قيود_ " خلف القضبان "✨
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول :- يآ حَلوة . وجَمالّچ ؟
مالّه حَد ونحَد . . لَـ يشوفّچ ؟
مآ يجَي إبالّه .غَير إلـ ( فِدوة يُمّه أشرّد ) . .
«ــــــــــــــــــ«•»ـــــــــــــــــ»
اتجمدت أطرافي واني اشوف الي واگفين كدامي معقوله همه لو اني اتخيل توني اريد أشيل جنطتي وما حسيت اله على نيار حسبني وطلعني من الستنر
يمشي بخطوات سريعه بس اني الصدمه الي بيه كانو صاقعه كهربائيه ضربتني شجابهم هنا هذوله همه مو مسافرين خارچ العراق لااا مستحيل الي شفته ما جاي اصدك :-
- جنت تعرف بيهم هنا
- لااا ما جنت اعرف اصلا من شفتهم مثلچ تفاچئت
- نيار لااا تچذب عليه جنت تعرف بيهم موجودين هنا
- يأبه وحق العباس ما ادري بيهم اصلا اني الي اعرفه همه مسافرين خارچ العراق يعني مو هنا وانصدمت حالي من حالچ
- شلون رچعو للعراق هسه اكيد راح تصير عركه
- لاااا ما راح تصير
باوعت عليه بنظرات استفهام واردفت - وانت شمدريگ !
- لأن مبين عليهم من زمان هنا
- شلون ما فهمت !
- كل الي بالجامعه يعرفونهم
اتذكرت كلام حور من كالت هاي المرحله الاخيره الهم بسرعه اردفت :-
- اييي اييي صحيح لأن حتى حور كالت
- شكالت !
- كالت هاي المرحله الاخيره الهم هنا
- جا شوفي يعني همه من زمان هنا ومو معقوله ما عرف جدي بالسالفه بس شنو سبب السكوت مادري
- نيار ما اريد اضل هنا رچعني للبيت
بسرعه لتفت عليه واردف - شكوو بيچ شيي !!
- راسي يوجعني حيل امشي ناخذ يامور ونرچع
- لاا يامور تضل هنا لان ادريس راح يچي يأخذه بس انتِ اني اوديچ
- شمعنه ادريس يأخذ يامور وانت تأخذني
- دمشي امشي هسه مو زين من لاگيه واحد يوصلچ للبيت
- اهوووو راح تذلنيي والقرآن
- نجبي لج رعنه
ضحكت على كلامته " رعنه " دائما يكلي هاي الگلمه ترگ ايدي ورجعنه نمشي بهدوء من صرنه بعيدين عنهم جمدت بمكاني من اچاني صوت مألوف عليه وهوه يگول :-
- واخيرا التقينا
دار وچهه نيار يباوع عليه بس اني ما درت وچهي ما اريد اشوفه بعيني واتذگر الي سواه بيه سمعت صوت خطواته وهوه يتقرب لتچاهنه بالكوه كمت اجر
النفس لزمتني نفسي اخذت شهيق وزفير ولتفيت شفته وياريتني ما شفته ما متغيره نفس ما هوه شكد كرهته بذاگ الوقت اتمنيت الگاع تنشگ وتبلعني ولاا هاي الوگفه ضحك بصوت عالي واردف:-
- شبيكم شباب ترا السلام لـ الله
- لااا يمعود شسالفه بس انصدمت من شفتك ما جنت اتوقع راح ترچع للعراق
- ليش هوه من گلگ اني سافرت
شهگت اني ونيار على كلام عبد المعز لاا مستحيل هذه شديگول شنو ما سافر يعني هوه كل هاي المده بالعراق واحنه ما عندي لاا مستحيل مو معقوله :-
- تحجي صدك!
- ورب العز اصلا ما عبرت الشارع هذه ياهو ضاحك عليكم
تنرفزت من كلامي شلون يحجي رفعت عيني عليه واردفت :-
- جدي يدري بيكم هنا !
- منو قصدچ بـ بيكم؟!
- اقصد ماهان ويامان ونسور
- شلچ دخل بيهم هذوله سافرو ورچعو صارلهم اربع سنوات
- زين وانت عليش ما سافرت
- اني العقوبه ما تنطبق عليه
- كلامك غلط العقوبه تنطبق على الكل لأن جدي من حچه حدد كل عائلتكم
- ليش من گلگ اني منهم
- شلون راح اچيبك براشدي يطفي عينك
- عوفك من هاي خويه سمعت ادريس راح يتزوج صدك
ضحك نيار بصوت عالي واردف - شسالفه يأبه حاط لادار علينه وتعرف كل تحركاتنه
- كلشي اعرف لأن ما يعبر عليه شي
- بهاي صدگت
درت وجهي من شفت يامور وحور واگفات ويباوعن علينه اشرتلي اچيها اترخصت منها ورحت :-
حور - لجججچ شنوو هاي منين تعغفين عبد المعز
سيلين - هوه شنو منين اعرفه ترا بس جان يحجي ويه نيار مو وياي
حور - لااا تچذبين تغا شفتچ بهاي عيني تحجين وياه
سيلين - حور لاا تضلين تعلسين بكلامچ
يامور - ترا على فكره عبد المعز يصير ابن خالت سيلين
عاطت حور بگل علو صوتها لزمت حلگها اسد بي لأن كل الي بالجامعه انتبه عليها أما يامور شابعه ضحك ؛-
سيلين -طاح حظچ وحظ الي يحجي وياج بعد
يامور - لججچ والله مادري زلت لساني
سيلين - انچبي كافيي
حور - لااا تشاقين وياي يعني عبد المعز الي كل الجامعه مكغشه عليه وتحبه هوه ابن خالتچ
سيلين - للاسف الشديد نعم صحيح
حور - يبوووو على حظييي صخام الصخمنيي
يامور - ولطم الي يلطمچ شبيچ بس تعيطين كافيي
سيلين - ولجج اسكتي خزيتيني الله يخزيچ إنشاء الله
حور - ما چاي اصدك مستحيل بس اوگفي خلي استوعب وافهم يلاا عود احجي
ترگت حور واني خربانه من الضحك رچعت لنفس حركاتها من تكعد تفگر تحرك بيدها عبالك رياضيات وتحجي وتضرب وينن يالله تستوعب الموضوع! انتبهت على نيار من صاحني ودعت حور وأخذت يامور ورحنه عليه بس للي استغربته عبد المعز لي هسه واگف يم نيار :-
نيار - يلاا بنات تروحون لوو لاا
يامور - اني بالنسبه الي انتضر ادريس
