سبحان الله وبحمده سبحان الله العظيم ♡
(الـحـبـلـه)
مخيمين .
جاء بهاج اتصال من ناصر وابعد عن العرب ورد : ارحبب
ناصر: البقى اسمع طلعت معلومات البنت الي تبيها
بهاج : عزز الله يعزك ياشيخ
ناصر : برسل لك وانت اقراها
بهاج: تم مشكور ياخوي
ناصر : واجبي
وفقل الخط وفتح الرساله كان مكتوب فيها : الفتاه المدعوه بأسم مشاعل سعيد ال** وعمرها الحالي ٢٧ وتسكن في الرياض تحديداً ديره **
بهاج اتسعت عيونه بصدمه من عرف انها بنفس ديره نوره!
وهي الان في الحبله ورقم هاتفها 050 وفصيله دمها * ولديها اخ اسمه مشعل سعيد ال** يبلغ من العمر ٣٠
بهاج عض على شفايفه بقهر وغبنه وخوف على نوره
وفصيله دمه تطابق فصيله دم اخته مشاعل ورقم هاتقه 055 وهو من اخطر العصابات السابقه وملفه مليئ بالجرائم مثل القتل السرقه المخدرات وكثيراً من الاشياء الشنيعه وتم قتل والديهم من قبلهم
بهاج ابتسم ابتسامه جانبيه وتدل على الانتصار وانه يقدر يوقف مشاعل واخوها عند حدهم
تنهد بهاج بضيق : افف هالحين كيف تقنع نوره
واتصل عليها
بهاج بضيق يخفيه: نوره
نوره حست انه متضايق : لبيه وش فيك احس فيك شي
تنهد بهاج بضيق : تعالي شوفيني ورا بعيد عن الخيام
نوره : تمام جيتك
بهاج : انتضرك
وقفل الخط ومسح على شعره ويهدي اعصابه عشان مايتهاوشون
نوره : بهيج وش فيك متضايق
بهاج: نوره لازم نتناقش !
نوره : اذا بموضوع مش...
بهاج حط اصبعه على فم نوره : لاتكملين مابي اسمع اسمها على لسانك
نوره : بس
بهاج : لابس ولاغيره جاي اقول الي عندي بكل هدوء وبمشي ولاتنزفزيني اعصب عليك ونتهاوش
بهاج : مشاعل اخت مشعل
نوره : وش
بهاج: مشاعل سعيد اخت مشعل سعيد
نوره : بهاج لاتوهم نفسك وتتعب نفسك البنت طيبه ليش تكراها!
بهاج : لانهم من اخطر العصابات
نوره : تتوهم
تنهد بهاج يخفي عصبيته: نوره لاتحديني اتعامل معك تعامل ثاني
نوره : بهاج استوعب البنت طيوبه
بهاج: لاتحديني اجبرك واحرمك منها بالغصب واخليك تبكين ليل نهار
نوره : تهدد ؟
بهاج: اسلوب نفي في بدايه الجمله " لا "
نوره بضحكه : بهاج بأصعب الظروف سامج هههههههههه
بهاج: واذا تبين اثبات ان مشاعل اخت مشعل بالخدمه
نوره : افف بهاج خلاص مابغى اتكلم بالموضوع
بهاج كشر وجهه : يملا الي ماني بقايل طيب ليه عطيني سبب!
نوره : بهاج قفل الموضوع خلاص
بهاج مسك عضد نوره : ماراح اقفل الموضوع وتشوفين انها خطره وبتأذيك لكن تأكدي دائماً اني وراك اي ضرر يجيني قبل يجيك انتبهي منها
نوره : تمام
وراحت نوره وبهاج هز راسه بأسى على حاله نوره
جت مشاعل تضحك بأستهزاء
كشر بهاج : لاحول ولاقوه الا بالله ابك انتي وش تبين!
