#قيود_ " خلف القضبان "✨
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول ؛- انة المايدري وين الشوگ وداه
آنة المتروس ناس ومحَد وياه .💔
«ـــــــــــــــ«•»ـــــــــــــــ»
اسلك درب التأمل، الوعي ثمّ الوعي ثمّ الوعي، اخلق المسافة بينك وبين عقلِكَ من خلال مراقبته بيقظة تامة حتى تسقط جميع الأصنام التي تمثل محتوياته.
هكذا تبدأ بفك كلّ قيد يربطك بجميع الأشياء التي تتعلق بها نعم يجب أن تصل إلى مرحلة حين لا يبقى لك أي شيء تتعلق به لن تبدأ رحلتك الروحية نحو!
الوعي الإلهي الكوني ما لم تصبح جاهزا لتكون اللّاأحد الفراغ اللّاشيء مجرداً من الحماية والأمان والضّمان، لن تبدأ رحلتك الرّوحيّة ما لم تكن جاهزاً
للتّخلّي عن التّعَلُّق بأيّ شيء دون استثناء لن تبدأ ما لم تصبح حاضراً لتدخل هذه المساحات الخالية من وجود أيّ سَنَد أو أيّ شيءٍ على الإطلاق سيبدو لكَ
الأمر في البداية وكأنّ الموت يطرق بابك وهذا نوعٌ من الموت بالفعل القديم الذي فيك يموت والجديد يُبعَثُ إلى الحياة، هذا الجديد لن يُبعَث إلى الحياة ما
لم يرحل القديم وإلى الأبد رحلتُك الرّوحيّة الحقيقيّة تبدأ فقط عندما تكون مُستعَدّاً للتّخلّي عن أي تعلق مهما كان حتّى باسم الله أو بسيّدٍ مستنير أو بنصّ
ديني بعدها ودون سابق إنذار ، نورٌ عظيمٌ مَهول يُبعَثُ من لُبّ وعُمقِ أعماق مصدر وجودك الدّاخلي نعمةٌ عظيمة تبعث فيك أنت تتحَوَّل بحق هكذا أنتَ
لم تتخَلَّ عن العقل لأنّه شبح لا وجود له، إنّك وإن استخدمْتَ تقنيّاتٍ لتتجاوز العقل فسوف تتعلّق بالتّقنيّات تقنيّاتُك سوف تعذبك وتلاحقك وتتحول إلى قيدك إنَّ مَن يكبت الحيوان يبقى حيواناً حتّى
ولو ادّعى غير ذلك . كذلك مَن انغمسَ في عالَم حيوانيّته دونَ وعيٍ أو يقظة يبقى حيوانا، نادراً ما تجد من لم يكبت ولم ينغمس بتهَوُّر وانعدام وعي
وحده هذا الشّخص يعثرُ على المِفتاحِ السّري الذي يفتحُ بابًا يقود للإلهيّ المقدّس نادرون هُم الذين عثروا على هذا المفتاح السري واحدٌ فقط من بين
مئة هو من يجده فقط البدايات رائعة في كل شيء، لكن الوقت يُبرد مشاعرهم، الوقت يكشف أن إقترابهم مني كـان بدافع الفضول او مجرد نوبات إحتياج فـ تعثروا بي لأعوضهم عن الفراغات التي يشعرون بها، لم يحدث يومًا ووجدت من
تغير لأجلي، من حاول وضحى ليبقى بجانبي، لم يتشبث بي أحد كما ينبغي، لم يشعرني أحد أنني الأهم في حياته، لم يتحملني أحد كما أتحمل انا، دائمًا انا الطرف الأقوى الذي ينبغي عليه أن يبقى قويًا طوال الوقت، لم أجد من أستطيع
الإنهيار امامه في أوقات ضعفي، لم أجد من يفكر طوال الوقت في سعادتي كما أفكر انا في سعادته، كان حبهم عاديًا، لا يختلف كثيرًا عما أسمع قصصه وأقرأ عنه، كان حبهم أقل
من العادي، حتى آمنت بأنني مختله ومريضه نفسياً، حتى آمنت أن الحب الذي أبحث عنه لا يخرج عن خيالي وأفكاري ولا وجود له على الواقع الحُبّ الذي طالما أردته لم أجده وربما أحبني الكثير لكن بالتأكيد لم يحبني أحد أكثر مما
أحببته ولطالما كنتُ الفريسة وبقيتُ كما أنا رغم مرور الكثير من الحشود ورغم كُلّ الأثقال التي رموها على كتفاي لا زلتُ كما أنا ، كم مرة يجب على الإنسان ان يموت لكي يموت للأبد؟ لقد تعبت! وأشعر بأنها كافيه كي أنطقها كنداء أخير أو
أكتبها في الرسائل وأنقشها على صدري. تعبت وهذا يكفي للراية البيضاء الاخيرة لا الأنتصار ولا السلام فقط تعبت هكذا كما هي. لقد تعبت! من العيش بلا أمل، بلا رجاء، ولو تعلم كم هو مؤلم أن يعيش المرء أياما كاملة خالية من خيط أمل
وحيد، او نقطة رجاء أخيرة. تعبت من الإختناق صامتا، والموت مرات عديدة، لا تحصى ولا تعد، تعبت. فمن سيتكفل بإزالة آثار الموت عن شحوب وجهي؟من سينفض عن قلبي كل هذا التعب؟ من سيزيل هذا الشقاء من زوايا قلبي؟
من سيخلصني من هذه الدائرة اللعينة التي تدور للأبد؟ لا تكاد تنتهي الأسئلة إنها كثيرة، كثيرة جدا، كعدد المرات التي تمنيت بها لو أنني شيئا آخراً أقوى لأحميني كـ طفلتي
الوحيدة، شيئا أكبر، ألمع من كل هذا التعب، لأخلصني من رائحة الموت، ومن دائرة الألم التي تدور، تدور ولا تكاد تقف،من الشقاء،وكل الأسئلة. تعبت من حنيني، ومن قلبي وكل الدمعات التي ذرفتها بلا جدوى من كل النظرات التي لم
أستطع ايقافها قبل أن تخرق جلدي،تعبت كثيرا، من أن تنبذني كل الأمكنة،من الخوف والقلق تعبت أكثر من نفسي، و من خوفي الذي بات يؤرقني لگن تأكدت في الأيام الأخيرة
أنني غير صالحه لأي شيء خصوصاً العلاقات الاجتماعية فلم أعد صالحه لا للصداقات ولا للحب ولا لاي شيء آخر، في الأسابيع الماضية هناك شعور استولى عليّ، حتى هيمن على كل سيكلوجياتي واتجاهاتي
وأخذ يجر بي إلى القاع بل إلى قاع القاع ان صح التعبير، مستلذه بمآساتي فاقده الشغف في كل الرغبات التي كانت من ضمن أحلامي، الصواب بالنسبة لهم لم يعد الصواب بالنسبة
لي، متسائلاً كيف يمكن لهؤلاء معشر البشر ان يعيشوا هكذا؟ هل انا منهم؟!! فأجيب نفسي بنفسي متذكراً الأساسيات التي وضعتها في حياتي وهي أنني لست منهم، لا اعلم كيف أصف هذا الشعور اعتقد ان هناك أشخاص نادرين يصابون به،
