سبية مستباحة" بقلم الكاتبة ميامين الدليم
جبل: بس ع كيفج لاا تاكلينة وتشربينة حاجيناج مثل الاوادم ردي بكلمة طيبة خشمج اليابس اكسرة الج عبير
عبير: ماعاش ولا اجة للدنيا اليكسر خشمي
جبل: وينة ديوزع ثواب
عبير: لاا تلعب باعصابي وريوك ماكو مابقت بس هاي اقوم بواجبات مرتك منومها واني الواكعة بيهة وبعدين شهل ميانة ولجرئة العندك
جبل: ياعيني هسة انتي مو زوجتي المستقبلية شكو بيهة ليش هلعصبية هاي
عبير: انتي اكول لو تكعد من احلام العصر احسلك لان متفيدك راح توديك بداهية عزيزي
جبل: حتة ريوك ماريد لك عيني عزيزي
عبير: شكد بطران وسخيف شوف الساعة اريد انام وبطل فساد احسلك اني ماتمشي وياي هلملاعيب
جبل: اذا ماكعدتي سويتي اجي اسحلج
عبير: مرتك الهايشة يمك يلاا استودعناكم
جبل: عبالي اكلج اليوم عمام نور عازمينة يصفون الخلاف الصار بس حرامات كلتلج عود داثير الفضول بس جفصت بيهة
عبير: لاا يصفون ولاا يعصرون ولاا يجلفطون خايبين انتو شكد تموتون ع رب النسوان لخاطر ربكم يعني عود راح تروحولهم بنفسكم انتو زلم الحرب تصفون حساب مرة عجييب امركم عجيب
جبل: لج عبير اطيح حضج؟اسطرج استقري عمو
عبير: عود تخوفنيي ولله ماا تخوفني دروح عزيزي لاا تخرب نومتي
- سديت الجهاز ونمت هسة شهلدوخة هاي عجيب امرهن وهذولة شكد عائلة كرسبي لو باقية بلحرب احسلي وين ماروح اكشن سودة بحضج عبير
-
جان صباح حلو بوسط انسان مصنوع من الحنية
- فتحت عيوني بوجهة وهوة محاوطني عبالك اريد اطير منة رفعت ايدي حطيتهة على وجهة احاول امسح كل تعب ضاكتة هلملامح
- كل منضر وشعور موحلو حس بي كل الم فقد عاش بداخلة هلانسان الكدامي ميستاهل غير الراحة ولامان ويعيش بوسط ناسة بدون هموم بدون مشاكل بدون ناس حاقدة
- كرزي
- فزيت من حجة وهوة مغمض رديت علي واحس كلبي يريد يطلع من مكانة
- اسمعك
- يُباا احب عيونج
حرير: بعدنة ماا صبحنة ولاا كلنة بسم الله شكد فاسد انتَ
مهڤ: يعني الي يشوفج شيصير نبي لخاطر ربج
حرير: دكوم كوم كافي فيسلوقيات من الصبح
مهڤ: دعوفينة نايمين بنعمة الله
حرير: الساعة 10 الصبح
- من كلت هيج فَز من مكانة مثل الضاع علي شي فزيت وياا
- هاي شبييك
مهڤ: ولجج نسيت ماكلتلج كومي كومي
حرير: عزا اتسودن وين تريد شتكلي
مهڤ: معزومين يا عيني كومي
حرير: معزومين وين منو يعزمنة يعني
مهڤ: ليش بعبع احنة ما يعزمونة
حرير: اوي لاا تصنف واحجي وين تريد خاف النوم ماثر عليك سودة علية
مهڤ: حرير رايحين لعمام اية ونور وليدي كومي
حرير: وين وين عيني وشعدنة رايحين واني شكو رايحة شنو مسوين علية تحالف
مهڤ: منو يلمسج وليدي شبيج يريدون يتعرفون ع مرية مهڤ يلاا يكرز كومي
حرير: ولا تنلام عبير من تكول عجييب
مهڤ: هاي عبير راح اتفسدج ادري بيهة كومي يلاا
حرير: شنو هاي ماريد اروح ولا اريد اشوفهة
