رواية_هوه_اليثُ_وأنا_لبوتهُ
# بقلمي: فاطمه احمد
لاتنسون التصويت بالنجمه والتعليقات بين الفقرات ومتابعه لحسابي +حساباتي الباقيات تلگوهن تحت بأخر البارت قرأه ممتعه💖
عـن لُساטּ "طيبه"
اريد اكعد الوحدي هواي
واليكعد الوحده هواي ماينسه
ترا الكدامكم خاسر
هواي اشياء
واخر شي خسر نفسه
عـن لُسان " اليثُ "
سـاعتها الـعمر مستعمل يصير
وأحلامك شويه شويه تنهد
صـح ينگتب عايش بالسجلات
بـس انتَ مجرد رقـم ينعد
★----------------------------------------------★
انكسرت بعده بس ماكسرت بناتي كعدت عليهن وصلتهن الطريق الصح وخليتهن يعتمدن على الدراسه تعرفت على جوارينه مره ونعم المره اشايله من اخلاق ونعم تربيه مرة سنه واحنه صديقات لـكن بيوم جنت يمهم عازميني على غده وجان انصدم بلي اسمعه بحيث حسيت احد ضرنبي على راسي وگفت استيعابي..
عِماد: شبيج يامره گتلج منتضر الـ ********* باع بنته زهراء ب$$$ تحجيـن صدك انتي ويـن يرجعهه بعد
ورده: يمةة عمت عيني يبع ضناه بفلوسس
عِماد: شعبالج انتي لناس كامت تبيع ضناها على مود الگمه
سـمعت هل كلام وبعدها صار همس كلش ضعيف ماكدرت اسمع شي من بسبساتهم بس الي فهمته انـو زهراء بنت منتضر!!!!!
ماخذيها ومتمنيهه ومربيهه؟
هواي اسئله ابالي بسس ماكو الهن أجوبه؛
عقلي وتفكيري كله مخربط وماعرف شصارلي للحضه احس الكاع كامت تفتر بيه كمت على حيلي عسى ولعلا اكدر اسمع شي وطلع شگي محله وكفت مصدومه بمكاني ماردف ولا حرگه...
لزمت گلاص المي اريد اشرب وگع من ايدي وصار رماد على اثر الصوت طلعو عِماد ورده يتراگضون
ورده: شبيج طيبه سلامات
طيبة: ورده زهراء مو بنتج!
ورده: ه هاا شنوو لا شنو هل حجي
طيبه: ورده تحجين صدكك انتيي
عِماد: استهدي بالرحمٰن خويه
طيبة: شنو اهدء ولككك انتَ تعرففف زهراااء منوووووو
باوعولي ثنينهم بنضره استغراب وعدم فهم...
ورده: منو؟؟
كعدت بالكاع على حيلي ودنگت راسي ودموعي الحاره بدت تنزل على ثغري واحجي وابجي بحرگه گلب ملجوم مـن چتاله...
طيبه: زهراء هاي تصير بنت زوجي أييي ايي بنت زوجيي بنت زوجييي منتضرر عنده اربع بنات قبل زهراء واكبر منهه كلهن متعذبات هسه من ورا كلهن عاشن نفسس العيشه كلهن ادمرت حياتهنن بسببه هاذ أب ضالمم وابويه اضلم منه باعني اله بيعع بفلوس باعني اله وكسررني وخدعني وهمني
شهگت بصوت مسموع ومسحت دموعي من خدي وبديت اكمل حجي وهمه واحد صافن بوجه ثاني ومستغربين من الكلام الي أحجي وعلامات الاستفهام مرسومه على وجوهم....
عِماد: انتي مرت منتضر الـ *****
هزيت راسي بمعنى أي ودمعتي غدرتني ونزلت على خدي...
عِماد: وينه هسه
طيبه: راح ﷲ ويا
عِماد: خيتي والله ماجنت ادري هيج
طيبه: حقك اخويه حقك محد يدري بضيم گلبي والي عشته بهوسة سنيني وتعب ونگسر ضهري
بديت احجيلهم أڪثر على الي عشته ويا اهلي وعلى الي عشته ويا منتضر ويا ابويه وبيت جدي حجيت هواي وفهمت منهم انو مهره ام زهراء الحقيقيه عدها أخت بكربلاء وعايشه وأدور عليهه وماتدري رجل اختهه بايع ضناه....
