الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
سمراء ...
___________________
كلنا حتى النفس كطعنا ! كمت وضليت امشي بخوف وخايفة البالي يطلع صح !! والطفل مجلب بحضني ما شلتة ورحت .. ورصلت يم المطبخ وخرتهن علمود اشوف .. اخخخخخ
وجان اشوف شايلين صگار وصدرة متغطى بالدماء !!! .. والدم ينگط منة ..
النسوان بدت تصرخ وأني أريد بس الزمة .. اتأكد هوة لو مو هوا .. ما عدا أنو وجهة مبين هذاك هوة صگار ! .. شوية وانفتح الباب .. خلو بالكاع وتأكدت هوة صگار !
اجة عمو يصيح عليهم ياخذو للمستشفى ..
اصعب : بسسسس خل يجيبونننن السيارة .. ماكوو مجال نطلع ابدد .. كلهم لازمين اسلحة كلهممم
سمراء : غلط عليهم عمو بكل علو صوتة وجر اقسام وراح يرمي ..
وكعت على رگبي وايدي ترجف .. أريد بس الزم ايدي الي ترجف ماكو !! ماكدر .. تقربت علي .. أخذت راسة من اصهب وخليتة بحضني .. خليت ايدي على خدودة وقربت خشمي خليتة على خشمة وهمست ..
سمراء : لا تعوفني صگاري ..
وهنا صرختت بكل علو صوتيييي بأسمة .. حضنتة وضليت ابجي وأصرخ واتوسل بي يكعد ..
حسيت انجريت منة وصوت حجي بس ما ركزت .. انجريت من شالي وشفتها نوارة .. هنا طلعت غضب الأشهر الي تعبتني بيها .. وضربتها ضربة ..
ورجعت حضنتة .. واتوسل بي .. اهز بأيدة متوسلتة يكعد واعاتب ..
سمراء : لااا تعوفنييييي صگاررر لا تعوفنييي دخيلك ولككك والله اموتتتت صگاري اموتتتت .. اكعددد حباب لا تعوفني وحدييي .. ما عندي غيرك اكعددد دخيلكك .. ولكككك صگاررررررر
لزمتة من رگبتة وتقربت منة وكلت ..
- ولكك أكعد حبيبيي .. لا تعوفنييي يمهمممم اكعددد اكعددد لا تعوفنيي وحدييي .. والله احبك .. والله احبك .. لا تعوفني وحدي
أي .. كل هاي الأشهر أني احبة .. بس جنت مستحقرتة ويا كل صيحة لو زمخة منة إلي .. بس المرض وضعي ثبتلي أنو هوة سند إلي .. وادركت السبب مو هوة .. السبب إلي يخلي يتعامل بعض المرات بطريقة مو حلوة أكيد عماتة .. بما أنو هنة كل وحدة راح منهن ولد .. وحتى إذا ما راح أحد ولدها هم اخوات ويشدن ويا العدو .. والي يخليني اتردد بحبة وتعاملي ويا گ زوجة .. أنو بگلبة غيري !
وللاسف شوية واجة أحد الولد وصاحة .. اجة هوة واصهب ومحسن شالو .. ردت اروح وياهم بس ما خلوني .. همة ما خلوني وأني شاطتتتتت روحي ..
وكعت بالكاع وصرت اضرب بروحي بدون وعي .. حسيت تقيدت حركة ايدي وشفتة أبن اخوهم اسد ..
اسد : لجججج كافيييي عمةةة موتي روحجج كافيي
سمراء : لزمتة من ياختة وكلت بصريخ ..
- اخذنييي الةةة اسدد .. اخذنييي الةةة راحح أموت اخذنيييي
شالني من الكاع .. اخذني الغرفة الشيخة .. وأني طول الطريق أصرخ اريدة بس يعوفني ..
سمراء : ولككك اسدددد .. وخررررر منييييي .. ولكم اخذونييي الةةة دخيلكمممم اخذونيييي .. والله إذا راح ما ابقة عايشةة والله
اسد : خوششش .. اخذجج اخذجج وداعت صگار اخذج بس خل تخف الهوسة
سمراء : انعلللل ابوو الهوسةةة .. اريددد هسة اروح ولكممم والله اموتت ورا إذا صارلة شييي والله
اسد : اسم الله شنو هالتفائل عمةة .. والله مابي شي كافي شبيج .. والله من يدري هيج سويتي بروحج .. شوفيي شوفيي خدودج يجرن دم شوفيي .. والله من يشوفة ينعل والدي .. هسة كلة من وراج راح انكتل
سمراء : يحاول يلطف الجو ويشاقيني بس شلون اضحك ؟ ..
مر وقت وأني منهارة .. دموعي ما وكفت أبد .. تخربطت وما كدرت اشيل ايدي .. بحضن الشيخة وترتل قران على راسي .. بديت اهدئ وانام .. وتحلمت !!!
..
كأن أني بمكان مثل المهجور .. ونفس الشخص يلي اتحلم بي كل مرة اجة .. بس هالمرة فرحان وضحكتا مرعبةةةةةو بشكللل .. ويكول بصوت مرعب ..
- راح صگار .. راح وبعد راح تبقين إلي .. راح تبقين الي وهوة يموت
..
سمراء : فزيت من النوم مرعوبة .. كمت ابجي وأصرخ .. صرت اضرب بروحي واكول ..
- كلةةة من ورايييي .. كلةةةةة من ورااااا .. هوة كتلة هوةةةة .. كلةةةةة من وراييييي
ولا وحدة من النسوان كدرت تهدئني .. لا غزل ولا عمتي ولا ضحى ولا أي وحدة .. صاحو اسد .. لأن كلهم يعرفون علاقتي بأسد كلش حلوة وكأن علاقة أخ واختة .. شافني يم الباب وركض .. لأن هيئتة صخمة واقوة مني .. وكدرت يقيد حركتي .. بس صوتي يردد بحركة وقهر ..
- كلةةةةة من وراييييي .. والله هوةةة الي كتلةة .. هوةة عمةة والله هوةة
اسد : هوةة منووو عمة شبيججج .. شني متحلمة ! كافيي اهدئي ..
سمراء : ورا شوية هدئت .. وجابو ديتول ولاصق جروح علمود خدودي إلي تخرمشن ..
مر الوقت .. وصار اليل كلش .. وصرت ابجي واتعارك وياهم علمود ياخذوني .. بالكوة بالتوسل .. خابر هاشم يالة اخذني اسد
رحت بس أني .. طول الطريق ابجي وروحي رايحة وصلنا ورجلية يرجفن .. مشيت وما اهتميت الرجلي ولا حتى أحس بوجعها أريد بس اشوفة ..
رحنا واستقبلونة هاشم ومحسن واصهب وابن عمهم .. وجوهم حمر واضح الخوف على وجوهم .. أول ما شفتهم هيج بجيت ورحت يمهم ..
سمراء : هاااا شبيييي .. شبيي صگار فدوةة
حجة هاشم بغصة ..
هاشم : وضعة خطر .. قريبة على گلبة .. والدكتور مايطمن خير !
سمراء : بجيت وضليت اردد ..
- لااا لاااااا .. والله جذابينن والله .. لااااا مابييي شي مابيي شيييي والله
اخذني اسد وكعدني على أحد الكراسي .. ما سكتن دموعي ولا ثانية ..
طلع الدكتور وماعرف شنو كاللهم بس وجوهم صارت عبارة عن خوف وغضب .. ادركت أنو صگار مو زين وضعة .. ما كلت ولا حرف .. عبرت عن خوفي ورعبي بالبكاء ..
مر كذالك وقت طويل .. وطلع الدكتور وحجة وياهم .. وجوهم فرحت واصهب سجد وهاشم رفع ايدة وكال بصوت عالي ..
هاشم : الحمدلله والشكر الك يارب .. احمدك واشكرك يابو فاضل ..
سمراء : اجة اسد وجهة فرحان وكال ..
اسد : مو كتلج كلشي مابي ! .. طلعو الطلقة من صدرة وهسة منتضري يكعد .. شوفي كلشي مابي .. عمي فحيل .. عار ما يموت
سمراء : ضربتة وضحكت ..
اسد : هسة بعد بس منتضري يكعد .. المصيبة إذا صارت 72 ساعة راح يروح من ايدينا ..
سمراء : باوعت علي بصدمة وكلت .. ليش ما كعد
اسد : أي .. وخرناها الطلقة بس لأن بمكان قريب حيل على گلبة صايرة خطر علي ..
سمراء :خليت ايدي على وجهي وبجيت ..
ومر هاذ اليوم وهوة ما كاعد .. وبقة اوقات قليلة .. بعد 14 ساعة .. ما خليت دعاء يعتب علية .. كل ثواني اتوسل بربي ..
مرن ساعات مليئة بالتوتر .. قهر ، حزن ، خوف ، كلة بهاي الكم ساعة ..
قرب كلش .. قريت الفاتحة الأم البنين .. والابا الفضل العباس .. وللحسين .. وتوسلت بيهم ونذرت مرت بس نص ساعة .. واشتغلن معجزات امهم والابناء .. اشتغلت معجزاتهم ..
بين ما الدكتور اجة يفحصة .. طلعت ممرضة تصيح
- كعد المريض كعددد ..
