سبحان الله وبحمده سبحان الله العظيم ♡
(بيت بهاج)الصبح
بهاج قام وغسل وصلى وطنخ!
بهاج بأبتسامه: بهيج حرام نوري تعبانه ليه ماتسوي فطور؟قدام
واتجهه للمطبخ وطلع الطاوه وحط البيض وراح يتابع مباراه معاده !
اما عند نوره الي قامت على ريحه حريق!
نوره جت تركض: بهاجج في حريق بس وينن؟
بهاج : صباح الخيرر
نوره: بهاج وش مغبر ؟
بهاج: وش بعد؟
نوره: بهاج في ريحه حرق
بهاج بأستيعاب : البيض
نوره: وشش
بهاج قام يركض متجهه للمطبخ ونوره وره تركض ماتدري وش السالفه
بهاج شاف البيض مقتلب لونه للاسود : والله والبلشه هههههههههه
نوره بشماته : بهاج ! محد يسوي البيض كذاا هههههههههه
بهاج :شماته! كنت بسوي فطور ثقهه
نوره: احد يخلي البيض ويروح؟
بهاج حك راسه بوهقه: مدري
نوره بضحكه: اوهه كأني تذكرت سالفه صارت زي كذا؟! اييي
البديات هههههه
بهاج بضحكه: اوهه ايام الاسطبل يوم احرق البيض ونجيب
فطور كعابي هههههه
نوره: ههههههه الله يالايام
بهاج: اقول لاتعيشين الدور ترى كلها كم شهر
نوره: افف قاتل المتعه
بهاج:يلا غسلي
نوره تخصرت ورفعت حاجبها: من الي احرق الفطور هو الي يغسله!
بهاج: احس في جني ببيتنا هو الي احرق الفطور موب انا
نوره: قدامي احرقت مطبخي وتظلم جني بيتنا!
بهاج: مافي امل ابرر؟
نوره: لا بعدين تعال العصر بروح لجدتي
بهاج يلعب بحواجبه: لا
نوره عقدت حواجبها: ليه؟ اساسا رايحه رايحه
بهاج بضحكه: عزمت القبيله اليوم ببيتنا هههههههههه
نوره بصدمه: وشش؟
بهاج: والله يانوري اعذريني وهقتك بس وش اسويي لازم نسوي عزيمه عشان البيت
نوره بصدمه: وانا الي راح اشل البيت هاذا كله علي!
بهاج: لا
نوره: اجل؟
بهاج: انا معك
نوره : طيب انت قسم الرجال وانا الحريم بس مستحيل يشيل البيت ثنين البيت كبيرر يابهاج كبيرر ماقدر اسوي مفطح!
بهاج بضحكه: بس بس لاتبكين جايب لك طاقم خدم والعشاء من المطعم هههههههههه بكايه عز الله
نوره: مابكيت
بهاج: بسوي نفسي ماشفت لمعه العيون ، امشى بشتري لي جوال مامعي ونشتري لك فستان بس يرحم والديك امنعيني من المفتح !
نوره: افكر بالموضوع
بهاج: مافي تفكير ! مشيتها لك المره الي فاتت مابغيت اضغط عليك بس هالمره بلعن خيرك ان اشتريتي شي موب زين
نوره تنهدت: تستهبل انا راعيه العزيمه اكيد بلبس شي بسيط ولا قميص روز
بهاج بضحكه : انا اقول البسي كل شي الا القميص هههههههههه
نوره: ابشر
بهاج : تبشرين بالجنه يلا شدينا نشتري جوال واذا تبين بعد
نوره: لا جوالي جديد مايحتاج
بهاج : هاتي هاتي جوالك
نوره مدت جوالها: ليه
بهاج مسك الجوال : امم فيه كسر لازم نغيره
نوره: شدعوا ترى خدش بسيط
بهاج تعمد يرمي الجوال بالارض والجوال تكسر
نوره اتسعت عيونها بصدمه: ليشش
بهاج بعصبيه : ماعنديي حريم يستخدمون جوال !
نوره انصدمت من شخصيه بهاج: تسوق امها ؟ ليش عطنيي سبب
بهاج بعصبيه: مابيك تصورين وجهكك !!
نوره بدموع: يعني ضمنت حبي لك وطلعت شخصيتك
بهاج شد عضد نوره : اييه والحين بنروح السوق وتشترين فستان ساتر!
