الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
_____________________
بعد ما أخذت شهادة السادس .. الحمدلله بمعدل يرضيني .. صح مو قوي مثل ما جنت متوقعة بس ..
بين ما اعزل كنتوري .. اندك الباب .. سمحت بالدخول وطلعت اسين .. أجت كعدت كبالي وكالت
اسين : ليندا .. فوج اليوم خابرتني
ليندا : أي .. وشكالت
اسين : تكول خلي تجي يمي بـ نيويورك
ليندا : صعبة .. وحتى عيب
اسين : شنو عيب ! الصبح مهيب طالع وبليل أنتي بغرفتج !
ليندا : ما أعرف .. حتى جوازي يمكن ما يصير !
اسين : دامِس كال أني احلها
ليندا : يعني هية تسحبني !
اسين : أي .. دام زوجها عندة جنسية عادي .. وخوالة هم
ليندا : زين وحيف !
اسين : ليش ما تزوجون ؟
ليندا : خفت من هاذ الموضوع .. وبلاخص أنو هية ما تعرف بينا عاقدين .. وكلت بتوتر
- ما أعرف .. أحس هسة لا !
اسين : وليش لاا عينييي .. أني عمري 13 وعندي طفل
ليندا : اهوووو .. وهسة شنووو !! مو تكولين متندمة لأن تزوجتي !! أني ما أريد اتندم
اسين : أي والله .. امدانييي تزوجتت .. بس أنتي تزوجي حيف وسافرو
ليندا : ضحكت وهية ضلت تقنعني .. من أول ما راحت فوج هية تلح علية هية وفوج .. شهر كامل سطرني سطر .. والصراحة عادي عندي بس أحس خوف اروح ببلد غريب !
وبلاخص ما أعرف لغتهم .. مكسر احجي !
ضليت ثلاث أيام .. حيل زاد لحهم اروح يم فوج ..
وفوج گورعت راسي ..
فوج : لججج بابا يمييي اريدجج .. يمي أني .. غرفة جبيرة يمي ليندا ..
ليندا : زين وجامعتي ؟
فوج : سهلةة .. بعد كم شهر .. تجين واحنا نلوزها ليندا
ليندا : زين ما اعرف احجي شلونننن !!
فوج : انجبي تعرفين ..
ليندا : مكسر !!
فوج : سهلة ! أني اعلمج .. خب دتعاي والله ثعلب راح يجي والحر هم من يزوج ودامس
ليندا : (بتعجب !) .. دامِس !!!!
فوج : أي يكول بس تصير 19 هيج يزوجها ويجي هنا حتى شقتة تفلششش لو تشوفيهاا .. هسة يا عيوني إذا هاي تزوجي أنتي وحيف وأجرو الشقة گبالنا
ليندا : أفكر .. اسئلة واشوف ..
فرحت .. وسديتة منها ورحت الحيف ..
فتحت الباب وما لكيتة .. نزلت اسئل علي وكالو راح الاهلة .. والصراحة غريبة هوة هنا عايش !
انتضرت الحد ما يجي ..
اجة واخذتة للحديقة بعد ما سلمت علي .. كعدنا على المرچيحة ..
ليندا : حيف
حيف : عيونة
ليندا : ضحكت بخجل .. ونوب كلت .. يلحون علية أسافر يم فوج
حيف : أي !! ليش ما ترحين
ليندا : يعني عادي ابتعد عنك ؟
حيف : أكيد لااا .. بس أنتي السنة جاية جامعتج وأني بعد سنة واتخرج .. أنتي روحي يمهم ادرسي هناك .. وأني من اتخرج هاي السنة أسافر هناك .. أو تجين هنا نزوج ونرجع نسافر ! .. أني هم ببالي نسافر .. مهيب وفوج خابروني وكلولي وصارلي يومين أفكر ..
ليندا :واخر شي هاذ جوابك !
حيف : أي .. وإذا ما تردين تسافرين .. بس هاي السنة وأني متخرج .. وأنتي تضلين على السنة الجاية نزوج ونروح هناك ! .. هية شنو رأيج ؟
ليندا : لا .. راح تضيع سنة من عمري .. اوكي .. أسافر ومن تتخرج إجي نزوج ونرجع !
حضني وكال ..
حيف : أي .. ونروح هناك .. ونعيش سوة
ليندا : فرحت وحضنتة .. وضلينا كاعدين وافكر ..
