سبحان الله وبحمده سبحان الله العظيم ♡
( طـريـق الـسـفـر - الـمغـرب )
موفقين استراحه محارب ويصلون المغرب ويجلسون شوي يريحون
الرجال مستانسين بالاجواء الصحراويه
وللحريم كذالك مستانسين
والبنات يبون يرقدون والعيال كذالك ماعدا احمد من اليوم راقد والحين مصحصح
بهاج جته الحاله وصار يهوجس ومعصب بدون سبب ويبي يرقد
نوره تعبانه من السواقه وتبي ترقد
ابو عبدالله بضحكه: ماتحملو الطريق هههههههههه
ابو رائد : ايي مايدرون اننا كنا نسافر بنياق
رائد بهمس : ولد ابوي مواليد الثمانينات يعني فيه سيارات!
احمد بهمس : ايي عاد انت تعرف تهويل الاباء
ابو نايف : يلا مابقى شي على مكه مشينا
قامو لكن بقى الي يهوجس
نايف هز بهاج: ولد
بهاج فز : لبيه
نايف : قم مشينا
بهاج : زين
وتمدد بتعب وطاحت عينه على نوره الي حاطه يدينها على وجهها بتعب وبهاج عرف انها تعبت
تقدم بهاج وقوم نوره عن الارض : قومي قومي
نوره تحاول تخفي تعابير التعب : هلا
بهاج ساند نوره الي خلاص تبي تنام : امشي نامي
نوره مسحت على وجهها : لا بسوق
بهاج : مافي سواقه خلاص جاء الليل
لمحهم ابو عبدالله وعقد حواجبه من شاف بهاج مساند نوره توقع ان نوره فيها شي
نوره : مابغى بس....
قطع كلامها ابو عبدالله : نوره؟
نوره: هلا
ابو عبدالله: وشفيك ليكون تعبانه وانا ابوك
نوره : لا الحمدلله مافيني الا العافيه
ابو عبدالله: اجل وشفيك يابهاج مساند البنت
بهاج : تعبانه وتبي ترقد وتبي تسوق ومعها قوم من البنات صعبه نخاطر فيهم وفيها ورائد واحمد راحو مع عبود تعبو من الشاص وابقى لحالي انا قلت خلها تجي معي ترقد بالشاص
ابو عبدالله : ايه اصلاً هاذا الي بيصير نوره اعذريني وانا ابوك مافي سواقه باليل خطر وفي اصلاً نقطه تفتيش قدام
نوره بفيس حزين : عميي تكفى
بهاج يعرف اذا سوت الفيس الحزين هاذا ابو عبدالله ويخليها تسوق
بهاج: يبه ترى فخ دايم اطيح فيه انتبهه
ابو عبدالله : اشهد بالله انه فخ
نوره بفيس حزين : عميي بسوق بالبنات
بهاج حط يدينه على وجهه نوره عشان يخفي الفيس الحزين
بهاج: انتبهه يايبه
ابو عبدالله بضحكه: خلاص تصرف انت وياها وانا بروح لـ احمد اقوله يسوق بالبنات هههههههههه
وراح ابو عبدالله
نوره ابعدت يدين بهاج من على وجهها : بهاج! تكفىى
بهاج تنهد : فات الاوان قدهم راحو البنات مع احمد
نوره ضربت بهاج بخفه : افف حركاتك ماتبطلها
بهاج بضحكه : عيونس راقده وتبين تسوقين فيهم ماتجي هههههههههه
نوره حاولت منا منا انها تسوق بس ماش مافي امل
بهاج : يلا على الشاص يالحب
نوره: بهيج
بهاج: عيون بهيج
نوره: بسوق
بهاج : ابشري بخليك تسوقين بعقبه الصماء
نوره ماكانت تعرف العقبه اساساً قالت بحماس : قدام
بهاج بضحكه: اي اذا دموعك مايتهاملن ماكون بهاج هههههههههه
نوره بعدم فهم : ليش ابكي؟!
بهاج بضحكه : انتي ادنى حاجه تبكيك ماتبين عقبه تبكيك هههههههههه
نوره : سؤال ليش ابكي للحين مافهمت
بهاج : بتفهمين كلامي زين لاشفتيها
نوره: بسوق فيها ترى
بهاج : تم ، يلا مشينا مشو العالم
نوره : تمام
بهاج ركب وشغل السياره والتفت لقى نوره مد يده عشان تركب وهي مسكته وركبت
وحركو
__________________________
(سـيـاره الـبـنـات )
احمد كان متحمس يسوق فيهم بيهبل فيهم بس خاب ضنه من شاف البنات راقدات والي قاعدات منهم معصبات لان النوم ماجاهم
تنهد احمد : ياليل احسب عندك جدول
نجلاء بنعاس: ولد سد حلقك برقد
احمد : نجولل تمسكين الطاره؟
نجلاء: تستهبل؟ نوره عيو عنها !
