အချိန်အားဖြင့် ည ခုနှစ်နာရီ...........
အိမ်သို့ရောက်သော အချိန်ကတည်းကပင် အရိပ်တောင်မမြင်တွေ့ရသော ထိုလူ။ ထို့ကြောင့် ဂျိတ်ခ်သည် ထိုလူအား ဧည့်ခန်းအတွင်းရှိ ဆိုဖာ၌ ထိုင်၍စောင့်နေလေသည်။
"ပတ်ခ်ဂျုံဆောင်း.....!"
အိမ်ကျယ်ကျယ်အတွင်း၌ ကျယ်လောင်စွာ ဟိန်းထွက်လာသောအသံ။ ထိုအသံကြောင့် ဧည့်ခန်းတစ်ဖက်တစ်ချပ်ရှိ အခန်းမှ ဂျုံဆောင်းဟာ အပြေးအလွှားလေး ဧည့်ခန်းဆီသို့ ရောက်လာသည်။
"ဘာလို့လဲ ဂျိတ်ခ်"
အပြေးလာသော ထိုလူဟာ ဘာလုပ်နေလို့ အခုမှပေါ်လာသနည်း။ မဟုတ်မှ သူ့ကိုလျစ်လျူရှုနေသည့်သဘောလား။ ထိုလူဟာ သူ့လိုလူမျိုးကို လျစ်လျူရှုလို့ရသည်ဟုထင်နေသည်ဆိုမှားပေလိမ့်မည်။
ထို့ကြောင့် ဂျိတ်ခ်က....
"ခင်ဗျား ကျုပ်ကို ညစာမပြင်ပေးတော့ဘူးလား။ ဘယ်တွေရောက်နေတာလဲ ခင်ဗျား။ ကျုပ် ဗိုက်ဆာလို့သေတော့မယ်။
ဂျုံဆောင်း လန့်သွားရသည်။ သူမှ ဟင်းမချက်တတ်ဘဲ။
"ဂျိတ်ခ်.....ကိုယ် ဟင်းမချက်တတ်ဘူး။ မင်း ဗိုက်ဆာတယ်ဆို ကိုယ်အပြင်မှာ ထွက်၀ယ်လိုက်မယ်လေ"
ဂျုံဆောင်းဟာ ချက်ချင်းပင် ကားသော့ကောက်ဆွဲ၍ ထွက်၀ယ်ဖို့ပြင်နေစဥ်........
"မ၀ယ်နဲ့.....! ခင်ဗျားဘဲရအောင်ချက်။ ကျုပ် ခနနေဆင်းလာရင် ခင်ဗျားချက်ထားတာတွေဘဲ မြင်ချင်တယ်"
ထိုသို့ဆိုကာ အပေါ်သို့တက်သွားသော ကောင်လေး။
"ဟူး ~~~~"
မတတ်နိုင်။ ချစ်ရသူက ချက်ဆိုချက်မှာပေါ့။
ထို့ကြောင့် ရေခဲသေတ္တာထဲမှ ရှိသမျှ အသားငါးနှင့်ဟင်းရွက်များကို ယူထုတ်လိုက်သည်။ အရွက်များနှင့် အသားများကိုရေဆေးပြီးသည့်နောက် ဘာကိုဘယ်လိုဆက်လုပ်ရမည်ကို ဂျုံဆောင်းမသိ။ ထို့ကြောင့် ခေတ္တခနမျှ ရပ်၍ စဥ်းစားကာ။
"ဒါဆိုအဆင်ပြေလောက်မယ် ထင်တာဘဲ"
ဂျုံဆောင်း အလွယ်ဆုံးဟင်း ကြက်ဥကြော်သာ ကြော်လိုက်မည်ဖြစ်သည်။ ဒါတောင် သူမနည်းကြော်ရမည်ဖြစ်သည်။ အားလုံးပြင်ဆင်ပြီးသည့်နောက် ဂျိတ်ခ်၏အခန်းတံခါးအား ခေါက်လိုက်ကာ။
"ကိုယ် ပြင်ပြီးပြီ။ လာစားလို့ရပြီ ဂျိတ်ခ်"
ထိုအချိန်တွင် အခန်းထဲမှ...
