«حرب نرجسية»
بقلم ريماس الأحمد
قراءة ممتعه 🌼✨
ـــــــــــــــــــــــــــــــ
"
التفت علية وبنبرة حقيرة ومستفزة حجة :
_خصيصا اني كلششششي يحقلي، بعدج متعرفيني ولا تحاولي تتعمقي وانتي تفكري شلون وشوكت، حطيتج براسي على عناد
بقيت ساكتة وحافظت على هدوئي، طلعت لگيت حمزة بالسيارة
قيس شغل سيجارة وخلاها باثمه وفتح الباب وحط الجنطة بيها وعبر من يمي بدون لا يسلم على حمزة حتى
شكد استحقرتله موقفه، التفتت عليه وهو يمشي بكل غرور للبيت،تنهدت وصعدت بالسيارة حجيت:
_السلام عليكم
_وعليكم السلام، شنوو اشوف هاذ هين وجايب جنطتج وماين حيل شسالفة؟!
_حمزة حباب امشي بعدين احجي
_انشوف
مشينا وبعد شي ربع ساعة حجة:
_هاتي شعندج
_الساالفة ومابيها انو حيل مقهورين لان اريد اسافر
_لا ياابة....!!!!، ترا طالعين شي اسبوع من هين وامورنا كلها جهزت حتى جواز سفر لهمام طالعت
_اي شمدريني حيل عمتي تعبت
_اي ادري، بس شنو الشي الي حسيتج متضايگة منه لمن خابرتيني
_الصراحة؟!
_اي.... واذا تريدين تجذبين ظلي ساكتة حتى لا تنزلين من عيني خالص
_حجيت بتوتر: الصراحة قيس يريد يخطبني لجل ابني
_ضحك وحجة: ههههههههه والله قيس اتشرف بيه يكون نسيب لية والأهم يعوض مكان همام، قيس خوش انسان ومحترم وكذا
_انتي جاي تستهزء وما تدري السالفة انحجة بيها ببيت عيالي.... عمي وعمتي شكلهم موافقين
_حجة بعصبية: معناها لااااا عااااااد تدووووسييين بيتهممم خاااالص
حجيت بنفسي هيشذ عصب لمن بس سمع بيهم خاطبيني لقيس عجل لو يعرف شسوا حقارات وياي، رديت حجيت:
_هسة ليش عصبت تخليني احرم احجيلك شي
_صار يتنهد ويستغفر: كملي
_اي يريدون اتزوجه لجل ابقى وياهم وهيشذ يكون حل...
_اي وانتي شنو رأيج
_حمزززة من عقلك جاي تسألني، مستحييييييل ابدل همام برجال الدنيا كله، والنوب اخووووه
_اي زين.... عجل اسمعي رأيي
_هات
_حبيبة هما عملو هالشي مو لسواد عيونج، انما لمصلحة مشان حفيدهم يظل وياهم ولا جان تقدمولج من زمان لون رايدينج لشخصج مو لمن عرفم بيج مسافرة وبعد ابنهم ميشوفونو هاذي شغلة...
شغلة ثانية ابنهم ميطيقونو ودوم جانم يشكون منو، شكثر حجتلي بتول قبل عنه وعن طبعه شيء بسيط تشرح بيه معاناتها وياه....
والشغلة الأهم قيس لو يصبونو ذهب ولو شما يحجي ويحاول يقنعني انو هو خوش انسان ماااااا ازوووجه لووو يمووووت
_اي صح كلامك كله
_وبعدين شهالقلة الأدب يشوفني ويوگف يم سيارتي ولا يكلف نفسه يگول السلام عليكم شهالوقاحة
_هو مدري شلون طبعو، هسة عوفك منو بس نستغيب عالفاضي
_لا بي جواتي نار مشتعلة منو، احسه نجس و متكبر ونافخ حاله بس على شنو على سيارته البايگها من فلوس العالم ولا على سـ... ــلاحه اليتفخفخ بيه
مابي كل ما اشوفنه هالسم باثمه//يقصد السجاير// ورافع خشمه ليفوك وعامل حركات نظارات شمسية ومدري شنوووو
يعني شخصية مهمة وكلهاااا اخررط
جان يحجي عادي وكل ماجاله يعلي بصوته حتى صار يصيح منفعل واحس جواته بركان، حجيت بضحكة:
_هههههههه هسة شبيك عيني عليش تصيح
التفت علية منتبه على حاله ضحك وحجة:
_شمدريني هيشذ احس ارتاح لمن احجي
_هههههههه مو اخاف الصوت وصل قيس
_آااااخ الصوت بالگلب أكبررررر
_سلامتك من الآاااخ حمزاوي
_حجة بغصة: بيدااء اشتگتلهاااا
_يا عمري شنسوي عاد، هاذ الكتبه رب العالمين عليكم
_اااالله كريم، مدري يجيني احساس هية لهالوگت ما تريد غيري بس احس بي شي عندها
_مدري، بس كل ما يجون خطابة ترفض
_آاااااااخ لون بيدي ابوگها من اهلها واهرب بيها بس الحرام موكف بعيني
_يااااا شتحجي، حمزة انت اكبر واوعى من هيشذ تفكير....
