سبحان الله وبحمده سبحان الله العظيم ♡
(عصر العزيمه ببيت ابو عبدالله)
ابو عبدالله معصبب ويدور بهاج ليش مارجع للبيت الحين يساعده مايدري انه راقد بالسطح
ام عبدالله: غديرر قولي للخدامه تسوي قهوهه
غدير : تمام
ام عبدالله: وين نوره وبهاج مختفين اليوم؟
ابو عبدالله بعصبيه: مسربتين من ورانا هالحمير المجمعع وينهم بس ابك الحين العصر ليه ماجاء يساعدنا بقسم الرجال بس انا وعبود
ام عبدالله: بيجي بيجي بس هد اعصابك
ابوعبدالله : لااله الا الله
وراح لقسم الرجال يجهزون هو وعبدالله
ام عبدالله: يويليي نسيت لغسل الحوش
غدير: امشي يلا
___________________________________
(السطح)
بهاج قام وشاف نوره بحضنه وواضح بردانه غطاها بفروته وشاف الساعه وشافها ثاني مره بصدمهه
قام بفزه
نوره بفزه : يمهه وش فيك؟!
بهاج: نوره العصر الحين
نوره: طيب واذا العصر؟
بهاج : اليوم العزيمه !
نوره بصدمه: ايشش ؟ يالله كيف نسيتت افف يلا بسرعهه
بهاج: ياويليي من ابويي
نوره : الله يسترر
وراحو بخطوات سريعه وواضح بوجيهمم الربشه
___________________________________
(الديره)
ام سحاب : ياصيتهه استعجلييي
صيته: ياخالتيي بس بقى البس
ام صيته: استعجلييي
صيته: طيب طيب
ام سحاب: ورانا طريق طويلل
صيته: ها ها طيب والله طيبب جيت
ام سحاب: مير بهالبنت كذبن مجمع جيت جيت وهي بقصى الديره
ام صيته:هههههههههه
جاء زيد : يلا خلصتوو؟
ام سحاب: باقي هالبنت ماحصل تخلص
تنهد زيد بفرحه مايدري ليش يفرح اذا سمع اسمها او طاريها
ام صيته بهمس: يام سحاب عاني وجيهه اقتلب واضح يحب البنتت
ام سحاب بهمس: اي بالله عاني وجهه
زيد حس انهم يحشون به : انتظركم بالسياره
ام سحاب: ايه يلا مشينا كلنا ننتظر صيوتت
ام سحاب شدد على اسم "صيوت " عشان تقيس النبض
اما عند زيد الي ابتسم تلقائي وهاذا الي اثبت لـ ام سحاب ان زيد يحب صيوت
ام صيته: يلا مشينا ننتظرها
زيد : تمام
وطلعو بالسياره ينتظرون صيته وبعد ربع ساعه اخيرا شرفت صيته
ام سحاب : سنه؟
صيته: خالتي الله يهديس عاديي ماتعودتي على نوره؟
ام سحاب : يوهه يانوره تاخذ اضعاف عملس
ام صيته: يلا ياصيته اركبي تأخرناا
وصيته ركبت ورا زيد الي يناظر المرايه معجب بعيونها وهي استوعبت انه يطالعها !
قالت بينها وبين نفسها: طالع قدام طالع قدام
زيد استوعبب انها شافته ! وشال عيونه وركز على الطريق
___________________________________
(الحوش )
غدير ووئام يغسلون الحوش دخلت عليهم نوره لابسه قميص روز ولامه شعرها فوق وحالها لايرثى له
غدير بضحكه: نوره وش حاصلن لك؟!هههههههههه
وئام بضحكه: خضتي صراع مع بهاج؟هههههههههه
نوره تنهدت من لمحت شكلها بمرايه المدخل وماتت ضحك على شكلها
غدير: امبيه اول مره اشوفها بهاذي الحاله
وئام: من زود السناعه الي فيها جت بقميص
نوره سحبت لي المويه : يلا بنات نغسل الحوش بشكل سريع
وئام: ويي ياحلو السنع مو مثل النفاس الي فوق
غدير : مافهمت من النفاس ؟
نوره رفعت القميص وربطته على خصرها(عليها ليقنز) : هيام ياغدير
غدير: متى صارت نفاس؟
وئام: لاحول ولاقوه الا بالله ابك ذبه صارت سالفه
غدير بأستيعاب: اهااا فهمت الحينن
نوره : تو الناس ؟ يلا يلا كبي الصابونن بنلعب
وئام: جوييي قدام
غدير كبت الصابون على الارض : يلا ابدوو
وبدو البناتت يلعبون بالحوش ويتزلقون بالصابون ماكأن عندهم عزيمه
___________________________________
(مجلس الرجال)
ابو عبدالله : وينن اخوكك ؟
عبدالله: والله مدري يايبه لكن الحين يجي
بهاج دخل بضحكه: صباححح الخير او مساء الخيرر هههههههههه
عبدالله: مروق؟ ياويلكك من الجلد الي بيجيك
ابو عبدالله ومعه العقال : ولدد اليوم عزيمهه وراقد لذا الوقت!!
