لعبه القدر

تخطيط

الحلقه ٥٦)
         بقلمي اية امير

جاسر .  انا شايف أن ده الوقت المناسب أن ابو شروق يقابل فيه شروق. شروق محتاجه لهم و شكلها كانت متعلقه اوي ب ابوها زياده عن اللزوم 

و كان عمال يفكر و خايف لو عمل كده يكون مش في صالح شروق بس لأزم اخد الخطوه دي و اخليها تشوفه. مش عارف امتا ة ازاي بس كل اللي اعرفه انه لازم يشوفها
اعمل اي يارب دلني علي الصح

وراح بعد تفكير طويل اوي نام لحد ما يشوف هيعمل اي

   وعند تولين و حازم

كانوا قاعدين مع بعض و هو مقرب منها. .مش عارفه أنت ليه بتحب تقرب مني كده الصراحه.  هو في اي يا حازم

حازم . .لاني بكون مش قادر ابعد عنك يا تولين .حاسس فيكي جاذبيه ها تجنني .. مخلياني عايز اقرب منك..و اكون قريب اوي منك الصراحه

تولين. بس مينفعش وكده غلط و انا مش بحب حد يقرب مني و يلمسني يا حازم

.بس انا مش حد يا تولين .انا حازم .و لو بعمل كده فا ده شعور جوايا الصراحه يا تولين

تولين .. حازم علشان خاطري بلاش انا مبحبش القرب بشكل ده . خلي في حدود و مسافه غلشان حقيقي. مينفعش يا حازم

حازم. غصب عني مشاعري بتحركني اوي ليكي. يا تولين .و مبكنش عايز ابعد عنك .. فيكي حاجه حلوه انا اصلا اول مره اكون كده ..يا تولين ..و احس المشاعر دي مع حد .هو انتي خايفه مني.  معندكيش ثقه فيا معقوله يا تولين

تولين.  . اه عندي ثقه فيك طبعا. بس انا بجد مبحبش كده خالص . و مش بحب حد يلمسني

قام وهو متعصب. هو انا حد . يعني أنا عندك زيي زي اي حد .كده عابر دخل حياتك ولا اي يا تولين  افتكرت ان مشاعرك  ليا زي مشاعري ليكي يا تولين

تولين قريت منه..انت زعلت حازم افهمني ليه مش قادر تفهمني انا اصلا مش قصدي كده خالص انا قصدي .اني القرب الزياده ده مينفعش وكده يا حازم

حازم . بالعكس دي بتزود المشاعر يا تولين.. و انا مش قصدي حاجه وحشه .ياريت تفهمي ده وبعدين ده انتي اخت الغالي يعني لازم اخاف عليكي يا تولين ولا اي

تولين. اه طبعا يا حازم. و انا واثقه فيك .انت اكيد عمرك ما تعملي حاجه وحشه ..انت أصلا  متعرفش جاسر بيحبك اوي ازاي .و بيقول عنك كلام عامل ازاي يا حازم

حازم .لا ده انا علي كده اتغر بقا من الكلام ده كله.  لا الواحد ميقدرش يقاوم الكلام الحلو ده كله الصراحه

ضحكت ..أيوة كده اضحكي .  و خلي الدنيا تضحك . و الشمس تدخل . تعرفي ضحكتك تجنن  حلوه اوي بجد يا تولين

تكسف اوي و وش تولين بقا احمر من كتر الكسوف و الخجل
.. اوبا الوش المكسوف ده ياناس

وبدأوا يتمشوا سوا وراح مسك أيدها و هيه كانت مبسوطه وبعدين ركب بيها العربيه
.   نكمل ولا ترجعي علي الفيلا.  شوفي اللي انتي عايزاه انا معاكي فيه في كل الحالات ياستي

. الوقت اتاخر فا انا ارجع احسن يا حازم.. علشان محدش يتكلم .معايا و علشان مينفعش برضو

. طيب يا تولين

وراح وصل تولين لحد الفيلا وهيه جت  تنزل مسك ايدها .. بقيت احب الوقت معاكي اوي ووبكون مش عايزك تمشي يا تولين بصراحه انتي بنت حلوة اوي و مكنتش متخيل تطلعي لطيفه اوي كده

تولين.  طيب يا سيدي شكرا اديك اكتشفت اهوه اني لطيفه و كيوت كيوت ولا مش كيوت

. احلي كيوت طبعا .هو ينفع نقول حاجه تانيه ولا اي

.لا طبعا وهيه دي تنفع ده انا كنت زعلتك

ضحك. ماشي يل مجنونه بس طريقتك حلوه وفيكي حاجات مميزه كده الصراحه

تولين. يلا تصبح علي خير يا حازم...عايز حاجه . اشوفك علي خير ان شاء الله

. سلامتك يا تولين ..وانتي من اهل الخير

وراحت نزلت من العربيه. لا لا اللي انا فيه ده حقيقي مش  عارفه لا ده حقيقي انا احس كل الحاجات دي .انا تولين يتحول حالي بشكل ده. معقوله كده