مـرت الساعات والدقايق والثواني والايام والاسابيع والاشهر والاسنوات والاعوام على مرور السنين وگبرت بناتي وخليتهن يگملن دراسه زهراء ونور صارن مثل التوئم خوات صديقات ومروه وياهن حسبتهه مثل بناتي وأكثر ﷲ شاهد بنتي وجبيرتي وفرحتي الاولى أنخطبت وفرحتي ماتوصف بوكتهه فرحت. الها من كل كلبي...
بـعدد ماتوفو اهله اخذتهه وربيهه يمي وزوجت وصارت مشاكل واحداث وحوادث واشڪالات ونفصلت عـن زوجهه لمدة سنه بـدون طلاق...
لـڪن هوه جان كل يوم أو بين فتره والثاني لو يجي. لو ينتصل بيه ويسأل عليهه بس هيه راسها يابس وماتفكر زيـن الرجال هايم بيهه وهيه ولاعبالك هوه صح هواي گسرها وحقهه اني وياهه بهاذ شي بـس هوه ماله ذنب...
بسبب الي عاشه قبل ڪُل انسان اله ماضي يتناسى بوقت كلش قليل وهاذ الشي يأثر عليه وعلى مستقبله وعلى اشيائه الخاصه..
الخيانه كلش تأذي خاصتاََ مـن تڪون مـن الشخص الي تحبي والشخص الي ارتاحيتيله اني مجربه هل شي مو بس يأذي يشلع الگلب ويلوعه..
بـس اكيد كل خطأ يتصحح وهوه ما شاء الله گدر يفكر ويوسع عقله وطلق زوجته السابقه "جُمانه" وعاش حياته الجديده والهادئه ويا زهراء بس كل فرح لازم ميدوم واكو عواصف تهدمه....
★----------------------------------------------★
ودعتهم وصعدت بالسيارة والجنطه ورا صعد ومشت السياره واني اباوع على نور مطلعه راسها من لباب وتأشر بمعنى بااي وتوزع بوسات بالهوى..
ودرت وجهي بعد ماطلعه من الفرع مالتهم متوجهين البيتنا والحياتي المجهوله الي ماعرف شنو راح يصير بيهه وهل هل شي زيـن الي لو....
اشياء انصدمت أڪثر مـن عرفت بشغله وگفت شعر راسي وخلتني اضرب نفسي حتى اسوعب هل شي حقيقه مو حلم...
بعد مرور الطريق وصلنه البيت أهل اليثُ فتح باب سياره ونزل قبلي واني بقيت كاعده على گعدتي ماتحركت ماعرف شنو أجاني انجمدت بمكاني وحسيت راح يصير شي ابد مو زيـن...
تقدم وفتح باب اليمي ومدلي ايده صافحته ونزلت ويا فتح الصندوق ونزل الجنط بأثين اديه تقدمنه على الباب توني دا اريد ادكه وجان ينفتح ويطلع بوجهي صگر...
صگر: يااا هلااا وميةةة هلاااا بمرة العزيز والغالي بعدد روح عيونييي
اليثُ: روحك عدهه عيون؟
صگر: افاا روحي حتى حبشكلات عدهه
اليثُ: شگد ملطلط امشي طب جوه لاكسرك
صگر: جااي ناار عليه شكوو (بغمزه)
اليثُ: مو چن جلدك يحكك؟؟؟؟
صگر: ههههههه هههههه تفضلو تفضلوو
ضحكت على سوالف صگر ادري بي يريد يلطف الجو بس أضاهر اخو ماعرف شبي مسطور أو مزعوج من شي خاص ﷲ أعلم بعد...
دخلنه جوه واستقبلني البنات لُيان وهُدى وعمتي واستغربت من ماشفت فاطمه! بس سويت نفسي طبيعيه وحتى ماسئلت ..
كعدنه والبنات گامن حضرن الاكل بسرعه وماخلني اساعدهن بشي ابد بس يسولفن ويضحكن وفرحانات وفرحت على فرحتهن..
بسس عيوني وگلبي وعقلي مو يمهن ابد بالي يم اليثُ صـافن وساكت وهادئ من اجينه الاحد الادن مستحيل هيج لازم اكو شي...
صبينه الاكل وكعدو الكل ياگلون بهدوء لكن سوالف هُدى وصگر مينمل منهه موتونه ضحك أكثر ثنين يغيرون نفسيتنه ويسوون واهس للشقه والضحك...
كملنه وكمت ويا البنات گوه قنعتهن اساعدهن شوي كملت كلشي ورحت لصاله گل بالي اشوفه كاعد بس لا طلعت غلطانه مالكيته بالصاله سئلت هُدى وكالتلي..