بهاج حك راسه بوهقه: يبه اصبر خلني ابرر
ابو عبد الله تخصر: يلا معك دقيقتين تبرر
بهاج كاتم الضحكه على وقفه ابو عبدالله ومو قادر يبرر
فـ الي طلع منه: هههههههههه
عبدالله : ياويلك ياويلكك
بهاج : دقيقه خلني ابرر لاتوترني
ابو عبدالله: خلصت دقيقه يلا
بهاج: تبي الصدق الصدق ولا الكذب الكذب؟
ابو عبدالله بنفاذ صبر : ولددد احترمنيي انا ابوك
بهاج يمسح على شعره بوهقه: يبه والله على عيني وراسي بس
ابو عبدالله: بس وش بساً تعرش رسك
بهاج: مشكور على الدعوه التي تهلك الراس ياابتي المهم يبه ببر بس اصبر
ابو عبدالله بنفاذ صبر هبد بهاج بالعقال: ولدد اخلص برر !
بهاج يحك مكان الضربهه: اوهه ياقوهاا
عبدالله يأشر بيده بمعنى: ولدد دور اي عذر !
بهاج جته فكره: يبه الصدق ان نوره تعبانه قلت وانا ولد مطلق ولده! حرمتي تتعب واتركها لا حرامم وعيب وشق جيب بعد
عبدالله حط يده على وجهه بأسى: ليتك ساكت
ابو عبدالله بخوف : وشفيها النوري؟
بهاج بتمثيل الحزن: اخخ المسكينه تعبانه
ابو عبدالله : خلاص رح وطمني عليهاا
بهاج تحمس : الحمدلله بسجد سجود شكر على قله الاضرار
ابو عبدالله: تقلع عن وجهي
بهاج هز كتوفه: ابشرر
عبدالله :هههههههههه
وراح بهاج يركض بحماس ووناسه ان ماصار له شي
ابو عبدالله بضحكه: مهبول ذا الولد هههههههههه
عبدالله: يعجبني الصدق انه يزعل بس ينسى مايحقد
ابو عبدالله: يزعل ويعصب ويمكن يكسرك بس يروح ويجي الا وهو ناسي
عبدالله: ايه
___________________________________
(الحوش )
البنات يلعبون بالحوش ويتزحلقون ونوره هي والقميص الي حكايه ثانيه
نوره : يلا بناتت بوريكم حركهه خورافيهه اسطوريه
وئام: يلا
رجعت نوره خطوات لورا وصارت تركض وتتزحلق
غدير: فنانههه
وئام: وناسهه بجربها
ورجعو يلعبون
جاهم بهاج متحمس يبي يبشرهم ان ماصار له شي لكن سرعان ماتغيرت ملامحه من شاف البنات يلعبون
بهاج اتسعت عيونه بحماس: الله جويي ياخي انتم البنات عندكم جداول اما حنا بس بلوت وكوره
نوره : ياويلنا جاء المهبول
غدير: هجوو الحين يكسرنا بلعبه
بهاج : ابعدوو عن طريقيي بوريكم مهاراتيي
نوره: ابعدو ابعدو عن الثور الهايج
بهاج برفعه حاجب: بمشيها
نوره :هههههههههه
وصارو يلعبون بهاج ونوره وغدير ووئام والاجواء الجميله جاهلين هيام الي تطالعهم من الدريشه بقهر قررت تخرب عليهم فرحتهم ! اتجهه للمطبخ
___________________________________
(المطبخ)
هيام: خالتي
ام عبدالله: ميري غسلي الفناجين ،هلا ياهيام
هيام: يوهه خالتي ماغسلتو الحوش؟
ام عبدالله: الا غدير والبنات يغسلونه
هيام: خالتي ماقاعدين يغسلون قاعدين يدمرون الحوش
ام عبدالله: كيفهم
هيام: خالتيي هم قاعدين يلعبونن وبعد شوي تبدا العزيمه وانتم ماغسلتو الحوش
ام عبدالله: وش من الي يعلب؟!
