سبحان الله وبحمده سبحان الله العظيم ♡
(غرفه نوره وبهاج) الصبح
بهاج قام وتنهد من تذكر انه بيرجع لدوام
بهاج : ياليلل وش ذي الاجازه الي خلصت بسرعهه
وقام وتوضى وصلى ولبس بدله الدوام وشاف نوره نايمه بتعبب
بهاج بأبتسامه شماته: واضح خضتي حرب امس ماخليتي حرمه بحالها الا وانتي مفقعه وجهها هههه بسم الله عاد امس تخوف بهج قبل تقوم علي تكمل علي بس هيهي لا ماطلع كذا
تقدم وقبل جبهتها وعدل نومتها وغطاها وطلع
__________________________________
(المجلس)
ابو عبدالله متصل على اخوه ويضحكه : ايي يابعدي خلاص تم تم هههههههههه
ابو رائد : اجل متى مازانت اموركم نمشي
ابو عبدالله: على خشميي
وقفل الخط
ام عبدالله : وش يبي؟
ابو عبدالله: نبي نسافر بس خل تزين امور بهيج مع حريمه ونمشي
ام عبدالله: خلاص تم بس وين؟
ابو عبدالله: يا الجنوب او الشرقيه او مكه حديهم عاد للحين ماحددنا
ام عبدالله: ايهه زين
جاء بهاج : سلام عليكم
ابو عبدالله وام عبدالله: ياهلا وعليكم السلام
ابو عبدالله : ابك وراك منت مروق زي كل يوم ؟
ام عبدالله: وين صباحح الخير حبايبي؟ اختفت ماعاد شفناها
بهاج: هههه لابس متكك اليوم
ابو عبدالله: افاا ليه
بهاج: رجعنا لدوام
ام عبدالله: ماخذ اجازه ومتكك عشانك رجعت لدوام ؟ قم قم افطر ورح
بهاج: يايمه ياخي ودي اقابل المل.....
سكت من حس انه جاب العيد
ام عبدالله : وراك سكتت ؟
بهاج: لابس مع السلامه بروح الدوام
ابو عبدالله: الله معك
وراح بهاج
ام عبدالله : عندي فضولل وش تكمله الجمله؟!
ابو عبدالله بضحكه: فهمته انا يقول ودي اقابل الملاك يقصد نوره هههههههه
بس استحى
ام عبدالله: هههههههههه
غدير جت : صباح الخير
ام عبدالله وابو عبدالله: هلا صباح النور والسرور
ابو عبدالله: الحقي الحقي افطري
ام عبدالله: اقربي
غدير : ابشرو
________________________
(بيت ام سحاب )
ام سحاب جالسه بالحوش وعندها توتو (القطوه)
ام سحاب : وهه يملا الي ماني بقايله يانوره وش ذي البسه الي تغث ودبلت تسبديي وهه يمال فرقا العين تقلعي عني بس بروح افر على الحاره اغديني اسلي نفسي
توتو بس تطلع اصوت
ام سحاب : كنك فاهمتني انتي ووجهس تقلعي بس
وقامت ولبست شرشفها وطلعت تمشى
فجأه جاها ولد اسمه مشعل
ام سحاب : اليه ماطار طيرك ابك وش تبا؟
مشعل: ي العجوزام سحاب شلونك
ام سحاب :دامي شفت وجهك ماني بخير
مشعل ببرود: الحمدلله طيب خالتي نوره وش صار عليها؟!
