TEASER
Naglayas si Nicole upang takasan ang arranged marriage sa lalaking hindi pa niya nakilala. Ang problema, pinutol ng kaniyang ama ang financial support sa kaniya. Obligado siyang naghanap ng trabaho.
Nakilala niya si Rendel, ang binatang CEO na kasing laming ng yelo ang ugali, at kuya ng baklang kaibigan niya’ng si Richard. Patay na patay siya sa guwapong CEO at handang gawin ang lahat maakit ito at mapaibig. Ngunit hindi ‘yon kasing dali ng inaakala niya.
Kalaunan ay nagbunga ang kaniyang tiyaga at nakuha ang loob ni Rendel, napaibig ito sa kaniya. Subalit bigla siyang hinabol ng tinalikurang problema. Kailangan niyang balikan ang pamilya at isalba ang negosyong nalubog sa utang. Umiwas siya kay Rendel at nagpasyang balikan ang pamilya at tanggapin ang arranged marriage.
Ang hindi niya alam, ang lalaking iniwasan niya ay siya palang may hawak sa kapalarang pilit niyang tinakasan.