الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
البارت الـ سدِم واسيل🔥 ...
بارت جميلتكم ابيجيل راح اخلي آخر بارت إلي هوة الـ 9 .. والـ 8 راح يكون الـ فوج و ليندا .. علمود نبدي الـ 11 بجميلتنا ابيجيل ويكون حماسي 🤍 .
٫_____________________،
دامِس : گواگم الله بالخير
سدِم : الكل ردو .. وبدو يحجون .. كاعد بلبسة الأسود وعضلاتة المرعبة ! وصخامتة وعيونة إلي هستوني انتبهت عليهن .. مرعباتتتت !!
دامِس : أني كلامي مو وياكم .. أريد البنية
سالم : مصدومة من الصار
دامِس : هية تعرفني .. والشخص المصدوم ومر بشي مو زين ماراح يحس بالأمان غير يم الشخص إلي نقذة .. فا تسمحولي أني والثعلب نشوف شغلنا ؟
سالم : أي .. ليش لاا .. بس نريدها بالسكتة بعد عمك بس يصير بحلك العالم راح تنتهي البنية وهية حساسة من هذني المواضيع !
دامِس : أكيد .. أكيد .. ولا طير راح يعرف وإذا صار واحد عرف .. أعرف شغلي ويا شنو
سدِم : سولفلة الثعلب كلشيييي صاررر .. وأني سولفتلة على حالت نادية .. وهوة عيونة صارت شرار صارت عبارة عن دم !! مضهرة يمثل الرزانة والقوة بس عيونة تمثل العصبية .. من كد ما منتبهة على الكائن الغريب الي مقابيلي انتبهت .. يقبض ايدة وايدة ترجف والعروق كلهااا مبينة !!!
الصراحة خوفني حيل ..
ستأذنو وصعدو .. بعدة على الدرج وكال ..
دامِس : سدِم أنتي أقرب وحدة الها .. تعاي يمها
سدِم : بدون رد رحت لزمت ايد ثعلب وصعدت ..
دامِس : تعال ثعلب .. شوف هدئها وعلمها أنو أريد اشوفها ..
سدِم : والله وراح الثعلب ثواني وصاح .. طبينا لكيتها مخوزرة عيونها دلالة عن خوفها وحاضنتة بخوف .. عيونها ما رمشت ولا وخرتها عن دامِس ..
دامِس : تذكريني اسيل ؟ .. خايفة هسة أنتي ؟
هزت رأسها بمعنى أي ..
دامِس : تذكرين من مريتي بنفس الشي وحليتها وأخذت ثارج ؟
هزت رأسها بمعنى أي ..
دامِس : هاي المرة هم راح أخذ ثارج منهم
اكتفت بالسكوت .. وصار هدوء .. ثواني وكسر هاذ الهدوء ..
دامِس : بس اسيل .. لازم تسولفيلي كلشي سوو بيج من البداية النهاية مفهوم عزيزتي ؟
سدِم : بدت تحجي وتصفن .. أعرف بهاي صفنتها تتذكر إلي صار وياها .. دموعها من وحدهن يطيحن صوتها يرجف ومخنوك ومبحوح ..
خلصت ..
الشي إلي ما فهمتة بـ دامِس ..
ضل يذكر بيها للي صار .. يذكر ويستفز حيل وهية تريد بس تسكتة بكلمة "لا" وهوة مستمر ..
سدِم : لككككك كافييييي .. البنيةةة راح تتخبللل ولكك دامِسسس شبيكككك .. كافيي وخرر وخرر عوفهااا
حاولت ويا بأشد الطرق .. الحد ما صرخت .. ضلت تصرخ وتصرخ وابجي وانهارتتتت بكل معنى الكلمة
الكل اجة على صريخها بس طلعهم وكال ..
دامِس : ابقى يمها ثعلب .. يلة كلكم برا خلوها وحدها
سدِم : طلعنا حتى أني طلعني .. طلعت وعطت بوجهة
سدِم : لككك ليشش هيجج سويتت بيهااا
جاوب بكل برود ..
دامِس : عدها صدمة .. وإذا ما بجت وصرخت وطلعت هاي الصدمة راح تتأذة حيل
سدِم : هدئت حيل وبقيت مصدومة .. شنو هاذ شلون يعرف كل هذني !! وليش أني ما جنت أعرف
- اعتذر من ردة فعلي .. بس ما كدرت اشوفها هيج
دامِس : ولا يهمج .. بس مرا ثانية قبل لا تتعصبين افهمي الشي يستاهل تتعصبين علي لو لا ! وافهمي يالة
سدِم : ضحكت وكلت بگلبي ..
' چا شمالك ويا مرتك '
الثعلب يسولفلي كلشيييي شيصير يسولفة إلي فا أعرف اليصير ويا الملاك المسكين !
مر وقت طويل وهوة راح ما أعرف شنو يسوي ..
مر ساعتين يالة هدئت .. رحت فتحت الباب لكيتها نايمة على صدر الثعلب وروحها رايحة ..
الثعلب : دامِس وين ؟
سدِم : ما أعرف وين راح
الثعلب : أكيد راح يحلها .. منو راح ويا ؟
سدِم : حسب ما فهمت راحو الشيخ عشيرتهم هوة وخالي والولد
الثعلب : سديمي .. تعاي من هاي الجهة يابعد الروح والرية
سدِم : رحت ونمت على ايدة الثانية .. حضنتة حيل وكلت بصوت هادئ ..
- تعبت .. البارحة سمير الكلب وهسة اسيل .. تعبت حيل حبيبي تعبت
الثعلب : من كون من حيلي الحيلج يابعد روحي
سدِم : شوكت اخلص منهم ؟ خايفة حيل .. إذا خذوني ماي....
الثعلب : أني موجود وتخافين ياخذوج !
سدِم : ثعلب انتة عندك شغل وأني راح تجي المدارس وراح اسجل واكيد اروح واجي وما تكدر تحميني لأن عندك شغل
الثعلب : صديقي اختة هم هسة سادس .. اخلي ياخذجن ويجيبجن
سدِم : اخخخخ .. خايفة حيل
قبلني من خدي وكال ..
الثعلب : بس تصيري ملكي وببيتي بعد شحدة الي يوصلج .. امحي هوة والجابتة
ضحكت وكلت ..
- شدخلها الجابتة
- لأن ماعرفت تربي
سدِم : ضحكت .. مر وقت نوعاً ما طويل ..
الثعلب : يلة سديمي .. شوية خلي اكوم اشوف شصار ..
سدِم : فعلاً .. وخر اسيل منة وراح ..
مر أسبوع .. وفعلاً الوحش دامِس حلاها وجان بصالحنا .. بعد ما عشيرتهم طعنت بشرف أختي وكلبوها ضدنا .. بس مثل ما كال الثعلب .. يفر السالفة فر .. وبعد ما جانت عشائرياً صارت قانونياً
اسيل .. نفسيتها تعبانة بشكل مو طبيعيييي .. لا أكل ولا نوم مثل البشر لازم تفز تصرخ وتبجي .. حسيت بيها طفت عن الحياة ..
تكعد تضل تضرب بروحها وتصنف روحها بـ الفاض أبد مو مستواها ولا هية أساساً ..
نادية صحت وصارت زينة ..
ومر شهر ..
رجعت للمدرسة .. وهم سادس وضيمة ! وهاي المرة وحدي لا فوج ولا ليندا .. راحن برا البلد يدرسن ..
بهاذ الشهر اسيل تكآبت زيادة .. بشكل مو طبيعي
رجعنا للمدرسة وهية بس دراسة ونوم .. ولا تحجي ويا بشرررر احنا تجاوب على كد السؤال فقط !!
ما أعرف شلون وشسوي الحالتها !!
الثعلب قررنا بس اتخرج يصير زواجنا .. عارض وزعل .. بس بالاخير فهمني وافق .. ونوسة
( تذكرونها ؟؟ )
صارت صديقتي المقربة .. انصدمت أنو همة من البصرة .. وجانو هنا يم اختها .. وسولفتلي على الولد إلي اجة ويانا للبيت .. وصدمتني بأسمة الغريب ..
' بقية الله '
استغربت من اسمة وسألتها .. سولفتلي وانصدمت وخلتني اختم كلمة ' سبحان الله ' لأن فعلاً سبحان الله ..
.....
مرت سنة صعبة من ناحية الدراسة ..
نهاري كلةةة دراسة كلة .. وبس قبل لا أنام اخابر الثعلب واراسل نوسة والبنات فقط ..
اسيل .. بعد ما اخذناها الدكتور نفسي الحمدلله تحسنت بس كرهتتتت شي اسمة ' رجال ' صارت تكره حتى اخوانها لأن من جنس الرجال .. واصدمكم حتى خالي ..
مو تكرهة كره لاا .. بس تكره كونة رجل ..
صارت انطوائية بشكل مو طبيعي .. نهارها كلة دراسة ولا طلعة ولا أي شي .. ثنينا سادس ولان ثنينا سادس فا بنفس الغرفة وبس أني القريبة مني ..
مرت خالي رغم الحجي بوقت العصبية بس حيرتني
احبها ولا اكرها !!
تهتم بية وكأن وحدة من بناتها .. بس أقل شي حجت وحجت على امي !! حرت وياها
خلصنا امتحانات وجان جداً موفق ..
راجعات أني واسيلة واخت صديق الثعلب ..