هُدى: اسد صعد فوك شفته قبل شوي
زهراء: ها تمام لعد صاعده اني
صعدت وامشي على گيفي ماعرف ليش داسوي هيج بسس الفوك هدوء واني اتمشه جان اسمع بسبسات قريبه كلش على غرفتنه اني واسد..
استغربت وتقدمت اكثر وجان اسمع الي سمعته وگفت مصدومه بمكاني وفاتحه عيوني على وساعهن على جرأتهه......
فاطمه: اسد واللهه احبك واللههه احبكك يعنيي شلون بيهه اگتلللل نفسيي حتىى انساااكك شبيه ماحبيتنيي يـلههه كلي شنووو الشي الي عد زهراااء وماعنديي انيي كليي يلاا گليي
اليثُ: تـروحيلهه سبع فدوات لتراب رجلهه تقارنين نفسج بيهه لو تموتين ماتوصلين الترافة گلبهه!! من گل عقلج
فاطمه: ايي ايي اقارن نفسي بيهه شنوو احسن منييي شو انيي احلاََ منهه وحتى انزك منهه هيه منيلهه هاي العوبه الفاهيه منين لكيتهه انتَ
اليثُ: لسانج الزمي فاطمه تره الاحد هاي لحضه متحملج وساكتلج ماريد أمد ايدي على مره المطلوب شنووو
فاطمه: ازوجني
اسمع ڪلامهه وبودي ادخل ادوس بمصارينهه واطلع روحهه واشويها واحركهه على هاي الجرأه الشايلتهه گمت أكل بضافيري بحيث تزلغن وگامن يذبن دم بسس ماحس بيهن...
اليثُ: أطلعي بره فاطمه
فاطمه: ماطلع حبيبي انتَ الي ماخليك الهاي الفاهيه ختولي
اليثُ: فاطمه احترمي نفسج وطلعي بره
فاطمه: ماطلع
فتحت لباب عليهم وثنينهم فزو واسد فتح عيونه مصدوم لكن فاطمه ماهمهه بالعكس تتبسم...
زهراء: شصاير هنا احد يفهمني؟
فاطمة: اني افهمج حبيبتي
اليثُ: فاطمه طلعي بره كتلج
فاطمه: اسد راح يزوجني الرضيتي أو لا هل شي مايهمني يهمني اسدد وبسسس
اباوع على اسد عيونه صارت بگصته تقدم عليهه وسحبهه من ايدهه ودفعهه بره وسد الباب وقفله مرتين وشال المفتاح وضمه فوك الكنتور...
راح گعد على الجربايه وعيوني تراقبه بكل تدقيق ودنك راسه وحط ايده على عيونه وعروك رگبته مبينه من العصبيه رحت كعدت قريب عليه...
زهراء: فاطمه تحبك
رفع راسه رأساََ يباوعلي بنضرات حيره
اليثُ: ماريدهه
زهراء: بس هيه تريدك
اليثُ: واني اريدج
بقيت صافنه عليه ماعرف شنو اجاوبه وهوه هم كذالك لگن تقدم عليه واخذني بحضنه واني ماعارضت هل شي ولا سويت أي ردة فعل...
نزع الحجاب مني وفتح شعري بأيده وضل يلعب بي ويبوس ويشم بشعري..
اليثُ: ماريد غيرج
زهراء: ليش
اليثُ: بس انتي الخذتي گلبي وعقلي وتفكيري
زهراء: شنو ذنب الشخص الي يحب من طرف واحد
اليثُ: وانتي صدكتيهه
زهراء: وانتَ ماسمعت كلامهه شلون جانت تحجي بانفعال وحرگتة گلب اسد تره فاطمه تحبك هواي خطيه
اليثُ: بابه جذابه انسي موضوع ختولي
زهراء: اذا اطلب منك شغله تسويهه!
اليثُ: عيوني الج
زهراء: خليهه تبقى هنا واني احجي وياهه وافهمهه انك ماتحبهه
اليثُ: زهراء ماريدهه تأذيج
زهراء؛ ليش تأذيني
اليثُ؛ لان تڪرهج
زهراء: وليش تكرهني
اليثُ؛ لاني احبج
زهراء: لا ماتكدر تسوي شي لان تخاف منك معليك اني احجي واتفاهم وياهه
سكت ماجاوبني ذب حسره قويه وسحبني وحضني بقوه عبالك راح اشرد منه حاوطني مـن كل الانتجاهات ويمسح على شعري بحنيه غفيت واني بحضنه كعدت على صوت دكت تلفون باوعت يمي اسد مموجود رفعت تلفون جان المنتصل هوه استغربت وفتحت خط..