ام سحاب: تقلع عني البنت متزوجه
تعالو نتعرف على مشعل (مشعل شخصيه اقل مايقال عنها سايكو خبيث نرجسي مايتقبل يقال له لا وهو يحب نوره حب طاغي وكذا مره خطبها بس هي رافضته تماماً ماتبغاه ماتحبه ! فهو من بعد ماسمع عن زواجها وهو يخطط كيف يقتل بهاج ويكرهه بهاج كرهه عشانه تزوج نوره ويحاول يتزوج نوره بأي فرصه وسمع ان نوره وبهاج زواجهم اجباري وعلى ورق والحين يبي نوره ! والقادم مذهل )
مشعل بضحكه شر: متزوجه؟هههههههههه
ام سحاب: ابك انت علامك تولجتني ! افلح افلح عن وجهيي
مشعل : لكن والله لاخذ نوره وعيونكم تشوف
ام سحاب: طيب بخرب خطتك واقولك ضف بالخطه ان بهاج لواء انتبه لنفسك يابهيمه
مشعل: هو لواء انا رئيس عصابه
ام سحاب: تقلع بس
ودفته وكملت طريقها
________________________
( غرفه نوره وبهاج )
نوره صحت من النوم وطاحت عينها على المرايه وشافت شكلها بحال لايحسد المسكره سايحه والايلاينر كذالك وشعرها المنفوش والفستان بحاله ثانيه والحلق وحده ضايعه والثانيه موجوده
نوره : بسم الله الرحمن الرحيم وش قومي صايره تقل باندا
وقامت وغسلت وصلت وبدلت الفستان الي جاب الهم لبهاج وكانت نفسيتها متدمرهه
تنهد بضيق: افف وش ذي الضيقه الي داهمتنيي
وشافت جوالها وانصدمت انه جاء العصر وهي توها تقوم!
وقامت وطلعت لعلى وعسى تتغير نفسيتها
________________________
(المجلس ) العصر
دخلت هيام وهي كاشخه !
ابو عبدالله: وش سبب هالكشخه؟
هيام : حبيبي بهاجي بيفاجئني
ام عبدالله: ايهه
نوره : سلام
ابو عبدالله بأبتسامه: ياهلا بالنوريي اجلسي اجلسي
نوره بأبتسامه باهتهه هزت راسها برضى
ام عبدالله: نوري وش فيك؟
نوره بضيق : مافيني شي
ابو عبدالله: خلوها لاتضغطون عليها
غدير: احسدك يانوره على ذا الدلع الي يجيك من ابويي
نوره ابتسمت ابتسامه باهته
ابو عبدالله بهمس: بهاج مضايقك؟
نوره هزت راسها بنفي
ابو عبدالله بهمس: اجل وش قومك؟
نوره : مادري ياعم احس فيني ضيقهه مدري ليش
ابو عبدالله: كولي والبسي عبايتك وامشي
نوره: مايحتاج
ابو عبدالله: سوي الي قلت لك عليه
نوره بقله حيله: تمام مشكور
ابو عبدالله : مابيننا
ابو عبدالله سحب الاكل وحطه قبال نوره : كولي
نوره شربت حليب شاهي بس
ابو عبدالله: نوره كولي
نوره: بس ياعم شبعانه
ابو عبدالله : براحتك
غدير: وش هالمسارر؟
ابو عبدالله: اسرار
ام عبدالله عرفت ان نوره متهاوشه مع بهاج وفضلت الصمت
هيام: يلا بروح اكمل كشختي لعيون بهاجيي
نوره تنهد : ياصبر الارض
هيام: خير؟
نوره: اقسم بالله لاقوم والعن خيرك هنا!
هيام تخصرت: تعاليي ياروح امك
نوره قامت
ابو عبدالله سحبها: يانوره استهدي بالله ويلا مشينا
نوره:اخخ ياعمي ضربتها تجيب المطر
ابو عبدالله: امشي امشي اتركيها
نوره: عشانك والله بتركهاا
ابو عبدالله بأبتسامه: يلا انتضرك بالسياره
نوره نزلت راسها بحزن : ياعميي والله اني تعبانه مابغى اطلعع بجلس بغرفتيي
تقدم ابو عبدالله ورفع راس نوره: لانتزلين راسك انتي بنت محمد وماسويتي شي عشان تنزلين راسك والي تبينه يصير
نوره ابتسمت وقبلت راسه وراحت متجهه للغرفه
ام عبدالله: متهاوشه مع ولدك
ابو عبدالله: ياربي من ذا الورع ازريت وانا اقول له لاتبكيها لاتذيها لكن راسه يابسس
ام عبدالله: الله يهديه
شوي وجاء بهاج ومبتسم : سلامم
ابو عبدالله : وعليكم السلام تعال تعال يالسربوت
بهاج: وش سويت بعد
ام عبدالله: لعنبو حيك وش ماسويتت
بهاج: هاذي سالفه كايده ومادري عنها وانا العنصر الاساسي بالسالفه وش مسوي؟
ابو عبدالله بعصبيه: لعنبوك يومنك تضايق بنتي ليه!