فرحانات مجاوبات كلش .. شكو شي قرينا جان موجود بالورقة .. رجعنا استقبلتنا مرت خالي اسئلة
- ها جاوبتن ؟
سدِم : أي الحمدلله .. جان اسئلة كلهاا مايي ماي كلش
- الحمدلله والشكر .. وأنتي اسيلة شلون جانت وياك الاسئلة ؟
اسيل : زينات
- جاوبتي ؟
اسيل : جاوبت ..
سدِم : عافتنا وراحت صعدت ..
متخيلين شمعة البيت طفت ؟؟ زهرة البيت ذبلت ؟
شايفين شلون صارت عكس قبل .. انطفى عدها الشغف وكلشييي .. خسرت روحها المرحة بسبب إلي ما يخافون الله
خلص اليوم .. وختمتة ويا حبيبي ..
مرن الأيام .. وقربت موعد النتائج .. أني أعرف بروحي مجاوبة .. بس خايفة ! وما أعرف ليش !
وصار اليون إلي نروح نشوف النتائج .. رحنا أني واسيل وخالي والثعلب ..
طول الطريق أني گلبي يرجف .. رحنا وصلنا يم المديرة ..
سدِم : أول شي أنتي اسيل ..
فعلاً طلعو نتيجة اسيل .. والله كفو منها مطلعة معدل 99 .. ما تتخيلون فرحتها .. أول مرة اشوفها هيج فرحانة من بعد إلي صار .. ضليت ابجي متوترة والمعلمة تكلب بالشهايد تدور شهادتي ..
طلعتها وانطتني ياها .. باوعت على درجاتي وأول شي اجة عيوني علي معدلي ..
وكعت بالكاع مصدومة ..
معدلي ' 100 ' .
ما تتخيلون فرحتيييي .. رجلية بادن من الفرحة .. شالني الثعلب وأني ضميت راسي برگبتة ابجي وهوة فرحان حيلللل .. يمكن أكثر مني فرحان !
رجعت للبيت واستقبلوني بالجكليت .. بس بيني وبينكم مو جكليت طابوك .. فشخوني تفشخ ..
خوالي كلهم جانو ملمومين .. وخالاتي هم .. الثعلب سلم وراح .. سوينا احتفال بسيط ..
الكل رادني طبية .. بس امشي على إلي احبة وعلى حلمي أني ..
الكل ضل يلومني على حلمي إلي احبة .. إلي هوة
' مدرسة انكليزي ' ..
والسبب أنو امي جانت مدرسة انكليزي .. والثعلب كذالك مترجم للغة الانجليزية .. فا أني ردت اصير مثلهم بما أنو همة قدوتي .. ماعدا عايفتني ورايحة يم ربها بس إلى الآن هية قدوتي ..
صار اليل .. وخابرت الثعلب ..
الثعلب : هلا بالشاغل بالي .. هلا يالمعذبني .. هلا يابعد رويحتي
سدِم : معذبتك !!
الثعلب : ايي .. تمنيت كبل وونرجع البيتنا أني وياج بس راسج يابس
سدِم : حبيبي مو اتفقنا يا عيوني .. أريد أحقق حلمي يالة حباب
الثعلب : سديمي .. أني ازوجج بس علمود تكونين يمي بقربي .. من اتعصب اجي بحضنج وينزاح تعبي يعني ماراح احرمج عن حلمج يا حبيبتي
سدِم : والله بعدني ما مستعدة .. أحس نفسيتي ما مستعدة اصير مزوجة ومسؤولية يا حبيبي
الثعلب : خوش .. هاي هية حبيبتي .. لجج والله ذيبة .. والله كفو طلعتي 100 !!
سدِم : ( بفخر ) .. لعد شعبالكك ؟؟
الثعلب : روحي طبية سديمي
سدِم : ما أريد .. تعرف أني أخاف من الدم وهيج أشياء ما اكدر للطبية .. أني أحب اتعلم لغات .. أريد اصير مثل امي ومثلك لأن انتو قدوتي
الثعلب : بس حرامات تضلمين معدلج !
سدِم : مو مهم .. اهم شي حلمي
الثعلب : خوش لعد .. من ينفتح التسجيل اقدملج على احلى جامعة
سدِم : أريد جامعتك إلي درست بيها
الثعلب : لاااا شني هاييي ختوليي .. بجامعة حلوة
سدِم : ليش ؟
الثعلب : ختولي مو حلوة
سدِم : تمام لعد .. اريدها كون حلوة ثعلبي
الثعلب : ياروح ثعلبج .. اوديج بأحلى جامعة بهاي الدنية
سدِم : حبيبي حبيبي ما تقصر ..
وخلصنا اليل سوالف أقل من العادية .. أكثر شي غزل لحد ما نمت ..
كعدت ثاني يوم .. ما تحسون بالراحة إلي أني بيها خلصت كل سنين دراستي وحصلت على معدل .. حسيت كل التعب إلي تعبتة راح مني بمجرد شفت معدلي ..
نزلت اتريك بعد ما غسلت وبدلت ..
سالم : ها سديمة .. شني .. شقررتي ؟
سدِم : أريد اصير معلمة انكليزي
سالم : وأنتي اسيلة شنو تردين تخصص ؟
اسيل : صيدلة
سالم : حلو ..
سدِم : حلو .. أنتي من صغرج جنتي تحبين تكونين ضابط !! ليش ما تقدمين على كلية ض....
اسيل : راجعت نفسي وكلت مو كدها
سدِم : هم زين .. أساساً خطر .. وتتعبين هواي ثلاث سنوات
اكتفت بالسكوت وتاكل ..
ومرن الأيام كلش عادية .. إلى أن اجة يوم .. كل ما اطلع اشتري لو افتر الكة سيارة سودة .. حيل خفت وخفت أكثر أنو اكللهم .. صارت طلعاتي كلش قليلة
بيوم .. جنا مجتمعين .. الاهل كلهم طالعين بس احنا بنات ومسوين سهرة أني وبنات خالاتي وخوالي .. علاقتي وياهم حلوة ومبينة على شقى ..
اشترينا بـ 5 آلاف وكل عقلنا يكفن النا .. احنا ال20 بنية يمكن !! .. خلصناهن بخمس دقائق .. وحرنا من. يشتري النا ؟؟
أربع بنات أكبر مني بس خوافات .. والبقية أصغر مني وبما أنو أني إلي ما أخاف بينهن صار النگ فوك راسي أنو أني الي اروح .. كلت عادي ! الفرع كلهم طالعين جهال وكبار .. فا عادي ! رحت .. وقبل لا اطلع اجاني إحساس وكلت ..
سدِم : بنات إذا تأخرت ساعة لو ساعتين خابرن الثعلب رقمة عند اسيل مفهوم !
- لاا يمةةة .. شبيجج هسة شوية وتجين
سدِم : مهما يكون .. كلشي يصير .. اسوي حادث شي فا ساعتين لو ساعة إذا تأخرت خابرنة وكللة مفهوم !
وافقني ورحت الأقرب محل بس للأسف معزل .. رحت للثاني كذالك معزل !
بقى بس محل واحد .. ومتأكدة كلش أنو يبقه للـ 2 بليل .. وهسة بـ 10
رحت وجان الطريق ضلمة ومرعب .. ضوة خفيف وكأن امشي بشارع مال فلم رعب ماكو أي صوت ..
مريت من ساحة كلششش جبيرة .. وضلمة حرفياً وماكو شي اسمة ضوة وسنطة مرعبة بشكل مو طبيعي ..
رحت اشتريت وطلعت .. هست ني طلعت وبيدي العلاليگ شفت ضوة سيارة .. ما اهتميت وكلت عادية ..وصلت يمي وأني امشي بصف الحايط وخايفة من هاذ الوضع .. ثواني وكسرتني هاي السيارة رجعت لورة وانفتح الباب .. والصدمة ..
صباح ، سمير .. وكل شخص نگ*,س مثلهم .. صرخت وردت اركض بس للأسف .. ما كدرت لزموني وأول شي سوو كتمو صوتي .. جروني وأني شايطة بين ايديهم .. حسيت ببزة ابرة شلتني شل .. ثواني وما أحس إلى حسيت بخمول قوي .. بدة يقوة وصرت ما اكدر احجي .. جاهدت عيوني علمود لا تغمض .. وللاسف غمضت ..
...
اسيل : بنات المن خليتن سدِم تروح ؟
- ليش ؟
اسيل : گلبي ناغزني .. اريدها تجي شو تأخرت
- ياااا بس لا راحت الهاذ السوبر ماركت البعيد
اسيل : لااا ربحنااا ..
مر الوقت وصارت نص ساعة .. وصارت ساعة وشاطت روحي .. سكتت روحي كوة .. ومرن ساعتين ونص وكانهن سنين .. هنا ادركت أنو سدِم بيها شي .. ردت اروح اخابرة بس ..
- يمعودة .. خاف راحت يم صديقتها بس انتضري لا تخوفين الزلمة .. انتضري ساعة
اسيل : ولجججج بـ 12 .. بـ 12 .. شسكتتت البنية ساعتين ماكووو وصارت ثلاث ساعاتتت
عفتهن قسم يبجي وقسم متوتر .. ورحت خابرت ..
الثعلب : ها اسيلة .. خير شصاير ؟؟
اسيل : سدمم ..سدم مدري وين ثعلب.. راحت تشتري بـ 10 والهسة ماكو .. مرن ثلاث ساعات ماكو
شاطت روحة وضل يصيح .. انسد التليفون ..
واستعديت المشكلة جبيرة حيل ..