هيام: نوره!!
ام عبدالله: مستحيل النوري تحوس الحوش توهمين ياشيخه
هيام: ياخالتي امشي شوفي بعينك!
ام عبدالله: امشي لكن والله ان كذبتي مايصير لك طيب !
واتجههو للحوش!
___________________________________
(الحوش )
بهاج وهو يتزحلق: نورههه ابعديي لا اقشك الحين تتكسرينن علينا
نوره بتعزيز : هاا ابعدتت كملل الطريقق كفوو انت قدهااا
غدير: جوهم رايقق
وئام:مرههه
بهاج: عانو عانو الحركه البومبستكيه
ام عبدالله اتسعت عيونها بصدمه من شافتهم قالبين الحوش فوق تحت
ام عبدالله بصراخ وعصبيه: ولدد انت وياهه تعالو
بهاج : ها؟ يمه بهربب
ام عبدالله:تعالل انت ساس البلا
نوره : مالي دخل ياخاله !
غدير بصدمه من حجده نوره نوره هي صاحبه الفكره: عيني فعينك
نوره تأشر بيدها بمعنى اسكتيي فضحتينا
ام عبدالله: اجل من صاحب الفكره
نوره: بهاج!
غدير: ايهه بهاج
وئام: شهاده حق بهاج!
بهاج بصدمه: هي هي والله موب انا انا جيت على اخر شي !
ام عبدالله مسكت اذن بهاج: يابو اذانيي انا كم مره قايله لك اعقل! اكبرهم اهبلهم
غدير: يمهه انا اكبر منه !
ام عبدالله: الفقيه انتي الثانيه
بهاج: يمه صدقيني انها نوره انا اعرف عيونها لاخططت لفكره ثم قفطناها
ام عبدالله التفتت لنوره وسحبتها من اذنها: تعالي انتي الثانيه
نوره بجحده: خالتي مو انا بهاج
بهاج: مصرهه؟
فجأه انفتح باب الشارع ......
بهاج: والله والبلشه
ام سحاب بضحكه: وهه وراس مسويتن بهم تسذا؟هههههههههه
صيتهه بضحكه: حفلههه هههههههههه
ام صيته: زوجوهم يعقلون اجل ها ؟ هاذهم معاقبين
بهاج: خالتيي انا في وجهكك فكينا من امي
نوره : تكفينن ياجده احس اذني انقطعت
ام عبدالله شدت على اذانيهم: يستاهلونن حايسين علي الحوش
صيته: شدي ياخالتي شدي
ام عبدالله: ابشري بالسعد
بهاج: يملا العافيه يانوره تتهميني ليه
نوره: بهيج انت الخوي الي مايترك خويهه
بهاج: بس انا بتركه وش دخلني فيه
نوره: اسكت اسكت وخلنا نتعاقب مع بعض ترضى اتعاقب لحالي؟
بهاج: لابالله مارضى
ام سحاب: ياصيته طلعي جوالي وصوريهم
صيته: ابشريي ياخاله
وفعلاً صورتهم ولابد من ارساله لقربهم
بهاج: يمه اخر مرهه
نوره: ايه اخر مره مانتعودها
ام عبدالله :اكيد؟
بهاج: اكيدين بعد
ام عبدالله: يلا اجل طسو تجهزو
بهاج: افراججج
نوره: يلا تبون شي بروح اكشخ
بهاج بضحكه: نوره وشذا القميص ؟ قميص عجوز هههههههههه
نوره: تجاهل تجاهل
بهاج : يلا بروح
وراح
نوره استوعب انها ماسلمت على حبيبه قلبها صيته
نوره : صيوتتت
صيته هجت: نوره يرحم والديك توي متكشخه وانتي مليانه ماء بدلي وتعالي احضنيي
نوره : مازود الحزن الا غدر الاصحاب
صيته: روحيي اكشخيي الناس بيجون
نوره: يلا
وراحت نوره
___________________________________
(غرفه بهاج)
نوره عند التسريحه تحط ميكب ومستعجله وبهاج يرقص ويلبس ثوبه
بهاج جلس على السرير: نوره والله مايحتاج تعالي زيني شماغي
نوره: استنى دقيقه بس
بهاج: نوره نوره نوره بسرعه والله ليلعن خيري ابوي
نوره تنهدت: اففف منك يابهاجوهه خربت الايلاينر!