هاي وينك انتَ
اليثُ: صار عندي واجب وطلعت ودماردت أكعدج جنتي نايمه بعمق
زهراء: وليش ماكعدتني
اليثُ: وهسه فوك ماعفتج نايمه
زهراء: ااوفف منك اوفف
اليثُ: يصير ابوس الـ اوفف
زهراء: لا طبعاً ميصير
اليثُ: خبيثه
زهراء: اي شوكت ترجع
اليثُ: أشتاقيتيلي؟
زهراء: لاا بسس جعت
اليثُ: يمه الهايشه مالتي جوعانه
زهراء: شنوووووو
اليثُ: اقصدد الـ دبدوب
زهراء: لاا اسد سمعتك كلت هايشه عزه بعينج لبوه يعني انيييي هايشههه انيييي سمينه مووو
اليثُ: لااا بويه وعلي اشاقه اكو احله من رشاقتج اروحلهه فدوه
زهراء: اايي جذب جذبب حسابك بعدين
اليثُ: مو اخذج الواهس هواي!.
زهراء: تستاهل
اليثُ: صايره نچره
زهراء: لعد شعبالك
اليثُ: گفوو گفوو دخل ارجع ويصير خير
زهراء: عود جيبلي وياك أكل لان جوعانه
اليثُ: صـار
زهراء: واريد حلويات وجبوسه ونساتل
اليثُ: صـار
زهراء: واريد عصير
اليثُ: اويليي على العسير اويليي
زهراء: تره والله گلت عصير انتَ سُمعك مدري شبي
اليثُ: لا كلتي عسير
زهراء: لا عصير
اليثُ: عسير شنو تردين
زهراء: بُرتقال
اليثُ: تردين عسير بورتوقال
زهراء: هههههههه اسدد والله حلگي نعوج كافيي
اليثُ: ضحگتج عندي تسوه الدنيا واهله
زهراء: امممم
اليثُ: يله صار عندي شغل رايح
سد الانتصال بسرعه ماهتميت لان صدك شغله صعب هل فتره ذبيت تلفون على جربايه وگمت فتحت لكنتور وطلعت تراك البدي مالته يصير طويل لحد الركبه لونه وردي بناتي دخلت سبحت ولبسته طلعت اشسور شعري وسويته (ذيل حصان ناصي)
ونزلت خُصلتين ناعمات وخليت مُرطب بشره لان صار هواي ممهتمه أبشرتي وخليت مسگاره وحمره بناتيه ومورد خدود هادئ ولبست التراچي الجابلي ياهن اسد بعيد ميلادي ناعمات ونازكات كلش ولبست قدمات وحطيت شال على راسي ونزلت لكيت عمتي ولُيان بالمطبخ ديسون غده...
لُيان: صباح الخيرر واخيراََ گعدتي شتاقتيلج والله
زهراء: يااعمريي واني هم مشتاقتلج هوايه وينهه الفاره ايه
لُيان: يمه شلعت گلبي كوه نامت البارحه مادري شجاهه ماخذت عينهه نوم
زهراء: خطيه خاف لان دتطلع أسنان دتتأذه
لُيان: اي هوه هيج موتتني
زهراء: غيث وصگر وهُدى وين
لُيان: هُدى وصگر بالدوام وغيث واليثُ طلعو لشغل بس اني وياج واعمتي وفاطمه هنا
زهراء: شجاي تسوين غده اساعدج
لُيان: لا كمت ماعندي شي اذا تردين سوي زلاطه
هزيت راسي ب أي ورحت للثلاجه طلعت الشغلات الي يستخدومها للزلاطه وبديت اتفنن بيهه بعد موهبتي هاي سويت اربع صحون وخليتهن على الميز وكعدنه نسولف منطلقين اني ولُيان وعمتي وفاطمه ابد ماشتفهن كاعدات بالغرفه وماطلعن..........
صارت الساعه بالوحده ونص واجو الولد من الشغل وياهم اليثُ گلهم دخلو سوه استغربنه اني ولُيان وكلنه شنو هذول منتفقين. بسس طلع لا جااين كلهم بنفس الوقت صدفه..
اليثُ صعد سبح ونزل والباقين كذالك اجتمعو حوالين الميز وبدينه ننقل الاكل اني ولُيان ويانه هُدى طلعت عمتي وفاطمه من الغرفه وجوهن ميتفسرن الكل انتبه عليهن بس محد گدر يحجي شي..
