سبحان الله وبحمده سبحان الله العظيم ♡
بهاج : اخخ يانوره لاتسوين كذا وسامحينيي
وانسدح وغطى راسه بالبطانيه
اما نوره جلست بصدمه وسحبت البطانيه : بهاج قم وعلمنيي كل شي !
بهاج: نوره خلاص مايحتاج وسامحيني
نوره بعصبيه : بهاجوه والله ان ماعلمتني بيصير بيننا زعل!
بهاج تنهد: افف تعرفين كيف تجيبين راسيي وتدرين ان زعلك مايهون علي
نوره: اذا زعليي مايهون قول لي وش الي مضايقك
بهاج : اسمعيي ست نوره انا عارف ان هيام لها يد بالموضوع بس ابي دليل بس مالقيت
نوره عدلت جلستها بأنصات : ايوا كمل
بهاج: والخطه كتالي هي اني اتقرب من هيام واهملك فتره بس وبس قدامها اهملك ولاانتي بالقلبب
نوره بغيره: تتقرب منها!! تمام
بهاج : استهديي بالله وانتي معليك بالقلب وعارفه الخطه احسن مااسوي الخطه وانتي ماتعرفين ويصير بيننا زعل ! بس قدامها اهملك
نوره بغيره: تمام بس ماتزودها !
بهاج بضحكه: يلبىى الغيره هههههههههه
نوره : بهاجوهه اخاف يعجبك الوضع!
بهاج بضحكه : ممكن ههههههههه
نوره تنهدت: لاحول ولاقوه الا بالله يارب صبرنيي على بهاج وصبرنيي على الفتره ذي
بهاج مسك انف نوره: لاتخافين قلبيي مايميل الا لك
نوره برفعه حاجب: ايهه الله يستر عاد ان حسيت بشي حقيقي ترى بزعل والله ماعاد تشوف وجههي!
بهاج: ازهليي هي فتره بس
نوره: يارب عدها على خير
بهاج: امينن
نوره : يلا نم نم
بهاج: الحين اقدر انام يلا تمسين على خير يالحب
نوره: وانت من اهله
تنهدت نوره بضيق من السالفه هاذي وقامت وطلعت من الغرفه بضيقق
بهاج بضيق: نورهه تكفينن سامحيني ولاتزعلين كل هاذا عشانك والله!
ورجع حاول ينام لكن ضيقه نوره شاغله باله
__________________________________
(الديره)
ام سحاب : والله يام صيته حاسه بضيقق بصدري
ام صيته: الله يعينس هو انتي تعرفين وش سببه؟
ام سحاب: والله مدريي ياختي
ام صيته: شكلس مشتاقه لنوره
صتيه ماخذه وضعيه حياه الفهد: اخخ يانورهه الله يقلعك يابهاجوهه خذيت اعز رفيقه ! حيوان كلب!
ام سحاب : ايه بالله مشتاقتن لها المروحه قاطعتنا
ام صيته: طايحه بالعسل
صيته: اي عسل الله يسلمك هاذا ملح ! حامض حبهم كلهه هواش وملعنه خير
ام سحاب : اشهد بالله
ام صيته: صيته قومي طسي لـ ابوس سوي له غدا هاذي سوالف كبار!
صيته: الله يسامحس يايمه انا كبر نوره ! يعنيي كبيره
ام سحاب : منتي كبيره الا فريخ
صيته قامت: والله الشرهه علي اني جالسه عندكم اونسكم
ام صيته: اقضبي الباب
صيته: على خشمي
ام سحاب : يازقنس زقناه ماخذه الدعوى مزح وطقطقه وسعه صدر
صيته تربعت : افاا عليسس ياخالتي انا موسعه صدري وش لي بالشقى والحزن والتكاك ووضعيه حياه الفهد! ابك انا صيوت صيوتت مهرج الحاره
ام صيته بضحكه: الا مصارع الحاره هههههههههه
ام سحاب: شهاده حقق ومالحقها كذب
صيته: وصل جرحك ي يمه
ام صيته:هههههههههه
زيد من ورا الباب : ياولدد
صيته : مابقى الا ذا
ام صيته : تغطي يابنتت
صيته: اما اتغطى عن زيدوه! ابشري يايمه ابشري
ام سحاب : ادخلل
زيد : يوخيتي الجوهره تقول ورا مزون ماتفتح رسايلي!