بهاج: عادي عادي تصلحينه مره ثانيهه بس تعالي
نوره : شلون يعني ماتعرف تلبس شماغ؟!
بهاج بكذب : لاماعرف
نوره تقدمت له: هات الشماغ
بهاج مد الشماغ: تفضضلي ست نوره
نوره قعدت تضبط بشماغه وهو يتأملها
نوره: ها كذا كويس؟
بهاج بكذب : احس ماش ماعجبني عيدي عيدي
نوره : تمام
وقعدت تضبطه وبهاج مستمتع من قرب نوره له
نوره : والله حلو !
بهاج: خلاص دامه بعيونك حلو اكيد بعيوني حلوو لبىى عيونك المحيوسه بالكحل
نوره ابتسمت : ياروحيي والله اني احبك
بهاج بحاله ذوبان: ها ؟ ماسمعت عيدي عيدي
نوره : بعدين بعدين
بهاج مسك نوره: والله ماتروحين لازم تعيدين الكلمهه
نوره: بهيج خلاص مابغىى
بهاج كتفها: اجل ماتحضرين العزيمه لازم تقولينها!
نوره: بهاجوهه! خلاص عيب بعدين
بهاج: والله والله والله ماتطلعين من الغرفه الا وانتي عايده الكلمه
نوره بقله حيله: قلت ياروحيي
بهاج: مابي ياروحيي ابي الي بعدها
نوره بعناد: قلت ياروحيي والله
بهاج: لالا مابيها ذي ابي الي بعدها
نوره مصره على العناد: قلت ياروحيي والله اني
بهاج تنهد: نوريي ياحبيبه قلبيي ابي الكلمه الاخيره اخر كلمه
نوره بصراخ: احبككك
بهاج بصراخ: يالبيههه والله احبكك اكثررر
نوره:هههههههههه
بهاج حضنها وبدا يدور فيها وهي تضحك وهاذا الي اسعد بهاج ضحكه نوره
بهاج نزلها: يانوره مدري كيف بقابل الرجال اليوم من بعد هالكلمه
نوره بأبتسامه: لييه؟
بهاج: مدري شلون بخبي ابتساماتي من اتذكرك واتذكر كلمتك واتذكر ضحكتك
نوره : بهاجوهه خلاص لاتصير خفيف
بهاج : اصير خفيف لعيونك ياشيخه
نوره ابتسمتت
بهاج لعله تحمس وقبل شامه نوره الي بين الخد والشفه
اما عند نوره الي اكلها الحياء والخجل
بهاج تكتف: وانا؟ مالي شي؟
نوره : ترى علي روحج بحوسك!
بهاج حط خده عند نوره: تفدين خدي
نوره ترددت بالبدايه بس تجرأت وقبلت خده وهو الفرحه مو سايعتهه
بهاج بضحكه: اخيرااا هرمنا لاجل هاذي اللحضه هههههههههه
نوره بضحكه : ياروحيي لو انا داري انك تستانس ببوسه بس؟كان صبحت ومسيت عليك ببوسه هههههههههه
بهاج : تراني ماعرف اقول لك لا
نوره : ماتوفر
بهاج: كيفي حلالي
نوره ابتسمت
بهاج: يلا بروح لرجال
نوره: بهاج البوسه الي بخدك
بهاج : خليها
نوره: بهاج تستهبل ؟ تعال تعال امسحها
بهاج بعناد: لا لا خلي كل العالم تدري
نوره سحبته لتسريحه وجلسته: اجلس
بهاج: اوامر اخرى؟
نوره وهي تمسح خده : سلامتك
بهاج: نورهه قطعتي قلبيي لاتمسحينها
نوره: عادي عادي بعد العزيمه لك وحده
بهاج : جوييي قداممم ماقول لا
نوره ابتسمت ومسحت الروج الي على خد بهاج : ها خلصنا يلا
بهاج : لبى كبدك يلا بروح
نوره : يلا يلا ابوك ليلعن خيرك
بهاج : ودي اجلس هنا اليوم
نوره: بهيج ! يلا روح ساعد ابوك
بهاج: باعوصص نوره تحبين تخربين
نوره:هههههههههه
وطلع والابتسامه شاقه وجهه
ونوره كملت ميكبها وخلصت ولبست الفستان الي اذا شافه بهاج لعن خيرها
___________________________________
(مجلس الرجال)
