شلون احبك ؟
يا طريقة التغري گلبك
تريد بخيوط الشَمس
يمتزج شعرك
تريد ارسملَك نجوم
شوية حُمرة بلون خدك
تحب اجيبنلك حواري
يحضرنّلك حتى اكلك
اني حاضر ؛ گُلي هسه
شلون احبك ؟
♡♡♡⚖️
خيـالـي الأسود 11:11
فاطمـة عبـد
التصـويـت، متابعـة الحـساب، التعليـق بيـن الفقـرات فكـتوريـاتـي ♡
♡♡♡
"سيلفـا "
- "صـرت هيـلة بـوسـط هـاون العـطر للغيـر و الـدكـات بيـه"
... ابتسمـت و انـي اشوف علامات الصـدمـة يللي احتلت ملامح وجهه دحكت عليـة و اردفت:
::- و يـاگ المحققـة سيلفـا سيـادة القـاضـي.
... بقـى صـافـن بـوجهـي ثـوانـي و رجـع المـلامحـة الطبيعيـة اخـذ نفـس و رجع زفـره و انـرسمـت
أبتسـامـة ع وجهه هـو ويـدحگ بـوجهـي و اردف و هـو مـاد ايـده باتجـاهـي بـوضعيـة السـلام:
:- تشـرفـت بيـج محققـة سيلفـا
... دحكـت ع ايـده يللي مادهـا بـ اتجـاهـي و رفعت نظـري ع وجهه ابتسمـت و رفعت ايـدي مخليتهـا
ع صـدري و اردفت:
::- الـي الشـرف سيـادة القـاضـي خيـال
... ابتسـم بأستهـزاء و رجع ايـده الجيبـة و اردف
:- أمم الجـان حضنـي امـانـها و كـل مـا تحـن تلجـئلة هسـه صـارت مصـافحـة لأيـدي تـرفضهـا.
... ردت اجـاوبـة بـس قاطعنـي صـوت الشـايـب هـو ويكـول:
الشـايـب: هـسـه صـارت مـو بعـازتـك لكـت تجـايـة تتجـي عليـها بـوقت عـوزتهـا.
... ابتسمـت ع كـلامـة فعـلا الشـايـب صارلـي مثـل التجايـة بعـوزتي كـل ما اكـون محتاجـة مساعدة الكـاهه اول واحـد كـدامـي..
:- اووووو و انـا اكـول سيـد الشـايـب ويـن مختفـي هـاي السنـوات طـلع يـلاحگ المحققـة
... التفتـت عليـه و هـو يخـوزر بـا الشـايـب و الشـايـب يخزر بي صـارت حـرب خزرات بيناتهـم قاطعتهـم و اردفت..
::- محـد لاحـگ احـد بـس الفـرق أنـو هـو رجـال و ماينتقـم مـن مـرة حتـى لـو جـانـت مسـويـة شـيء
كلـش جبيـر بحقـة الشـايـب عـرفتـة بهـل اربـع سنيـن
و وكفلـي وكفـات الأخ مـا يـوكفها الاختـه
... تعمـدت احجـي هذا الكـلام حتـى أثنينـهم يعـرفـون مكـانتهـم عنـدي مـا اريـد أنطـي امـل
دحكـت ع خيـال عنـده عـادي و اي كلمـة اكـولها احسـه ما يسمعـها مـن البـرود يللـي شـايـلة
::- زيـن شنـو القضيـة يللـي تـريد تكـلفنـي بيها؟؟
:- مـا كنـت اعـرف انـو انـتِ المحققـة يـللي راح أسلمـها هـاي القضيـة كلـولـي محققـة سـويسـرية
يللـي راح اسلمـها القضيـة!
... كـال الـكلام و كعـد ع كـرسي المكتـب و مخلي أيـده جـوه حنجـة و يـدحكـلي بتـركيز انتبهـت عليـة
كبـران و الشيب مـزين لحيتـة و شعـرة زايـدة جـمال و السـاعـة الفضيـة مـزينة ايـده رفعت نظـري ع
مـلابسـة جـان لابـس رسمـي كـله اسـود حتـى ربطـة العنق مـالتـة سـوده، تنهـدت و اردفت:
::- تـمام استـاذ ممكـن هسـه نحجـي بالقضيـة و شنـو مطلـوب منـي؟
:- أممم أستـاذ؟
... دحكـت بعيـونة و نظـراتـة و كـلامـة جـان كـلش بـارد ويـاية مـو ذاگ خيـال يللي نـظراتـة كـلها دفو
"كـلامـك بـارد ويـايـة زيـن انـي ليـش محتـركـة گلـي؟"
... بقيـت سـاكتـة و ادحگـلة بجمـود اذا جـانـت نظـراتك بـارده انـي راح اصيـر قـالب ثلـج لعـد
::- اي استـاذ ممكـن نبـدي بالتفـاصيـل لان ما عنـدي وقت و هستـوني رجعت من السفـر و عنـدي مـوعد مهـم.
... بقـى صـافن ثـوانـي عليـه و اردف
:- تـمام اتفضلـي اكعـدي حتـى نتنـاقش بالقضيـة، بـس هـذا راح يبقـى أهنـا و احنـة نتنـاقـش بـشيء
سـري؟
... يسـولف و يأشـر ع الشـايـب رفعـت نـظري ع الشـايـب يللي قابض ع ايـده و بـس مـده يكـوم
يبسـط خيـال ع الكـلام المستفـز تنرفز الشـايـب
و طلع مـن المكتـب رجعـت نظـري ع خيـال يللي
ابتسـم باستهـزاء و هـو يـدحگ ورا الشـايب رجع دحكلي و حگ حـاجبـة و اردف
:- أي سـت سيلفـا انتِ محققـة شـاطـرة اكـدر اعتمـد عليـج بهـذه القضيـة؟
::- انـت شنـو أتكـول سيـادة القـاضـي؟
... كلتهـا بـاستهـزاء و هـو رفـع ايـده يللـي مزينتهـا السـاعـة و رجـع بيـها شعـره ليـورة و اردف
:- انجـرب شطـارتـج مـا خسـرانيـن شـيء.
::- حـلو لعـد ممكـن تنطينـي التفـاصيـل سيـادتـك
:- قضيتنـا تتكـلم عـن اغتيـال مسـؤول بـالـدولـة...