نوره ببكى: بهاج وش فيك ليش تغيرتت
بهاج بعصبيه: من اليوم ورايح ماراح تخطين خطوه الا بأذني
نوره بعصبيه ودموع: مالك دخل فيني!
بهاج سحبها للمدخل البيت : البسيي عبايتك بسرعهه
نوره دفته بعصبيه : خير عاد تسلطت عليي وش فيك من غاسل عقلك
بهاج مسك عبايه نوره: ليش العبايه فيها الوان؟ مابي شي فيه الوان وراح تلبسين عبايه راس !
نوره سحبت العبايه بعناد وعصبيه: وبروح اشتري عبايه صفراء بعد
بهاج : صفرا؟ سودا ولافيها نقطه لون
نوره رمت العبايه عليه: خذ حطها على كبدك ومابغى اروح معك ولااسوي عزيمتك الخايسه ذي
وراحت للغرفه بزعل وبكى اما عند بهاج الي طلع لـ اهله يأجل العزيمه
___________________________
( بيت ابو عبدالله)
غدير: يبه خلنا نروح للمول اليوم عزيمه بهيج
ابو عبدالله: اي بالله بس يقول عائلي وبسيط وبشاليه
ام عبدالله: ايي وش السبب
ابو عبدالله: تعرفين ولدك مايثبت على كلامه
غدير : ههههه مشكله
جاء بهاج : سلام
الكل: وعليكم السلام
غدير: بيهج وين نوره! مختفيهه ؟
بهاج تجاهلها: تأجلت العزيمه الليله وبالله عليك يايبه اكتب بالقروب انها تأجلت مامعي جوال
غدير عقدت حواجبها بأستغراب من تجاهله لها
ابو عبدالله: ابشر بكتب بس وين جوالك
بهاج : كسرته
ام عبدالله بشهقه: ليهه
بهاج: انضغطت امس وكسرته
ابو عبدالله: ابك عجزت وانا اربي فيك ياولد اتقي الله لاتعصب لاتعصب ووجهك اليوم يقول متهاوش مع نوره
بهاج : لا ماتهاوشنا
ام عبدالله: اجل وينها وليش ماترد
بهاج بكذب : بالسوق تدج
ابو عبدالله : قم امش قدامي
بهاج : ليه
ابو عبدالله: ليه اكيد انك مضايق النوري !
بهاج: لا صار نقاش بسيط وطلعت وبس
ام عبدالله: عارفه ان نوره ماهي بالسوق وانت مسوي شي لها بس مدري وش
بهاج تنهد : يمه بعدين اقولك
وراح
___________________________
(بيت ابو نجلاء)
نجلاء على التسريحه تحاول تسوي لوك لعزيمه الليله
نجلاء: الله ياخذك ليش ماتضبط!
ام نجلاء: يانجلاء
نجلاء: هلا يمه
ام نجلاء: ابك وش تغبرين انتي
نجلاء: اسوي لوك ابهر فيه الحضور
ام نجلاء: وش حضوره الله يخلف ؟
نجلاء:هو؟ يمه مو اليوم في عزيمه لبهاج ونوره؟
ام نجلاء: اييه صح الغهوها صارت يابكرا ياالي بعده
نجلاء : مو من حقه يأجلها
ام نجلاء: لاياشيخه اجل من حقه انتي؟
نجلاء: لا يمه مو قصدي كذا يعني يوم ضبطت اللوك اجلها المصيون؟
ام نجلاء: يابنتي اكيد صار لهم ضرف
نجلاء: اخخ اخر شي يطلع ضرفهم متهاوشين
ام نجلاء: وش دراس؟ يمكن حرمته تعبانه؟
نجلاء: ابك يايمه كل حياتهم مشاكل الله ييسرها
ام نجلاء: ايه بالله الله ييسرها
نجلاء: يعني خلاص امسح الميكب؟
ام نجلاء: امسحي
نجلاء: اهه يحلاتت من هبده
___________________________
(غرفه نوره وبهاج)
نوره جالسه بالسرير تبكي
نوره ببكى: وجع يعني يوم ضمن اني احبه طلع شخصيته الخايسه ذي ياخي انتي يانوره تعرفين انه عصبي ليش حبيته وانتي ادنى حاجه تبكيك ليه يعني ولابعد يرفض اني اروح لجدتي ياشيخ من انت عشان ترفض اخخ يملا الزق دبلت كبديي كسرت جوالي ياتبن افف غثيث كش وجهه وجهه العنز
بهاج دخل ومعه عبايه نوره ورماها عليها: البسي
نوره تمسح دموعها:مابغى
بهاج بصراخ: البسي بوديك لـ اهلك ولاعاد بشوف وجهك
نوره خذت العبايه ولبستها: احسن من مقابل وجهك
بهاج: انتظرك بالسياره
نوره: تحسبني بموت عليك ؟
وتجاهلها بهاج وراح ركب سيارته وشوي وجت نوره ودموعها بعيونها
بهاج : انجزيي
نوره: سد حلقك
بهاج: اسكتي
نوره: اساس مابتعب حلقي عليك وعع
بهاج تنهد وتجاهلها وكمل الطريق اما نوره الي مو مستوعبه وش سبب تغيره المفاجاء؟ لكن استغربت ان مو طريق الديره هاذا المول!