گوم صلي بالثلث الأخير من الليل واطلبها من الي خلقك وخلقهاا هو قادر بطرفة عين يفرج عنكم ويجمعكم
_ربي يحفظج يا خيتي والله انو عقلج وتفكيرج اكبر منج بجثيرررر
_لانو حمزة احنا بشر ومو اي شي نگدر نحصله، بس بيقينا برب العالمين وايمانا بيه يرزقنا ويرضينا بالكاتبه
_صح.... الله يبارك بيج، بس والله هيشذ حجيت من باب شكد مقهور
_اعرف يا عمري.... ربي يفرج عنكم ومابعد الصبر الا الفرج ان شاء الله
_ان شاء الله
وصلنا البيت مع المغرب گعدت شوية مع اهلي وبعدها طلعت لغرفتي، شغلت الصوبة اريد اتحمم واحمم همام
دفى البيت همام جان نايم تحممت وشلته وكام يتحرك بيدي معصب بوسته حيل وضميته كل ما افكر يريد يبعدوني عنو احس روحي تروح مني
كزكزت عليه رحت حممته وجبته يم الصوبة البسه، لبسته زين ورضعته ورد نام...
رحت تمددت يمه حاضنته بسته ونمت....
......
لمن مات همام قررت احفظ القرآن كله وبس يكبر همام زاد اخليه يحفظ القرآن كامل
اريده يصير مثل ابوه ملتزم بكلشي،جنت احفظ بسورة النساء بقالي وجهين اخلصها وهمام بحضني وجاي امسح على راسه
طول الوكت خانس ما يتحرك شكد القرآن بيه بركة وسكينة وانس وراحة سبحان الله من لمن ابدي بالقراءة يسكت خالص افرح بيه هيشذ
لان احيانا بي امهات يعودون ويلادهم عالاغاني من صغرهم بس اني ضد هالشي
اجاني حمزة مستعجل، حجة:
_وين شمااااغي البني
_سكرت المصحف حجيت: شبي
_جت سيارة صوبنا من بعيد شفتها
_تلگاه بالخزانة الفوگ
مد ايده عالخزانة سحبه لبسه وطلع برا، كملت اقرأ واكرر بالأيات حتى احفظ لو جان بس وجه واحد
الحمدلله تيسر الحفظ وخلصت الوجهين بكعدتي...
يااالله الفرحة شكبرها لمن تحفظ اية وحدة بس، شكد احس القران ينطي بركة بالبيت الينقرا بيه
سديت القرآن وگلت
«سبحانك اللهم وبحمدك لا إله الا انت استغفرك واتوب اليك»
لانو ورد عن الرسول صلى الله عليه وسلم هاذ الحديث
ردت اتحرك همام نايم يعمري شكد يرتاح....
نومته زين ورحت للمطبخ اشوف شنو مرت علاوي تسوي غدا، القـصف حيل كثران بس بعيد شوية عنا
ما بقى يومين ويجي موعد سفرنا، اريد اليوم گبل باجر نطلع واخلص من كلشي
شي ساعة دخل حمزة معصب وابوية وراه، واني ادحك عليهم مستغربة، حجة حمزة معصب:
_ماااااابي دااااااعي يبة ماااابي داااعي
_طيب اصبر شوية، البنية صغيرة ما تظل بدون جيزة والوليد هيشذ يبقى وياها وهما طمعامين بينا
_لا مو صحيييييح زواااج مصلحة، علييشش ما حجو بيها گبل لا يسمعو بسفرها
_اي يجوز جانم يريدون السالفة تتأخر عن موتتة ابنهم
_هسسسة ليييشش نطووول الساااااالفة مابي عدنا بنية للجيزة وخلاااااص
عرفت قصدهم عني واكيد هاذ قيس الي جة وحجة بالسالفة، دخل "علي حجة:
_شبيكم تسحبتم عالسكت، الزلم بالمضيف ينتظرون ردكم
_ابو علي: هو جاي نتحاجة
_حمزة: الساااااالفة كلهاااا عند بيداء
التفت علية ووجهه احمر حجة: ابن عيالج قيسس جة طلبج للزواج تقبلين بيه؟؟؟!!!!!!