مر وقت قصير واندك الباب بشكل مرعب .. ركضت وجان عندي ذرة أمل انو سدِم .. بس اختفى شي اسمة أمل من شفت الثعلب .. ادركت أنو هاي هية ! سدِم راحتت !
الثعلب : وينننن راحتتت
اسيل : ما اعرف .. راحت تشتري والهسة ماكو
راح وشافنا طلعنا ورا وصاح ..
الثعلب : ارجعن ويننن رايحات ارجعنن لا نوب تروحن انتن
اسيل : صحت عليهن يقفلن الباب .. ورحت ورا .. ضل يصيح علية بس الخوف على سدِم جان اقوة رحنا للمحلات لكيناهن معزلات .. رحنا للمحل الجبير وبنص الطريق المرعب والضلام والقليل من الضوة لكينة علاليگ مال حلويات بالكاع واكعة وتليفون سدِم .. راح گلبي .. وضل يوجعني بشكل مو طبيعي
توضح كلشي .. توضح أنو اختي مخطوفة !
شال التليفون وباوع علية مصدوم وأني أكثر منة .. وبعصبية شمر التليفون وصيح وضل يغلط ويفشر عليهم ..
أكيد معروف منو إلي خطفها !! ماكو غيرهم !
' صباح وربعة ' ( اصدقائة )
رجعت للبيت مهدوم حيلي عليها .. كلتلهن وهنا انهارن .. اتجيت على الحايط بعد ما اختل توازني .. البنان يصرخن ويبجن .. والثعلب يهدئ بيهن ويصيح ويتوعد ..
شال تليفونة وخابر .. ما كدرت السمع إلي حجا .. شوية واجة
الثعلب : ولجنننن ليششش طلعتنها ليششششش .. راحتت منيييي راحتتتت
اسيل : ضل يفتر ولازم راسة .. قميصة إلي بس لابسة وما مدگمة يفتر ويصيح بقهر ..
الثعلب : وينننن الكاهاا وينننن .. ولكممم وين الكاهاا بت گلبيي ويننن .. وين خذوهاا ..ولكمم الة أشرب من دمگم كوا** ولكممم أشرب من دمگم ومحمددد
اسيل : تخبللل .. وصار يكض كلشي كبالة ويكسرة
مر وقت واحنا منهارات .. شوية واندك الباب ..
الثعلب : تعالل تعالل
اسيل : اندفع الباب .. واجة شخص .. ضليت صافنة علي وعلى ملامحة الحادة والجذابة ..
الحر : شكووو ثعلب !
الثعلب : لكك خطفوهاا .. اخذوها مني حر اخذوها
الحر : منيةة ؟
الثعلب : سدِم .. سدِم خطفوها
اسيل : انصدم وكلة ايدي على راسة بصدمة ..
الحر : وشنو الحل ثعلب ؟
الثعلب : ما أعرف .. ما أعرف .. وين اخذوها ويننننن ويننن ودوو گليبيي ولكممم وينننننن
الحر : بس اهدء .. اهدء هسة راح اخابر دامِس اهدء
الثعلب : مو هسةة .. مو هسة بعدين خابرة
اسيل : باوعو البعض .. ضلو يحجون بالنضرات .. وفهمو بعض بس ما كدرت افتهم .. بس إلي فهمتة أنو دامِس بشي مو حلو .. هيج گلبي حسني !
الحر : ها تمام .. منو ويا ؟
الثعلب : شاهين و*** .. *** .. والمجموعة القديمة
الحر : المن ؟
الثعلب : الـ نداوة
الحر : دهر صابها .. مرة وبيها كل أنواع البلا
الثعلب : كح**
الحر : هسة ساعة هيج ويخلص .. ونحلها لا تخاف
اسيل : زينن شلونن إذا أذوها ؟
باوع علية وكأن هسة يالة انتبه .. بعد نضر الوقت طويل وكال ..
الحر : لااا .. جبناء .. يعرفون دامِس ماراح يعوفهم زين بس سؤال !! ليش يردون سدِم ؟
اسيل : علمود ورث امها وابوها .. لأن بأسمها ويردون الورث
الحر : شنو هوة الورث ؟
اسيل : مزرعة ابوها وبيت امها .. وراتب ابوها مدري شنو .. ومحلين مال ابوها هم
الحر : حلوو .. يعني مخليلها سند !
اسيل : أي .. والهاذ السبب يردون بأي طريقة .. قبل جانت خطتهم يزوجونها الابنهم علمود ياخذون الورث بس مشلو وبدو يستخدمون غير طرق الكوا*
ضحك وخك خسمة وكال ..
الحر : لا توصخين لسانج بهيج الفاض
اسيل : بجيت وكلت .. كرهونا بروحناااا كرهوناا .. عذبوني وعذبوهاا عيشونة برعب .. عصابات والله عصابات ..
ضحك وكال ..
الحر : بس مو اقوة من يمنا
اسيل : هوايييي ألف واحدد الففف .. لا واحد ولا ثنين
الحر : أحياناً .. القوة تغلب الكثرة .. شنو الفايدة بالكثرة وهمة طليان .. يخافون
اسيل : هسة من يجي بابا وجدة يتخبلون والله ..
- لجج اسيلل .. خابروو خابروو تعاي شكولل
اسيل : كمت من الكاع مرعوبة .. شنو أكول ؟ انخطف ؟ لو تسبح ؟ لو شنو ؟
ردت ارد .. اجة الثعلب وجرا مني ..
الثعلب : لا تردن .. قفلن الأجهزة بساع .. والصبح عود كولن نايمات جنة ..
اسيل : فعلاً كلنا قفلنا الأجهزة .. بس جهاز ايمان لأن راح يشكون .. أكثر من 10 مرات دكو .. آخر شي ..
الثعلب : تعاي ردي وكولي نايمات ..
ايمان : الو .. ها ماما .. شنو .. نايمات كلنا نايمات .. مقفولة الأجهزة لأن .. لأن شسمة .. علمود لا نباوع عليهن .. نايمات هسة هنة .. نايماتت يمةة ..حبابة اريد انامم حبابة يلة تصبحين على خير ..
اسيل : سدت الاتصال وهية ترجف ..
الحر : يلة روحن نامن .. تأخر الوقت كلش .. أنتي هم روحي نامي
اسيل : أشر علية .. وكلت .. اسمي اسيل
الحر : حلو اسمج .. المهم روحي نامي واحنا نحلها
اسيل : ما أريد
لح هواي علينا .. كلهن نامن .. بس أني بقيت راحو المسمى الحر والثعلب يقفلون جميع الابواب .. أو يتأكدون أنو كلشي تمام بالبيت ..
ضلينا الحمد ما الدنية بدت تفتح ..
أني متجية على الحايط .. والولد واحد بحضن الثاني يدل على علاقتهم القوية .. الحر نايم .. والثعلب سارح ..
شوية ودك تليفون الثعلب .. بساع انسد .. شاف تليفونة ورأستاً صحى الحر
الثعلب : خلص
الحر : أي خابرة وكلة
اسيل : خابرة .. شوية ورد .. حجالة كلشي .. وسد التليفون .. مرن ساعتين وأني گلبي رايح
كعدتهم نرفزتني حيل .. كمت وصحت بيهم بعصبية
اسيل : شبيكمممم هيجج كاعدينننن .. ولكممم سدِم مدريي ويننن ما أعرف شنو سوو بيهااا ولكممم كومو ناس حقراء ما يخافون الله ماااا يخافوووو الله يعلم شنو سوو بيهااا الله يعلممم
الحر : ما بيدنا شي ! .. ما نعرف حتى مكانها وين ؟ نروح ندور على الفاضي
اسيل : ودامسس شيسوييي .. شيسويييي إذا انتم ما تندلون مكانهااا هوة شيسوي ؟
الحر : بس اهدئي .. صوتج .. الثعلب حافض رقم واحد منهم .. نخترق رقمة وهوة يرعف يطلع مكانة وين
اسيل : صارلهااا شكددد صار شكدد ؟؟ شكد صار
اليل كلة مو هنااا اليللل كلة .. هسة يمكننن حتى عادو الماضييي عادوو
تخبلت .. وتذكرت الماضي والسوو وياي .. وكعت بالكاع اضرب بروحي .. صار عندي شعور غضب صارت عندة طاقة أريد أأذي روحي .. بس هاذ إلي احتاجيتة .. تقيدت حركتي .. باوعت علي
الحر : شبيججج اسيلل .. تخبلتيي !!
اسيل : ثعلببب .. دخيلكك ثعلبب .. لا يسوون بيها شي لا يكسروها مثليييي .. دخيلكككك لا يكسروها مثليييي ..
بهاي الحضة .. اندك الباب .. واجة صوت دامِس يصيح بأسم الثعلب .. راح فتح الباب وأني كمت عدلت شعري وروحي ومسحت دموعي ..
شافني تصنع الابتسامة وكال ..
دامِس : شلونج اسيل .. أن شاء الله بخير ؟
اسيل : بجيت وكلت .. أريد اختيي اريدهاا
دامِس : مسحي دموعج .. وهاي اليومين اختج يمج
اسيل : خايفة .. خايفة يسوون بيها مثلي ويسكرو....
دامِس : زوجت الثعلب المكار .. بالاخص امثالهم يعرفون منو هوة وشنو احنا ويعرفون إذا مسوها مس شنو راح نسوي بيهم !
اسيل : حباب جيبها حباب ..