وهاي هية ! أخذت قراري .. أساساً حيل ماحمسة أسافر .. فا عفتة وكمت أكول الفوج .. ةخابرتها وحيل فرحت ..
........
( الماضي الي توقفنا يمة بالجزء الأول )
فوج : مر شهر على علاقتنا أني ومهيب ..
خلال معيشتي ويا اكتشفت شخصية غير شخصيتة العصبي ، الحقير ، الحقود .. إلي مثل ما سمعت كل الحوالينا يكولون هيج !
شخصية كوميدية وطفولية رغم كبر سنة !
اكتشفت حبة إلي .. إلي ما ينوصف بكلمة ..
واعترف حبيتة .. بالرغم حقدي وكرهي جان الة ولكن خلال شهر بس خلاني اعشقة ..
بالرغم حبي الة لكن أبد ما تعايشنا گ زوج وزوجة .. ما صار عندي جرئة أكلة اتقبلك گ زوج !
بالرغم أنو أنام بحضنة .. واقبلة وعادي .. لكن أبد ما صار عندي جرئة .. وهوة كلش احترمني بهاذ الموضوع وحيل كبر بعيني ..
خلصنة الشهر كلة طلعات .. فراني نيويورك نصها .. يومية طلعة .. حرفياً حققلي إلي تمنيتة بصغري ..
يشبه دامِس بكلشي .. بس الشي اليختلف عصبيتة .. يشبهة بحنانة ، حبة ، اهتمامة القوي ، مساعدتة ..
والحمدلله ما يشبه دامِس بشي واحد ! واكيد كلكم تعرفو .. إلي هوة العصبية المرعبة .. أوكي غصبي بس بشكل دامِس مستحيل اكو أحد !!!
وبيوم .. هوة جان طالع وأني اشتغل والم البيت .. اجة ورحت سلمت علي .. عرفتة من ضحكتة وفرحتة جايبلي هدية ..
فوج : ترا عرفت عرفت هدية !!
مهيب : زين احزري شنو !!
فوج : كلش كلشي .. إلى الهدية .. آخر شي طلع موبايل ورقم .. ما استوعبت ! .. شنو هاي .. إلي !!
مهيب : أي .. وبي كل أرقام الترديهم
فوج : دمعت عيوني وكلت .. يعني عادي اخابرهم ؟
مهيب : چا المن جايبة أني !!
فوج : أخذت التليفون وحتى نسيت اشكرة !
لكيتة مسجل كل رقم ويا اسمة .. وأول رقم كان ليندا .. بنتي ..
دارت بينا محادثة .. واخر شي انكطع !
( كلشي أتذكر 👍🏻 )
خابرتهم .. وصدمةني أنو تخربطت .. تخبلت
وبعد حديث دار بينا .. اضطر الوضع أنو نسافر .. واساساً لازم من زمان نسافر .. نخلي زواجنا محكمة ونرجع نزوج هنا وأني أخذ الإقامة ..
وفعلاً رجعنا .. وعشت اسعد أيام حياتي .. بالرغم من البداية المرة واستقبالهم الـ مهيب بس كدرت اقتعهم وتصالحو الحمدلله ..
ورجعنا البيتنا لنيويورك ..
مر أسبوع ..
تطور الأمر بينا گ زوجين .. وتقبلتة وصرت زوجتة رسمياً ..
ومر شهر .. وتعرفت على بنت خالة تيتا .. الوحيدة إلي بيها قبول بتصرفاتها العسل .. البقية مابينا غير بس سلام !
هاي الأيام كلها الح على ليندا تجي يمنا قبل لا تبدي عامها الدراسي .. علاقل تسجل هنا .. وبعد عناء وافقت .. ركضت جهزت الها غرفة بالطابق المعزول لأن أعرف تستحي من مهيب ..
أخذت الها طابق معزول علمود تاخذ راحتها ..
خلصت ورحت كعدت بحضن مهيب إلي يشاهد تلفزيون
مهيب : الله يساعدج
فوج : يساعدك هم
مهيب : قبلت ليندا !
فوج : بالتواسيل
مهيب : أي .. أهم شي وافقت ! .. أني من الباجر اتوكل احاجي صديقي واخلي يحجز مقعد بالجامعة إلي درست بيها
فوج : حلوة ؟
مهيب : تجنن .. احلى جامعة بيهن
فوج : اوكي بس تعرف ياقسم ؟
مهيب :هاذ من تجي نتفاهم بي .. فوج إذا تستحي أأجر الها الشقة المقابيلنا ؟ أعرف بليندا تستحي مني
فوج : أني هم هيج اكول .. بس هية تخاف
مهيب : لعد خلي الطابق العلوي كلة الها
فوج : أي هوة هيج صار ..