كعدنه ناكل والهدوء سيد المكان كسر هل هدوء سؤال عمتي موجه الصگر..
ام اليثُ: يمه وليدي مانوي تزوج
صگر: اححم ويايي
هُدى: ليش اكو غيرك هنا مامزوج
غيث: ااي صدك اكو غيرك
صگر: اي هاي البقره هُدى
هُدى: يااا صگر هاي عليه
صگر: لا على امي
ام اليثُ: يا ملعون مو احجي وياك ليش غلست
صگر: يمه مامفكر بالزواج حالياََ
اليثُ: وليش بله استاذ مامفكر بالزواج حالياََ
صگر: والله يا خويه عندي أشغال واعمال وابالي افكار اريد اسويهن قبل لا اورط نفسي بالزواج
غيث: والله خوششش تفكر گفووو
لُيان: شقصدك غيث!!
غيث: حبيبتي ماقصدي شي
لُيان: لا يعني تورطت بيه هاذ قصدك مو هاهيه فهمت يصير خيرر
صگر: ههههههههه تعاࢪگوووو
هُدى: السبع يطلع دم
اسمعهم وميته ضحك على سوالفهم شكد ينحبون هل أخوان عين البارده عليهم ويحفضهم الـرحمٰن
ام اليثُ: بسس اني لاگيتلك مره ونعم المره
هُدى: ادورين مره الاخوي الصغيررر بدونيييييييي
لاااا مارضاهه
اليثُ: هُدى صوتج
هُدى: sorry انفعلت زياده عن الزوم
صگر: منو المره
ام اليثُ: بنت صديقتي حكيمه تعرفهه
هُدى: هاي الي بالجامعه وياي سمرر؟؟؟؟
ام اليثُ: اي سمر
هُدى: لا بربج يمه عفتيهه كلهه رحتي على سمر
ام اليثُ: دنجبي وشبيهه البت شو جمال وحشمه واخلاق
تقربت على صگر وحجيت بهمس
هُدى: دير بالك تتورط قد احذر من أنذر بعد كتلك اني وبگيفك
صگر: تعااي ابوسج
اليثُ: شجاي تبسبسون
صگر: اني واختي شعليك
اليثُ: راح أكوملك
صگر: تفضل اخي العزيز
هُدى: اهوو دگعدوو اكلج يمه هاي متفده سمر اني عندي وحده بعدين اسولفلج عليهه خوش بنيه متأكده راح تعجبه الصگورتي
كملو سوالفهم بين الضحك والشقه ومداهرات صگر وهُدى الماتخلص كملنه غده والكل راح الغرفته بقينه بس احنه البنات الثلاثه سوينه جاي وشربنه وبدينه انضف بالمطبخ كملت كلشي والبنات راحن على غرفهن واني داصعد فوك جذبني صوت جاي مـن غرفتي هل صوت أعرفه سامعته قبل تقدمت أكثر يم الباب بلعت ريگ قوي وجان انصدم بالي اسمعه...
__________________________________
نور: كاعده وحايره بالكلام الي حجتلي يا لبوه بعدني الاحد الان مامستوعبه هل شي حقيقيه وصدك امي هيج! زيـن ليش ماحجتلي اني مو بنتهه ليش ضمت عليه هيج سر جبير شنو غايتهه من هل شي استغفرت ربي اكثر من مره وبالي اخذ القرار الصح باوعت على ساعه جانت ب 12 بليل كمت متوجهه الغرفة امي دكيت الباب وفتحته جانت نايمه تقدمت ناحيتهه دغيتهه بأيدي فزت بسرعه متفاجئه من وجودي هيج وقت يمهه علامات الخوف والقلق انرسمت على وجهه حجت وهيه تلهث..
طيبه: خير يمه بيج شي
نور: لا امي اهدي مابيه شي بس اجيت احجي وياج بموضوع قالقني كلش
طيبه: احجي بنتي خوفتيني
عدلت كعدتهه ومكعدت بصفهه منزله راسي واحجي ومنطلقه بالكلام كل الي حجتلي يا لبوه كلته الهه وهيه فاتحه عيونهه على وساعهن ومصدومه ومدهوشه من كلامي..
