سبحان الله وبحمده سبحان الله العظيم ♡
(الـسـوده - الـعـصـر )
ابو نايف : روحو ياعيال جيبو لنا فواكه
ابو رائد : وأهم شي البرشومي
عبدالله : ابشرو ، من يخاوي ؟
محمد : انا
نايف : انا
عبدالله : ها يابهاج عطني المفتاح
بهاج رمى مالمفتاح على عبدالله : خذ
عبدالله : يلا مشينا
وراحو
اما عند الرجال الي بفرشه والحريم بفرشه ويفصل بينهم سياره
نوره : اونو فزتت
نجلاء: غشاشه
نوره : هالمره لعبت صح وبدون غش
سهام : اول مره تفوز بدون غش
غدير : هههههههههه
مشاعل : واي يانوره انا معجبه بشخصيتك وجمالك وكل شي فيك
نجلاء ماكانت متطمنه وتنهدت بضيقق
نوره بأبتسامه: تسلمين ياعيونيي
وئام : بناتت مشتهيه شي طازج طري
صيته: محمد يقول انهم راحو يشترون فواكه
الهنوف : اخيراا مابغو يحسون على نفسهم ويجيبون
نوره : والله يابنات خوخ الطايف ولا غلطه
مشاعل: اييي عاد شرح بهاج حلاه زياده
البنات كشرو وجييهم بنقد على مشاعل ونوره تطالع فيها بغبنه وقهر وندم انها ارسلت الفديو
سهام بتغيير موضوع: بناتت شوفو الكولكشن الجديد الي نزل
الهنوف : اييي شفته يجنن
وداد : تقصدون الفستانين
غدير: اي
نوره تنهد وكشرت وجهها بضيق من وجود مشاعل معها !
جو العيال ومعهم الفواكه
____________________
(الـرجـال )
ابو رائد : ياهلا ياهلا بالمحمول
نايف : افاا والحامل ماتبونه
ابو صيته : نبي الي بيده ولاهو وش نستفيد منه ؟
بهاج بضحكه : بعطيها بوجهك مانبيك نبي الفواكهه هههههههههه
رائد: صادق اجل وش نبي بخشوشكم
احمد : خشتك جابت لي الهمم
نايف :هههههههههه
ابو عبدالله : يارايد قم اعط الحريم من هالفواكه وخل الي ماقد جرب البرشومي يجرب
رائد : سم
وراح رائد يعطي الفواكه الحريم والبنات
بهاج يتلذذ الخوخ : ياجماعه الخير الخوخ ثقهه
احمد : مستخلص من الضباب
بهاج: عليك نور
الجد عبدالرحمن : هبلي البرتكان بس
نايف اعطاه البرتقال : سم
عبدالله : اليله وش جدولنا؟
ابو هيام : الفندق
العيال : لااا نبي جدول ثقهه
____________________
(الـحـريـم )
ام رائد : تسلم ياوليدي
رائد ابتسم وراح
ام سحاب : يابناتت تعالو
نجلاء: سمي وش بغيتي
ام نجلاء: تعالو عانو الفواكهه
الهنوف : الله جيتت
غدير : ماقول لا
ام سحاب : يانوره تعاليي ذوقي هالبرشومي ماعمرتس جربتيه الحقي جربيه
نوره جلست جنب ام سحاب : حلو ؟
مشاعل : مرهه يجنن
ام عبدالله : اييه منا حلوه
نوره خذت حبه وقعد تقلبها ومتردده تجربها بس اكلتها : حلوه
وبعد ٣ دقايق تقريباً نوره بدت عيونها تمقرصها وتألمها وتنزل دموع استغربو كل الموجودين من نوره
ام سحاب : وش قومتس تصيحين
نوره تفرك عيونها : مافيني شي
بدا وجهها ينتفخ ويطلع حب صغير والتنفس بدا يضيق عندها
ام نايف : يويليي البنت قبت نفر
ام رائد : وش قومتس يانوره
نوره ماتقدر تتكلم التنفس ضاق عليها
نجلاء بشهقه : يراسيي حساسيه بسرعه افزعو
سهام : المستشفى المستشفى
وداد : اتصلو على رجلها بسرعهه البنت تموت
ام سحاب بخوف : نوره وش تحسين به يوجعتس شي ؟
نوره تهز راسها بنفي
غدير : الوو بهاج بسرعه تعال
بهاج فز: وش فيكمم!