بهاج: ايهم ؟ غدير ولا وئام؟
ابو عبدالله: بيجلطني ذا الورع
بهاج: يبه والله ماسويت شي لخواتي
ابو عبدالله بعصبيه: نوره!
بهاج بخوف : نوره! وشفيها ليكون تعبانه
ابو عبدالله: يومنك تضايقها ليه وتبكيها ليه؟
بهاج: بكيتها؟ ياربي متى؟
ام عبدالله: ياربي لاتنسى ! امس ياولد امس
بهاج : ايهه امس بس ماتوقع انها تشيل علي لاني ماهوشتها بالحيل
ابو عبدالله: قم راضها
بهاج: ابشر
بهاج بدا يحرك يده كثيررر عشان يشوفون ساعه ابل حقته الجديده
ابو عبدالله: وش قومك تحرك يدك ؟
بهاج : يبه للحين ملاحضت؟
ابو عبدالله: ماشاء الله ساعه الف مبروكك
بهاج: الله يبارك فيك
ام عبدالله: ماشاء الله الف مبروكك
بهاج: الله يبارك فيك
وئام: وانا؟
بهاج : حرهه ماعندك
غدير: يقهررر
وئام: يبهه شوف بهاج
ابو عبدالله: ولد علامك تولجت بناتي اليومم
بهاج: نوره يبه حقتي
ابو عبدالله: صونها ياولديي ترى قلبها رهيف
بهاج: ابشر
هيام: بهاجيي متى المفاجأه
بهاج بأبتسامه: متحمسه؟ ههههههه
هيام: مرههه
بهاج: اجل اصبريي اجيب نوره
هيام: يوهه مايحتاج
بهاج: لا عشان تنقهر!
هيام: اييي صح
وراح بهاج
ابو عبدالله: والله اني ماني بمتطمن من هالمفاجأه
ام عبدالله: احس وراها بلا
غدير: الله يستر
________________________
(غرفه بهاج ونوره)
نوره جالسه على السرير بتفكير وماتدري وش تفكر فيهه !
دخل بهاج كأنه بمداهمه : سلميي نفسك يالزعلانه!
نوره خذت الشوز (يكرم القارئ) ورمته على بهاج : انقلعع
بهاج تصدى الرميه : الله كل هاذا زعل
نور: تقلع
بهاج يحرك يده بمعني شوفي الساعه: شرايكك؟
نوره بزعل: خايسه
بهاج: افا افا خلاص بزعل جرحتي مشاعريي
نوره: لاتكلمنيي!
بهاج تقدم وجلس قبالها : ماقدر
وفتح جاكيته وطلع من جيب الجاكيت الداخلي كرتون ساعه !
بهاج: مانسيتكك يانظر عيني
نوره تحاول قدر المستطاع تخفي وناستها وابتسامتها
بهاج: فكيها وشوفيها
نوره خذت الكرتون وفتحته وعقدت حواجبها: بهاجج تستهبل وش ذا القلم؟
بهاج: ليهه قلم حلو والله اني شاريه بريالين !