ام سحاب: وهه مامسكت جوالي اليوم هاته هاته
زيد : مايحتاج تفتحينه انا بوصل العلم عشان الموجودين
ام صيته: خير عسى خير؟
زيد: خير خير بس وخيتي ام عبدالله تقول يوم الجمعه الجايه عندها عزيمه ولازم يحضرون اهل الديره كلهم
صيته: عزيمه عشان السروق بهاج!؟
زيد : سروق ليه؟
ام سحاب تغمز لـ ام صيته بمعنى بس خلاص المهر عليي
صيته: سرق مني نوره!
زيد : حلاله كيفه انا لو تزوجت بخطف زوجتيي بخبيها عن العالم
صيته: وهه الله يكون فعونها
زيد: من شده غيرتي عليها فديتها
صيته: وعع الله يعينها عليك
زيد : انا الي الله يعينني على لسانها مشكلتها لسانها طويلل !
صيته: ومن تعيسه الحظ؟
زيد : تعرفونها مع الوقت وحرفها ص
صيته : مافيي بنت بحرف الـ ص !!
زيد : ايه ايه مافيي
صيته: غثيثث
ام سحاب بهمس: ام صيته وش رايك نزوجهم والمهر علانا؟
ام صيته بهمس : ميخالف
زيد: ايه غثيث وش تبين؟!
صيته : شين وقوي عين
زيد : الله يصبرنيي
صيته : محد قال لك تجيي يلا اقضب الباب رجاً
زيد: بقضب الباب ازهليي اجل اجلس عند خشتس؟
صيته: خشتيي قابله لتأمل ! وشعرفك انت
زيد : الثقه الغير محلها
صيته: اجل شايف خشتك انت؟ افلح بس
زيد : بفلح ! وخيتي وخالتي تبون شي؟
ام سحاب: لا بالله مابغينا شي
ام صيته: سلامتك
وطلع زيد
ام صيته: علامس على الولد!
صيته: يمهه وجهه قابل للكف فـ يضغط
ام سحاب بضحكه : بدايه الحب هوشه هههههههههه
صيته: خالتيي الا الحب مادانيهه خير شر!
ام صيته: وش عليس من وجهه !
صيته: مدري ي يمه
ام سحاب : عينو من الله خير ماصار الا الخير
ام صيته : انهضي ياصيته قهوي خالتس ام سحاب
صيته: ابشري
__________________________________
(بيت ابو عبدالله) العصر
ام عبدالله : وش فيها نوره ماهي على بعضها وطلعت بالحوش؟
ابو عبدالله: اي بالله فيها شي ولاماتطلع بالحوش بدون لاتمرنا وتسلم وتسولف
غدير: اكيد الجني ولدكم مضايقها !
ام عبدالله: عز الله عوايد بهيج
ابو عبدالله: وش يبي بهالمسكينه يتولجها!
غدير: الله يهديهه
وئام : تبون الصراحه ؟ انا السبب مو بهيج
ابو عبدالله: انتي؟ وش جابك لها؟
وئام: انا شكيت لبهاج عن تنمر البنات بالمدرسه وقال ازهليي ومن ذا الكلام وقال ان نوره بتاخذ حقك وجاء اليوم الصبح ورحت انا ونوره للمدرسه ولعلى نوره تحمست وهبدت المديره ووصلت لشرطه وجت ومدري وش صار بعدها طلعونيي
ام عبدالله: وليه ماقلتي لي؟ وش دخل نوره انا امك يالخبله! اكيد بهاج مهاوش نوره! اففف ياربيي منك ياوئام
غدير: وليه ماكأن عندك اخت ! تقولينن لها !
ابو عبدالله: لاحول ولاقوه الا بالله كليتو البنت خلاص غلطت والحمدلله مايفيد الكلام ! روحو هاوشو بهاج وشوله يدخل نوره بهالمسائل!
هيام: لا الغلط على نوره مو على بهاجيي !