_علي: هسة ليش تصيح انت، اذا جانت تريد توافق بسببك راح تبطل
_حجيت مستعجلة: لا مااا اوافق ومررفوض الامر بشكل جبير واكبر مما تتخيلون
_علي: خيتي، ذولة الجماعة جايينج يريدونج گبل لا يريدون الوليد، لان باخنينج زين عشتي وياهم
_حجيت: لا خوية بعد همااام ما اتزوج خالص مو لان عندي اعتراض
_حمزة: سمعتتتت هسسسة نخبررهم بردهااا
_حجة ابوية يحاول يقنعني: بنيتي انتي بعدج صغيرة وابنج الله يخليه مرجوعه لهله، هيشذ يظل وياج وبين اهله وما اجبرج على شي
_لا يبة ابني يظل وياي طول ماني متزوجة وهو من حقي واني اربيه طول عمري
_علي: اي عاااد شبيها لو تجوزتيه وربيتي ابنج بلا جذب زايد
_حمزه: شنو انت تريد تقنعها برأيك ياخي ما تريد
_علي حجة بعصبية: هسسسسة بس لووو افهمم ليييشش معصب هيشذ، الجماعة ما سوو شي خطأ عملو بالأصول جابو وجاهة وياهم وخطبوها على سنة الله ورسوله
_حمزة: اي وهية ما تريد
_ويطبهاااا طوووب ان شاء الله، عمرررها ما تريد كامت تتعزز، باجر تتندم
_حمزة: وليش جاي تصييييح
_علي: احترررم نفسسسك حمززززة انت جاي تحجي ويا اخوووك الجبيرر
_ابو علي: يااااازي عااااد، هسة نگلهم البنية رافضة وتصطفل هية حرة بحالها
_علي: تصطفلوووون اصلا اني شكاااري
حجاها ورد طلع، حمزة احس النار تطلع من وجهه راح غسل وجهه ورد طلع هو وابوية
جهزت الگهوة وخذاها حمزة، محد رضى يشربها خالص لان من عوايدهم الي يردلهم الطلب ما يتضيفون من عندو
بس شنسوي الزواج مو طلب عادي نگدر نتغاضة عنه
شوية وراحم واني اشتغل الرادار عندي خايفة يبعثلي شي تهديد او شي رسائل يستفسر بيها عن رفضي
فعلا مابي شي ساعة بعثلي رسالة من رقم غريب
« جيتج من الباب طالبج من هلج، جبت وياي شيوخ مكانتهم رفيعة محترم كرامتج ووضعج و رفضتي رغم اني منبهج ومخيرج...
والله العظيم راح اخليج تتوسلين بية وتبوسين الگاع الواگف عليها لجل اتزوجج،ويكون بمعلومج ما عاد ادوس بيتكم طالب ايدج انتي الراح تجيني مذلولة وتتوسلين ....»
خفت من تهديده حيل وبنفس الوكت ميكدر ياخذ ابني مني لو شما يكون وهو احنا هاليومين مسافرين شنو يلحگني يعني، رغم اقنع نفسي بس حيل خايفة منه....
گعدت باليوم الثاني مصحصحة باجر نسافر ان شاء الله، فتحت جوالي شفت رسائل خفت منهم بالأول بس بعدين انتبهت هاذي بتول كاتبة بيهم
📃السلام عليكم، شلونجي بيداء
📃اعرف باجر مسافرة بس تعاي اليوم عقد قراني بس، اريدجي تحضرينو اكيد التلبيسة ما تحضريها
📃اذا ما اجيتي ازعل منجي والله، اعرف صعبة عليج بس يازي شوكت استقر
📃ادعيلي ربي ييسرلي امري
الجوال وگع من ايدي لان حيلي گام يرجف، يااا حرگة گلبك يا حمزة يعني هسة راحت بتول مستحيل ترجعلك خالص راح تصير لغيرك
مدري شحسيت گلبي وجعني على اخوية وبنفس الوكت مابي شي نگدر نسويه، رجعت حاولت اقنع نفسي بس يعني هاذي النهاية اكيد يفترقو واصلا مستحيل قيس ينطيها لحمزة يارب بلكي بسفره ينساها...
آااااخ لا ما اتوقع ينسى صرله شكثر عايفها ما نسيها خالص....
رحت لحمزة حتى اقله يوصلني على بيت عمي ابقى هناك بس شوي وارجع وياه لان خايفة من تصرفات قيس اخاف اشوفو هناك ويوجهلي شي كلام
نزلت جوا لگيته يتفرج عالأخبار من الصبح منسدح وملتف بالبطانية
سلمت وبعد شوية حجيت:
_حمززززة
_هممممم
_تگدر توصلني لبيت عيالي
_لا طبعاا مابي روحة ما صرلج شي راجعة من عدهم
_اريد اودع عمامي وو.....
_وشنوووو، مو هذاك اكيد هناك يظل يختخت
_حجيت والغصة اعتلت گلبي: اليوم عقد بتول وتوسلت بية حتى اجيها واودعهم
صفن شوية وجهه كام ينطي الوان جلس حاله التفت علية رافع حاجبه:
_منو كلج؟
_هية باعثتلي رسائل وتگلي اجي
_انطيني جوالج
_ليش؟؟ !!
_انطيني اياااه بيداء
_هاك
خذا الجوال ودخل لمحادثتنا قرأها وعيونه احسها تتنقل بكل رسالة لگحه علية وحجة:
_اتصلي بيها هسة اريد احاجيها
_لا حمزة انت اوعى من هيشذ شنو تحاجيهااا والله اذا خبرم اهلها يخربون الدنيا
_انتي نفذي الگتلج عليه وبس
_حمزاوي الله يوفقك لا تبليني ويا اخوها
_شكااااررره اخووهااااا؟؟!، بيداااااء اتصلي عليهااااا هسسسسة
_طيب اهدأ شوية، شنو احجي اذا ردت علية
_استفسري منها منو هوا وعن طريق منو
_حمزة....