غدير : نوره يابهاج نوره
بهاج بخوف : وشفيهااا جيت جيت
وقفل الخط واتجهه لهم بخوف وشاف نوره وجهها احمر ومنتفخ وكأنها مكتومه
بهاج بخوف: وش فيك ي نوره
ام سحاب : وهو وقت اسأله؟ قم شل البنت ورح المستشفى وبروح معكم
بهاج جاء بيشيل نوره بس نوره رفضت رفض انه يشيلها !
نوره بصوت قصير ومكتوم : مابغى اروح المستشفى
بهاج : لييش شوفي وجهك كيف محمر
نوره بتعب : مابغىى
بهاج تجاهلها وساندها ومتجه للسياره وركبها رغم رفضها للمستشفى وراحو
ام سحاب : يويلي كنت بروح معهم
ام عبدالله : وش لك بالمرمطه اجلسي هو عندها
نجلاء مسحت على شعرها بخوف على نوره وصيته جلست ويدها على قلبها
____________________
(الـمـسـتـشـفـى )
نوره منسدحه على السرير ومعطينها ابره حساسيه وبهاج يتشمت
بهاج ينفض ثوبه بشماته :استغفر الله استفغر الله تخيلي عاد عندي حساسيه ؟ استغفر الله استغفر الله اللهم لاشماته اخخ ياحلو البرشومي طعمه ثقه في ناس مايقدرون
نوره حاطه يدها على راسها مصدعه من سوالف بهاج الي ماتخلص
بهاج انتفض من شاف اسم المتصل
بهاج : يويليي خالتي قالت انها بتروح معنا وسحبنا عليها
نوره: احسن تستاهل الهواش والدقه والضربه بعد خل شماتتك تنفعك
بهاج حط سبيكر: الله يسترر ، ياهلا ياهلا بمزونيي
ام سحاب : وينها النعجه نوره
بهاج شال السبيكر: افاا وش قومك علاها ؟
ام سحاب : ورا ماتهتم بصحتها وتعرف وش الي يضرها والي مايضرها
بهاج طلع من الغرفه : ياخالتي ماتدري المسكينه
ام سحاب : يلا حصل خير وينها صورها لي وارسلها وستاب
بهاج : ابشري برسلها وستاب على قولتك
ام سحاب بشهقه : تغلطنيي !؟
بهاج: محشومه ماغلطتك بس اسمه واتساب
ام سحاب: البخ وصور لي نوره وارسلها وستاب الان
بهاج : سمي اوامر ثانيه؟
ام سحاب :ضف وجهك
بهاج :سمي
فقلت الخط ام سحاب
بهاج : معذوره كبيره سن
ودخل على نوره : ي مرحبا جعل يفداك راسي ويفداك مالي ي مرحبا
نوره ابتسمت رغم انتفاخ وجهها يحبها
بهاج مسك خدود نوره : ياحلو الخدود المنتفخه
نوره بأبتسامه : تسلم
بهاج : خالتي تبي صوره لك
نوره : تكفى لاتصور شكلي الحين ترسله للقروب
بهاج : القروب من فيه ؟!
