سبحان الله وبحمده سبحان الله العظيم ♡
رجعو من المول ونوره متجاهله بهاج تماماً اما عند بهاج الي خلاصص ماعاد يتحملل جفا نوره له!
بهاج : نوره!
نوره متجاهلته
هيام مسكت يد بهاج: بهاجيي حبيبيي اتركها مقهوره مننا
بهاج بعصبيه فك يده بقوه: ياشيخهه ضفيي وجهك وانقلعيي! دبلتي كبدي لك اسبوع!
اما نوره اتسعت عيونها بصدمه ان بهاج خرب الخطه على النهايه!
هيام: بهاجي خلاص حبيبي اهدى !
بهاج تجاهلها وتقدم لنوره ومسك عضدها بعصبيه: نورهه! تستهبلين ماكان اتف......
نوره حطت يدها على فم بهاج: خلاصص لاتكملل! انت خربتها على اخر شي كملهاا!
بهاج بعصبيه وصراخ: نورههه انتيي قاعدهه تتجاهليني مو قادرر!
ام عبدالله جت تركض بخوف من صراخهم: وش فيكم وش صايرر
بهاج :مافيي شي يايمه!
ام عبدالله : شلون مافي شي وانت ماسك يد البنت بكل قوتك!
بهاج : يمهه خلينا نتفاهمم!
نوره : خالتيي خليهه بشوف نهايته ! وش بيسويي؟
بهاج شد على يدها بعصبيه: نوره! لاتجبريني اسوي اشياء انتي ماتبينها!
جاء ابو عبدالله وبيده عقال ومعصب : بهاجج وش تسويي!
بهاج: يبهه مشكله بيني وبينها وبحلهاا!
ابو عبدالله بعصبيه: ماتفرد عضلاتك على بنت! اتركها يلا قداميي اشوف ولا والله بالعقال اجلد لين تصفر اذانك
بهاج تركها: ها تركتها وبسحبها للغرفه بتفاهم معها!
ام عبدالله: راسك يابس عز الله
ابو عبدالله تنهد : لاحول ولا قوه الا بالله والله يابهاج تجيني البنت تشكي اني لااجلدك لين تعض الارض!
بهاج بعصبيه خفيف: يبهه محسسني اني وحش باكلها ترانيي زوجها!
ابو عبدالله: موب وحش الا جني
بهاج تنهد : تمام انا جني ووحش وغورلا وكل شي
نوره ماتدري تكتم ضحكتها ولا تشخصن الوضع ولا وش تسويي
بهاج سحب نوره واتجهه للغرفه تحت انظار هيام المقهوره !
ابو عبدالله : اجل زوجوه يعقل؟ هيا زوجته خبله مثلهه
غدير: لقاء الجبابره
ام عبدالله: خلهم يحلون مشاكلهم
ابو عبدالله: ابيي قهوهه
غدير: زينو لـ ابوي قهوهه بسرعهه عشان يروقق
ام عبدالله : ابك قومي انتي!
غدير: على ذا الخشم
_________________________________
(غرفه بهاج)
بهاج دخل نوره وقفل الباب
نوره بغيره: بهاج خلاص الشي زاد عن حده ! وكل شي بينكم حقيقي!
بهاج بعصبيه: نورهه هاذا الي اتفقنا عليهه من البدايهه ليشش تتجاهليني
نوره: لان كل شي بينكم تحول لحقيقه لاتقعد تكذب عليي
بهاج ماحس بنفسه ومسك تيشيرت نوره وسحبه له : تستهبلينن! مافيي شي بيننا حقيقي!!
نوره : بهاج مستوعب الي قاعد تسويي! فك تيشيرتيي ماني بحدا اخوياك
بهاج استوعب انها نوره مو سعود وتركها
نوره : خلاص ودنيي لجدتيي
بهاج بعناد وعصبيه: لااا
نوره :بهاجج رجعنيي لبيتي!
بهاج : لا يعنيي لا !
نوره : هيهي ياروح امك تحسبني هيام بطيع شورك لا حبيبي انا نوره !
وتقدمت بتفتح الباب بس سبقها بهاج وسحب المفتاح واتجهه للدريشه ورمى المفتاح من الدريشهه!
نوره بصدمه: تستهبل! لا موب صاحيي اليوم تستهبلل والله لانتذابح انت معصب وانا اعاند يعنيي تبيها هوشه؟!!
بهاج بعصبيه: ايهه ابيها هوشهه وماتتجاهليني كذا
نوره : بنام ولاتنام عندي !
بهاج : لاياشيخه انا بنام وانتي دبري عمرك
نوره بغيره : رح لحبيبه القلبب !
بهاج يلعب بحواجبه : ماقول لا بروح لها
نوره بأبتسامه: والمفتاح يالحبيب؟
بهاج : انتي ارقدي وانا بتصل على حبيبتي
نوره بغيره: حبيبتي؟
بهاج : نامي نامي بكلم حبيبتي
نوره : طيب ي بعاجج!