مهڤ: لخاطري وليدي ماعندي خاطر يمج يعني تفشليني كدام العالم شيكولون علية واحنة رايحين لصلح وحتة الكل يعرف مهڤ عندة مرة وما يبدلهة
حرير: راح يعرفون وهمة يعرفون بس هية متعرف هية راسهة يابس وماراح تعوفك شهل انانية ماتريدك بس صرت عزيز من تزوجتني شهل صلافة هاي ولتناقض
مهڤ: هسة اعصابج اهدي ليش هلعصبية تريد ماتريد اكو هواي حياطين وتركع راسهة بلتريدة جاهل انه يُباا يعني اذا رادتني راح ابدلج لو رايدها مو جان اخذتهاا ليش ماتفكرين بعقل شوية
حرير: ماكو عقل من شي يخصك مايبقة عندي عقل
مهڤ: طالعة عينج يولي
حرير: تبقون عيون تبقون مخ انتو
مهڤ: شمسويلج عيني محاسن
حرير: لاا مهڤ حباب يعني صدك راح نروحلهم شلون يعني هيج كبلل شلونكم هاي مرتي خاف يجفصون بمصاريني يمعود بعدني صغيرة
مهڤ: شبيج وليدي غير لسانج اطول منج يومية شاحطة وحدة منو يكدر يحاجيج
حرير; لاا لاا خلي اوضحلك هاي النقطة اني الي يدوسلي ع طرف ادوس على كل اطرافة واجفص بمصارينة الي يكلي كلمة اردلهيا بعشرة ماعندي اسكتلي واسكتلك وموقصدك وتشاقة لوما مسموم وهيج هيج مرجفتهم مايحجون اي فَ شنو ما اسكت عن حقي
مهڤ: راح تبلعيني الله يديم القوة عمي اني شرايد الله يكويج
حرير: ايي عبالي، هاا وشنو اليوم تلبس على ذوقي
مهڤ: شنو المناسبة من اشوكت
حرير: بدون مناسبة حابة اشوفهم ذوقي من اختار ملابس الزوجي انطيهم نصايح عن الحياة الزوجية
- باوعلي بنضرة خلتني مادري وين انطي وجهي كمت واني مجتفة ادية وامشي مثل البطريق طلعت ملابس وابوك بنضراتي الة الفيسلوقي شلون يباوع اني اعلمك
مهڤ: اكو صوت بداخلي يكلي كوم اكتلهة
حرير: انصحك تطرد هاي الاصوات من داخلك شغلة ثانية من نروح اذا شفت نور حطت عينهة بعينك اسويهة مجزرة خليهة ابالك
مهڤ: شو انتي طالعة عينج يولي
حرير: ضايجة شوية وطلعت تتمشة
مهڤ: مرتي دمهة خفيف سودة علية
حرير: هسة راح تكضيهة سوالف شنو رائيك حلو هذا
- رفعت بشت بي تطريز ناعم لونة نيلي
مهڤ: تطلعين شيخة السلف كلة اذا لبستي بوية كلشي يلوكلج
حرير: من افكر برد ادزلكيا برسالة
- اخذت بنطرون اسود وتشيرت سادة ولبشت لبستهن تنسيقة التشيرت صار جوة البنكرون ولبشت ينسد من فوك بلحزام واذا حبيت ابدلة بدنبوس للعبايات يطلع احلا سويت لفة بسيطة للشال وماحبيت احط شي لوجهي مجرد مرطب وعدلت حواجبي
- حتة لو جنت عروس ما فرحانة اني ولا دافنة دجاجة عمري ماراح ينسد النقص البحياتي ولاا راح انسى واتخطى
- جان مهڤ واكف يلبس بساعتة اخذ العطر وصار يرش
حرير: ترة قوية حيل كافي شنو مو ملحة هية
مهڤ: لو ماخذهة منج شسوين
- ديحجي وندك الباب وسمعنة صوت عبير من ورة الباب
- خالة تكول يلاا راح نتاخر
مهڤ: اجينه يابة اجينة ثواني
- يلاا بوية عندج شي لو ننزل
حرير: لاا ماعندي شي يلاا
- نزلنة جانو كلهم كاعدين بلصالة وجبل كاعد يدخن اية وامهة كاعدات ماعاجبهن العجب ومن شافني طبيت بسرعة كامن وطلعت