سيلين - لاا اني ما انتضر اروح ويه نيار
نيار - جا يالله امشينه
وگف نيار من شاف ماهان والولد يتقربون بتجاهنه لاا هنا كملت السبحه جانت عايزه والتمت اول شي عبد المعز وهسه ماهان ويامان ونسور وگفو يسلمون على
نيار ويامور بس تندس بيه وتأشر عليهم بالختله عود شوفي شلون حلوين ضلو يحجون ويه نيار بس عبد المعز كل ترگيزه عليه اصلنه عينه ما شالهه درت وچهي عنه واردفت مخاطبه نيار :-
سيلين - يلاا نيار تأخرنه
عبد المعز - لاا بعد وقت وين رايحه
باوعت عليه واردفت :- تأخرنه ولازم انروح واني بطبعي ما احب اضيع وقتي على شي تافه
ضحك عبد المعز بصوت عالي واردف :- الانسه ما تحب تضيع وقتها Oh my cad
سيلين - يالله نيار امشي
نيار - يلاا امشي
عبد المعز - وين رايح خليني شويه نتونس
نيار - عبد المعز كافي مضرطه
عبد المعز - ليش مضرطه منو كلگ الي جاي اكوله مضرطه خلي احجي بالاول
نتر نيار بوچه عبد المعز واردف - عبد المعز !!!!
ماهان - يول بعد شكد تصيرون شكبربكم شكدكم تتعاركون كدام بنيه
عبد المعز - انت تعرف هاي البنيه منو وشنو تصير منك
باوع عليه ماهان بأستغراب سوه حركه برأسه يمعنى " لااا " واردف:- لاا ما اعرفها منو ؟
عبد المعز - اقدملگ سيلين بنت عمتك زينب
ضحك ماهان ويامان بصوت عالي نسور بس يباوع بنظرات صدمه شكد تنرفزت من كلامه :-
يامان - تشقه وياي لو لاا
عبد المعز - تدري بيه اني والشقه ما نتراهم
ماهان - شدتحجييي انتتتت شنو بنت عمتي !!
نسور - اوكفوووو شباب هذه شديمسلت شنو بنت عمتك
عبد المعز - اذا تريدون اسئلوها بنفسكم هاي وينها واگفه كدامكم بشحمها ولحمها
نسور - تمضرط لااا تمضرط عبد المعز انت واعي على الي دتحجي
ماهان - شبيك عبد المعز اخاف مرتفعه حرارتك لوو بيك شي
يامان - لااا هذه تأثير المحاضرات والدروس كام يخبط العامي على الشامي
عبد المعز - شبيكم يمعودين شنو ما مصدكيني موو كلتلكم هاي وينها اسئلوها بنفسكم وشوفو شراح تكول
سيلين - حچيت بيما فيه الكفاية
نترت بوچهه بصوت عالي الولد بس يتلفتون عليه باوعت عليهم وضحكت شكد يضحك شگلهم :-
- صحيح ما صحتلي الفرصه اتعرف عليكم بس مع مرور الوقت راح تعرفوني گلش زين
باوعت على نيار واردفت ؛- يالله نيار ما ضل وقت امشي
ودعنه عبد المعز والولد وطلعنه من الكليه حيل اختنگت من شفته بالكوه كمت اجر النفس وأكثر شي نرفزني من كال للولد اني بنت عمتكم صعدت بسيارت تيار وطول الطريق ما حجيت شي حتى هوه
ما حب يحجي وياي بهذه الموضوع لحد ما وصلت للبيت نزلت اني ونيار سويه دخلنه للبيت سلم نيار على بابا وعلى ماما وطلع شكد رادو منه يبقه على الغده بس ما قبل كللهم عندي شغله مهمه بس فاچئني ابوي من كال :-
- جا احنه اليوم يمكم حظرولنه حبشكلات
ضحك نيار ويه ابوي سلم عليه وطلع من البيت لااا شي مو طبيعي اليوم صار عچيبه بابا ياخذنه ونروح لبيت عمي راگان عچيبه يخلينه نسافر وما نروح
لبيت عمي بس شعچب اليوم تذگر من بعد فتره طويله نروح لبيت عمي مادري وشنو سبب هل اختلاف والالغاز الي دتصير بعائلتنه الله اعلم !
****
ماهان - شلون سيلين تصير بنت عمتي شلون!
نسور - هسه أنت على هاي حارگ روحك وإذا بنت عمتك شراح يصير قابل
يامان - طرنيوه تاگل خر* لو اجي أني اوگلگ
نسور - عفيه أريدها تكون مگسبه
يامان - اييي عندي صونده يابسه بس اچيبها اكطعها على ظهرگ والزهره
نسور - هااا شباب شسالفة
يامان - وچعا تنطح وچعا شبيك
ماهان - استقباليه فول
نسور :- هاي انتم كلكم هيچ تستقبلون ضيوفگم
ماهان - لااا مو هيچ نكدملهم نعالات متر منا لرأس الشارع وإذا يعچبگ تبدل النعال عادي ما بيها مشگله
نسور - بلااا كلان نعال شكو شبيكم ؟؟
يامان - تعال انت الفهيم خلي احجي وياك
نسور - اييي بلش كلان تبن ..... اقصد بلش احجي
يامان - انت مصدك بكلام عبد المعز اشو من سولف هوه انت خانس نفس ما طلع منك
نسور - شتريدين اسوي اهلهل واشگلگ زيچي
يامان - ديحجي وياك بأدب واحترام لاا تضل تگل خر*
ماهان - هوه هذه منين يعرف الاحترام شتحجي انت
يامان - شباب بلاا تمضرط خلي امضرط
نسور - هسه انت ليش تاكل خر* وإذا بنت عمتك راح تاخذ جائزه الاوسكار
يامان - نسور انت جنگ تحوصلگ لا جتله معدله اذا تريد تنچب اكرمنه بسكوتك
نسور - شباب شبيكم مكبرين السالفه ترا عادي
يامان - أكللكم هوه احنا يا يوم سولف عبد المعز وصدكنه بي
ماهان - هاي الشغله ما ينچذب بيها شباب
يامان - اني الي اعرفه عمتي زينب عدها بنات ثنين مو وحده
صگر - الثانيه موجوده بمدرست الاعداديه
الكل لتفت على صكر من كال جملته ودخل للديوان :-
يامان - وانت شمدريك ؟
صگر - ليش أنعمت عيوني وكمت بعد ما اشوف
ماهان - بلاا مضرطه زايده احجي شمدريك !