دامِس : من عيوني .. اجيبها الج .. شوف حر انتو تجون وياي وراح اخابر الولد يأمنون البيت .. سالم وين ؟
الثعلب : مسافرين .. بس البنات هنا
دامِس : الضاهر ما يدري !
الثعلب : أي .. أكيد
دامِس : خوش سويتو .. المهم .. تعالو والولد هسة يجون
الحر : خل يجون بعدين نروح أحسن
دامِس : يمعود همة يردون سدِم .. ماكو أي خطر هنا
الثعلب : خاف يستهدفون هم وحدة علمود يكسروها وتتنازل !
دامِس : هوة صح .. بس ماراح يكدرون لأن العالم برا ويوكفون ضدهم
اسيل : راحو وأني رحت جوة يم البنات ...
........
جسد يرجف ..
روح ترجف ..
عقل مشوش ومرعوب ..
ضلام دامس .. والقليل من الضوة ..
الروح والجسد مقيد ..
كل زاوية .. وكل مكان مضلم .. تخيلات العقل تشتغل
انرعبت كلش .. هدئت بعد عاصفة وصياح ..
مقيدة بحبال متينة .. شعري مكوش على أثر جرة .. شفتي تنزف على أثر ضربة .. وللاسف ما كدرت ادافع عن روحي ..
ساعات متواصلة أني على كعدة وعلى نفس الحركة متت وضهري بدة يوجعني .. مر الوقت بتعب .. منتضرة على احر من الجمر الثعلب .. أدري ماراح يعوفني وادري هسة كاللة البنات لأن مر ساعات على غيابي ..
مر وقت وأني ميتة .. انفتح الباب .. عم الرعب على گلبي .. بس ما بينت أبد
صباح : يا هلا بوريثتنا !
سدِم : ضحكت بشماتة وكلت ..
- بس أني وريثة ومن بعدي اطفالي إلي شايلين قبيلة ودم الثعلب .. غيرهم ماكو ..
صباح : غصباً على الخلفج توقعين وتشجلين الورث كلةةةة بأسمي
سدِم : لو على كص رگبتي ..
صباح : إذا اضطر الأمر اكصها .. بس قبل ما اكصها كلشي يسجل بأسمي
سدِم : اروح للجنة واعوفكم بالدنية تتعذبون بالحرب إلي تصير
صباح : هههههههههه .. تخوفيني بخالج الخسيس ؟
سدِم : بزقت علي وكلت بعصبية .. والله ماكو غيرك خسيس .. ولككك كو** ضليت تتوسل بيهم جنك طلي الحرمة .. وحق الحق وتعال اتفل بنص گصتي إذا طولت 3 أيام ..
صباح : أي صح .. ماراح تطولين .. تسجلين كلشي بأسمي وترحين وبعد لا نعرفج ولا تعرفينا
سدِم : دروحح لكك خروف .. الطلي .. على گولت صگارك خيخة .. شنشونة
اجة بعصبية وضربني راجدي .. ما انكر جان راجدية قوي الدرجة رگبتي طگت بوجع ! بس ما بينت أبد
سدِم : تدري هاي ايدك إلي اندمت علية شراح يصير بيها ؟
صباح : بلة اطربينا ؟
سدِم : راح ينقلعن اضافرك .. وراح تشعوط مثل وجهك
( شايفين هيج شجاعة ؟؟ )
صباح : لا صدوك
سدِم : دحجي عدل لككك .. أني بنية واحجي بمرجلة .. تتموع بحجيك جنك حريمة
صباح : علاقل زلمة
سدِم : امداني إذا صدك زلمة
بعصبية ...
صباح : تردين اثبتلج ؟؟
سدِم : ماكو اثبات .. كل تصرفاتك وحركاتك تدل على أنو انتة مرة اصلية
تقرب مني ولزمني من شعري وجر شعري .. وكال ..
صباح : تردين اثبتلج ؟ اخخخخ **** شلون جسم
سدِم : عطت بكل ما أملك من صوت ..
- وروححح امي ياااا صباححح إذا تقربتتت انعللل والديككك وحق الحسين ..
ما سمع مني وضل يتوحش برگبتي .. تخبلت وصرت أصرخ وابجي .. أحاول احل ايدية علمود تساعدني وابعدة بس ماكو .. رابطيني حيل ..
بعد ما راح صوتي اجة أخو الثاني .. شافة وراح علي وبعدة عني .. راحت روحي .. جان شعور مقزز من شخص مقزز أكثر منة
راحو ثنينهم وضليت أني بهبطتي ..
من صدمتي وخوفي حتى ما بجيت ولا طاحتلي دمعة .. تذكرت إلي سوو بـ اسيل .. ضليت اتخيل شلون تصرخ وتريد أحد ينقذها بس ماكو .. اتخيل شكولهم هيج زفرة وما رحمو بحالها وصريخها ولا صغر سنها ..
مر الأوقات .. ما أعرف الصبح من اليل ! ما أعرف إذا بعدنا بنفس اليوم أو غير يوم ! أو نفسة بس الاوقات تمشي بطيئ ؟
هواي اسئلة براسي ! ..
' الثعلب يعرف لو لا '
' راح يساعدني لو لا '
' راح يكسروني لو لا '
اسئلة ما أعرف شنو من عقل شايلة والهاذ القدر ينطيني اسئلة !
قاطع تفكيري فتح الباب .. خفت حيل .. وخفت أكثر لا يكون سمير !!
وفعلاً ..
سمير وصباح .. هيهي شلون ثنين
سمير : لو ما مدخلين الكوا** جان هسة أني كاعد على سرير من ذهب
سدِم : رخص الذهب لو صار بيدك
سمير : شلون ؟
سدِم : الرخيص ويلزم غالي معناها رخص الغالي
سمير : زين وهسة إذا لزمتج ؟
سدِم : تخسى اصير مثلك
تحولت معاني وجهة للكره والعصبية ..
سمير : يلة يابةة .. جيب الأوراق وأني اشوف شغلي وياها
سدِم : ضحكت بصوت قوي .. فعلاً .. انطا الأوراق وراح وقفل الباب .. بدة يتقرب شوية شوية ..
سمير : توقعين بهدوء وأدب لو بغير طريقة ؟
سدِم : ما عندك أدب .. فا إذا تعاملت وياك بأدب ماراح تعرف تتعامل وياي
سمير : ليش ؟
سدِم : لانك بلا شرف وبلا أدب فا ماتعرف ألادب شنو !!
سمير : صح .. والله صح .. يعني الفتهمتة من جوابج أنو راح تعذبيني !
سدِم : وانعل والديك هم
سمير : هااا
سدِم : تقرب مني كلش .. وضربني براجدي فر وجهي فر .. ضحكت وكلت
- عبالك أخاف من هاذ اليدغدغ ؟
رجع ضربني اقوة منة .. ماعدا ميتة من الوجع بس ما كلت وصرت اعاندة لحد ما مل وكعد كبالي ..
ضحكت وكلت ..
سدِم : هاا ؟؟ شني تعبت
سمير : لا بس أفكر بشنو أول شي ابدي وياج !
سدِم : هااا .. سكتت وأني ميتة خوف .. اجاني شعور أنو الثعلب قريب مني حيل !
- تدري الثعلب راح يجيكم ينعل جدكم ؟
سمير : اااااا ، صدك والله !
سدِم : والحسين وابو فاضل .. شوف كلها ثلاث ساعات إذا ما شفتة يمي الثعلب اتنازل عن كل املاكي
سمير : حلو .. بدون عناد؟
سدِم : انسى العناد ..
ما أعرف شنو هاي الورطة إلي خليت روحي بيها ! زين بلكي مجرد إحساس ومرت هاي الثلاث ساعات وما اجة ؟ .. يعني ورثي والمتبقي من اهلي وتعبهم كلة راح يروح الهيج وجوه زفرة ؟؟
ضليت اغم بروحي واعاتب بروحي بگلبي ..
مرت ساعة ! وبقت ساعتين !
سمير : توقعين هسة لو انعل والديججج ؟؟
سدِم : انطيتك وعد .. وبعد ساعتين
ما أعرف شبي انگلب وحش .. ضل يضرب ويغلط ويريدني اوقع !
على أثر صوتة اجو الكل .. وأني وجهي كلة دم !
ضل يصيح وأمرهمم ينزعون فالينتي ! ..
صرت أصرخ واصرخ .. والحمدلله جنت لابسة فالينة أم التعلاكة .. بالرغم أنو كلش دلع بس أحسن من ما ماكو .. صريخي كلة ما وكف كبالهم .. ضلو يجرون بية الآخر المكان إلي بي .. شفت زنجيل ! من هذني الكبار .. ربطو ثنين برجلي .. وحدة ببطني .. مو ربط بس اكو شي حديدة دائرية تتخلة بالبطن .. ورفعوني وصار رجلية الفوك وراسي جوة .. رفعوني عالي ..
أخذ حزام مخصص للجلد حسب ما شفت .. ضل يفر بي ويكول ..
سمير : توقعين لو اشوف شغلي ؟
سدِم : تخسى .. لو تسويني وذر .. وحتى لو متت كلشي مأمنة علي وراح يصير بأسم شخص يستاهلة
تقرب مني وضربني بالحزام .. ما تتخيلون الوجع إلي حسيت بي .. وضربني مرة ثانية على جهة بطني ومرة ثالثة بنفس المكان .. واستمر ضرب وكل ضربة تطلع جزء من روحي !