_اسمعي بيداء اذا ما تتصلين هسة وجدامي والله اطفش خاالص
_راح اتصل بس تصرفك من هسة خطأ
_مو مهم
عرفت بيه ما جاي يصدگ او بالأحرى احسه يريد يجذب حاله، شگد تغيرت حالته وعيونه احمرن
ضغطت على اسمها وگام يرن، فتحت الخط
_هلاااا بيداااء شلونجي
_زينة الحمدلله انتي شلونج
_الحمدلله ماشي الحال
أشرلي حمزة افتح المايك بعدها حجيت:
_اي منو هاذ الخطبج
_من گرايب ابوية، يعني مو حيل گرابة بس من نفس العشيرة
_هااا... زين شنو وضعه وشغيرج حتى وافقتي جنتي ترفضي
_ عمرو 32 دكتور اسنان ومستقر الحمدلله والي غيرني بيداء اني صار عمري بالـ27 يازي اريد استقر
ما حسيت الا حمزة خذى مني الجوال، حاولت اخذه بس حجة بحرگة گلب وكيانه مهتز
_بتووووول احد جبررررج عالزووواااااج
_............. لا رد
_مو جاي احاااااجيييج رديييي عليييية
_بيداء: حباااب حمزززة ياااازي، حرررام علييييك
_بتول: قصتنا انتهت حمزة، اني وياك خطوط متوازية مستحيل نلتقي....
_نكسررر القواااااعد بتوووول لاااااا تذبحيني
_شكثر صرلها ما انكسرت ولا تنكسر طول مابي بيناتنا حواجز
انسد الخط وحمزة وجهه ميتفسر من القهر الصابه، تنهد بقوة استغفر الله وگعد بالگاع مهدود الحيل
رحت يمه حجيت واني احاول اهديه...
_حمزاوي لا تزعل الله يعوضك بخير منها
_بيداء احسهااا مجبورة مدري ليش
_لا حمزة مستحيل لانو ما انجبرت قبل حتى هسة تنجبر
_ياريت انساااها
_حمزة، ميصير هيشذ خلاص البنية ما بقت خطيبتك واليوم تصير لغيرك حرام تظل تحجي عنها ولو گلبك متعلق بيهة....
ترضى اسعتينا احد يحجي عني مثل ما انت تحجي....
_هسة هاي شكارهاااا بهاااي
_والله نفس الشي حمزة، انساها راح تصير على ذمة رجل غيرك هاذي الحقيقة ومايصير تفكر بيها
_حجة بعصبية ونتر : هييييي شنوووو انتي جاااااي تواسينيييي ولا تستفزززيني بكلااااامججج
وخرررري.......
انصدمت من حجيه حيل زعلت منه اني مستحيل استفزه بس جاي احجي الصراحة والحقيقة لان ما اريده يبقى متعلق بوهم
دمعن عيوني هو گام لبس الفروة ولف الجمدانة وطلع
مسحت دموعي وگمت دحگتله من الشباك صعد بالسيارة ومشة.....
انحمست عليه بس شسوي وشنو طالع بيدي عليه، خذيت جوالي وشفت بتول باعثة رسالة
📃والله اذا ما جيتي ازعل منجي
ما رديتلها شي هسة مو حلوة ابعث لحمزة وهو اكيد مقهور.....
من لمن تم الفسخ يجوز خطبها عشرين مرة وكل ما يروح ياخذ وياه وجاهة ويگولولو البنية رافضة
يعني ماقصر خالص من ناحيتها ما نگول انو طنش السالفة بالعكس حيل تمسك بيها وما راد يستسلم
بس خلاص اخر شي بيت عيالي كلولي لا عاد يجي حتى ليظلون يخجلونو ويحرجونو والبنية ما تريدو
من ذاك الوكت ما عاد خطبها، بس بتول جانت دومها ترفض كل من يتقدملها وحسينا انو هية بعدها تريد حمزة
جنت دوم اتوقع انو قيس الو كار بفسخها بس ما نگدر نعمل شي، هية اختو بالبداية والنهاية وهية عمرها ما گالتلي جبرني قيس يجوز بالصحيح ما بقت تريدو
شغلة ساعة وحمزة مو مبين صار العصر خفت ما ألحگ اشوفها اتصلت عليه ورفض المكالمة، رديت اتصلت عليه انطاني مغلق...
صار قصف حيل حوالينا كلنا اجتمعنا بمكان واحد عأساس هين أأمن الشي وبالي حيل انشغل على حمزة خفت لا يصير عليه شي اتصل عليه مغلق
گعدت بالكاع ابجي وخايفة افقده مثل همام وخصيصا هو هسة حيييل معصب
الويلاد كام يبجون خايفين وعلاوي فوك السطح يريد يشوف وين الضرب شكثر حجينا وياه ينزل لا تجيه شظــ... ـية من بعيد وميقتنع
همام گعد يبجي عالصوت اليمه، سمعت صوت سيارة حمزة گلبي فرفح وگفت وجان اشوفه دخل لغرفته
رحتله دگيت الباب حجة:
_خمس دقايق
بقيت واكفة يم غرفته شوية فتحلي الباب مغير لباسه، حجة:
_تريدين تروحين
_والقـصـ.... ـف ؟!