اجو الممرضين .. دقائق وطلع الدكتور فرحان ..
الدكتور : شيخنا الحمدلله .. الشيخ صگار كعد والف الحمدلله ..
سمراء : ما تتخيلون الفرحةة إلي صرت بيها .. ثواني وطلعت الممرضة تكول ..
- منو سمراء ؟ .. أنتي
سمراء : أي اني !
- زوجج الشيخ صگار ؟
سمراء : أي !
- يهذني بأسمج .. ويريدج
سمراء : بجيت وسئلت الدكتور .. وكال بس 5 ثواني
رحت وأول ما فتحت الباب سمعت صوتة وكلت ..
- اخخخ مشتاقة الصوتك صگاري ..
يحرك براسة ويحجي بتعت بأسمي .. شافني وابتسم ابتسامتة إلي تجنن .. ضحكت ورحت يمة ..
خليت ايدي على رگبتة وبستة من خدة وأني ابجي ..
سمراء : مشتاقتلك .. والله مشتاقتلك صگار .. ليش عفتني هالكد ليشش يروحي ؟ ..
ضحك وكال بتعت ..
صگار : احبج .. عبالج اكو غيرج بحياتي ؟ .. أنتي الي جنت احجي عليها يمج .. أنتي
سمراء : انصدمت وفرحت وخجلت وخفت ! كل هاي المشاعر والاقوة الصدمة .. اجة الدكتور وما خلاني ارد علي ما خلاني .. طلعت وأني ابجي ..
بس مو بكاء قهر ! لااا فرح ..
ضليت اراجع كل ايامنا .. وهاي السنة ونص كلها .. حجية الي يحجي على حبيبتة كبالي إلي طلعت أني ! .. وتصرفاتة وياي وحبة وحنانة ..
بس بنفس الوقت صياحة والنتر الي ينترة علي !!
خلاني احير ! .. ودقائق اعذرة واكول هنة الصوج منهن .. يذكرة بـ حسن إلي يموتتت علي .. الي أبن عمي السك*ير كتلة .. ولد عماتة وعمامة الي ماتو من سبب أبن عمي وطيشة .. هم صعب علي ..
ودقائق احبة واكول مو هوة .. هوة يحبني .. ما تتخيلون طريقة كلامة الي يوصفني بيها .. شاعر حرفياً يصير ..
ودقائق استقرة وهم أكول الصوت مو مني ! مو أني الي كتلتهم .. ليش هيج يسوي بية ؟
قاطع سلسلة افكاري اسد ..
اسد : ها سمورة .. يلة مو كعد ؟ تعاي نرجع للبيت
سمراء : لااا ما أريد
اسد : دتعاي عمة .. تعبانة أنتي
سمراء : ماا والله ماااا .. لا تلح اسد حباب
اجة كعد يمي ..
اسد : زين مو طلع صگار ! ليش تبجين ؟
سمراء : لزمت ايدة وكلت بحزن وحيرة ..
- اسد .. حايرة والله
اسد : عسى الحيرة بعدوانج .. خير شبيج
سمراء : سولفتلة شنو كلي .. وكبال الناس ضل يطك إصبع .. لوما خازرة هاشم جان كام ركص ..
- هسة بس اوكف خل اخلص يمعود ..
اسد : ايي اييي خلصيي .. كمليي يلة
سمراء : بس مرات احتقرة .. أكول ليش هيج يسوي بية ؟ ليش يصيح علية .. ومرات توصل يضربني راجدي إذا وحدة أجت تتبجبج يمة .. ما يصدكني هوة .. ومرات أكول حقة .. هم يبقى أبن عمي كتال احبابة .. ومرات أكول شنو ذنبي أني ويسوي هيج بية قابل أني الي كاتلتهم ؟ .. ومرات أكول الصوج مو منة الصوج منهن هنة ! هنة يوزوزن بي ويذكرة بالي راحو
اسد : ومرات يذكرنة الخطة إلي جان كاييلهن .. شلون ينتقم منج ويجيب ولد منج ويذبج الاهلج وشلون يعذبج .. بس من شاف عيونج الخطفن گلبة نسى كل يلي وعدهن بي .. وبأذني هاي إلي راح ياكلها الدود يحشن براسة .. يذكرنة بـ حسن ..وتعرفين الهسة ما متخطي موتة ! الهسة يبجي علي .. بكل لمة النا يبجي علي .. بعمري ما شايف عمي يبجي .. بس هسة على حسن .. كبال الكل يبجي .. زلمة طول وعرض .. يبجي كبال الناس على صديقة .. وراح اضلمة إذا أكول صديقة .. لأن عمامي كلهم .. اخوانة من لحمة ودمة ما يحبهم مثل حسن .. وهنة يحشن براسة حش أني توصل عندي ما احجي وياج بس اتعوذ الشيطان وأعرف أنو مو انتي الي كتلتيهم .. وأنتي طرف مضلوم بهاذ الصار صگار حبج من أول ما شاف عيونج .. راد ياخذ اختج علمود لا يتعلق بيج بس خاف ! خاف يتعلق أكثر وأنتي مرت أخو .. عاش بحرب عقلية وگلبية سمراء يحبج حيل .. وأكبر سبب هسة أنتي مو حامل واخذ ولدج وذباج الاهلج .. أدري عيب احجي بهيج مواضيع بس احجي الصدك يعني .. هوة جان مخطط من تطلع دورة السنة مال حسن .. يعترفلج وتصيرون زوجين بالمحكمة ويسفرج تدرين لو لا .. لا تنصدمين منةة شلون أبن شيوخ وشلون هل تفتح ! ترا هوة نص عمرة بجامعة بغدادية .. ويقرأ كتب كتابات ثقافية .. حيل مثقف عمي ..طالع طفرة جينية .. فا إلي أريد انصحة الج يا سمرة .. گ أخ لو أبن لو صديق لو حتى غريب عادي .. اكسري خشمهن وخلي يحبج .. زوجو وخلفي أطفال ترا اولادج الوريثين من بعد الشيخ ورجلج تدرين لو لا ؟ .. صگار عمي يحبج حيل سمرة .. لا تخسري وفوزي بگلبة .. حتى لو تعصب وحجة لو نتر .. ترا هنة السبب اعدائج السبب .. تفهمي واخذي بكلامج .. خلي يكون كلامج بهيج تصرف معسل سمرة .. لا تهتمين الهن اهتمي بس العمي والروحج وللي يحبوج
سمراء : هاذ إلي كالة إلي بالحرف الواحد .. طول ما يحجي وياي أني ابجي وعيوني ما نشفت .. طريقة كلامة والي كالة كلش حلو .. حسيت بعد هالحديث إلي دار بينا اعشق صگار اعشق حروف اسمة ..
اسد : هسة امسحي عيونج .. وافرحي .. زين صدك أنتي تحبي ؟
سمراء : أي .. احبة والله .. حيل احبة صگار .. تمنيت ما متعرفين بهاي الطريقة .. ياريت شايفني وحابني وحابتة ومزوجين بكل حب وبدون هاي المشاكل والوضع ياريتتتت ..
اسد : مو مشكلة الضروف .. أهم شي المشاعر .. هوة يحبج وأنتي تحبي وهاي هية خلاص .. انسي شلون تعارفتو وذكري حبكم .. خيولون شبيج سمرة
سمراء : ما أعرف شلون اشكرك اسد .. حسيت عقلي ترتب حيلل والله .. حيل شكراً
اسد : دنجبيي .. من شوكت بينا شكر !
سمراء : هههههههه .. احترمني ولك
اسد : ترا أكبر منج انةة
سمراء : عادي أني ابقة مرت عمك
اسد : دنجبي .. ومن هسة إذا بنتج طلعت عيونها مثلج محجوزة الابني مفهوم ؟
سمراء : هههههههه .. تمام لعد أني همم .. إذا ابنك حلو لو بنتك من هسة محجوزين
اسد : نجبيي .. غير انة اخبللل .. أكيد جهالي يطلعون يشكون شك
سمراء : ضحكت ومر الوقت وطلعو صگار بغرفة بعد ما وضعة استقر .. بس ما لازم يحجي أبد لأن يتعب گلبة .. مر الوقت ومر يوم ثاني وأني استحي اروح للغرفة .. باقية برا أني واسد .. هوة يروح وشوية ويرجع يمي .. لحد ما حجة وصاحني .. اجة اسد غمزلي وكال
اسد : تعاي عصفورة .. يريدج الافندي .. احنا نوب مو بعينة ..الة أنتي
سمراء : لااا استحييي
اسد : خب دتعاي تعاييي .. تستحين من شنو تستحين
سمراء : لزمني من ايدي وجرني جر .. وصلت يم الباب وصرت كبال عيونهم .. دنكت وهوة ضحك وصاحني .. بجيت وكلهم طلعو بقينة بس أني ويا .. عفت المستحة وركضت بحضنة .. توجع وخرت منة شوية بس رجع حضني اقوة
صگار : عادي اتوجع .. قربج راح يطيب جرحي سمرتي
سمراء : بجيت حيل .. بجيت بصوت مسموع .. ضل يضحك ويهدئ بية .. كعدت بصفة على الچرباية ومسح دموعي .. وكال
صگار : من امدانيييي .. امداننييي ورمت هالعيون بسببي امدانيييي
سمراء : ليش ردت تعوفني ليشش
صگار : وداعتج اجاني حسن .. ردت اروح ويا بس شفتج وكلي ابقة الخاطرها وبقيت الخاطرج .. وداعتج
سمراء : انصدمت وفتحت عيوني وصلت بصرخة .. يعني ردت تموتتت
صگار : راد ياخذني ويا بس شفتج ورجعت علمودج
سمراء : بجيت مثل الطفل وضل يمسح بدموعي .. لزمني من ايدي وقربني على خشمة .. وكال بصوت هادئ ..
