It hurt, but I still want to do it

Chapter 7

وقف مره واحده وبصلك باستغراب وعصبيه

وسألك: ليه عملتي كدة؟

معرفتيش تجاوبي لانك مش عارفه الاجابه انتي مش عارفه ليه عملتي كدة هل فعلا حبتيه ومش عايزة تبعدي ولا خايفه تبعدي ولا عجباكي حياتك الجديدة وهي مليانه احداث وان حياتك زمان كانت ممله ولا دة ولا دة سرحتي في افكارك وهو مستني الاجابة بس للاسف مخدش منك اي اجابه كملتي مشي راح مسكك من ايدك مره واحده وشدك جامد

وعلى صوته وسألك: ليه عملتي كدة فهميني ليه تخوني ثقتي؟

الكلمه وجعتك بس فضلتي ساكته مش بتجاوبي  كان ماسكك جامد اوي وايدك وجعتك واتوجعتي غصب عنك فخد باله وساب ايدك مشيتوا طول الطريق فالعربيه كنتوا ساكتين نزلتي وهو كمل بالعربيه فضلتي مستنياه كتير بس بعدين تعبتي ودخلتي تنامي

صحيتي بالصدفه سمعتي اصوات تؤهات جايه منه وصوت اهات واحده  قومتي وبتخرجي من الاوضه عشان تشوفي وحاسه ان رجل ورا ورجل قدام بتتمني تكوني غلطانه بتتمني تحصل اي حاجه بس ميكونش اللي في بالك صح
بس للاسف لقيتي الباب موارب وبصيتي

حسيتي بوجع في قلبك غريب معقول دة نفس البني ادم ازاي دة نفس الشخص اللي كان هيموت من القلق عليكي وبيستغل كل فرصه تقربه منك ودلوقتي هو مع واحده تانيه معقول انا كنت مجرد فرصه معقول كان بيحاول معايا ولما زهق راح لغيري معقول انا زيي زيهم... للدرجة دي انا غبيه كل دة بيدور في دماغهك وانتي سامعه صوتهم من بره واحساس ان في واحدة تانيه بتلمسه دلوقتي حاسه انك مخنوقه ان نفسك واقف عند زورك والعياط مالي عنيكي وقلبك خدتي البالطو ولبستيه فوق القميص اللي كنتي لابساه ونزلتي متعرفيش هتروحي فين فضلتي ماشيه فالشارع بتعيطي زي الاطفال مش عارفه تاخدي نفسك

: ليه كدة انا حبيته ليه انا غبيه ليه احب واحد عمره ما هيحبني ليه يعمل فيا كدة

عماله تكلمي نفسك وانتي بتعيطي وماشيه في نص الطريق والعربيات بتعدي من جمبكجسمك برد جدا خصوصا انك لحد دلوقتي مخفتيش من اللي حصل فيكي بس حتى دة مكنش فارق معاكي قعدتي عالارض فالطريق مش عارفه تروحي فين او تعملي ايه بتعيطي وبتفكري فيه دلوقتي وهو معاها وعماله تسألي نفسك ليه دي متبقاش انا؟ الجو مطر وبرد اوي وعمال يزداد ساقعه جسمك بيترعش وهدومك مبلوله محستيش بنفسك غير لما دوختي ووقعتي عالارض