مشاعل حطت يدها على صدر بهاج منطقه القلب : ابي هاذا ابي قلبك
بهاج دف مشاعل عنه وقال بحده : احشمي نفسك وتقلعي عن رجال متزوج يحب زوجته
مشاعل : بهاجي نوره مافيها رومنسيه انا فيني جربني عطني قلبك
بهاج : عله على تسبدي
وجاء بيروح مسكت يده مشاعل : بهاجي جرب
بهاج مسك تيشرتها بقوه وقال بعصبيه : والله وتالله ان جاء نوره أذى بقتلكم بالسلاح والله حلفت بالسلاح وعلمي اخوك مشعل يهجد لااكسر خشمه
مشاعل: طيب نقول انك لواء وتقدر تعرف وفعلاً عرفت ان اخوي مشعل طيب كيف تقنع نوره
بهاج بعصبيه: تراب يحشى فمك يابهيمه ابك انتي ثور ماتفهمين اقولك سلاح سلاحي مصرح
مشاعل: واخوي عنده عصابه كامله
بهاج : ماراح ينفعك اذا تأذت نو.....
قاطعته نوره : بهاج! اترك البنت ليش ماسكها كذاا عيب وحرام وماتحل لك
مشاعل بدموع: نوره تكفين ضربني وقال لي كلام مو كويس وقال انتي ماعندك شرف ورخيصه ويعايرني بناس ماعرفهم
بهاج يناظر فيها بنقد ومكشر وجهه
نوره : بهاج ليش تقول الكلام هاذه لـ بنت عفيفه طاهره
تنهد بهاج : يارب انا وش سويت بحياتي عشان تطلع ذي العله الي تزق بتسبدي
نوره : بهاج اكلمك !
بهاج : انتي اكثر وحده تدرين اني ماقول هالكلام بعد السالفه هذيك بس دامك مصدقتها خليك معها
وراح بهاج
نوره : بهاج وقف
بهاج وقف
نوره : وش بينك وبينها؟
بهاج بأنفعال : لعنبو عدوك البنت قاتله امها وابوها وهي اخت مشعل افهمي يالفاهمه يرحم والديك افهمي ولكن وش اسوي اذا انتي معها مالي الا اسكت عشان حضرتك ماتتأذين ست نوره
نوره حست من انفعاله انه صادق بس مشاعل قالت : لايانوره كذاب انا يتيمه من يوم اولد امي ماتت وابوي كذالك وماعندي اخوان ولا خوات
بهاج : ياليللل خلي دموع التماسيح تنفعك ويلا سلام
وراح
ونوره جلست بين نارين نار بهاج ونار مشاعل ماتدري من تصدق
_________________________
(خـيـمـه الـحـريـم )
سهام : بنات شفتو ملاك
ام عبدالله : شفتها طلعت من الخيمه يمكن مع ابوها دقي عليه
سهام : تمام ، الو عبود شفت ملوكه ؟
عبدالله : لا وينها ؟
سهام بخوف : مدريي وينها اسأل عمامك وعيال عمك تكفى ياربهم يحصلونها
عبدالله بخوف : زين زين
وقفلت الخط وقالت بصوت مهزوز : بنات تكفونن ماهي عندهم
نجلاء: ابك قومو دوروها يلا يلا يابنات توزعو
ام سحاب : يلا الي يروح يدور بالسيارات والي يدور هنا والي يدور حول الخيام والي يسأل الناس عن ورع ضايعه ياربهم يلقونها
ام نجلاء: يلا
وفعلاً بدقايق انتشرو العيال والبنات والرجال والحريم يدورون ملاك
وكان كلهم يدينهم على قلوبهم خوفاً على ملاك وينادون بأسمها لكن لارد
واتجهه مشاعل لمنطقه بعيده شوي عن الخيام واتصلت : الو مشعل
مشعل: بشري عسى كسبتي قلب نوره
مشاعل: اسمع الطامه الكبرى بهاج قفطنا وعرف كل شي عننا
مشعل تنهد : ياليل من ذا البهاج داهيه صدق طيب وش سويتي
مشاعل : ماوضحت له ان معلوماته صح
مشعل: اي كفو اجحدي واهم شي نوري ماتدري
مشاعل: ازهلنيي بس بهاج يهدد
مشعل : ازهلي بهاج عنديي
مشاعل: خوفي يسطرك
مشعل: يخسيي
مشاعل : تمام باي
وقفلت الخط وتنهدت الا وتلمح ملاك جالسه تبكي وتقدم لها بعصبيه : هيه انتي ياورع سمعتي شي!
ملاك ببكى: ابي ماما
مشاعل: مافي ماما سمعتي شي عشان اوديك لماما !