صگار : تحبيني سمرتي ؟
سمراء : توترت وردت اوخر منة بس لزمني من رگبتي وقربني أكثر ..
صگار : كولي سمرة .. كولي لا تخوفيني .. گلبج حابني ؟ رايدني ؟ راح يتقبلني زوج الج ؟
سمراء : تذكرت كل كلام اسد .. وغمضت عيوني وتشجعت وكلت ..
- أي .. احبك
بحركة سريعة حسيت بقبلة على شفتي .. ما عرفت شلون اتصرف .. اوخرة لو لا ! .. بس تذكرت هوا زوجي فقط عقد قران ! وخرتة وابتعدت .. وكأن فهم كال بأبتسامة ..
صگار : وداعت عيونج .. بس اطيب نروح نعقد محكمة وتصيرين زوجتي شرعاً وقانوناً ..
سمراء : ما كدرت اخفي ابتسامتي .. شوية وكلت
- صدك تحبني ؟
صگار : وروح حسن .. وعافيت امي .. من أول يوم شفتج أني حبيتج .. بس....
سمراء : هنة يكللك اكرها ؟
ضل ساكت وتأكدت أنو هنة .. وأني هم سكتت .. شوى وحجة بصوت هادئ
صگار : ما أعرف شنو يصيرلي من يذكرني بـ حسن يبجن كبالي .. ومن أصعد يمج واشوفج أتذكر أبن عمج أتذكر انتي ويا نفس الدم .. بس هسة محد راح يغير حبي .. ولا بشر بهاذ الكون راح يغير حبج بگلبي أبد .. تدرين جنت بين الواعي والنايم من كتيلي احبك !
سمراء : باوعت علي بصدمة .. ضحك ورجع حجة ..
صگار : تمنيت اكلج أني هم احبج بس ما كدرت حسيت روحي مو بيدي .. حسيت تطلع من جسمي من شفت تصيحين علية عفت حسن واجيتج ..
سمراء : بجيت وكلت .. كافي فدوة .. لا تبجيني
ضحك ولزم خدي .. جرني وقربني منة وباسني من عيوني وكال ..
صگار : وداعت عيونج راح اخليهن يضحكن .. ماراح ابيجهن أبد ..
سمراء : خايفة .. أخاف يسويلك شي .. تدري من تصاوبت اجة وضل يضحك وكلي راح يموت .. تدري شصار بية ؟
صگار : بس اطلع .. واحل هاي المشكلة الماعرف منين اجتنا ونروح .. الة انعل والدي ومحمد اسطرة سطر
سمراء : مسحت دموعي وبهل اثناء انفتح الباب واجة اسد ..
اسد : كافييي يلة .. عفناكم هواييي .. شني حتى احنا مشتاگيلك كوا**
سمراء : لا تستغربون من الميانة الي بينهم .. صگار واسد اصدقاء قبل ما يكون عمة ..
صار العصر وبالكوة قنعني ارجع للبيت .. رجعت وجان الاوضاع نوعاً ما هدوء .. تلكني البنات غزل وضحى وهند .. سلمت وكبل صعدت سبحت وطلعت بدلت وعطرت روحي ونزلت .. شفت عمة وكضتني تبوس بية .. وبلاخص من كتلها صگار زين حيل وحجة وياي .. واخذتها للغرفة وحجيتلها كلش دار بينا .. ما تتخيلون الفرحة إلي صارت بيها .. هية من تفرح وجها يصير احمر وينور ..
مر اليوم عادي .. مر 10 أيام وصار كلش زين .. بس لا عصبية ولا توتر ولا تعب .. تواصلي ويا اسد كل ساعتين اخابرة من تليفون عمة ..
واليوم الـ 11 طلع صگار .. وما تتخيلون الفرحة إلي صارت بالبيت من بعد موت حسن الله يرحمة ..
عمة حضرت جميع الأكل إلي يحبة صگار .. وأني ساعدتها بكل أكلة يحبها حبيبي ..
رجلي طابت بهاي الـ 10 أيام وشلت الخياطات بس لافتها .. بدت تقرب الساعة موعد جيتهم .. أجت عمة خديجة وكضتني من زندي وكالت ..
خديجة : روحي يمة .. اسبحي وبدلي وخليلج كحيلة وحميرة .. تعطري واطلعي عروس .. كسري خشمهن واحركي گلبهن .. يلة روحي
سمراء : تمام رايحة ..
رحت صعدت .. حضرت دشاشة سودة كلوش .. وتصميمها كلش حلو اشبه بالفستان .. وبيها حزام اسود .. رحت سبحت وطلعت .. تعطرت بأكثر عطر كلي يلوكلج .. ويحبة .. لبست حجل وسوار .. ولبست كلادة فضية وبيها ياقوتة وردي .. وحتى نعالي ( تكرمون ) وشالي وقراصتي جديدة ..
وبين قوسين حبيت كلشي جديد .. حبيت ابدي حياة جديدة بكلشي جديد ..
نزلت وأخذت الثرم من غزل لأن بقت بس هية ما مبدلة .. راحت وبين ما أني اثرم سمعت صوت رمي عرفت صگار اجة .. وتأكدت من صارت هوسات الة لا تكولون ليش وشكو .. صگار الايد اليمنة وحزام ضهر الشيخ .. الهاذ السبب استهدفو هوا ضربو طلقة علمود يكسرون الشيخ بس ماكدرو .. على كولتة للشيخ .. الستهدفو فحل ..
رحت جوة بالصالة يم عمتي .. شوية وانفتح الباب .. اجة خيال ضخم .. عيونة ضلت تدور شي ضايع الة .. أجت عيونة بعيوني واجة حضني بقوة .. انصدمت من ردة فعلة وكبال الكل !
بعد حضن طويل .. وخرت منة وباوع بوجهي .. باسني وأجت عمة خديجة .. كلبتها مناحة هية والشيخة .. عيون الموجودين بعضهم وتعرفوهم منو ! لو بيدهم جان اكلوني أني وعضمي ..
سلم على المحرمين علي .. اجن بعض البنات راحن يتسالمن ويا .. سلم سلام بالكلام بس وفشلهن .. ومن ضمنهم نوارة .. وما تتخيلون وجها شلون صار .. خلص وراح رجع يم الزلم ..
صار اليل وبهاي الوقت طاح حضناااا .. صارت بـ 12 يالة خلصنا كلشي وبقة بس شغل إلي على البنات .. أني صعدت بأمر من عمة خديجة ..
رحت وهم سبحت لأن دمرت مي وزاهي ومرك وزفرة طلعت لبست دشاشة سودة قصيرة .. النص الرجلين
ونص درن .. مشطت وروتين ليلي عادي ..
أول ما شمرت روحي على الچرباية انفتح الباب .. كمت وعدلت الدشاشة لأن رجلية كلهن طلعن على أثر القفزة .. ضحك وقفل الباب وفتحلي ايدة .. استحيت اروح بحضنة بس مشتاقتلة .. رحت وحضني وباسني من خدي وكال ..
صگار : ما شبعت منج سمرتي ..
سمراء : حرت شنو أكول .. بس ابتسمت .. راح وكعد بتعب .. رحت يمة وكلت
- متأذي ؟
صگار : لااا .. بس حاير شلون أخذ ثار الشيخ .. ضلو يعيرون بي لأن أذوني
سمراء : زين شلون ؟
صگار : ما أعرف يسمرة .. فصل ! ما بعازة نكا*ستهم كلهن فلوس حرام .. فصلية ؟ مستحيللل
سمراء : من ذكر فصلية .. باوعت علي وعيوني فاتحتهن بصدمة ..
صگار : آسف سمرة .. ما قصدي .. حاير والله
سمراء : اضرب إلي كتلك
صگار : إذا اسويها راح تصير دماية .. همة عنوديين واحنا اعند ! ضربوني وراح اضرب أحد منهم .. ويجي واحد منهم وراح يضرب أحد منا وراح تضل وتوصل دماية ..
سمراء : زين اخذو فصل قوي
صگار : فلوس حرام .. مستحيل ادخل بيتنا فلوس حرام !
سمراء : لاااا .. هنا فلوس حرام .. لا تاخذهن انطيهن الفقير ..
صگار : همة عدهم مزرعة ..احتمال اخذها وابيعها واوزعهن على الفقرة !
سمراء : أي صح .. زين كم متر ؟
صگار : يا جبيرة 200 متر !