مر نص ساعة وهوة يضرب .. كل ما يكلي
' وقعي ' وردي يكون بالنفي يضربني اقوة من القبلها
صار يلزمني من شعري ويضربني راجدي .. خشمي ضل ينزف دم وكلة يرجع على جسمي وراسي .. رفعت راسي علمود ما يرجع الدم ويوكع لأن موزين
صرت ابزق دم .. صار من خشمي ومن راسي ..
الحد ما حسيت روحي بدت تطلع من جسمي خلاص وجسمي صرت ما أحس بي ابد .. وكل هاذ ما كلت اخ ولا صحت متألمة .. ما ردت ياخذون غايتهم ويسمعون ألامي ونيني ..
ضربني بوكس ..
وعلى اثرة صار صوت صياح قوي .. ضحكت بوجع هوة تخبل .. صار يضرب بية أكثر ويكول بخوف ..
سمير : لججججج وقعيييي وقعيي .. بروح امجج وقعيي سدممم
سدِم : مو كلت راح يجيك ؟؟
وفعلاً .. اندفر الباب .. واقتحم الوحش الكاسر ،
المرعب ، المدافع ، القوي .. الفارس الشُجاع ..
انصدم من منضري .. غض بصرة بساع .. واجة يمشي بسرعة .. وصل يم الخيخة سمير وصاح ..
دامِس : لككككك سميرررررر ..
شالة عن الكاع وشمرة وكال ..
دامِس : لكككككك مو نبهتككك كو**
وضربة بوكس ..
دامِس : نبهتككك ما اشوفف وجهككك نبهتك لو لااا
سدِم : ضليت اضحك شمتانة .. ضل يضربة ضرب أضعاف إلي ضربني بي .. وسمير يصيح مثل النسوان ماكو فرق ابد !
روحي بدت تلعب من الفرة مال الزنجيل .. بهاي الحضة شفت ولد وبينهم الشاهين .. شافوني انصدمو .. ركض علية الشاهين ونزع قميصة وغطاني بي والولد راحو للزنجيل .. حاولو يشوفون حل وينزلوني .. بهاي الحضة اجة حبيبي .. اجة روحي .. اجة منقذي !
شافني وانهد حيلة وبطأت حركتة .. وجهة أصفر بدة يتقرب بثكل وحيل مهدود .. كسرني وأذاني حالة وصدمتة .. ضحكت بوجهة وبالكوة كلت ..
سدِم : مابية شي ثعلبي
الشاهين : لاا تخافينن .. هسة راح ننزلج
سدِم : فعلاً .. حسيت بديت أقترب من الكاع .. وشالني الشاهين ونزلني .. فككو الزناجيل من رجلية وبطني .. كعدني ومعدتي بدت تلعب .. باوعت الرجلية كلها دم وزراك .. بياض مع زراك ودم .. بطني كذالك ..
اجة الثعلب يباوع الحالي .. وكعد على رگبة وحضن خدودي ..
الثعلب : هاي شمسوين بيج !
سدِم : كام مني وعاط عيطة رجت گلبي والمكان ..
الثعلب : لكككككككك سميرررررررررر .. اليوممممم انعللللل ****
سدِم : خفت من صوتة .. راح بكل قوتة وضربة بوكس ودامس مكتف سمير .. المفروض يصير فاعل خير ويهدئة صار فاعل شر !!
مو خايفة عليي بالعكس .. حيل وياا .. بس شلون إذا مات بين ايديهم ؟ راح يتغلون الوضع الصالحهم وراح يرحون بيها الولد ..
صوتي بدة يختفي .. بس احجي بطني توجعني بعد ما خلة دمة بطولة صحت علي بصوت ناصي بالكوة طلع مني ..
سدِم : عوفة ثعلب لا تروح بيها
الشاهين : ثعلبببببب تعالللل تريدككك .. لكككك دامِس راحح يكتلةةةة ويصير كلشيي صالحهممم يمعودد
دامِس : طبة مرض .. اضربة حيل أخذ ثارها ثعلب أخذة
سدِم : هنا انهاريت وصرت ابجي .. واحجي بتقطع لأن ما اكدر احجي ..
- ت... تعال ثع... تعال
الشاهين : لكككككك ثعلببببب ضلت تبجييي حبيبتك تعاللل اخذهااا
سدِم : انتبه واجة حضني حيل .. وضل يتأسف مني
كام الشاهين وأشر على سمير .. ودامس شمرة بالكاع حيل ..
الشاهين : اخذوو يولدد .. تعرفون وين تودو مو ؟
......
اسيل : عفتهم نايمات ورحت كعدت بالزاوية ابجي عليها .. خايف حيلل .. كلش خايفة من أنو يكسروها مثلي وبلاخص هية على وجه زواج ومخطوبة .. شنو يكون شكلها كدام خطيبها ..
ولو على گولت دامِس ..
- اليحب راح يتفهم وضع اليحبة .. ولو يحبج من صدك راح يعرف ما الج ذنب ويسندج والميحبج راح يعوفج ..
إلى الآن ما انسة إلي كالة .. وبلاخص ..
' لو كأن فيه خير لبقى '
' المواقف الصعبة تضهرلج الزين من الشين '
بعمري ما نسيت الكالة ولا راح انسا .. وخذتة قاعدة بحياتي ' لو كأن فيه خير لبقى '
مر الوقت وبدن يكعدن البنات ..
صار اليل وأني مرعوبة وخايفة شلون أكول الهم سدِم انخطفت !
والله وفعلاً .. خابرونا وكالو جايين .. تخبلنا وصرنا نبجي والثعلب والحر ودامس ما الهم أثر .. صرت اخابرة هواي علمود أعرف شسوي وشنو اكول لأن يتخبل أبوي وجدتي إذا درو بيها مخطوفة !
مر الوقت وتمينتة يبقى وما يمر .. للأسف اجو !
تلكاني أبوي وكأن يعرف اكو شي .. حجة بلهفة
سالم : ها زينات انتن كلشي ماكو ؟
اسيل : جمعت الاحرف رغم الخوف .. وكونتهن جملة وكلت ..
- سدِم انخطفت
باوع علية بصدمة .. وجدتي عاطت .. دار عليها يسكتها وما سكتت .. اخذناها بغرفتها لأن تخربطت
واخخ يالتحقيقات وشلون وشوكت وليش .. كلهن جاوبت عليهن ..
سالم : وهسة الولد وين ؟
اسيل : ما أعرف عافونا وخلو حماية
سالم : يعني هذول أهل الأسود الواكفين حماية ؟
اسيل : ما أعرف بس يمكن أي
مر الوقت ومرن ثلاث أيام .. جدتي كل ما تصحى تبجي وتصرخ وترجع تتخربط .. البيت كلة وضعة مو حلو .. والبنات كلهن راحن البيوتهن ..
الثعلب متخبل .. كل ما يجي يجي مهبوط .. الحد ما صارت بـ 12 وصرنا باليوم الثالث .. واجة دامِس يحجي بفخر وفرح ..
دامِس : لكك ثعلب لكيتهم .. بساعع صيحهم والشاهين هم وتعالو ورانا حضرو اسحلة هم
سالم : خاف يصير كلشي ضدكم !
دامِس : القانون ما يدخل دام صارت عسائرية
اسيل : راد ابوي واخواني يرحون وياهم بس ما قبلو ورفضو رفض قاطع .. عنه راحو وراح گلبنا وياهم ..
عمام سدِم كلهم عصابات .. كلهم حرفياً .. يعني عصابات أكثر من ما تتخيلون .. عدهم الروح لعبة ، الجسد لعبة ، كلشي عدهم لعبة .. من يضوجون يرحون يكسرون بنية ويعذبوها .
الهاذ السبب أبوي جاب سدِم يمنا .. وهم زين جابها صارت النا أخت كبرة .. كل ما نتمرض تسهر يمنا كل ما نحتاج ما أعرف منين تجيب احتياجاتنا !
شنو شي نحتاجة يمها ..
مر الوقت .. بدت تفتح السماء وهمة ماكو ..
........
الشاهين : اخذوو يلةة بساععكم ..
سدِم : فعلاً اخذو .. وشالني الثعلب وطلعنا نركض .. وصلنا يم الباب ودامس وقفنا وركض على سمير .. كضة ضربة ضربة اقوة من البعدها .. ونوب اجانة
دامِس : يلة نروح بساعكمم ..
سدِم : يركضون هوة شايلني .. حسيت معدتي بدن تقلب ما كدرت اسيطر واستفرغت .. نزلني بالكاع وضل يمسح على ضهري .. حسيت روحي طلعت ودوخة احتلتني .. وعرفت راح يغمى علية .. وفعلاً اغمى علية ..
صحيت لكيت روحي بالمستشفى .. الثعلب حاضن ايدي ونايم .. وجدتي وخالي هم يمي .. ما ردت اكعدهم بس الثعلب ما اعرف شلون فز حس علية يمكن !
حضني حيل .. توجعت بحضنتة كلش بس ما كلت وخليتة بحضني يطلع شوق الأيام كلها ..
فزو على صوتة وهم من شافوني خالي حضني وجدتي ضلت تبجي وتنعي .. لا من هية حاضنتني ولا من هية ساكتة .. ضالة تبجي وتنعي .. من صدك ضحكتني رغم الوجع والالم ..
سالم : شسوولج يابعد روح خالج .. سوولج شي ؟ أذوج يابعد روحي أنتي
سدِم : لا حبيبي انتة .. شحدهم يطخوني افصمهم فصم
الجدة : چا لويش (ليش) هاذ الجسم الترف متشوه !!