صگر - عندي تواصل ويه الحارس مال مدرستهم ومره جنت يمه وشفته تطلع
يامان - وانت شمعرفك هيه بنت عمتي !
صگر - لأن بكل سهوله اني من زمان شايفهه وحتى بيتهم اندله
ماهان - الله يطيح حظك شكد عار
صگر - علساس هسه انت تخرخر شرف
يامان - اصلا ماهان مسويلگ الشارع مترتين يوميه بالجامعه يصلي ويصوم ويزگي
نسور - مكطع الشارع من الروحه والچيه
ماهان - كافي تمسلتون خلي نفهم
صگر - اييي وبس هوه كل هذه
ماهان - زين حلوو حلوو
صگر - هوه شنو الحلو بالموضوع
ماهان - لاا تدخل خليني اعرف اشتغل
يامان - عرفتو الريس شوكت يچي
نسور - بعد ما نعرف شوكت يچي
صگر - على الأغلب وره عرس ادريس هوه يچي
يامان - شباب لازم نحظر عرس ادريس لازم اكو شي لازم نسوي بالعرس
صگر - شتريد تسوي بالله!!
ماهان - لااا تضل تمضرططط صگر تريد مثل هذيچ المره تورطنه واحنا نوگع بيها
صگر - عمي احنا ناس تفاگه كل يوميه لازم نتعارگ
يامان - انعل ابو*" لابو حتى الناس التفاگه
ماهان - ما خر* علينه غير بس الناس التفاگه
صگر - دكافييي تمسلتون
نسور - هسه شنو !
يامان - الله ذكرتني بغنيت ياسر الماجد هسه شنو
ماهان - هذه الوليد غارگ بالحنان
صگر - قصدك طامس بالحنان
نسور - الولد متسرسح شباب
ماهان - دنعل ابو** لابوو الي يحجي وياك
يامان - هسه خليني طامس شبيك جنگ وجه الحوبه
ماهان - جنگ وچهه طرنيوه
نسور - نعلعلهه يومك ابن الفكر
يامان - شوي حترام شباب خليني نفهم شراح نسوي
ماهان - شتترچه من واحد عمره وحياته ما لازم القران وما مصلي
يامان - ليش هوه منو كلگ اني لازم القران ومصلي
نسور - والله لتچيگ وحده تلعب النعال على ظهرك
صگر - اشو صارت بالعگس مو هوه يلعب النعال هيه تلعب النعال على ظهره
نسور - ولك حتى قران ما عنده هذه شتترچه منه
ماهان - لااا هاي اكو فد واحد ختم القران وراح كله لـ أبوه يأبه اني ختمت القرآن تدرون شگله ابوه؟؟!
الكل حچه بصوت واحد - شكال! ؟
ماهان - كله انت مگيف خاتم القران اني بكدگ جنت نبي
الولد كلهم وكعو صفح من الضحك صگر جان يشرب المي طلع المي من خشمه رچعو كلهم يحجون بالخطه الي راح يسوونه بعرس ادريس وعافو الضحگ :-
ماهان - هسه نفس خطتنه شباب
يامان - شلون راح تكدر تسويها ترا صعبه
نسور - يلوحونه والله ويطيح ماهان بيها
صگر - ما يطيح ماهان اني اعرفه
ضربه على جتفه يفتخر بي لأن من صدك من يسوي ماهان شي او يكول شي كول وفعل ضحك ماهان على كلامهم واردف :-
ماهان - ترا الما يكدر يلوحگ يخرب الأوادم عليگ
****
صامتة الدروب..كلما تعمق الليل إزداد شعور خطواتي بالخوف. تمرّ في بالي تلك الضحكة مثل شهاب خاطف فتضيئ لي فسحة من الدرب، ثم ماتلبث تجتمع الغيابات داخلي.. على حدود أيامي تنتشر
جنود الوحشة وأحاول اعادة تعريف الصمت.
أتشبث بالذكريات، خيال إبتسامات، عيون الشوق
وفي النهاية أمدّ يدي للعدم.الي ديصير كدامي من
سابع المستحيلات اصدگه اشياء غريبه صور ناس تظهر كدامي بلون اسود كلشي صار بعيوني لون اسود اصرخ بصوت عالي لكن محد يسمعني احس بأديني
مربوطه وكانو أحد مقيدني اللعبه جانت بأيدي من حسيت بيها تتحرگ شمرتها على الحايط بگل قوتي انصدمت من شفتها تطشر كدامي كانو علبت زچاچ
وهيه كلها لعبه عاديه شلون تتگسر اريد احد يساعدني يطلعني من الغرفه ماكو حاولت اصرخ ماكو فايدة صرخت اخر شي وبعدها ما حسيت بنفسي وين !
فتحت عيوني على اثار صوت ناس تحجي يم راسي انصدمت من شفت ناس ما اعرفهم واگفين يم ماما ويحچون وياها وهيه تبچي انتبهت على سيلين وجتي ترگض :-
- الف الحمدلله والشكر ياربي واخيرا كعدتي
انتبهت امي عليه وطفرت من مكانها وحضنتني ضلت تبچي واني الي هسه ما مستوعبه شديصير اني وين!
