មួយសន្ទុះក្រោយមក Jungkook ចេញមកពីបន្ទប់ទឹកវិញបន្ទាប់ពីងូចទឹកសម្អាតខ្លួនរួចរាល់ ពេលដែលចេញមកនាយឃើញរាងតូចនៅអង្គុយឱបក្បាលជង្គង់លើគ្រែដដែល មិនឃើញគេកម្រើកខ្លួនចុះទៅណានោះឡើយ។
« ហេតុអីមិនទៅងូតទឹក? » Jungkook ដើររើសសម្លៀកបំពាក់របស់នាយយកមកពាក់វិញនិងបានសួរទៅកាន់ Taehyung ដែលអង្គុយស្ងៀមលើគ្រែ។
« គឺ...ខ្ញុំ...ឈ...ឈឺ » Taehyung អេះអុញៗមិនហ៊ាននិយាយចំៗព្រោះអៀនមាត់ ឯរាងក្រាសមិននិយាយអ្វីច្រើនក៏ទាញខោយកមកស្លៀកមុននឹងយកកន្សែងទៅរុំពីមុខរាងតូចរួចចាប់លើកបីគេយកតែម្ដងធ្វើឲ្យ Taehyung ភ្ញាក់តែក៏មិនហ៊ាននិយាយស្ដីអ្វី។
កន្លះម៉ោងក្រោយមកទាំងពីរនាក់ក៏បានរួចរាល់ទើបនាំគ្នាចេញពីបន្ទប់គេងដើម្បីញ៊ាំអាហារពេលព្រឹកដែលអ្នកម៉ាក់របស់ Taehyung បានធ្វើអោយពួកគេ។ ពេលដែលញ៊ាំរួចរាល់ហើយ Jungkook បានប្រាប់ឲ្យរាងតូចរៀបចំសម្លៀកបំពាក់របស់គេដើម្បីត្រឡប់ទៅកាន់វិមានរបស់នាយវិញ។
***
ឡានបានធ្វើដំណើរមកដល់ខាងមុខវិមានយ៉ាងធំរបស់ Jungkook វិញដែលបើកបរដោយនាយ Juyeon ។ អង្គរក្សនៅបរិវេណខាងក្នុងចេញមកទទួលពួកគេនិងបានបើកទ្វារឡានឲ្យពួកគេទាំងពីរ។
« យកសម្លៀកបំពាក់របស់គេទៅទុកទៅ » Jungkook ចេញបញ្ជាទៅកាន់អ្នកបម្រើទើបគ្រប់គ្នាប្រមូលយកឥវ៉ាន់របស់ Taehyung ទាំងប៉ុន្មានទៅទុកក្នុងបន្ទប់ដើមរបស់គេដដែល។
Taehyung ចុះចេញពីឡានដោយខ្លួនឯងនិងធ្វើដំណើរមួយៗ តែក៏ខំប្រឹងដើរឲ្យដូចធម្មតាព្រោះគេមិនចង់ឲ្យអ្នកផ្សេងមើលមកថាគេជាមនុស្សរំអួយ ឈឺបន្តិចបន្តួចក៏ដើរខ្លួនឯងមិនបានអីបែបនេះ។
« ដើរមិនបានហេតុអីមិនប្រាប់? » Jungkook ដែលដើរមកតាមក្រោយឃើញអាការៈរបស់គេរួចមិនចាំយូរក៏ចូលទៅលើកបីរាងតូចឡើង រួចដើរឆ្ពោះទៅខាងលើដោយមិនខ្វល់ពីភ្នែករបស់នរណាឡើយ ព្រោះនេះមិនមែនជាលើកទីមួយដែលនាយបី Taehyung ចូលផ្ទះឲ្យអ្នកបម្រើឃើញនោះទេ កាលពីលើកដំបូងក៏នាយធ្លាប់បីគេចូលផ្ទះបែបនេះដែរ។
ចូលមកដល់ខាងក្នុងបន្ទប់របស់ Taehyung រាងក្រាសក៏ដាក់នាយល្អិតទៅលើពូកយឺតៗដើម្បីកុំឲ្យប៉ះពាល់ដល់ផ្នែកខាងក្រោមនិងឆ្អឹងខ្នងរបស់គេដែលកំពុងឈឺដោយសារតែនាយ។ Jungkook ទាញភួយយកទៅដណ្ដប់ឲ្យគេរួចលើកខ្នងដៃស្ទាបស្ទង់ថ្ងាស់របស់ Taehyung ក៏ឃើញថាគេរៀងឡើងកម្ដៅដូចជាចង់ឈឺអញ្ចឹង។