ضياع، لا مبالاة، وحدة مخيفة، عزلة قذرة، وعالم مريض لست مهتم بعلاجة ولا بعلاج نفسي أنا فقط اهتم لنفسي ! نتحدث اليوم عن فتاه جميله ذات الملامح الشقراء عيونها جميله ذات الون الاخضر وذات الشعر الاشقر في وجهه
الكثر من النمش الذي يشبه النچم الذي في السماء تلعب وتلهو ولا تعلم ماذا سوف يحل بيها من أشياء صعبه تلعب مع الاطفال وتركض هنا وهناك باحثه عن لعبتها عچزت الفتاه عن البحث نفخت بضجر واردفت:-
- اوفففف هسه وين راحت اللعبه
رچعت ابحث عن اللعبه بس هم ما لكيتهة تركت العابي
كلهن وراحت لـ امي :-
- منو مزعل حبيبتي
رمقت امها نظرات حزن واردفت :- ماما لعبتي ضاعت
- امي فدوه الچ اللعبه عادي يروح امچ باچر اچيبلچ غيرها
- ماااا اريد نفسها ما اريد وحده غيرها
- حبيبتي لا تزعلين باچر من عيوني بس اروح اچيبلچ احلى منها
- مااا ماااا اريد نفسها ما اريد تچيبيلي وحده ثانيه
- ليش هل عناد يا عيني كتلچ باچر اجيبلچ وحده
- ماما ما اريد غيرها
- تعالي امي انتي كافي لاا تبچين يعيوني
اقتربت من امي ودموعي تنزل بغزاره هاي اللعبه كلش احبها ودائما تضيع مني بس ضليت مصره على أنو الگاها ترگت امي ورحت لغرفتي اكمل واجباتي لمدرسيه لكن بالي كله يم اللعبه وين راحت هواي دورت عليها بس ما لگيتها خلصت دراستي
ونمت مر وقت وايام على ضياع هاي اللعبه مرت سنوات وايام لكن لم اچد اللعبه ختفت الى الابد لگن عندي إصرار ادور عليها لأن كلش عزيزه عليه صار عمري 18 ولا زلت ابحث على اللعبه حسيت على صوت امي وهيه تكعد بيه فتحت عيوني بهدوء واردفت :-
- ييممه ما اريد اروح الله يخليچ
- شهل حچي امي كومي عندج امتحان اليوم
- ايي امتحن وخلي بابا يطلبلي اجازه والله ما بيه حيل
- لهل درجه ما بيچ شي
- اييي والله يمه بطني توچعني من البارحه
- تكوميني لو شنو
- ماما عليج الله
- كومي كدامي دشوف كومي
- والله ما بيه حيل اروح عود بعدين امتحن
- يلاا كدامي كومي غسلي وجهج بسرعه
- اووووففف ماما
- بسچ عاد كومي
طلعت امي من الغرفه وتتحلف بيه إذا رجعت انام ترچع تگتلني كمت من فراشي وبس اتافأف ما احب احد يخرب نموتي عليه ولاا أهنأ الحلوه حتى لعبتي
ما لكيته شلون مشكله ياربي طلعت ملابسي وبدلت بسرعه ونزلت شلت جنطتي وطلعت من البيت صعدت بالخط وكل عاده ضل يفتر على الافرع حتى
يچمع البنات ونروح للمدرسه مالي نفس حتى احجي بالكوه لازم كتابي وأقره والبنات من صباحيات الله مكيجات وملاخات وحاطات اشكال والوان اوع
شكد اكره هاي النوعيه من البنات تحط بس علمود الولد عود تعالو شوفوني صعدن كل البنات وانطلق بينه ابو الخط للمدرسه طول الطريق ساكته أما
البنات بالعات مسچل بس يحچن وانوب هاي البصفي بس تعلچ موتتني واخيرا وصلنه للمدرسه ما صدكت بس وگف ابو الخط نزلت رگض ودخلت
المدرسه حطيت جنطتي بالصف وطلعت افتر بالممرات والكتاب بيدي واراچع شويه ودگ الجرس يعلن عن الدخول للصفوف نفخت بضجر وصعدت لصفي دخلت وكعدت بالرحله انتضر المدرسه تچي
تدخل المدرسه والكل وكف تحيه الها شويه ودخلت بنيه وراها بس هل بنيه اول مره اشوفها بالمدرسه كأنو جديده هنا وگفت المدرسه وباوعت على البنيه واردفت:-
- اني كم مره كلت ممنوع احد يدخل ورايه
اردفت البنيه بصوت هادئ - اسفه ست بس اني جديده هنا وما اعرف اي احد والمديره دزتني على هذه الصف
تفاچئت المدرسه بهذه الشي وحتى اني لأن اول مره تصير هيچ عدنه انو تنتقل بنيه على مدرستنه فگرت بيها. شلون راح تمتحن رياضيات اليوم سمحتلها
المدرسه تدخل باوعت البنيه على الطالبات وتدور مكان حتى تكعد بي بس البنات كلش حقيرات ما خلنها تكعد سكتت لان ما احب ادخل بهيچ أمور باوعت عليه المدرسه واردفت :-
- حبيبتي هازال خلي البنيه تكعد يمج
- عادي ست خليها تكعد
ابتسمت البنيه واجتي كعدت يمي طلعت كتبها وسكتت ضحكت عليها مبينه خايفه ورچعت تركيزي على الصبوره خلص الدرس الاول واجه الدرس الثاني
الي امتحنه بي رياضيات وجانت الاسئله كلش سهله أما هيه ما امتحنت لان جديده وما تعرف بالامتحان سلمت ورقتي وطلعت لگيتها واگفه بعيد عن صفنه
وتباوع من فوگ على البنات الي بالساحه حسيت بيها تقربلي مادري اجاني احساس انو اعرفها من زمان وشافيتها بس وين مادري ما هتميت عفتها ونزلت جوه افتر بالساحه وهيه عينها عليه توني اريد اشرلها تنزل بس دخلت عليه انوار :-
- شوو البارحه ما اجيتي ويانه شعچب
- انوار توخرين عني لو اروح اشتگي عليچ
- اووي صايره قاسيه شبيچ ويانه
- انوار كافيي شنو انتي من بشر ما تملين كل يوميه اعيد واحجي وانتي ولا همج
- تعرفين كلش زينه اني شنو اريد
- كتلج اني ما احچي ويه شسوي اچبره يحجي وياچ
- ليش تچذبين دائما اشوفه يمكم
- شنو. من بشر انتي شمدريچ يچي يمنه
- البارحه طلعت وشفت سيارته يمكم
- والمطلوب مني شنو !!
- المطلوب منج تچيبيلي حسابه
- وإذا جبتلچ حسابه شراح تسوين
- انتي بس جيبيلي حسابه والباقي عليه
- ومنين اچيبلچ حسابه عبر الحبل السري
- صايره شقوچيه وكذا
- فضيني احجي
- جيبيلي حسابه وتوگلي
- بس هوه ما يريدچ عليش ذابه نفسچ عليه
- انتي شعليچ ليش دخلين نفسج جيبيلي حسابه وخلص اتوگلي
- شكد شايفه ناس حقيره بس مثل حقارتچ ما شايفه
تفلت عليها ومشيت شكد حقيره تعالي اله تچيبلي حساب ابن عمي نيار وهوه بس يعرف يگلب الامه العربيه عليه وعلى راسي صعدت للصف ضايچه من كلامها !