تهاني: يمة جبل اذا ماعندك شي كوم واخذنة بسيارتك لاا تكعدنة وية غربة
- اعرف جانت تقصدني ردت احجي بس مهڤ شدد على لزمة ايدي
مهڤ: عمة عيب هلحجي ماكو غريب بيناتنة اتجافو الشر وامشو على حب الله ولوطن وانعلو الشيطان الحقد ولكره هذا ماراح يوكل خبز
تهاني: ولك مهڤ تعلم منو على الحقد علمود هااي تحجي وياي هيج تئشر بـ اصبعها علية من فوك لجوة باستهزاء حسيتهة مستصغرتني اريد الزمهة املخها بس مرة جبيرة وساكتة لخاطر مهڤ
- ابتسم مهڤ وكال هاا عمة حلوة مو
الحجية: ولكم انتو شوكت تكبرون صياحكم واصل لسابع جار 24 ساعة متكولون عيب ناس تاكل بدم ناس عايشين ابيت واحد ومو غربة وحقدكم ماكلكم علمود هلوحيدة الفقيرة المالهة شر ع بشر هذا الموضوع ينسد ولكل يطلع ويندل طريقة يلاا كدامي
سكتت تهاني وقبل لا تطلع كالت: يصير خير، وطلعت كام جبل يستغفر ولدنيا طالعة من عينة صعد سيارتة وصعدت اية وامهة واحنة صعدنة بسيارة مهڤ
- الطريق كلة ساكتين محد حجة شي وصلنة لبيت عمام نور واية استقبلونة استقبال كلش حلو وناس مبينين من اهل الله وطيبين استغربت ليش نور متريدهم
اجتي ابنية تجي بعمري وجهة مليان حب وابتسامتهة تخبل بقت لازكة بية وتتغزل
رميم: خالة جنتكم ترعط رعط
- باوعت لنور واكفة يم امهة واية ونضراتهن مركزة علينة
ام مهڤ: يمة ذوق مهوڤي بعد ونعم من الرباها درة مال الله
نسوان عمامهة النور دخلونة للاستقبال وضيفونة كعدو كلهم ويانة بلاستقبال وبلشو يحجون بمواضيع عامة وهيج سوالف عائلية
حجة واحد من عمامهة:
عداي: ايي مهڤ الله بلخير بعد عمك
مهڤ: الخير يصيبك عمي
عداي: الف مبروك زواجك شايف كل الخير
مهڤ: الله يبارك بيك يلغالي اعذرنة ع التقصير بس صارت بضروف حكمتني
عداي: اصيل وابن اصيل ما منك قصور وليدي شايفة كل الخير بنيتي
حرير: دنكت راسي وكلت الله يبارك بيك عمو تسلم
- اذكرت انو محد من خوالي كالي هاي الكلمة وذكرت تعذيبهم الية ولايام العشتهة بهذيج الغرفة تجمعت لدموع بعيني وضغطت على ايدي حيل تمنيت احد يفتح موضوع حتة اطلع من يمهم
- ترخصت وطلعت للمطبخ جانو يجهزون بلغدة سئلتني زوجة عداي
اساور: شبيج يمة خما جاسج شي
حرير: لاا عمة مابية شي بس من كعدت شوية تعبانة
اساور: هبط سكرج يمة يجوز ما متعودة ع الطريق هسة انطيج جكليتة تعدل سكرج
حرير: تسلمين عمة صدكيني مابية شي
- ماسمعت مني كعدتني ع كرسي يمهم بلمطبخ وراحت جابتلي حلويات وجبرتني اكل اجتي رميم تساعدهم وكضتهة تضحك وتشاقة
رميم: يمة حقهة نور اطك وتموت تريد تصير بمكان هلكمر
- ندستهة امهة تخاف تصير مشكلة
رميم: شنو يمة چاا غير هذا الصكد
حرير: انتِ الاحلا حبيبتي
رميم: ورة ماا نغديج اخذج انتي وعبير ووردة ومنخلي وحدة منكصهة
اساور: رميم يمة لسانج لاا احد يسمعج