... حجـالـي تفـاصيـل القضيـة و انـي استمعـلة بكـل تـركيـز لان هـاي القضيـة كـلش مهمـة الـي اذا نجحت
بيـها راح اكـدر ادخـل للمجلـس القضـاء و اكمـل يللي
اريـده و حيـاتـي الشخصيـة و أنتقـامـي مـن كل
شخص كسرنـي اكيـد ما انسـى يللي سوا بيـه و صـح اتناسى بس ما انسـى، كمـلت مناقشـة بخصـوص
القضيـة و اخـذت منـه المعـلومـات يللي تفيـدنـي بخـصوص القضيـة وكفت ع حيلـي مبتسمـة و اردفت
::- شكـرا الك استـاذ اكيـد مـا راح اخليـك تنتظـر حتـى اجيبلـك الـدلائـل يللي تخـص القضيـة و
المجـرم حسـابـة راح يكـون عنـدك و اتمنـى تحكـم بالعـدالـة عليـة لان شعـارنـه بالمحكمـة هـو
" إذا حكـمتـم بيـن النـاس إن تحكمـوا بـالعـدل"
... تمشيـت وكفـت يم البـاب مـالت المكتـب و خليت ايـدي ع مقبض البـاب و اردفت
::- و هسـه استـأذن منـك سيـادة القـاضـي راح تشوفنـي منـا وهيـج اهـواي سيـادتـك فـرصـة سعيده
... طلعـت مـن مكتبـة بـدون ما اسمـع منـه اي شيء طلعـت و انـي راسـي مصـدع مـن كـثر الفخـر لان
دخـلت هـذا المكـان بعـد كـل التعـب يللي تعبتـة و الاشيـاء يللي مـريت بيهـا حتـى اوصـل لهنـا..
... طلعـت مـن مجلـس القضـاء لكيـت الشـايـب واكف كـدامـي و عـلامـات النـرفـزه و اضحـة ع وجهه
ابتسمـت بوجهه و اردفت:
::- هـااا سيـاده القـاضـي الثـانـي شبيـك مطنكـر، لا بلسـة طبكن عنـدكك؟؟
... اخـذ نفـس و رجع زفـره محـاول يهـدأ نفسـة و اردف
الشـايـب: بـس اريـد اعـرف ع شنـو شـايف نفسـة هـذا دخيـل الله مـا اعـرف شـلون جنـت صـديقـة
::- اهـااا و اخيرا زل السانك و اعترفت انـو هـو جـان صـديقـك يلا احجـيلـي بالتفصيـل عينـي
... تنهـد و اردف بعـدم حيـلة
الشـايـب: شورطنـي انـي و حجيـت هسـة شلـون اتملص مـن ملحتـهااا
... دحكتلـة بعيـون متـوسـلة و ارمـش بيهـم سـريع و هـو طكهاا بضحكـة عـاليـة و اردف
الشـايـب: شـوف شـلون تعاينلـي ولـج لا تعاينين هيـج گلبـي رچـيـج
::- لا تمسلـت رجاءا و عادي تنجـب و لا تبـلش بسـوالف الحـب و الخـرابيـط لان بـس اسمـع احـد
يتغـزل بيـه هـاي الفتـرة اتقيأ بحضنـة، طكـها ضحكـة بصـوت عـالي و هـز راسـة مستغفـر واردف:
الشـايـب: فـلا يصيـرلـج چـارة وعلـي قـاضـي شكبـرنـي شكـدنـي تكـوليلة انجـب و هذاك الجـوة مكضيتهـا سيادتك و استاذ بـس هـذا هـم حضـي
... ضحـكت ع سوالفـة و اردفت من بين ضحكتـي
::- لك عينـي مـن حبـك لاشـاگ و هسـه جـاي اشاقيـك صـاير ما تتحمـل الشقـة
... ما انتبهـت ع جفصتـي و هـو تغيـرت مـلامحـة و اردف بهـدوء
الشـايـب: شفـايتلـي تحبينـي إلا اذبـح عشـريـن ذبيـحة بحضـره العبـاس (عليـة السلام).
... تحمحمت محاولة اضيـع السـالفـة و اردفـت
::- احـم شسمـة مـا تحـس مكـانـة غـلط واكفيـن كـدام مجلـس القضـاء و نـدگ فـج؟؟
الشـايـب: هـو انـي لـو انتِ لهيتينـه بسـوالفـج؟
... صعـدنة بـالسيـارة و طلعنـة مـن مجلس القضـاء جـان بالطـريق و اتـذكـر السالفة و عطت بيـه
::- ولكككك الشـايـب هيـجججج غيـرتت المـوضععع؟
الشـايـب: اسـم الله شبيج اتصـركعتـي؟
::- مـو سألتك ع عـلاقتك انت و خيال و تيهـت عليـة السـالفـة بسـوالفكككك؟
... ضحـك بصـوت و اردف و هو عينـة ع الطـريق
الشـايـب: يـلا غيـر مـرة اكـلج مـا صـار شيء
::- وعـد.؟؟
الشـايـب: وعـد وعـد
::- تـرااا وعـد الحـر ديـن!
الشـايـب: مـو كلنـة وعـد ليـش اتلحيـن يا عينـي!
::- تـمام انشـوف ابـو شيبـة
... دحكـلي بطـرف عينـة و بقينـة الطـريق كله متمالخين صـرت اطـلع سـوالفنـة اول ما شفتـة و
شكـثـر جـان غثيث و احجيلة شكثـر جنت انغث منـه و هـو كام يشيـل بـروحه و يركعـها و انـي ميتة ضحك عليـه.