بهاج بضحكه : بتجاهل بعاج هههههههههه
نوره راحت تنام والدمعه على خدهاا وبهاج مستلمها طقطقه ويحارشها بس ماشاف دموعها ماتوقع انها تصدقق
نوره ضمت نفسها وغطت نفسها وقعدت تبكيي بصمتت
اما بهاج الي زاد الطين بلهه وانسدح بالسرير ومسك الجوال
بهاج : الوو حبيبتيي ريم !
اتسعت عيونن نوره بصدمه قالت بهمس : ريم!!ماغيرها! وعع بهيج وش ذا الذوق
بهاج : نوره مو من بعدك ترى اسمع وش تهبدين!
نوره سكتت ورجعت عيونها تدمعع
بهاج: ايهه حبيبتي ريم وشلونك وشلون الاهل؟الحمدلله بخير دامك بخير
نوره؟ اوهه نوره عند اهلها تعاليي نسولف ونتعلل
نوره خلاص ماعاد تقدر تحملل وقامت ونطه عليه وسحبت الجوال منه
نوره بعصبيه: الوو ريمم يالخايبه تتصلين على رجال متزوج! تعاليي وينك رديي ولا لسانك انربطط؟!
بهاج كان ميتت ضحك على نوره ودموعها وهواشها
نوره ادركت ان مافي اتصال ومافي ريم بس هي وقعت بالمقلبب
نوره بدموع: كل زق (معليشش تكرمونن)
بهاج بضحكه: خلاص والله اسفف هههههههههه
نوره سحبت البطانيه وغطت نفسها
بهاج بضحكه: اوهه يام دميعهه ماتوفينن دموعك هههههههههه
قام واتجهه لها وصار مقابلها وسحب البطانيه وهي تسحب وتهاوش
بهاج : نوره نوريي قوميي لاتبكينن على مقلبب
نوره بدموع وتسحب البطانيه: بهاجوه بعد عنيي !
بهاج : ماراح ابعد الا اذا شفت عيونك
نوره ماتبغى يشوفها: مابغىىى بعد عنييي
بهاج : نوره بكرا عزيمه لاتبكين يتنفخون عيونك ويخرب المكياج قومي قوميي نطلع في مطر
نوره طلعت يدها من البطانيه ومسك شعر بهاج بخفه: تعودها؟
بهاج بضحكه: لا التوبهه هههههههههه
نوره حست انها خفيفه قالت بينها وبين نفسها : نوره لا انتيي خفيفه اثقليي
نوره: خلاص بعدد عنيي زعلانهه
بهاج تربع : والله ماتزعلينن وانا موجود
نوره قلبت وجهها للجهه الثانيه متجاهله بهاج
بهاج سحب البطانيه وشال نوره وشاف دموعها وضحكك
نوره تمسح دموعها: بس كذا خلاص شفتهم؟ ارتحتت؟!
بهاج بضحكه : اييه ارتحتت يوم شفت دموعع الغيره هههههههههه
نوره ضربت كتف بهاج بخفه: ماغرتت! نزلنيي
بهاج: الاغرتيي مافي نزلهه الا لمن ترضينن
نوره : مابغىى ارضى نزلنيي
بهاج : الا نوره ماشفت فستانك لازم توريني
نوره توهقت هي مبدله بين الفستان الي شرا لها وخذت الي بخاطرها!
بهاج حس من هدوئها انها شاريه فستان مايحبه بهاج : بدلتيي بين الفساتين ؟
نوره بكذب : لا نفس الفستانن الي انت اخترت
بهاج نزل نوره وقال : ترى واثق فيك
نوره : ازهلنيي
بهاج: كفوو يالثقهه
نوره حست بندم انها كذبت : كفووك الطيب
بهاج : نوره نطلع لسطح؟
نوره تذكرت انها زعلانه : لا
بهاج برفعه حاجب: نوريي ؟ تزعلينن مني؟ هييي افااا افااا
نوره: ايه ازعل منك!
بهاج: خلاص انا اسفف مرهه وبس بقى بكرا تحملييي
نوره : بمشيها لك لكن ترانيي زعلانه!
بهاج : ايهه ترضين مع الوقت بس امشي نطلع السطح قبل تجي السوسه هيام
نوره تخصرت: والمفتاح يالحبيب !؟
بهاج حك راسه بوهقه: ياليلل والبلشه صدق
نوره : ياربيي صبرنيي على فهاوتكك
بهاج: طيب وش الدبره؟
نوره : عقاب لك تنزل من الدريشه!