تعبت منها كل يوميه اروح اشتكي بس ما يفيد وياها هل انسانه كلشي سويت وياها وما فاد دخلت الصف وكعدت بالرحله انتضر الدرس يبدي شويه ودخلت المدرسه بلشت تشرح بس بالي مو
يمها كله يم انوار وكلامها خلص الدرس الثالث وهكذا خلصنه الدروس دگ الجرس الاخير لبست جنطتي وطلعت وكل عاده لازم تصير عرگه على
الباب الخروچ صارت من الروس بالگوه طلعت نفسي مادري ليش درت وجهي شفته واگفه وتنتضر باوعت عليه الباب بعده الخط ما اجه اتقرب منها واردفت:-
- هلاوو
رفعت راسها الي واردفت :- هلا بيچ
- شو واگفه عندچ شي
- لاا بس انتضر اختي تطلع
- اهاا تمام محتاچه شي
- لاا سلامتچ
- تمام جا اني اروح
- اشوفچ باچر
ابتسمت الها واردفت :- انشاء الله
تركتها وطلعت دورت بعيني على ابو الخط واگف بنهايت الفرع خرب حظي اي والله اتقدمت على الخط واني بس اسب بي هسه لو جايبها گدام الباب مال مدرسه شراح يصير صعدت بالخط وبس اتأفأف لازم يصير شي ما بيها مچال
شويه وطلع نيار گدام الخط نقطت دم ما ضلت بچسمي خرب حظي شيسوي هنا يالگعبه اشرلي انزل بسرعه شلت
جنطتي ونزلت ضحك بوچهي واردف ؛-
- شبيچ طايره رحمه الله
- شجابك هنا
- وعليكم السلام
- عوفك من السلام بعدين عود احجي شجابك
- رچليني جابتني
- جا اعرف رچلينك جابتك بس شتسوي اجيت
- سمعت عن بنات مدرستكم نصهن مكرشات عليه كلت ما اخليها بنفسهن واجي اني بنفسي
- امداني وامدا حظيي
- جنچ اختچ بس تهم حظها
- لا تخزيني نيار امشي عيب نضل واگفين بالشارع
ضحك على كلامي واشرلي اصعد بالسياره لتفت على صوت العياط الي صار وآله اشوف انوار واگفه هيه وشلتها وبس تعيط وتبچي عبالك شايفه كاظم الساهر مو نيار امداني شايفات بي هميتها وصعدت السياره هوه ما حچه شي شغل السياره وانطلق بينه للبيت :-
- اريد اعرف شافن بيك وكرشن عليك
- شاب حلوه مرتبه وكلشي ما بيه شلون ما يعچبهن
واهم شي عنده فلوس
- ترا الفلوس مو كلشي
- نعم اعرف ماكو داعي تكولين
- اخاف ما تعرف حبيت أكلك
- شكرا الچ
- صدك نسيت اكلك ؟
- شنو ؟
- عندك حساب انستا
- لااا ما عندي عليش تسئلين !
- انطيك الصراحه!
- جا طبعا
- انوار تريده مني موتتني صارلها بالسنه تريد حسابك وما لگته ومن درت بيگ تصير ابن عمي كرهتني بعيشتي
- هل كد اني مآثر عليها
- وأكثر. انت ما شفتها شلون كامت تبچي من شافتگ
- والله يالله بنات اخر وقت
سكتت عنه ما جاوبت وصلني للبيت وراح سلمت عليه ودخلت البيت اول ما حطيت رچلي بالمطبخ تذكرت اللعبه مالتي مادري وين راحت اخترعت من صارت بوچهي سيلين :-
- عزاااا بعينچ جفلتيني
- وشبيچ هيچ دخلتي اكو واحد هيج يدخل
- اشم كفه ايدي شمدريني بيچ بالمطبخ
- شلونج اليوم بالامتحان !
- ماكو داعي اكول
- سهل لو صعبه !
- سهله الاسئله
- اممم خوش الحمدالله اي شكو ماكو بالمدرسه
- كلشي ماكو نفس ما رحت البارحه رحت اليوم بس اليوم يختلف لأن اجتي بنيه جديده لمدرستنه
عقدت حاجبها واردفت - بنيه جديده !!
- ايي بس كلش حبابه وحتى صوتها هادء عكس البنات الي عدنه ما شفت منها شي بس اجاني احساس غريب انو اني اعرفها مادري ليش أحسها من اقاربنه
- أضن الدراسه مأثره عليج حبيبتي
- لاا والله احجي من صدك ما اشاقه
- مادري خيتي بعد انتي واحساسچ
ضحگت عليها وطلعت من المطبخ لغرفتي دخلت وسديت الباب بدلت ملابسي وگعدت أقره لگن گل بالي يم اللعبه وين راحت ياربي البارحه جانت موجوده توني اريد اطلع ودخلت سيلين عليه سندت نفسها على الباب واردفت :-
- سمعتي بالخبر الجديده !
- لاااا شنو ؟!
- ادريس اخو نيار راح يتزوج
رمشت بعيني بعدم استيعاب واردفت:- عليچ الله !!
- والخلقچ قبل شويه اتصلت عمتي تگل لـ امي
- يعني عمي ما متصل بأبوي
- مادري بعد بس عمتي اتصلت بأمي قبل شويه يجوز عمي متصل على ابوي شمدريني
- زين منو راح يچي
- محظره العطبه كبل الفشخه
- اي غير اعرف
- جا اني العريس جايه تسئليني شدراني منو راح يچي اصلاا اني حاطه ابالي ما اروح
- ليش شعندچ ما تروحين!
- لعبانه نفسي من كلشي حتى الحياة صايره ايع
- اويلي عليچن امهات الكليه بس تتنعوصن
- ما كفرت بيه غير الگليه
- منو جان كاتل نفسه على الكليه والله اذا ما تخلوني اداوم اكتل روحي
- والله لو كاتله روحي ولا هاي العيشه
- لهل درچه حياة الكليه صعبه
- مو صعبه إنما لعبان نفس
- امداچ ايي والله راح تخربين واهسي
- خيتي اني لو عندي عقلچ جان هسه اني بامريكا مو هنا
- اوييي سكتي لا تحسديني
- احلف عليچ إذا ما راح تطلعين 99,0 بالسادس اتفل بهذه الوچه
- شمدريچ يجوز اطلع أكثر
- نيوتن وكاعد يمي
- الله انطاني عقل فأحمده واشكره
- اني لو منچ ارگع واصلي واصوم
- امداچ يولي راح تحسديني أمشي ولي
- صدك باچر عندج شي
- لااا ما عندي واصلا ما راح اداوم
- جا خوش باچر عدنه حفله بالگليه اريدچ تروحين وياي اشوفچ أجواء الگليه
كمزت من مكاني واردفت - عليچ الكعبه !
- اييي والله شبيچ
- تعالي ابوسچ تعالي يممه اختي ييمه
رحت رگض ابوسها من خدها ومن راسها وهيه بس تضحك :-
- يمه الاواگه يمه
- انجبي اني من زمان احبچ
- اول مره اسمعها منچ
- شنو !
- كلمه احبچ !
- طاگچ الجفاف انتي
- انجبي لچ
- بلاا هل تمسلت خلي اخلص قرايه حتى احضر ملابس لباچر
- جا تمام اني انزل جوه
- براحتج
طلعت وسدت الباب وراها رچعت اني لمكاني أقره خلصت قرايه الساعه 10 بليل هواي جان عندي تحاضير صح باچر ما راح اروح للمدرسه بس لازم أقره المواد وجان عندي امتحان يوم الخميس وباجر
الاثنين يعني طويله بعد هواي ايام سديت كتبي ورجعتهن لمكانهن وكفت على حيلي ورحت لكتنوري فتحت باب الكنتور وطلعت كل ملابسي هواي عندي ملابس بس ما لابستهن لأن ما احب اطلع هواي،.
اختاريت قميص لون وردي وبنطرون عريض كابوي حضرتهن وسديت الكنتور سويت المنبه مالتي طفيت الضوه ورجعت نمت حسيت الصبح على صوت المنبه فتحت تگ عيني وسديت فرگت عيوني وكمت على،
حيلي وخرت الفراش عني وكمت من الجربايه دخلت الحمام غسلت وجهي وطلعت رتبت ملابسي ولبستهن تعطرت وما حطيت مكياج لأن ما متعوده احط لأن معرفه الشگره هيه من الله بيضه بعد اذا حطت.
شصير بس خليت گحله وحمره شويه سويت شعري گيرلي من البارحه هوه هيچ بس شويه كويته بالكاويه وعدلته واني شعري من النوع الطويل ويطلع بالكيرلي يجنن لبست نظراتي وطلعت من الغرفه نزلت جوه وآله اسمعلگ نيار يصفگ ويصوفر من فوگ :-
نيار - هلاا بالگمر هلااا بالعسل
هازال - شكرا شكرا
نيار - اليوم الگليه راح تنور بوجودج
هازال - جا طبعا تنور اول مره ادخل عليها ولازم انورها
نيار - بويه الثقه بويه
هازال - شعندي غير ثقتي بنفسي
نيار - عمي شطالعه اليوم والقرآن ما تتحرگين ولا تمشين بالكليه رچلي على رچلچ
هازال - ها ليش !