_تصطفلين عملت العلية
راد يسد الباب حجيت:
_حباااب بس يهدا شوية
ما رد علية سد الباب، الاتصالات كامت تجيني من بتول وعمي وعمتي ورسائل كلهم كاتبين بيها
"تعالي نشوفجي ونشوف الوليد كبل لا تسافرون"
سميت بالله وكلت اروح، شافني ابويه رايدة اطلع لغرفتي
_حجة: وين بيداء
_اجهز حالي حتى اروح لبيت عيالي
_يا بنيتي هسة شياخذج متشوفين الـقصـف شلون
_اليوم عقد بنت عيالي ويريدون يودعوني زاد گبل لا اسافر
_منو بتول ولا الثانية
_حجيت باحباط: لا بتول
_هاا يعني اخوج درى حتى هيشذ معصب
_اي يدري
_الله يختار الخير للكل يا بنيتي
_امين
_بس ما تروحين، صار العصر شوكت تروحين وتردين وبعدين باجر من بعد صلاة الفجر طالعين، اعتذري منهم وبنيلهم اسبابج
_اخاف يزعلون يبة
_عجل لا قدر الله وصابكم شي عالطريق، احجيلهم والله هما رح يعذروج
_طيب هسة
دخلت لرقم عمي واتصلت عليه، گام يرن
_السلام عليكم
_وعليكم السلام ورحمة الله وبركاته، شلونك عمي
_الحمدلله بخير انتم شلونكم شخباركم
_الحمدلله، شلونها عمتي
_والله الحمدلله مشغولين اليوم تدرين عقد البنية
_اي صح.... عمي اعذروني ما أگدر اجي
_ليش بنيتي ما نريد نودعكم گبل
_عمي ما تسمع صوت الضرب حوالينا، وابوية گلي خاف يصير علينا شي عالطريق ولا جنت رايدة اجيكم
_لا عجل ابقي.... الاهم انتي وان شاء الله باجر نتلاگى بالكراج نودعكم
_اي ان شاء الله جيب بتول وياكم حباب عمي اريد اودعها زاد
_الكل ان شاء الله يجي
_عمي ادعيلنا وسامحنا القصف حيل قريب منا
_الله يحفظكم يا بنيتي ويحميكم من كل شر، شلونو همام
_زين الحمدلله
_بوسيلي اياه
_ان شاء الله
_تريدين شي انشغلنا شوية
_لا
_السلام عليكم
_وعليكم السلام ورحمة الله وبركاته
انداريت لابوية وحجيت:
_يبة عمي گلي لا اجي خاف علية من الطريق
_گلتلج يا بنيتي مابي احد صاحي يروح بهيشذ وضع
_اي صح
شوية وجان يطلع حمزة مجهز حاله حجة:
_يلا ما تروحين هدا القصـــ... ــــــف شوية
_ابو علي: لا ما تروحون الطريق يخوف
_محد يموت ناقص عمر خلها تشوف عمامها گبل لا تسافر
_حجت وياهم واعتذرت وكلولها لا تجين حتى ما تتعرض لخطر
_اي عاد اني سويت العلية
_ابو علي: ماتقصر اعرفنك
عرفته متعلق بكلشي يخصها ويريد يروح يودع حتى منطقتها....
حيل انقهرت عليه بس مو طالع بإيدنا شي، يعني ما نگدر نعتب على بتول لان مستحيل تصيرله
الله قادر على كل شي بس يجوز بي حكمة بالأمر واحنا ما نعرفها
حوالي المغرب هدى القصف شوية، طلعت لغرفتي اجهز غراضنا عالآخر
گعدنا صلينا الفجر وگمنا مستعجلين نتجهز حتى نطلع على وگت اول الشي راح نروح للشام ومن هناك بطيارة
حجزنا كلشي قبل بوقت واليوم لازم نطلع، خلصنا امورنا كلها وطلعنا الجناطي وكلشي
مشينا بالسيارة اتجاه الكراج، بدنا شي ساعة ونص هيشذ
ما اعرف عجب بيت عمي هناك ولا لاء
جايين بسيارتين اني وابوية وحمزة وعبد الله بسيارة و الباقي بالسيارة الثانية.....
وصلنا حوالي 7:30 وجانم بيت عيالي هناك، جم سلمو وشالم همام وصارو يودعونو
شفت بتول واكفة عيونها دمعن بس نظرها مو صوبي التتفت ليورا وجان اشوف حمزة واگف وزاد عيونه عليها يااعمري حسيته راح يبجي شكد حمسو گلبي ثنيناتهم يبجون، بس بتول خلاص راحت
رحت يمها حجيت:
_شلون گدر لسانج ينطق كلمة موافقة
حضنتني وصارت تبجي حيل وتحجي:
_لان احبه وافقت
_ما فهمت تحبيه وتتزوجي غيره
_خلاص بيداء الله يوفقجي عوفي السالفة
_من حرگة كلبي عليكم احجي هيشذ
_يازي بيداء
سكتت وأشرولنا خواني حتى نروح للتفييش والتفتيش كبل لا نمشي، ودعت بيت عيالي كلهم شكد بجينا وعمتي بس حاضنة همام تبوس بيه وتبجييي بحركة كلب
حسيت للحظة انو اني ظلمتهم بس ما نكدر نمشي الأمور مثل ما نريد ودعت الكل ومشيت عنهم مودعة هالمنطقة الي عشت بيها احلى وامر ايام حياتي
العالم كلها تهجولت من بيوتها بسبب الحـ... ـرب مشيت وهمام عند حمزة حاضنه
وگفنا دور عالتفييش كل عيلتنا جبيرها مع صغيرها بالاول علاوي وعيلته كله سوو تفـيـيش ابوية جان جدامي فيشوله ومشة للطرف الثاني بقينا اني وحمزة بيده همام وعبدالله اخر الشي
انطيته الهوية والجواز الي ولهمام، فيش ومدري شطبع على الجواز وحجة
_تفضلي خيتي عالطرف الثاني
رحت وكفت يم ابوية ننتظر حمزة وعبدالله......