مهيب : غرفة الها وغرفة الدراستها وهاي الغرفة الصغير الملابسها
فوج : هم صدك
مهيب : وخلي تجي ونروح نشتري اثاث الها على ذوقهة
فوج : تمام
مهيب : وترحن أنتي وتيتا وهية لأن بس تشوفني تستحي
فوج : ضحكت وكلت .. أي صح .. بس خاف ما نندل ؟
مهيب : تيتا كلشي تندل
فوج : ضلينا نسولف ..
ومرن الأيام ..
أجت ليندا يمنا .. ومتتت بشوفتها .. فرحت حيل .. ومهيب ما قصر .. ماعدا مهيب كلش لطيف وتعاملة شقى بس هية تستحي منة وما أعرف شنو السبب ..
****
ليندا : منبهرة من جمال نيويورك .. تجلطط تموتت وخوب البناتتتت .. ونوب منو جان وياي .. الحر .. هيهييييي .. يمشي وفاك حلكة وكل شوية مصدومين من بنية ولبسها ..
الحر : هنة بعد المن لابسات !
ليندا : فكيت حلكي على كلمتة وفطست ضحك .. بس حرفياً .. جسمهن كلةةةةة طالعععع بشكل مخزي
وبعد ما استقبلونا .. وجان استقبال كلش حلو ..
الحر ضل يمنا أسبوع .. وخلصت اجازتة .. وقررنا نطلع قبل لا يروح .. وفعلاً رحنا .. ورحنا للشط ..
بس أول ما شفنا البس .. مهيب دار السيارة ورجع وهوة يكول ..
مهيب : هيهيييي .. راح الولد من يمنا
الحر : درجع يمعود مختنك ارجععع
مهيب : شووفففف لكككك .. مو شفتهن هيجج وتزلغ عيونك ترا بكلمة اوصلها الدامس اخلي يربيك
الحر : دنجب هسة شكلت .. هية بس مخنتك أريد اسبح
مهيب : أي هذاك عدنا مسبح واسبح
الحر : قصدك بانيو مدري شسمة ؟ حبيبي هاذ ما يكفيني رجلية تطلع منة وايدي هم
ليندا : ضحكت وكلت .. أني اغطس واشوف الموت بي
ضحكو وكال ..
مهيب : چا تجيبين روحج ويا هاذ الثور ! أنتي نملة وهوة تمثال الحرية
ليندا : فطسنا ضحك على كلامة .. وخلصنا الطريق كلة نضحك .. رجعنا غيرنا ملابسنا .. جنا لابسين نص ردن وشوية ضيك .. لبسنا ملابس طلعة ورحنا للحدايق التجلط تموتتتت ..
وجان بوقتها خريف مدري ربيع .. هاذ الورا الشتاء أو بداية الصيف .. وجو لا هوة بارد ولا هوا حار وغيوم ودنية والحدايق والناس .. ولا اروع ..
****
فوج : بعد ما رجعنا .. ثاني يوم راح الحر ..
الحر شخصية كوميدية بشكل مو طبيعي .. يحب الضحك ومن تضوجون وارحون يمة تنسون شي اسمة ضوجة ..
ومرن ثلاث أشهر .. ليندا تأقلمت مع الوضع .. ومن يطلع مهيب هية تنزل يمي ومن يجي شوية وتصعد ماعدا يصيحها ويكللها تعاي بس تصعد .. أعرف بيها تستحي فا خليتها على راحتها ..
وبيوم .. ناكل ونسولف احنا الثلاثي المرح ..
اجاني لعبان نفس مو طبيعي .. حاولت امنع روحي بس ما كدرت .. ورحت استفرغت ( أجلكم الله ) كلشي اكلتة ..
بين قوسين شاكة بروحي ببطني روح !
وفعلاً ثاني يوم غصباً عني رحت للدكتور كلنا ..
وفعلاً طلعت حامل .. ما تتخيلون الفرحة إلي عمت على گلوبنا .. وبلاخص مهيب .. كبال الناس شالني وضل يفتر بية وأني كوة لازمة روحي ما اتقيئ .. ما ردت اخرب فرحتة ..
وهاي كملت فرحتنا بروح اهدانا ياها ربي .. هدية وتكملة حبة .. وقوى ورابطة الحبنا الغريب النخلق بعد الكره !