ورأحت طلعت علي فوق و هيه عماله تضحك . .لا ده انا خلاص اتجننت رسمي اوي كمان

وهو راح ساق وصل علي بيته لاقي ياسر و شوقي قدام الباب

ياسر . اي يل حازم احنا واقفين من بدري.  انت عارف احنا في اي ة كمان ليك نفس تخرج يا حازم

حازم.  اهدي كده شويه . هفضل قاعد زي الحريم اللطم علي وشي يغني ولا اي يا ياسر

شوقي . طب اسكت انت وهو ها نكلم علي الباب كده ولا اي. ما تفتح خلينا ندخل طيب

.طيب يا شوقي يلا ادخلوا انت وهو

وراحوا دخلوا و قعدوا

شوقي. اي لقيت حل ولا حاجه يا حازم ولا عملت اي قولي . انت عارف احنا من ساعتها مش عارفين ننام من الخوف . مسيطر علينا بشكل ده

. عارف الموضوع حقيقي مخيف يا شوقي لأن احنا في لحظه ممكن نروح في ستين داهيه سوا

  طب يا حازم طالما عارف خلينا نشوف هنعمل اي نفكر . بدل ما نلاقي نفسنا في السجن احنا التلاته يا حازم

حازم.  ما انا عمال افكر هو حد قالك اني ساكت.. اكيد لا . انا اكتر واحد قلقان أصلا ومش عارف هعمل اي

شوقي.
عندك حق بس اكيد ها نلاقي حل. الموضوع ده. كان مقفول و لازم يفضل كده

. الاستاذ العاشق جاسر.هو اللي فتح الموضوع ده .و خلاها تكون قويه.. طب خلاص نبعد جاسر عن شروق و ساعتها شروق هتكون ضعيفه و ها ترجع مكان ما جت أو يمكن مكان تاني خالص. او نعمل حاجه تانيه خالص.

. حاجه اي يا حازم دي شكل كده الدماغ بدأت تشتغل اهوه و تفكير شغال

  اه فعلا يا حازم انت كده كلامك صح هتعمل اي بقا قولنا علشان نكون عارفين

. حازم. كل خير اصل انا بحب الخير اوي اوي الصراحه يعني زي ما انتو عارفين انا بحب الخير ازاي بحبه اوي اوي

ياسر . اه برضو مش عارفين اي الخطه واي اللي في دماغك يا حازم بقا

حازم.  طيب بص بقا انت وهو .. انا جت لي فكره حلوة اوي .و هيه أن انا هعمل

وقال هو ناوي علي اي يضحكوا من قلبهم و بكل خبث وشر زيهم .هو ده الكلام السليم علي الاخر الصراحه و حلوة اوي كمان الكلام ده يا حازم

  وفضلوا يتكلموا مع بعض و خططوا ل خطه أنهم ناويبن يعملوها وبعدين مشيوا من عنده

      حازم .. أيوة يا شروق معلش بقى بس انا كنت فاكر بعد اللي عملناه فيكي انك ادمرتي بس ظاهر أنه. لا وان انتي لازم تدمري علي الاخر يا شروق .. وتكوني منتهيه علي الاخر

وراح دخل اوضه ..لما أنام بقا احسن تعبت من صداع اليوم ده . وبعدبن بقا .. تولين ها تدخل المصيده امتا.  مهو مش قادر اصبر عليها اكتر من كده الصراحه .ها تجنن عليها
بس قريب اوي . هتكون تحت ايدي. يسلام  متشوق اوي ل يوم ده  ..وانا بعمل فيها زي اللي قبلها وعلشان كده. لازم اعمل كده في اسرع وقت

ومر اليوم عليهم بشكل طبيعي و تاني يوم

كانوا قرروا يفطروا برا في جنينه مع بعض

. حلو اقتراح فطار في جنينه مع جو الحلو ده .الصراحه

  اه جدا يا ماما الصراحه .و اهو تغير و حاجه كده تفتح النفس  اوي

نهرلن. علي أساس البت نفسها مقفوله يا تولين ده .انتي نفسك مفتوحه اليوم كله يا حبيبتي

  قر عليا بقا يا مهران جوزك عمال يقر عليا ده انا حتي نفسي مقفوله خالص الايام دي هو مش باين عليا ولا اي