وهذوله منو الي واگفين فوك راسي امي دخل بابا
عليه واجه يطمن ضل يحجي وياي ويضحك بس اني بغير عالم مو وياهم ديشوف اشياء بعقلي مستحيله اشياء غريبه ومخيفه ناس تصرخ ناس تعيط ناس لابسه هدوم بالوان الاسود ملامحهم شاحبه وبيضه
طلعت من تفگير على إثر صوت الباب من انفتحت الممرضه حطتلي كانونه واردفت :-
- ليش هيچ وچهچ شاحبه وابيض بيچ شي !
گحت بصوت عالي واردفت - مادري والله اعذريني لأن حتى وچهي ما شايفته بالمرايه
- اعتذر على التدخل بس وچهچ حيل شاحبه وابيض اعتقد أنت ممسوسه
- ممسوسه شنو!!
- ما تعرفين شنو يعني ممسوسه ؟؟
- لااا ما اعرف
- خلي اهلچ يگلولچ شنو يعني ممسوسه ولازم يودونچ للشيخ لان اذا ضليتي هيچ راح تموتين
ويقتلونچ
عفت كل كلامها وانتبهت على كلمه " يقتلونچ " منو الي راح يقتلوني وليش لازم اروح للشيخ توني اريد احجي وختفت الممرضه تعچبت هاي وين راحت بس من شفت الباب مفتوح يعني طلعت من الغرفه ضل
كلامها أبالي لحد ما طلعت من المستشفى مادري شصار بيه أو شنو السبب الي خلاني اوصل للمستشفى دخلت غرفتي ميته تعب اخذتلي سوره شويه ريحت جسمي ونمت مرت ايام علينه مثل
السم من بعد طلعتي من المستشفى كل حياتي انقلبت رأساً على عقب ما جنت متخيل هيج راح يصير بيه حتى دراستي اهملتها والي جنت دومي بس أقره هسه حتى الدراسه كرهتها شنو السبب محد
يعرف !! تذگرت اللعبه الي جنت احبها ومتعلقه بيها من انگسرت وهيه عباره عن لعبه من الصوف والقطن مستحيل اصدك بلي شفته هذاك اليوم نزلت جوه يم اهلي بعد ما كملت قرايه وبالگوه قريت امي حصرتني
حصرت الچلب دخلت المطبخ ماكو احد هذوله وين راحو حتى باستقبال ماكو طلعت للحديقه ولمحت سيلين ويامور كاعدات سويه ويضحگن مسويات جمعه واغاني وحبشكلات على كولت بابا ضحك عليهن ورحت كعدت يمهن :-
يامور - عاش من سمع صوتچ
هازال - شاف من كعد عافچ
يامور - عابتلچ ولاا بيچ حظ
هازال - شكو مجموعات هنا اكيد دتكصون بالعالم
عدلت كعدتها سيلين واردفت:-
سيلين - دنگص بكرايبچ
هازال - ماشاء الله ياربي علساس همه شلون كرايب
يامور - عباره عن جذب ونفاق
هازال - كل كرايب عقارب بس كرايبنه تشگيله متنوعه من الحيايه والثعالب والعگارب والتماسيح والسعلوات
- حبيت هاي التنويعه مال كرايب مشگل يا لوز
- شايفين مرض السرطان شكد خبيث كرايبنه أخبث منه
سيلين - مو كرايب ضيم فلك طرهم
هازال - ونعال يحبهم
يامور - وسليمه تطمهم
هازال - وتكسر ظهورهم
سيلين - راح اكوم اكسر الماسحه على ظهرچ
هازال - راح اكوم افگس عينچ
يامور - شبيچن انچلبتن هوشش
سيلين - وهوش الي يكسر راسچ شنو احنه كدامچ هوايش حتى تكولين هوش
يامور - اكلي تبن طلعتي من لا ارادي
سيلين -واااييي طلعت لا ارادي Oh my cad
يامور - انوب تحجيلي انگليزي هوه اني عربي ما فاهمه انوب انكليزي
سيلين - اهمده المدرسه الي درستچ
يامور - عاد هيه شلون مدرسه فله والنبي
سيلين - نعال عليج وعلى مدرستچ كومي من يمي لااا احط النعال بحلكچ
هازال - شنو سالفتچ ويه النعال كل ما كتلچ شي وكلتي نعال عليج اكلي نعال
يامور - لأن هيه نعال
طفرت يامور ترگض وركضت وراها سيلين تريد تكتلها شكد حلوه صداقتهم اتمنى عندي هيج صداقه صح سيلين اختي بس مو كلشي تعرف عني وحتى يامور هيه بنت عمي بس ما تعرف اي شي عني !
رجعت يامور وسيلين يضحكن سيلين لازمه يامور من شعرها وتهلس بيها وهذيچ فاحطه ضحك ولاا مهتمه للوضع بس تضحك رجعنه كعدن يمي ويضحكن ويسولفن شوي وحجت يامور:-
يامور - اكلچ شراح تلبسين بعرس ادريس !
سيلين - ليش تسئلين !!
يامور - حتى نچيب اني وياج نفس الفساتين بس الالوان مختلفه
سيلين - اني هم ردت اكلچ بس كلت خاف ما تقبل
يامور - دنجبي ليش ما اقبل طاح حظچ!
سيلين - مادري بس اكو بيج يبيع ملابس تموت تعالي اشوفچ
يامور - يبووو سكتي اشكال والوان شفت بالبيچات ولچ فساتين تججنن
طلعت تلفونها سيلين تشوفها الفساتين واني بس كاعده واباوع عليهن :-
هازال - هسه هوه وين عرس اخوج من هسه محظره
سيلين - هم صدك هوه وين العرس !
يامور - صدك شلون نسيت يمكن العرس راح يتاجل !
سيلين - ليش شنو السبب!!
