حربِ العِشق...

" وقد اشتعل العِشقُ حرباََ..! " ~5~

اقفلت الخط مع صديقاتها بعد أن اتفقوا على الاجتماع في منزل لارا اليوم

و ذهبت لتساعد والدتها في البيت حتى يأتون
.....
: اخيرا افتكرتينا
كان ذلك صوت نوراي وهي تخاطب لارا

لارا بضحك : معلش بقي ياستي قلبك ابيض

سلمى : ايوه بقي مهي اتخطبت لواحد صاحب شركات و مز

لارا : اتلمي شويه يا بت

نوراي : ابتدينا غيره يابت يا سلمى واخده بالك

سلمى : واخده بالي مش محتاجه تقولي

لارا برفع حاجب : غيرة ايه ادخلوا بس كده يلا

نوراي : داخلين كده كده مش محتاجه تقولي

بعد أن دخلوا قالت سلمى
: ها بقي كل واحده تحكي ايه اللي حصل في الأسبوع ده اي حاجه يعني نتكلم فيها

نوراي : معنديش حاجه جديده يعني بس من يومين خبط في واحد كده تحسيه وهو بيتأسف انه عمل جريمه مثلا

لارا بغمزه : امم و فاكره ليه يعني او مالك كده و انتِ بتتكلمي عليه

نوراي : لارا سيناريوهات مش ناقصاكِ انا بحكي موقف بس

سلمى بضحك : حلوه لارا سيناريوهات دي تصدقي

لارا : خلاص بقي.. مفيش اي حاجه يعني حصلت معاكم ده انتو نكديين

نوراي : ايه دخل النكد دلوقتي

سلمى بضحك : معلش عقلها مفوت

لارا : انا اللي عقلي فوت بردو.. خليكم كده متغاظين عشاني اول واحده تتخطب

نوراي برفع حاجب : حبيبتي انا بس اطلب اتجوز كلهم هتلاقيهم واقفين طابور

سلمى : معلش يا نوراي بس على ايه يقفوا طابور

لارا بضحك : يعيني طحنت خاطرك

نوراي بغيظ : اتنيلي انتِ و هي

لارا : مش ناويين تتجوزوا انتو كمان ولا ايه

سلمى : بصي انا عايزه واحد اجنبي يختي او تقدري تقولي حجه عشان مش عايزه اتجوز

نوراي : مش عايزه تتجوزي ليه مسيرنا كلنا نتجوز و نصيبنا موجود

سلمى : ايوه عارفه بس انا كده حلوه اعيش مع واحد يتحكم فيا و بعدين خليني في اللي انا فيه و أبويا اللي عايز يجوزني بن عمي ده

لارا برفع حاجب : هو لسه ابوكي عايز يجوزك لابن عمك الصايع ده؟..

سلمى بتنهيده : اه يا لارا و مش عارفه اعمل ايه غير اني بقول له لما اخلص الكليه بس انا مش عايزاه

نوراي : مهو كده الزواج هيكون باطل لأنك مش موافقه و مينفعش باباكي يغصبك لان دي حياتك انتِ اللي هتعيشي معاه