احمد : على الاقل يصير عندنا جدول تعلمي
نجلاء: برقد خلها بوقت ثاني
احمد : عرض لايتكرر
نجلاء حط راسها ورقدت
احمد : بعد وجهه بنص سالفتي ترقدين !
وئام بصوت مليان نوم: ياادمي سد حلقكك !
احمد : طيب بسده بس بوريكم شغله هينن هينن
وداد: ياليل
احمد شغل اغاني ساجده وطول الصوت والبنات قامو بفزهه
واحمد يضحك ويرقص
نجلاء ضربت احمد : وجع يابو صنادح وش هالاغاني ذيي
سهام : جوهه ساجده عز الله بنوصل مكه طيران
الهنوف : ايي حط وضع الطيران
احمد بضحكه : تعجبني ذباتكم ياخي هههههههههه
البنات بردت وجيههم
احمد : وش فيكم؟
نجلاء: احمدوهه بتصل على ابوي ترى!
احمد : ليش تتصلين وش سويت
نجلاء: سد نحر السماعه
احمد : لا لازم نسوي جو
نجلاء : بتصل ترى
احمد: على من؟
نجلاء : على ابويي
احمد بوهقه: ههه لا خلاص
وطفى السماعه ورجعو البنات ورقدو
__________________________
( سـيـاره عـبـد الله )
عبدالله يسوق ويهوجس بسهام وعياله
نايف يفرفر بجواله
رائد منصرع راقد
__________________________
(سـيـاره بـهـاج )
بهاج طول اليوم يهوجس ومعصب بس الحين لا متانس ومشغل شيلات وماسك يد نوره ويرقص ويغني ونوره على انها تعبانه الا انها شاركته فرحته ووناسته
لكن اختفت ابتسامتهم من لمحو شخص بالطريق يوقفهم !
نوره بخوف : بسم الله
بهاج : لاتخافين اكيد يبي شي
نوره : بهاج تكفى لاتنزل
بهاج : نوره دقيقه بس
نوره مسكت يده: تكفىى لاتنزل شوف شكله اصلاً هو جن ولا انس
بهاج ابتسم من خوف نوره عليه : تمام مانيب نازل ابشري
تقدم الرجال وكان شكله يخوف وهاذا الي ارعب نوره اما بهاج لاعادي ماعطاه اهميه
بهاج فتح الدريشه : سم
الرجال : سم الله عدوك
نوره لفت وشافت وجهه وانصدمت من وجود مشعل!ونزلت راسها بخوف انه يعرفها (عرفنا عليه قبل)
بهاج: شبغيت اخوي
مشعل بأبتسامه جانبيه : ابيك توصلني معك للديره ال***
نوره شدت على يد بهاج بمعنى ارفض لا توصله
بهاج مسك يد نوره بمعنى تطمني ماهو صاير شي وانا موجود
بهاج: اجل اركب بالحوض
مشعل غمز : مانبي بالحوض
بهاج بعصبيه: اجل وين تبي!
مشعل طلع ٥٠٠ ريال ومده لبهاج : خذ وعطني المزيونه الي جنبك
بهاج ماتحمل ونزل ومسك ياقته : لعنوبك وش تبا انت ماكل لك شي!
مشعل بضحكه وواضح ماكل مخدرات : يمكن ماتعرف الي بيننا هههههههههه
بهاج بعصبيه: اها يعني انت من جماعه مصعب والشله؟
مشعل : لا اخطر من عمام نوره
بهاج انصدم انه يعرفها ويعرف اسمها واعطاه لكمه على عينه وقعد يضرب بكل قوه وعصبيه
بهاج بعصبيه: انا ادريي انك من جماعه مصعب وانا واعد نفسي مهما كان مايجي نوره اذى مني ! وصل كلامي لمصعب يالكلب الموصى
مشعل ماهو مستوعب شي من قوه الضرب الي جاه
بهاج مسك ياقته ودفه بالارض وطلع الف ريال ورماها عليه : لاعاد اشوفك
ودخل سيارته وحرك
بهاج بهدوء: نوره انا عاهدت على نفسي ان مايجيك اذى لامني ولامن غيري مهما كانت غلطتك انتي تعرفين وش كثر ندمت بعد سالفه الفديو وابيك الحين تقولين لي وش سالفه هالسكران ذا
نوره حست انه لازم يعرف ولاتكبر السالفه وينفصلون : اولاً الذنب مو ذنبي ولابيني وبينه اي شي
بهاج : ايه ادري ومصدقك
نوره : هاذا مشعل
تنهد بهاج من طاريه
نوره: مشعل كان خاطبني
بهاج عقد حواجبه بعصبيه: ويش؟ خطيبك؟ من متىى!!