نيار - اخاف لا احد يتحرش بيچ واني ما موجود فخليچ يمي احسن
سيلين - يچذب عليچ حبيبتي يريدچ يمه حتى يخلي
حبيبة تغار
هازال - عزااا عندك حبيبه وما كايلي !
نيار - الله يطيح حظچ سيلين لازم تبعرينها
سيلين - شسوي زلت لساني
نيار - خرب غيرتي إذا بعد كتلچ شي
سيلين - يأبه والقرآن زلت لساني مادري ما نتبهت
هازال - على كيفكم ترا ما راح اروح اكولي لاحد
نيار - مو هيچ قصدي عيوني بس ترا الحيطان هم الها اذان
هازال - ياعيني صدك والله!
نيار - اي شبيچ فيعني لازم ناخذ للاحتياط
هازال - امم ايي صح
نيار - يالله ما ضل وقت
- يلااا امشي
لزمت ايدي سيلين وتضحك على نيار شلون يباوع عليه ويتغزل بس اني ولا نقطة خچل عندي اصلا ماكو شي بقاموسي اسمه خچل صعدنه السياره وتوجهنه للكليه الصراحه اول مره احس بخوف لأن اول مره اطلع هيچ اماكن
اني بالعاده احب الهدوء والصنته بس هسه اني رايح لمكانه كله صوت عالي والناس بي هواي لزمت ايدي سيلين تهدين وتباوعلي بنظرات بمعنى لا تخافين اني يمچ واخيرا بعد معانات وصلنه للگليه كلش حلوه كلية سيلين ونيار والحلو بالموضوع هوه وياها بنفس الگليه نزلنه من السياره اني
وياهم وگفت سيلين تحجي ويه نيار واني وگفت أعدل بشعري لمحت من بعيد ولد عيني عليه رگزت عليه يلعب ستين نفس ايعع شهل لعبان النفس هوه مو تنمر بس القصد مني كلامي على نظراته الي شلون يباوع عبالك ما شايف بنات المشكله اني من فوكي لي جواي شگره حتى شعري
اشگر شلون الاصفر ضحكت على نيار وسيلين شلون يتعاركون لزمت ايدي سيلين ودخلنه للگليه سويه الحديقه مالتهم كلش حلوه هادئه ومحد بيها اشرتلي سيلين على السنتر مالتهم يقط ويبلع اشكال والوان من خلق الله ولد وبنات اجتي بنيه كلش حلوه تركض على سيلين حضنته واردفت :-
حور - شو اليوم تأخغتي انتضغتچ هواي
سيلين - تأخرت لان جبتلكم نفر جديده
اشرت سيلين عليه البنيه من صدمته ما عرفت شتحجي ضحكت على منضرها واردفت :-
هازال - على كيفج لا تبلعين السانج
حور - اوگفي انتي اختي سيلين مو !
هازال. - ايي اني اختها ليش عندج اعتراض
حور - عزااا ماشاء الله ياغبي ثنيناتكم تشابهون
هازال - تسلمين حياتي
حور - لا عده الشقه صدك هاي اختچ سيلين
هازال - ايي والله شبيج
حور - جا اليوم يلاا تذكغتي تچيبيها
سيلين - هيه ما تحب هيج اماگن اصلا ستغربت وافقت تچي وياي
يامور - حقها ما تحب هيچ إماگن لعبان نفس
ترخص نيار وراح يحچي مگالمه مادري ويامنه ضلت البنيه تحچي ويه سيلين بس بالي مو يمهن بالي يم المنظر الي كدامي ترگت سيلين وتمشيت شويه بالحديقة تعمقت بيها بس ماكو احد معقوله محد يچي يگعد هنا توني اريد افتر واضرب راسي بچسم ضخم رفعت راسي وصار وچهي بوچه بسرعه ابتعدت واردفت :-
- اخخخ راسيي متگلي اعمه ما تشوف
- هوه منو ضرب اني لو انتي
- غير طيرت نص راسي
- بلاا هل حرگات رچاءاً وبعدين تعالي شچابچ هنا
- شلگ دخل
- هم صح بس هذه المگان محد يفوت بيه فأستغربت
توني اريد اچاوبه واچاني صوت سيلين وهيه تناديلي ؛-
- اعتقد اختچ تصيحلچ
- ترا مو طرشه اسمع بس اني ما اريد اروح
- شنو السبب !!
- بكيفي انت شعليك
- على كيفچ أنجلينا جولي راح يوگع حذائج انتبهي
- شكد دمك خفيف
- من كلچ دمي خفيف على فكره دمي ثگيل كلش تريدين اچيبلچ ميزان قيسي وشوفي بعينچ
- اهوووو كافي ترا ما احب هيج نماذچ اني
- شدخل الكيمياء بالنص
- كيمياء!!
- انتي كلتي نماذچ وهيه الكلمه موجود بس بالكيمياء
- لااا من صدك انت عچيب شنو هاي
ضحك بصوت عالي على كلامي باوعتله بطرف عيني واردفت :-
- فوگاها يضحگ ترا ماكو شي يضحگ
- اييي ماكو ماكو
رچع يضحك بصوت اعلى تخبلت من شفته هيچ محب احد هيج يضحك بدون سبب ؛-
- الضحك بلا سبب من قلت الادب
- عيدي شكلتي
- كلام الملوگ لا يعاد
- صدقه لربچ ورب الملوگ
- اسكت كافي حرام هيچ تكول
- ولچ انتي شنو اول مره اشوفج هنا
- اجيت ويه اختي علمود الحفله بس لاا شفت الحفله ولا اختي
- يا حفله تحچين عنها ترا هاي حفله تعارف أنتِ شكو بالنص
- مادري اشوف اختي كلتلي وكلت خلي اچي وياها
- يا گليه أنتِ !
- مو گليه اني طالبه سادس
- لاا عليچ العباس !
- والله شبيك
- الله يعينكم مو هين السادس يرادله تعب
- جا شعبالگ كلشي يچيك من تتعب بعمل ايدگ
- ما تعرفت عليچ !
- ولاا اني !