بهاج: يارب تستهبلين ترانا فـ الدور الثانيي! صعبهه انزل
نوره: انت سربوتت تعرف تنزل وتطلع
بهاج: طيب قلنا سربوت بس مو لذي الدرجه
نوره : انزل غلطتك تتحملها
بهاج بضحكه: نقلب سبايدرمان لاجلك هههههههههه
بهاج بما انه لواء فـ يعرف كيف يطلع وينزل وكثيرر يداهم المكان فـ يعني عنده خبره وفعلا طلع على الدريشه
نوره بخوف : خلاص بهاجج ارجع امزح معاكك
بهاج بتمثيل للتكاك : اخخ يانوره زعلتي عليي والحين بنزل واموتت سامحيني
نوره تحاول تسحب بهاج : بهاج ادخلل امزح معاك
بهاج تنهد ويمثل الضيق : سامحينيي يانور القمر
نوره: بهاجوه ادخلل
بهاج : مع السلامه
نوره: بهاجوهه ادخل اقول
بهاج تجاهلها وقدر ينزل ونوره غمضت عيونها وبهاج يمثل انه طاح واستلقى على الارض : اخخ يانوره انا متت
نوره طلت من الدريشهه وشافت بهاج مستلقي على الارض قالت بصراخ: بهاجججج تسمعنييي تكفىى ردد
بهاج قال بينه وبين نفسه: فضيحه هالبنت
نوره بصراخخ : بهاجوه اصحىى
وبهاج لاحياه لمن تناديي يمثل انه طايح ومصاب
_________________________________
(المجلس)
جالسين في امان الله يسولفون ويضحكونن
ابو عبدالله: يوهه والله اني مشتاق اسافر من زمان ماسافرنا
غدير: جويي نسافر بكرا
ابو عبدالله بضحكه: وين بكرا جل ماهي عزيمه بكرا هههههههههه
ام عبدالله: اصبر شي اذا استقرت حياة بهيج بدون مشاكل ذاك الوقت نسافر
ابو عبدالله: ليه وش فيهم مافيهم الا العافيه
ام عبدالله: والله ياحياته هو ونوره كلها مشاكل وهالفتره اشوف بهيج مع هيام كثيرر خلهم يفهمون بعض وتستقر حياتهم ذاك الوقت نسافر
ابو عبدالله: والله يامشاكلهم على قلبي مثل العسل ابك منا حليلهم لمنهم تناقرو
غدير: ايهه يتناقرون ويحارشون بعض وبعد دقيقتين يرضون
ام عبدالله: الله يوفقهم ويسعدهم وي.....
فجأه صراخخ
ابو عبدالله بفزه : بسم الله الرحمن الرحيمم امشو امشو للحوش
وطلعو بالحوش وشافو الطامه الكبرى.
_________________________________
(الحوش )
بهاج يمثل انه مصاب ومغمى عليه وكاتم الضحكه ونوره تصارخ من فوق
ام عبدالله تجمدت مكانها من الخوف من شافت شكله ونوره تصارخ فوق ف الواضح لها انه طاح من فوق
ابو عبدالله تقدم بخوف لبهاج : بهاج ياولديي قم
بهاج توهق مايدري يقوم ولايكمل اذا قام تصفق واذا كمل تصفق يعني وش يسوي
غدير تطبطب على خد بهاج بخفهه: بهاج تسمعنيي؟
بهاج تعمد يخوفهم : بوووهه
ابو عبدالله اتسعت عيونه بصدمه وسحب العقال : ياولد ال****
بهاج : لا يبه هدف عكسي
غدير: يعع وش ذي المقالب الخايسه
بهاج ضحك والتفت على ابوه الي يتقدم ومعه العقال
بهاج: الزبنهه
ويركض وابو عبدالله وام عبدالله يركضون ور بهاج
اما عند غدير الي جلست بالارض بتعب وخوف : اخخ يحلات من سطرك
اما نوره الي عرفت انه مقلب انهارت بكاء من القهر: اخخ ي بهاجوهه
ابو عبدالله يهبد بهاج بالعقال وام عبدالله ماسكه اذن بهاج وتهاوشوه
بهاج يحك مكان الضربه: اوهه يايبه ذي توجع
ابو عبدالله: تستاهل الثانيه
بهاج : لاخلاص التوبه ماعاد اعودها
ام عبدالله شدت على اذن بهاج: والله يابهاج ان عدتها اني لوريك شغلك
بهاج بألم: يمهه ابشري بس خففي الشده
ابو عبدالله رمى عليه العقال وراح بزعل
ام عبدالله تركت اذن بهاج: ي ابو اذاني زعلت ابوك
بهاج يمسح على اذنه: ابو اذاني ؟ وصل جرحك يايمه ابشري والله مايصير خاطره الا طيب
ام عبدالله : يلا قداميي
بهاج : ابشري