« ចាំសិនណាបន្តិចទៀតមកវិញ » Jungkook ឱនថើបថ្ងាស់រាងតូចមួយខ្សឺតមុននឹងដើរចេញពីបន្ទប់របស់ Taehyung ដើម្បីទៅរកអ្វីមកបន្ថយកម្ដៅ។
« ពេលខ្លះសម្ដីក៏ពិរោះស្ដាប់ពេលខ្លះសម្ដីដូចជាស្អប់ខ្ពើមណាស់អញ្ចឹង » Taehyung គេងសម្លឹងពិដានបន្ទប់ទាំងកល់ទឹកភ្នែកចង់យំ ព្រោះគេមិនយល់ពីរាងក្រាសទាល់តែសោះម្ដងក៏បែបនេះម្ដងក៏បែបនោះតាមមិនទាន់ឡើយ ហើយអារម្មណ៍ស្រលាញ់របស់គេចំពោះនាយក៏ចាប់ផ្ដើមកើនឡើងម្ដងបន្តិចៗទើបធ្វើឲ្យគេកាន់តែគិតច្រើននិងពិបាកចិត្តក៏ច្រើនដែរ។
មួយសន្ទុះក្រោយមក Jungkook ត្រឡប់មកវិញជាមួយនឹងបន្ទះបិទលលថ្ងាស់សម្រាប់ចុះកម្ដៅនិងមានទាំងថ្នាំមកជាមួយទឹកសម្រាប់រាងតូចផងដែរ។
« ឆាប់ញ៊ាំទៅបន្តិចទៀតនឹងបាត់ឈឺហើយ » Jungkook លើកគេឲ្យអង្គុយផ្អែកខ្នងនឹងក្បាលគ្រែរួចហុចថ្នាំនិងកែវទឹកឲ្យរាងតូច ឯនាយល្អិតមើលមុខនាយភ្លឹសៗដូចជាមិនចង់ផឹកថ្នាំនោះទាល់តែសោះ។
« ថ្នាំបំបាត់ភាពឈឺចុកចាប់ទេឆាប់ញ៊ាំទៅ » បន្ទាប់ពី Jungkook បញ្ជាក់ Taehyung ក៏ទទួលវាពីដៃរបស់នាយយកមកផឹកពេលដែលផឹករួចរាងក្រាសយកកែវទឹកពីដៃរបស់ Tae ទៅទុកលើក្បាលគ្រែមុននឹងខិតចូលទៅជិតគេដើម្បីបិទជែលបញ្ចុះកម្ដៅ។
« លោកម្ចាស់! ហេតុលោកម្ចាស់មិនទៅធ្វើការអញ្ចឹង? » Taehyung
« យើងធ្វើឲ្យឯងឈឺប៉ុណ្ណឹងហើយចង់ឲ្យយើងទៅធ្វើការយ៉ាងម៉េច? ឆាប់គេងទៅ » Jungkook ផ្លាស់ប្ដូរសព្វនាមនិយាយជាមួយរាងតូច រួចនាយដាក់ឲ្យគេគេងទៅវិញមុននឹងឱនថើបថ្ងាស់គេមួយខ្សឺតចុងក្រោយទើបដើរចេញពីបន្ទប់របស់ Tae ទៅ។
"លែងនិយាយអូនបងហើយ? មិនអីទេភ្លេចថាខ្ញុំគ្រាន់តែជាកូនបំណុលហើយមកនៅទីនេះដើម្បីធ្វើជាអ្នកបម្រើដោះបំណុលរបស់គាត់ប៉ុណ្ណោះ មិនមែនជាមនុស្សដែលគាត់ស្រលាញ់ឯណា!" Taehyung និយាយនៅក្នុងចិត្តទាំងពេបមាត់រលីងរលោងអួលដើម.កកល់ចង់ចេញយំតែក៏ទ្រាំ តំណក់ទឹកថ្លាៗមានជាតិប្រៃក៏ចាប់ផ្ដើមហូរតាមចុងកន្ទុយភ្នែកស្អាតមុននឹងម្ចាស់របស់វាក៏លើកដៃមកវាសចេញពីថ្ពាល់យឺតៗ កាន់តែធ្វើឲ្យវាហូរស្រក់ចុះមកកាន់តែខ្លាំង។