ومرت الأيام ..
كلش هادئة .. بس مع القليل من الحب والحنان ..
ليندا كلش تأقلمت ويانا وصارت گ بنتي وبنت مهيب ..
بطني بدت تكبر .. وللاسف ضاعت علية سنة ..
وليندا الحمدلله صارت تدرس بالتخصص إلي تحبة وصار مدرسها مهيب ..
أخذت سونار .. وطلع قرة عيني ولد يكون عكازتي من أكبر ..
خلصت أشهر الحمل ولا اكو اسعد منها ..
مهيب كان رجل بمعنى الكلمة .. تقبل مزاجي المتقلب وتقبل كلشي وتحملني وأكثر .. بما أنو ابقى وحدي بالبيت .. يطبخ وجبات .. وجبتين صحيات ويبقيهن الي وأني بس اروح اخذهن فقط ..
وتحدد موعد ولادتي ..
وصار أسبوع ..
أسبوع مليئ بالخوف والتوتر والفرح .. أجمل أيام حياتي بأسوء أيام حياتي .. صار مزج بينهن ..
حضرت للنونو البيبي ( ادريان )
( اوكي جان إسم قديم وهسة إسم جديد .. راح اشرحلكم بالاخير حبيباتي )
جهزت نيشان جيتة الهاي الدنية ..
ومر الأيام وخلص الأسبوع ..
****
ليندا : تجهزت للعملية .. وكل ما يقترب وقتها أخاف أكثر وأكثر .. أخاف تعوفني مثل ما سوت امي ..
ودخلت للعمليات .. واخخخ گلبي ..
مهيب منهار .. من كد خوفة ايدي ترجف الدرجة انطيتة ماي علمود يهدئ .. وكع من ايدة ..
ومر وقت كلة توتر .. اسين على تواصل وياي ولا سدت الخط ولا ثانية ..
والحمدلله .. سمعنا صوت الطفل ألف الحمدلله .. وبقى بس صوت فوجي ..
طلعو بيد الدكتورة .. وأول ما شافها ركض وسأل على فوج ولا اهتم للطفل .. والحمدلله بصحة زينة والطفل هم .. انطتة الطفل وهوة دموعة تكت ..
اسين ضلت تهلهل ..
مهيب : فرحتي يابوية .. شكد انتضرت سنين .. سنين انتضرت تجي ومن بطن إلي احبها .. اخخخ يابعد ابوك ..
ليندا : اخذتة الدكتورة بعد ما حضنة وسمى بأذنة ..
ورا وقت طلعو فوج ..
مرن الأيام .. وطلعت فوج .. وخطت عتبة البيت وهية بيدها نفر جديد ..
****
مر شهرين .. مهيب ما اكدر اوصف اهتمامة بية .. حبة ، حنانة ، فرحتة بـ ادريان ما تنوصف أبد
بدة يكبر النونو .. وضحن معاني وجهة .. وللاسف شبه أكثر الـ مهيب أني بس عيونة وشگارة ..
والنونو هادئ جداً .. والحمدلله ما تعبني ..
ومرن الأشهر .. وبدة عام دراسي جديد .. والحمدلله كدرت ارجع جامعة .. أني درست سنتين علوم .. وما احبة أبد بس غصباً ..
بس رجعت وبمعدل قوي .. كدر يحققلي حلمي إلي هوة ' طب عام ' .. وقبل لا يبدء العام الدراسي نضمت وقتي ونضمت منو إلي يبقى يم البيبي ..
مهيب : لاااا لااا .. شوفي ترحين تحضرين محاضرتج وأني ابقى يمة على ما وحدة بيجن تجي مفهوم ؟ أنتي بس تحضري وتجهزي وحليبة وكلشي وأني ابقى يمة على كد محاضراتج
فوج : لعد هاي هية .. بس وشغلك ؟
مهيب : سهل شغلي .. لا تشيلين هم
فوج : رحت وكعدت بحضنة .. وقبلتة قُبلة شكر ..
وفعلاً .. هيج صار ..
صرت أني اروح احضر محاضراتي .. واجي لو الكة ليندا يمة لو مهيب .. ومهيب يروح الشغلة ..
وهيج مرت سنة ..
سنة هادئة .. مابيها غير بس الروتين الأقل من عادي
وبهاي السنة حيف تخرج .. وأجة يمنا ..
****
ليندا : الحمدلله أجرنا الشقة التحت فوج ..
وعشنا كلمن وغرفتة على ما نرجع للعراق نزوج ونرجع كذالك لنيويورك ..