سمراء : زين اخذها وقسمها على الفقرة ؟
صگار : مستحيللل .. راح يجون ما يخافون الله همة ويطلعوهم من البيوت
سمراء : لعد أحسن حل بيعها وانطي الفلوس للفقرة
صگار : ماعرف سمرتي حاير .. تعبان .. كل مرة حسن وياي هالمرة أحس روحي مكسور ماعرف شلون اتصرف من دونة
سمراء : بدت عيونة تلمع .. وللاسف طاحت دموعة .. بجيت ومن صدك حسيت روحي مذنبة ! .. على شنو ! ماعرف .. أو يمكن حسيت روحي مذنبة لأن من نفس دمي كتال صاحبة ؟
حضني حيل وكعدني على رجلة وكال ..
صگار : كافي سمرة .. جان الحزن عامي على مشاعري وعامي عيوني .. مخليني أفكر بس بالانتقام عن طريقج .. بس گلبي هسة حبج .. حبج من زمان .. تدرين شوكت ؟ من أول ما شفتج بالفرع مالتكم .. الهاذ السبب كتلهم اشوفهن يالة .. ردت اخليج بأسم اخوي .. بس كلت أخاف گلبي يحبها ويصير ذنب .. وخفت اخون اخوي
سمراء : أني اسفة والله .. والله مو أني إلي كتلتة ولحسين يابة .. مو....
صگار : اشششش .. أدري ماكو داعي تبررين سمرتي ماكو داعي يروحي
سمراء : صگار
- عيونة
- أني انطيتك گلبي .. لا تخذلني بيوم .. ولا تسمع كلامهن .. ترا والله أني مالي دخل .. لا تكسر گلبي ولا تقهرني .. إذا نتعارك نتعارك بس أني وياك على شي يخص حياتنا .. لا تخلي أحد هوا يتحكم بحياتنا حباب
صگار : وداعت عيونج وعيت .. جنت مخلي الانتقام ببالي بس حبج فاز بگلبي .. وما اكلج ماراح انتقم لاا راح انتقم واخذ حقهم كلهممم بس رجال برجال .. وأنتي راح تكونين مرتي وأم اطفالي .. واتحدا اليطخج
سمراء : تدري إذا يموت مهدي كلش عادي عندي ؟
صگار : تكرهي ؟
سمراء : أكثر من ما تتصور
صگار : شنو السبب ؟
سمراء : هواي اسباب مو سبب واحد
صگار : ممكن أعرف !
سمراء : بس لا تزعل لو تتغير نضرتك عني .. ترا والله مالي دخل أني
صگار : ماضي ما إلي حق بي بس حاضرج ومستقبلج لاا .. لأن أني بي
سمراء : تمام .. مو تزعل مني
صگار : لااا حبيبتي ما ازعل ..
سمراء : شوف .. مهدي الحقير .. هواي أذاني وكان هوة سبب تعساتي وهوة بطلنى من الدراسة .. تدري ودة صديقة يتحرش بية علمود تكون حجة وابطل من المدرسة ؟
صگار : اكسر عيونة وارجعج
سمراء : تدري جان كل ما يشوفني يكتلني ؟ .. وبمرة أمي جانت زعلانة من سبب امة .. سوت سحر الأمي وابوي وخلتهم يتعاركون .. أني جنت نايمة يمهم لأن أبو كال الابوي نوم بناتك يمي .. جان بوقتها عمري 6 سنوات .. وأني نايمة تحا*رش بية
انصدم صگار وضل يتواعدلة ..
صگار : وداعت عيونج يسمرة الة أخذ حقج منةة
سمراء : وتدري هاي مو أول مرة ! وقبلها جان عمري 5 .. بوقتها أبن عمي راهب .. احنا الجهال تعاركنا وهوة خوفنا وحصرنا بالزاوية بواير .. ملفوف الف لفة وهددنا بي .. وبوقتها هدنا وردت اروح .. هوة إلي خذاني وضل يخوف بية وجان ببيتهم القديم بينا وبينهم ترك .. وجان اضلم حيللللللل وجانت دنية ليل .. وما اذكر بالضبط شسوة بس سوة شي قذر
يعني هم تحا*رش بية
حضني من انهاريت بالبكاء .. مستحيل اتخطى إلي سوا بية بعمري وحياتي .. كل ليلة اذكرها واضل ابجي مستحيلللل ..
ضل يهدئ بية ..
صگار : وداعت عيونج .. وروح حسن ما راح اعدي هاي على خير .. الة اخذ حقج منة وروح حسن
سمراء : حيل عذنبي .. ما انسة إلي سوا بية أبد .. يومية اتذكرة واضل ابجي .. كل ما اصلي ارجع اتوضة ألف مرة .. أحس روحي قذرة على السوا بية والله جنت طفلة صغيرة .. صغيرة وجنت أخاف .. جان يهددني وأني من فطاريتي أخاف .. واسكت .. تدري أختي فواطم راد يغت**صبها ؟
صگار : ايا كوا** ساق**
سمراء : والله على آخر دقيقة تلاحكتها امي وأني وحتى امهم سوت سحر النا لأن كلنا وتعاركو ويا ابنها وضربو
صگار : امهم سحارة ؟
سمراء : ياااااا .. يا بس سحارةة .. چا هوة أني ليش أجبت فصلية ! جان محد قابل .. بس بنتها عود أجت تشوفني وكالت سويت سحر وقبلو .. عقدت لسانهم عقد ..وهاذ كلة علمود ابنها لا ينكتل ! بس رب العالمين جان اقوة منها .. وسخرك تحبني وتكون سندي
صگار : وأني راح اضل احبج .. وراح أكون سندج حتى إذا اجة بيوم من الأيام وتفارگنة لا سامح الله راح اضل ساندج من وراج
سمراء : لااااا .. لا تعوفنييي
صگار : أن شاء الله حبيبتي .. هسة يلة امسحي هاي العيون الحلوة .. وتعاي عدليلي الشاش أريد اسبح ..
سمراء : شلون اعدلة ؟
صگار : شوفي .. تجيبين علاگة .. ولاسق هاذ ويا الادوية .. تشگين شوية وتخليها على كد الجرح وتلزگيي زين
سمراء : بدة يشرحلي الحد ما سوينا .. وفوكاها هم لفيت شاش .. وراح يسبح .. حضرت ملابسة ..
وأني رحت تغطيت وضليت اباوع على السگف .. شوية وانفتح الباب .. ما باوعت لأن راح يكون بلا فالينة .. شميت عطرة .. ضحكت واجة نام بصفي ..
جرني علي وحضني .. ضم راسة بنص رگبتي وكال .
صگار : بعد ما اتحسر على حضنة لو بوسة منج .. كلشي راح يكون ضاهر .. جنت اتحسر واتمنى احضنج .. بس ما ردت ابوح مشاعري اتجاهج
سمراء : خليت ايدي على ايدي الحاضنة بطني .. ونمت ..
صار ثاني يوم كعدت لكيتة ماكو ..
غسلت وجهي وسنوني ونزلت .. تريكت ورحت الشغلي والوجوه ثكلانة أكثر من قبل .. ما اهتميت الأي وحدة منهن .. واي وحدة تحجي اردها وإذا زادت بضهري الشيخة وعمتي خديجة .. حاكمات وامهات البيت ..
صار اليل وانهلكنا بالشغل ...
ومر أسبوع بين شغل وتعب .. وخطار رايح جاي .. الحد يوم الجمعة كلشي انحل وسوة صگا مثل ما كال .. أخذ المزرعة وكسر خشومهم بيها .. هواي سولفولي .. وانو اعداء من زمان .. من اجداد اجدادهم هاي العداوة ..
علاقتي ويا صگار .. صار كلشي واضح .. غزلة ؟ حبة ! اهتمامة ! كلامة ! عكس قبل
خلصت شغل وصعدت .. جنت مدمرة زيادة عن الزوم .. ما اكدر امشي ابد ملابسي مدمرة والماي بارد ثلج .. صعدت كبل سبحت لأن الزاهي خلي رجلية تتحسس .. طلعت شفت صگار كاعد .. شافني وكام واجة بأتجاهي .. أني هم ضحكت ورحت .. بحركة غير متوقعة لزمني من خصري وقربني علي ..
سمراء : حليتها ؟
صگار : أكيد وكسرت خشومهم
سمراء : كفو منك .. وشسويت المزرعة ؟
صگار : هاي ورقة الملكية ..
سمراء : طلعها من جيبة وكلي ..
صگار : هاي ضميها عندج
سمراء : ليش عندي ؟
صگار : بعد أنتي مسؤولة على أي شي يخصني
سمراء : تدلل .. اخذتها منة وخرت ورحت ضميتها .. راح يسبح وأني امشط ..
....
مرن الأيام .. والاحلام والشخص إلي يجيني أبد ما عافني ولا ثانية لو غفيت بيها .. أكعد مرعوبة .. تعلمت على الوضع بس الخوف يزيد ما ينقص .. وصار بعد الدورت السنة مال حسن أيام قليلة .. صگار تغير 180 درجة .. صار مكتئب والضحكة فارقت وجهة .. ينتر ويصيح وبليل اسمعة يحجي .. وحسب ما كال اسد أنو لازم احتضنة بهيج مواقف واتفهمة ..
وفعلاً هاذ إلي سويتة .. احتضنتة وهوة تقبل .. صار يومية يبجي .. ينام على بطني ويضل يبجي وكأنة طفل صغير .. يحج ويعاتب ويبجي ..