بهاج يبخر وعبدالله راح يجيب سهام وعياله وابو عبدالله مبتسم ويهلي ويرحب بالمعازيم الي بدو يجون
بهاج: يبه وين العود الازرق ؟
ابو عبدالله: اعطيتك ياه
بهاج: يوهه نسيت بغرفتيي بروح اجيبه
ابو عبدالله: استعجل
بهاج : يلا ثواني بس
وراح
ورجع ابو عبدالله يهلي ويرحبب بالناس
عبدالله جاء: ها يبه ناقصكم شي
ابو عبدالله: لا سلامتك خلصنا
عبدالله : حلو
___________________________________
(الحوش)
بعد ماغسلو الحوش فرشوه وحطو كراسي وحطو جلسات ارضيه وحطو الحلا والقهوهه
ام عبدالله: ياوئام جيبي الحلاا وانتي ياغدير جيبي القهوه والشاهيي
غدير: تمام يلا دقايق بس
وام عبدالله ترحب وتهليي
ام سحاب: ياختي تعبتي اجلسي
ام عبدالله: لا عاديي
ام سحاب: اي كيفس الا وين النوريي؟
ام عبدالله : راحت تجهز ماقول الا الله يستر على نفسيتها
ام سحاب: ليه
ام عبدالله: في بعض الحريم جايين عشان يشوفون نوره ويقارنون بينها وبين هيام
ام سحاب بثقه: ابك انتي خافي على نفسيه هيام لان نوره جمالها مسكت يشلع القلب ومحد يتجرى يقارن بلعن والدينه
ام عبدالله: كفو ياوخيتي كفو
ام سحاب ابتسمت ورجعو يهلون بالناس
___________________________________
(غرفه بهاج)
نوره لبست الفستان وقاعده تتأمل نفسها ومعجبه بشكلها كانت لابسه فستان ساتان مفتوح الظهر ولونه بيج على بني
فجأه بدون مقدمات درعم بهاج : نوره وين الع.......
سكت من شاف جمال نوره
نوره بأبتسامه: وشفيك؟
بهاج بذوبان: احسد الحريم الي يتأملونك الليله ياحضهمم اخ يانوره ارفقي على قلبيي مايقدر يتحمل هالجمال
نوره ابتسمت
بهاج عقد حواجبه: بس ماكأن الفستان غريب مو الي اخترته لك!
نوره بكذب: الا الا هو بس انت ناسي
بهاج مسك يدها بأبتسامه: معلينا هو ولا موب هو اهم شي الستر دوري دوري اشوف
نوره برد وجهها من طلب منها تدور طيب فتحه الظهر وين تصرفها؟؟
بهاج من شاف ملامح وجهها عرف انها مسويه شي : وش فيك؟
نوره بتصريف : بهاج ابوك يناديك اكيد محتاجك
بهاج تنهد وطاحت عينه على المرايه الي عاكسه نوره!
سرعان ماتحولت ملامحه للعصبيه!
بهاج بعصبيه: نورهه! وش فتحه الظهر هاذيي!
نوره: فتحه ظهر بسيطه!!
بهاج بعصبيه: تستهبلينن وين البسيطهه انا شريت لك فستانن ليه مالبستيهه
نوره : بهاج عاد ترى جسمي انا كيفيي!
بهاج تنهد بعصبيه: نورهه لاتستفزينيي والعن خيرك عنديي هنا يلا قداميي غيريه !
نوره تحاول قدر المستطاع ماتبكي عشان الميكب مايخرب
بهاج بعصبيه: قدامييي!
نوره بغصه: مابغى
بهاج بصراخ: مو وقت عنادك الي ماله داعييي قداميي غيري لبسك هالخايس
نوره بصراخ: خلاصص خلاصص قلتت مابغى وهاذا ذوقي خايس ولا موب خايس انت وش عليك انتي الي بتلبسه؟ لا طبعاً خلاص مالك دخلل
بهاج مسك معصم نوره بقوه: نوره لاتخليني ابكيك هنا واحرمك من العزيمه والله ترى اسويها ! لاتعتقدين انك بتمشين كلامك عليي انتي على ذمتيي
نوره بدموع خفيفه : ابعد عنيي مابغى اشوفك
بهاج ترك يدها بقوه : بتركك لكن مافي طلعه من هالغرفه الا وانتي مبدله هالخرقه !