توه يريد يحجي وسحبتني سيلين عليها واردفت مخاطبه الولد :-
- مره الثانيه ممنوع تتقرب من اختي
- اهااا هاي اختج اعذريني بس ما جنت اعرف
- اني كتلك وانت تعرف كلامي ما ينعاد
- سيلين روحي طافر لااا تضلين تمسلتين يمي
- عشتو اني شكو عسى ما تطفر من الحايط شلي دخل وانتي الثانيه امشييي حسابچ بعدين
جرتني من ايدي وتسحل بيه سحل كلش انزعچت مو تصرفها فلتت أيدها واردفت بصوت عالي:-
- ايدچ ما تمديها عليه سيلين
- صوتچ هازال كافييي خزيتيني
- على فكره كلشي ما سويه الولد بس چان يحجي وياي عليش كبرتي السالفة من يمچ وهيه صغيره
- بالذات هذه ما اريدچ تحجين وياه كل ولد العالم احجي وياهم وآله هذه
- ليش يمه شبيه چرب حتى ما تريدين احجي وياه
- سمعي كلامي وبس
- ايي خوش بس مره الثاني ممنوع تعيدين هاي حركتچ تدرين بيه اتنرفز منها
- ايي تمام كافي لاا تضوچين تعالي يم نيار اكعدي
تركت أيدها وتمشيت بتجاه نيار بس حدسي يگلي باعي لي وره ردت وجهي لي وره وانتبهت عليه يباوعلي بنظرات غريبه من انتبه عليه رفع ايدي وسويه حرگه بمعنى " باي " وطلع من الحديقه مادري
وين اختفه عقدت حاچيب شنو سبب تصرفه هذه وليش يچيني احساس اني اعرف هذه الشخص وشايفته قبل بس وين مادري مثل احساسي بالبنيه الي اجتي البارجه لمدرستنه ما هتميت اخذت مگاني بصف نيار وكعدت :-
- شو اليوم عاقله
- ماكو شي اسوي اصلا ملل هنا بالگليه شلون متحملين
- لا بالعگس هنا وناسه فرفشه لان طلاب هواي ومن غير محافظات هم وتصير جمعات واشكال والوان بس اليوم لأن حفله ماكو احد كلها ساكته
- لعبان نفس لو ما جايه احسلي
رفع نيار رأسه يباوع عليه باب الحديقه شويه وطلعت منه شابه كلش حلوه بس جانت سافره ما لابسه حچاب اتقدمت على نيار وسلمت :-
نيار - شو ماكو اليوم
- حياتي والله ابو الخط تأخر عليه
نيار - ماكو مشگله عادي بس المره الثانيه اني اخذچ
- واهلي شكللهم
نيار - تكدرين تگليلهم ابو الخط أو طلعي اي سالفه من يمچ جا تريدين تضلين هيچ مبهذله كل يوميه متأخره
- لهل درچه ما تتحمل غايبي
نيار - ولاا دقيقه اكدر اتحمل
ضحك بگلبي وكلت والله لو تدرين بي يضحك عليج جان لطختي راسچ بالحايط سبعين مره باوعلت عليه واردفت :-
- ما عرفتنه
- اخت سيلين " هـازال "
- لااا تشاقه وياي
- لا حبي ما يتشاقه وياج اني اخت سيلين
- وشبيچ معصبه ما كلت شي اني
- اعذريني بس شويه انفعلت
- عادي حب عاذريتچ
ضحكت بطريقه مجامله وكعدت ضلت تسولف هيه ونيار موتتني راسي كام يوچعني من وراها اخر شي عفتهم وكمت اتمشه بالسنتر اصوات بنات وأصوات الشباب الي بالسنتر عاليه صوت ضحك وشقه سوالف
وفرفشه لمحت من بعيد سيلين واگفه وتحجي ماسه ويامور على فكره ماسه تصير صديقت اختي لا غير أما يامور تصير اخت نيار تمشيت عليها لگن عيني صارت على نفس الشخص الي شفته بالحديقة واگف
ويه نفس البنيه الي اجتي البارحه لمدرستنه انصدمت صدمه حياتي زين واگفي هيه شچابها هنا وهذه الولد شيريد منها مادري بس يجوز أقاربهم زحت عيني عنهم وتقدمت على سيلين واردفت :-
هازال - سيلين عايني عليه خلي احجي وياج
سيلين - هلا حبيبتي كولي شكو !
هازال - هذاك الولد الي جنت واگفه يمه بالحديقة تذكري مو
سيلين - ايي شبي سوالچ شي !!
هازال - لججچ لااا بس شوفي هذايچ الي واگفه يمه هيه نفسها الي اجتي على مدرستنه جديده
اخذت نظره سريعه عليهم ورجعت اردفت :-
سيلين - شنو سبب جيتهه وياه !
هازال - نفس سبب جيتي وياچ
نيار - بلاا تمسلت يجوز اخته
هازال - اني هم كلت
سيلين - وانتي اصلا عليش تفكرين بيه كتلچ عوفي انسي كأنو اصلا ما حچيتو سويه فتهمتي
- ايي غير اعرف ليش
- ماكو بدون سبب ما اريدچ تحجين وياه
- اييي مو الي يسمعچ يگول مگطعه الشارع بالچيات اني وياچ للگليه
- بلاا تمضرط كافيي
- تدرين عندي احساس يكول اني اعرفه هذه الشخص وحتى اصلا شايفته بس وين مادري
- ضمي احساسچ بـ....بحلگچ خوش
- شكدد ادبسززز
- هاي عليمنه
- عليه مو عليچ
- اهاا اي صح ومثل ما نبهتچ انسي الموضوع كافي
- تمام حبيبتي لا تشيلين هم
- ما بيه حيل اشلي
- شكد سخيفه رحمه للحمزه
- انچبي وكافي بلاا هل خرط والمرضطه
سكتت ضحك على كلامها خلص اليوم بعرگاتي اني ونيار بالسياره واحد يضرب الثاني يامور وسيلين بس يضحگن علينه :-
نيار - هواي مسلتي انلصمي
هازال - وانت شدخلك هاا شدخلك
نيار - وچعاا شبيچ
هازال - وچعا التوجعگ
نيار - وتنام بصفچ
هازال - شكد غثيث
نيار - شكد رعنه
هازال - شكد حقير
نيار - شكدد ادبسززز
هازال - اني ادبسززز !!
نيار - لااا ابوي
هازال - ههه ههه ترا ما تضحك
نيار - وقز القرط منو كايلچ اضحكي
هازال - كافيي نيار ترا لعبتها لنفسي
نيار - اوييي صدك لعبت نفسچ
يامور - لاااا هاي قويه
هازال - يامور راح اچيچ والقرآن
يامور - انچبي ترا ما اسمحلچ تحجين على اخوي
نيار - توچ تذكرتي باخوج جا من ساعه وين جنتي
يامور - بعالم النووي
هازال - نننننن صفكولها
نيار - بلااا تمضرط كافي
سكتت عنه ورچعت ظهري على الكشن بالكوه وصلنه للبيت بطلعان الروح لگن اتفاچئت من شفت ادريس واگف باب البيت يمكن ينتضر بينه نزلنه من السياره وصار بوچهني ادريس :-
- وين جنت ابن لـ..... قريره
- ابن قريره شنو !!
- بلاا كلام زايد وين جنت !
- بالجامعه
- كل هذه الوقت بالجامعه
- إذا ما مصدك اسئل البنات
- هاي المشگله اني ما اصدك بيگ من لرأس الشارع
- ما جابرگ تصدگ براحتگ
- دكافي مضرطه وامشي وياي
- وين
- وين يعني شبيك اشو كايم تخرط
- اعذرونه بنات بس ادريس كام يمسلت
ابتسمت مجامله اله واردفت - متعودين على كلام ادريس ماكو داعي تعليمنه بس
- واگفو هاي منو يالگعبه
- هازال هاي شبيك
- لااا بشرف امكم
- والعباس
- ولچ شطالعه تطگين بالگاع بنت اللذين
- اني بگل حالاتي حلوه
- بهاي اني اتفق وياج ميه بالميه
- اترخص منكم لأن تعبانه
عفتهم ودخلت البيت حتى امي ما شفتها كبل لغرفتي بس بدلت ملابسي وحطيت راسي ونمت ما حسيت على ساعه بـ ١١ بليل فرگت عيوني وكمت على حيلي دخلت الحمام سبحت وطلعت مشطت شعري وگعدت
شويه اراچع لگن اتذكرت اللعبه مالتي ما دورت عليها ذبيت القلم من ايدي وطلعت من الغرفه نزلت جوه ما جان اكو احد والوقت جان ليل يووو هاي شكد
صارلي نايمه وما احاسه بالوقت يروح ويچي طلعت من البيت ادور عن اللعبه الوقت متأخر واليل دامس لگن ما خفت متعوده على هيچ أجواء ضليت مصره على أنو الگه اللعبه بحثت بحثت هواي واخيرا لگت اللعبه صفقت بيدي واردفت :-
- واخيرااااااا لگيتچ
فرحت هواي من لگيت حسيت بشي ورايه بس ما هتميت
اهم شي عندي لگيت اللعبه اخذت مساري للبيت واللعبه
بيدي وبس اضحك لكن لم أكن اعلم بالي راح يصير بيه ما جنت اعرف راح تنقلب حياتي من السعاده الي التعاسه ما
جنت اعرف شنو سبب تعلقي الچبير بهاي اللعبه وليش لهل درچه اني متعلقه بيها لحد ما اجه يوم وتغيرت حياتي وعرفت شنو سبب تعلقي الچبير بهاي اللعبه بالذات !
*****
سـَيـليَـن :-
ساگته وبالگوه متحمله نفسي صارت عيوني على ولد ثنين ديتعارگون عرگه گلش جبيره صارت ضرب ومسب بينهم اني بالگوه متحمله ابقه هنا وشوف ذوله ديتعارگون امداني اي والله صارت عيني على يامور من اجتي بتجاهي وشايله الكتاب بيدها :-
- شدعوه هل گد طولت محاظرتكم
- دسگتي خيتي غير تفشلت گدام الطلاب
- ليش شكو !