نوره : بهاج وين وعدك الي قبل شوي!
بهاج هدا نفسه: لااله الا الله ايوهه كملي
نوره: بس انا رفضته وهو طقت براسه ياخذني طرق عن الكل بس ماقدر لاني قد تزوجتك وبعدها اختفى ماعاد شفته وطلع الحين
بهاج: متاكده ؟
نوره: والله
بهاج تنهد براحه ومسك خد نوره : الحمدلله
اما نوره ابتسمت لاول مصيبه تصير ماتضررت ولاجاها اذى
بهاج : اييه خلينا نكمل وين وقفنا عنده ابن امه يخرب سعادتنا
نوره : كفوو
بهاج شغل السماعه ومسك يد نوره ويعرض
ونوره تصوره وتضحك وهو مستمتع بضحك نوره
بهاج بصوت عالي ومليان سعاده : جعلس بعيوني غزال وبعيون غيري ثوره
نوره بضحكه: ليتني سالمه من الدعوه هههههههههه
بهاج: هههههههههه
بهاج ارخى ظهره وتنهد بسعاده : اخخ يانوره منين طلعتي انتي؟
نوره بضحكه: جيت من السماء ادري اني ملاك هههههههههه
بهاج : ياحلوو الثقه الي محلها يازينها عليتس ماتليق الا عليتس
نوره ابتسمت
بهاج بأبتسامه: اوعدتس يانوره ان كان الوعد يطمنتس ان محد ياخذ هالحب الي بقلبي غيرتس
اما نوره الي من قوه الوعد ماقدرت تقول شي وتبتسم بحياء وبهاج كلعاده يطقطق عليهاا
بهاج : لالا شكلك مايصلح اذا استحيتي هههههههههه
نوره ضربت كتف بهاج بخفه: بهاج لاتقعد تتطقطق وتشمت!
بهاج : هههههههههه
نوره ابتسمت
وبهاج رجع نوره لورا : ارقدي عيونك تعبانه وامسكي هاذي الفروه
نوره خلاص ماعاد تتحمل وماقالت شي وخذت الفروه ونامت
بهاج بأبتسامه: يابعدهم هالوجه
ورجع بهاج يهوجس
__________________
(سـيـاره الـرجـال - الـعـشـاء )
الرجال كانو تعبانين بس يقاومون النوم
رائد يتصل على ابوه
ابو رائد : وش تبا بعد
رائد: يبه
ابو رائد : وش تبا
رائد: جيعان
ابو رائد: فشلتنا من العصر وانت جيعان جيعان
رائد: يبه يبه يبه يبه يبه
ابو رائد: هااا هاا هاا
رائد : جيعان
ابو رائد قفل الخط بوجه رائد
ابو عبدالله: وش يبي
ابو رائد: جيعان هالمشفوح
ابو نايف : ماينلام كلنا جيعانين
ابو نجلاء: فيه محطه قدام ونجلس فيها لين يذن العشاء
ابو عبدالله: يلا موجهين لها
__________________
(الـمـحـطـه الاخـيـره )
نزلو الرجال والحريم والعيال والبنات وسيده على المطعم
بهاج نزل وفتح باب نوره النايمه
نوره فزت من فتحت الباب
بهاج : بسم الله على قلبس
نوره : وين حنا
بهاج: ببريطانيا
نوره بنوم : ايه
بهاج : قومي نتعشى ونروح لـ امريكا
نوره : تمام
بهاج بضحكه: مو صاحيهه هههههههههه
نوره التفت له بنوم: وش فيك
بهاج : مافي شي انزلي انزلي تعشي
نوره بنوم: مابغى
وانسدحت بتعب وكملت نومها اما بهاج توهق مايدري وش يسوي يخاف يسحبها وينزلها ويخوفها ويخاف يتركها وبالطريق تجوع
بهاج سحبها بهدوء ونزلها
نوره بعدم استيعاب : بسم الله الرحمن الرحيم انت من
بهاج : العوي عيني خير وادخلي
نوره استوعبت وعدلت نقابها الي كان طاير فوق حواجبها
بهاج : شوفي الحريم دخلو من هنا روحيي
نوره هزت راسها برضى وودها ترجع ترقد
وبهاج كان يضحك على شكلها وعيونها مليانه نوم