... و صلنـي للبيت تشكـرت منـه و ردت منـه ينـزل يتغـده ويانـة بـس مـا قبـل لان تعبـان و انـي هـم
ما لحيـت عليـه لان اهـواي تعـب ويايـة و ما تركنـي ارجع وحـدي و اخـذنـي للمجـلس و بـدون تذمـر
راح و انـي دخـلت للبيـت حسيـت روحـي ردت الجسمـي سلمـت ع الحمـايـة و هم سلمـوا عليـة
بحـراره و يعبـرون عـن مـدا اشتيـاقهـم الـي ابتسمتلهم و دخـلت للبيـت و اهنـا عقلـي صـار بي
مثـل صـوت جـرس كنيسـة قـديمـة بـ بغداد دكـت الـ ذكـريات بعقلـي ادحگ ع الحـديقـة شـلـون جنـه
نكعـد بيـها و نحجـي و نتعـارگ و صوت ضحكـة امجـاد تـرن بـالمكـان اخـذتنـي رجليـة الغـرفتـة
دخـلت جـان الضـلام الدامـس محتـل الغـرفـة و ما بيهـا روح انقبـض گلبي و انـي اشـوف شكـل غـرفتـة
... جـنت ما اتحـب الضلمـة و هسـه الضـلام سيـد المكـان نـزلـت دمـوعـي مـن صـار صـوت تـرتيل
القرآن بصـوتـة يتخلل مسـامعـي أحـسة مـوجـود بكـل زاويـة بالغـرفة شغـلت ضـوه الغـرفة ابتسمت
مـن بيـن دمـوعي و انـي اشـوف غـرفتة ع حطتها ما متحـرگ منـها اي شبـر من مكانـة تمشيت باتجـاه
الكنتـور مـالتـة فتحتـة و صـارن مـلابسـة مصفطـات كـدام عيـونـي و بيهـن عـود البخـور مخلـي بيناتهم
جـان مـرتب و يكـرهه المهمـل و يللي مو مرتب جـان يضـوج مـن سجاد مـن يشمـر مـلابسـة باهمال بـدون
مـا يرتبهـم و هـو جـان يـرتبهـم اله و سجاد يكضيهـا يبـوس بي و هـو يضحك جـان سجاد يتعب اهواي
بشغلة لان دكتـور و من يـرجع يـذب روحـه و ينـام و ما يكعد إلا مـن يشبع نوم، تنهـدت كـايمـة طالعـة من
غـرفتـة صـار بـوجهـي سجـاد مبتسـم تقدم باتجاهـي و حضنـي بكـل قـوته و اردف
سجـاد: طـاگ گلبـي عليـج صكعتـي تحـرمينيي مـن وجهج الحلـو اربع سنيـن لا و المصكعـوعة صـارتلي
محققـة يـوميـن ويطكـوج بالباب و تغادرين المجموعه
... ضحكت و ضربتة بكتفـة و اردفت
::- أسـم الله عليـة بيـش طالبني ولك، بـس هم اكلك الله الحافـظ اذا ردت امـوت و اني اخذ حق الابرياء قابلة و اني الممنونه هـم.
سجاد: تـربات امجـاد بعـد ما ضاعت بيج و رباج ع هاي المبادئ، قويتـي انتِ ربي يحفظـج بابا
... ابتسمت و شددت حضنتـي علية و ابتعدت منه و رحنه للمطبـخ انحضـر الاكـل ويـه ليزا ابتسمت من
جتـي تـركـض عليـة حضنتنـي و تعبـرلي عن مدا اشتياقها
::- اي سـت ليـزا شمسـويـة غـده اليـة؟
ليـزا: سـويتلـج الاكـلة يللي تحبيـها ست سيلفـا
::- اولا شيـلي كلمـة ست ما احبها و نادينـي بـس سيلفـا و ثانيـا شنو الأكلة مو كلبـي فرفح ع الاكل العراقي اهنـا و اكلج هم ميتةة عليةة
... ابتسمت بوجهيي واردفت بحماس
اليـزا: سـويتلـج بـاميـة و وياهـا خضـره و شـويتلـج دجاج، بـس هـذا الاكـل راح يخـرب نظامج الغذائي
::- يمعـوده و شـراح يصيـر اذا اكلـت اليـوم اكـل دسـم و خـربت النظام الغذائي مالتـي اهم شيء
اكـل الاكـل الاحبـة و بعـدين عـود ارجـع اسـوي نظام بـديت انسـوي انـي وياها بالاكـل و انخـلي ع الطاولة
بـدينـة نـاكـل و الضحكـة ما فاركت وجهه سجـاد و ليزا فرحانين بوجودي بينهم اجذب اذا اكول ما
متندمة لان عفتهم طول هاي السنين بس ارجع و اكول يللي اسعى اله يستحق كل هاي التضحيات
يللي اقدمها كملنا اكـل و كعـدت اساعـد ليزا بالمواعين صح هي المساعده بس نعتبرها مثل اختنا
و اعز عمري كله ما اعتبرتها غير هيج متقاسمة الشغل وياها مثل الخوات و خاصة هي يتيمة احس اني
وياها بيناتنه شيء مشترك بهذه النقطة كملنة كلشي و اخذتها و طلعنا للسوك اريد اعوضهم عن غيابي
عنهم اشترينه اهواي اشيـاء و اخـذنا عصيـر مـن ابـو العـربانـة او الكشك اسمـة بقينـة اهـواي نفتـر و
ناخذ اشياء الى ان اضلمـت الدنيا إلا رجعنة للبيت دخلنه للبيت متكسرين و العلاليك وحدتنة شايلة
طن علاليك دخلنه للمطبخ لكينة كـدامنـة سجـاد و ردوينـة انصـدمت بـوجـودهـا و هـي اول مـا شـافتنـي جتـي تـركـض حضنتنـي و تحجـي و يايـة
ردوينـة: لككك هـاي منـووو نـور العـراق بـرجعتةة يمـةة شكـثـر مشتـاقتلج ولـج ليـش هـل كثـر غبتي
... ابتسمت الها و ابتعدت مـن حضنها و اردفت
::- دخـذي نفـس شبيـج ولـج و احجيـلي شلـونج و شلـون روينـه مشتـاقتلهاا والله
... جـرت حسـره و اردفت
ردوينـة: انـي الحمدلله بخيـر بـس روينـة
... عكـدت حـاجبـي بعـدم فهـم شبيـها روينـه وهي رجعت اردفت
ردوينـة: صـار عـدهـا فشـل كـلوي و خيال ما خلة طبيب ما اخذها اله يكـولون ما تتشافـة إلا يزرعولها
كليـة و غسيـل الكليـة ما راح يسـوي شيء اذا غسلولها كليتها بس تزداد سـوء
... بقيت مصـدومـة معقـولة حالتها بهـذا السـوء كـلة و الله ما تستاهل يللي يصير وياها كلش طيبة هي
::- زيـن لكيتـو متبـرع لـو بعـد؟؟
ردوينـة: لكينـة بـس جـاي يسـون تحليل للانسجـة ما اعـرف شنـو حتـى يعـرفون يصير يزرعون او لا
... هـزيـت راسـي و حاولت اغيـر المـوضوع و اطلعها عن جوها الكئيب و بقيت احجيلة شلون جانت