انتبهت بالتفييــش تأخرم ومدري شصار يحجي
بهاتف وحمزة واكف وبي وراه كومة ناس يتنظرون دورهم....
ما حسينا إلا عسـ... ـاكر مقنعين جم على حمزة واحد ضربه وكعه عالگاع والثاني گعد على ظهره يكلبش ايديه، صياح حمزة ما فارق مسامعي خالص وهو يگول:
_شبيييي ليششش هيشذذذ تسووون
_حجة واحد: انجب يالـ*******
بلشم يفشرون ويغلطون عليه، بمجاني ابجي مذعورة وخايفة ابويه ركض عليه وبي واحد منهم دفعه بحيث وگع رحتله وهمام بيدي گام ابوية على حيله وجم اخواني وصارت مدافش بيناتهم وصياح ورجع جة قسم ثاني صار يدفشم اخواني عن حمزة واليمه
رحت من بين الزلم خايفة على حمزة وحيلي كله يرجف صحت بصوتي:
_الله يووفقكم عوووفوووووه
_حجة حمزة: ارجعيييي مجااانججج
ضربه واحد منهم على بطنه صرخت بصوت عالي عصبم عيونه وجت سيارة خذوه بيها...
گعدت بمجاني ابجي خايفة عليه ياربي شصار حتى اخذوه والله حمزة بحاله وما يجي صوب ولا واحد....
حسيت على مرت علاوي جتني تگومني
_گومي بيداء الله يوفقج گومي
_اميينة اخذوووه والله اخذوه هسة شيطلعه من عندهم ياااررربي
_توكلي على الله حمزة زلمة واعي ومو مسوي شي، يحققون وياه ويرجعونو مباشرة
_قصدج يعذبونو ويموتونو ياااااربييي يارررربي تفرررج عنووو
_ابو علي:بيداء بنيتي گومي لا تخافي عليه والله دوم هيشذ يصير بالكراجات تشابه اسماء او يريدون يتأكدون من شي
_حجيت ببجي: يبة ما شفتهم جدام عيونا صارم يضربون بيه عجل هسة لمن يستفردون بيه
_لا تخافين يا بنيتي گومي توكلي على الله وادعيلو هسة اخابر ربيعي اله ايد بهيشذ امور يشوف وضعو شنو من شنو
_اي يبة حباااب اسعتينااااا
_يلا گومي...
گعدنا عالطارف وابوية اتصل عالزلمة اليعرفنو ورد اتصل على غيرو وكل مين يكدر يساعدنا
_حجة علاوي: شصار وياك يبة، هسة نتأخر بالسفر وتروح طيارتنا
_ابو علي: مو الزلمة يريد يسأل عنو
_طيب اني وعيلتي راح نمشي وعود نتلاكى هناك
_حجيت بقهر: وشلون هيشذ گلبك يطاوعك تسافر واخوك انسجن
_اول شي نصي صوتج وثانيا حمزة ماعليه شي يعني شوي ويرجعونو وتلحگونا ومن هناك أأخرلكم موعد سفركم بغير طيارة
_ابو علي: اي زين عجل توكل، وانتي بيداء روحي وياهم اني وعبدالله نبقى ننتظره
_لاااااا وااالله ماااا ارووووح اظل وياكم
_عبدالله: وشمستفادين منج هين غير البجة
_ما اروح
_ابو علي: توكلم على الله ابو زينب
_اجهزلكم اموركم هناك وبيناتنا الجوال
_ان شاء الله
_يلة بخااطركم
_مع السلامه
راح علي وعيلته واخواني الي يريدون يسافرون ويانا زاد، وبقينا اني وعبدالله وابوية
ظلينا ننتظر شي نص ساعة ما رجع مضت ساعة زاد ما بين اني انتهيت بجي خايفة يروح وبعد ما يرجع
ابوية جاه اتصال وكلنا فزينا متحمسين نريد نشوف شبي فتح الاتصال وحجة:
_هلاا..... اي وياك.... لا والله ما احجي خالص... اي.. اي...
لاااااااااااااااااا...
حجاها وحيله كلو يرجف وكام يمشي بحيل مهدود، ثنيناتنا كمنا على گومته نريد نعرف شبي، كمل حجي:
_اي اي وياك والله وياك.... منو ابن الـ*** الي كاتب بيه هيشذ والله مو عبن ابني بس ماله كار بهيشذ امور والله يا ابو شادي ...