نوره رمت الكرتون بحضنه: ابعد عنيي انت وقلمك الخايس
بهاج: تستهبلين ؟ يعني ليش اشتري لك انتي اشتريي لنفسك ماني بمكفول فيك وبمصاريفك
نوره بدت عيونها تدمع
بهاج ماتوقع انها تبكيي : لاحول ولا قوه الا بالله امزح يانوره والله امزحح هههههه بكايه
نوره دفته بخفه: بهاج مو وقت مزح اذلف
بهاج طلع من جيبه الساعه: تررا
نوره: ماصدق الحين تطلع لعبهه
بهاج مسك معصم نوره ولبسها الساعه: لا هالمره صدقيهه
نوره تأمل الساعه وتبتسم وبهاج يتأملها
بهاج: للحين زعلانه؟
نوره: ايهه اجل تباني ارضي ؟ لا مستحيلل
بهاج : حلوو ياحلوو
ومسك يدها وسحبها وطلعو من الغرفه
نوره: وش فيك؟!
بهاج: دقايق
نوره فكت يدها :مابغىىى
بهاج ماعنده وقتت وشالها على كتفهه
نوره :نزلنيييي
________________________
(الحوش )
فرشو بالحوش طفشو من جلسه المجلس
غدير:يجنن الجو اليوم
ام عبدالله : مرهه
ابو عبدالله: الوضع هدوء ماعدا نوره وبهاج مايهدون اسمعي اسمعي اصواتهم
ام عبدالله : تلقى بهاج يحارشها عشان ترضى
هيام: افففف
جاء بهاج وعلى كتفه نوره :ارحبووو
نوره:عميي قل له ينزلنيي
بهاج : لا لا
ابو عبدالله :نزلها ياولد
بهاج نزل نوره :ابشرر
هيام:بهاجييي متى المفاجأه؟؟
بهاج : اوهه متحمسه
نوره بغيره تقلد صوت بهاج: اوهه متحمسه
بهاج:بس يابنت ذبحتك الغيرهه
نوره :لاحول ولا قوه الا بالله
بهاج بأبتسامه شر: حبيبتي هيام انتي طالق بالثلاث
برد وجهه هيام بصدمه
نوره بشهقه: ياراسيي
غدير: لالا ماصدق
ابو عبدالله: بهاج! موب كذا
ام عبدالله: ياربي عاد ليه تسوي كذا كان طلقتها بدون لاتسوي كذا
بهاج حاط عيونه بعيون هيام : نوره رضيتي؟
نوره من الصدمه ماترد
اما عند هيام الي انقلب حالها قعدت تشد شعرها وتبكيي وتترجى بهاج
هيام: بهاج تكفى لا ليه ليههه يعنيي نوره سراق......
ماكملت كلامها الا وبهاج اعطاها كف طير ضروسها
بهاج بعصبيه: يابنت** اسكتيي سديي حلقك لااتوطى فبطنك هنا
هيام: لا يابهاج تأكدت انك مسحور! واذا نوره موب رخيصه ماكان جدتها باعتها عليكك
نوره الي واقفه بصمت وثبات ودموعها شلالات
بهاج ماتحمل دموع نوره وتقدم لهيام وشد شعرها وسطرها تسطير موب صاحي
ابو عبدالله: خلاص ياولدد ذبحتهاا
بهاج بعصبيه وصراخ: يابنت** تقولين عنها كذا ليهه لكن هينن والله وتالله اخليس تاخذين اضعاف الي جاء نوره منيي لعن اباس خليتني امد يديي علاها انا مامديت يديي على بنت خليتيني اضربهاا يالخسيسهه
وكمل تسطير وتصفيق وهيام خلاص تحس انها بتودع الحياه على يدينه
نوره قلبها رقيق ماقدرت تشوفه يضربها ولا تسوي شي وصارخت: بهاجج خلاص اتركهاا تكفىىى
بهاج بصراخ: اسكتيي يانوره
ابو عبدالله سحب بهاج: خلاص ياولد
بهاج يتفلت من ابوه: اخخ ياحلات من ذبحس ودفنس هنا
غدير: يمهه من العصبيه طلع عرقه وصار يتكلم زي خالتي ههههه
ام عبدالله: اسكتي ليكمل عليكك
هيام انعدمت ملامح وجهها
ابو عبدالله: طيبب ليش تسوي كذا اشرح برر
بهاج: تمام تبوني اقول اقول ماعندي مشكلهه! هاذي هي وبنت عمك يانوره هم راعين الفديو الي انضربتي عشانه هم الي خلو الناس وانا اشك بشرفك ! تقدرين تاخذين حقككك
نوره بصدمه: وش؟!