دراستـي و شلـون جانـت تلعب نفسـي و الجثث يللي يجيبوها النـة بتـالي اليل حتى انشرحها و هي
كاشةة وجهها لعبانه روحها و اني مستمرة العب برواحهن و هنة يعيطن
ردوينـة: ايععععع يمعوده دكافي مو لعبت روحنه راح اتقيأ هسه كدامـج يبوووو
... متت ضحك عليهن و هنة يعيطن بية كل ما اعيد و ارجع احجيلهن يكومـن يتلاطمـن
بقينـة كـاعدات نحجـي و نضحك تاخـر الوقت و رجعت ردوينـة البيتهم و انـي صعـدت الغـرفتي بعد
مـا كملت وية ليزا ترتيب البيت و هي راحت نامت فتحت غرفتي ابتسمت و اني مستنشقة عطرها
و ريحة النظافة يللي تفوح منها دخلت شمـرت روحي ع الجرباية احس اعظامـي يطكطكن من
التعب هستوني اريد اغفـة وصلتنـي رسالة فتحتها شفتها المعلومات يللي تخص القضية راسلها الي
زكريا مساعد خيال عدلت كعدتي و اني اشوف المعلومات يللي تخصها بقيت مدهوشة من ذكاء
و دهاء المجرم ما مخلي وراه اثار بس مهما يكون ذكي لازم يكون عايف وراه شي لان غلطة الشاطر
بربع مو بالف هاي المره بقيت اشتغل عليهم الوقت كلش متاخر ابتسمت و انـي الكـة طـرف خيط
ع المجـرم، مو كلت ماراح تكدر تطفر بسهولة بقيت اشتغل عليها و نمت ع الاوراق و اني ما حاسة ع
نفسـي كعـدت الصبـح و انـي احـس بـرقبتي مشلولة من كثـر مـا نايمـة عليـها نـومة غلط تشنجت ايدي
و رقبتي بالف يا محمد اله كـدرت احركهم كمت لملمت الاوراق و غسلت وجهي و نزلت جوه اخذتلي
توست و خليت عليها شوية مربى و صعدت فـوك ركض اكمل القضيـة لان اريد اكملها باسـرع وقت
و اوصل الى يللي اريده بديت اشتغل عليها و هيج مـرت اربع ايام و اني اشتغل ع القضية بـدون ما
اطلع او اخذ مساعده من احد اكثر خبرة بهل مجال جازفت و اعرف اني كد هاي المجازفة كلها ساعات
نومـي انام ساعتين و ارجع اشتغل بكل حيلي لان اليتعب يلعب بالاخيـر و جان سجاد يجيبلي مكسرات
و حليب بالكاكوو ما ننسى يجيبلي كارتون من عنده و يكعد يمـي ثواني و يرجع الغرفتة يكول ما اريد
الهيـج عـن شغلـج و اني اريدج تبينيلهم انتِ المحققة الوحيدة يللي استلمت هاي القضية و كدرت تلكه
المجرم، و فعلا كلامة صح كدرت الكاهه للمجرم لان جنت شـاكة بي و بعـد ما دزيتلة شيء يخص
القضيـة صـار يهددنـي كشف نفسـة بنفسـة هـاي المـرة و نرجع و انكول غلطت الشاطر صارت بربع
... اجـة تـاريـخ هـذا اليـوم يللي لچـم كلبـي و صـار تـاريخ مؤلم بالنسبـة الـي مثـل هيـج يـوم تـوفة
عـزيز روحـي ابـوية و اخـوية و دنيتي كـلها كعـدت من الصبـح لبسـت اسـود والله تستـاهل يلبسلك
اسـود طـول العمـر و الناس كلها تنعـي الوفاتك امجادي طلعنة من البيت متـوجهيـن للمقبرة
بقيت الطـريق كـلة صـافنـة و شايلـة القرآن بأيـدي ما مصـدكـة انـو هـو هسه جـوه التراب مو ويانة معقولة
انـي صبـرت اربع سنوات بدون ما اسمع حسك و كلامك و حنيتك علينة ما اعرف شلون كدرنه انعيش
بـدونـك و صلنـة المقبرة اول ما لمحتها عيوني صارت تصب دمـوع عمـت عيني عليك جنت ضاوي
البيت بوجودك هسه المقبرة ليش ضاويها؟.
... نزلت من السيارة ما انتضرت اي احد منهم و توجهت ع قبرة ما نسيت مكانة و لا نسيت اي خطوه
خطيتها بيوم الدفنتك اهنا استرجعت يوم الدفناه اهنا اول ما لمحت قبره صـار وجهه بيـن عيـوني
ضحكتـة سـوالفة صـوتة من يقـره قراءن صـار يتردد باذانـي روحـي فـرفحت علية ركضت ع قبـرة و
شبكت قبـرة بكـل حيلـي و اردفت ببكـاء:
::- كـوم المگبـرة مـو بيتـك والله ولا بيـها دفـو مثـل دفـو بيتـك امجـادي كـوم بنيـاتـك صـارت
تخـلـي قبـل اسمـك المـرحـوم ول يـابـة شبسـرعة
صـرت مـرحـوم و انـت البـارحـة جنـت تضحـك ويـايـة؟؟؟
... مـن كـالـولـي مـتـت و جـابـولـي خبـرگ جـذبتـهم و كـلـت بـداخـلي لا جـذب الحنيـن شيمـوتـة أنـي
شيعـت روحـي بيـوم يللـي شيعـتك بـي هـو المثـلك حگـة تكـون فـاتحـتة عشـر سنيـن مـو بـس ثـلث
ايـام
... سكـتت ابجـي و دمـوعـي تعـاتـب بـي احـس فـرفحـت روحـي عليـة ردت احفـر القبـر و ادفـن
روحـي وياه زادهـا عليـة سجـاد مـن كـال
سجـاد: شـلونـك خـويـة شلـونك بالالتراب هـم بـردان؟، شجـابـك ع الكبـور انـت و شعـرفـك بيـها
انـت مكـانك بالبيت هـذاك ضـاوي يبعـد روح اخـوك
... دنـك راسـة يبجـي و انـي حاضنـة كبـرة و احـس حاضنتـة هـو مـو الكبـر مالتـة ريحتـة دارسـة التـراب
مشيـت ايـدي ع حـروف اسمـة يللـي مكتـوبة ع القبـر و دمـوعـي تنـزل ليـش عفتنـي امجـادي
بعـد والله "چـوادر فـاتحتك مچـودره بگلبـي"
... بعـدنـي والله ما متقبـلة فكـرة مـوتك اختـك كسـروهـا اهـواي بعـدك والله مـا بقـالي سنـد غيـر
الله عز وجل و سجـاد حتـى ابـوي مـا يعـرف وين
الـزمـن شـامـرنة اهـم شيء عنـدنه شغـلة و سلطتة
كمـت وكفت امسـح بـدمـوعـي و ادحـك ع قبـرة و اردفـت
::- هـاي المـرة انـي اكلك مامنتك بحفظ الله امجـادي و اتمنـى لقاك قـريـب لان هـد كلبـي البعـد.