ام عبدالله: البخيي بس حنا بمسائله وانتي بمسائله
ابو عبدالله: هيام وانا عمك مهما كنت اكرهه الشخص اعد الصح ولااظلمه ترى الظلم شينن انا لو تصير مشكله بينك وبين نوره بشوف المشكله ومن الغلطان وانصر المظلوم مااكتم الحق حتى لوني اكرهه الشخص تراني قد جربت الظلم والله لا ليلي ليل ولا نهاري نهار ولاني الي تهنيت بنومي ولا بمشيتي وكل مكان اتذكر صوتها وهي تترجاني افكها من بهاج الي كان مو بهاج ولديي كان يضربها ضرب مو بصاحيي الله لايعيدها
وتضايق وطلع من المجلس من تذكر ظلمه لنوره بعد سالفه الفديو
ام عبدالله: لاحول ولا قوه الا بالله
غدير: ارتحتيي يالسوسه يوم ضايقتي ابوي!؟
هيام : ويي وش دخلنيي انا؟
وئام تنهدت : ياصبر الارض
هيام التفت بصدمه: وئام؟ غسلت راسك ياوئام عليي؟
وئام : محد غسل راسيي لكن انا ادركت انك تستغليني !
هيام: لاهنا تأكدت ان نوره ساحرتكم!
ام عبدالله صفقت هيام كف : ساحره وساحره دبلتي قاعده كبديي ! انقلعيي بس
وقامت غدير بحميه ووتذابحت مع هيام.
__________________________________
(الحوش ) المغرب
نوره جالسه تحت المطر وضامه رجولها وتفكر وتهوجس
تنهدت نوره: اخخ يابهاج وش طرى ذي السالفهه! ليه ليه يعني يوم زانت علاقتنا تحوسها؟ وانتيي يانوره ليه ماتقولين لا لاتتقوب منها! يعنيي كيف بتتحملينن فتره ! وممكن هالفتره تتحول لقرن يانورهه وش سويتي بحياتك؟
افف السكوتت افضل بكثيرر من الكلام
ورجعت تهوجس
ابو عبدالله:نوره ي بنيتي ادخليي عن المطر لاتمرضين يابعد قلب ابوك
نوره : ياعميي خلنيي امرض عسى خلي يلتفت لي
ابو عبدالله: افا يانوره ماهقيت انك كذا تتمنين المرض عشان بهاج! تعالي تعالي اجلسي جنبيي نواسي بعض
نوره : ياعميي تعال تحت المطر عساه يغسل همومنا
ابو عبدالله: وانتي صادقه
وجلس ابو عبدالله ونوره تحت المطر جاهلين الي يتأملهم "بهاج"
ابو عبدالله: وش فيك يابنيتي منتي على بعضك ؟
نوره ماقدرت تمسك دموعها اكثر من كذا ولعلها فاضت الدموع
ابو عبدالله حضنها بحنان: يانوره لاتضايقين عمرك على سبب تافه انا متأكد ان الي بكاك سبب تافهه
نوره بدموع: ليت اقدر ابوح الي فصدريي ليتت
ابو عبدالله: اعتبريني ابوك وقوليي
نوره ببكى: اخخ ابغىى ابويي واميي تعبت من دونهم
ابو عبدالله: يانورهه هاذي سنه الحياه والطيب يرحل دائما فـ ادعي لهم بالررحمه وتصدقي عنهم مايفيد الدموع يابنيتي ماتفيدد وهم راحو للي افضل مننا يابنيتي عيونك حلوه بدون دموع
نوره ببكى: ياعميي الله يرحمهم وعارفه انهم راحو للي افضل مننا بس مايمنع اني ابكي
بهاج بهمس : اوهه يانوره لاتبكينن قلبيي يوجعنيي
ابو عبدالله : دام البكي يريحك فـ ابكيي يابنتي بهاج مضايقكك؟
نوره بينها وبين نفسها: ماضايقني ياعم الا حفر قبري
نوره : لا ياعميي
ابو عبدالله : الحمدلله بغيت اقوم العن خيره
نوره : هههههههههه
ابو عبدالله بأبتسامه: ايه اضحكي مايحلى عليك غير الابتسامهه
نوره ابتسمت ابتسامه باهتهه
ابو عبدالله التفت وطاحت عينه على بهاج المتكي على الجدار ويتأملهم
