*انتي*
فتحتي عينك لقيتي نفسك في مكان غريب بيت متعرفيهوش متغطيه ولابسه هدوم مش بتاعتك
:انا فين؟ ايه اللي جابني هنا ؟ وايه اللي حصل؟
قومتي من عالسرير وماشيه براحه بتحاولي تعرفي انتي فين
خرجتي من الاوضه وبتلفي فالبيت مش عارفه انتي فين
_شكل البيت_
بيت عادي شكله مش مألوف عليكي دخلتي الصاله لقيتي واحدة قاعده بتتفرج عالتلفزيون
روحتي تسأليها
:انتي مين؟ وانا فين؟
_شكلها_
قامت وجت قدامك : ياااه انتي اخيرا صحيتي عامله ايه دلوقتي كويسه؟
انتي: اه كويسه بس انتي مين؟
هي: انا لقيتك واقعه فالطريق صعبتي عليا جبتك عندي هنا لحد ما تبقي كويسه ... انا اسمي ساره
انتي: انا متشكره اوي ليكي بجد وانا اسفه اني عملتلك ازعاج انا همشي دلوقتي
مسكتك من ايدك وقالتلك :لا تمشي ازاي وانتي بالمنظر دة لازم تريحي عالاقل يومين كمان
مرضتيش تكسفيها خصوصا انها ساعدتك ووافقتي
هي: تحبي تتغدي ايه؟ بفكر اعملك شوربه اكيد جسمك اخد برد الا صحيح انتي كنتي بتعملي ايه فالوقت دة بره مخفتيش تتعبي؟
انتي سكتتي شويه مش عايزة تفتكري اللي حصل
وقولتي:حصل ظروف كدة وكان لازم اخرج
قامت تعمل اكل عملتلك شوربة وجابتلك فيتامينات تاخديها عشان جسمك وقعدت تتكلم معاكي شويه
عرفتي انها عايشه لوحدها كانت بتحب واحد وسابها عشان مش بيحب يتعلق بحد ساكنه فالمكان دة جديد وبتشتغل في ال Business وعندها شركة ادويه