سدِم : ضربوني علمود اوقع
سالم : بس لا وقعتي ؟
سدِم : لااا رغم الألم ما وقعت أبد
سالم : عفية .. شكد ثبتي وكبرتي بعيني .. رغم يعذبوج بس ما ضعفتي .. هنيالج يحبيبتي على هاي القوة
سدِم : حضنت الثعلب وكلت .. مرت الثعلب المكار أني وبنت المحامي الكبير سالم شلون ما أكون قوية ! .. عجيبة هاي
ضحكنا .. رغم الوجع ما حبيت ابين واخليهم يخافون علية .. أكثر شي اكرهة من تبين الخوفة بوجهم علية اتخبل بكل معنى الكلمة ..
ضليت وقت قصير .. أجت الدكتورة وطمنت علية ومابية شي الحمدلله وبس الجروح .. طلعت وتوجهت للبيت ..
تلكوني ببكاء .. الكل .. حتى رقية وهاذ الشي خلاني اتعجب حيل هاي إلي تكرهني كره العمى تبجي علية وخايفة !! بس ما سويت شي بس حضنتها وسكتتها
مر أسبوع .. والثعلب ما مفارگني أبد .. كلة يمي وحيل فرحانة بهاذ الشي .. أحب وجودة يمي يحسسني بالأمان
ورحت نضفت الجروح .. بدن يطيبن بس گلبي أبد ما طاب ..
كوابس ، هواجيس ، خوف ..
ما عافني المكان الاضلم .. يجيني بحلمي وكلشي جنت اتخيلة بالحلم بهذاك المكان المضلم صار يجيني بالحلم .. افز مرعوبة .. وتوصل عندي اضل ابجي ..
اضطر الأمر أنو ..
الثعلب : سالم .. بما أنو هية خطيبتي وحلالي صارت أريد اخذها ببيتي
سالم : أنجب كو** شت...
الثعلب : أنجب شني كبالك كو** ؟؟ مرتي تمر بحالة نفسية مو حلوة وجاي تأذيها حيل .. أريد ابقى يمها
سالم : وشغلك ؟
الثعلب : هاذ الأسبوع كلة ما استغل
سالم : شني هاي !! شنو من شغل هاذ
الثعلب : ذبيتة على الحر .. أساساً شنو انتة واخذ رأيك غير مرتي هيةةة !! دنجب وراح احذها
سدِم : ضلو يتناكرون واخر شي وافق ورحت ويا الثعلب ..
عشت اسوء أيام عمريي .. بس المطمني أنو هوة بصفي .. يسهر للصبح .. ما ينام غير بس ساعات قليلة واليل كلة يسهر بصفي ..
الحمدلله كدرت اتخطى بعد ما أخذت حيِز من حيلي
واضطر الأمر انو ادخل دكتور نفسي ..
مرن الأيام .. وصار وقت تسجيل الجامعات .. ورحت سجلت أني واسيل والبنات سادس صارن ..
سولفت النوسة كل يلي صار ..
نوسة : كو** والله لو بقية الله موجود جان نعل جدهم
سدِم : لعد وين ؟
نوسة : سافر
سدِم : ليش ؟
نوسة : مو كتلج هاي السنة وياخذ إقامة ويكدر بعد يروح ويرجع على راحتة ..
سدِم : ها .. وانتي شلونج شخبارج
نوسة : الحمدلله بخير .. باجر خطوبة اخوي
سدِم : ( بفرح ) ياااا صدككك
نوسة : أي والله .. ولججج عدها أخت يموييييي تجلططط عيونها ثلاث الوان
سدِم : ياااء .. شلون هاي ؟
نوسة : شوفي عين اليمين زركة زراك يجلط .. والثانية خضرة وبيها شوية لون عسلي هيج وعيونها تجننن رسمتهن وحادات .. والعروس هم تجننن
سدِم : تحمست اشوفهن والله
نوسة : خلي تصير الخطوبة واصورلج العروس وبلكي اصور اختها
سدِم : تمام تمام .. صوريلي كلشي
نوسة : بث مباشر ..
سدِم : ضلينا نضحك ونسولف .. وهية هم تخرجها قرب .. وارتني الفستان إلي راح تلبسة .. حيل حلو بس مشلتح ..
سمعت باب البيت ينفتح عرفتة الثعلب .. ودعتها ورحت استقبلة .. وكذالك اجة بأيدة علاليك حلويات تخبللل ..
رحت بفرح حضنتة وهوة هم .. ضل يبوس بية ويحضني بقوة ويتغزل بية .. أحس بهاي الأيام علاقتنا قوت حيل ..
كل ما يجي من شغلة .. اروح استقبلة بفرح وضحكة وكأن طفلة كبالة مو بنية جبيرة .. وعسى ما جايب نستلة أم ثنين بربع هم افرح بيها وكانها طنون ذهب
الرجل حيل يفرح من يشوف مرتة تتلكا بضحكة وفرح .. يحس روحة أنو هوة شي مهم بحياتها ..
وتتلاكا بكلمات حلوة .. وضحكة حلوة من يمها حتى تعبة يروح ..
ضلينا نسولف وناكل ونشاقة ..
الثعلب جان جزء حيل جبير أنو اتخلص من الي جنت بي .. ضحكاتة وشقا وسوالفة الحلوة .. وحبة واهتمامة إلي وسهرة اليالي .. كلش كبر بعيني وحبيتة أضعاف حبي آلة
اجة موعد الدوام .. قبلها بـ يومين رحنا أني ويا نشتري ونجهز اغراضي ..
اشتريت كلشي كالو مهم للجامعة ..
ملابس مريحة ومو حارة ولا تضوج .. لأن المحاضرات تطول .. وافضل شي حذاء رياضية أو شحاطة ( تكرمون ) هوار جايات موديلات جداً جميلة وحلوة وابتعدو عن الگعب لأن مشي ومحاضرات هم هواي ..
ومكياج .. الأفضل واق الشمس .. وكريم بسيط وخفيف .. ومسكرا .. وحمرة وبلاشر فقط !
يكون لطيف وضريف .. شكد ما كان المكياج بسيط شكد ما برز الوجه بطريقة لطيفة وحلوة ..
وجنطة ( أو توت باك ) أفضل حل .. هم تخلي الستايل حلو وهم تكفي لهواي غراض ..
خلصتهن وما اشتريت أي قلم ولا ورقة .. لأن بكل بساطة ما أعرف شنو مستلزمات المرحلة إلي أني بيها .. فا من اروح واجيك الدروس والمواضيع عود هنا اكدر أعرف شنو محتاجة .. وهوة أساساً الجامعة ما بيها كتابة أكثر شي حفضيات أو نسخ ..
خلصت .. ورجعت بوجهي البيت خالي .. طول الطريق الثعلب ضايج مني ..
الثعلب : بربوك .. شكو راجعة موو أني زوجج بربوكتي ..راح تعوفيني وحدي حتى وحشة
سدِم : يلة مو تعودت حضرتك .. وخزرتة بشقة ..
ضلينا نسولف لحد ما وصلنا ودعني وراح .. رحت رتبت الغراض ..
ومرن الأيام وصار أول يوم دوام ..
كعدت الصبح والنشاط ماليني ملي .. وحتى كعدت قبل موعد المنبه
حضرت ملابسي .. أتذكر قبل امي جانت كشاخة اصلية .. وتذكرت فد لبسة جانت حيل
تنورة موردة .. وفالينة نص ردن بيضة وبيها رسمة وتلبس طوك وتخلي شعرها محلل وياها شحاطة گعب .. جنت حيل انعجب بيها وابوي هم .. بالرغم من قسواتة ببعض الاحيان بس حيل جان يحبها ..
لبستهن .. ضليت اتأمل شكلي .. جنت اشبه هواي هواي .. هسة صرت النسخة الأصلية عن امي ..
مسحت دمعتي وخليت واق الشمس .. وحمرة ومسكرا وشوية بلاشر ..
نزلت وبيبي أول ما شافتني باوعت مصدومة .. بجت وكالت ..
الجدة : راحت وعافتجج ذكرة .. اخخخ يايمةة كسرتيني بروحتج يايمةةةة .. شوفي بنيتج كبرت وصارت عروس
سالم : يمة على كيفج البنية منا ..
دار وجهة علية وكال ..
- شنو هاذ الجمال .. ما شاء الله .. تعاي بوية اكلي
سدِم : رغم القهر والاشتياق بس رحت كعدت وياهم نزلت اسيل بستايلها اليخبل .. وشخصيتها إلي مثل الثلج .. اكلنا واجة الثعلب عفت اكلي ورحت اراوي الفستان .. أول ما شافني فتح عيونة بصدمة وضحك
الثعلب : لككك شنو هاذ الجماللل .. لجج سدِم حبيبي شني هاذ الجمالل تخبلينن
سدِم : حضنتة وأني طايرة فرح .. طلعت اسيل وكذالك تلكاها بكلام كلش حلو
وأجة خالي ورحنا ..
جان يوم كلش حلو بس خوف وتوتر .. واسيل من كد التوتر ترجف .. رجال ونساء .. تجمعع قوي جداً لا 200 واحد ولا أكثر .. كلشش هواي كلش ..
قسمي ضعت منة .. آخر شي تعبت وانقهرت وخابرت الثعلب .. شوبة واجة
الثعلب : ها ثعلوبتي .. شني تهتي حبيبي
سدِم : أي .. شني هاي جبيرة وين قسمي !