ضحك .لا خالص بصراحه النفس مفتوحه بسم الله .  الله واكبر يعني يا حبيبتي

. اي ظلم ده لو مكلتش هنا. اكل فين يعني هو انا ليا حد غيركم وانا معرفش

جليله .سيبوا تولين تاكل براحتها . احسن تاكل.حد فينا ولا حاجه

تولين. بقا كده يا ست جليله .شوفوا مين بتكلم. المفعوصه هانم طب حاسبي غلشان هموت و اكل زماره رقبتك اديني قولت لك اهوه وانتي حره بقا. ياختي

جليله.. اسكتي هو انتي معرفتيش ولا اي .مش انا اللي بتكلم ده انا طيبه ..اللي بيتكلم صوتي الله والله صوتي و لساني

.  طب حاسبي بقا و خافي عاي نفسك

شروق . ماشاء الله .  شرسه يا توتا.. بس احنا اسود بردوا بلاش تشيلي هم

وفضلوا يضحكوا مع بعض و هما مبسوطين اوي

.اه صح انا و جليله كنا ناويبن نقولكم علي حاجه الصراحه وانكم لازم تعرفوا وكده يعني

  خير يا مهران في اي متقول هو في حاجه حصلت ولا اي. . انتو مش كلكم تمام

. متخفش يا بابا مافبش حاجه. الصراحه جليله طلبت مني طلب كده .وانا موافق عليه

. طلب اي ده طيب يا مهران . يابني قول بدأنا نقلق اوي الصراحه هو في اي

مهران. . جليله يا ماما عايزه تطلع ابوها من السجن وكده وبعد كلامها معايا .. قررت أوفق و اقف معاها

تولين .اي انتو عارفين هو عمل فيها اي ازاي يا جليله تكوني عايزه تخرجي الراجل ده مش فهمه انتي مستوعبه كلامك  بعد كل اللي حصل ده

جليله . لانه هو أبويا مهما عمل يا تولين هو مش حد غريب ومش هينفع اسيبه كده . لازم اكون معاه يا تولين

تولين . بس انتي كده بتعرضي حياتكم ل خطر يا جليله من غير ما تخدي بالك

مديحه .انتي ناويه علي كده بجد يا بنتي.  و متاكده من قرارك ده يا جليله ..ارجعي طيب فكري مره تانيه

. لا يا ماما انا فكرت الصراحه و عايزه اعمل كده. ده بابا يا ماما .و اكيد مش هكون مبسوطه أنه مسجون وانا السبب في ده يا ماما

حنين. خلاص يا جماعه ..خلوها تعمل اللي هيه عايزاه و هيه اكيد عندها حق في كلامها ده..لانه مهما كان ده ابوها

. شكرا ليكي يا ماما حنين

جاسر ..انا كمان معاكم في كلام ده.. لأن الام هتفضل أم.و الاب هيفضل أب

..عندك حق يا جاسر في كلامك.
. خلاص يا جليله شوفي انتي عايزه تعملي اي واحنا  كلنا معاكي وفي ضهرك يا جليله

جليله ..شكرا يا شروق . و مبسوطه انكم كلكم في ضهري حقيقي انتو احلي أهل في الدنيا كلها والله العظيم

.غنيم .. قلبك ابيض اوي يا جليله و عايزه اقولك يا مهران بجد يا زين ما اختارت جليله بنت طيبه اوي . ربنا يخليكم لبعض يا حبايبي يارب

....يارب يا بابا .دي احلي حاجه في حياتي والله العظيم

تولين. اه يا مرارتي المفقوعه ياني ياما

. لما نشوف ياختي بكره انتي هتعملي اي يا تولين

تولين.  كل خير ياقلبي طبعا وهيه دي محتاجه كلام برضو

يضحكوا مع بعض من كل قلبهم.  طيب لو كده انا هاخد جليله ة نسافر صد رد و نرجع. نروح نخلص الإجراءات

جاسر . هاجي معاك يا مهران طيب علشان مش تكونوا لوحدكم يا مهران

.لا يا جاسر احنا رايحين صد رد علطول مش هنكون هناك.. يعني في إحتمال نروح و نرجع نفس اليوم او بكتير الصبح يا جاسر

غنيم . خد حد معاكم يابني. بدل ما تكونوا لوحدكم يا مهران

مهران. لا يا بابا وبعدين هو احنا صغيرين ولا اي يا بابا. متخفوش من حاجه

.طيب يا مهران اللي انت شايفه صح. اعمله .المهم تكونوا كويسين و مرتاحين يا مهران  انت و جليله اهم حاجه عندي الصراحه