- بعدين عود احچيلچ المهم شگو شبيهم ذوله يتعارگون !
- اذا انتي تدرين اني ما ادري
- والله مادري بس حسب ما سمعت متعارگين علمود ماسة
- ماسة!زين عليش متعارگين علمودها لازم اگو سبب!
- مدري والله
- تهيي بهييي امداگ يحظي
- انتي بس هاي الفالحه بيها امداگ يحظي نعال عليج وعلى حظچ
- دگومي گومي ابو الخط ينتضرنه
- عليچ الگعبه !
- صارله الف سنه واگفلنه بالباب وكل ساعه داگ عليه وين يامور وين نعال
- صخام بعينچ يـ سيلين جا غير تچين وتگليلي
- والله لو يدري بيچ مكرشه عليه لصدگ يطلعله گرش
- انجبي ادبسززز منو گلچ اني مگرشه عليه
- عيوني گالت
- أنعمت عينچ گون
- انجبي لچ هوه شمحليني غير عيوني الخضر
- اصلا هازال احلى منچ
- رچاءاً بدون مقارنه
- اييي تغارين من هازال
- عليش اغار بالعگس هيه اختي بس اني ما احب احد يقارني بشخص ثاني
- نيالچ على هيچ اخت
- دنچبي وگومي لا هسه يچيچ تنگه ويگفر بيچ
- سيلين انچبي حرام عليج هيج تسمي
- چا هوه مو هم حرام عليه يسميني الدوده الشگره
- شحلاتچ احلى دوده شگره والعباس
- بلا غزل رچاءاً ما اتحمل اني
- نيالچ وين لاگيه وحده تتغزل بيچ
- ولج امشيييي يبووو على حظي
سحلتهه سحل من الگليه لحد باب الخارچ وطلعنه گبل صار بوچهنه نيار انصدمت من شفته يعني اكيد ما راح نروح ويه ابو الخط وراح ياخذنه نيار يبوو شنو مصيبه :-
- شهل تأخير عيني شنو ما عندي شغل وعمل اضل بس انتضرچن
- عفيه شنو بالع مسچل رحمه للكائنات اسگت احسلگ
- لاا وماخذه ميانه هم تعالي اخذيلچ راشدي
- اييي والله مشتيه اضرب وحده على وچهي اكون شهر ما يكون من الفراش
- تسكتين لو شلون
- اييي غير انتي تدحجي وياي
- انلصمي وصعدي بالسياره
- عچيب هل رچال عچيب
- انلصمي كتلچ
- اييي شبيك
دخلت ضايچه من تصرفه كل البنات الي واگفات يم الباب مال جامعه يضحكنه علينه لان يدرن بيه شكد اتشاقه واضحك ويه نيار على فكره نيار ابن عمي مو شخص غريب صعدت السياره اني ويامور وانطلق بينها للبيت
طول الطريق ما حچه شي وبس يخطف نظرات من المرايه ويباوع عليه ما هتميت اله حطيت راسي على جتف يامور ونمت ما حسيت على نفسي اله وحد يكعد بيه فتحت عيني وآله اشوف يامور تندس بيه تريدني اكعد :-
- اييي شبيچ مو حتى جتفي كسرتي
- صوتچ رعنه بدال ما تكعد بيچ
- حتى النومه طيرتوها من عيوني شبيكم وچه الحوبه
- اخر مره اكلچ انلصميي
- انت الثاني شبيك منفس بوچهي
- اللهم طولچ يا روحي ولچ بويه شبيچ بس كليلي شنو من صباحيات الله عركه اريد اعرف اهلچ ذابين صرتچ بقاعة الملاكمة
- شكد غثيث رحمه للكائنات
- سيلين انچعمي بمكانچ واسكتي
- احسن حل اسكت لأن انت الحجي وياك ضايع
- لاا ليش ضايع دوري وهسه تلگي
- اويلي ياربي انطيني الصبر
- انلصمي واسكتي
سكتت عن وما ردت عليه رچعت راسي على جتف يامور وبين الكاعده وبين النايمه أما يامور فاحطه ضحك علينه اني ونيار وأخيرا وصلت للبيت ودعت نيار ويامور ونزلت من السياره متوچهه لبيتنه اول ما دخلت صارت بوچهي أمي :-
- هلااا يمه هلا بيچ
- يمه ميته چوع عليج الله سويلي اي شي خلي اكل
- حبيبتي انتي انتضري خلي يچي ابوچ واختچ من الدوام حتى نصب سويه وناكل
- يمه ميته تعب ديكلچ اني اضل انتضر هازال وأبوي
- شهل حچي يايمه انطي صبر روحي اول شي بدلي وارتاحي وهسه شويه ويچي ابوج واختچ
- على ما انتضر تلگيني ميته وخلصانه ودافنيني بالكبر
- ابد ما عندچ صبر ابد
- من الله هيچ اني ما عندي صبر شسوي
- بنيتي لا تضلين تحجين روحي بدلي ملابسچ بالاول وعود تعالي احجي
بستها من راسي وصعدت لغرفتي اخذت شور سريع وطلعت بدلت ملابسي ونزلت جوه وبالفعل لكيت ابوي واختي هازال جايين بس ما شفت هازال يمكن بغرفتها بس بابا جان كاعد بالصاله من شافني اردف :-
- شلونچ بابا ؛!
- انطيك الصراحه لو الچذب !
- اريد الصراحه !
- اذا كتلك زينه اجذب عليك وإذا كتلك مو زينه هم اجذب عليك فمادري شكول
- هاي شلون وين لكيتيها
- ايي بابا ما اريد اجذب عليك انطيك الصراحه اني
- عفيه عليج على ابوچ طالعه
- تربايتك بعد
- شلونج بالجامعه ؟
- ماكو شي جديد نفس الشي كل يوميه ينعاد
- اليوم نيار اچاكم لو لا !