ابو عبدالله بأبتسامه: بهيج؟ تعال وانا ابوك اجلس معنا
بهاج : اجيكك يسلم راسك
ابو عبدالله: حياك الله
بهاج جلس: ايه وش في الحلو زعلان؟
نوره : مافيني شي
بهاج برفعه حاجب: تخبين علي؟
ابو عبدالله: ياولد خل البنت ! كيفها ماتبي تقول انت وش عليك؟
بهاج: بس يايبه فرحتها من فرحتي وحزنها من حزنيي
ابو عبدالله: ماقلنا شي بس لاتضغط عليها
بهاج: على ذا الخشم
غدير : عشتو وش هالقعده الرومنسيه؟
ابو عبدالله: اي رومنسيه الله يخلفف هاذا جلسه هموم وتكاكك
غدير: الله يرفع عن كل مهموم
الكل: امينن
غدير: لا هاذي الجلسه يبي لها هوت شوكلت
بهاج بتقليد لغدير: هوتت شوكلت! سوي لي انا وابوي كرك
غدير: عز الله الشايب وكايلي
نوره:هههههههههه
ابو عبدالله وبهاج ابتسمو تلقائي من ضحكت نوره
وراحت غدير
ام عبدالله ووئام جو: الله الله وش هالحركات ؟
ابو عبدالله: نور البيت بالحوش وحنا نتبع نور البيت
بهاج: احس اني غرت شويه بس
وئام: شويه بس ؟ انا قاعده احترق غيرهه
بهاج : بستقبل القبله وبدعيي على نوره
نوره : بتغدا عليك وادعي قبلك
بهاج: هههههههههه
جت غدير: احلىى هوت شوكلت وكرك لااحلى ناس
ام عبدالله: جلسه مافيها نفسن ثقيله
بهاج بضحكه: جلستن مافيها نفسن خفيفه هههههههههه
ابو عبدالله: دمك نفط
نوره : اتوقع وصل الجرح
بهاج : وصل يايبه الله يسامحك
غدير: تستاهل من اليوم مستلمنا طقطقه
ام عبدالله: هه هه لاتقولون شي لولديي
وئام: امحقق وجهه يابهاج
بهاج : لو يطيح طير بالصين قالو بهاج
نوره: تسلم يدك غدير على الهوت شوكلت يجنن صدق تسلم يدك
غدير: ياروحيي والله
بهاج: اكبر شهاده زور نوره
ابو عبدالله: ياولدد تولجت البنتت
بهاج: بيي انا مش بتولجها انا بحبها كتير كتير مشان هيك بساوي هيك
نوره : بهيج بالله اسكت شوهتت اللهجه
بهاج: بحق والله
وجلسوو يحارشون بعض والبعض الاخر يسولف وكل هاذا تحت المطر وبدون هيام!وجلسوو لين اذان العشاء تحت المطر
ابو عبدالله : يلا يابهاج قم بدل ملابسك بنروح نصلي بالمسجد
بهاج: ابشر
وراح ابوعبدالله وبهاج
ام عبدالله: يلا انا بروح ببدل ملابسي و اسوي العشاء
وراحت
غدير: بناتت قومو بدلو ملابسكم وتعالو بغرفتيي نكمل السهره
نوره : تمام
وئام: بتعشاء وبنامم وراي مدرسه
نوره: تمام روحي يماما ناميي
وئام بضحكه : نوره! لاتعامليني كذا هههههههههه
نوره: من عيونيي
وراحت وئام
غدير: جابك الله انتي وش فيك اليوم؟
نوره تخفي ضيقتها: مافيني شي الحمدلله
غدير: اشك بالموضوع
نوره: مالا داعي تشكيين لاني بس مشتاقه لـ جدتي
غدير: يوم الجمعه تجيي بأذن الله
نوره: ان شاء الله
__________________________________
(غرفه غدير)
نوره وغدير يتابعون فلم لكن نوره ماكانت تتابع كانت تهوجس وتفكر هل تتحمل قرب بهاج من هيام وبعده عنها؟ هل تقدر؟
غدير: هيي نوره؟ وين رحتيي
نوره: ها معك معك
غدير: صاير شي بينكم؟
نوره: لا
غدير: اشك
نوره ابتسمت بتسليكك: بنام تصبحين على خير
غدير: نوره فيك شي ؟ مو طبيعيه اليوم!