وخذا العود الازرق الي على الطاوله وطلع ونوره لحقته
نوره تمسح دموعها: خرقه؟ تعال ماتروح كذاا
بهاج تنهد يهدي نفسه مايبي يزعلها او يخرب ميكبها
نوره : تعالل
بهاج تجاهلها وراح بعصبيه لانه لو راح لها تهاوشو
نوره: وجع خرب ميكبي لكن والله لحضر بهالفستان
وراحت نوره تعدل ميكبها وهو ماكان محتاس مرهه فـ مااخذ وقت وماغيرت فستانها عناد في بهاج
نرجع لبهاج بهاج قاعد يهدي نفسه وشاف هيام وتنهد: كملتت
هيام طلعت وهي صابغه الشعر اشقر كأنها صبغه نفاس ولابسه فستان مدري وش يستر حرفياً قصير وكل مكان فتحه وبهاج مهاوش نوره على فتحه ظهر بسيطه!
هيام بتصنع الدلع: بهاجيي وش رايك ؟
بهاج بينه وبين نفسه : وعع وش ذا الذوق
لكن بهاج هو وخططه الي ماتخلص خطر في باله انه يكمل الخطه عشان يثبت لهم ان هيام تتعامل مع اعدائهم ويقدر يطلقها !
بهاج بكذب: حلو
هيام: هههههه حبيبي بهاج الله يسعدك
جاهلين نوره الي واقفه بصدمه ودموعها ماوقفت من شافت منظرهم يعني هي مهاوشها على فتحه ظهر بسيطه وهي كل شي مفتح ويمدحها !
هيام شافت نوره وتقدمت ومسكت يد بهاج وقالت بدلع: والله لبسي حلو؟
بهاج بكذب : ايهه حلو
هيام جت بتقبل بهاج بس بهاج بعد عنها : ابوي يبيني
هيام قاعده تناظر نوره: رح ياحبيبيي
بهاج عقد حواجبه قال بينه وبين نفسه : من تعاين ذي؟
والتفت وهاذا الي ماحسب حسابهه نوره واقفه وراه ودموعها ماتوقف !
بهاج تنهد : ياليل هاذا الي ماحسبنا حسابهه
نوره مسحت دموعها : ليه يابهاج ليه؟ ليهه تعلقني فيك واخر شي تحبها وانت تقول خطط ! طيب الخطه خربت ليه ليه ماطلقتني من البدايه
بهاج سحب نوره ومتجه للغرفه
وهيام انقهرت انه يبي يبرر لها وراحت بقهر
نوره فكت يدها بقوه: مابغى اسمع حرف واحد منكك !
بهاج : يانوره وربيي خطه مابيننا شي !
نوره دفته : خطه ولا ماهي خطه مابغاكك
وراحت
بهاج تنهد بضيق : الله ياخذك ياهيام عرضه ارنب كل شي هي فيه الا وتصير مشكله عز الله عرضه ارنب
وراح لـ لقسم الرجال ويحس بضيقق بصدره
___________________________________
( الحوش )
الحريم بدو يجون وجو عمام بهاج وحريمهم
نوره طلعت وقبل تطلع للحوش لقت صيته
وتقدمت وحضنت صيتهه : صيوتتت
صيته بادلتها: عيونن صيوتت
نوره: اخخ اشتقت لك
صيته: ماتدرين اني قلبت حياه الفهد من بعدكك
نوره : ياروحييي هههههههههه
صيته: نوري وشفيك كأنك باكيه؟
نوره : لا مافي شي
صيته: نوري؟ تخبين عني
نوره: صيوتت مافي شي بس اشتقت لك وبكيت
صيته: امسحي الدموعع
نوره: تمام
صيته : وعدليه
نوره : اوامر ثانيه؟
صيته:سلامتس
راحت نوره تعدل ميكبها الي تعدل اكثر من مرتين
ام سحاب : ياصيته وش قومها نوره تهامل دموعها
صيته تلعب بخصلات شعرها: شوق فيني ياخاله تشوفينن هيا موتي قهر!ههههههههه
ام سحاب: ايا الي ماتستحين على وجهس !