ملات هزت راسها بمعنى ايه سمعت
مشاعل مسكت عضد ملاك بقوه : وش سمعتيي
ملاك ببكى: ابي ماما
مشاعل قرصت عضد ملاك بقوه : اسمعيني زين يابنت عبدالله ان قلتي لـ احد عن شي بأكلك واخلي الجني ياكلك وياكل سهام وعبدالله !
ملاك صارخت بقوهه وبكى : ابي ماما
وكل الي في الخيام طلعو من سمعو صوتها وعبدالله وسهام سمعو صوت ملاك واتجهو لها ومشاعل من شافتهم حضنت ملاك : حبيبتي ملاك ليش تبكينن
سهام سحبت ملاك من مشاعل وحضنتها : اهخخ ياماما لاتبعدين عني
عبدالله حضن سهام وملاك : كلكم لاتبعدون عنيي
مشاعل : انا بروح
عبدالله : مشكوره
مشاعل: العفو
وراحت
سهام هبدت ملاك بخفه : انا ماقلت لك لاتبعدين عننا ها؟!
ملاك : الا قلتي
عبدالله : حصل خير يلا امشو نرجع نطمنهم
سهام : تمام
ورجعو
_________________________
(فـوق الـشـجـره )
بهاج طالع على غصن الشجره ويهوجس .
اتصل على عبدالله : عبود
عبدالله : عيون عبود وقلب عبود
بهاج عقد حواجبه : وش المناسبه؟
عبدالله : ضاعت ملوكه ولقيناها
بهاج: اعذرني ياخوي مادريت الا تو
عبدالله : لاعادي اهم شي لقيناها
بهاج: الحمدلله
عبدالله : ايه ياطير الحب وش بغيت
تنهد بهاج : والله ياخوي الهم اكبر مني وبقولك ياه عجزت اشيله عني لعلى وعسى البوح يشيل الهم
عبدالله : الله من زمان عن هالجلسه جايك وين انت ؟
بهاج: فوق الشجره
عبدالله : بلا استهبال وينك؟
بهاج : قويب عندكم ٣ اقرب شجره
عبدالله: اولهه بعيد بس جايك مع ملوكه
بهاج: اي بالله جبها من زمان ماحبيتها
عبدالله: جيت
وقفل الخط ورجع يهوجس
وشوي وجاء عبدالله ومعه ملاك وينادي بهاج : ولدد بهاج
بهاج : هنا هنا
عبدالله: قرد ؟
بهاج بضحكه : لا عبدالله هههههههههه
عبدالله : ملوكه غطي عيونك لاتشوفين جنون عمك المهبول
ملاك : ابى عندهه
بهاج : تعالي ياعيون عمك
عبدالله : انا اصلح وانت تفسد
بهاج بضحكه : جبها هههههههههه
عبدالله رفع ملاك وبهاج مسكها وحطها بحضنه : ياهلا بملوكتي
ملاك ابتسمت
عبدالله جلس بالارض : ايي اسلم
تنهد بهاج وقال : مشاعل خطره
عبدالله : ليه لقيتها عند ملوكه طيبه البنت
بهاج : تخسي وينها ووين الطيب رحت ابحث عنها لقيت
عبدالله: وش لقيتت !
بهاج : اخت مشعل
عبدالله : ولد تكلم زين اسحب منك الكلام يعنيي؟
بهاج : اولاً بعرفك على مشعل مشعل هاذا راعي عصابات وكذا وملزم يتزوج نوره ونوره رافضته وفجأه طلعت لهم انا وتزوجت نوره وطقت براسه الا لياخذها مني وكل ماحاول كسرت خشمه
عبدالله : ايي مشعل الي بالديره يمكن انت ورع ماتذكر بس كان موذيي وخبيث ومحد سلم منه
بهاج:اي هو ، ارسل اخته
عبدالله : اخته؟ يقولون ماتت !
بهاج: لا حيه وبيننا بعد مشاعل
عبدالله : يراسيي مشاعل اخته! طيب وش السواهه اذا هي تعلقت بالبنات
بهاج: ماتبي البنات تبي نوره تستدرجها
عبدالله : طيب حذر حرمتك
بهاج: قلت لها بس مو راضيه تصحى وتستوعب والبنات كلهم عرفو انها عقرب بس هي الوحيده الي ماتبي تستوعب وكل مافتحت لها الموضوع غيرت الموضوع
عبدالله : الله يعين اسمع انا اكثر انسان ماحب اعصب عن انثى وانت عارف تربيه ابوي لنا الحرمه مايرفع صوتك ولايدك عليها والان نضطر ماقول لك ارفع يدك عليها لالا اجبرها تبعد عن مشاعل
بهاج : ياخيي تبكي وانا ماحبها اشوف دموعها
عبدالله : عشان مصلحتها ابعدها عن مشاعل ولا بتروح وطي انتبهه
بهاج : انا هددت مشاعل بس البنت قويه عين !
