العقاب المتناقض

بارت 2

لتنسون التصويت + متابعه لحسابي✨

#الكاتبه_اماني_المحنه✨

_العقاب المتناقض ✨

_-_-_-_-_-_-_-_-♡✨

ام ايار-اي لان لمن انولدت انته ابوك استشهد واني مريت بحاله نفسيه صعبه وجنت اتعالج لذلك جنت اخليك يم اهل زمرد وهيه جانت تهتم بيك طول الوقت جنت اخلي الهم الحليب وملابس الك وبسبب كثرة زياراتي للطبيب زادة الفتره الي جنت تضل بيها يمهم وبهل فتره انته تعلقت بزمرد كلش وجنت ترفض تنام بحضي اله بحضن زمرد وعلى ريحتها ضليت هيج لحد على هل حال ما صار عمرك ست سنوات وبعدها كمت ما اخليك يمهم..

ايار متعجب وحلقة عيونه متوسعه بسبب اندهاشه بكلام امه بلع ريكه واردف

-مستحيل هل شي يصير، احس شي يفشل من صدك، يمه فدوه اعتقيني من هل زواج، خليني اعيش وحدي احسن

اردفت امه: انته ماتعرف زمرد شكد جانت حريصه عليك صدكني راح تخليك بعيونها..

انتبه عليها ايار وكأنه كان يحب يعرف المزيد عن الايام الي قضاها بصحبة زمرد،

كملت امه

-اذكر مره جنت كلش تعبانه ومريضه وكارهه نفسي وانته بوقتها جان عمرك ثلاث سنوات جنت ماخذتك الهم كالعاده بس انته جنت تبجي وهل شي ضوجني فدفعك على الارض وزاد بكائك، شافتني زمرد واجت تركض وبينة على وجه العصبيه، شالتك وربتت على ضهرك وجان تسكت انته، باوعت عليه بنصره قاسيه واردف
-اذا ما تتحملي خلي يمي اني اعتني بي بس لا تضربي لانه طفل شنو ذنبه حتى دفعي بهل قسوه..

كلماتها ماكدرت انساهن شكد ما جانن قويات وقاسيات عليه.. المهم هاي اني رجعتك الها حتى تربيك واني اعيش حياتي..

ايار-يمه شبيج من كل عقلج تحجين هيج!! وبعدين هيه جانت طفله يعني ماكو داعي انو تحقدين عليها بس من الكلام الي قالته..

اردفت امه

:جهز نفسك باجر نعقد قرانكم

ايار: زين يمه ممكن اطلب منج هل طلب؟

امه: اطلب

ايار: اريدج موجوده وياي اول ايام عرسي لان يمه اني جاهل لكلشي يعني شلون راح اتعامل وي بنيه غريبه شلون راح اتصرف واشتغل افهمي كل هذا صعب عليه وهم اني طالب لتنسين، محتاج منج شهر ضلين ويانه فدوه

امه: ماكدر والله لان اليوم الي راح ازوجك بي اني راح ازوج واروح يعني انته و زوجتك ترحون لبيتكم واني اروح وي زوجي لبيتي لان الرجال صار ينتضر هواي

نضر لامه نضرة خذلان وكسر خاطر واردف وهوه يباوع الها بعيونه الي لمعت من الحزن

: يعني يمه زوجج الجديد لهل درجه اهم مني؟

دارت وجه امه واردفت بضوجه وملل

: اهووو لضل تحجي هيج اني قررت وخلاص؛ اريد ابلش حياة جديده

ايار: واني شنو ذنبي حتى تبنين سعادتج على حزني هااااا، بس سهله يمه والله اله اروح وارفض هل زواج

وجان يركض زهكانه روحه وبعناد امه
متجه لبيت اب سمير وهوه مشتعل نار من الحركه الي بداخله بسبب كلام امه..

لحقته امه وهيه تصيح ورا

: يااا اوكف ولك تريد تفضحنيييي اوكففف اياررررررر...!

لكن ايار مستمر بالركض الى ان صار قريب على بيت ابو سمير

*
اب سمير جان واكف وره الباب ويسمع كلام زمرد ويه اختها وهوه يشتعل غضب، دفر الباب ودخل عليها مثل الثور الهائج، زمرد طفرت من مكانها مفجوعه من الصدمه واغلقت الهاتف وكامت ترجع لوره من الخوف بسبب نضرات ابوها الها..

اب سمير هجم عليها ولزمها من شعرها وهوه يصيح بوجه بصوت عالي

: تردين تهربينننننننن يا قذرررره مووووو، اني اعلمججج اله ادفنج هنا اليوممم..