ابوية كام يبجي ويفرك بوجهه ويحجي: الله يوفقك تريد عيوني بس ساعده.... ابيع دم گلبي كرماله ولا تخليهم ياخذونو.... اي ان شاء الله حاول الله يرحم والديك وموتاك... اي.. بامان الله
سده وكعد بالگاع يبجي وجتوفه بس يهزن، حجة عبدالله:
_شبي يبة عسى ما شر
_يگهد ويحجي: راح اخوك يا عبدالله
_حجيت بحيل يرجف: ليش يبة شبيه
_كاتبيه بيه تقرير انو هو تابع لفصيل الـ////// وراح ينقلونو لسجن الـ****
_عبدالله: أسالك بالله هالحجي صحيييييييييح؟؟!!
_بجة ابوية: اي والله يا يبة
عبدالله كام على حيله وايدينه على راسه، حجة بقهر:
_والله يا يبة حمزة مو هيشذ والله
_يا روح ابوك اني ادري بس منو يقنعهم هما، اليوم الساعه 12 گلي يسفرونو
اسمعهم يحجون واني فارطة بجي العالم كلها صارت تتفرج علينا وناس تسال شبي وناس تمتم حوالينا، الوضع لا يطاق....
بلحظة فكرت معقول قيس اله ايد بالسالفة؟! بس بنفس الوقت احجي مو لهالدرجة توصل حقارته ونذالته..
بس هو قلي يأذي حمزة اذا تعرضله... بس حمزة ما جة صوبه خالص....
مدري ليش صرت اتذكر كلامه لمن گال انو راح ترجعين مذلولة.... معقولة سوا هيشذ حتى يذلني...
معقول توصل بيه النذالة لهالشي، خذيت جوالي ورحت عطرف واتصلت على بتول:
_هلا بيداء
_حجيت ببجي: بتووووول سؤااااال وااااحد بسسسسس أسألج بااااالله العظييييييم تجاوبي عليه
_شبيجج بيداااااء خوفتيني شبي؟!
_حمزة اعتقلوه هسة ومكتوب بيه تقرير انو متورط بـ،،،،،،،،
_شووووووكت
_من شي ساعة، هسة اسمعي قيس لأي درجة من النذااالة واصل
_ليش شكاره قيس؟
_صدقيني اكيد هوا الكتب بيه التقرير هو وعدني يذلني ويأذي حمزة
_لا بيداااء مو لهالدرجة والله، صح قاسي وميتحاجة احيانا بس مو لدرجة يأذي روح
_بتول حمزة رااااح
صرت ابجي حيل واشهگ سمعتها حجت:
_بيداء اسمعي
_شنو
_قيس يطلع بيده يتوسطله
_اي حبابة احجي وياااااه
_يمصخمممة عجل تريديه يموتني، اول شي راح يقوللي انتي شكارجي، احجي وياه انتي
_لاااااا ما احجي ويا.......
ما لحگت ارد وجان اشوف صور جتني من رقمه حجيت بتوتر:
_بتول بعدين احاجيج
_شكوون بي
سديت الاتصال ورحت لرقمه، الصور حملتهم وانصعقت اشوف حمزة معصب عيونو وحواليه ملثمين والدم نازل من خشمه... اني متت من الخوف عليه احس گلبي فرط
بعث رسالة كاتب بيها:
📃هاذ شمسوي حتى اجانا، لا تحجي لاحد بعثتلج صورته
📃بيداء: عأساس ما تدري، تكتل القتيل وتمشي بجنازته
ليش سويت هيشذ بيه والله حرام عليك
📃اول شي احجي زين وياي لا تخليني اتندم خبرتج الصوج بية
📃قيس أسألك بالله مو انت السبب بسجنه
📃لا، بس هسة بكيفي اطلعه او اسجنه
رغم حجة هيشذ بس احساس بداخلي يكلي انو هو السبب، سكتت ما رديت اجاني اتصال منه، فتحته حجة:
_شلونج
_مو زينة
_اريد احظر رقمج تريدين شي
عرفته يريدني اتوسل بيه حجيت:
_تگدر تطالعه؟
_طبعا
_طيب شمنتظر....؟! مو احنا اهل وتدري انتي زين هو ما عنده هيشذ شي
_منتظر كرامتي الدهستو عليها بوكت خطبتي الج
_المطلوب!!!
_تجين لبيتنا تعتذرين من رفضج الي، وتعتذرين لسفرج وبعد همام عنا وببيت اهلي يتم عقدنا مو بيتكم وما احد يخبر بشي لا بتول ولا ابوج ولا اخوج اذا عرفم بالحجيته يا ويلج....
گمت ابجي حيل وفعلا حسيت بالمذلة الي وعدني بيها گعدت بأرضي فارطة خالص،التفتت لابوية منهار يبجي وعبدالله يمه صافن...