نوره : الديره كلها
بهاج : اجل ماني براسل لها انتي ليي محد يشوفك غيري اهل الديره مايحتاج
نوره : كفو لاترسل
بهاج : برسل غدير سناب وتوريه بدون لاتحفظ
تنهدت نوره
بهاج يصور : عاني ياغدير بصور لك ووريه خالتي ام سحاب وياويل الي يحفظ الفديو بلعن خامسه عانو وجهها تقل طماطه بس حلوو
نوره : خلاص
بهاج سكر التصوير وقال : عاني تبين تتعافين بأقرب وقت ؟
نوره : ايه
بهاج مسك فك نوره : بوسه مني تتعافين
واعطها بوسه
اما نوره استحت وابتسمت
بهاج جلس بالسرير معها : ايي علوم اخبار
نوره : ابد علومي علومك
بهاج : توجعك الابره؟
نوره : لا بس لما دخلتها بيدي بالبدايه اوجعتني
بهاج : الف بسم الله عليك من اتفه اوجاعك ياجعل التعب لامن نواك إنحنى لي
نوره ضربت بهاج بخفه : استغفر! بدايتها حلو لكن نهايتها لا لاتدعي على نفسك يابهاج وراك ناس تحبك عاد
بهاج ناوي يحشر لنوره : محد يحبني غير امي وابوي
نوره برفعه حاجب : وانا احبك اكثر منهم
بهاج : ماصدق اقنعينيي
نوره : وكيف تبيني اقنعك
بهاج اشر على خده بمعنى بوسه
نوره بأبتسامه : طلعت الدعوى استعطاف اقرب اقرب تستاهلها
بهاج قرب : اخيراااا
نوره مسكت اذنه : ليش ماطلبتني بدون استعطاف ودراما
بهاج ماتوقع انها تقرص اذنه توقع انها بوسه بس مدري وش صار
نوره باست خد بهاج
بهاج قاعد يستوعب اول شي قرصه بعدين بوسه !؟
بهاج : ماصدق نبي ثانيه
نوره : خلاص عاد
بهاج كش بوجه نوره بمزح: كش قاتله متعه انتي وخالك زيد
نوره ضحكت وفركت عيونها لأنهم يوجعنها
بهاج مسك يدها وابعدها عن عيونها : لايانوره تتنفخ زياده تعالي علاجها عنديي
نوره : افف طيب يوجني
بهاج مسك وجهه نوره وسحبه له وباس عيونها الي توجعها : هالحين تطيب
نوره بضحكه : اكيدد الحين تطيب هههههههههه
بهاج : بروح اسأل الدكتوره اذا لها قطره لعيونك ولا شي
نوره هزت راسها برضى
بهاج قام وبيطلع الا الدكتوره تدخل
بهاج : جابك الله
الدكتوره: امر وشبغيت ؟
بهاج : هالحين البنت عيونها فيها الم وش نسوي ؟
الدكتوره : ايي البنت عندها حساسيه ولازم تبعد عن الي سبب لها الحساسيه والقطره وحبوب الحساسيه بصرفهم لك بوصفه وانت رح جبهم لها على مايخلص المغذي
بهاج خذا الوصفه : زين
وطلع
الدكتوره : كيف الحال ياحلوه
نوره بأبتسامه: الحمدلله بخير
الدكتوره : تحسين بألام شي ؟
نوره : لا الحمدلله بس متى يخف الانفتاخ وجهي مو متقبلته
الدكتوره: مايطول بيخف شوي شوي ويرجع طبيعي
تنهد نوره : الحمدلله
الدكتوره : الحمدلله ، طيب ممكن سؤال
نوره : تفضلي
الدكتوره : معليش على السؤال بس واضح زوجك ماخذك عن حب ودق خشوم
نوره : لاعاديي خذي راحتك ههههه لا لو تدرين وشلون خذاني
الدكتوره : اذا شي خاص مايحتاج تقولين
نوره بأبتسامه : لاعادي بقول كنت بنت عاديه اسكن بالديره واتعرض لأذيه من عمامي بسبب الاملاك الي كتبها بأسمي ابوي الله يرحمه
الدكتوره: الله يرحمه
نوره نزلت راسها بحزن: امين واعيش عند جدتي والي ماعرفته ان جدتي انصابت بمرض خبيث
الدكتوره رفعت راس نوره : لاتخافين بتكفل بعلاجاتها
نوره بأبتسامه : يروحيي جزاك الله خير وهي الحين تتعالج وفي تحسن
الدكتوره : الحمدلله
نوره : اييه وجدتي خافت على من عمامي لأنهم خطرين مرهه واتصلت على ولد اختها الي هو بهاج رجلي وقالت له السالفه من الي وبالبدايه رفض عشان بنت عمه المخطوبه له قالت جدتي فكر قال تم وبنفس اليوم ماكنت اعرف شي جاء اليل طلعت للمزرعه ولعلي صادفته وقعد يهاوش ليش اطلع اخر اليل ومن ذا الكلام
الدكتوره : حبيتت شديد الغيره عليك
نوره : مرهه ههههه وانا الصدق اني عاندته وقلت مستحيل ادخل وكذا قال كلمه مانسيتها للحين "يجي الصبح واخليك تبكين دم "
الدكتوره : ويي وش بيسوي المهبول وش هالتهديد !