"ကျွီ...."
တံခါးဖွင့်သံနှင့်အတူ ကောင်လေးအား သူ့ပင်မကြည့်ဘဲ အောက်ထပ်သို့ဆင်းသွားလေသည်။ ထို့ကြောင့် သူလည်း ကောင်လေးနောက်အမှီလိုက်ရလေသည်။
အခုသူ ဘာတွေစားရမှာ။ ပတ်ခ်ဂျုံဆောင်း သူ့ကိုပညာပြသည်လား။
"ခင်ဗျား ကျုပ်ကိုရွဲ့တာလား။ ကြက်ဥကြော်ဆိုလည်း မတူအောင်ကြော်လေ။ ဒီလိုတူးနေတဲ့ဟာကို ကျုပ်ဘယ်လိုစားရမှာလဲ....."
ထိုလူပြန်ပြောသည်မှာ.....။
"ကိုယ်စစတုန်းကတော့ အရွက်ကြော်လေးဖြစ်ဖြစ် ကြော်ပေးမလို့ပါဘဲ။ ဒါပေမဲ့ ဘယ်ကဘယ်လို စလုပ်ရမှန်းကိုယ်မသိဘူးလေ။ အဲ့တာကြောင့် ကြက်ဥကြော်လိုက်တာ။ ပြီးတော့ကြက်ဥကြော်ထဲကို ဆီမထည့်လိုက်မိဘူး။ နောက်တစ်လုံး ကြော်မလို့ပါဘဲ။ အောက်ကျပြီး ကွဲသွားလို့။ ကြက်ဥက အိမ်မှာ နှစ်လုံးဘဲရှိတာမို့လို့ တူးသွားတာပါ"
ထိုလူ ပြောသွားသော စကားများထံတွင် ဂျိတ်ခ် အာရုံမလား။ ထိုအစား တစ်ခုပြီးတစ်ခုဆက်တိုက်ပြောနေသော နှုတ်ခမ်းလေးဆီ အကြည့်ရောက်သွားမိသည်။ ပြီးနောက်မှ သတိပြန်၀င်လာသည်။ သူအခုဘာတွေတွေးနေတာလဲ။
"ထားတော့။ ကျုပ် အပြင်မှာဘဲထွက်စားတော့မယ်။ စောက်သုံးကိုမကျဘူး"
ထိုသို့ပြောကာ အပြင်သို့ထွက်သွားသော ကောင်လေး။
"ဟင်းချက်သင်တန်း တက်ရင်ကောင်းမလား"
☆☆☆☆☆☆☆☆☆☆
အခု ည ဆယ့်တစ်နာရီပင် ထိုးနေချေပြီ။
ဂျိတ်ခ်က ယခုထိ အိမ်ပြန်မရောက်သေး။ ဂျုံဆောင်းတစ်ယောက် ခြံရှေ့တွင်ထွက်၍ စောင့်နေလေရာမှ ဂျိတ်ခ်၏ ကားလေးကို မြင်လိုက်ရသည်။ ထို့ကြောင့် ခြံတံခါးလေးကိုတွန်းလိုက်သောအခါ ကားလေးသည် ခြံအတွင်းသို့ ရောက်ရှိသွားလေသည်။
ကားတံခါးပိတ်သံနှင့်အတူ ကောင်လေးကားပေါ်မှ ဆင်းလာသည်။
ဂျုံဆောင်းစကားစလိုက်သည်။
"ဂျိတ်ခ်.....နောက်ကျတယ်နော်"
ဂျုံဆောင်း ထိုမေးခွန်းကိုမမေးလိုက်သင့်ပါ။ ထိုကောင်လေး၏ မျက်နှာတွင်ညစ်ကျယ်ကျယ် အပြုံးတစ်ခုချိတ်ဆွဲ၍ ဖြေလာသည့်အဖြေမှာ သူ၏ ရင်၀အားစောင့်ကန်သွားသည့်နှယ်။
"ဟုတ်တယ်....ကျုပ်ချစ်သူလေးနဲ့ shopping သွားထွက်တာလေ။ သူလိုချင်လို့ဆိုပြီး ကျုပ် စိန်လက်စွပ်လေးတောင်၀ယ်ပေးလိုက်သေးတယ်"
ဂျိတ်ခ် ထိုလူ ဘယ်လိုဖြစ်သွားမလဲဆိုတာသိချင်သည်။ သို့သော်.......