- اصلا هوه كل يوميه يچي ياخذنه
- اهاا خوش
- جا هازال وين
- بغرفتها توها اچتي من المدرسه
- اروح اشوفها احسن
تركت ابوي وصعدت لـ هازال اشوفها وين صارت لحد يتعچب من كلامي ويه ابوي لأن اني متعوده هيج احجي ويه ومو بس اني حتى اختي هازال هيچ متعوده لأن بعائلتنه بس اني واختي هازال لأن اخوان
ما عدنه عائلتنه مكونه من ام وأب واخوات اثنين وبس وصلت لغرفتها ودخلت انصدمت من شفتها شايله نفس اللعبه الي شمرتها البارحه ياربي هاي تريد تخبلني بسرعه دخلت للغرفه واخذتها من أيدها واردفت:-
- هازالللل شكتلچ اني على هاي اللعبه
- مااااا اني احبها
- حبيبتي علمود مصلحتج اني راح تأذيچ هاي اللعبه
- لاا ما راح تأذيني اني احبها
- استوعبي هازال انتي صرتي صف سادس علمي ماكو بعد لعبه ومن هذه الخرط كافي انتي صرتي جبيره
- مالج دخل بيه اني احب لعبتي انتي شكو
- شنو اني شكو هازال احجي عدل اني اختج
- على نفسج مو عليه
- ربي شلون بي اني لچ بابا فهمييي انتي صرتي چبيره بعد ماكو لاا ألعاب ولاا هذني السوالف
- طلعيي برا وعوفينييي
- هازال كافي تمسلت انتي واعيه
- انچبي وطلعيي برا غرفتي
نار وشتعلت بگلبي من شفتها هيچ تحجي عليه وما تحترمني بالكوه لزمت نفسي ما اسوي شي يأذيها صگيت على سنوني واردفت :-
- هاااازززاللل احترمي نفسچ
- ما كتلج شي بس كتلج اطلعي برا
- انجبي وبلا هل كلان خر*
- سيلين اذا ما طلعتي راح أصيح ماما عليج
- اي مو انتي صغيره حتى تصيحين ماما عليه
- تطلعين لو شلون
- صوچي اني اجيت اشوفج امداني اي والله
عفتها وطلعت من الغرفه خنست من شفت امي واگفه كدام الباب اكيد سمعت كلامنه اني وياها:-
- وين اختج
- بالغرفه
اتقربت امي مني واردفت :-
- اخر مره تعلين صوتچ على هازال
- ماما هيه الي بلشت
- تعرفين كلش زينه اختج مو بوعيها ليش هيچ تحجين وياها وتأذيتها بالزايد
- كل بسبب هاي اللعبه اله اشمرها
- كل ما كلنه وكلتي بسبب اللعبه بنيتي اللعبه مالها دخل هيه لعبه حالها حال اي لعبه موجود بالسوق
- ماما انتي شايفه شكلها تلعب النفس من جبتيها لحد هسه اشكال والوان صارت ويانه اول شي موت مرت خالي والي سبب بفراق الولد وخالي
- كافي بسچ لا تضلين تمچعصين
- اييي ضل ساكته واخر شي راح تتخبل بنتچ وعود كولي ما كالت سيلين
- سيلين بسچ عاد كافي انزل جوه وما اريد ولا كلمه
عفتها ونزلت مالي حيل اماقشها بس اني متأكده ميه بالميه كل الي ديصير ويه اختي بسبب هاي اللعبه كلشي اختلف من جابت امي هاي اللعبه كأنو نحس
علينه وبس تچيب الشر دخلت المطبخ وكعدت على الميز كل عاده انتضر امي وأبوي ينزلون حتى ناگل شويه ودخلت هازال بس غريب ! ما جانت شايله اللعبه بيدها شنو السبب ! معقوله اني حجيت وياها
درت وجهي عنها من صارت عينها عليه شويه ودخل بابا وماما كعد ابوي يحجي ويه هازال على يومها بالمدرسه وهيه بس تچاوب بس جاوبها مختصر هيه
هاي عادتها تجاوب على كد السؤال وبس وكفت على حيلي اساعد امي بالاكل صبته الغده وحظرت كلشي نقلت المواعين للميز وكعدنه ناكل ما ينسمع غير بس صوت الخواشيگ لعبت نفسي مو هذه الشي ذبيت
الخاشوگه وكمت غسلت ايدي وصعدت للغرفه صايره نفسيه اني وما يعچبني العچب حتى اليوم مادري شبيها اول مره هيچ احجي ويه نيار صح أخذ ميانه بس مو هيج بحدود ما فگرت ولا خليت شي أبالي دخلت لغرفتي وسديت الباب بدون اي كلام حطيت راسي ونمت كعدت الصبح على اثار صوت
المنبه گمت من الجربايه وأخذت مساري للحمام سبحت وطلعت بدلت ملابسي مال جامعه وطلعت نزلت جوه انتضر هازال تچي لأن تريد تروح وياي للگليه بما انو اليوم عدنه حفله خليها تتونس أخذته
ومشيته خلص اليوم عادي ما صار شي بس الي زعچني هذه الولد الي ويانه ما زاح عينه عن هازال شگد حقير يالله اصلا اول مره انتبه عليه هيچ يباوع
عليه البنات بس ما هتميت رچعنه للبيت وگل الطريق نيار وهازال يتعارگون واني ويامور ميتين ضحك عليهم وصلنه للبيت بس تفاجئت من شفت ادريس واكف يم بابنه نزلنه گلنه من السياره اترخصت هازال ودخلت للبيت أما اني بقيت يمهم :-
ادريس - شكوو شبيها هاي !
سيلين - ما بيه حيل تعبانه اليوم فترتلگ الجامعه كلها
ادريس - اگول أني شبيها هازال طلعتو ماخذينها للجامعه
سيلين - اييي اخذتها وياي
ادريس - بس غلط هذه الشي
سيلين - وين الغلط بالموضوع
ادريس - انتي أكثر وحده تعرف هازال تكثر التجمعات والناس الهواي وتكره الإمكان الي بيها أشخاص هواي عليش اخذتيها شوفي شلون رچعت تعبانه
سيلين - اصلا اني ما عبالي راح توافق كلتلها تروح وياي كالت ايي اريد اروح اصلا تفاجئت من كالت اييي
ادريس - حتى لو هيه هذنيچ الإمكان ما تحبهن ما يصير تاخذونها هناك روحي شوفيها خاف تسوي شي بنفسها
نترت بوچهه واردفت - ادريس !!؟
ادريس - ما اشاقه وياج روحي شوفيها
سيلين - شنو ما تشاقه وياي ليش يمه شايف اختي خبله ؟
ادريس - بلااا كلام زايد روحي شوفي اختج
نفخت بضجر ودخلت للبيت صعدت فوك وتوچهت لغرفت هازال أسرعت بخطواتي من سمعت صوت حرگه بغرفتها وكل عاده فتحه باب وغاطه بالنوم
ضحكت على حركتها ودخلت الغرفه غطيته عدل وسديت الباب وطلعت دخلت لغرفتي وميته تعب ذبيت جنطتي وأخذت مساري للحمام سبحت بسرعه
وطلعت لبست ملابسي ونمت مرت هواي ايام علينه بس تصرفات هازال يوم عن يوم دتزيد غرابه وهذه الشي ديخوفني حتى لعبته الي ضميته مره الثاني لاگيتاها راح تخبلني حسيت الصبح على صوت المنبه
نفخت بضجر وفتحت عيوني وخرت الغطه عني وگمت غسلت وجهي وطلعت من الحمام بدون اي كلام بدلت بسرعه ونزلت لگيت نيار ينتضرني بدون ما احجي صعدت السياره وهوه هم شغله السياره
وتوجه للجامعه طول الطريق ساگتين حتى يامور بين النايمه وبين الگاعده وصلنه للجامعه وكلمنه راح لقسمه خلصت المحاضره الاولى وطلعت ضليت كاعده بالسنتر انتضر يامور تچي بس تفاچئت من شفت ماسه تچي بتجاهي سحبت الكرسي وگعدت :-
- يگولون البارحه جايبه اختج
- ليش عندچ مانع !
- لااا حياتي عادي بس ما عرفتيني عليها
- مو ضروري تتعرفين عليها
- لاا حبيبتي ضروري اريد اشوف اختچ تشبهچ لو لاا
- من الاخير ماسه كولي شتريدين
- تعرفين كلش زين اني شريد
- بس هوه مو هنا واصلا حتى اني ما شايفته بس بالاسم اعرف
- يا عيني ابن خالچ وما تعرفينه ولا شايفته بس اسمه تعرفين
- ما مجبوره ابررلچ
- سيلين لاا تخليني اتخبل عليچ هسه
- شتريدين تسوين سوي ما يهمني
- زين رقمه عندج
- وانتي شنعدچ وياه !
- شلچ دخل
- ابن خالي ومن حقي اعرف شنو تريدين منه
- شي يخصني ما يخصچ
- جا خوش براحتچ
- هسه عندج لو لاا
- هوه اني شايفه وچهه حتى عندي رقمه
- استغفر الله رب العالمين شبيچ سيلين
- انتي الي شبيج كاتله نفسج على واحد اصلا هوه ما هنا ولاا راح يعيش هنا
- ليش هوه وين عايش !
