عند العيال الساعه10 راح ابو مهند وعايلته
الجد:يالله نامو
سياف :جدي تكفى خل نسهر
راشد:خلهم يابوي ونروح ننام خل يستانسون بالويكند
محمد :كم احبك ياعمي
راشد ضحك :ماجاك الحب الا الحين يالله اهم شيء انبسطو قبل ماتنكرفون وراح
محمد :عيال تكفون خل سعود يغني ومازن يطربنا بقصايده
سياف:اييي يالله اخلصو
تنحنح سعود وبدا ياخذ العود ويغني والعيال يصفقون
من يوم شفتك وقلبي مد لك يده
والعين ذابت في روعه حسنك وزينك
فصلت قلبي على الحب وطلع قده
وحطيت قلبي انا في راحه البال
وقعد يغني الين خلص
الماجد ضحك :مين ذي فصلت قلبك عن الحب
محمد:يبدو لي ان سعود في البدايات
خالد:العبب من ذي
سعود ضحك :محد خذا قلبي ولاني بالبدايات ولا شيء
سياف :اهاا صدقنا علينا ياسعيدان
هايف:ياويلي وش فيكم خلييتو الولد يحب غصب
مشاري:اي مادام يغني اكيد شاغله قلبه وحده
مازن :الله يعينك ياسعود طحت بين ثلاث مجانين
سعود:انشهد ليتني ماغنيت
مشعل :اقول يامازن قول قصيده
مازن :ولا يهمك ،وعدلو العيال جلستهم وناظر مازن السماء والنجوم وقال :
ياسعود لي وليف بقلبي احب
طاريه واعشق حروفه الاربعه
ياسعود انا حبيته حب صادق
ويشهد علي ربي وش كثر اغليه
ياسعود انا الليل كله ماأنامه من كثر
مافكر به ليت نهايتنا ماتكون فراق
وصفقو العيال ويقولون صح لسانك وبدو يسولفون
..........................................
عند البنات كانو جالسين برا
اشواق:بنات احس ابتسام ناويه شر
هيام :حتى انا شفتي يوم طرت محمد
ترف:وانقهرت يوم قلنا في قلبه وحده
ريفال:هو بيشوفها وبينحاش
ورد:هيام هجت معها يوم قالت ريفال بقلبه
ريفال:اي حطتها براسي
هيام :يمكن صدق تكونين انتي بباله
ريفال:هي وش اللي بباله انا بس كذا ابي اعاند
سحاب غمزت : شدعوه اعترفي ليه انتي اللي دافعتي
ريفال:يع تخيلو احب مستحيل وضحكو البنات ويطقطقون بريفال ويحشون
................................................
عند العيال الساعه 2 قامو راحو ينامون الا سعود كان يفكر ب ورد وكيف شجاعتها
وعند ورد كانت تفكر بسعود والعصابه وماكان همهما شيء ونامت وسعود قعد وقت ونام
الساعه 5الفجر قام الجد وعياله قامو
الجد :راشد روح قوم السلق يقومون الساعه 5 يصلون معنا راشد :ابشر يابوي وراح يقوم العيال
راشد دخل وضحك على منظر العيال كان خالد يده بوجه سياف ومحمد رجله بوجه هايف ومشاري ماخذ البطانيه من سعود
راشد :ياعيال قومو الساعه 5قومو صلو قبل مايجيكم جدي ويعلمكم كيف تنامون زين
قامو العيال يوم سمعو صراخ جدهم وراحو صلو مع جدهم بعد الصلاه
الجد :مازن روح شوف الحريم قامن
مازن :ابشر وقام وراح ينادي امه
قامت ام مازن وجات :هلا مازن شفيك
مازن باس راس امه :يقول جدي قومو صلو وقومو البنات وسوو الفطور
ام مازن :ابشر وراح مازن
الجد :علمتهم
مازن :اي علمتهم
.................................
عند البنات جات الجده ساره تقومهم
الجده :يابنات قومن صلن وتجون تساعدونا بالفطور
هيام :ياجده تكفين ابي انااام
الجده :نامت عليش ناقه قومن بس
اشواق:ابشري بنقوم وراحت الجده
ريفال :اففف لازم نسوي الفطور
اشواق:هجل تبين جدتي وامهاتنا يقومون هم اللي يسوون قومي اخلصي وقامو البنات وراحو صلو وسوو الفطور
وجهزو الفطور حق الرجال وحق الحريم
بعد ماخلصو فطور الجد :ياعيال عبدالعزيز متى بيجي
خالد:والله مدري ماسألته ادق عليه
الجد :اي دق عليه
خالد :ابشر دق خالد على عزيز
عزيز :ارحبببب يابو فهاد
خالد :البقى وبدو ياخذون اخبار بعض
خالد:متى ناوي ان شاءالله تطل على ديرتنا الحلوه
عزيز :والله بعد يومين ان شاءالله جايها وبتنور بوجودي
خالد:يوه عزالله بتظلم وبدو يسولفون وقفل
الجد:ها متى
خالد :ان شاءالله بعد يومين انبسطو الكل وراح خالد يعلمهم وفرحو البنات وخصوصها ورد لانها لها ثلاث سنوات ماشافته
........................