عبدالله : كيف؟
بهاج: مدري وش اقول تقول جربني ومن ذا الكلام
عبدالله : اسكت اسكت ملاك بحضنك !
بهاج: يوهه
عبدالله: موب صاحيه وبعدين لاحضتها تطلع لنا بكل مكان بحذر البنات منها
بهاج: لا اتصل على غدير هي الواعيه يمكن تعطيني حل
عبدالله : تم
واتصل على غدير وفعلاً جت وقالت بضحكه: بهاج ضاقت الاماكن؟هههه
بهاج: ضاقت بي الارض مو بس الاماكن
غدير : افا ياخوي افا
بهاج يشم شعر ملاك يحبه ريحته وبدا يقول السالفه
غدير بصدمه: ايشش ونوره الدلخه للحين مو مستوعبه ! تمام لاتخاف عندي عندي وبعدين هالخبله مشاعل وش هالكلام الماصخ وعع تفشل العقرب
بهاج : كفوو وخيتي
غدير: اجبرها يابهاج تتركها انت تقدرعلى نوره مشاعل خطره ونوره مايمشي معها الا الاجبار
بهاج حط يده على عضد ملاك : مدري يا....
قطع كلامه ملاك الي قالت بألم : ايي يوجعنيي
بهاج : وش فيكك
ملاك : عمي بهاج في جرح تحت يدك على يدي
بهاج شال يده عن يدها ورفع كم البلوزه شاف كدمه وقال بصدمه: من الي سوا فيك كذاا
عبدالله : وريني ، من مسوي فيك كذاا
ملاك: هاذي البنت الجديده
غدير: الي لابسه اسود؟
ملاك : ايوا
عبدالله : منهي الي لابسه اسود
غدير بعصبيه : الزق مشاعل
بهاج بعصبيه : ويش مابقى الا هاذي امسك بنتك بروح العن والديها
غدير: اجلس انا اوريها شغلها بنت ال**
عبدالله : كفو قولي لسهام بعد خل تاخذ حقها
ملاك بخوف : لا قالت لي لاتعلمين
بهاج: على وش؟
ملاك: انها تكلم واحد
عبدالله : منهو؟
ملاك تحاول تتذكر الاسم
بهاج: اسمه مشعل؟
ملاك : ايوا مشعل
غدير شمرت: لاهاذي تبيني افقع وجهها الا حفيدتنا عاد بروح اكوفنها
بهاج : كفوو عز ياوخيتيي
عبدالله: استهدي بالله
بهاج: روحي روحي سطريها معليك منه
غدير : على خشميي
وراحت غدير
عبدالله: ليش تعزز لها!
بهاج بأبتسامه: احسن خل تاخذ حق ملوكهه
_________________________
(خـيـمـه الـحـريـم )
قاعدين يتقهوون ويتعللون
نجلاء: الله الله القهوه ثقهه
ام سحاب: صادقه ماكذبتي
فجأه دخلت غدير : وينهاا بنت الكلب وينهاا
ام نجلاء: هو وش قومتس مستجنه
غدير شافت مشاعل وتقدمت لها بعصبيه وشدت شعرها : ايا الخسيسه تتبلين على اخوي سكتت لك تقولين له كلام ماينقال سكتت لكن تتعرضين حفيدتنا لاا
مشاعل بدموع : اخوك ماجيتهه ماجيته
ام عبدالله : وش قومتس ياغدير علاها
غدير : خل اعلمك يايمه عنها هاذي الله يسلمك مجرمه وخطيره وخالتي ام سحاب تعرفين مشعل
ام سحاب: اي اعرفه الموذي الخبيث
غدير: اييه هاذي اخته
ام سحاب :ايا الخسيسه هاتيها هاتيها استلمها
وفعلاً ام سحاب سطرتها
غدير : وبهاج قفطها وقال لـ ست نوره لكن نوره مو مصدقه ومن راحت نوره جته السوسه مشاعل قالت له جربني واترك نوره والست نوره للحين مو مستوعبه
نجلاء: ايشش؟ نوره ! مو طبيعيه يانوره
غدير: وازيدكم قارصه ملاك ومهددتها
ام عبدالله بأنفعال : وشش
تقدمت ام عبدالله من مشاعل وسطرتها
ونجلاء وصيته مسكو نوره قعدو يهاوشونها
وماانتهت الهوشه الا لمن دخلو الرجال وفارعو بينهم
ام عبدالله: طلعوها بنت الكلب طلعوها
مشاعل هجت
ام سحاب : نوره ان قابلتيها دبجتس دبج اضعاف الدبج الي جاها
نوره هزت راسها برضى
وجابو ملاك يشوفون يدها
_________________________
(بـعـد اسـبـوع )
بعد اسبوع من محاولات بهاج في اقناع نوره ان مشاعل خطره لكن نوره ماتسمح له يتكلم وتزعل وهو اذا شافها زعلت او تضايقت تركها على راحتها مردها تصدق وتحول من بهاج المحب للحياه لبهاج إلي يهوجس ومايسولف مع احد وباله مشغول بـ نوره ومشاعل ونوره تشوف حاله المتغير وتسأله يقول انتي ومشاعل .