بهاج: هاذي الحقيقهه
نوره تذكرت ايامها الي صارت بسبب الفديو وتذكرت الضرب الي جاها اتجهه بعصبيه لـ هيام وجلست فوقها وكملت عليها تسطير وتكفيخ
نوره بصراخ ودموع: الله ياخذك خليتيني اتمنى الموتت الله ياخذك بسببك انتي والزق موضيي انضرب واتصفق لكن هينن والله ماتسلمون منيي
ورجعت تصفق وتسطر
غدير خافت على بهاج ونوره يدخلون السجن اذا ماتت هيام وتقدمت وشالت نوره الي تضرب وتبكيي
غدير : خلاص نوري امشيي
نوره ببكي: انضربت بسببها
بهاج سحب نوره واتجهه للغرفه
ابو عبدالله: لاحول ولا قوه الا بالله المستشفي يلا
ام عبدالله: يلا ساعدني بنشيلها لاتموت ويروح فيها بهيج
وراحو للمستشفى
________________________
(غرفه بهاج ونوره)
نوره ببكى: بهاج انضربت وتصقفت بسببها
بهاج : نوره اهدي اهدي
نوره: ودني للديره ودني لموضي
بهاج: مو الحينن اهدي الحين وانا بروح معك
نوره : اففف والله ماخليك يابنت الكلبب
بهاج حضن نوره: كفو لاتسكتين عن حقك واذا تبين ناخذ حقك قانونياً ماهي مشكله
نوره: لا لا خلني اخذه بيدي والله لاضيع ملامحك ياموضي والله لعلم جدتي تلعن والديك معيي انا وبهاج
بهاج: ابشري بي
نوره تنهدت بتعب
بهاج: نوره بيتنا من زمان ماجيناه امشي نطلع ونغير نفسيتنا
نوره هزت راسها برضى
ولبست عبايتها ونقابها وطلعو
________________________
(المستشفى)
الدكتور: البنت تعرضت لاصابات قويه وهي كسر في الفك وكسر في اليد وانحراف في الانف واحتمال يجيها ارتجاج في المخ ولازم الشرطه تجي تشوف الوضع
ابو عبدالله: لاحول ولا قوه الا بالله خلاص تمام
وراح الدكتور
ام عبدالله: هنا لازم اترك حكي الناس على جنب والعن والديها لعنوبها تخرب شرف البنات ليه؟ هينن الحين بنقذ حياه ولدي وحرمتهه ابك وانا بنت ابوي بنته
ودخلت على هيام
ام عبدالله: هيه بنت
هيام بتعب: ها
ام عبدالله : بتجي الشرطه تسألك كذا سؤال والله تقولين بهاج ولا نوره ترى اخلي بهاج يجي يكمل عليكك !
هيام من تذكرت الضرب الي جاها قالت بخوف: تمام
وطلعت ام عبدالله وشوي وجت الشرطه وسألت هيام وهيام قالت انها حاولت تنتحر
الشرطي: تمام نسجل حاله محاوله انتحار
وراح وطلعو هيام اذا جاء بكرا يرجعونها لاهلها
________________________
(بيت بهاج ونوره) العشاء
نوره اول مادخلت البيت تذكرت اليومين الي قضتهم هنا وبعدها صارت سالفه الفديو وتذكرت الي صار لها وعيونها امتلت دموع
بهاج مسح دموع نوره : اوهه خلاص انسي الي راح ياعيونيي
نوره هزت راسها بنفي : ماقدر انسىى!