رميم: خايفة ياا غير انه اريدنهم يسمعون
اساور: مو ادري راح تفضحيني متصيرلج جارة
حرير: عمة عوفيهة حلوة سوالفهة
- باوعتبي كانو تكول هاي هم نفسهة ماكو فايدة
- سمعنة صوت عياط ومشاحنات بلاستقبال كلنة رحنة لكينة تهاني متخوصرة وواكفة تحجي وية عمام نور
تهاني: بنتي ترجع وية امهة مالهة كعدة هناا ترضون مترضون تريدون تسووهة محاكم اهلا وسهلا ماعندي مشكلة حتة البنية متريدكم انتو شنو هل كرامة العدكم تلزكون روحكم اتلزك
عداي: احترمي نفسج يامرة لخاطر الوجوه الطيبة ولانج مرة راح اتغاضة عن حجيج البنية بنتنة تجين تكعدين وياها معززة مكرمة ماعدنة مشكلة ماتريدين الباب يوسع جمل بكلمة محد يمسهة هنا ومفضليهة على بناتنة وهية كدامج وتحجي
تهاني: احجي نور مو تكولين عايشة بلضيم هذا الحجي كلة اريدج تحجي بلمحكمة
- نور نزلت راسهة وماحجت ولا كلمة ولاا ئيدت امهة على حجيهة وحسيتهة موراضية
عداي: صحيح هذا الحجي يابة نور احجي
- صارت تبجي وتهز براسهة بمعنى لاا مرات هواي
عداي: وين الضيم الدتحجين عنة يا مرة اخوي
تهاني: طبعا تسكت اكيد مهدديهة تزوجوهة مُتيم كلشي يطلع منكم مثل ما شوفتوني الضيم اتشوفون بناتي كلشي يطلع منكم
مهڤ: عمة شهلحجي احنة ما اتفقنة على هذا الشي قبل لنجي صايرة تصرفات بدون منعرف احنة البنية هذا بيت ابوهة معززة مكرمة بي ومحد مئذيهة لتزعلين علية انتي الحقد ماكل كلبج
تهاني: انتَ هاي اليمك ساحرتك ماجنت توكف ضد اهلك وجنت خاطبهة تعرفت على هاي المنعرف شنو اصلهة وفصلهة ومنين جايبهة علينة وجاي بكل عين وكحة تتباهاا بيهة هنااا بنص اهلك خطيبتك القديمة
مهڤ: اصلهة وفصلهة معروف بلانبار كلهة وابوهة رفعة راس الانبار وشرف الية اخذ بنتة ولو افر الدنيا كلهة سلف سلف ماا الكة شبر منهة
- مريتي ونعم منهة ومن تربيتهة اصيلهة وبنت اصيل ونعم ماا اخذت ومحد راح ياخذ والة حك يتباها ويكول اخذت بعدي
- فَ عيب عليج ياا عمتي تحجين هذا الحجي على زوجة ابن اخوج واكثر من ورة اتكرريهة واحذر وتعيديهة بس وصلت وياج تكوليهة كدام العالم لاا هنا تعذريني ماسكت لان هذا عرضي وبنتج هية ما احترمت روحها واكولهة كدامهة وكدام الكل
تهاني: طبعا تجون ع الفقرة لان ماعدهم اليوكفكم عد حدكم بنتي احترمت روحها بس انتَ عينك زايغة شفتهة واجيت فسخت ع سبب تافه وراها بشهر جبتهة واجيت بدون سابق انذار كلتلنة ترة تزوجت
مهڤ: ما مجبور ابرر الج ولا الغيرج شلون تعرفت عليهة وليش تزوجتهة هاي حياتي اني واني حر برقرارتي ومستقبلي هذا زواج مو لعبة ودهر كامل مو يوم ويومين ونسة وبدلة وقاط بس
الحجية: استهدو بلرحمن اكعدو خلونة نتفاهم ليش الدم الحار يمة موزين عليكم هسة شوفو حتة البنية كامت ترجف لتخلوهة بهيج موقف
عداي: اكعدي حجية اكعدي واسفين ع الصار اعذرينة
الحجية: لاا يمة معذور معذور بس رايدة منك طلب واتمنى ماتردني