... بقيت واكفـة انتـظر سجـاد يكمـل اعتـابه وياه و دمـوعي تجـري زادت دمـوعي مـن سجـاد اردف:
سجـاد: " الجـان ابـويـة و اخـوية و كـل هـلي هسـه مـدفـون بكـاع عـلي "
... نـزل راسـة يبجـي و مخـلي الاشمـاغ ع عيـونـة انهـد حيلنـة مـن كثـر البجـي اعـرف جـاي انأذي بـحجينـة هـذا و كـلامنـة و العتاب بـس شـوكنـة دمـرنة عليـه الحـزن و الـوجع و الكسـر
" التمـن مـن كـل كـتر ع كـلوبنـة "
... "عمت عيـن يللـي يكـول تهـون روحتـك و ننسـى"
اشـو عبالك جـوادر فاتحتك البارحـة جـانت منصـوبة؟
... بقينـة فتـرة بالمقبـرة حسيت عيونـي غوشـن من كثـر ما بجيـت عليـة، دنگ سجـاد ع الكبـر باسـة
و كـام ع حيـلة نفـض التراب من ملابـس دحكـلي بعيون حمـر و مورمـة مـن البجـي تقـدم عليـة حضن
اكتـافـي و طلعنـا مـن المقبـرة و احنا عيـونه ع قبره و صلت السيارة مالتـي ما قبلت ارجع ويه سجاد
لان اريـد اسـلم الادلة بالبدايـة ما قبل اروح وحدي بـس قنعتـة انـو ما راح اتاخـر كم ساعة و ارجـع
وافق و انـي صعـدت بسيـارتـي متـوجهه اسـلم الادلة و انـي بالطـريق لمحت بالمرايـة الاماميـة سيـاره
سـوده مضللة لاحكتنـي عرفتهـم مـا راح يخـلونـي اكمـل شغـلتـي ع خيـر مـن بعـد التهـديدات يللـي
و صلتنـي منهـم دخلـت حـاولت ابتعـد عنهـم داخـلة بشـارع فلسطيـن بقيـت ادحگ بالمـراية الامامية
ماكو ورايـة بقيت ادحك ع كـل زاويـة بشـارع فلسطـين اخـر مـره دخلتة مـن جنـت صغيـرة و
اجيـت ع بيـت جـدي اهـل مـامة حنـان تـذكرت انـو بيتـهم قـريب منـا توجهتت علية لان مشتاقه
لريحـة امـي مـع العـلم البيت متـروك مـن زمـان لان مسـافـرين خـارج العـراق صارللهم سنين وكفت
السيـارة كـدام البيـت مالتهـم جـان بيـت بغـدادي قـديم و الباب مالتهـم و السيـاج مـو عالي ناصـي
ابتسمـت و انـي احـس جـاي اشـم ريحـة اجدادي الكلهـا مسـك بالبيت دخلت للحـديقـة يللي كـلها
ذكـريات الي انـي و بنات خالتـي مـن خوات مامـة حنـان و شلـون جنـه نتعـارك ع شجـره الزيتـون
و حبـوبتـي تجـي تكطفلنـة و تنطينـة و احنـا انكمز جـوه رجليها عبالك قـرودة التفتت ع شباگ المطبخ
شفت من عنـده قـوالب الكليچـة الواكعـات بالكـاع الكلهـا تـراب و الطبلـة يللي عليها سـلة الفواكـة
الاصطناعيـة و البـراد يللي مخيطين عليـة دانتيل و القنفات الخشب و صينيـة الاكـل يللي جانت تخلينا
بيهـا دهـن حـر و كيمـر، جـان بودي ادخل انضفة و اكعد بي بـس جـان مقفـول و القفـل مالتـة عنـد
خـوالي دحكتلـة اخـر مـرة و طلعـت مـن البيت مبتسمـة لان استـرجعت كـل ذكـريات الطفولة
و انـي بي صعدت السياره و انـي دمـعتي بطـرف عيني شـوكت كبـرنه احنـا و شلنـة حمـل هـاي
المسؤوليـة كـلها سقت السياره و انـي شارده الذهـن طلعـت مـن شـرودي و انـي اشوف السيـاره المضللة
رجعت تلحكـني و هاي المـرة صـارت تضـرب بسيـارتي بقصـد تحـاول تكلبهاا، غـدرونـي الكلاب
... اريـد اسيطـر ع الستيـرن بعـد ما اكـدر التفتت ع الشـارع ما جان احـد بي بس انـي وياهم
اجتنـي ضـربـة قويـة خلتنـي افقـد السيطـرة ع السيـارة و بعـد ما اعـرف شنـو صـار...
.....
سـدرة
... اول ما دخلت الغرفة شهكت بصوت عالي مخلية ايدي ع حلكـي بصدمـة من المنظـر يللي كـدامـي
ابـوي مخلـي السجينـة ع رقبـة امـي و يحجـي وياها بكـلام ما مفهـوم و جسمـة كـلة يـرجف و ع شهكتـي
فتـح عيـونه ع وسعهن و بسـرعة وخـر السجينـة ضامها وره ظهـر وطلع بسـرعـة مـن الغـرفة ركضت
ع امـي يللي كعـدت بالكـاع و صارت تملـخ بشعـرها و تضرب ع راسها اريد افهم شنـو السالفة ما افهم
شنـو جـاي تكول بقت تبجـي و شكت ثوبها و اني فاتحة عيوني بصدمة و بقيت منصنمـة بمكانـي مـن اردفت:
ميسـون: ولـج والله ابـوج مـريض مـريض نفسـي مخبـل يشك بيه انـي اخـون نفسـي و ما اخـونة
يشك بي اخونه وية زوج بنتة ولج مثل ابنـي شلوون يفكـر هيـج شلووووون يوليي انـي وكفت ضـد اهلـي
كلهـم و تزوجتـة و يجـي هسـه فوك ضيـم ابنـي ماخذينه و ما اعرف وين كاعـة يجي هـو و مـرضة
يزيدها علية ولج مو من هسـة هـوو مريض من زمان بس متحملة ضربة وسوالفة بس علمودكم والله
... هي تحجـي و انـي مصدومـة و اباوع عليها ما اعرف شحجي من صدمتي و دمـوعـي تنـزل ع
خدودي بغزارة و اني اباوعلها ما ابايدي اي شيء كرهت روحـي لان ما جنت اعرف بمرضة حتى
اعالجـة وياها و اساعده من مرضة جانت متحملة كل هذا الضيم وحدها وساكتة اباوعلها شلون تبجي
مهضومـة دنكت راسي باسف ع حالنة و حالي شلون اكدر اساعدها هسه، رفعت راسها و اردفت
:- وينككك مـرواااان لـو انت مـوجود هسـه ما اشيـل هـم والله نكـدر انعـالجـة سـوااا بـس اخخخ
ولـد الحـرام اخـذوك و مانعـرف ويـن كاعك لـو امجاد مـوجـود هسـة ما يخلينـي اشتاك الك والله
ويرجعك النةة فقدتكم ثنينكم حيلـي انهـد عليكم والله، صـدك لـو كـالوا الاخ سنـد و ما حسيت بهـذا الشيء إلا مـن فقـدتكم..