بهاج حضنها: والله تقدرين انتي قدها
نوره: ان شاء الله
بهاج: يلا ابدي حياتك الجديده بدون زوجه ثانيه هيام راحت خلاص ماعاد فيه ارتاحي وهاذي حياتك الجديد
نوره بادلت بهاج الحضن: اخخ وربي اني احبك يالحيوان على انك موذي ودايم تزعلني الا اني احبك
بهاج: وانتي على كثر عنادك الا اني احبك ابك هم صادقين يوم قالو لك ساحره ابك انتي جبتي راسي واجلي بعد يالساحره
نوره ضربت بهاج بخفه: بهاج !
بهاج: لبيهه
نوره: بسم الله نبدا حياتنا الجديده
بهاج: اللهم اجعلنا سعيدين ومتفهمين طول حياتنا يارب ابعد عننا الزعل بين الولايف
نوره: امينن ياروحيي
بهاج: اموتت انا على حنانك ياشيخهه
نوره: هههههههههه
بهاج: تبين تموتيني انتي؟ الضحكه تسلب العقلل
نوره: اخاف ارد تذوب زياده
بهاج : لبىى نبره الصوتت
نوره: خلنا ساكتينن لاتذوب زياده
بهاج بضحكه: اخخ خلاص اسكتي ولاكلمه ضيعتي علومي هههههههههه
نوره تأشر بيدها بمعنى "تمام بسكت "
بهاج: بنامم تعبت اليوم
نوره : مرهه بس شرايك نتابع فلم؟
بهاج: يالملعونه تدرين اني ماقول لك لا
نوره: ههههه وش تبي نوع الفلم
بهاج رفع حاجبه: رعبب
نوره: ماكأن وقته غلط؟
بهاج: خلاص الي تبينن
نوره تنهدت براحه : الحمدلله
بهاج: يلا جهزي الفلم وانا بروح للبقاله
نوره هزت راسها برضى
وبهاج راح وهي راحت تجهز الفلم
نوره : اليهه وش قومه مايشتغلل اي اي اشتغل يلااا
بهاج رجع لان البقاله ماهي بعيده وشاف نوره مرتبشه وجاء من وراها
وخوفها :بوههه
نوره بفزه:بسم الله الرحمن الرحيم ولدد وش فيكك خوفتنيي
بهاج :بسم الله عليكك
نوره: يلا والله عاد مدري وش نوعه بس مواريه حلوه
بهاج: معس في شر ولا في قدا
نوره: معس حبيتت
بهاج: هههههههههه
وجلسو يتابعون فلم بس مع الاسف طلع رومنسي ونوره بكل لقطه غطت وجهها تستحي بدالهم وبهاج يضحك عليهاا
نوره: بهاج غير غير ذا الفلم
بهاج بعناد: لا معجبني
نوره: انت اكبر كذاب ماتعرف حتى اسم البطل بس بلشان تضحك وتذب وتطقطق
بهاج: ايي عاد اعجبني تو
نوره: يعني الدعوى عناد؟
بهاج: نوعاً ما
نوره: ايي زين زين
بهاج:هههههههههه
ورجعو يتابعون ونوره تتغطى كل شوي
نوره حطت راسها على فخذ بهاج بتعب وبهاج يلعب بشعرها وشوي ونامت نوره وغطاها بهاج بأبتسامه وبهاج غير القناه وحط مباراه
وماكمل خمس دقايق الا وهو فاتح فمه ونايم
________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
تعالو تعالو بتفاهم معكم !
سلام عليكم وعليكم السلام اول شي انا اسفهه مره على ان روايتي مافيها رومنسيه ومشاعر وكذا مادري ياختك استحي اكتب ، خفايف بس عانو وربي اني اعاني من الرومنسيه ، اعتذر وبعدين لاتسألون اسأله محرجه مثل نوره متى تجيب ورع ولا متى يكونو متزوجين حقيقي ياخي توقعو مني اي شي يمكن بكرا تجيكم نوره حامل؟ ماندري .😭😭
ثاني شي ابك علامكم تولجتوني اليوم تبوني انزله؟ الي اذكره ان التنزيل الاحد وش صار وش حصل لنا؟..
واستودعتكم الله والله يوفقنا بالاختبارات وكل شي 💗✨
.