نوره : وراح ومااعطيت الكلمه اهميه وجاء الصبح وعرفت انه بيصير زوجي وفعلاً سوا الي براسه وخذاني عناد وخلاني ابكي
الدكتوره : يروع روعني الله يسامحه
نوره : ولعلي طحت على وجهي وحبيته
الدكتوره : الله حبيت قصتكم تجنن
جاهلين بهاج الي متكي على الباب وسمع كل شي والابتسامه مافارقته
نوره : انتي الي تجننين والله
نوره التفت طاحت عينها على بهاج : بهاج؟
بهاج : لبيه
الدكتوره ابتسمت من شافتهم وطلعت
نوره : متى جيت
بهاج جلس عندها : مو من بعد الصيدليه قريبه جت الادويه وجيت
نوره تنهد : افف طفشت بطلع
بهاج : باقي شوي تحمليي ياعيني انتي ايي يقول الدكتور قطر بعيونها هالحين عشان تخف
نوره : تمام بس اكيد تعرف !
بهاج دق الصدر : افاا عليك انا كنت دكتور سابقاً
نوره : ماشاء الله صدقت
بهاج : اقول يلا بنبدا
نوره انسدحت : يلا بسم الله اللهم استودعتك عيونيي
بهاج قرب من وجهه نوره وفتح عيون نوره بتركيز : بسم الله لامعليك ازهليي
وقطر بعيونها وبقى ثابت بمكانه يتأمل عيون نوره
ونوره تتأمل عيون بهاج
فجأه دخلت الدكتوره : اوهه معليش
بهاج قام بأحراج : لا خذي راحتك انا بطلع
نوره وجهها محمر من الاحراج
الدكتوره : لاتطلع بفك المغذي وخلاص تروحون
بهاج : تمام
الدكتوره فكت المغذي ونوره كشرت ماتحب الابر والمستشفيات
الدكتوره : خلاص تقدرون تروحون
بهاج تقدم ومسك النقاب : النقاب يانوره اهم من كل شي
الدكتوره بهمس : صادقه يانوره يوم قلتي شديد الغيره
نوره خذت النقاب ولبسته : اهم شي يلا امش
بهاج مسك يد نوره : يلا مشكوره ي دكتوره
الدكتوره : واجبنا
وطلع بهاج وهو ماسك يد نوره ونوره سعيده انها طلعت من المستشفى وطاحت عينها على شخص وتنهدت بضيق وشدت على يد بهاج
بهاج وقف من حس ان فيها شي : وش فيك ياعيني؟
نوره : بهاج مشعل موجود اخاف يسوي شي
بهاج غمض عيونه بعصبيه : وينه ابن الكلب
نوره : بهاج لاتسوي مشاكل !
بهاج بعصبيه: الا وينه بكسر خشمه
نوره سكتت وبهاج قعد يتلفت يدور مشعل وطاحت عينه عليه
مشعل متكي ويدخن ويناظر نوره !