... حضنتـها ع صـدري محـاولة اهـدئها طلعت مـن غـرفتهـا صاعـده الغـرفتي بعـد ما هدأت و خليتها
بفراشهـا مغطيتهـا فتحـت بـاب غـرفتـي مشيـت بخـطوات بطيئة متوجهه ع الجـربايـة كعدت
و اطلقت صـراح دمـوعـي بانـو ينـزلن ع خـدودي بغـزارة رجعت ظهـري ع الجـربايـة ساندتـة
غمضت عيـونـي ما اعـرف شكـد مـر مـن الوقـت بـس الاعـرفة انـو مـر اهـواي وقت فـزيت ع صـوت
صـريـخ جـاي مـن جـوا كـلش عـالي نـزلت اركض اتعثـر بخـطواتـي كلبـي احسـه وكف مـن شفت
امـي لازمـة راسـها و الدم يجـري منـة و اختـي رنا مفرفحـة تبجـي و ابـوي لازم زوجها يضـرب بي
ما اعرف المن افزع او اوخر ابوي عن الرجال او اروح ع امـي يللي داخت و كعدت بالكـاع روحها
رايحه مـن الوجع بقيت اعيط بيهـم اريـد ابوية يعوف زوج رنا ماكو و زوج رنا يضرب بابوي
و ابوي يرجعها اله، ابوي عاف زوج رنا و راح ع رنا يللي حامل بشهـرها السادس ضربها ع بطنها
خلاها تفرفح زوج رنا شافها هيـج لو ذره عقـل ما بقت بـراسـة راح يـريـد يشيلهـا مـن الكاع و ابوي
لزمه و صـار يضرب بي بكـل حيلة مو ابوية الهادئ يللي اربعه و عشرين ساعة مبتسم هذا شخص
يختلف جذريا وحش جان مـو ابـوي عيـونه حمـر قطعـة دم و عـروك كصتـة ناطـات يخـوف
رحـت اركـض عليـة اريد اوخـره عن زوج رنا دفعنـي حيل رجعت ليورا ع عياطنـة دخلوا جيرانـة فاككوهم
و زوج رنا شالها من الكاع و طلع يركض بيها للمستشفى و انـي ركضت ع امـي يللي دايخة من
الضـربة جبت معقم و كطن و صـرت انضـف بالجـرح مالتها الـدم يبـس ع وجهاا و كل ما انضف بالجرح
تصيح متوجعة و انـي دمـوعـي تنـزل ويـة كـل صـرخـة وجع تطلع منها، عقمـت الجـرح مالتها
و اخـذتهـا الغـرفتـي حتى تنام، وهيـج مـرت ايامنـة عبـارة عـن سـم علينـة ما يمـر يـوم اذا ابـوية
ما يضرب بـي امـي و يخلينـي مفرفحـة جـان ما ياخـذ الاكـل مـن امـي بـس منـي يثق بيـة مـن رحت
للطبيب النفسـي حتـى استشيـرة ع وضـع ابـوية جـان ردة الـي:
- المـريـض النفـسـي عنـده قـرينتيـن بنفسـة قـرينـة يخليـها ويـة الشخـص يكـرهه بحيـاتة و يصيـر
دم سنـونـة و حتـى شـك يصيـر يشكك بي
و القـرينـة الثـانيـة انـو يحـب هـذا الشخـص و يخـاف عليـة و مايـريد يخسـر بـس هذا الشـيء
مـو دائم راح يجـي يـوم و يكـره حتـى هذا الشخص يللي جـان يحبـة و يثـق بـي..
... امـي صـارت تضغـط عليـة انـو لازم ننطـي ابـوي عـلاج نفسـي بـس كـل ما افتـح موضوع العـلاج
وياه يصيـح بـوجهـي الى اجتـي امـي بيـوم جانـت طالعـة مـن البيت بحجـة راحت ع العجـوز اليمنـة
يللي مـاعدها احـد بـس هي عايشـة وحدها بحجـة توديلها لاكـل بـس هـي راحـت للصـيدلية تجيب
عـلاج لابـوية انصـدمـت شلـون قبلـوا ينطـوها الها بهـل سهـولة بـدون وصفـة طبيـة!!!!
... جتـي عليـة تـركض عبـالك مسـويـة فـد جـريمة تتلفت و هي لازمـة فوطتها بايـدها وكفت يمـي
تهمـس بصـوت يادوب ينسمع و تلفتت منا و منا عبالك بايكـة بـوكـة بقيت اباوعلها منتظرتها تحجي
ميسـون: شـوفـي سـدرة هـذا العـلاج انطاه الـي ابـو الصيـدلية كالـي انطي اله و انـي تعرفينة ما يثق بية و يثق بيج انتِ انطـي هذا العـلاج عفية امـي انتِ
:- مـامـة تعـرفيـن بـي ما يقبـل كـل ما افتـح وياه هـاي السـالفـة يعيـط بيـه شسـوي اذبحه مثـلا؟؟
ميسـون: شـوفـي كـالـي ابـو الصيـدلية أذا مـا يقبـل ياخـذه عـادي تطحنـونه و تخلونـة بالاكـل
... بقيت ساكتـة حاسـة بتأنيب الضميـر انـو هـو مأمن بيـه و انـي اجـي من ورا ظهـره انطـي علاج
ما اعـرف شنـو مكوناتـة بـدون مـا يعـرف و لا الطبيب و اصفه اله و هي اخـذت سكـوتـي عـلامة
رضـة و راحت تـركض جابت الهـاون و خلـت ثـلاث حبـايـات بي و صارت تطحـن بيـهم خلتهم حيـل
طـوز ناعـم، عبـالي راح اتخلـي نصـه بالاكـل بـس فاجئتني و خلتني افتـح عيـوني ع وسعهم من
خلـت يللي طحنتهـم كلهن بالماعـون مالته بقيت ساكتة ما اكـدر احجـي اي شيء اخـاف اعـارض
و تاخـذ ع خـاطـرها منـي و تكـول ما تـريدين ابـوج يتعالج و تخلينة هيـج مخبـل عضيت شفتـي بقهـر
و الله هـو مـو خبـل بـس الـوقت الاغبـر مـرضـة و خلاه مـريـض نفسـي حتى هـو مـرات ما يعـرف
بنفسـة شنـو يسـوي و يحجـي وياية طبيعـي ينسى كـل يللي سـوا احسـة عنـده شخصيتيـن مـو وحده
جـابتلـي الصينيـة خلتـها بايـدي و اردفت
ميسـون: يـلا بنيتـي اخـذيله الاكـل و سمـي بأسم الله و بلكـي الله يشفق ع حـالنـة و يرحم بحالة
و يـرجع مثـل قبـل.