بعد مافرو الجنوب بأسبوع الان راجعين للرياض وحالياً يحملون عفشهم.
وركبو سياراتهم وعلى الخط
الرجال بسياره والعيال بسياره والحريم بسياره والبنات بسياره وبهاج ونوره بالشاص
من طقوس العود للرياض النوم من كثر التعب ونامو بالسيارات ماعدا الي يسوقون مارقدو
بهاج كان مركز على الخط وحاط يده على دقنه بتفكير وهواجيس لانهائيه
ونوره قاعده تسولف بس هو مو قاعد يسمعها هو باله مشغول
نوره : بهيج ليش ماتتفاعل معي
بهاج بفزه : هلا
نوره :هلا؟
بهاج بأبتسامه باهته : لبيه ياعيوني وش بغيتيي
نوره : ليش وش فيك منت على بعضك
بهاج: وتسألين؟
نوره: بهاج لاتقولي مشاعل مشاعل قفلنا موضوعها ولاشفناها من بعد سالفه ملاك
بهاج: الحمدلله دوم اختفائها
نوره : الله يستر عليها
ورجع بهاج يهوجس ونوره خذت جوالها قعدت تطقطق فيه
_________________________
(الـمـحـطـه - بـعـد صـلاه الـعـشاء )
نزلو يتعشون ويصلون
وجو بيمشون بس ابو عبدالله لاحظ التعب بعيون بهاج الي عيونه بتسكر نوم
ابو عبدالله : ي زيد
زيد: سم
ابو عبدالله : هو انت نمت طول الطريق
زيد: الله الله مصحصح هالحين
ابو عبدالله : سوق ببهاج وحرمته عان عيونه تعبانه
زيد: ابشر
وفعلاً زيد اتجهه لبهاج : بهيج صير على الباب الثاني انا بسوق
بهاج بتعب : لاعاديي بقى شوي اصلاً
زيد: وينن باقي ٤ ساعات ماتقدر !
بهاج : تمام
زيد يسوق وبهاج عند الباب ونوره بالوسط كلعاده وراسها يرقص بتنام
واول مامسكو الخط بهاج رقد وطاح راسه عند ركبه
نوره : الله كل ذا تعب ارفع راسك ياخوي
زيد: راقد والله مايرفع راسه ارفعيه انتي لاتنكسر رقبته
نوره رفعت راس بهاج وحطته على كتفها وحطت راسها على راسه ونامت
وزيد مبتسم فرحان ان حياتهم زانت
وبعد ساعه قام بهاج يبي يعدل نومته وشاف نوره وضحك على نومتها
زيد : ارقد مارقدت
بهاج : شبعت نوم
زيد: مارقدت الا ساعه!
بهاج: تكفي
زيد : الي ودك
بهاج عدل نومه نوره وحط عليها الفروه وحضنها على جنب وشوي ونام
وبعد ٣ ساعات اخيراً وصلو الرياض ووصلو بيتهم بهاج ونوره وام سحاب وزيد كلهم ببيت بهاج يرقدون اليوم
والباقي راح لبيتهم
_________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
. بارت مافي احداث😔😔