وراح لرجال
__________________
(قـسـم الـحـريـم )
جالسين كلهم يتعشون بخاري
نجلاء تتلذذ : امم فات الي ماجرب البخاري
ام سحاب كانت جنب نجلاء وهبدت نجلاء: سمي بالله وكولي انتي وقصتس تقل قصه عنز (قصه = غره )
نجلاء تحك مكان الضربه : اخخ ياخالتيي وصل حرجك ليه وش سويتت
ام سحاب بضحكه حضنت نجلاء: يابعدي يانجول والله اني احبس ههههههههه
نجلاء : الكرت الربح خالتي تحبني
غدير : وانا ياخالتي؟
ام سحاب : لاا بس نجولل
نجلاء تلعب بحواجبها بمعنى "حرهه "
دخلت نوره عليهم وعيونها مقفله تبي تنام ومرخيه يديها وواضح عليها التعب
الهنوف بضحكه: النقاب حكايه ثانيه هههههههههه
نجلاء: عدلي نقابش ياختي تراني اغار عليش
وداد: هههههههههه
ام سحاب دفت نجلاء عنها : ابك تقلعيي ، نوره يابنيتي اقربي اقربي
نجلاء بلخمه: هو وش صار
ام نجلاء: تستاهلين يومنس تجحدين امتس ليه
نجلاء: يمهه والله ماجحدتك
ام سحاب: نويري وش قومتس تعيبانه
نوره: لا بس بنام
ام سحاب : ايه الحقي تعشي وارقدي بعدها
نوره ابتسمت وتقدمت وجلست بين نجلاء وام سحاب وام سحاب تقطع لها من الدجاج
نجلاء: خالتي لاتقطعين لنوره انا اقطع لها
ام سحاب : اقول تقلعيي نوره لي
نجلاء: لا ليي
ام رائد: اوهه من حضك يانوره يتهاوشون عليس
نوره :هههههههههه
كشرت هيام وجهها
ام سحاب ونجلاء: كشر وجهه التيس
نوره شرقت :هههههههههه
__________________
(قـسـم الـرجـال )
تعشو وخلصو وتسدحو بتعبب ينتظرون الصلاه
ابو عبدالله: هانت هانت باقي ساعه
ابو رائد: الحمدلله
ابو نايف : ولد حديكم يثور
نايف : سم يبه
ابو نايف : احجز لنا فندق قريب من الحرم المكي
نايف : كم غرفه؟
ابو عبدالله : ٤ غرف
تنهد بهاج : افف طفشت من مقابل وجيهه العيال!
ابو نجلاء: هههههههههه لدرجه ؟
بهاج: مرهه ياعم
عبدالله: اي بكرا اذا جبت عيال تطفش ودك تهج من البيت من ازعاجهم
بهاج : لا ياخي ماحس بيوم من الايام بهج من البيت عشان ازعاج ورع
رائد: اجل جب ورع خلنا نشوف اذا انت صادق ولا
احمد بهمس: سد حلقك يافضيحه انت عيب احترم خصوصيته
رائد بهمس: الله يستر كان ماضرب بي الارض
بهاج: هههههههههه
تنهد رائد براحه: لا اشوا يضحك
وجلسو شوي وبعدها اذن وصلو
رائد: دقيقه دقيقه
بهاج: ها
رائد: حنا مو مسافرين؟
عبدالله: الا
رائد: طيب حنا جمعنا مع المغرب
كلهم حطو يديهم على جباههم بأدراك
بهاج: لدرجه غباء فيكم
عبدالله: اي والله فيكم غباء ياعيال عمي
بهاج:استغفر الله اللهم لاشماته
رائد تخصر: لاوالله؟
احمد : ايي جبنا الغباء مننا
نايف : لاياخوي هدف عكسيي
احمد : تجاهل تجاهلل
الجد عبدالرحمن: يلا مشينااا
رائد: حسابكم بالسياره ياعيال عمي مطلق
بهاج يحرك حواجبه : بروح بسياره غير عنكم
احمد : اجل حسابك الحين
بهاج مسح وجهه بيده وتغير 180 درجه
بهاج بصوت حاد وهادي: نعم اخوي وش بغيت؟
احمد : هاه لا سلامتك اخويي
رائد بضحكه:شكل بهاج يتابع ياسمين صبري هههههههههه