حقة .. حيل حقة .. 27 سنة همة سوة .. من عمرة أيام نولدو سوة ورضعو من نفس الحليب .. وهسة بكل سهولة يموت ! بين ليلة وضحاها راح وعافة !
صار يوم الفاتحة وصگار مهدود حيلة ..
ردت ما اروح بس عمتي اصرت أنو اروح .. بعد يلي صار بالاربعين حيل خفت من شي اسمة مقابر ..
بـ 1 ليلاً ..
سمراء : عمة ما أريد .. خليني ابقة
خديجة : سمراء زوجج يبقة وحدة يا يمة محتاجج حيل
سمراء : خايفة
خديجة : خيبة من شنو .. غير احنة وياج ..
سمراء : تقربت مني وهمست
خديجة : علمود احنا نبقى ونروح للسيد ..
سمراء : اوففففف والله خايفة ..
خديجة : ماكو شي حبيبتي .. سمي بأسم الرحمـٰن وتوكلي
سمراء : ضلينة نجهز بالغراض .. والولد وحد والنسوان وحد ..
تحركنا بالسيارة وجنا 3 سيارت .. سيارة شيوخ وسيارة زلم وعدهم الأكل وسيارة البنات .. رحنا وصگار جان طول الطريق اشوفة وتعبان وباين علي الكسرة .. وصلنا بعد وقت طويل حيلللل .. وصلنا وأول شي زرنا المقابر علمود نبقى وقت هواي يم الأمام ..
وأول ما وصلو صار الصريخ ..
ما عدا صگار ! كانة بعالم آخر .. ما يبجي ولا حتى يرمش .. خفت علي حيل وبلاخص هوة ما صاير 40 يوم على الجرح مالة وجرحة بالگلب .. حيل خفت علي وخفت خاف يوكف گلبة .. أو يتأذة .. رحت يمة وصرت بصفة كلش وكلت بصوت هادئ ..
سمراء : شبيك صگاري ؟ .. احاجي ما يجاوب .. بديت أخاف أكثر .. رحت جبت ماي ورشيت على وجهة علمود يحس بالماي ويصحصح .. وفعلاً صحصح على الماي البارد ..
- شبيك صگري .. ابجي لا تسكت ..كوم وخرهم لا تخليهم بس همة يحضنو كوم انتة هو عزيزك مو عزيزهم كوم صگري كومم يلةة
وفعلاً .. وكف وضل يمشي ببطئ وكأن يجر بروحة جر .. كعد يم گبرة .. كلمات كالها قبل الانهيار ..
صگار : غدروني وانتة جنت ما موجود .. طول عمرك جنت تحاميلي .. أقل من سنة رحت وعفتني وهل انغدرت ..
سمراء : سكت الثواني .. ودموعة وكعن عشرة عشرة بدة ينهار شوية شوية .. رحت يمة من شفتة حرك ايدي وعرفت راح يضرب صدرة ..
ركضت علي ولزمت ايدي .. .. بس للأسف ما كدرت على قوتة .. يأيدي وضل يدك على صدرة .. هم زين تلاكحو الولد وكضو ايدي ..
وخرو بعد ما حلف الهم كلشي ما يسوي ..
حضنتة وحاولت أكون بقربة وما اتركة ولا لحضة .. كعدت بحضنة وابجي على بجية ..
مر وقت طويل وهمة كاعدين بجي ولطم وعتاب .. ساعتين ضبط هوة يبجي ومنهار ..
بعدها كالو الزلم الشيوخ أنو لازم نروح .. رحنا للأمام علي عليه السلام .. زارو وخلصو وهمة راحو .. واحنا بقينة ..
أني والشيخة وعمة خديجة وهاشم وغزل وصگار ..
توجهنا للشيخ وگلبي يرجف .. بديت اتعب وخمول مو طبيعي .. واليقهر اكو شي بداخلي يحجي كلام مو زين على أمامي وعلى السيد .. وحسب ما كالت من ذرية الأمام علي السيد .. ما تتخيلون الحرب النفسية الي عشتها ..
***
غزل : طول الطريق وسمراء بدت تخرب .. تحجي وياي وتبجي وحاضنة صگار وتكول ..
سمراء : جاي يغلط على ايمامي جاي يحجي علي ..
غزل : بالكوة نومناها علمود لا تبقى بهاذ التعب .. ربع ساعة وفزت بطريقة مرعبة .. فزت تصيح وتتوسل
سمراء : لااااا لاااا .. صگاررر .. صگاررر راح يكتلكك والله .. راحح يكتلك صگارررر
غزل : أول مرة أشاهد هيج حالة .. والرعب استحل على گلبي .. صگار تخبل على كلامها .. كأنها مو واعية .. سئلناها شنو تحلمت وسولفتلنا وأني مرعوبةةةةةة ..
سمراء : اجةة اجاني .. ضربني راجدي وعضني من چتفي وضل يهدد يكلي ارجعي لا ترحين .. وإذا رحتو للشيخ راح اكتل صگار وكل إلي وياج
غزل : تحجي وتشهك وتبجي .. وأني الخوف إلي حسيت بييييي مو طبيعيييي ابددد ..
وصلنا للسيد وجان طريقة حيل حلو .. بمكان كلة نهر واشجار .. وصلنا وجان يمة هواي ناس .. احنا ضلينا آخر الناس لأن من عرف امي حب ينطيها وقت فارغ
وجه السيد مليئ بالنور .. ما شلت عيوني عنة أبد .. وسمراء بس ترجف .. راحو الناس واستقبلنا بغرفة عبارة عن ايات قرآنية وقرآن وبخور ومسك يجننن .. والحلو كلهن مزورات كلهننن .. أمام الرضا عليه السلام والحسن والحسين وابو فاضل والامام علي عليهم السلام ..
كعد وكعد سمراء كبالة .. بس أكيد صگار بصفها ما عافها .. بدة يسئلها ..
السيد : شبيج بابةة ؟
غزل : يحجي وسمراء ساكتة .. كللها صگار أنو لازم تحجي وترد علي وبدت ترد ..
السيد : من شوكت يجنج هاي الأحلام والشخص ؟
سمراء : م..ن رحت للنجف
صگار : من راحت للنجف بأربعين ميت .. من يومها ورا شهر ضلت تشكي وتفز مرعوبةة ومرات تضل تحجي وهية نايمة ..
السيد : شنو شكلة أو هيئة الشخص ؟
سمراء : طويل حيلل .. واسود وعيونة ماكو وصوتة يخوف حيلل
السيد : شنو يكلج ؟
سمراء : يهددني يريد ابتعد عن صگار
السيد : ذكرت ام صگار أنو تحلمتي قبل شوية ؟
سمراء : ايي تحلمت .. يهددني وعضني بچتفي
السيد : بلة اشوف چتفچ .. او زوجها خل يشوفة إذا اكو احراج
غزل : شافة صگار وباوع على السيد وكال
صگار : اكو أثر سيدنا
السيد : خير أن شاء الله .. زين اكو اعداء أو فد مرة تحلمتي أو سئلتي منو هوة ؟
سمراء : ما أعرف
السيد : ياعلي مدد .. شوف شيخ صگار .. أول شي نبدي بيك لأن المستهدف انتة .. بس سؤال واحد
صگار : تفضل ..
السيد : بعلاقتكم الزوجية هم تنفر أو بليل تتحلم شي قوي ؟
غزل : دنك صگار وباوع السمراء وكال ..
صگار : شيخ احنا مزوجين بس عقد قرآن .. زوجين بس بالاسم .. بس مرات اتقرب تقرب خفيف وبليل تحجي وتفز مرعوبة
سمراء : من احضنة لو نفرح ولو شوية .. يجيني بليل ويأذيني حيل يضل يضربني
السيد : زين هم صار بينكم شي أو حاول يتقرب منج بالحلم
سمراء : أي هواييي .. بس اضل ابجي ويكعدني صگار
السيد : يا امنا الزهراء ..
غزل : أمرنا السيد نردد ( سلاماً قولاً من رب الرحيم )
السيد : مثل ما كلت .. أول شي نبدي بيكم وبلاخص شيخ صگار لأن أي شي يصدر منك راح تتأذة حيل .. واحتمال هسة راح يأذيك أكثر .. راح احصنك بأيات قرآنية علمود ما يكدر عليك
خديجة : زين سيد منين اجاها هاذ ؟ هية مؤمنة وتصلي وتصوم ونضيفة طاهرة
السيد : ما معروف حالياً ..بس راح انطيها صلاة وايات تقراها .. لازم تسويها اليوم وتروح تنام وتتحلم ونشوف منو .. بس هسة حسب ما كالت أنو من رجعت من الگبور صار بيها هيج احتمال دايسة على فد سحر لو رجلها طامسة بشي !
سمراء : تذكرت من نوارة شمرتني وراحت .. رجلي طمست مدري بشنو .. وكلت ..
- ايي اي رجلي طمست بمدري شنوو .. وبوقتها حسيت شي أسود خطف من يمي
السيد : أي وهوة احتمال بهذاك الوقت اجاج .. بس الأكبر احتمال بالأكل سحر ** لو ضاربين بوجهج لو كايلينة بوجهج
غزل : انطاها وعلمها على صلوات وانطاها ايات .. وصگار انطا حرز مدري شسما .. يعني حصنة بأيات قرآنية علمود لا يتأذة ..واحنا كذالك ما عداها هية
رحنا والسيد ما قبل راد نبات يمة بس زحمة .. ورحنا الفندق .. كل نفرين بغرفة .. أني والشيخة وصگار وسمرة وهاشم وامي ..