نور: يمه ليش ضميتي عليه كل هاذ وماحجيتيلي ليش اني بنتج اخر من يعلم
طيبه: منو كلج بكل هاذ
نور: معليج شلون ومنين عرفت المهم عرفت ليش ماكلتيلي ليشش ضميتي عليهه اريدد اعرف هسهه اريدد اعرف ليششش
طيبه: اني جنت متزوجه ابو زهراء
حجتهه وطكت بالبجي وادك على وجهه بهستريه
واني صافنه عليهه ودموعي تنزل بغزاره ماردف أي ردة فعل بدت تحجي كلشي عن علاقتهه سابقاََ ويا ابو زهراء منتضر..
وانصدمت اكثر من عرفت انو عده بنات غير زهراء....
زيـننن ليششش فرقق الخواات ليشش فرقهمم
طيبه: جاان يريد ولد يشيل اسمه وزهراء اجت بوقت مامناسب وذب حرگتهه بيهه وگعت بيهه المكسورة الخاطر
نور: يمةة شنو ذنبهه حملت كل هل عذاب وهيه طفله ذبوهه بدار ايتام وهيه عدهه اهل وعشيره تسد عين شمس وعدهه خوات وفوك كل هاذ انخطفت واغتصبوها وزوجتوها بعمر صغير كسرتوهه يمه كسرتوهه
گمت طلعت من الغرفه واني مفرفحه من البجي احس كلبي راح يطلع من مكانه بعد ماتحمل اكعد لحضه بهاذ البيت صعدت للغرفه سحبتلي صايه وحجاب لبستهم شلون ماجان ودموعي تنزل وماوگفت ولا لحضه سحبت تلفوني ونزلت اركض فتحت باب الڪيليدور واركض فتحت باب الشارع واسمع صوت امي ورايه ماهميت اريد بسس اطلع احس نفسي ضاگ وختنگت اريد اهج من البيت امشي واني ماعرف وين اروح...
شوارع ضلمه وهوى يگص من البرد وبس صوت الكلاب مسموع بالشارع امشي واني ابجي بصوت عالي وشهكاتي واصله السابع جار...
كعدت بالكاع والمكان ثلج والهوى والعاصفه الصارت تكص گص من البرد والمطر ينزل خفيف ابجي بحرگة گلب واصيح بصوت مسموع بسس محد يسمعني محد يسمه للنار الي بگلبي محد حاسسس بيه كاعده بنص شارع ضلام دامس بس اصوات الجلاب تصيح والشارع هدوءءء وصوت المطر الخفيف مسموع...
فجأة رفعت راسي مـن الكاعع واني ملابسي صايره قطعه من الماءءء بسبب المطر وباعت على ضوه سياره قوي صار بنص عيني وصوت الهوࢪن طرب مسامعي ماهتميت اله بقيت مدنگه راسي ماحس غير ارفعت من الكاع ونرگعت گف قوي بحيث احس وجهي خدر من قوته رفعت راسي وجان اشوف جعفر...
جعفر: انتي مخبلةةةة طالعههه بهيجججج وكتتتتت
نور: عوفوونييي بحاااالليي عسااااانيي ميتهه وخلصانهه عووووفوونييي
سحبت ايدي منه ورحت اركض بس ماسيطرت على نفسي وشالني من خصري وادفر بي واعيط بصوت عالي وهوه ولا عبالك يسمعني صعدني بالسياره وقفل البيبان بقيت اضرب بالسياره بهستريه حرفياََ تخبلت...
جعفر: بابهه كاففيي راحح انطيج الثاااانيي تره مصختيههه
نور: جعفر افتحلي الباب
جعفر: اكعدي
نور: كتلك افتحلي لباب بعد ماكدر احجي
كمت الهث ونفسي ضاك گوه اجره هوه شافني هيج لو تخبل حار شيسوي شغل لسياره ويمشي كل سرعته واني زادت شهگاتي احس روحي جاي تطلع على البطيء يسوق ويحجي وياي يهديني..
نور: جعفرررر انتبهههه جعفرررررر..........
___________________________________
------- توقعاتكم؟______
هلاو خوخ قلبي شلونگم شخبارگم
اول شي نشرت بقناتي تلي وعلى الانستا على القصة الجديده مُحطم الذؤابهٌ "
نزلت اول مشهد منهه روحو شوفوهه متاكده راح تحبوهه ضيفوهه بالمكتبه لان بس اختم رواية: اليثُ ابدي انزل بيه بقالهه بس بارتين وتخلص💔
حسابي الانستا👇🏼
fato_177
رابط قناتي التلي بالبايو مال واتباد انضمو الهه فضلاً وليس أمراً ❤
تعالو تلي واحجولي توقعاتكم بالبارت الجاي شنو؟؟؟؟