نوره: تعبانه اليوم مانمت زين اعذريني
غدير: معذوره ياقلبيي
وراحت نوره
غدير: يحلات من يسطرك يا بهيج ابك هاذي تزعل ؟ لابالله حرام تزعلها يابهيج عارفه انه انت الي مضايقها بس شنسوي بكتمان نوره
__________________________________
(بهاج)
رجع للبيت بس تذكر خطته وتنهد بضيقق واتجهه لغرفته بيتطمن على نوره ويطلع من البيت مايبي ينام عند هيام فـ يطلع من البيت
دخل الغرفه لقى نوره نايمه او بالاحرى تمثل النوم
بهاج: نوره عارف انك تمثلين النوم
نوره: هلا وشبغيت؟
بهاج سحبها لحضنه : نوره بكنسل كل شي دامك كذا حزينه بكنسل وبخليها على ذمتيي
نوره : بهاج مدري وش اقول
بهاج شد الحضن: نوره يابوك كل الي فقلبك قوليه
نوره : مافقلبي شي
بهاج : نكنسل الخطه؟ ونكمل حياتنا طبيعي وهي بيننا؟
نوره : لا ماتنكسل وراح تستمر !
بهاج : ايهه خليك كذاا انا متأكد انك قدها وراح تتحملينن والحين انا بطلع من البيتت واذا احد سألك بهاج وين ينام لاتقولين برى البيت قولي عندي ولا عند السوسه تمام؟
نوره : تمام
بهاج اعطى نوره قبله على الشامه الي بين الخد والشفه : تصبحين على خير ياروحي ولاتضايقين نفسك ترى الدعوى سهالات
نوره : وانت من اهله تمام انا معك بالخطه
بهاج : لبىى الغيرانين ياناس
نوره ابتسمتت
بهاج : يلا سلامم بهج من البيت بكبره
نوره بضحكه: هج هههههههههه
بهاج: يلاا بهجج
وطلع بهاج من البيتت وعلى الفندق
نوره : الله يعديها على خير
__________________________________
(الصبح بغرفه هيام)
بهاج رجع من الفندق ودخل الغرفه وجلس على الكرسيي
قامت هيام وانصدمت بوجود بهاج
بهاج بتمثيل : صباحح الخير ياقلبيي
هيام بصدمه: صباح النور
بهاج: هيام وش رايك اليوم نفطر برى البيت ؟
هيام: متهاوش مع نوره؟
بهاج بتمثيل كرهه لنوره: ايه وشكلي بطلقها
هيام بفرحه: طلقها اليوم قبل بكرا !
بهاج بتسليك : ايهه شكليي
هيام: يلا بتجهزز ونمششي
بهاج بينه وبين نفسه: هاذا الي قلنا له اقلط وقلط
وراحت هيام تتجهز وبهاج يحس انه ندمانن انه سوا الخطه ذي
هيام : يلا جهزت حبيبي بهاجيي
بهاج : تفضليي
تقدمت هيام ومسكت يد بهاج! وبهاج ودهه يدفها بس كل شي يهون للخطه
ونزلو
__________________________________
(جلسه الفطور )
كلهم جالسين من اكبرهم لاصغرهم
نوره بضحكه: اييي ياعمي تذكرتها هههههههههه
ابو عبدالله بأبتسامه: ماشاء الله عليك ماتنسين
غدير بضحكه: بعير ماتنسى اذا حقد حقد هههههههههه
نوره بضحكه : نوعاً ما هههههههههه
نزل بهاج وماسكه يده هيام
نوره من شافت منظرهم غصت
غدير تضرب ظهر نوره بخفه : نوره كحي كحيي
بهاج كشر بندمم انه نفذ الخطه
نوره بلعت اللقمه بصعوبه
هيام بكبر : صباحح الخير
الكل : صباح النور
ام عبدالله: تعالو افطرو
هيام تناظر نوره ببغض وغيض: مشكوره خالتيي بنروح نفطر انا وبهاجيي حبيبي
نوره بغصه: الله يسهل دربكم
بهاج عض على شفايفه بقهرر وندم من سمع صوت نوره المقهور
غدير شافت نوره : بهاج! خلاص خذ حرمتكك واطلع مو لازم نعرف انكم بتروحون المطعم خلاص بتروحون روحو محد ماسككم ! مو ضروريي نعرف
بهاج سحب هيام وطلعو ووده يضم نوره ولايبكيها
هيام: بهاجيي! كان خليتني اقهرها زياده!