بهاج من شافه يعاين نوره انجن جنونه وتقدم ومسك ياقته : العنبوك وش تبا وش تبااا ابك لاحقنا من الرياض وش تبي قل الي عندك ياخسيس
مشعل بضحكه : ابي حرمتك نوره هههههههههه
بهاج مسكه وسدحه وقعد يضرب فيه .
حراس الامن والدكاتره جو يفارعون ونوره تبكي خايف على بهاج
الرجال ماسكين بهاج الي معصب
بهاج بعصبيه : والله والذي احل القسم تقول هالكلمه ثاني مره بدفنك ياخسيس
نوره تسحب بهاج : خلاص بهاج امش
اما عند مشعل الي اكل من الضرب لين قال امين
بهاج التفت وسحب نوره واتجهه لـ السياره وركب نوره والعصبيه تطلع من عيونه
ونوره خايف تتكلم يلعن خيرها لانه معصب
بهاج بعصبيه يفتح الدرج: ياحلالات من نحره الزفت
نوره سكرت الدرج الي فيه سلاح : لاماتاخذه اجلس استهدي بالله
بهاج بعد يدينها وسحب السلاح ونزل
نوره بدموع وغصه: بهاج فكر في الي يحبكك لاتلطخ يدينك
بهاج بعصبيه : ارجعي يانوره ولاتشوفين شيي
نوره بدموع :بهاج فكر فيني اذا تحبنيي
بهاج رمى السلاح وتقدم لنوره وحضنها : والله احبك بس بتخلص منه
نوره ببكى:بهاج تدخل السجن اذا ذبحتهه !
بهاج شد على الحضن : خلاص ياعيوني امشي نكمل يومنا
نوره رفعت راسها له : اكيد ؟
بهاج بأبتسامه ويمسح دموع نوره: اكيدين بعد يلا اركبي السياره
نوره حطت يدها على خد بهاج :كسر يد بسم الله عليك
بهاج :ليه وش فيه
نوره :كدمه بخدك
بهاج : يلا معليه معليه
نوره :لاوالله لنحط عليها ثلج
بهاج بأبتسامه :الي ودك بس مو الحين خلينا نوصل للاهل ونطمنهم عليك
نوره : تمام
بهاج خذا السلاح ودخله الدرج وركبو السياره وحركو
____________________
(الـسـوده - الـرجـال )
ابو نايف: وش قومه بهاج انتفض وراح
ابو رائد :يمكن صار شي لحرمته
ابو هيام : حرمته دلوعه وبتركب بكرا فوق راسه ويبتلش بها
ابو عبدالله : والله تستاهل الدلع بنتي النوري تستاهل
الجد عبدالرحمن تنهد بكرهه لنوره
رائد بهمس: تهقى يابو صنادح وش فيهم طيور الحب
احمد بهمس: اهقى يابو مشبب انه مشتاق لها وسوى فلم ودراما
ابو صيته : هذولاهم
جاء بهاج : ارحبوو
عبدالله : البقى وين طسيت ؟
ابو عبدالله : وش قومك يابهيج انتفضت
بهاج : البنت عندها حساسيه وضاق التنفس عندها ووديتها المستشفى
زيد بخوف : وينهاا ؟
بهاج : عند الحريم اتصل على خالتي وتضبط امورك
زيد : تم
وراح يتصل على ام سحاب تطلع له نوره
محمد : بهاج؟ متهاوش مع احد ؟
بهاج : نوعاً ما
ابو نايف : ليه وش السبب ؟!