عداي: لاا حجية ماينرفضلج طلب
الحجية: ولله ونعم منكم ناس وردة ،احنة كلنة نعرف شنو يعني الام مهمى جانت مسوية بس بنتهة متكدر تكرهة وهية تحب بناتهة وبناتهة متعلقات بيهة الرايدتة يا ابو مُتيم البنية تبقة فترة يم امهة وفترة يمكم حتة يرضة الطرفين
عداي: هاذهوة التريدي يصير حجية وميكون خاطرج الة طيب
- الكل فرح وابتسم وصارو يتشكرون منة ونور حضنَت امهة ورجعت السوالف طبيعي بس تهاني طلعت وماشفنة وجهة لا هية ولا بناتهة
- ورة الغدة سوو كعدة الولد ولبنات وكعد مُتيم ويانة وجبل ومحمد ومهڤ ورميم كلشوية تحجي سالفة تخلي ضحكنة يوصل لسابع جار
عبير: تدرين شنو اخذت قرار افتح دار رعاية للمشاعر لان هلوكت هواي ناس مضروبة بوري ولتقديم للدار مجاني
رميم: اني اول وحدة اقدم خية ما مضروبة بوري بس مشاعري مضروبة صواريخ
- ضلينة نضحك ع سوالفهة ووصلتني رسالة فتحتهة واني اضحك الولد جانو كاعدين ع جهة شوية
جانَت رسالة من مهڤ كاتب
- كومن طبن جوة لا اكوم اشك مُتيم
- كومي ديباوعلج اكلج اكل وضحكتج اتشك المطي
- خرب غيرتج كوميي
ضحكت ودزيتلة رسالة: شو بااك سيد احمااااد شو بااك
- اني اعلمج حرير اذا ماا اتوبج هاي الضحكة مال ... اني مو مهڤ
حرير: يمة العصبي يمة لاا هاي هيَ شوف كمت يا عيني شبيك عصبيي
مهڤ: لتحاولين تستفزيني هيج حور هاي الضحكة يمي ما ضاحكتهة بوية
حرير: انتَ نفسية متضحك شسويلك اكعد ادغدغك
- باوعتلة شفتة خازرني ئشرت للبنات وكمنة وحدة تركض ورة الثانية طبينة للغرفة وكطيناها بضحكة
رميم: يمة راد يصكعنة احنة شكد ادبسزيات عجل
عبير: لتخافين لاا من جبير ولاا من صغير
وردة: ديربالج تمشين ورة نصائحها اتذبج ورة الشمس يمعثورة
عبير: لازم ذابينج ورة الشمس
حرير: تروح تتورط وية شخص وتنلاص السالفة عليهة وانتي نايمة ورجلينج بلشمس حبيبتي رميم ضلي لطيفة لاا تخرب برائتج عبير الشريرة
عبير: شريرة مو عجل منو لزم نور من شعرهة وفر البيت بيهة فر وعضهة من جتفهة
-بعدهة ما مكملة وعاطت رميم
- يااااا حرير ساحلة نور من شعرهة
- كمرت عليهة اسد بحلكهة لاا يسمعهة احد وتصير سالفة من نور
عبير: هاا هاا ليش هيج يمعودة لبنية برائتهة راحت شكيتي حلكهة
حرير: عبير لتخليني احجي لاا وليش احجي مو الزمج وامسح بيج الكاع وياهاا
عبير: برستيجي ما يسمحلي ارد
حرير: منيلج برستيج غير صاكرج. ردت اكول جبل خزرتني وابتسمت بخباثة
- احجييي؟
رميم: ايي ايي احجي منو صاكرهة
عبير: جدج السابع صاكرني ادبسزيات امشن اطلعن اكعدن وية الكبار يلاا الة اكوللهم على سوالفجن
حرير: انتن راح تترزلن اني متزوجة
عبير: ايي متزوجة السستاني ست حرير
- ضلن يحجن ويضحكن وعبير تحاول تعلم رميم على سوالفهة وتعلمهة القوة وشلون تاخذ حكهة بـ ايدهة ورميم فرحانة
- طلعت من يمهم من اتصل مهڤ علية فتحت خط وكلت