بعد أسبوع شاق .. مليئ بالتعب .. من الجامعة لتنضيف الشقة النص النهار وادرس .. وبعدها أنام ويرجع يتكرر الروتين الحد ما الحمدلله خلصنا تجهيز الشقة وصارت كلش حلوة ونازكة ..
غرفتي سويتها على ذوقي .. وغرفة حيف كذالك
واكللكم بعض الاشياء ..
حيف من ابتعدت عنة .. الهة كل وقتة مشغول .. وعذرة الدراسة .. بس متأكدة وكلش متأكدة مو هاذ العذر الأصلي واكو شي ورا بس ماعندي دليل ..
ضليت اتغاضة واسكت ..
لحد ما اجى يوم .. وتكرر نفس الموضوع .. على رقمي وأجت بنية كذالك تكول عوفي وحبيبي ومن هاذ الحجي البايخ ...
اروح افاتحة بالموضوع يكون ردة ..
حيف : ما اجذب عليج أبد .. فعلاً وحدة ويانا بالجامعة .. بس أني كلتلها خاطب بس ما تسمع .. انصدمت أساساً منين جابت رقمي ! وأني حتى رزالة رزلتها علمود لا تركض وراي
ليندا : باوعت بغضب وعدم تصديق ..
بس اتغاضيت وسكتت مثل كل مرة ..
مرت الأيام .. وبدة يزيد هاذ الموضوع .. صارن حتى محادثات بينهم تجي .. وردة يكون ' صاحبي مسوي مقلب بية ! '
وكذالك اسكت ..
مرن السنين .. وصار وقت تخرجي ..
••••••
فوج : دارت الأمور بحياتي جداً هادئة .. الدرجة ممل جداً أنو اسردهن ..
علاقتي بمهيبي حلوة كلش حلوة .. بس ماكو علاقة تخلى من الطرف الثالث .. والي هية ' أرما '
جداً تحاول تتقرب من مهيب بس هوة يبتعد .. دائماً تتقصد تجي وأني ما أكون بالبيت بحجة ' صدفة ' بس هية متقصدة ..
تعرف أنو مهيب متزوج .. وشايفة وعارفة وشايفة قوة علاقتنا بس بلا حياة وبلا اخلاق .. ماعدا خواتها كلش مؤدبات أما هية طفرة جينية عنهن ..
مرن الأيام وادريان كبر وصار سنة ..
ضلينا نحضر العيد ميلادة بكل حب وحماس .. كلنا اخذنا اجازة من شغلنا علمود البيبي ادريان
جهزت البيت كلة .. وعزمت كل شخص اعرفة .. ولد خوالة وخوالة وبناتهم وصديقاتي بالجامعة لأن ماخذتة وياي ويعرفنة ويحبنة كلش ..
مر النهار كلة نتجهز ونجهز البيت .. ترسنا بالونات وزينا الباب والدرج وكلشي حرفياً ..
جان موعد بـ 8 احنا بـ 7 خلصنا كلشي وضل بس نجهز روحنا .. وصعدت بدلت الـ ادريان .. ونزلتة جوة يم مهيب إلي نص ساعة جهز روحة وأني الهسة ما سابحة أصلاً ..
صعدت بساع سبحت .. ولبست فستان ازرك وبي رگع زراك اغتح من الون وبي كذالك لون وردي واصفر .. هذني كلهن خفاف .. ولبست گعب ازرك .. وعقد كامل سوار وگلادة وتراجي وخاتم ..
خليت مكياج بسيط .. ورشيت بارفان ( عطر ) هم كلش هادئ ..
ونزلت لكيت بعض الناس جاية .. أول ما شافني مهيب فتح عينة بصدمة واندهاش .. عرفت راح يجغص .. لو يبوسني كبالهم لو شوف شنو يكول ..
نزلت كلش اجة لزم ايدي وكال ..
مهيب : شنو هاذ الجمال فوجي !
فوج : كل هداياك لبستهن
مهيب : جانن مو حلوات وبلا قيمة .. بس أنتي حليتيهن وانطيتيهن قيمة
فوج : الله اشتهيت قيمة وتمن
ضحك .. ورحنا يم المعازيم .. وفعلاً ضلو يجون الكل وصارت بـ 10 جهزنا الكيك وادريان طاير بالتجهيزات والكيك والناس .. بلاخص تيتا حيل يحبها وليندا كذالك ..