   وبعدين كل واحد فيهم بدأ يشوف هو وراه اي

و مهران و جليله قرروا يسافروا الصعيد بكره يخلصوا الموضوع ده و يرجعوا علطول

و كانت شروق سرحانه و عماله تفكر راح قرب منها و زغزغها .. وبعدين في حركاتك دي يا جاسر يعني

..الله انا غلطان قولت اخليكي تفكي كده يعني. ياشروق انتي ظالمه يابت  اي ده

انا ظالمه طيب يا جاسر تشكر .علي كلامك ده يا محترم يا ابن الأكابر انت ماشي ماشي يا جاسر

جاسر .  معلش معلش صعبتي عليا خلاص ..انا قولت افرفشك شويه كده. ياختي معلش مكنش يومك يا نوسه علي الخضه

والله العظيم انت واحد رخم اوي يا جاسر وانا مش هسيبك. ماشي يا جاسر

وراح جري وهيه تجري وراه . هتروح مني فين يعني هجيبك يعني هجيبك يا جاسر مش كل مره تعمل فيا كده يا جاسر

تولين اي ده يابت عماله تجري ورا اخويا ليه.  شوفت يا جاسر يا خويا البنات عماله تجري وراك ازاي . . اخويا كاريزما يا جماعه

. اخرسي انتي و اخوكي يا تولين ده مستفز ورخم اوي اوي الصراحه اي ده

جاسر.  بس حلو ولا مش حلو ده انا كل البنات نفسهم في نظره مني بس ..بس نقول اي يا شروق النفس

تعالا افتح لك نفسك اقف بس واتا اخلي نفسك مفتوحه علي البحري علي الاخر. لدرجه تاخد الكل ب احضان

  لا لا شكرا والله ماليش نفس مش عايز حاجه كلك ذوق يابنتي

. بنتك في عينك يا جاسر

وفضلوا يضحكوا علي شروق و جاسر ة كانوا نش قادرين و بطنهم وجعتهم من كتر الضحك.

.مشاكل انتو الاتنين والله العظيم و حلويات كده مع بعض . كده الفيلا ها تلزق من كتر الحلويات اللي هنا و ها يتلم علينا الحشرات

  رشي ياختي بيرسول وبلاش وجع دماغ

. تصدقي انا غلطانه يل جليله.  اهو انتي رخمه يا وحشه .. طلقها يا مهران

. معلش استني بتقولي اي يا حبيبتي

  تولين . حبها يا مهران هو انا قولت حاجه يا جليله يا حبيبتي عيب عليكي

وفضلوا يضحكوا من كل قلبهم وبعدين طلعوا علي فوق

و ناموا كلهم وهما مرتاحين و ل اول مره شروق بعد كل ده. تنام وهيه مرتاحه وهيه مش شايله هم اي حاجه خالص

ومر اليوم عليهم بشكل طبيعي و تاني يوم

مهران و جليله جهزوا نفسهم علشان السفر ة جهزوا فهد ة نزلوا علي تحت .
. .لا حرام فهد ها يبعد عني ده بقا عيني اللي يشوف بيها دلوفتي

.معلش يا بابا والله لو علينا عايزين نسيبه هنا. علشان الطريق بس هو صغير و مينفعش

  طيب ارجعوا علطول أحسن مش هقدر يكون فهد بعيد عني

تولين ..استاذ فهد خد الدلع كله مننا خلاص احنا راحت علينا يا شباب

ضحكوا علي تولين . خلوا بالكم من نفسكم كويس فاهمين

.حاضر يا ماما

مديحه..اجي معاكي طيب يا جليله

..جليله . لا يا ماما يا حبيبتي .ما انا معايا مهران اهوه والله احنا جايين علطول

. طيب يا جليله ربنا معاكم يا حبايبي والله

وراحوا خرجوا جليله و مهران وركبوا العربيه و هيه كانت عماله تفكر وهيه خايفه مش عارفه هيه كده صح ولا غلط لما تطلع ابوها بعد كل اللي حصل.

لأنها كل اللي فكرت فيه وبس ابوها يطلع من الحجز. مفكرتش في اي حاجه تانيه

. متخفيش يا جليله من حاجه

جليله.  مش عارفه تفتكر انا كده صح

. والله ما عارف. يس اعملي اللي قلبك قالك عليه .يا جليله

جليله . عندك حق يا مهران

وفضلوا كده وهما عمالين يفكروا

وعند عادل كان قاعد سرحان حزين علي بعد وصل له رساله ولما فتح و شاف فيها اي أنصدم من الرساله

  وبكده خلص الجزء ده

بقلمي اية امير