عند البنات
هيام :بنات وش رايكم نقول لخالد يفحط فينا
ورد:ماتوقع بيوافق
ريفال :معليك بيوافق خل نروح وقامو ورد وهيام وريفال وراحوله
ريفال:عمي خالد حبيبي
ورد:يقولون عندكم عم قلنا اي والله
خالد:لاتنادوني عمي توني بسن الزهوو
هيام :احمد ربك نقولك
خالد ؛واضح ببطنكم شيء ماتقولون عمي الا وراكن بلى
ريفال :شدعوه محسسينا دايم نسوي بلاوي
خالد :والله انتو خاصتا يالثنتين ماتجي المصايب الا منكن اخلصن شتبون
ورد:والله نبيك تفحط فينا
خالد:تمم روحو اجهزو
ورد :صدقق كفوو عليك
ضمته ورد :يازينك ياخويلد
ضحك خالد على هبالها وراحو البنات يقولون ميدهم
مها :لا ماراح اروح
ورد:اقول مع نفسك وبتروحين غصب
ريفال:اقول بس بتروحين تراك منا
ووافقت مها وراحو لخالد
سياف:وين منحاشين
هيام :لحول بنروح مع خويلد نفحط
سياف :بروحح معكم
هيام :دزها مانستقبل عيال
سياف:والله لاروح وراح عند خالد :بروح تكفى
خالد :افا عليك امش معي
جاء سياف ركب هيام :يععع بتروح
سياف :هجل تروحون بدوني خلودي مايستغنى عني
خالد:والله يمديني بس عشان قلبي الصغير لايتحمل
سياف:خلوديي ماتوقعتك حنون
ناظره خالد بطرف عين :ليه ان شاءالله شايفني وحش
البنات ضحكو وبدو يسولفون هيام :ابغى اشغل عطني بشغل اغنيه
سياف:مين عمك
هيام :تخسي اخلص عطني
سياف:ها مافيه
هيام :خلوودي شوفه مايعطيني ترضى مايعطيني
خالد:افا يابنت سامي مارضى عليك اخلص عطها
سياف:وجع وش فيك قلبتك هاك امسكي
ضحكت هيام :غصب تعطيني
سياف:تخسين
وبدت تشغل وتغني والبنات وخالد يعززون ويصفقون ويغنون خلصو سياف :اف فجرتي اذني بصوتك
هيام شمقت له :ماطلبت رايك
خالد:هي لو سمحت الا بنت اخوي صوتها قميل قميل اوي اوي
هيام :شفت حتى خويلد يقول صوتي حلو
سياف :وش فيك قلبت مصري
خالد:شعرفك باللهجات بدك اتكلمم مصري لبناني
سياف:لاتكفى لايسمعونك اهل مصر بيعتزلون اللغه
وضحكو ووصل خالد لمكان فاضي خالد :يالله بسم الله الحين اعلمكم مهاراتي وبدا يفحطون ويصارخون وهيام تطلع جوالها تصور
سياف :مو شرط توثقين كل شيء
لفت هيام :وانت وش حارك انشغل بنفسك
وبدو يفحطون وخلصو ورجعو ونزلو خالد ها وش رايكم بس فيني
سياف:مواهب تستحق الدفن
ورد :لا والله والله مهارات فنانه
خالد : شكرا شكرا لا داعي
هيام : العب يالثقه
خالد :اكيد
ودخلو البنات
مازن :ها شصار
سياف:والله احمددو ربكم ماجيتو
لف خالد :اعقب والله انك انبسطت
سياف :امزح امزح والله انبسطنا
مازن :الحين تلقى هيام موثقه كل شيء
سياف :عزاللله توثق كل لحظه
خالد:وانتو وش حاركم خلو بنت اخوي توثق
محمد :وش فيك صاير حنون
مشاري :معليك هذا الحنان فتره مؤقته بس وضحكو العيال وكملو يسولفون
حسابي تيل وتيك : yalhmmad