يامور - ليش ما تدرين !!
سيلين - لااا شنو !!
يامور - مو خوالچ رچعو للعراق
شايفين الي بيضربونه طلقه بنص گلبه اني هيج هسه ضربتنه يامور طلقه من كالت خوالي راچعين كلش اكرهم خوالي لأن همه السبب بموت هواي أشخاص بس محد يعرف غير اني والولد أما البنات ما يعرفن سويت نفسي ما ادري واردفت :-
هازال - اييي وإذا رچعو شراح يصير مثلاً!
يامور - يعني ما خايفه
هازال - ومن شنو اخاف
يامور - صدك نسيت انتِ كلش ما يهابچ وما تخافين
هازال - اييي مو مثل بعض الناس
سيلين - هذه بسمارچ راح اجي احطه .... بحلگچ
هازال - من احجي الصدك تزعلون ومن احجي الجذب تفرحون والله عچيبه هل عائله انتو اخذتو المرگز الاول بالعچايب لأن هنه جانن سبع عچايب صارمه ثمانيه متگليلي شبيكم رحمه لوالديكم
يامور - عائله جيس حب
سيلين - هم جيس الحب بي فائده بس عائلتنه ما بيها فائده
هازال - دسكتي يمعوده هسه الي يسمعنه يچرنه بزيچ
يامور - اكون زيچ ثلاثي الابعاد
سيلين - ما نريده مستخدمه نريده اصلي
هازال - دكافي عاد احجن شي بي خير
يامور - هوه الي يشوف وچه عائلتنه يشوف الخير
سيلين - أصلاً ما يلمح الخير
ضحكت على كلامهن ودخلت للبيت عچيب هل بنات بس يحجن على الناس وما احچيلكم على البنيه الجديده الي تعرفت عليها والي اجت جديده للمدرسه صارت حيل قريبه مني بس اني تحجي وياي أما
باقي البنات ولا تتقرب منهم دخلت غرفتي وسديت الباب شلت كتاب وكعدت اراچع لحد ما خلصت ونمت كعدت الصبح وكلي نشاط غسلت وجهي فرشت
اسناني وطلعت من الحمام لبست ملابسي وحطيت
عطر ونزلت صعدت بالخط وطول الطريق ساكته وبس اباوع على الناس من الجامه وصلنه للمدرسه نزلت من السياره ودخلت المدرسه ابتسمت لا ارادي من شفت روهانا اجتي ترگض بأتجاهي حضنتني واردفت.:-
روهانا - صارلي ساعه انتضرچ ليش تاخرتي
هازال - ما حاچه اكلچ تدرين بأبو الخط مالتنه دربه ما يندله وين ومطفي على الاخر
روهانا - اختصار للموضوع فاصل فيش من كلشي
هازال - بالضبط
ضحكت اني وياها وصعدت احط جنطتي ونزلت ضلينه نمشي بالساحه ونحجي لحد ما دك الچرس ودخلنه للصفوف ! اخذنه اول درس عربي ضلت المدرسه تشرح واحنا منتبهين وياها طبعا روهانا من
الطالبات المميزات والمجتهدات حيل تحب تقره مرات اشوفها من نخلص مدرسه ونطلع لازمه كتاب وتقره صح اني هم هيج بس مو لهل درچه خلص
الدرس الاول واجه الدرس الثاني الي امتحنه بي احياء والحمدلله الاسئله جانت سهله طلعت اني روهانا نتمشه بالساحه ونحجي شويه :-
روهانا - اكلچ !!
هازال - كولي خيتي !
روهانا - هذي انوار شتصير منج !؟
هازال - كلشي ما تصير لاا عرفه ولاا ولفه اصلاا ما اعرفها
روهانا - بس اشوفها دائما تحجي وياج
هازال - علمود المصلحه
- يعني قصدچ عدها مصلحه يمچ
- ايي تجي تأخذ الي تريده وتمشي
- اني لو منچ نعال ما انطيها
- خيتي من اكلچ الي تريده يعني الي تريده بس بالعكس
- اهاااا فهمتچ والله طلعتي خوش تفگرين
- جا شعبالج مو هينه اني
- ابد مو هينه انتي
- سمعت اكو بنيه جايه جديده هنا
- من اجيت لحد الان يمكن الف بنيه اجتي
- اييي حتى المدرسه كالت انتي كثتچ بيها خير لأن هاي المدرسه محط جان يحبها
- لازم اكو سبب !!
- كل البنات يعرفون شنو السبب بس اني ما حبيت ادخل
- احسلچ والله
- ايي اني بيه طبع ما احب ادخل بشي ما يخصني ابد
- اني بس من يصير عندي فضول لازم ادخل
- والله اني لاا فضول ولا ام الفضول
- شي حلو
- طلعتي فضوليه ولچ يعني اذا صارت سالفه وصار عندچ فضوله تعرفيها شيصير !؟
- اعرفها لو يچي الحي على الصلاة اني من يصير عندي فضول بسالفه حتى لو تافهه لازم اعرفها
- بس هيچ شي مو حلو يعني تصيرين فضوليه بكلشي ولازم اي سالفه يصير عندج فضول بيها تعرفينها
- متعوده من اني وصغيره هيج
- اذا متعوده لاا هنا السالفة تختلف
- ايي صار بيها اختلاف
- يالله امشييي ولجج هسه المدرسه تكوم تحجي علينه
- يبووو نسينه ارواحنه من كد السوالف
ضحكت عليها وصعدنه على الدرچ نرگض وصلنه للصف والحمدلله ما لگينه المدرسه كعدنه على الرحله نحجي ويه البنات خلص اليوم ورچعنه للبيت تفاجئت من شفت بيت عمي نيار يمنه مو من عوايدهم يجون
علينه !! شيي غريب الصراحه اصلا هاي الفتره كلها مرت غرابه مادري شكو ومحد يقبل يحجي اول مره تصير عدنه عمي يچي علينه لان من صارت العركه لحد هذه يومنه عمي ما دخل البيت عركات بيت
جدي لي همه عمامي وخوالي شعچب اليوم اجه علينه الله اعلم شكو !! دخلت وسلمت عليهم كلهم ابتسمت من شفت اخت يامور وتين وياهم اني وياها
نفس المرحله الدراسيه بس هيه مو بنفس مدرستي رگضت عليها وحضنته هيه هم اجتي تركض صعدت اني وياها للغرفه بدلت ملابسي وكعدنه نسولف :-
وتين - ايي شلونچ ويه السادس !