**
سمراء : سويت كل إلي كالي علي السيد .. صليت وقريت الايات وكبل نمت ..
تحلمت .. ثلاث نسوات .. شمس ونوارة شيماء أم نوارة .. ورا الشخص المرعب الاسود .. ويضحكن والشخص الأسود كال ..
- مو أني .. هنة .. أني مالي دخل .. هنة خلني احبج ليش سويتي هيج
سمراء : بين الصاحية والنايمة وحاولت احجي وحجيت ..
- تعبت منك
- أني احبج .. هنة مو أني .. كلولي اخذها الك
- منو هنة
أشرلي عليهن .. وانگلب وجوهن .. صارن وجوهن مرعبة بشكلللل مو طبيعيييي .. وصار صوت مثل دكات الساعة وثواني وصار صريخ رج طبلة أذني رج
كعدت مفزوعة والنفس كوة اجرة .. شفت صگار باس القرآن واجة ركض علية .. حضنتة علمود ولو شوية اخفف من الخوف إلي اعيشة .. حضنتة وضليت ابجي .. ضل يرتل بصوتة الهادئ قرآن وبديت اهدئ واغفة على صوتة ..
تحلمت حلم بس هاذ ارعب بأضعافففف ..
نفسهن وبنفس السطر ونفس الترتيب .. بس لابسات أبيض موصخ .. وشعرهن حيللللللل طويللل وراهن مكان مهجور ومرعب حيل .. اباوع عليهن ووجوهن بدت تنگلب .. عيونهم بدن يختفن ويصيرن عبارة عن سواد وحلكهن بدة يصير سواد ويكبر .. وبلاخص شمس .. أكثر وحدة جانت مرعبة .. وكذالك صوت دكات ساعة وصارت صرخة وهجمت علية شمس ..
( سلاماً قولاً من رب الرحيم )
فزيت وصرخت برعب .. حضني صگار وضل يسمي بصوت عالي ..
باوعت للدنية لكيتها فاتحة .. عرفتة الفجر .. راح صگار شغل الاضوية وخر البردة واجة منضر قبة الأمام .. والجمال يجننننن ..
خفت حتى امشي وانزل رجلية على الكاع .. اجة شالني صگار وضل يشاقيني وأني ابجي ..
سمراء : أذن ؟
صگار : جاي يأذن ؟
سمراء : انتبهت على صوت الأذن .. صوت يجنن رحت فتحت الجامة وضرب وجهي هوى نقي وعطر انقى .. ضليت أستمع للأذن .. خلص ورحت توضيت ردت اصلي بس صگار كال ..
صگار : ننزل نصلي يم الأمام ؟
سمراء : أي أي .. والله خايفة ما أريد ابقى هنا خل نروح
صگار : هاي هية تدللين .. يلة لبسي وخل ننزل ..
سمراء : لبست شالي ولبست عباتي ونزلنا .. الهوى يخبل والدنية شوية بيها ضوة .. والناس وريحة الريوك والبيض والسياح يخبل
طبينا للأمام الحسين .. وصلينا واحد بصف الثاني ..
لا تستغربون لأن السيد قريب على أمام الحسين والعباس .. بكربلاء ..
صلينة وخلصنة وضلينة كاعدين .. جوة الأمام باردة .. اخذنا زاوية ولميت روحي على صگار وضليت اتأمل جمال المرقد ..
بديت اذكر الحلم بس بدون خوف .. لأن أحس بأمان وأني بحضرة الحسين .. ضليت ادعي وادعي ..
ادعي حياتي أني وصگار تصير حلوة ويبعد عنا كل شخص ضالم وما يريد النا الخير .. وإذا صدك هوة يحبني ينطيني حلم يكون بشارة وإذا لا ينطيني حلم مو حلو واعتبرة إشارة ..
شفت إلي يبجي .. والي يهلهل ويطش جگليت والي يدعي ويريد مرادة .. وال يصلي .. وشفت الصديقات وشفت زوجين ايد بأيد وضحكتهم مرسومة على وجوهم ..
لزمني صگار من ايدي وكال ..
صگار : وحق سيدي الحسين احبج .. وماراح اخلي دمعتج على خدج تطيح أبد .. راح اخليج اسعد انسانة وأوفي وصية الرسول ..
سمراء : ابتسمت وبجيت وكلتلة ..
- ما عندي غيرك من بعد ربي وأئمتي صگار .. لا تعوفني وكون سندي
صگار : راح اضل اسندج حتى لو ابتعدنا عن بعض .. اسندج من ورا ضهرج سمرتي ..
سمراء : بجيت وكلت .. لاا لا تكول هيج أبد لا تعوفني صگار حباب
صگار : وعد زلم ما اعوفج .. والحسين شاهد
سمراء : ابتسمت ودك تليفونة .. جاوب وطلع هاشم .. كلة احنا وين وشوية وسدا .. ورا ربع ساعة شفنا غزل وعمتي والشيخة ..
زرنا وخلصنا وطلعنا كلنا علمود نتريك ..
طبينا المطعم .. اكلنا وطلعنا .. ضلينة نمشي ونباوع على المحلات وكفنا صگار على محل ملابس وكال
صگار : يلة شوفن شنو تاخذن
سمراء : ماريد
صگار : ما جبنا ملابس سمرة وملابسجن مايصير تبقن بيها
سمراء : ما جادلت وطبت عمتي للمحل واشترت إلي ثلاث تراكات والغزل هم .. واشترت النا عبي جديدة وشالات واحذية ( تكرمون ) وجواريب ..
وهاشم وصگار هم اشترو دشاديش .. ما جبنا ملابس النا لأن جنة مقررين أنو نشتري من الأمام ..
رجعت للفندق وكبل سبحت وطلعت .. وراي صگار .. خلصنا كلشي وتوجهنا للسيد ..
كذالك أول ما طبيت للدوانية ماعرف شبية وحسيت روحي طلعت ..
**
غزل : سلمنا على السيد .. وسئلها شنو شافت من نامت .. أول ما ذكرت 3 تأكدت 100% أنو هية الي سوت هيج بيها ..
أخذت كف ايدها وضل يقرأ .. وذكر أنو 3 نسوان .. وطلعت حتى صورهن وحدة وحدة .. ضل يكول معاني وجوهن واعمارهن واساميهن وانصدمنا من نوارة وامها !!
عود أني كلت هاي فطيرة وخوافة من هيج سوالف !
مر أسبوع كامل .. احنا نروح ونرجع للسيد .. وبيوم انطاها ورقة وكللها تعليمات الورقة وشنو تقرا من ايات وياها .. وذكر أنو لازم يقراهن كبالها ويلزم ماي صگار ..
رجعنا للبيت سمرة متخربطة .. بعد ما قرأ ايات عليها .. سوا إلي كال علي صگار .. وطول ما يقرأ
البنية ترجف .. نريد نلزمها نهدأها ماكو !! ترجف
خلص وخلا الورقة باگلاص وطلعها وشربت الماي ..
نامت وما كدرت اعوفها وحدها ونمت يمها ..
لليل ضلت ترجف .. وهية نايمة .. شالها واخذها للحمام لأن ذكر انو راح تستفرغ الشحر لأن طلع موكول ..
وفعلاً .. ضلت تستفرغ حشرات .. واسوددد فحم .. تخبلت وصرت ابجي وانرعبت عليها .. صگار حالة اقوة من حالي .. خايف ويدعي ويقرأ وضل يردد ورقة انطاها الة السيد وكلة من يصير هاذ الوضع ..
ضلت تستفرغ هوايييي .. وجها صار ازرك .. ربع ساعة هية بس تستفرغ .. شوية وهدأت بس اغمى عليها .. شالها ونومها على الچرباية وضل يردد بأذنها سورة السيد كالها آلة ..
اليل كلة سهران وما نام أبد .. ضل يردد ويعيد القرآن
صار الصبح .. وكعدت .. والصدمة كلشي ما تتذكر من يلي صار ..
سبحت وبدلت ونزلنا زرنا .. ضلت تصلي وتقرا قرآن مر وقت طويل وما فارقها القرآن ..
طلعنا وتريكنا وبوجهنا للشيخ ..
قرأ على راسها ايات قرآنية علمود يشوف بعدة مفعول السحر لو لا .. والحمدلله كلشي ماكو ..
السيد : إلي استفرغتة البارحة هاذ كلة سحر .. يمكن منعاد الها 3 مرات ..
صگار : زين وهاذ إلي بيها ؟
السيد : صار ما الة سيطرة عليها .. السحر وراح .. وبعد هسة راح انطيها حرمل .. وختمات .. وكونن اريدج بابا ما تتركين صلاة اليل ولا تتركين سورة الحشر .. واريدج تقوين روحج بدعاء العهد .. هذني كلهن راح يقون علاقتج بربج وبعد حتى السحر ماراح يكدر يدخل بجسمج .. لأن السحر وال** عدوهن الصلاة .. الصلاة والعبادة تبعد عن الإنسان كل مكروه .. ومن تنامين نامي على وضوء ..