زمرد متحملت الالم الفضيع فدفعت ابوها حيل على الارض وركضت شايغه روحها وهيه طالعه لبره، وجان تلاحض ايار وهوه جاي الهم من قريب حست شكله مألوف الها نوب شافت امه ورا فتأكدت انه نفس الشخص الي راح يتزوجه ركضت اله، طار شعرها الاسود الطويل على وجه ايار واختبأت خلف ضهره لازمه اكتافه حيل وضامه راسه خلف اضلاعه تحتمي بي من ابوها

ايار وكف مصدوم متوتر لان اول مره تلامسه بنيه وشعرها ينثر على وجه ويشم عطرها،

غمض عيونه يتأمل هل لحضات ويكررها باله... فتح عيونه ولف وجه عليها يشم ريحتها وكأنه تذكر فد مشهد معين بطفولته،
فتح عيونه على كبرهن واذكر لمن جان عمره اربع سنوات وهوه يبجي ورا امه وامه مستمره بالصياح علي وكل مره يلزم ثوبها هيه دفعه على الارض وتصرخ بوجه حتى يضل يم زمرد وهيه تروح تتعالج كالعاده، زمرد شالته وضمته على صدرها وربتت على ضهره تهدء بي هنا هوه سكنت روحه وسكت عن البجي

هل مشهد الي ذكره ايار كان كافي بأن ينسي كلام امه الي كسر خاطره وحس بانه يريد يضل قريب دوم من زمرد..

وفجأه رجع ايار وتلاشت مشاعره بصوت عالي طرم اذنه، التفت وجان يشوف اب سمير يزنجر بصوته العالي وعاقد حواجبه..

: وخررر عنهاااا اليوم اموتهاااا بيدييي

استجمع قوته ايار وعدل وكفته واردف بقوه وشجاعه

: من اليوم محد راح يلمس شعره منها
وبعدين تره حرام عليك تعامل بنتك بهل طريقه لانها تحتمي بيك مو تخليها تهرب منك شنو نسيت وصية الرسول بالقوارير لو انته مجرد مسلم بالاسم

زمرد تفاجأت من كلامه وما توقعت هل كلام يطلع من فم مراهق فتحت عيونها متعجبه على طريقة تفكيره وشجاعته وحست انو هل شخص هوه الوحيد الي راح يفهم مشاعرها تجاه هل موضوع..

غضب اب سمير واردف

: وحضرتك بصفتك منو حتى تحجي وياي بهل طريقه الوقحه

اردف ايار: اولا اني زوج بنتك المستقبلي اذا ما تعرف منو اني وثانيا طريقتي مو وقحه بس انتو تكرهون الحقيقه لان تحبون تزوروها على مزاجكم بحجة الدين والدين اصلا بريئ منكم..

تعجب اب سمير بكلامه وحس انه يعرف عنه من زمان فسأله

: انته شنو تعرف عني حتى تحجي هل حجي؟!!

ايار: مو شرط اعرف عنك اني عرفت شخصيتك من قررت تنطي بنتك لشخص ما مأمن على حياته بكلشي وسرعتك بزواجها وانته تجهل اني منو، هل شي كان كافي بانو اعرفك انته من يا نوع وهاي غير هجومك هسه عليها..

كلام ايار كان كافي بان يخلي ابو سمير يهدء، الكل جان متعجب لان حرفيا ايار هوه اول شخص من بعد زمرد يوكف بوجه ابو سمير...

سأله ابو سمير

: انته ليش جاي هسه شعندك؟

ايار: اجيت اشوف بنتك الرؤيه الشرعيه

ابو سمير: بس اني كلت ماكو شوفه بينكم الا بيوم الزواج

ايار: مو بكيفك الحجي لا تكعد تحلل وتحرم بمزاجك، هل شوفه من حقي ومن حقها، وهسه اسمح النه نكعد سويه وحدنه نتعرف على بعض..

امه تعجبت بكلام ابنها وقوة شخصيته الي اول مره تشوفها ضلت فاتحه حلكه وصافنه علي متعجبه بقدرات ابنها..

ابو سمير من فشلته صاح بوجه مرته واردف

: شعندج واكفه انتي استضيفيهم خلي يشوفها وينقلع،

نوب باوع على ام ايار وكلها

: باحر تجيبون شيخكم يعقدلهم وتاخذوها وترحون سمعتييي

اردفت: ان شاء الله

كعدو ايار و زمرد سوه مره ثانيه من بعد فتره طويله على فراقهمم

زمرد: شكرا لان ساعدتني

ايار يباوع الها بطرف عينه لان ما يواجه يباوع الها مباشر اردف

: هذا واجبي، ولتخافين راح اخلصج منه واخذج لبيتي بعد

زمرد: اني ممحتاجه شفقه منك تره حتى تحجي هيج اعرف اخذ حقي بيدي

ايار: لا شنو شفقه مو هذا قصدي،
اقصد لان راح نزوج، بس سؤال انتي شلون عرفتيني و وكفتي وره ضهري من ابوج؟ لان اني لو ما شفتج طالعه من بيتكم جان ما عرفتج

زمرد: يعني وجهك مو غريب عليه صح تغيرت شويه بس بعد بيك هذيج الملامح لذلك عرفتك من اول نضره والي ثبتلي اكثر هوه امك لان جانت وراك..