- بالخارچ
- وين يعني
- مادري والله ما اعرف وين بس الي اعرفه هوه بالخارچ عايش
- يبووو على حظي
- عفتي گل هذوله الولد ورگضتي على ابن خالي امداچ
- اسكتي سيلين اسكتي
- لاا وانوب البارحه ثنين متعارگين علمودها امداچ مني ومن الله
- انچبي كافي تمسلتين
سگتت اضحك عليها ماسه گلش جميله بنيه ويانه بالجامعه تحب ابن خالي أو بالأحرى كل الجامعه يحبون ابن خالي ومكرشين عليه واني الي هوه يصير
ابن خالي ما شايفه شكله شلون يصير لأن كاطعين علاقتنه وين بيت خالي همه عايشين بالخارج محد منهم هنا غير بس احنه حتى خالتي مو هنا بس خالتي ام نيار هنا الباقيات كلها بالخارچ رفعت عيني
اباوع على ماسه عدلت شعرها حطت المناظر على رأسها وگفت ودعتني وراحت يم صديقاتها ضحكت عليها شلون مزعوچه امداني اني واحد يعگر مزاچه والله لخلي يگره عيشته شويه واجتي يامور حور :-
حور - غاح يطلعون الثنائي المغح
سيلين - ياهمه قصدچ
يامور - ليش همه شكد الثنائي المرح
سيلين - هواي هنا وجودين الثنائي المرح مادري والله
حور - شبيچ قصدي ماهان ويامان ونسوغ
سيلين - هذوله منو انوب!
حور - ليش ما تعغفيهم
سيلين - لااا والله!
يامور - حتى اني ما اعرفهم
حور - عمغجن خساغه لأن ما تعغفنهم
سيلين - ليش عمرنه خساره لازم همه جوائز وإذا ما فزنه بيهم نخسر عمرنه
يامور - والله حلوه هاي انوب علينه الثنائي المرح
حور - ولج هذوله جمال الگليه همه الي محلين الگليه
سيلين - بنات اني ما يحله بعيني غير بس كاظم الساهر رجاءاً لحد يناقشني
حور - ضلي لازگه على گاظم ساهغچ واني غاح الزگه على ماهان
يامور - من شوگت همه هنا !
حور - المغحله الاخيغه الهم هنا
يامور - اهاا ايي مو اگول ما شايفتهم
سيلين - ايي غير انتي مرحله أولى وين راح تشوفيهم
حور - اصلا احنا بالسنه حسنه نشوفهم
يامور - طاح حظچ اي والله حتى مراقبة تراقبهم
سيلين - امداچ اي والله هل كد تحبينهم
حور - هسه بس تشوفينهم حتى گاظم الساهغ تگغهي
سيلين - بلا زحمه لحد يحجي على كاظمي
يامور - بلا زحمه ناوشيني نعال
سيلين - انجبي ولچ اشوو زايح الاحترام هينوب انتي
يامور - مثل ما انتي ما تحرميني اني هم ما احترمچ
سيلين - اهلچ انطوچ خبز ما نطوچ تربيه
يامور - وانتي هم اهلج انطوچ كاظم الساهر ما نطوچ تربيه
سيلين - عوفييي حبيبي على صفحه
حور - متكليلي شحابه بيه ما بيه شي ينحب والقغآن
سيلين - يأبه والقرآن إذا ما سكتي راح اكون اسحل الجامعه كليها بيچ
يامور - خفتت خفتت راح اروح اختل
حور - شبيجن بنات كافي شنو انجلبتن
سيلين - اشو اليوم ساكته انتي مو من عوايدچ
يامور - خيتي هاي ساكته على فساد
حور - ما اسمحلچ تحجين عليه
يامور - لااا عليج الله اسمحيلي دمشي لچ
حور - شبيچ شوو انگلبت عليه خو ماكو شي
سيلين - بلاا تمضرط كافي
حور - صدك نسيت اكلج البارحه اختچ صارت تغند بالگليه
رمشت بعدم استيعاب واردفت - شنوو !!
حور - والقرآن لچ كل الگليه تحجي بيها ولاا الحلوه يگولون عليها " من اجتي الشگره نوغت الگليه "
سيلين - لااا مستحيل تحجين صدك
حور - ايي والله شبيچ بس نياغ ما سكت عنهم يبوو صاغتلچ قيق واذبح قبل شويه
سيلين - وينه نيار خلي اروح اشوفه
حور - كاعد بالحديقة هوه وهاي الحيه
ترگتهن وطلعت حتى جنطتي ما شلتها عفتهه يمهن طلعت اركض من السنتر اريد بس افهم شكو ييبوو على حظي شورطني وجبت هازال وياي لمحت نيار من بعد ورحت عليه اركض :-
- نيار ممكن شويه أخذ من وقتك
- احجي شكو شبي وجهچ
- بس شويه خلي نحجي على صفحه
لزم ايدي وسحبني على صفحه واردف :-
- شكو احجي ولج قلقتيني
- صدك هذه الي سمعته !
- شنو شسمعتي !
- يحجون بهازال
ترگ ايدي واردف - منو كلچ !
- انوار قبل شويه كالت
- لاا تدخلين سيلين سكتتهم وبعد محد يكدر يفگ حلگه بگلمه
- بس هاي اختي شلون هيج يحجون عليها
- ما حاچين منو كلچ حاچين بس همه معچبين يأبه لأن اختچ سگره وخطيه اول مره يشوفون هيج وحده
- نيارر شبيك
- جا مجذب أنه
- كافي اسكت ما اريد احجي بعد
- السالفه انسدت سيلين ما اريد اسمع حجي زايد خوش
- ايي تمام مثل ما تريد
ترگته ورچعت للسنتر ما لگيت أحد يجوز راحن للمحاضره اخذت جنطتي وطلعت ويه طلعتي طلع نيار من الحديقه بس وحده عچيب ! اليوم شعچب عافته الحيه هيه مو كل يوم لازگه بي شو اليوم ماكو ما هتميت ومشيت وياه وهوه بس يوزع ابتسامات فحطني ضحك :-
- شبيك ولك شكو تضحك للهوه
- مادري هيج من الله
- لاا احجي شكو !
- شوفي لـ كدامچ
رفعت راسي ونصدمت من شفت محمد ولد ويانه بالگليه كاعد على صفحه ويه ماسه عزااا بعينها هاي شنو ساعه تريد ابن خالي ساعه تريد محمد فحطت ضحك عليها نيار يخنز بيه اسكت واني ماكو بس .
اضحك وصلنه للقاعه ولحد الان اضحك كتمت حلگي ودخلت المحاضره طول المحاظره ساده حلگي ما اريد اضحگ خلصت المحاضره على خير طلعت،
ارگض بس اريد أخذ نفس طلعت للسنتر والبنات وياي الي ما يعرف السنتر شنو يعني شلون الگوفي أو المحل بي كراسي كعدت بي وبس اضحك سولفت البنات لو ماتن ضحك :-
حور - لااا مستحيل لااااا
يامور - ولچ ماكو لازگه بي لزگ
سيلين - كافييي عليچ العباس سكتي
يامور - عزااا بعيني ولچ شننو من بشر يالگعبه
سيلين - عمري وحياتي ما شفت هيج بشر
حور - كافييي بنات سكتن عزاا غاح ننفضح
بالكوه سكتت روحي دارت وجها حور بس جمدت بمكانها من المنظر رچعت باوعت علينه واردفت:-
حور - ولچن طلعو الثنائي المغح
يامور - وينهم
سيلين - بروح ابوج لاا تأشرين
يامور - ولج لاا تأشرين راح تشگني ثنين هل بنيه
حور - اوگفي خلي اشوف ولچ ذوله وين غاحو
يامور - دسكتي شكد تچذبين
سيلين - هسه الطياره مال جذبتچ وصلت لأمريكا
حور - انچبي والقرآن شفتهم طلعو
سيلين - اي مو لازم أنعمت عيونه
يامور - اييي يلاا وينهمم
حور - هذولاگ شوفيهم
اشّرت بيَدها على مجمْوعه ولد بس مَاكو ما موجوّدين رچَعت اشَرت على الجَهه الاخره وهنا جانت الصَدمه من صدمتي عيوني فاتحّتهن على وسعَهن لاا مستحَيل هذه الشي يصٌير
شويه وصَارو يتقدّمون بتجاهَنه نقطة دم ما ضلت بجسمي شنو هذه معَقوله الي ديصير حقٌيَقه لو خَيال اتمنى اذا هَذه الي صار حلَم حتى اگعَد منه وارتّاح اتجمَدت أطرَافي واني اشَوف الي واگفين كداميَ معقُوله!!!!
يتَبع...♣️!
«ـــــــــــــــ«•»ـــــــــــــــ»