غزل : اخذنا وانطاها قرآن صغير .. مزور هم كل الأئمة .. وكاللها كل ما تخاف لو تحلم حلم مو حلو تقرأ القرآن الصغير ..
الكلام إلي كالة مو بس قنعها .. قنعنا كلنا .. أني وهاشم وامي وكلنا .. وعدت روحي أنو راح اصير قوية بعلاقتي ويا ربي .. ما أكول ما اصلي بس اصلي بس الفريضة يعني المستحبات ما اصليهن ..
رجعنا وزرنا الأمام ابا الفضل والحسين الآخر مرة .. وعدت روحي وأني ابجي وبنص سيدي الحسين .. أنو راح ارجع الربي وماراح اتركة أبد ..
طلعنا وتوجهنا للبيت ....
***
ضحى : رجعنا وردت اروح وياهم بس ما خلتني عمتي .. رجعت وگلبي ضل يم سمرتي ..
مر أسبوع كلش مو حلو بدونها .. مستفقدتها أني وهند حيل ..
ومن سولفتلي على الصار بينها وبين صگار ما تتخيلون فرحتي شلون .. حسيت الدنية بدت تضحك بوجوهنا .. وبلاخص اصهب .. حيل متغير وما يهمة حجيهن .. وشحدها إلي تحجي وياي .. بلا هند هند صارت زوجة رسمياً ..
رزلتها حيل لأن ازوجت بدون عقد محكمة .. بس كالت
هند : لججج والله هوة كال من تكلع دورت السنة مال حسن .. وهسة صارلها أسبوع .. حددنا الوقت وحتى حفلة راح يسوي
ضحى : صدك والله
هند : والله هوة كال
ضحى : بستها فرحانة الها .. سبحان الله .. بليلة ويوم انگلبو 180 درجة والضاهر صگار أثر عليهم
وأكبر دليل اسد سولفلي شنو دار بينهم ..
..
اسد : صگار فهمهم .. وخلاهم يعرفون إذا يحبون لو لاا .. وما شاء الله كلهم عاشگين ..
ضحى : شنو كاللهم ؟
اسد : شوفي أول شي كاللهم على زواجة إلي راح يصير رسمي .. وكللهم أني احبها .. وبعدين فهمهم أنو انتن موو سبب إلي راحو وانتن مضلومات .. وكال ..
صگار : هنة شدخلهن .. مضلومات .. راحن ضحية جهل واحد ساق** .. وما مقصرات ويانة بشي مو يابة !
اصهب : صح .. بس صگار شلون يعني .. أني مرتي جنت حيل شاظد وياهة ! يعني راح تتقبلني گ زوج ونعيش باقي حياتنا ؟
صگار : لا تجي گبل وتكللها احبج ومدري شنو .. اوكف وياها وكفهن عد حدهن .. ورجع كرامتها يالة تكللها احبج ..
اصهب : اخخخخ تمنيت كون شايفها وحابها ومزوجها
صگار : بعد ربك كاتب هيج تكون حياتكم .. دامك حبيتها رجع حقها ورجع كرامتها كبال عماتك امهات السحورة ونوب اعقد شيخ وسويلها حفلة علمود يعرفون انتة حبيتها وتصير زوجة مو فصلية
اصهب : وإذا ما قبلت !
صگار : كل خطة بوقتها .. عود إذا ما قبلت نشوف شنو نسوي
فهد : زين وثارنا إلي وعدنا گلب محروك ناخذة حقهم ؟
صگار : رجال برجال .. مو نتقوة على جنس لطيف وصية رسول الله هذني .. ماعرف شنو جان بعقلي من جنت ازمخ بوجها لو اصيح عليها .. والله فد متندممم
اصهب : أي وروح حسن .. حيل متندم على كل لحضة زمخت بوجها
...
اسد : تدرين يحبج من زمان بس جان ما يكدر لأن تعرفين يخاف على امهات إلي راحو .. ولجج جانن يحجن حجي .. ولعباس أني اضل اكرهجن .. يبجن ويصرخن ويعاتبن بي .. ويحلفنة بروح حسن أنو ياخذ حقهم
ضحى : ماعرف والله .. يعني اصهب يحبني ؟
اسد : أي
ضحى : أحس جذاب !
اسد : شنو هاذ الاحساس الزمال ؟
ضحى : والله يعني هوة جان يكرهني وحتى هوة كال !
اسد : علمود يقهرج
ضحى : عقلي تشوش حيلل
اسد : خل تجي سمرة وهية تفهمج .. هية عقلها جبير وتعرف تفتهم أي شخص
ضحى : صاحو وراح ..
وبهل اثناء اجة اصهب .. ابتسمت بوجهة وهوة هم والصدمة .. حضني وباسني من خدي كبال نضر الكل ! .. حسيت بالخجل مو بس حسيت !! لاااا انجلطتت .. كبل رحت للمطبخ ميتة ..
مر الوقت وأني كل ما اذكر الي سوا انجلط ..
صار اليل وصعدت للغرفة .. قبل لا افتح الباب تذكرت إلي سوا .. لزكت يم الباب .. ضليت اعض باصبعي .. شلون راح اشوفة !! شلون اتصرف شنو اكول شنو اسوي!!
سميت بأسم الله وفتحت الباب .. شفتة يحسب بفلوس .. ابتسم وكلي ..
اصهب : ضحى قوية بالحساب أنتي ؟
ضحى : أي
اصهب : تعاي ساعديني
ضحى : رحت يمة وانطاني فلوس وحسبت ويا .. خصلنا وكلت ..
- شنو هذني ؟
اصهب : أريد اسوي ثواب الحسن
ضحى : شنو الثواب !
اصهب : ذبايح ونوزع للفقراء .. وهم لازم نسوي عزيمة لأن دورت السنة مالتة
ضحى : زين شنو راح تطبخون !
اصهب : دليمية
ضحى : ضحكت وكلت .. الله والله مشتهية دليمية
ضحك وكال ..
اصهب : تحبيها !
ضحى : أي
اصهب : الة اسويلج احلى دليمية
ضحى : زين شوكت
اصهب : باجر .. وصدك صگار وسمرة بالطريق
ضحى : شهكت بصدمة وفرح وعيوني دمعت .. خليتي ايدي على حلكي ودموعي تطيح من وحدها
اصهب : هاي عود بس أنتي فرحتج بجي
ضحى : مشتاقتلها اصهب .. حيل مشتاقتلها والله
اصهب : دكافيي يابة لا تبجين .. هسة همة والـ 1 همة هنا .. كعدين الصبح اختج موجودة
ضحى : دنكت راسي وبجيت .. تذكرت امي وتذكرت فواطم وريم حيل مشتاقتلهن
كال بحيرة ..
اصهب : يابة عليج الله كافيي .. يابة ولعباس دموعج غالية
ضحى : باوعت علي وكلت بحزن .. وين جان كلامك من تضربني لأن دافعت عني روحي
اصهب : جنت اضمة .. ما احجي .. اضم بگليبي .. جنت أتمنى احضنج وما اخليج تبجين ولا اسوي هيج .. بس جان الحزن والكره طاغي .. أسمع بواجيهن ونعيهن .. وهنة گلب امهات .. جان يرف گلبي .. وبلاخص من مات حسن .. صديقي وروحي هاذ حسن روحي .. ومات من سبب شخص شايلة دمة
ضحى : شعلية أني ! قابل كايلتلة اكتلهم ! كايلتلة لو أني إلي كاتلتهم ! .. والله أني مالي دخل والله هوة الحقير كتلهم ولحسين هوة مو أني شعلية أني هيج تسوي بية
أول مبادرة منة جانت .. حضني حيل وضل يحجي على روحة .. بعدتة وأني ابجي .. رحت سبحت وطلعت وأني لسة ابجي .. گلبي حيل يوجعني وانقهر حيل من اذكر خواتي وامي .. من اذكر دموع امي ..
حاولت اسكت بس الشهكة شكت گلبي .. موتتني رحت بدون أي كلام ونمت .. حاول هواي يحجي وياي بس ويا كل حرف يحجي طيف السوا بية يمر على بالي .. حيل مقهورة من السوا كلة ..
ما حسيت على روحي ونمت ..
فزيت الصبح على شي طخ حلكي .. شفتة اصهب وكمت مفزوعة ابتسم وحك ارنبة خشمه وكال ..
اصهب : شفتج حلوة ..
ضحى : ها .. اي اي ..
وكف وعدل شعرة وكال ..
اصهب : أجت اختج .. تريدج
ضحى : شهكت وضحكت ورحت بدون حتى ما اغسل وجهي .. لفيت شالي بساع ونزلت .. وشفتها واكفة على السنگ .. رحت حضنتها من ضهرها بكل قوتي .. ضلت تضحك وتريد توخرني بس مشتاقتلها حيل .. بالكو وخرتني وهم ما عفتها .. حضنتها وصرت ابوس بيها .. عمتي خديجة تضحك وصگار واسد .. وكل الموجودين بالمطبخ يضحك ..
سمراء : ولج بس خل اشوفج ضحاي بس اشوفج
ضحى : وخرت من حضنها وضليت بس ابوس بيها .. اشتياقي الها حيل جبير ..