هازال - امتحان ياكل امتحان
وتين - اني ادخل بأمتحان اطلع من امتحان
هازال - عبالك جاي نسبح مو جاي ندرس
وتين - ايي والله يعني مو هيچ
هازال - ما ينطون فگه ابد تخيلي المدرسه ما تكتفي بأمتحان واحد لازم بعد شهر ثالث يالله
وتين - هوه احنا شهرين وبالكوه مدبريها انوب الثالث
هازال - عمي اسكتي والقرآن دوخه منين ما تفوت وتعبر يلحگگ
وتين - لاا هذيچ المره احجي ويه المدرسه اريد أخذ اجازه افوتلها منا تدخلي منا عبالك شلون اني افتح الباب وهيه تسد الباب
هازال - مدرسه جيس نبگه
وتين - عزا بعينچچ لي هسه تذگرين
هازال - ما انساها طول حياتي
وتين - ذاكرتچ قويه كلش
هازال - بس يم الشغلات المهمه تنفقد ذاكرتي
وتين - بس يم الشغلات المضحكه والتافه
هازال - اييي والله
وتين - طاح حظچ اي والله
هازال - هاهيه شنسوي
وتين - اكلچ صدك شتريتي ملابس لـ عرس ادريس
هازال - هذه وينه كدامج الكنتور متروس يقط ويبلع ملابس ولاا البس ولاا افتح اصلا شعندي مشتريه وإذا هينوب مضرطه اشتري او اوصي من النت
وتين - امداج جا ليش ما تلبسيهن
هازال - وين البسهن يشيب الخلفوني
وتين - امداچ ايي والله
هازال - دكافيي شجلبتيي امداچ وامداچ شكو ؟
وتين - Relax my love
هازال - خيتي هذه الكلام مال مثقفين
وتين - لاا عادي مو بس المثقفين هيج يحجون حتى احنه
هازال - خيتي هذولاك كلامهم بي ثقافه خو ما احنه نقطه ثقافه بكلامنه ماكو
وتين - بهاي اتفق وياج
هازال - اييي خيتي شوفي حتى انتي تتفقين وياي
وتين - صدك تعالي اشوفچ كراشي
هازال - يا كراش يالكعبه
وتين - غير كرشت على واحد يطك بالكاع
هازال - يبوو عليچ يا وتين شلون بيچ انتي
وتين - شسوي ياخيتي من شفت أخذ گلبي
هازال - ليش ما دكيتي گلبچ بالنعال ورجعتي
وتين - ماكو بعد ما بيها فايده
هازال - هم صدك ما بيها فايده بعد
فتحت تلفونها تشوفني الكراش مالتها طلعت صورته بس شنو يموت من صدك الولد حلو باوعت على وتين واردفت :-
هازال - وتين تحجين صدك
وتين - اييي والله شبيچ لجج يجنن يمه من اول يوم شفته بالانستا حبيته
هازال - ولچ هذه حتى من الله استحي اطلبه شتحجين انتي
وتين - اني هم گلت عيب اطلب هيج طلب لأن ادري بي ما راح يتحقق
شبعت ضحك وتين رجعت اني اضحك على كلامها؛-
وتين - شكد سخيفات رحمه للكائنات
هازال - دنچبي غير من وراچ
وتين - اني شكو
هازال - لانچ شوفتيني كراشچ ومادري اشو اجتني الضحك
وتين - خيتي انتي صارت عندج لحظه إدراك
هازال - يا لحظه انعال اكلي تبن
ضحكت اني وياها ونزلنه جوه يم الولد ابوي وعمي كاعدين بالديوان ويحجون والولد كاعدين بالديوان امي ومرت عمي بالمطبخ والبنات بالغرفه اخذت وتين رحنه كعدنه يمهم بالديوان :-
عمران - يااا هلااا بالشگره
هازال - هلاا بيك عمو
عمران - يابعد عمچ شلونچ بالدراسه انشاء الله زينه !
هازال - الحمدالله والشكر عمو كلش سهله
عمران - الحمدالله والشكر اريدچ سباعيه وتطلعين من السادس وترفعين راسنه
وتين - ليش واني موو هم سادس
محمد - اني ضامن نچاحچ بنيتي بس جاي احجي ويه بنت اخوي أريدها تصير سباعيه على عمها
عمران- عاد شلون عم
محمد - ما اسمحلككگ تحجي عليه
التفت عليه بابا يضحك غلى عمي واردف :-
عمران - يچذب عليج بنيتي ابوچ اصلا حان كلشي ما يعرف الچك من البگ
هازال - لااا عمو صدك تحجي
محمد - اخذيها مني وداعتچ هوه اصلا مو شاف امچ حتى الدراسه كفر بيها
هازال - يعني بابا بسبب ماما عاف الدراسه
محمد - ايي لهاذه السبب ابوج عاف كلشي واختار امچ
هازال - الله شكدد حلوين
محمد - لو تشوفينه من جان صغير خرب عرضگ
عمران - دسكت يا خويه خزيتني كدام ولدگ
- لااا عمي شسالفه ولاا يهمگ عادي اصلا
نيار - سرگ بير غميچ
ادريس - سرگ بير مفتوح
عمران - خرب اعراضكم فشلتونييي سكتوو
هازال - جا إذا ابوي هيچ اني لازم اصير مثله
عمران - وليداتي ما ارديكم تعوفون دراستكم علمود الزواچ صح اني عفت كلشي علمود امكم بس الدراسه هم خلص دراستك وعود هذاك الوقت اتزوج
نيار - اني من هسه بس اخلص اتزوج
ادريس - خويه انت والزواچ خطان مستقيمان لاا يلتقيان ابد
نيار - يلتقيان لاا تخاف وهسه تشوف
ادريس- ششوف !!