شغلنا شموع بالكيكة .. وما عرف شلون يهفي عليها ويطفيها .. متنة ضحك وهوة يضحك على الواهس
طفيتها الة ..
ومر يوم كلش جميل .. حيل ..
وارما كل ما تشوف مهيب أني مو يمة تجي تكعد يمة وتحجي ..ماعدا تشوفة ما يرد عليها بس مستمرة ..
واخر شي .. ضليت أكعد يمة وما اعوفة أبد .. علمود لا تاخذ راحتها .. وتأخر الوقت كلش وصارت بـ 12 يالة خلص وقت الحفلة ..
واحنا هم كلمن صعد الغرفتة وعفنا الهوسة هية هية لأن حيل تعبانين ..
صعدت لكيت مهيب مبدل ومبدل الـ ادريان ونايم على ضهرة وادريان على بطنة كاعد ..
رحت بساع سبحت ولبست تراك خفيف ورحت كبل عفتهم ونمت ..
وكعدت ثاني يوم من وكت .. لكيت ليندا هستوها دا تنضف .. ورحت وياها .. للـ 11 يالة خلصنا ..وسوينا أكل ورحت أكعد مهيب ..
مهيب : عوفيني نايم
فوج : تأخرت ترا كلش على شغلك حبيبي
مهيب : أخذت يومين إجازة
فوج : تمام بس كوم أكل ويانا
مهيب : ما أريد أكل
فوج : تمام لعد ..
أخذت ادريان ونزلت .. تريكنا .. واجة وقت نفتح الهداية الي جابوهن الـ ادريان ..
مرن السنين .. ومرن الأشهر ..
ليندا عزلت هية وحيف .. بأعتبار همة مزوجين عقد شيخ .. عادي محلل الها بس مستحيل يصير زوجها قبل لا تزوج وتسوي عرس ..
علاقتي بمهيب قوت الدرجة مو طبيعية ..
ادريان صار عمرة 4 سنوات .. لغتة العربية مكسرة كلش ومرات أساساً ينسى شلون يحجي .. حاولت حيل بس ماكو .. سجلنا روضة علمود يبقى ولو القليل من وقتي ..
لأن حيل تعبت وروتيني صار كلة اشغال وتعب مو طبيعي .. الحمدلله ساعدتني الروضة .. ارجع للبيت ادريان مو هنا انضف واخلص واكعد شوية أدرس وإذا عندي شي اخلصة ونوب أكعد ويجي من الروضة ..
بعدها يروح يبدل وأني اجهز أكلة ..
ياكل وبعدها بساع ندرس .. ويخلص دروسة البسيطة ويروح يباوع على تلفزيون .. أو يلعب بألعابة على ما يجي أبو وينزلون يتمشون ..
وأني اهلك روحي بالدراسة .. ومن يبقى عندي وقت مثلاً يوم عندي شوية واجبات أحضر أكل يحبو .. أو اخابر مهيب يجيب أكل ويا ..
وهيج اخلص نهاري ..
روتين طبيعي .. وحياة هادئة ..
وجانت الحياة الهادئة بس هاي الـ أربع سنوات ..
ما چنت أدري الي ضامة رب العالمين صعب .. ما جنت حاسبتلة حساب أبد !!!!
يتبع ....
{ للحكاية بقيه }
___________________________
سلام عليكم عزيزاتي ..
اعتذر على التأخير .. بس جنت حيل تعبانة .. ورگبتي وايدي يوجعني فا أخذت وقت أجمع بي حيلي وصحتي ونفسيتي لأن حيل جنت متأذية منهن ..
وبخصوص إسم أبن فوج ..
شوفو اختاريت بالبداية إسم مستعار .. بسبب أبو ما أعرف ليش ما قبل .. بس بالاخير من سمعت معناه وبنية كتبت شي خلتني ما أنام ليلي 😂 ..
حجيت وياهم وكلت اخلي اسمة الحقيقي أحسن وكلت معنى الإسم الي ما جنت لاكية غير ..
وقبلو الحمدلله ..
وبخصوص البارت قصير ..
حياة جداً عادية .. وإذا اضل اذكر يوم بيومة راح يصير ملل مو طبيعي .. لأن روتين طبيعي جداً ..
فا اختصرت .. وبعد بس ابيجيل الي بالبارت الي بعدة .. وراح نبدي بأحداث تشيبببب الراس حرفياً
أحداث جداً قوية وممتعة .. وما جنتو تتوقعون كلشي راح يصير بهذني الأحداث ..
وهسة تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