بهاج: انزلي
نوره: اظن قلت انك بتوديني الديره مو للمول؟
بهاج: انزلي يانوره !
نوره تكتفت وارخت ظهرها: مابغى ومابغى انزل الا فبيت جدتي!
بهاج تنهد ونزل وفتح باب نوره : انزلي
نوره : لاحول ولاقوه الا بالله انزلي وانزلي ابك وش تبغى مني خلاص نزلني عند جدتي وخلاص اقطع العلاقه انت الي اخترت
بهاج: والله وتالله ان مانزلتي ياويلك
نوره: احلف من هنا لبكرا مابغى انزل الا ببيت جدتي خلاص لو سمحت ابعد عني
بهاج مسك معصمها ونزلها
نوره : فك يابهاج ليش انزل طيبب
بهاج بحده: بتكشخين الليله وتتزينين كأن ماصار بيننا شي
نوره: اقول هاذا الكلام مايمشي علي!
بهاج : امشى بس
نوره : طيب فك يدي
بهاج تجاهلها ودخل المول وهو ماسك يدها وشاد عليها
نوره بهمس: بهاج خلاص لاتستهبل وفك يدي
بهاج ساكت ومتجاهلها
نوره: يعع كريه
بهاج : بسرعه معك ساعه تختارين فستان
نوره: مابغى
بهاج: لاتبين
نوره: انا الي بلبس مو انت انت وش دخلك تبي تلبس الفستان رح البس
بهاج شد على يد نوره: رجولتي ماتسمح
نوره: رجولك ماتسمح؟ طيب فك يدي
بهاج فك يدها: ساعه بس
نوره: مابغى شي منك خلاص
بهاج: ساعه
نوره: ماتفهم؟ قلت مابغى فستان
بهاج: اجل وش تبين؟
نوره: ابغى جدتي الان
بهاج: جدتك خلاص احلمي فيها
نوره: لييه؟
بهاج: انتي ملكي خلاصص جدتك مالها دخل
نوره: اسمها خالتيي مو جدتك خيرر ليش تغيرتت!؟
بهاج: ٥٠ دقيقه معك
نوره: مابغى
بهاج تجاهلها وراح
نوره : يعع كريه لكن هين ولله ماجلس عندك
واتجهه للكوفي وجلست فيه
الذكر: لو سمحتي (حرام اسميه رجال ابك ذا الرجوله محرمه علاه )
نوره: نعم اخوي؟
الذكر : اخوي؟
نوره: توكل على الله
الذكر : هاذا سنابي
نوره خذت الورقه: اها هاذا سنابك؟ واو مميز اليوزر
الذكراستانس لكن ماتمت وناسته وهو يشوف نوره تقطع الورقه قطعه قطعه
نوره رمت الورقه بوجهه: تقلع ولا بتوصل للمحاكم
الذكر : عادي اخوي محامي
نوره: رجلي لواء!
الذكر : ماعلينا منه المهم تبين رقمي ؟
نوره بعصبيه: ياادمي توكلل
الذكر : يالبى......