ومشت ام اعبدالله وبهاج وراها وطاحت عينه على المفتاح حق غرفته وتذكر نوره وخذاه ولحق امه ولقى غدير ومسكها
بهاج: غدير تكفينن وانا اخوك
غدير: انقلعع
بهاج : والله اسف والحين بروح اعتذر من ابوي واخاف يجلدنيي واموت ونوره فوق خليها تجي توسط لي وامسكي هاذا المفتاح
غدير : مقفل عليها؟
بهاج بأستعجال: لا لا افهمك بعدين
غدير : تمام
وراحت غدير وبهاج راح يراضي ابوه
بهاج دخل ومشبك يدينه وماخذ وضعيه الولد المؤدب البريئ المظلوم
ابو عبدالله : وشتبي؟
بهاج بتمثيل للحزن والانكسار: يبه انا ولدك ماقدر انام وانت زعلان عليي
ابو عبدالله : الا تقدر ابك انت دربيل نوم ماتوفر
بهاج : انا دربيل نوم؟ ابك اشاعه تطلع علي
ام عبدالله: خلاص يابو عبدالله سامحه
ابو عبدالله: ابك انقلع من قدامي انت وكشتك الي تقل كشه دجاجه
بهاج قعد يمسح شعره تحسس
ام عبدالله: نوره وينها والله لو درت بالمقلب ذا لاتذبحك
بهاج بضحكه : نوره ابيها توسط لي عند ابوي وماجت الله يهديها هههههههههه
ابو عبدالله: ابك ذا الولد ماعنده احساس تجلده وتلعن خيره ويجيك يضحك غريب وضعك
بهاج رفع حاجبه وطالع ابو عبدالله من فوق لتحه بمزح: يبه خلاص بزعل عليك ليش تهبدنيي
ابو عبدالله : تقلع من قداميي
بهاج تربع قبال ابوه : يبه تكفىى ماقدر اعيش بدونك انت انفاسيي مقدر اتنفس بدونكك
ابو عبدالله : رح راض نوره واذا رضت برضى معها رضاها من رضاي
بهاج قام بأبتسامه: نوره سهله كم حضن وترضى
ام عبدالله بضحكه: رح وح لاتزعل عليك صعبه المنال هههههههههه
بهاج : يلا
_________________________________
(غرفه بهاج)
نوره الي جالسه تبكي على السرير
غدير: واي واي يالدراماا
نوره ببكى: اخخ ياغدير ضغطنيي عبالي اغمى عليه وانا الي قلت له انزل
غدير: بهاج قطو سبع ارواح
نوره ببكى: القطوه هاذي مجننتني
غدير : طيب ياحبيبه القطو القطو بهيج يبيك توسطين عند ابوي
نوره ببكى: يحلمم خطاه ويتحمله
غدير: لاحول ولاقوه الا بالله
دخل بهاج والابتسامه شاقه وجهه: مساء الخيرر حبايب ألبي
نوره شافت بهاج بطرف عين وتجاهلته
بهاج بضحكه: الله الله الحلو زعلان؟ هههههههههه
غدير احترمت خصوصيتهم وطلعت وسكرت الباب
بهاج تقدم وجلس قبال نوره : نوره
نوره ساكته ومنزله راسها ماتبي تشوف وجهه
بهاج حط يده على فكها ورفع راسها: نورهه فكيي الحظر يانوره مش ادر اتنفسس ردي علييي هههههه
نوره كاتمه الضحكهه
بهاج عرف انها ماراح تتكلم معه وسحبها لحضنه : ارتميي
نوره الي خلاص ثبتت عليها تهمه انها خفيفه !
بهاج بضحكه: عينيي على الخفه هههههههههه
نوره :هههههههههه
بهاج: يلا امشىى نكمل سهرتنا بسطح
نوره : قدام
بهاج :امشى نداهم المكان ال***
نوره: معك في شر ولا في قدا
بهاج: حلووو يلاا خذي فروتك ومشيناا وانا كذالك
وفعلاً اخذو فراهم وطلعو للسطح بخفهه
وكان السطح في مشب ضوء وجلسات وحركات وبركات
بهاج بحماس: جويي شبات الضوء مع الوليفف
نوره :هههههههههه
وبهاج شب الضوء وجلس وقال لنوره تجلس جنبه وفعلاً نوره جلست جنبه وبهاج من طبعه مايوفر وسحب نوره له وصار كلا منهم يهوجس بمستقبلهم المجهولل الينن تعبو من التفكير ونامو بالسطح !هههههه
_________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
اسفه البارت قصير ليه؟ عللي لماذا البارت قصير؟
لان لما قريت التعليقات شفت ان في ناس يحسبون ان اليوم ينزل بارت ياعمريي مايدرون اني نزلت بارت الاحد نزلته السبت فقلت لا حرامم حماسهم يروح انزل البارت اليوم كل شي يهونن لعيونهم 💗💗✨