"ខ្ញុំដឹងហើយ គាត់គ្រាន់តែចង់បានខ្លួនប្រាណរបស់ខ្ញុំប៉ុណ្ណោះគាត់មិនបានស្រលាញ់ខ្ញុំទេ ខ្ញុំគិតឆ្កួតៗឡប់ៗតែម្នាក់ឯង ណាមួយខ្ញុំជាអ្នកបម្រើមិនមែនជាអ្នកដែលគាត់មើលឃើញនៅក្នុងចិត្តទេ" Taehyung អស់សំណើចតិចៗចំពោះខ្លួនឯងដែលតែងតែគិតហួសព្រំដែនគិតអ្វីដែលជារឿងអវិជ្ជមានរហូតមក។
***
ព្រះច័ន្ទរះបំភ្លឺឡើងនាក្នុងរាត្រីដ៏ស្ងប់ស្ងាត់ខ្យល់បក់មករហឹមៗមកប៉ះនឹងផ្ទៃមុខសរស្អាតរបស់រាងល្អិតដែលកំពុងឈរមើលព្រះច័ន្ទនៅវេរ៉ង់ដាតែម្នាក់ឯង។ ខណៈនោះក៏មានដៃមួយគូលូកចូលមកឱបចង្កេះតូចស្ដើងរបស់គេពីក្រោយធ្វើឲ្យ Taehyung ភ្ញាក់មុននឹងបែរមុខទៅសម្លឹងមុខម្ចាស់ដៃដែលគ្មាននរណាក្រៅពីលោកម្ចាស់ Jungkook របស់គេឡើយ។
« យ៉ាងម៉េចហើយអន់ឈឺខ្លះទេ? »
Taehyung ងក់ក្បាលនិងញញឹមស្រាលដាក់រាងក្រាសព្រោះគេមិនចង់និយាយអ្វីឡើយ គេចង់នៅស្ងៀមស្ងាត់តែម្នាក់ឯងនិងគិតពីរឿងអ្វីដែលគេចង់គិតដោយគ្មានមនុស្សមករំខានអារម្មណ៍របស់គេ។
« កើតអី? អន់ចិត្តមែនទេដែលយើងយកខ្លួនប្រាណរបស់ឯងបាន? » Jungkook នៅតែឱបចង្កេះគេជាប់មិនលែង និងសួរទៅកាន់រាងតូចដែលងាកមុខគេចចេញរើខ្លួនចង់ចេញពីការឱបរបស់នាយ។
« kitten និយាយជាមួយបងបន្តិចមកណា! » Jungkook ប្រែសម្លេងមកជានិយាយស្រទន់ដាក់រាងតូចពេលដែលអ្នកម្ខាងទៀតព្យាយាមគេចចេញពីនាយ។ ឯនាយល្អិតពេលដែលឮរាងក្រាសនិយាយសម្ដីផ្អែលល្ហែមដាក់បែបនេះគេក៏នៅស្ងៀមមួយកន្លែងលែងកម្រើកទៅណាទៀត។
« ខ្ញុំ...ខ្ញុំងងុយគេងហើយ រាត្រីសួស្ដី » Taehyung និយាយបន្លប់និងធ្វើពុតជាងងុយគេងដើម្បីគេចវេសចេញពីលោកម្ចាស់របស់គេ។ ឯរាងក្រាសក៏ព្រមលែងដៃចេញពីចង្កេះរាងតូច ទើបនាយល្អិតដើរចេញពីមុខរបស់នាយឡើងទៅលើគ្រែដើម្បីគេង។
Jungkook មិននិយាយស្ដីអ្វីក៏ចូលទៅដាក់ខ្លួនគេងក្បែររាងតូចដែលកំពុងគេងបែរខ្នងដាក់នាយ។ នាយលូកដៃម្ខាងចូលទៅឱបចង្កេះរបស់គេនិងទាញគេយកមកជិតខ្លួនមុននឹងលោរមុខទៅថើបសក់ក្បាលគេពីក្រោយមួយខ្សឺតយ៉ាងយូរទើបបិទភ្នែកគេង។
បន្តិចក្រោយមក Taehyung ក៏បែរខ្លួនមកគេងទល់មុខ Jungkook និងត្រសុលក្បាលចូលទៅរកប្រអប់ទ្រូងរបស់នាយសដើម្បីទាញយកភាពកក់ក្ដៅពីនាយឲ្យបានច្រើនៗ។
"Kitten ស្រលាញ់លោកម្ចាស់!" Taehyung បានត្រឹមនិយាយនៅក្នុងចិត្តនិងខំបិទភ្នែកសង្ងំគេងដោយមាន Jungkook គេងឱបគេយ៉ាងស្កប់ស្កល់។
To be continued........
***
Hi hi<3