ماكمل كلامه الا وبهاج معطيه لكمه طيحته من طوله وقعد بهاج تسطير وملعنه خيرر ومقهور
البنت سحبت نوره: حبيبتي اطلعيي لا يجيك اذاء
نوره بخوف :تكفينن ماقدر اشوفهم كذا
البنت: حبيبتي اخوك تهور ششوي وانتي اطلعي وانتي بوجهي مايصير لك شي
نوره: مو اخوي رجلي
البنت: اما مو واضح المهم تعالي اجلسي واشربي ماء
نوره بخوف : افف اخاف يتأذا
البنت: لاحبيبتي مايصير له شي الحين الرجال يفكون بينهم
نوره شربت الماء والبنت تهديها
اما عند بهاج الي يضرب بكل قوهه وقهر والرجال يفارعون بينهم
الرجال مسك بهاج: خلاص استهدي بالله
بهاج بعصبيه: ياولد تقلع خلني اكمل عليه
الرجال: خلاص خلاص الولد مات
بهاج بعصبيه: خله يموت ال***
وطلع بهاج بعصبيه يدور نوره وشافها مع بنت واشر لها تجي
نوره بخوف: بسم الله الرحمن الرحيم وجعلنا من بينهم سدا ومن خلفهم سدا فأغشينهاهم فهم لايبصرون
تقدم بهاج وسحب طرف النقاب ونزله على عيونها الي تفتن : غطي عيونس
نوره جاها ايرور قبل شوي معصب والحين غيران؟ رجعت نقابها كما كان
بهاج شافها وتنهد مايبي يناقشها
ومشو متجهين للسياره وبهاج قاعد يمشي بالسياره بسرعه والمطر غزير
نوره: توكلنا على الله
فجأه وقف السياره تحت المطر وقعد يهوجس ونوره مو فاهمه شي !
نوره:به....
قاطعها بهاج: بدون صوت اسمعي صوت المطر ولاتقرقرين
نوره: احسن ميته عليك؟ لا
بهاج:اجل اسكتي شوي بس
نوره تكتفت وسكتت وفعلاً خذتها الهواجيس وبهاج يهوجس
وشوي وحرك بهاج السياره بهدوء واتجهه للبيت
بهاج بهدوء:انزلي
نوره :ودني لبيت جدتي
بهاج:الطريق مسكر وزحمه من الامطار انزلي وبكرا اوديك
نوره نزلت بهدوء وهو راح
نوره:ودي اعرف من الي مغير ؟احس جده ال** ابك ذا ماخلا احد بحاله ال***
ودخلت واتجهه للغرفه
___________________________
(بهاج)
راح للمكتبه يشتري له جوال وفعلاً شرا له جواله اخر اصدار وماكأنه كاسر جوال نوره
بهاج : الله منا حلوه ذا الجوال كشخهه خلني بس اطق لي صوره
وصور ومستانس فيه ورجع للبيت عشان ينقل بياناته وحساباته لجواله الجديد
ودخل البيت وجلس بالمجلس وبدا ينقل معلومات وحسابات
___________________________
( غرفه نوره)
نوره فاتحه الدولات وتشيل الملابس وتحطها بالشنطه وزعلانه وتبكي من تغيره عليها !
نوره بدموع: حيوانن كسر جوالي الله يكسر يده استغفرالله افف اخخ يحلات من لقى الي فار راسه عليه ومسلطه علي !
بهاج دخل ومتعمد يوري نوره جواله الجديد: وين الشاح.....
سكت بصدمه من شافها ترتب ملابسها وبتمشي: وين وين؟
نوره تجاهلته وتحاول تخفي دموعها
بهاج مسكها : والله وقسم بالله ماتطلعين من البيت والله
نوره دفته: تهديدك ذا لهيام مو لنوره
بهاج :هههههههههه
نوره: ابعد بمشيي
بهاج: مامعك جوال من يوديك
نوره: مو انا الي يهيني رجال واجلس عنده
بهاج: بس ماهنتك!
نوره: لاولله؟ تكسر جوالي وتزعل بدون سبب وتجي كأن ماصار شي انت صاحيي؟
بهاج بضحكه: طحتي بالمقلب مشى عليك والله هههههههههه
نوره اتسعت عيونها بصدمه : مايمشي علي وبروح لجدتي !
بهاج: مقلب!ترى امزح معاك
نوره: خل مزحك ينفعك الحينن !