نيار - ادريس راح اجي افگس عينك .
اصف - يمعودين شسالفه استهدو بالرحمن
نيار - اكل خر" انت الثاني
ادريس - عيب فشلتنه من عمي شبيك ابن الحلو
ضحكت عليهم شلون يتهامسون سويه واصلا عمي وأبوي ولا يمهم مهتمين ومندمچين ويه بعض ويحجون رجعت اسمع لكلامهم :-
نيار - شبيك ابن الفگر
اصف - هسه لو جايبين عبسگه ويانه ..
ادريس - لاا تخليني اكوم انعل ابوگ وأبو عبسگه
اصف - هذه صاحبي ما اسمحلگ تحجي عليه
ادريس - نعال على راسك وراس صاحبك وتاگل خ* وتنچب بعد تريد شي
اصف - خويه شبيك انت ما تگلي ماگل شي الصبح اشو اليوم شاد فيشه وياي وحاط دوبگ ودوبي
ادريس- تاگل نعل وتنجب اني اعلمك من ارجع والله لتوي عارگ صاير هتلي
اصف - هسه غير يحجي ويفضني شكوو!!
ادريس- اصف تحب تاگلي النعال وحدك لو اجي أني اوگلگ
اصف - اهووو شلون سالفه هاي !؟
نيار - لااا تضل تمچعص احجي شكوو شمسوي اصف !!
ادريس - وقع في مصيبه ولن يقدر بعد الان الوقوف منها
نيار - لاا تاكل خر* بالفصحه احجي عربي لااا ميت نعال ارگعگ
ادريس - وكع بمصيبه ولو يچي جدك العشرطعش ما يطلعه منها
نيار - جدي العشرطعش شنو !!
ادريس - هسه عفت كلامي كله ورگزت على هاي من امداك
اصف - هسه غير نفهم شنو المصيبه الي وكعت بيها اني وما ادري بنفسي
نيار - خويه انت حتى ... روحك ما تندلهه وين
اصف - لاا تضل تمجعص احجي وفضني ما احب الالغاز
ادريس - من اخوك يصير ضابط بالجديد دمشي لك
اصف - كبور تگشگ وسليه تمطمگ كون بجاه النبي محمد
ادريس - لاا تخليني هسه ابتلي بيك كدام الناس
اصف - انجب انجب كافييي تمسلت انچعم بمكانك
نيار - كافييي شباب شبيكم خزيتونه
سكتو الولد بس واحد يخنزر بالثاني متت ضحك عليهم انوب كلامهم يشبع ضحك طلعنه اني وتين من الديوان نساعد امي بالطبخ خلصنه كلشي وحضرنه الميز نقلت الاكل من للمطبخ للميز وكعدنه ننتضر الولد يچون اجه بابا وعمي والولد سلمو على ماما وكعدو ياگلون اجتي يامور وسيلين ويانه وكعدن على صفحه الگل كعد ياكل أما عمي وأبوي يضحكون ويسولفون ويانه شكد جانت لمه حلوه هواي تونست من اجوي علينه بيت عمي والي مفاجأة الجبيره من امي كالت راح يباتون شكد فرحت من سمعت بهذه الخبر كعدنه اني وتين نضحك ونسولف بالغرفه ونضحك على وسوالف الولد أما الولد نامو بالستقبال وعمي وعمتي موجوده غرفتهم بالبيت مالتنه ضلت كاعده اني وتين سويه لحد ما مليت وحتى نومه ما اجتني :-
هازال - اكلچ امشي خلي ننزل جوه
وتين - ايي والله لأن صارت مملل للنخاع ما اتحمل هيچ شي
ضحكت عليها.ونزلت وهيه نزلت وراي طلعنه للحديقه انصدمت من شفت الولد كلهم كاعدين بالحديقة ضحكت من اردف نيار:-
نيار - لازم همين ما اجتكم النومه
هازال - ولاا طخه اصلا مادري شعجب ما نمت اليوم
اصف - انتو طلاب السادس مشهدلكم تنامون من وقت وتكعدون ويه صيحت الديچ
هازال - جا شنسوي هيه هاي
وتين - ايي هم صدك
ادريس - والله مال هسه اشمر رمانه بالفرع واخلي عياطكم مال والي
اصف - استررر علينه يمعود
نيار - بشرفك اكعد لااا تخزينه
ضحك ادريس عليهم ونيار واصف كل ساعه لازمينه لاا يكون يسويها صدك التفت نيار على وتين واردف:-
نيار - صدك نسيت اكلج !
التفت عليه وتين واردفت ؛- شنو!!
نيار - انتي مو تريدين تتعلمين سياقة
وتين - اييي امنيتي اتعلم
نيار - زين سؤال ؟
وتين - جواب!!
نيار - تخيلي نفسج بالسياره وجاي تسوقين
وتين - اييي وبعدين !