احمد بضحكه: اييي الصوت الشتوي هههههههههه
بهاج ماقدر يمسك الضحكه وفجر الضحكه
نايف : اشك ان رايد واحمد هم الي يتابعونها ولا وش يعرفهم لها
عبدالله: لاتشك تأكد
بهاج ماسك بطنه: بطنيي الله يقلعكم هههههههههه
رائد يصفق بفرحه : هيه النفسيه تضحك هيه النفسيه ضحكت
احمد يصفق : قلوليششش اليوم بغى يسطرنا والحين يضحك قسم موب صاحي
بهاج بعصبيه: ولد انت وياه لاتضحكوني
رائد: بسم الله جته الحاله
بهاج :هههههههههه
احمد : موب صاحي امسي يارجال امس
بهاج : ميت عليكم؟ بروح بس احسن ليي
وراح بهاج
رائد: انا بدعي لنوره بالحرم المكي
احمد : والله تستاهل الدعوه
نايف : لها ولاعليها؟
رائد: الصدق خمسين خمسين مرات تخرشني ومرات لابالله
عبدالله: ابو سلمان ابوه ابك ذي حرمه اخوي كيفف تتكلمون عنها!
احمد : وربي لها فضل كبير علينا
نايف : ووش هالفضل؟
رائد: اسمع العلم انتم ماتتذكرون بهاج قبل ؟ كيف عصبي ودايم منفس ومايضحك
عبدالله : تبي قبل لاييغصبونه على هيام؟
احمد : لاا كان منا حليله و يجنن قبل يخطب السوسه هيام بس من بعد هيام خرب الولد ماعاد يضحك ولايبتسم ودايم بشغله ومايتكلم مع احد
رائد: ايي وتزوج حرمته ذي وتغيرر مرهه حتى الحين يتنفس ذبات ويتشمت ويطقطق صدق تستاهل الدعاء ام مطلق
عبدالله: ايي بالله صادق بس انتم ادعو لها انا حرمتي تغار حتى من الدعاء
نايف بضحكه: مشكله المتزوجين هههههههههه
رائد: يمه ياعيال عانو جدي جاي
احمد : ازبنوو الزبنه
واختفو من المنطقه
__________________
( سـيـاره بـهـاج )
نوره جالسه تنتظر بهاج .
جاء بهاج بعد ماراح للبقاله : اهلاً اهلاً بالي صحى وصحت الدنيا معه
نوره : ياعمريي
بهاج ركب السياره وطلع حليب فراوله : ها وهاذا لك
نوره : طفشت منه ابغي مشروب طاقه
بهاج رفع حاجبه: لاوالله؟
نوره: بهيجج ابغى مشروب طاقهه
بهاج شاش راسه : ابشري به وانا ولد مطلق
ونزل
نوره بأبتسامهه : يوهه كنت امزحح
بهاج:لابالله كانه بخاطرك بأبشري به
نوره : ياروحيي
بهاج: لبى روحك
وراح
نوره تنهد من تذكرت حياتها قبل لاتعرفه كيف كانت صعبه وكيف ان عمامها يقدرون ياخذونها بأي لحضه لكن الحين لا مايقدرون
جاء بهاج ومعه كودرد : امسكي
نوره خذته:مشكورر
بهاج ضرب يد نوره بخفه : ورعه مابيننا شكر !
نوره :ابشرر
بهاج مشى وخذا بريك والمشروب انكب على نوره
نوره بشهقه: بهاجج وش سويت
بهاج: عادي عادي مجرد مقلب بسيط خفيف لطيف
نوره مسكت عبايتها المليانه مشروب : يلهويي
بهاج: قايل لك من اول لاتشربين هالمشروب الخايس والي مايطيعني يصير به كذا
نوره : ليتك ساكت صدق
بهاج : شيلي شيلي العبايه والبسي فروه
نوره : وهاذا الي بسويه
نوره شالت العبايه عشان تنشف ولبست الفروه وماتوفر ورقدت
وبهاج راسه يرقص يبي يرقد
__________________
واخيراً وصلو مكه وعلى طول للفندق ورقدو كلهمم
__________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
.
شرايكم بحنيه بهاج على نوره؟😔💗