بهاج طلع كرتون جوال جديد لنوره: ها شرايك؟
نوره : ماحتاج منك شي
بهاج: لاحول ولاقوه الابالله ليش
نوره ببكى: بهاج مقالبك قويهه على قلبيي هاذا مايسمى مقلبب تستهبل كان شريت لي جوال بدون لاتكسر جواليي كان مازعلت مالا داعيي وربي مالا داعي تسوي مقلب مو مهم وربي مو مهم المقلبب خلاص تعبت منك ومن مقالبك القويهه سو مقلب بسيط بس مو كذاا تلعب بمشاعريي رجعني لجدتي
بهاج تقدم وحضن نوره
نوره بدموع: بعد عنيي مابغى قربكك
بهاج شد الحضن: اهدي اهدي بعدين تكلميي
نوره تحاول تبعد عن بهاج بس ماقدرت بهاج شاد على الحضن
نوره: اطلع برى مابغى اشوف وجهكك
بهاج: تمام تمام بطلع
وطلع بهاج
ونوره جلست : افف ياثقل مقالبه
والتفتت وطاحت عينها على كرتون الجوال الجديد وخذته
نوره: كيف يعني؟ مسوي كل هاذا عشان جوال؟ تزعلني على جوال؟ اففف احس مرهه مانناسب بعض دام هاذي حياتنا كلها مشاكل ! مانناسب بعض
ونزلت الجوال
اما عند بهاج الي جلس وحس بندم على تعامله معها اليوم كسر خاطرها مرهه
تنهد بهاج: افف ماتوقعت ان مقلب يسوي كل هاذا ! بهاج استوعب هاذي حرمتك حرمتك عاملها كويس حتى لو مقلب بهاج ابك ذي النوريي كيف قلبك تحمل يسوي فيها كذا !! انت فيك شي مو طبيعي كل يوم تزعلها ياخوي خلها تسوي الي بخاطرها انت وش عليك انت عليك تتأمل ابتسامتها موب بحزنها! اخخ يملا الي ماني بقايل يابهاج ! هههههه استغفر الله قاعد اعاتب نفسي ليه؟ تستاهل المعاتب والزعل لعنبو حيك مزعلها يوم كامل ! مالومها لو زعلت قم بس قم جب عشاء ياربها ترضى
وقام وراح يجيب عشاء ثقه وجاء ومعه عشاء ثقه الثقه
بهاج: نورهه
نوره ماترد
بهاج : يارابي كل ذا زعل افف
واتجهه للغوفه ولقاها جالسه تهوجس
بهاج: برطوم
نوره ماسكه الضحكه من سمعت التشبيه الي جاها
بهاج: يلا ثوري نتعشاء
نوره بثقل: مابغىى
بهاج: كفيس احسن بروح اعبى كرشتي
نوره: محد قال لك لا رح كل
بهاج: معك ٣ ثواني ماقمتي تعشيتي معي ياويلك
نوره: مابغى
بهاج: ون تو ثري 123
نوره: عد من هنا لبكرا مابغى اتعشى
تقدم بهاج ونزل مستواها: للحين بخاطرس؟ قومي بس وعيني من الله خير وجيبي جوالس ننقل بياناتس ترى مرده مقلب !
نوره: مابغى اتعشى !
بهاج : رح نتطرق لاخر حل
شالها على كتفه
نوره تضرب ظهره: نزلنيي
بهاج: لا
نوره: نزلنييي
بهاج تجاهلها واتجهه للمجلس ونزلها
بهاج: اقلطي اقلطي على قل الكلافه
نوره: مابغى
بهاج تنهد : لاحول ولاقوه الا بالله من هالـ مابغى بكل سالفه الا وهي به
نوره: وش تبيني اقول
بهاج: قولي ابي
نوره: بس انا مابغى
بهاج: الا تبين العشاء
نوره: اففف
سحبها بهاج وجلسها وبدا ياكل وهي زعلانه ماتبي تاكل
بهاج بطرف عين: عانو المحروم يحرم نفسه
نوره رفعت حاجبها
بهاج: عيني خير عيني خير وكولي
وطلع جواله الجديده : خلني اجرب تصويره اف اف رفض يصور يقول نتعذر عن تصوير جمال نوره
نوره:هههههههههه
بهاج: اوهه لو اني مصور اثبت انك خفيفه
نوره: زعلت
بهاج: استهدي بالله
نوره مالها الا تاكل ولا بتلقم طقطقه لين يصبح الصبح .
___________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
كيف مقلب بهاج لكم ولنوره؟😭😉
لحضه لحضه مالي دخل مو انا الي مقلبتكم بهاج مو انا استسلم
هاوشو بهاج انا مالي دخل
يمكن ينحذف البارت ،احسه وسط البارت😔
-