الثعلب : دتعاي وياي حبيبي ..اسيل راحت القسمها !
سدِم : أي راحتت من زمانننننننننن
الثعلب : تمام حبيبي .. تعاي يروحي
سدِم : دورنا القسم ورحت .. شفت القاعة هدوء والباب مسدود .. خفت حيل ورحت .. دك الباب وفتحة الثعلب وسلم ..
كريم : وين جنتي متأخرة بابا
سدِم : توترت وبس ضحكت وكال الثعلب ..
الثعلب : والله جانت تايهة .. تيهت قسمها وخابرتني وهسة يالة لكينا
ضحك وكال ..
كريم : يلة تفضلي بابا .. اكعدي يم زميلتج فيفيان
سدِم : بست الثعلب ودعتة .. وسميت بأسم الله ودخلت بقدمي اليمين .. ورحت كعدت .. وراح الثعلب ..
- سلام عليكم
فيفيان : وعليكم السلام
سدِم : كلش حبابة وضحكتها حلوة .. تدل على الحماس .. عدلت مقعدي وكالت
فيفيان : تفضلي حبيبتي عدلتة الج
سدِم : شكراً عزيزتي ..
كملت المحاضرة .. والحمدلله جانت سهلة لأن أني أعرف الانكليزي ثعلوبتي علمني ..
شوية بس فهمنا ومدري شنو وضلينا كلة تعارف .. الولد إلي ويانا هم حبابين ..
خلص اليوم والثعلب ما أعرف ليش تأخر والحمدلله فيفيان هم تأخر اخوها .. ضلينا نسولف ..
فيفيان : هاذ إلي اجة وياج منو
سدِم : خطيبي
فيفيان : ياااا عمرييي .. النونو مخطوبة
سدِم : أي
فيفيان : أني هم بس حاجين ويا اهلي ..
سدِم : ها شنو يشتغل
فيفيان : مرحلة أخيرا طب عام
سدِم : ما شاء الله .. شوكت تنخطبون
فيفيان : بس يتخرج
سدِم : مو تنسين عود اعزميني
فيفيان : بدون عزيمة أنتي تجين ..
لزمت أيدي ثنينهن وكالت بضحكة ..
- صرتي صديقتي أنتي بعد ما تعوفين مفهوم !!
سدِم : ضحكت .. وشوية واجة اخوها .. وأني ضليت وحدي .. اجة الثعلب وأني مفحمة رحت صعدت وكلت بعصبية
- ويننن جنت مو متتتت
الثعلب : آسف بعد روحي .. وديت اسين للمستشفى مدري شبيها تخربطت
سدِم : إسم الله .. شبيها ...
خلصت الطريق كلة سوالف .. وصلت للبيت واسيل جانت موجودة .. رحت بدلت ونزلت اتغدة ..
سالم : شلون الجامعة وياجن ؟
سدِم : حلوة
اسيل : ايعععع
سدِم : باوعنا عليها وكلت .. ليش ؟
اسيل : طلاب القسم كلهم بس يحجون وراسي داخ
سالم : لو أنتي إجتماعية جان حبيبتي سوالفهم .. بس انطوائية والهاذ السبب دختي
سدِم : ضلينا نسولف وسولفتلهم على فيفيان ...
.......
مرت سنة ! ..
جانت سنة كلش حلوة .. فيفيان صارت صديقتي كلش وتعرفنا على بنات كلش حبابات ..
اسيل كذالك .. موادها أصعب مني حسب ما قريت وشفت ..
جان أول يوم دوام إلي بالمرحلة الثانية ..
بدلت كذالك ومتحمسة حيل ..
اجة الثعلب وكذالك مثل كل يوم .. يضل طول الطريق يتغزل بية ..
سدِم : دكافي مو راح أموت شبيك
الثعلب : تصيرين شهيدة المستحى
سدِم : ضحكنا وكلت .. ثعلوبي
الثعلب : ياروح ثعلوبج .. نفس ثعلوبج
سدِم : أني مو حبيبتك .. وبنتك .. وعزيزتك هم !
الثعلب : أي
سدِم : خلي اتعلم سياقة حباب
الثعلب : خاف اعلمج ويومية طلابة !!
سدِم : هوة غير راح اتعلم زين يا طلابة هاي !
الثعلب : حاضر حبيبتي حاضر ..
سدِم : فرحت حيل .. كلش أحب السياقة كلش الدرجة اتحلم أني اسوق سيارة وكلش سهلة كلشش
بس العكس .. نوعاً ما صعبة ..
مرن الأيام وتعلمتها .. والثعلب طلعلي رخصة سياقة
وسياقتي يزم عن يوم تقوة .. جنت امشي على سرعة ناصية ..
مرت سنة .. وصرت قديمة على السياقة .. وتخبلت بيها .. أخذ سيارة واحد من الولد وامشي بكل سرعتي .. أكثر من 3 مرات ردت اسوي حادث بس تلاحكت والحمدلله مرت على خير ..
......
خلصت السنين .. والحمدلله تخرجت بأمتياز ..
هاذ فخر بالنسبة إلي ..
الساعة بـ 6 صباحاً ..
دك المنبه .. كعدت بكل حماس .. شغلت قرآن ابدي هاذ اليوم الجميل .. إلي راح اختم بي كل مراحل تعبي بي وسهري اليالي بأمتياز ..
نزلت جوعانة .. لكيتهم محضرين الريوك .. صبحت بحماس والكل فرحان ..
البنات جانن سادس الحمدلله تخرجن بمعدل يرضيهن عدا رقية .. جان حلمها طب بس رب العالمين انطاها الاصح واليناسبها أكثر ..
تريكت ورجعت صعدت الغرفتي ..
سبحت وبدلت .. لبست لبس رسمي لون أبيض .. والكوت راح يكون أحمر .. يعني أحمر وأبيض حيل حلو .. وخليت مكياج حيل لطيف وحلو .. بس طوخت الحمرة وخليتها دم غزال ..
لبست الگعب .. ونزلت .. جدتي ومرت خالي استقبلتي بالهلاهل .. وخالي حيل فرحان .. وحرفياً الكل فرحان ..
حسين .. جان مجدد سيارتة .. مشتري سيارة حديثة وانطانياها بس اليوم ..
حسين : هاج هاي روحي بيها .. بس احركج حرك إذا سويتي بيها شي
سدِم : شكد سرعتها !
خزرني وكال ..
سالم : سدِممممم
سدِم : لاا يعني بس اخذ حذري خالو بس أخذ حذري
سيف : أي كلش .. جداً راح تاخذ حذرها
سدِم : انجب انتة شنو اجذب قابل ؟
ودعتهم ورحت .. وهمة وراي يجون ..
وكالعادة اطلع الفرع امشي بكل سرعة .. اتعجبت بسيارة حسين وسرعتها .. تخبللل سرعتها طريق ساعة وسيتة نص ساعة
رحت ولكيت فيفيان وصديقاتي ..
الفرحة ما سايعتنا أبد .. الله يرزق كل طالب فرحة التخرج ..
مر الوقت وبدت الحفلة .. واجو خالاتي وخوالي .. واولهم الثعلب .. جان جايب كلادة من خمسة وعشرين .. اجة لبسنياها .. وجايب سوار .. اخخخ يا جمالة .. أبيض ويلمع وبي شذر .. لبسنيا وباسني
الثعلب : تستاهل هاي الايدين التعبت ..
سدِم : حضنتة .. وأني ابجي من الفرح .. عفت الهوسة ورحنا أني وصديقاتي نخلص الإحتفال يم اهلنا .. رحت وجانو مسوين حفلة ..
أول ما انفتح الباب تلكوني بالرشاش الأبيض ..
تهت بينهم .. ولد خوالي وبناتهم وخالاتي .. حيل جانت حلوة .. شوية واجة الثعلب ..
الثعلب : تعاي غمضي عيونج
سدِم : ضحكت وعرفت شنو هديتة بس ما عرفت يا لون ! شد عيوني .. وطلعني للكراج .. فتحت عيوني وانصدمت .. سيارة أحلامي كبال عيوني ..
صرت أصرخ من الفرح .. حضنتة وبوستة وحتى من شفتة وكبال الكل ! ليش استحي وهوة حلالي !
رجعت اكلنا كيك .. وصار اليل وبدو يرحون ..
وأخذت البنات فرة بالسيارة .. أغاني وفرح ....
جان يوم أبد ما ينسي ..
صح ما قصرو بشي وفرحوني .. بس رغم كلشي الغصة بگلبي .. تمنيت امي موجودة .. تمنيت تهلهل وتفرح .. جانت تنومني بحضنها وتحجيلي إذا تخرجت شنو تسويلي ! جان حلمها تشوفني متخرجة
رحت سبحت وبدلت .. وتحضرت البكائي وشهكاتي
وبجيت .. بنص انهياري واشتياقي رحت توجهت الربي .. صليت صلاة شكر .. وصلا ركعتين الـ أم البنين والامام علي والعباس عليهم السلام ..
وهسة صار الوقت إلي اوفي نذري للعباس .. ما قصر قمر بني هاشم ..
هدئت بالصلاة .. وكمت نمت .. كعدت ثاني يوم رأستنا نزلت اخبرهم انو نروح للأمام نزور .. وفعلاً محد عارضني .. ضلينا نجهز .. ونشوف منو اليروح ومنو لا ..
مرن ثلاث أيام .. ورحنا كوستر كاملة .. وأني وثعلبي بنفس المكان .. رغم جان معارض وما أعرف ليش حيل استغربت .. طول الطريق حزين وخايف وهواي مشاعر وعيونة فاضحتة عندة كلام بس ما اعرف شنو الكلام !