... هزيـت راسـي موافقـة و طلعـت مـن المطبـخ تمشيـت بخـطوات بطيئة متوجهه للصـالة دخلت
لكيت بابـة كاعد ع القنفـة و لازم الريمـود بايـده يبـاوع ع الاخبـار اخـذت نفـس و زفـرتـة و انـة
اتقـدم عليـة ابتسمت بوجههه و احـس مسـويـة جـريمـة او خاينتة لان جـان الوحيـده يللي يثق بيها
هـي انـي كعدت و مخلية الاكـل كـدامه عـدل كعـدته سحـب الخـاشـوكـة و بـده يـاكـل عكش وجهه
منقـرف مـن الطعـم رفع راسـة عليـة هو و عاكد حواجبة و اردف
- بابا سـدرة ليـش طعـم الاكـل هيـج.؟؟
... بلعـت ريكـي متـوترة ما اعـرف شكـلة ابتسمت بتوتـر و اردفت
:- يعنـي شنـو طعمـة هيـج ما فهمـت عليـك بـابـة.؟
- طعمـة مثـل الـدوه ما اعرف شلـونه مـو طيب تعـالـي ضـوكـي تاكـدي.
... بقيـت متـردده شلـون اضـوك و امـي خلت بي دوهه مالت مـرضه دسـت ع نفسـي و كمت اضوكه
حتـى ما اخسـر ثقتـة لان المصابيـن بامراض النفسيـة اذا فقـدو الثقـة بيـج صعـب تـرجع تتصلـح
... ابتسمـت و كعدت اكـل وياه جـان طعـم الاكـل عبـاره عن دوهه لان امـي كثـرت من عنـده و هـو
امـن و بده ياكـل شبـع و كام يغسـل و انـي احـس انسطـرت روحـي طلعت من الاكـل و الدوة احسـة
كلـش ثقيل و انـي مناعتـي صفـر بسـرعة اثـر بيـة
شلت الصينية و خليتها بالمطبخ طلعـت ركـض
صعـدت الغـرفتة و عفت امـي تصيـح بأسمـي وراية
ما اكـدر اجاوبها رحت للحمام ركض خليت اصابعـي
بحـلكـي حتـى اتقيأ يللي اكلتـة حسيت روحـي راحت من كثـر ما استفـرغت دخلت للغـرفة
ذبيت روحـي ع الجـرباية منتهيـة ما اكـدر احـرك ايـد و لا رجـل و حتـى حفـلة التخـرج مالتـي ما حضـرتها
مـن المشـاكـل يللي صـارت ويايـة مـرض ابـوي بقـى مـرافقة طـول هـاي الاربع سنين سـاعة يكـون
صـاحـي و ساعـة يفقـد ما يعـرف شنـو يسـوي و كـل ما نحجـي وياه بالسياسة حتى يروح للطبيب
يـرفض رفض قاطع و يصير يعيط ما يقبل ع يللي نحجـي، كعـدت ثـانـي يوم جسمـي متكسـر بـس
ما بينـت الامـي اي شيء حتى ما تلـوم نفسهـا اخـذت الاكـل و لبست العبـاهه مالتـي و طلعت ع
ام عمـار اوديلها الاكـل لان مـره عجـوز ما الها احد غير الله ثـم احنه جان بيتها بالفـرع الثانـي
امشـي و احـس خطـوات شخـص ورايـة بـس ما التفتت غلـست و سرعت خطواتـي حتـى اصل
دكيت باب ام عمار طلعتلي سلمت عليها و اخذت مني الاكل رادت مني ابقة يمها بس كتلها ان شاءلله
غيـر مـرة امـر عليـج هـم مـن رجعـت اسمـع خطوات وراية و صوت يكـول
- بسبس يحلووو وين طالع وحدك بهـل ظهـرية
... غلست و كملت طريقي متجاهلتـة و هـو رجـع اردف بـس هـاي المـره بـ غنـاء
طالعه من بيت أبوها...
رايحه لبيت الجيران
فات ما سلم علي يمكن الحلو زعلان..
قلت لها يا حلوة ارويني عطشان مي..
اسقيني قالت لي روح يا مسكيني مينا ما..
تروي العطشان قلت لها يا حلوة ارويني على..
طولك فرجيني قالت لي روح يا مسكيني..
يا طولي زرعة ريحان..
... زهكـت روحـي و التفتت عليـة صـارخـة و جـان انصـدم و انـي اشـوفـة واكف كـدامـي....
.....