حجة: وياي؟
_اي، بس شنو يضمنلي طلعة حمزة
_ها يعني نكول موافقة على شروطي
_كلشي يهون كرمال اخوية
_زين... عجل اسمعي شروطي
_مو گلتهم
_اي ركزي بيهم....راح اطالع اخوج عالساعة 10 وراح تعرفون اني توسطتله حتى يطلع وراح أگلكم تفضلم وياي عالبيت حتى اجهزله ورقة تبقى عنده حتى ما يتعرضله احد طبعا سفرج ملتغي وهما براحتهم...
هناك لمن تشوفين اخوج صار بالأمن تعتذرين جدام الكل وتحجي انو انتي تريدين تبقين هين ببيت اهلي وما تسافرين ويا اهلج مشان الصغيرون وتقترحين على اهلي عقدنا وما تبينين ولو بنظرات عيونج انو مجبورة وترا اني مو جابرج القرار بيدج
..... يمة شگد حسيت بالإهانة واني اتخيل الموقف، جنت افكر ارفض بس اتذكر حمزة واكول لو شما يكون اسوي لجله...
_هسة شنو شعورك وانت جاي تحجيلي شلون راح تذلني وشنو شعورك الاني الي اطلب العقد منك
_ليش شبيها.... عادي اريد استمتع بمذلتج نهثل ما ذليتيني
_حسبي الله عليييك
_اسسسسسسمعيييي مووووو جاااابررررج تگدرين تنقلعين وانسيي اخوووج، جاي تتحسب علية
سد الاتصال بوجهي ودگات گلبي حيييل تسرعت خفت لا اضيع اخوية بسبب حرصي على كرامتي...
اتصلت عليه رفض... رديت اتصلت عليه مرتين زاد رفض....
فرط حيلي لمن اتخيل بسببي راح يظل مسجون، ابجي واكتبله رسائل واني اتوسل بيه حتى يرضى يحاجيني
اتصل وفتحت الاتصال
_اني رضيانة بكلشي بس طلعه والله اسوي كلشي
_اعتبري اخوكي وياكم
سده و اتخيل شلون اروح احجي هيشذ جدام عيالي صابتني لحظة ادراك انو راح حياتي راح ترتبط بحياته من اليوم
همام..... وينكك... يارررربي ليششش راااح ليششش
جسمي كله اشتعل نار راسي احسه يريد ينفجر شلون قيس راح يصير زوج لية....
رفعت نظري لابوية منتظر الزلمة يردله جواب وبعده ما اتصل، بلعت ريگ واني احجي بنفسي:
_لا تجزعي من قضاء الله عزوجل وقدره كلله خيررر كله خيررر......اي اكيد
«وعسى أن تكرهو شيئا وهو خير لكم وعسى ان تحبو شيئا وهو شر لكم والله يعلم وانتم لا تعلمون»
أكيد كلشي يصير علينا خير اذا كنا مؤمنين فعلا، الحمدلله على كل حال.......
گمت رحت يم ابوية حجيت بتعب: يبة شصار ويا الزلمة
_ما اتصل علية
_انت اتصل عليه
_اتصل يگلي ما بإيدو شي
_عبدالله: سبحان الله من وين طلعتلنا هالسالفة
_ابو علي: ما ادري.... ما ادري
بقينا ننتظر بحديقة الكراج واني على نار، صارت الساعة بالعشرة إلا ربع ومابي احد بين ....
ايدية يرجفن خالص مو فطرانة وبنفس الوكت متوترة وخايفة يكون جاي بجذب علية ويريد يذلني بالحجي....
صرت ادعي بگلبي اجانا اتصال كلنا فزينا متأملين ويكون علي:
_اي يبة شبيك.... لا والله لحد هسة ما جاني اتصال خالص.... يگول مليوصة السالفة..... ما ادري خليها ليباجر سفرتنا.... لا لا انت روح يا وليدي شطالع بيدك..... بيا حال مو اليوم بس منتظرين.... اي.... يلا اودعناكم
سد ابوية الاتصال وصارت الساعة عشرة وخمسة مابي احد بين، توقعته جذب علية...
عالساعة عشرة ونص وگفت سيارته جدامنا، رفعت راسي وجان اشوف حمزة صاعد من جدام
ابوية گام ركض عليه وانا فرحي انمزج بخوف وقلق من الجاي
نزل حمزة بس ياعمري شماكل ضرب وجهه ازرگ واثمه مشگوك وحالته حالة...
نزل قيس وراه يدخن وهو مبتسم واني الخوف تملكني بسببه، خلاص اخوية طلع ما أكدر اغير رأيي
خلاص صار اليريده........
يتبع.... #
رأيكم بالبارت 🔥🔥🔥
ـــــــــــــــــــــــــــــــــــــ
‼️‼️‼️‼️‼️‼️‼️
مشان موضوع كتابة التقارير صارت هي الشغلة عنا اياها كتيرة كل مين بيكره التاني يكتب فيه تقرير، ويروحه خالص.....
وبالنسبة للي بيسأل الرواية حقيقية ولا لاء
الرواية مقتبسة من قصص حقيقية كلها صارت
ومستحيل يكون في رواية ما يدخلها الخيال لترتيب الأحداث وزيادة جمال الرواية
ازا عجبكن البارت لا تنسو التصويت
✨✨✨✨✨✨✨✨
⭐⭐⭐⭐⭐⭐⭐⭐
في أمان الله🌹
"
'