وصلنا .. وأني امشي دموعي بعيوني وصلت يم أبو فاضل واخذت الجكليت .. صرت اهلهل واطشة واتشكر منة ..
وبعدها كلمن طش بمكاني وجان الموعد مالتنا يم القناة .. لأن ضخمة وجبيرة .. فا ابين ومحد يتيه ..
ضلينا أني والثعلب نمشي .. كل شوية اباوع علي عيونة تلمع .. وجهة أحمر
سدِم : حبيبي .. انتة بخير
الثعلب : أي أي .. أي بخير أني بخير
سدِم : اكو شي مضوجك يروحي .. وضعك مو تمام !
الثعلب : لاا .. بس مشتاق الها .. مشتاق للحسين حيل
سدِم : صارلك شكد ما زاير ؟
الثعلب : هواي حيل
سدِم : ليش
الثعلب : ما اعرف .. لأن غبي .. و.....
سدِم : ضل يحجي ويحجي على روحة .. ويعاتب روحة ..
- كافي حبيبي .. شوف أني راح اروح ويا النساء وانتة ويا الرجال وضل .. احجي وعاتب روحك وطلع كل قهرك .. وحتى ابجي وهوة يحتضنك والله .. كلشي يصير بخير حبيبي
فعلاً .. رحت أني ويا النساء .. وهوة راح
كاعدة وابجي .. ابجي وما أعرف ليش .. أحس بخوف ورجفة ادعي ربي يكون حياتي بخير ويديمنا أني والثعلب .. بس ماعرف ليش كل شوية اسكت وما أعرف احجي أبد ! أول مرة هاي !!
بعد بكاء دام الوقت هواي .. وصلاة وادعية .. كمت ورحت .. لكيت الثعلب كاعد ولام رجلي وحاضنهن ومخلي حنچة على زندة .. وضعة أبد ما مطمني .. أحس بي مقهور ومو بخير !
رحت يمة .. شافني لزم أيدي وباسهن .. كعدت بصفة وخلى ايدة على كتفي وحضني .. وضلينا نتأمل جمال المكان والمعة مالتة ..
مر وقت كلش هواي .. آخر مرة عفنا المجموعة جانت بـ 11 وهسة بدت تفتح الدنية ..
سدِم : يلة نروح حبيبي !
الثعلب : حلو هاذ المكان .. ما أريد اروح
سدِم : بس تأخرنة عليهم
الثعلب : تمام .. يلة نكوم
سدِم : كمنا ولزمت ايدة ورحنا الهم .. لكينة النسوان والولد كلهم مجتمعين .. ماعدا كم شخص ..
سدِم : هاا وين اسيل !
- راحت وحدها تزور
سدِم : كعدت بصفها وكلت بضوجة .. افففف ليش خليتيها تروح وحدها بلكي ضاعت !
- لا هاي رابع مرة تروح وحدها تزور وترجع عادي !
سدِم : وين البقية !
- هم يزورون وبيهم ياكلون
بتعجب ..
سدِم : بعدكم الهسة ما ماكلين ؟
- لا اليجوع يروح يتريك
سدِم : باوعت على الثعلب وكلت .. جوعانة حبيبي
ضحكت بت خالي البصفي وكال ..
الثعلب : ديلة نروح نتريك
سدِم : ابتسمت وانطيتة ايدي وجرني .. كمت ويا ورحنا نختار مطعم .. شفت أكثر مطعم حسيتة حلو وبي تجمعات وحسيتة حنين حيل ..
الثعلب : يلة حبيبي هاذ ؟
سدِم : أي ..
ورحنا كعدنا .. طلبنا أكل وضلينا نسولف وناكل ..
الثعلب : وهسة .. تخرجتي ؟
ابتسمت .. وعرفت شنو راح يكول ..
سدِم : أي
الثعلب : حققتي حلمج ؟
سدِم : أي
الثعلب : اشتريتي سيارة !!
ضحكت حيل وكلت ..
- أي
الثعلب : وهسة شوكت تفكرين بالزواج .. مو حتى جهالي ماراح يشوفون ابوهم المعضل راح يشوفوني شايب .. شيشوفون مني ؟
ضحكت وكلت..
سدِم : بعدني أريد اصير امرأة مستقلة
باوع علية بصدمة وأني اضحك .. ضحك ورفع الخاشوكة وكال ..
الثعلب : ترا بهاي الخاشوكة سدِم .. هسة أني شنو راح اسويلج راح اعدمج لو اكتلج !!
سدِم : أريد اتعين ونوب نزوج والله
الثعلب : بت... .. والله لو مو بالأمام هسة
سدِم : ضحكت وكلت .. كض لسانك يمعود ترا يشور بينا
الثعلب : إلي يگابل وجهج يكدر يكض لسانة !!
سدِم : خفيت ضحكتي بالكوة وكلت .. قصدك مو حلوة .. بس للأسف ضحكت وهوة هم
الثعلب : حتى لو مو حلوة أهم شي گلبي حبج
سدِم : يعني هسة مو حلوة ؟؟
الثعلب : وين اكو أنتي بجمالج ؟؟ .. مسافر وفار الدنية فر وما لكيت هيج وحدة جنها گمر !!
سدِم : غطيت وجهي بالعباة مستحية ..
وضلينا نسولف ..خلصنا شربنا چاي ورجعنا الهم ..
مر الوقت وصارت بـ 1 .. توجهنا للسيارة وطول الطريق سوالف أني والبنات .. اشترينا المحلات كلها حرفياً كل محل ندخل الة احنا نأشر وهمة يدفعون خوب الثعلب ..
ما هليت فلس بجيبة .. اخر محل كال بضحك ..
الثعلب : فلستيني .. وحتى ايدية بعد ما يكفن !
سدِم : يلة عادي عادي .. استلم راتب وانطيك ياهن
ضحك وضلينا نحشش .. والولد خوالي ولدهم حيل اندمجو ويا الثعلب وكأن صار سنين يعرفون بعض ..
بالجية جانت الأماكن مختلفة .. الولد كلهم ليكدام يسولفون واحنا البنات ورا كذالك نسولف ..
مرن الأيام والاشهر .. بدت المدارس .. والحمدلله عن طريق خالتي المدرسة لكيت مدرسة اهلية .. حيل جانت حلوة ومرتبة ..
....
جان أول يوم إلي بالمدرسة ..
كعدت على صوت المنبه .. روتين طبيعي بس بفرح وحماس ..
رحت بدلت .. لبست فستان أحمر شوية قصير .. ونص ردن وردة بف .. وگعب كريمي وجنطة كريمية
كذالك عرفتوني أنو ما أحب غير المكياج البسيط .. واق الشمس .. حمرة لون طبيعي .. بلاشر .. ايلاينر ومسكرا فقط .. لبست گلادة ناعمة .. والسوار إلي هداليا ثعلوبي بالتخرج ..
رشيت عطري المفضل .. ونزلت صبحت بوجهم الحلو الكلة فرح ونشاط .. شافتني جدتي وهم بجت اخخ
الجدة : يايمةةةة .. جنج اميمتج .. تذكر ولكك سليم شلون بدلت ونزلت أول يوم دوام الها ..تذكر شلون طلعت گمر تذكرر
سدِم : وكلبتها مناحة .. هدئتها بالكوة .. أكلت وبعدني أكل ودك هورن .. رحت ركض الثعلبي وأول ما شافني مثل كل مرة شبعني غزل ..
ونوب غزلة مو طبيعي .. يتغزل من كل گلبة
رحت ودخلت برجلي اليمين بعد ما سميت بأسم الله وشفت المدرسة والبنات .. كلش حلوة والزي مرتب حيل وحلو الوانة بناتية والمدرسة حيل حلوة ولطيفة وكبيرة ..
أخذت أول درس وجان كلش لطيف .. ما أخذت دروس للبنات بس ضلينا نتعرف .. وما شاء الله كلش لطيفات وحلوات ..
ومر شهر .. تعودت على المدرسة .. والحمدلله تدريسي جداً حلو .. واكيد صف الست سدِم أقل درجة 90 .. دائماً انطيهن تحفيز .. اخليهم يشجعن للدرسة .. واهم شي انطيهن ولو دقيقتين نحجي علمود لا يصير ملل بالحصة مالتي ويروح حماسهن ويضلن يكرهني .. وبلاخص أني مراهقات اخذتهن بكلامي وتصرفاتي الحلوة واخذتهن مثل ما يحبن ..
اسمح الهن يشربن ماي .. فقط ..
الكادر التدريسي كلهم صغار .. أكبر معلمة عمرها 44 فا الهن شوية خلك مو مثل معلماتنا قبل .. اخخخخ منهن النفس إذا تنفسنا يفصلنا ....
( تكملة الأحداث راح تكون بالبارت الـ 1 ) ..
يتبع ....
للحكاية بقيه 🤍 .....
_________________________
مرحباً حلاواتي .. اعتذر على التأخير بس صحتي مدهورة وكل وقتي علاجات ودوخة ودكتور 😤
المهم .. بديت بسمراء لأن هواي أحداث بالزمن .. أما البقيات كلشي متكرر .. روتين وكلشي متكرر .. فا راح نختصر لأن الروتين يقتل المتعة للأسف
فا إذا تأخرت لاا تعاتبوني لأن صحتي كلش مو تمام كلشش ..
لا تنسون تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