بهاج بعصبيه : خلاصص اتركي البنت بحالها!
هيام: تحبها؟
بهاج بينه وبين نفسه: ايييه احبهاا وابيع الكل عشانها!
بهاج : لا!
هيام: طيب طلقها
بهاج بعصبيه: ياادميهه سكريي الموضوع ولابفصل عليك
هيام: خلاص خلاص حبيبي بهاجيي لاتزعلل
مشى بهاج وهو متقرفف منها وهي تمشي وراه
وركبو السياره ومشو
__________________________________
(بيت ابو عبدالله)
نوره جالسه والعبره بعيونها وتحاولل ماتطلع الدمعه
ابو عبدالله يأشر بيده بمعنى لحد يسألها او يتعرض لها بقتله!
هزت غدير راسها برضىى
وئام حبت راس امها وابوها وراحت للمدرسه مقهوره من بهاج!
ام عبدالله مستغربه ومنصدمه
نوره : بنام
ابو عبدالله فاهم شعورها : روحي نامي يابنتي
نوره ابتسمت ابتسامه باهته وراحت
ام عبدالله بحسره: ياربيي من هالولد يوم علق البنت به تركها!
ابو عبدالله بعصبيه وقهر: حركاته ماتنسكت عليها وبس يجي بلعن خيره وشوله يتولج هالمسكينه ليه يحط دوبه بدوبها ليش يعلقها به يملا الي ماني بقايل
غدير: حركات بهاج مايبطلها يحب يشوف دموع نوره ويحب غيرتها ويحب يأذيها !
ام عبدالله: انا اشوف اننا نودي نوره ل جدتها عشان ماتتقطع حسره البنت وهي تشوفهم
غدير: وبهاج بيرضى؟ مايرضى عنادً فيها
ابو عبدالله بعصبيه: ياكل ** وشدخله ؟ انا بوديها شخصياً اذا تبي وشعلي من بهاج ال** سكتت له كثير والظاهر اني بكوفنه قدامها عشان يطيب خاطرها
ام عبدالله: شورك وهدايه الله
غدير: بروح اشوفها
ابو عبدالله: اجلسي لاتروحين ! خليها تاخذ راحتها يمكن تبي تبكي وماتبي احد بشوفها
غدير: وانت صادق
__________________________________
(نوره)
جالسه بالسرير وضامه رجولها وتهوجسس تبغى تبكي بس ماهي قادره ماهي متقبله فكرهه انها بتصبر فتره على ذا الوضع!
نوره : افف نوري ياحبيبه قلبي انتي هي زوجته مثلك وانا اقول اقهريها وسوي نفسك ماهتميتي لها خلاص لاتضعفين لها ! قومي الان واضغطيها وتجاهلي بهاج معها !يستاهل التجاهل الورع هو وافكاره الخايسه
وقامت ولبست افضل اللبس عندها وتحط ميكب وتغير نفسيتها
بهاج يرسل لها: نوره حبيبتي والله اني اسف وبس اسبوع انتظريني ولاتتجاهليني تكفين يانور عيني
نوره فتحت الرساله ولاردت
بهاج : نوره زعلتي؟
نوره ببرود: لا ليه ؟!
بهاج: نوره؟ وش فيكك
نوره: مافيني شي ويلا بايي وراي اشغال
بهاج: اذا خلصتي قولي لي عشان اسولف معك ماقدرت اتقبل سوالفها
نوره : طيب
بهاج عقد حواجبه : طيب؟ وين من عيونيي ولا ابشر؟ وين راحو
نوره: بهاج عندي شغل باي بروح الجامعه
بهاج: تمام ياعيونيي
نوره ندمت نوعاً ما انها عاملته ببرود بس قست قلبها وطلعت وسلمت على ام عبدالله وابو عبدالله وطلعت وعلى الجامعه
________________________________
(البوفيه)
بهاج جايبها لبوفيه عشان تطفش وتكرهه بس البنت حبته زياده !
هيام : بهاج اطلب لي
بهاج: تبين الشاورما السابعه؟!
هيام: ايهه ترى موب نوره انا!
بهاج: طيب طيب بطلب لك ١٠ موب وحده
هيام: يلونونيي بحبك يابهاجيي
بهاج بهمس: حبك برص
بهاج : صديق حيب ١٠ شاورما
العامل : طيب
وجاب العشره وهيام بلاعه بس تاكل
وبهاج معقد حواجبه اكلت ١٧ وحده ! ونوره وحده وتعصر عليها!
