولتش له و خته معاك بس المهم تبقوا متفاهمين

إلياس : اه ده الحمد لله هي اه مجنونه و من يوم ما قابلتها مطلعه عيني بس دي احلا حاجه فيها بجد

سليم بضحك
: ابتدينا بقي حركات المخطوبين دول ها

إلياس بضحك : ياعم خلي الواحد يفرح شويه

سليم : الله يفرحك كمان و كمان ياسيدي

إلياس : و انتَ عامل ايه مع ابوك

اردف سليم وهو يتنهد
: كالعاده يعني مفيش حاجه بتتغير

إلياس : طب اتجوز يعني مش هتفضل قاعد عنده علطول وهو يدايق فيك كده

سليم : مش عايز اتجوز و مش في دماغي اصلا.. و بالنسبه له ف انا معنتش بهتم لكلامه كفايه اللي جالي منه..

إلياس : مش فاهم ايه اللي جالك.. و تقصد ايه؟..

سليم : بعد ما أنتَ مشيت من مصر كانت فتره صعبه و لما كنت بتكلمني و تقولي عامل ايه كنت الصراحه بكدب عليك.. كنت تعبان اوي.. و بحس ساعات كل لما اعيط او ازعل اني مش قادر اخد نفسي و قلبي يوجعني ف رحت كشفت.. لقيت ان عضلة القلب عندي ضعفت بس و ممنوع الزعل او العصبيه او اي حاجه من دول
ف بقيت احاول اني مهتمش لكلامه
و اه صح انتَ اول واحد يعرف بالكلام ده...

نظر له إلياس بصدمه مردفاََ
: و انتَ ازاي ماتقوليش كل ده.. و ليه سايب نفسك كده.. اكيد بتاخد علاج بردو

سليم : مش فارقه يا إلياس.. اه كنت باخد علاج بس زهقت من كل حاجه و بطلته

إلياس : انتَ عبيط يا سليم يعني ايه بطلته مينفعش كده.. متوقفش حياتك عشانه.. هو ميستاهلش كل ده و انك تتعب و تعمل كده عشان زهقت.. عيش حياتك يا سليم
انا مش عارف الاقيها من اللي قافل على قلبه في روسيا ده ولا منك..

سليم : الدنيا صعبه يا إلياس و الناس افظع من الدنيا.. يعني لو الدنيا دي كانت من غير ناس كانت هتبقى حلوه

إلياس بضحك
: مهو لو مفيش ناس مكناش هنبقى موجودين

سليم : احسن بردو

إلياس : طب قوم نخرج نروح اي حته نشم هوا او كده و نشوف لك عروسه بالمره

سليم بضحك : هتشتغل خطاب ولا ايه.. ايه نشوف لك عروسه دي هتجيبها ازاي

إلياس : يابني نتمشى يمكن و احنا ماشيين تحب واحده و تروح تتقدم مش هتتعرف يعني و كل ده عشان حرام و مينفعش انا مقصدش حاجه وحشه

سليم : فاهمك بس قولت مش بفكر في الجواز انا دلوقتي

إلياس : بكره تيجي اللي توقعك و تبقى مطلعه عينك زي اللي معايا بس هتكون مبسوط بردو و مش هتدايق

سليم : هنشوف يلا بقى قوم

إلياس : يلا يا اخويا

________________________

الكثير من الالغاز و الأشياء الغير مفهومه.. و لكن كل شئ سيتضح في الفصول القادمه بإذن الله

#حرب_العِشق

بقلمي : نوران طارق