صيته: امزح ياخالتي امزح
ام سحاب: ايه اشوا عبالي بعد
ام عبدالله: ياهلا ويامرحباا حياكم حياكم الله
ام فهد بلقافه: سلام عليكم وشلونس وشلون الاهل
ام عبدالله: هلا وعليكم الحمدلله يام فهد انتي وشلونس
ام فهد : الحمدلله بخير المهم جيت بسألك وين حرمه ولدس؟
ام عبدالله: اي وحده تقصدين ؟
ام فهد: مدري ياختي الجديده الي اتوقع اسمها نوير
ام عبدالله: نوير؟ لا لا يمكن تقصدين نوره هي نوره وهيام
ام فهد : مابي بنت عمه ابي الجديده
ام عبدالله: ايه نوره وش تبين فيها؟
ام فهد : ابد ياختي بشوف هالي خذت عقل ولدس هل هي تسوى ولا ماتسوى
ام عبدالله: تسوى وتسواك بعد والله مدري وينها شوي وتجي
ام فهد: ايه زين لاجت قولو لي
ام عبدالله: ايه ان شاء الله
وراحت ام فهد
ام عبدالله: يالله تعدي هاليله على خير
ام هيام: وشتبي ام فهد؟
ام عبدالله: ماتبي شي
ام هيام: وينها ست الامر ؟ نوره
ام سحاب: ليه خايفه؟خايفه تخطف الانظار بنتي النوري؟
ام هيام: لاشدعوى بنتي اكشخ
ام سحاب بضحكه: من شفت لون الشعر اصفر وانا غاسله يدي ههههههههه
صيته: هههههههههههه
نجلاء: اكبر معزز صيوتت
صيته: ماوفررر
نجلاء: عز الله
ام سحاب : لبى قلبس يالمعزز
صيته: بالخدمه
ام فهد جت: لو سمحتو وين هيام؟
ام هيام بثقه: هيامم تعالي ياروح امك
هيام بتصنع لدلع: هلا ماميي
ام فهد اتسعت عيونها من شافت خشه هيام وقالت بهمس: والله مالوم الولد لو انحاش
ام فهد: ههه منا حليلك
هيام: ادري اني منا حليلي
ام فهد بهمس: لا اخلاق ولا جمال
وابتسمت وراحت تدور نوره تبي تشوف نوره الي اخذت قلب بهاج منهيي؟
وجلسو العالم وكل وحده منهم تدور نوره الي خذت قلب بهاج
وفعلاً تحقق حلمهم وطلعت نوره وكل الانظار عليها
ام فهد : اف اف وش ذي الصارخ تشلع القلب صدق مالوم بهاج
ام ليلى: والله تبارك الله منا حلوها
ام سعد : اي بالله ماكذبتي صاروخخخ
ونوره متوتره ليه كل العالم تعاين فيها؟ تقدمت وبدت تسلم على الحريم لين وصلت لام فهد والشله
ام فهد مسكتها: تعالي تعالي انتي نوير؟
نوره: لا
ام فهد: اجل من انتي؟
نوره: نوره بنت محمد
ام فهد : انتي حرمه بهاج؟
نوره: ايه
ام فهد بدت تمسح شعر نوره: ماشاء الله تبارك الله مالوم الولد لو خذاس على الشيفه هيام
نوره ابتسمت بوهقه
ام فهد حطت يدها على بطن نوره: ومتى ناويه تجيبين الضنى ؟
اما عند امرهيام الي كانت تشوفهم بس ماتسمع وش يقولون قالت بهمس: حامللل نوره حاملل ياويليي عليك ياهيام البنت حاملل
هيام: ايششش؟
ام هيام: شوفيي ام فهد تسألها والبنت تبتسم!