بهاج : كذا ماعجبني وسطرته
رائد: الله المستعان
احمد : الله يخرجه
بهاج جلس : صب لي قهوه
نايف مد الفنجان: سم
بهاج خذا الفنجان : سم الله عدوك
____________________
( الـحـريـم )
ام سحاب : بهاج يقول مابها الا العافيه
ام عبدالله : الحمدلله
نجلاء: طيب وينهاا
ام رائد: شوي شوي وتجي
صيته : ياليلل عاد طولت
دخلت نوره : سلام
الكل : وعليكم السلام
ام سحاب : وشلونتس
نوره : الحمدلله بخير
نجلاء وصيته قامو حضنو نوره ونوره بادلتهم بأبتسامه
نوره : ياعمريي جعلني مافقدكم
ام سحاب : يانوره زيد يبيتس
نوره : يبيني؟
ام سحاب : اي
نوره: وينه
ام سحاب : هناك روحي تلقينه
نوره هزت راسها برضى واتجهه للمكان
ام صيته: لاوضعها متحسن
ام نايف : ايي الحمدلله
____________________
(زيـد و نـوره )
زيد : نوره وش فيك؟
نوره: حساسيه بسيطه
زيد : الحمدلله وش قوم وجهك منتفخ
نوره : من الحساسيه بيخف شوي
زيد : ايي انتبهي على نفسك
نوره بأبتسامه : تمام
زيد : اختلع قلبي عليك
نوره : يعمريي يازيد والله اني احبك
زيد حضنها : يابعد قلب خالك ياشيخه
نوره : افف احسد صوصو عليك
زيد ابتسم من طاري صيته : تحرجيني كذا
نوره: اسمع اخر المستجدات عاد قست النبض عند صيوت اكتشفت انها
زيد : وش؟
نوره: يازيد صوصو على قولتك تحبك اذا جاء طاريك يختل توازنهاا !
زيد بفرحه: صدقق !؟
نوره : اييي
زيد : طيب ليش ماتعترف بحبها لي
نوره : عاديي انا وبهاج ماعترفنا لبعض الا قبل سالفه الفديو بكم يوم رغم اننا نحب بعض بس خايفين ان الطرف الثاني مايحبنا
زيد : يعني اثبت على ما انا ؟
نوره : تحبها اخطبها
زيد : اخطبها ابشريي وضيفه وكامل والكامل الله
نوره : من يرفضك انت
زيد بضحكه : لا كذا تبيني ارفع خشمي هههههههههه
نوره بضحكه : يحق لك هههههههههه
زيد : تكفين تأكدي انها تحبنيي
نوره : متأكده ازهلنيي
زيد سجد سجود شكر
نوره بأبتسامه: الله يجمعكم بالحلال بقول لبهاج يضبطكم
زيد : بهاج بخور السوق
نوره : لا بس نرجع يضبط لنا طاعه انا وياك وبهيج وصوصو على قولتك
زيد : صوصو يالبى الاسم بس ايي بالله ضبطي لنا جلسه اعترافات وكذا
نوره غمزت : ازهلل
زيد : يسعدد امك ياشيخه
نوره : امين
زيد تنهد براحه : نوره ياخي شكرا
نوره : مابيننا !
زيد : يالبيهه صوصو تحبيني ماصدق
نوره : صدق واخطبها ومارح ترفضك
زيد : ابشري
نوره : تبي شي ؟
زيد : سلامتك
وابتسمت نوره وراحت
وتنهد زيد بفرحه : يسس
____________________
(الـحـريـم )
نجلاء : ايي يانوره طمنينا
نوره : حساسيه واتجنب البرشومي وبس
صيته معها برشومي : ام ياطعمه يجنن ذوقي يانوره
نوره بضحكه : بس مابغى هههههههههه
غدير: نوره بهاج ليه خده به كدمه
نوره: ايي اخوك راعي مشاكل
غدير: افاا من هو الي تضارب معه
نوره : تضارب مع واحد اسمه مشعل تعرفينه صيوت
مشاعل قلب وجهها
صيته: ايي عرفته الخسيس
نجلاء عقدت حواجبها من لاحضت تغير مشاعل : وش فيك مشاعل؟
مشاعل: هاه؟ لامافي شي يلا سلام بروح
صيته : ايه روحي الله معك
وراحت مشاعل
نوره : صيوت وش قومك عليها كأنك طردتيها
صيته: الصدق ماني مرتاحه لها ومن رحتي وهي على جوالها وترسل وهي ناويتك انتي ماتبينا !