ايار: زين ليش استنجدتي بيه؟ اتوقع شفتيني رجل شهم وكذا مو؟

زمرد: لا يا شهم يابه،

انصعق ايار من ردها برود وباوع الها بطرف عينه

كلمت كلامها زمرد: بوقتها جنت اريد بس اخلص نفسي ف لمن شفتك ماعرف بس اكو شي جذبني الك اتوقع لان اعرفك من قبل ماعرف بعد!

ايار: همم اي زين، المهم هسه انتي موافقه تتزوجين بيه؟

زمرد: لا طبعا منو تقبل تتزوج بزعطوط

اتنرفز ايار من كلامها و وكف على حيله واردف

: لا بله وعلى الاساس انتي عمرج 70 سنه يا ست الحسن والجمال

زمرد: بس اضل اكبر منك

ايار: اكلج لا تشوفين نفسج عليه تره هنه 4 سنوات

وكفت زمرد بوجه وتخصرت واردفت

: لا بله عيني وشنو هل 4 سنوات ما صايرات بعينك، احب اذكرك انك ربيت على ايدي عينيي

هز راسه ايار باستهزاء واردف

: هاي بالماضي يعيني وهسه اجه الوقت الي راح اربيج بي على ايدي

زمرد هزت راسها باستهزاء واردفت

: وشلون بله!

ايار: من اخذج لبيتي راح تعرفين شلون

زمرد تغيرت ملامح وجه ورجعت لوره لان شرد بالها واردفت

: شنو يعني شتقصد؟

ايار: بعدين تعرفين

وتركه ومشى مسيطر هيه لحكته واردفت

: اوكف بس كلي شتقصد؟

وكف ايار وانطاها نضره واردف

: شبيج شو احسج خفتي؟

زمرد: لا طبعا بس عندي فضول اعرف قصدك

ايار: اي بعدين تفهمين يالعجوزه

زمرد: عجوزه بعينك يالزعطوط

طلع لبره وهوه يضحك شافته امه واردف

: ها يمه شو تضحك؟

ايار: اي اضحك ليش حرام؟

امه: لا مو حرام بس ليش تضحك؟

ايار: غير مره اكلج لان انتي مستعجله حاليا، عود من تفرغين الي احجيلج

امه سكتت لان فهمت قصده وراحو للبيت..

صار الليل زمرد بالمطبخ هيه وامها يحضرن العشه وجان يسمعن صوت ابو سمير ينادي زمرد

: هيو وينج تعاي اجه اخوج

زمرد: اجه الي محد يعرف وين جان بس علينه الحساب

اردفت امها: زمرد لا تقارنين نفسج بسمير لان هوه ولد وانتي بنيه هاي الف مره اكلج هل كلام

باوعت زمرد بوجه امه واردفت بضوجه

: بطلوها سالفه انتي بنيه وهوه ولد لان الحرام يبقى حرام مهما كان نوع الجنس شوكت تفهمون هل شييي..

راحت زمرد واسندت اخوها على جتفها لان يتمايل و مو بوعيه بسبب الشرب والادمان، جانت ريحته عفنه من الشرب بحيث زمرد اشمأزت من ريحته..

ابو سمير: ابشر يا عزيز ابوك واخيرا اختك راح تزوج ونخلص منها ومن لسانها

اردف سمير وهوه يتمايل وسكران

: اي احسن الها على الاقل تخلص من لسانك

ضحك ابو واردف: ههه حبيبي ان شاء الله يوم الي نفرح بيك

سمير: ماراح يجي هل يوم بويه انسه..

*
ايار كاعد ياكل وهوه يفكر بسالفة الزواج الي راح يتم باجر، باوع لامه واردف

ايار-اكلج يمه شلون راح ازوج هل بنيه يعني اني لا شغل ولا فالح بشي فليش تضلموها وياي تره خطيه هسه عاقبيني بس اني لان اني ولد اكدر اعيش بس هيه بنيه ماراح تكدر تتحمل

ابتسمت امه ونزلت راسها على الارض تستهين بكلامه رفعت راسه واردف

-شكلك ما تعرف منو زمرد؟ حقك

ايار رفع حاجبه متعجب واردف

-مفتمت! شتقصدين؟

اردفت امه

-انته الي راح تكتشف هل شي مع مرور الايام وراح تعرف ليش اختاريتلك هل بنيه بالذات وهم راح تعرف ليش ابوها يكرهه لهل درجه

توسعت حلقة عين ايار متعجب على كلام امه وحس بفضول كبير تجاه زمرد وحس انه ماراح يتزوج بنت عاديه انما هيه كتله من الالغاز والتناقضات!!

_______يتبع

توقعاتكم الحلوه ♡

بنات هاي قناتي على التلكرام ضيفوني