هيام بشر: تمام يانوره تمام
نوره بأبتسامه وهقه: ياخالتي انا ورجلي مخططين مانجيب الاطفال الابعد سنه
ام فهد: ايهه الله يوفقكم
نوره قامت بتروح لكن ام فهد مسكتها وجلستها جنبها: تعالي وين رايحه لازم تجلسين عنديي اليله كلها
___________________________________
(مجلس الرجال)
ابو عبدالله وعبدالل وبهاج يرحبون ويهلونن
وبهاج ونايف زانت علاقتهم وتصالحو واترحيب وتهليل وبخور
بهاج تنهد بضيق من تذكر نوره
عبدالله: وشفيك؟
بهاج: مافي شي
عبدالله: اشك بالمعلومه
بهاج بضحكه: قهو قهو بس خل عنك هههههههههه
عبدالله: يلا
ويقهوون ويبخرون ويسلمونن
(اسفه ماعرف علوم الرجال مرره فـ اسكيب ههههه)
___________________________________
(الحوش)
نوره قاعده تأشر لنجلاء وصيته ينقذونها من ام فهد
نجلاء: صيوتت شوفي وجهه نوره
صيته: ياويليي هاذي ماكأنها ام فهد؟
نجلاء: والله ماعرفها ابك انتي شلون تعرفينهم؟
صيته: ابد مرافقه امي وخالتي بكل مناسبه الا القاها مشبكه بنات العالم
نجلاء: الله يعين المهم بروح انقذ نوره
صيته: اي بالله بادريي
راحت نجلاء متجهه لنوره الي تطلب النجده
نجلاء: نوره قومي ساعديني
نوره: يلا
ام سعد : وانتي وراس محلقه شوشتس؟
نجلاء:ها؟ وشدخلس؟
ام سعد: وهه يالاخلاق الشينه
نجلاء: الله لايشغلنا الا بطاعتك
وراحت نجلاء ونوره
نوره حضنت نجلاء: نجولل وربيي انك كفووو
نجلاء: لاداعي لاداعيي
وراحن يوزعون حلا وحركات بركات
سهام: اخخ بنات انكسر ظهريي
الهنوف : مرهه تعبت
وداد: تو الناس القادم مذهل
ام سعد جت : يام عبدالله وينس؟
ام عبدالله: هلا
ام سعد : ماشاء الله الف مبروك الرتبه الجديده لولدس والحمدلله على سلامته
ام عبدالله : الله يبارك فيك
ام سعد: والف مبروك زواجه وعقبال الثالثه
نوره برفع حاجب: امين على رجلك الثانيه والثالثه والرابعه والخامسه عشان يطلقك ويتزوج الخامسه
ام سعد: ويي بسم الله عليي
نوره: اجل خليك بنفسك الحين بستقبل القبله وادعي ياربب ان ابو سعد يتزوج على ام سعد ثلاث حريمم بشكل مفرق بعد عشان كل ماتخطيتي تجيك الثانيه
ام سعد: فال الله ولافالس بسم الله الله يكفينا شر لسانس
نوره: الحمدلله والشكر
ام سعد راحت وهي منصدمهه من لسان نوره
ودخلت نوره للمطبخ تجيب فناجينن وطلعت ولقت بنوته صغيره
نوره نزلت مستواها: هايي وشلونك ياعمريي وش اسمك
البنت: طيبه اسمي لميس
نوره: الله حلو اسمك انا اسمي نوره
لميس: الله نونيي
نوره : عسللل ياحلوك تدرين انك حلوه؟
البنت ابتسمت
نوره فتحت يدينها: مالي حضن؟
لميس حضنت نوره ونوره بادلتها
ام لميس: لميسسس !
لميس: هلا ماما
ام لميس: وش جابك عند سراقه الرجال
نوره : وش؟
ام لميس: ايه وشو الي وشو انتي سراقه رجالل
نوره: خيرر تبيني اصفقك هنا عشان اعلمك معنى سراقه الرجال؟
ام لميس: امشي ياماما
وراحت ام لميس ولميس
نوره تنهدت بضيق : اففف
وجاء وقت الرقص واول مابدا ام عبدالله وبناتها
نوره بصراخ: عاشووو خالتي وبناتهااا
نجلاء بتعزيز: قلووووليششش
سهام: جويي التعزيز
وداد: يحمسونك للرقص
الهنوف بضحكه: مرههه هههههههههه
ام عبدالله: يلا يانوره وخيتي تبي ترقص معك
نوره : احس بدريي
غدير: لامو بدري ارقصي يلا ولاتكسرين خالتيي
نوره: امري لله
ورقصت نوره مع ام سحاب وفي نظرات كرهه وحقد ونظرات اعجاب بشخصيتها وجمالها و إلى آخره.
نجلاء: عاشتتت النوريي ومزون
غدير: عاشوووووو
وئام: قلوليشششش
وكملو عاد رقص ووناسه
___________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
بارت طويل بس ناقص هههههههههه 😭😭🏃🏻♀️
النجمه تدعم الروايه✨