- نعم استاذ محتاج شي
مهڤ: تحضرو يلا ماناوين ترجعون للبيت
حرير: اليسمعك يكول صارلنة اسبوع
مهڤ; منو ماقبل يجي بلبيت
حرير: تعرف ليش ماردت هلشي هسة ليش تحرجني يم العالم
مهڤ: على كيفج عيني هسة شكلنالج محاسن
حرير: لاا اتكول محاسن ياعيني لاا اتكول شلون سوالف هااي اطلع الواحد من طورة
مهڤ: راح يطكلج عرج روحن تحضرن يلا مو تريدين تعلميني
حرير: رحت كلت الهم راح نرجع وتحضرنة انتضرنة نور واية وامهة ينزلن بقو يوصون على نور الي ما تستاهل هيج اهل مال واحد يلزم نعال ويدكهة ع راسهة عدهة عدم احترام مو طبيعي طلعت بدون لا اتسلم حتة اني من يمي استحيت
:- طلعنة واجتي نور وامهة تريد تحط غراض نور بسيارتة وكفت كبالهة وكلت
:- ليش صندوك سيارة جبل عاطل مثلا
نور: انتي شيخصج وسيارة جبل بعيدة احط الغراض بـ لاقرب بلنهاية ما شايلتهن ع راسج
حرير: شايلتهن ع راسي لاا هوة هيج ولحمل راح يصير على كلبي بدون مطرود حبيبتي اتجافي شري واخذي غراضج لسيارة جبل لان اني وزوجي ماا متوجهين للبيت
- اجوي جبل ومهڤ بعد ما شافونة واكفين بهلحالة
جبل: شصايرر خيرر نور شعندج واكفة يم سيارة مهڤ هناك انتو وياي
نور: ماكو شي بس اكو هنا ناس كاعدادوس علينة والاستاذ ساكت وفرحان وهوة كاعد يطلع عينهة ويكويهة علينة ماا شايفة التربية وفرحانلهة
مهڤ: على هااي سوالفج لو باسطتج هناا بلشارع فلا تنلام ولا تصيرلج جارة ذيل الجلب مينعدل بس اجيت لخاطر من خاطر اصعدي حرير يلاا بوية
- احس مي بارد نزل على كلبي واني اسمع حجي مهڤ ونضراتهة المهڤ صارت فلفلاية حمرة تقربت منهة ردت احجي بس سحبني مهڤ وصعدي كلت ولله ماخليهة بخاطري
- طلعت راسي من الجامة وشفتهن يمشن للسيارة
- وصحت: اوكفي بلتقاطع وصيحي تاااكسييي
-انسحبت من مهڤ بقوة واني خربانة ضحك
مهڤ: شهل تصرف حرير هيج تسوي الغيرة مطلعة صماخج من الجامة ستغفرلله نسوان اطلع الواحد من طورة كوة
حرير:هسة شبيك عصبي ياا عيني كاعد نتلاطف شوية مقبلات
مهڤ: صدك كيدهن عضيم
- كضينة الطريق ساكتين واني كاعدة عاقلة وهوة كل ميشوفني يستغفر ويكمل طريقة ادري بي ما زعلان مني بس حتة لاا اكرر هلتصرف سوة روحة ضايج
- من وصلنة للبيت شفنة سيارات طابكة يم بيتنة تقريبا 8 سيارات وقسم من النسوان ولزلم نازلين من سياراتهم باوعت المهڤ وهوة هم باوعلي ماا مفتهم شي نزلنة وتوجهنة كلنة يم الباب ماا مستوعبين الدنشوفة
- كلنة يجوز مو علينة بس الناس طابكة هناا بس من وصلنة يم الباب وشفنة جبل هجم ع شخص اتملكتنة الصدمة ولخوف بنفس الوقت .... يتبع
- شتتوقعون؟
شلون البارت وشلون القفلة '
دتشوفون الترندات التنزلهة الكم حرير بحساب الانستاا
- الي ماعندة الحساب هذا اليوزر حساب حرير مثبت هناك
يوزر الحساب: no2s.17
الي يتعاجزن بس كتبن :الكاتبة ميامين الدليم يطلع الحساب
استودعتجن الله.