نيار - وصار كدامچ شخصين واحد طفل والثاني حچي عليمن تدوسين
وتين - على الحچي
نيار - ليش ما دوسين على البريگ شمعنه الحچي
صفنت وتين تباوع على نيار الولد كلهم ضامين ضحكتهم اني بالكوه لازم نفسي ما اضحك استوعبت وتين كلام نيار واردفت :-
وتين - يعني لازم ادوس على البريگ
نيار - لاا ادوسين على الحچي
ما تحملت وانفچرت من الضحك ادريس وكع صفح من الضحگ اصف بس يباوع علينه ويضحگ :-
نيار - مو هوه مرات الثوله هم يصير موهبه
وتين - ايي غير اول مره اعرف بهيچ شي شايفني كل ساعه حاطه السياره واسوق
نيار - يمعوده اشاقه وياج شبيچ ضچتي
وتين - لاا تشاقه وياي بعد
هازال - اذا شقاگ هيچ جا صدگگ شلون
نيار - انتي بالاول شوفي وعود احكمي
هازال - ماريد اشوفه ولاا اريد احكم خليني كاعده وساكته
نيار - طاح حظچ اي والله
ادريس - يالله كل واحد يرچع لمكانه ما ضل وقت بعد شويه وتطلع الشمس
هازال - هم صدك يالله احنه نروح انام تصبحون على خير
- وانتو من أهل الخير
صعدت اني وتين للغرفه ضلينه نسولف شويه اخر شي ما تحملت من كد التعب نمت وهيه نامت بصفي حسيت الصبح على صوت المنبه فتحت عيوني بهدوء دورت على وتين ماكو اكيد رچعو لبيتهم
وخرت الغطه عني وگمت غسلت وجهي وطلعت من الحمام بدلت ملابسي ونزلت جوه تريگت ويه ابوي وامي وصعدت فوگ اكمل قرايتي لأن بيت عمي ماشين من زمان من الصبح تكول امي فتحت كتابي
وكعدت أقره والايام تروح وتچي وخوالي بدو يشتغلون وبدو يرچعون لشغلهم القديم شكد كرهتم وزاد كرهي الهم من سمعت بيهم اصلا اني معتبره خوالي ميتين يعني وجودهم وعدم وجودهم واحد
عندي لحد ما اجه يوم المشؤوم الي غير حياتنه كلها بوقتها كان الوقت عصر. والدنيا حار حاطه كتابي بأيدي وافتر بالحديقه اراچع بالماده شويه واجتني سيلين ترگض من شفته خرطت العافيه اكيد صاير شي لزمتها من ايديها واردفت :-
- احجيي شكو شبيجج ليش هيچ وجهج !
- جدي ابو ماما داز علينه ويريد يشوفنه
صفنت بوچها واردفت ببرود :- شنوو !؟
- ولججج شلونن راححح نرچع الهمم لااا مستحيل ما اروح اني وحتى انتي ما تروحين ما راح اسمح لأحد واحد يجبرنه على شي احنا ما نريده
- بس انتضري خلي استوعب كلامج
- ولجج خالتي الي صارلها عشرين سنه ما تعرف عنه شي ولاا حاچيه ويانه اتصلت على امي قبل شويه تگللها ابوي يريدچ انتي والبنات باچر
- لووو اطك نخله برأسه هم ما اروح تريدين ارچع للذل وارچع لطيحان الحظ ليش يمه ما عندي عقل لوو مخبله وترديني اروحلهم
- اني هم ما اروح كلت الماما ما تكدرين تجبرين اروح وياج تكول بس اروح وحدي يچوچن للبيت
- ابن أمه وابوه الي يچي للبيت هذاك الوقت يشوف شي ما راح يعچبه
- سكتي هازال ما جاي استوعب الي سمعته قبل شويه
- زين اوگفي منين خابت رقم أمي ترااا السالفه مبين بيها لوفه
- سكتي اني عقلي وكف من التفكير
- زين افترضي رحنه ويه ماما شراح يسون راح يرچعون مثل قبل يچبرونه مسوي شي احنا ما راضين عنه وندري بي حرام
- الوحيد الي يگدر يوگف هذه الشي ما موجود بعد شتترچين منهم
- قصدچ الباتروس
- اييي صارله بالعشر سنوات مسافر
- زين ليش ما يرچع ويوگفهم عد حدهم
- ما يكدر هوه هم أبوه هناك مسوي مصايب وبلاوي
- منين تتلگينها من الخوال لو من ولد الخوال شنو من عائله يالگعبه ما تعرف شي اسمه حرام
- اصلا كلمة حرام ماكو بقاموسهم
- عدهم تعذيب الشخص راحه نفسيه
- وهسه شلون
- احمر لون
- شوف هاي وين واني وين
- اگلچ بيت عمي هم مشمولين ويانه
- الكل مو بس احنا الكل مشمول بهذه الكلام
- زين جدي وين عنهم ابوي ما راح حچه وياه
- عني يگول متعارگ هوه وجدي ابو امي قبل فتره وصاير حجي بيناتهم كلش ماصخ جدي عايف ابو امي وماشي راچع للبيت هذاك مسوي عناد وبس احنا كللنه
- يعني المقصد من تصرف جدي ابو امي عناد بجدي ابو ابوي
- ولجج حتى من نحجي بيهم ندوخ شنو هاي
- عائله جيس حب
- دسكتي يمعوده اني هسه اريد حل شراح يصير اذا ما رحنه ويه ماما شراح يسوون
- وانتي عليش خايفه ترا ما راح يذبحونچ؟؟
- وأكثر. هذوله كلشي يسوون لازم انخاف
- ما اخاف ولاا تنهز مني شعره اشكال والوان مرت عليه وما خفت تريدين اخاف من هذوله
- شهللل غرور هازال لاا تضلين هيچ تحجين لأن غرورچ راح يكتلچ
- الغرور البيه ماخذني صرت ما اشوف بس روحي
سكتت هيه تباوعلي بنظرة حزينه والكل يخاف من بيت خوالي وشكو اخاف اني صح اكرهم بس ما اخاف منهم عمري وحياتي ما خفت من أحد ولاا راح يچي يوم اخاف من أحد رچعت دخلت سيلين للبيت ،
شلت كتبي ودخلت للبيت صعدت لغرفتي أرتب غراضي اخذت ملابسي ودخلت أسبح طلعت وكل شي بيه مرتاح ولاا خايفه اصلا شعندي اخاف ليش شراح يسوون همه ما يكدرون يسوون شي وأبوي!!
موجود تمددت على الجربايه حطيت راسي على المخده وما حسيت بشي ثاني لگن الي صار وياي باليوم الثاني ما جنت متوقعته راح يصير جنت ما خايفه ولااا يهابني شي بس من سمعت وشفت الي صار الخوف يمشي بگل أنحاء چسمي.!!!
يتبـَع....♣️؟!!!
«ــــــــــــــــــ«•»ــــــــــــــــ»