بهاج: خلصتي؟
هيام: ايه الحمدلله
بهاج: يلا مشينا نرجع للبيت
هيام: يوهه بس ذي؟
بهاج : ايه بس
وطلعو وركبو السياره ومتجهين لبيت ابو عبدالله
__________________________________
(بيت ابو عبدالله)
نوره رجعت من الجامعه لان ماكان عندها محاضرات كثيره
ابو عبدالله بأبتسامه: ياهلا ويامرحباا بالنوريي
نوره بأبتسامه: ارحبب
ام عبدالله: تعالي تقهويي
نوره: ماقول لا
غدير: تعجبيبني متقلبه المزاج
نوره: طبعاً
ابو عبدالله: تبون تروحون السوق تشترون لكم فستان
نوره بأبتسامه: بدريي
غدير: خلها بكرا ولابعده
ابو عبدالله: الي ودكم انا بروح ارقد تعبت
ام عبدالله: والله حتى انا بلحقك وبرقد
غدير: نوم العافيه
ابتسمو وارحو
نوره : ياليلل الطفش عاد انا استانس على سوالفهم
غدير: اييه تجنن
نوره: طيب وش السواه كيف نعدي هاليوم بسرعه
غدير: ودي اجيب نجول بس المسكينه بس بقره تائهه في بحر العلم
نوره: ايه مرهه مضغوطه ماشفتها اليوم
غدير: ياعمريي الله يكون بعونها
نوره: امينن
دخل بهاج والابتسامه مافارقت وجهه من شاف نوره: ارحبوووو
غدير: البقىى
هيام: بهاجيي ؟ ماتعبت ماودك تنام ؟
بهاج بكذب : اليوم معزوم عند اخوياي وابي اسهر عندهم
هيام: يوهه مو مشكله حبيبي
كل هاذا تحت انظار نوره المتقرفه من هيام
بهاج من شاف نظرات نوره لـ هيام عرف ان نوره بتسطر هيام
بهاج :مع السلامه
وطلع من البيتت بكبره
غدير: بشرب ماء واجي
وراحت غدير
تقدمت هيام : نوره تدرين ان بهاجي قال انه بيطلقكك ؟
نوره : الوعد بعد اسبوع ياحبي
هيام بعدم فهم: كيف؟
نوره دفتها وطلعت لغرفتها
وبقت هيام بحيرتها
وغدير من عرفت ان نوره راحت راحت غدير لغرفتها
__________________________________
(بعد ثلاث ايام يعني يوم الخميس)
مرت ثلاث ايام صعبه على نوره وبهاج وسهله على هيام مرت ثلاث ايام على تجاهل نوره لبهاج ! وبهاج فك الحامل الازرق الي بيده وتعافى وبدا يجمع معلومات
ابو عبدالله: بهاج خذ حريمك ورح لسوق
بهاج: سوق ؟ ليه
ابوعبدالله: هو مسرع مانسيت بكرا في عزيمه
بهاج حط يده على جبهته :ايهه نسيتت يلا ياحريمي قومو
نوره قامت بكلل هدوء وبدون عناد !
تنهد بهاج بضيق ان نوره ماتكلمت معه ٣ ايام
هيام : يلا بروح البس عبايتي واجي
بهاج بهمس: روحه بلا رده
وبهاج راح لسيارته ينتظر حريمه
جت نوره وجلست ورا بكل هدوء
بهاج بضيق: نوره ليه بان منك الجفى ؟
نوره: بهاج ليه معجبك وضعكم؟
بهاج: والله مو معجبنيي بس شسويي بديت اجمع معلومات حبه حبه
نوره : طيب ليش قلت لها انك بتطلقني؟!
بهاج : بخاطرك؟
نوره: لا
بهاج: الا الا بخاطرك
نوره: لا !
هيام جت: هايي بهاجيي
بهاج ببرود: هلا
ووصلو المول ونزلو ثلاثتهم وراحت نوره وتركتهم
بهاج كشر : افف يانوره ليش رحتيي
هيام: ايش؟
بهاج: الحقي خويتك بس
هيام: مافهمت؟
بهاج: يليل عادد هي ذبه ماتنشرح
هيام: اوك حبيبي بهاجييي
بهاج بطفش: ياختي الحقي خويتك نشبتي بحلقيي
هيام: طيبب منهيي خويتي؟!