ردوينـة
... مـرت الايـام علينـة فاهيـة بـدون روح مـن يـوم راحت سيلفـا من هـذا البيت ما بقت بـي روح
شفـت بعيـونها كسـر ما اضـن بعـد يتصـلح لان خيال اهـواي كسـرها بضـربته هـاية و انـي اختـة ما توقعت
يسـوي بـ سيلفـا هيـج امـا شمـس وحـده رخيصـة تحـب تلعـب بحيـاة النـاس و كـل ما يحلالها الجـو
حـاولت تتقـرب لواحـد مـن اخـوانـي بـس صـدمنـي خيال مـن كـال احبها و تزوجتها بـس مـن يـوم يللي
طلعـت سيلفـا مـن هـذا البيت اختفت شمـس هـم ما شفنـة شكـلها ابـدا من بعـد اخـر حـادثـة صـارت
بيناتنـة، و هـو حيـل تغيـر صـار كلـش بـارد و ع اتفهه الاشياء يعصـب، اما روينـة حالتها صـارت بالنازل
مـره دخلت عليها بالغـرفة انتبهت ع رجليها مورمات
و حيلها رايـح رحت اركض عليها و هـي دخلـت
تـركض للحمام تتقيـأ بصـوت عالـي ع أثـر صـوتهـا دخـل خيال يـركض عليها و علامات الخـوف ع
وجهه كلـي البسها اي شيء حتى ياخذها للطبيب هي رفضت بـس ما سمع منها و اخذها غصب وياه
لطبيب بقيت بالبيت اكـل بـروحـي انتـضر خبـر منهـم دخـل مـُرتجـى يبـاوعلـي بتساؤل ما فاهم شبية
مُـرتجـى: شكـو ردوينـة ليـش هيـج شكـلج متـوتر صـايـر شيء.؟؟؟
ردوينـة: خيال اخـذ روينـة للمستشفى و الحـد الان ما رجعـو ما اعـرف شبيها دخلت عليها لكيتها روحها
رايحة و بس تتقيأ
... عافنـي و سحـب الموبايل يتصل ع خيال اتصل اهواي و بـالمره الاخيـره إلا رد عليـة اباوع ع مُرتجـى
بـس يهـز براسه و ينصـد الخـيال يسمع كـلامـة شوية و غلقـة منـه و انـي اردفت بقلق
ردوينـة: شكـو شصـايـر شبيـها روينـة؟
مُـرتجـى: جـاي ينتظرون بالتحاليل شـوية و يرجعـون ما يطولون ان شاءلله
... بقيت ساكتة مجـرد هزيتلة راسي و بقيت متوترة بقيت فترة انتظـرهم إلا ان اجـو دخـل خيـال ساند
روينـة و وجهه مغنتب ما يتفسـر ابـد احـس قلبـي قبضنـي رحـت اركض علية اريد اعـرف شنـو
السالفة و هـو هزلي راسة بمعنى اصبري اخذ روينه دخلها للغرفة نومها ع الجرباية و طلع و اني امشي
وراه منتظرتة يحجي و هو اخـذ نفـس و رجـع زفـره و رجع شعـره ليورة بايـدة التـرجف و اردف
:- طـلع عـدها فشـل كـلوي و لازم نزرعلها كـله و أذا غسلنه كليتها ماكو امل بعـد فـ لازم نتلاحكها
... احس صـاعقـة و نزلت ع مسامعـي هذا الخبـر كعدت ابجـي و هـو يحـاول يهدا بية و مُـرتجـى
مصـدوم ما يعرف شلون يعبر عن مشاعرة كام دخل الغرفة روينه حضنها الصدرة و يحجي وياها
بكلام يطمنها و هيـج مـرت الايام خيال طاير طيور يدور طبيب شاطر حتى يسوي عملية الروينه
سفـرها للخـارج حتى تتعالـج و هـو راد يسافـر وياها بس شغـل مالتة منعـة راحت وياها خالتي و بيبيتي
هم بشـرونـة الدكاتـرة انـو لكـو متبـرع و العملية ان شاءلله تنجح فرحتنا بهذا الخبـر ما تنوصف ابدا
مرت الايام و انـي مكابلة الموبايل و كاعده اراسل بشخـص عزيز ع كلبـي، صـار وقتـي كلة ع
الموبايل و انـي اراسل بي حتى خيال انتبهه و يسألني ليـش هيـج اربعة و عشرين ساعة ع
الموبايل و جنت كل ما يسألنـي اطلع حجـة شكـل الى ان اجه اليوم يللي راح التقـي بالشخص يللي
جنت طول هاي الفترة اراسلة اليوم راح يجي البيتنة كعـدت مـن الصبح فـرحانة و اكمـز دخلت للمطبخ
لكيت مُـرتجـى و خيال كاعدين ع الطاولة و يتناقشون التفتوو علية من صبحت عليهم و اني الضحكـة شاكه حلكـي
ردوينـة: صبااااحووووو يحلوووين شهلل صباح يللي يجننن اخوواااان
خيال: صباح النور شهلل الضحكة هاي شنو سامعة اليوم عاصفتـي؟
مُـرتجـى: اي صدك شسامعـة حتى الضحكة شاكـة حلكج من الاذن للاذن؟
... تحمحمت ورجعت احجـي و اني الفرحةة محتلتنـي
ردوينـة: اليـووووم راح يجـيي الشخـص يللي جنت انتظـرة طـول هـاي الفتـرة
... عكـدوو حاجبهم بعـدم فهـم رادوو يحجـون بـس قاطعهم دخول زكريا و هو يكـول
زكريا: سـت ردوينـة اجـة ضيفـج يللي تنتظـرينـة
... كمـزت بفرحة و اردفت
ردوينـة: خلـي يـدخل زكـريا
... هـز راسـة بأيجـاب و طـلع و انـي عين ع الباب و عيـن ع خيال اريـد اشـوف رده فعـلة رفعت عيني
مـن شفتـها تدخل للباب المطبخ و هـي لابسـة فستـانها الزهـري و الحجـاب يللي مغطـي شعـرها
ركضـت عليـها حضنتـها و هي بادلتنـي الحضن كلش متغيـرة و كبـرانه و محلوة حيـل التفتنـة ع صوت
مُـرتجـى هو و يصوفر ويكول
مُـرتجـى: اوووف اوووف منـو هـاي المـزة شبـاب
... ضحكت ع كـلامـة و هـي عينها ع خيال يللي مستغـرب ما تعرف عليها باوعلي و اردف
خيال: ردوينـة منـو هذه البنوتـة ولا صغـرن بيهـا بـس ما عرفتها؟
.... ابتسمت هـي وتباوع لوجهه بتمعن و رفعت نظراتها علية و اردفت
::- "هـم البغـداديـن هيـج حلـوين لـو لان انـت منهـم؟"
.
.
.
.
.
.
.
.
. للحكـايـة بقيـة"⚗️"
ـــــــــــــــــــــــــــــــــــــــــــ
﴿قيلَ ادخُلِ الجَنَّةَ قالَ يا
لَيتَ قَومي يَعلَمونَ﴾.
ــــــــــــــــــــــــــــــــــــــــــ
▲ياهـووو هـذه شتتوقعـون منـو هاي🥲؟
▲زمُرديات الماتطلعلها القناه تراسلنـي خاص ادزلها الرابـط.
▲التصويـت ياااقوم وعلقووا بين الفقرات💔
▲حسابي الأنستا fofo_i156
▲قناه التلـي[fatmahAbdmoter]