"ကောင်းပါတယ်"
ထိုလူ့စကားက ဒါအကုန်ဘဲလား....။
"ကိုယ်တို့ အထဲ၀င်ရအောင်လေ။ နောက်ကျနေပြီ"
ထိုသို့ဆိုကာ အထဲသို့အရင်၀င်သွားသူ။
ဂျိတ်ခ် သူလိုချင်တဲ့အဖြေမရခဲ့။ သူထင်ခဲ့တာက ထိုလူ့ရဲ့ မျက်နှာငယ် အားငယ်သွားတဲ့ပုံမျိုး။
"ဟာကွာ....!"
ဂျိတ်ခ် ကားတာယာကိုသာ အရှိန်ပြင်းပြင်းစောင့်ကန်မိသည်။
ထိုညတွင် ဂျိတ်ခ်အိပ်မပျော်ပါ။ ဂျုံဆောင်းရဲ့စကားကိုသာ ထပ်ခါထပ်ခါ စဥ်းစားနေမိ၍ ဒေါသထွက်နေသည့် ကောင်လေးတစ်ယောက် ရှိသလို တစ်ဖက်တွင်လည်း ဂျိတ်ခ်၏ စကားများကြောင့် ၀မ်းနည်းစွာမျက်ရည်များ ရစ်သိုင်းနေသည့် ကောင်လေးတစ်ယောက်လည်းရှိခဲ့ပါသည်။
☆☆☆☆☆☆☆☆☆☆
"ကိုယ် အလုပ်သွားလိုက်အုံးမယ် ဂျိတ်ခ်"
ထိုအချိန်တွင် ဂျိတ်ခ်ထံမှ...
"နေအုံး"
ဂျုံဆောင်း ကြောင်နနဖြင့် ကြည့်မိသည်။
"ညနေကျ ကျုပ်ဒယ်ဒီက ခင်ဗျားကို တွေ့ချင်တယ်တဲ့"
ဂျုံဆောင်းလည်း.......
"ဟုတ်ပြီ။ ကိုယ်သွားလိုက်ပါမယ်"
ထိုသို့ဆိုကာ ထွက်သွားသော ထိုလူ။ သူ့ကို ဘာမှမပြောတော့ဘူးလား။ မနှုတ်ဆက်တော့ဘူးလား။ သူ ဘာတွေဖြစ်နေလဲ မသိတော့ပါ။ သို့သော်......ထိုလူနှင့်ပက်သက်လျှင် ဂျိတ်ခ်ဟာ အရာရာကိုစဥ်းစားနေပြီဖြစ်လေသည်။
"ခွမ်း....!"
စိတ်ရှုပ်စွာ စားပွဲရှိဖန်ခွက်အားခွဲ၍ အပေါ်သို့တက်သွားသောကောင်လေး။ ဂျုံဆောင်း သာထိုကောင်လေး၏ အတွေးများကိုသိလျှင် ထကနေမလားလေ။
27.10.23
ခွေးပေါက်က သူ့ကိုပစ်ထားလို့တဲ့ ကိုကိုရေး....။ ရှင်မ်ဂျိတ်ခ်တို့များနော်....။