بهاج: لاحول ولا قوه الا بالله الحقيي خويتك نوره
هيام: وعع ماتصير خويتي
بهاج: هي هي عاد ماتسببنها ! تبين تسبين قوليها بوجهها مو من وراها!
هيام: اقولل تعال شرايك بالفستان هاذا ولاهاذا
بهاج تنهد بطفش: الي تبين يابنتت انا بروح مالي بالامور ذيي
هيام: طيب هاذا ؟
بهاج بكذب: سعود يتصل بروح لمه
هيام: لاتتأخر
بهاج بينه وبين نفسه: دزيي امها
وراح واتجهه لنوره الي كانت تقلب بالفساتين
بهاج بأبتسامه: اهلاً بالي جافيه الحب
نوره ناظرته وهزت راسها بتسليك
بهاج: معلينا من جفاك نوره يرحم والديك امنعينا من اللبس المفتح والقصير
نوره بتصريفه: ايه زين
بهاج : يعع وتسبديي يانوره تكفين ارجعي عانديي مايصلح عليك الاالعناد
نوره : طيب تبغى عناد اجل ؟
بهاج: اي بالله اشتقت
نوره سحبت فستان مفتوح الظهر : طيب ادفع الحساب
بهاج : لالا ماتفقنا على ذا الفستانن
نوره: كيفيي هاذا اعجبنيي
بهاج: خلاص امزحح لاتعاندين
نوره: طيب انا ماامزح انا ابغى هاذا مو مسأله عناد
بهاج: لا مانبا ذا الفستان المروح
نوره: انا ابغاه
بهاج: وانا ماباه !
نوره: ابك دامك ماتباه علامك علاه؟!!
بهاج: نوره لاتاخذين ذا الفستان مدري وش يستر
نوره: شوف ياهاذا يا فستان امي هذاك !
بهاج: لا ذا ولا ذا
نوره تخصرت وسحبت فستان قصير: اجل هاذا!
بهاج تنهد : لاحول ولا قوه الا بالله طيب انا قلت عاندي بس موب كذا
نوره: هاذا ولا هاذا
بهاج سحب له فستان طويلل واكمامه طويله وله رقبه وساده مافيه معالم كأنه قميص : الله ياحلو هاذا
نوره : يراسيي لو اني لابسه قميص روز اهون من ذا
بهاج: خلاص بدفع لهاذا
نوره في خطه براسها: تمام ادفع للقميص هاذا
بهاج: ايه كفوو والله اني ذويقق
نوره : تكفىى انت والذوق ماتتجمعون
بهاج: ابك انتي ماتعرفين الموضه
نوره: حاسب حاسب
بهاج حاسب على الفستان الاشبه بالقميص : اعجبك صح؟
نوره بكذب : مرههه يلا رح
بهاج: حلوو طرده محترمه تمام بروح لسعود واذا خلصتي اتصلي عليي
نوره: تمام
وراح بهاج ونوره تأكدت انه راح راحت خذت الفستان الي بخاطرها وحاسبت عليه وخذته واتجهه للكوفي
وهيام خلصت واتصلت على بهاج وركبت السياره
بهاج يتصل على نوره: الوووو
نوره:هلا
بهاج:اذا خلصتي تعالي
نوره: ايه خلصت يلا جيت
وقفلت الخط بوجهه بهاج وطلعت
بهاج مسكها: تعالي تعالي ليش تقفلين الجوال بوجههي؟
نوره: فكنيي بس !
بهاج: ياليلل سؤال الحين مو حنا اتفقنا من البدايه ؟! طيب ليش زعلتي؟
نوره: لانك زودتها !
بهاج: نورهه الظروف حدتني!
نوره: تمام يلا نرجع للبيت
تنهد بهاج بضيقق من جفا نوره له وركبو السياره واتجهو لبيت ابو عبدالله
__________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
ها شرايكم فيني وانا افاجأكم بنزول البارت بدري؟😉😉بالله ماني ثقه ؟😉
الوكاد ان القادم مذهلل من البارتات ان شاء الله🔥🫡
النجمه تدعم الروايه✨