نجلاء: لاحضت خوفها من سمعت السالفه الي قلتي حقت رجلك تغير وجهها احس وراها بلا
غدير : صدقق وضعها مشكوك
وداد: عينو من الله خير يمكن البنت حبت نوره
سهام : بنات حرام تدخلون بنيتها
نجلاء: شدعوا مادخلنا نيتها بس بكل مكان طالعه لنا تقل المارد الازرق
نوره : بنات لاتستهبلون هي ماتبيني تبي بهاج ركزو !
صيته: لاوالله ناويتك تبيك انتيي ولا بالطلعات الي مو فيها انتي ماتجي
الهنوف : مدري بنات احسها طيبه
نجلاء : انا اقول انتبهي منها ياتسبب لك مشكله ولا لـ رجلك انتبهي
غدير: خلاص نخلي سوالفنا سطحيه معها !
نوره : تمام
ام عبدالله : يلا يابنات قومو بنمشي لشارع الفن
سهام: تمام
____________________
(الـسـيارات )
الرجال ركبو وراحو .
العيال والحريم يهاوشون بهاج عن مقلب البانزين
ام سحاب : ها ارتحت هالحين ومن يودي البنات
بهاج: هو كان مقلب ومدري وش صار
ام عبدالله : هاتصرف من يودي البنات
بهاج : نروح انا وزيد ونجيب بانزين ونلقاكم بشارع الفن وخلاص نرجع طبيعي زيد يسوق الجيب ويجيبكم وهالحين البنات يركبون معكم
ام رائد : امري لله
وركبو الحريم والبنات وكان زحمه جت نوره بتركب بس سحبها بهاج
بهاج : تعالي تعالي وين رايحه
زيد : هالنقطه تختفي امسكها لاتهرب
بهاج: عاني لازمها
نوره : شلون؟ انت وزيد بتروحون انا وش دخلنيي شاص ترى مايكفي
بهاج : تركبين معنا
زيد : يالحريم خلاص روحو هالنقطه معنا
وحركت سياره الحريم وسياره العيال
بهاج : يلا مشينا
نوره : يارب تستهبلون
زيد : لامانستهبل وتمشين معنا يعني تمشين
بهاج : يلا قدامي
نوره : الله المستعان
زيد : حنا نبي ننزل من السوده وخذيناك عشان ماتخافين
نوره : لا ماثق فيكم بعد مقلب اليوم
بهاج : ثقي ثقي تبنا التوبه خلاص
زيد : ايه
تنهدت نوره وركبت
وركبو بهاج يسوق ونوره بالوسط وزيد عند الباب وحركو ونوره كلعاده خايفه من المرتفعات وماسكه ثوب بهاج وثوب زيد وشاده عليهم وهم يضحكون
وخذو بانزين ومتوجهين للجيب الي موقف ونزلو وعبوه بانزين ونوره على اعصابها خايفه ينغدر فيها ويسون مقلب ثاني
وعبو السياره بانزين وركبها زيد وحرك ورجع بهاج لشاص
بهاج يغني : لالاههه يلااه لالاه
نوره : بهاج
بهاج منطرب: يلالاه لالاه يلالا اوه نوره توي اشوفك وشبغيتيي
نوره : وين وجهتناا
بهاج دعس بسرعه : وجهتنا لرياض
نوره بصراخ : لاتسرع اشهد ان لااله الاالله
بهاج متجاهلها ومسرع : يلالاه لالاه
نوره كرهت الطلعه ذي من كثر ماكلت من المقالب وهبدت بهاج : اهجد
بهاج هدا السياره : ابشريي
____________________
(شـارع الـفن )
العالم مستانيه بالاجواء الزينه والشرحه وكلهم مستانسين وإلخ
____________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
.
مشاعل هدفها اكبر من بهاج 😉
.