- مشتاقتلج هواييييييييي والله حيل هواييي
سمراء : أني هم والله .. حيل مشتاقتلج يروحي أنتي .. شلونج شخبارج
ضحى : مو زينة .. والله يومية ابجي اريدج
سمراء : ياعمرييي .. ليش تبجين قابل ميتة ! هاي هل اجيت كلشي مابية ..
بالكو قنعتها وخليتها تسكت .. التمو الولد .. سوينالهم ريوك وتريكو .. خلصو وماعرف وين طلعو واحنا التهينا بالتحضيرات ..
بدو يجون الناس وعمامهم ونسوانهم وعماتهم وبناتهن .. اخخخ شكد حقدت على شمس ونوارة وامها .. اخخخخخخ لو بس اكضهننن ..
هسة صار كلش عادي لو اكضهن واذبحهن لأن صگار وصار بضهري .. اكو من يحاميني ..
رحت وعانيت من رعب وألم .. ورجعت بشخصية تختلف .. رجعت سمراء بس بشخصية اقوة .. وشخصية ما تخاف ..
بين ما اصب جاي للخطار .. سمعت صوت نوارة ..
نوارة : بواگة الزلم .. أم الزلم السحا....
سمراء : شني مطلكج رجلج ومزوجني بواكة زلم ؟
نوارة : غديي .. يباوع على جهرتج الزفرة ؟
سمراء : علاقل حلوة وبيضة وخشمي صغير
نوارة : الله ينطيني من ثقتج
سمراء : تستحي الثقة تجيج
صاحت بصوت عالي .. ذبت ابنها بالكاع وأجت
نوارة : شو تعليننن صوتججج ولجججج زركةة
سمراء : احترم اليحترمني والي ما يحترمني اهينة بالقندرة
رادت تضربني .. بس ضربتها وكعتها بالكاع .. بهل اثناء كاكت رادت تضربني اجة اسد وكف بوجها ..
عبالكم اهتمت !! .. هيهييي أكيد لااا .. دفعتة ورادت تضربني بس رجعت ضربتها .. هنااااا شاطت هية وامها واجن ثنينهن رادن يضربني .. بس وقفهم صوت رج البيت رج ...
صگار : اكسرررر ايديجننن إذا تنمد عليهااا
سمراء : اجة صگار صار كبالي ولزم نوارة من زندها وضل يهدد بيها .. دفعها وراحت تبجي .. سوت روحها المضلومة وانتو الشاهدين !!
مر وقت عادي .. والتهيت بالغداء .. تجي تذب حجي ولا كأن هية تحجي وموجودة .. التجاهل مؤذي أكثر من الطعنة .. وخليتها تهذي كبال الكل .. وكلهم وكفو وياي .. طلعت أني المضلومة وهية الضالمة ..
للعصر وبعدة كلشي ما جاهز .. الثواب جان على عشاء .. بس حضرنة الغداء لأن نسوان هواي .. همة نص عمامهم مزوجين ثنين لو 3 .. وكل وحدة مخلفة 5 لو 6 وبعد لكم أن تتخيلو الهوسة والخنكة ..
واخيراً خلص العشاء وصبو .. وراها جايات !! وبس الجاي والماي يتعب أكثر من الأكل نفسة .. حاولت وياي عمة أصعد الغرفتي بس ما اكدر اعوف البنات وحدهن وبلاخص هند وضحى والموجودات حياية وعگارب .. للـ 7 بدو العالم يرحون ..
للـ 11 البيت فرغ .. وبقن بس بنات البيت .. وبقى بس تنضيف .. وزعت الشغل على ضحى وهند وغزل وبعض البنات الحبابات .. واكيد ما خلى الموقف من تدخل شيماء وبنتها ..
شيماء : هيهيييي .. والله جيللل .. صارن الفصليات يوزعن شغل على بنات البيت
سمراء : بيج خير تعاي نضفن خيستجن
عافتني وضلت تغلط أنواع الغلط .. سكتت من شافت صگار من جامة باب المطبخ ..
اجة وشافني وابتسم ..
صگار : گواجن الله بنياتنا
سمراء : حرت شنو أكول وارد علي بس ابتسمت .. راح على جهة وصاحني ..
صگار : تعاي صاربت بـ 10 شوكت تصلين شوكت تنامين ؟
سمراء : ما علية هواي .. بس اخلص بساع خطية وحدهن !
صگار : ديلة حبيبتي .. بـ 11 أنتي فوك مفهوم ؟
سمراء : تمام ..
رحت غسلت الجدورة .. وغسلت الكراج .. واكيد دمرت روحي تدمر .. حتى شعري تبلل .. خلصت ورحت شفت البنات كلهن مخلصات وكاعدات ياكلن حلويات ..
ندى : هم زين اجيتي .. تعاي
سمراء : انتبهن علية متبلل حتى شعري وهنة انفجرن من الضحك ..
غزل : شني ولججج متعاركة
سمراء : شسوي لعد ؟ .. المهم أني صاعدة وراي صلاة ليل وسبح .. شوفني خست وعلي
ودعتهن وصعدت .. لكيتة يقرأ واجتابني فضول أعرف شنو يقرأ ..
رحت وأني مبتسمة .. شافني ضحك وكال ..
صگار : شني جنتي تتعاركين ويا الماي ؟
سمراء : دكافي مو حتى انتة تعيب .. شنو جاي تقرأ
صگار : علم النفس
سمراء : واو .. حلو .. زين شلون الك خلك تقرأ ؟
صگار : لأن أحب علم النفس .. تدرين هاذ الكتاب بريطاني ؟
سمراء : باوعت علي بصدمة وكلت .. تعرف تقرأ بريطاني !
صگار : أي .. بريطاني وانگليزي وكردي ..
سمراء : باوعت علي بصدمة .. وكلت .. شلون تعلمتهن ؟
صگار : دورات للغة ..
سمراء : حلوو .. يلة رايحة اسبح واصلي ..
صگار : منتضرج ..
سمراء : أخذت ملابس وسبحت .. طلعت نشفت شعري ومشطتة وتوضيت وصليت صلاة اليل ..
سبحت تسبيحة فاطمة الزهراء .. وهديتها للأمام المهدي ( عجل الله فرجة ) .. وقريت دعاء العهد .. وقريت ايات قرآنية تحصن النفس ..
خلصت بـ 1 ضبط ورحت تمدتت بتعت ..
صگار يقرأ كتابة .. شوية وخر نضاراتة وسد الكتاب واجة تمدد بصفي .. جرني علي أكثر وحضني واتجينة على التاج مال الچرباية ..
باس ايدي وكال ..
صگار : منعسة ؟
سمراء : لااا
صگار : خوش .. خليها فرصة نتعرف على بعض
سمراء : تمام .. عندي كم سؤال
صگار : تفضلي حبيبتي
سمراء : شنو مخلص دراسة ؟ ..
صگار : عندي شهادتين ..
شهادة علم النفس ببريطانيا .. وشهادة معلم لغة انكليزي ..
سمراء : حلو .. كل هاذ وانتة عمرك 28 سنة ؟
صگار : الساعدني أنو اخذ شهادتين بهاذ العمر .. أنو سجلت وأني عمري 6 سنوات .. وأني عمري 14 وأني بالثالث وعمري 17 وأني بالسادس وعمري 18 وأني مرحلة أولى ..
سمراء : واوووو .. كلشش حلوو .. زين منو سفرك لبريطانيا ؟
صگار : من أقارب حسن حبيبي .. عمام امة ثلاث منهم ببريطانيا وسجلوني .. ومن شافو البريطان معدلي عالي قبلوني بساع .. والساعدي السعي وجهادات التقدير
سمراء : جنت شاطر ؟
صگار : كلة جنت اعفاء .. وكلة شهادات تقدير .. جنت اشد حيلي كلش .. علمود يكولون حفيد الشيخ رافع راسة ..
سمراء : زين ليش ما رحت طب ؟
صگار : ههههههه .. تعاركو وياي لأن ما صرت طبيب بس أني أحب علم النفس والغات حيل احبهن .. ومشيت على إلي نفسي بي مو على كلام الناس
سمراء : تدري .. أتمنى اصير مثلك بس للأسف
صگار : تصيرين .. تصيرين أن شاء الله
سمراء : شلون ؟
صگار : بس خل نتمم زواجنا .. ارجعج للصف الي بطلتي منة خارجي وهاي هية
سمراء : ابتسمت وباوعت بوجهة بفرحة وكلت ..
- صدك والله ؟
صگار : وداعت عيونج .. شنو حلمج تصيرين ؟
سمراء : طبية
صگار : يا تخصص ؟
سمراء : والله حتى لو ممرضة هم عادي أهم شي مجال الطب
حضني حيل وكال ..
صگار : لااا أنتي مرت الشيخ صگار .. الة تصيرين احلى طبيبة وداعت عيونج الحلوة
سمراء : ضحكت وكلت ..
- زين شنو تحب بزوجتك المستقبلية ؟
صگار : كلشي احبة اجة بشخصيتج
سمراء : مثل شنو ؟
صگار : ولو ما متعرف على شخصيتج أكثر بس .. قوتج وتصرفاتج بالمواقف الحرجة .. وحنانج ولطافتج ومجاهدة .. واهم شي طباخة
سمراء : ههههههه أهم شي بطنك
صگار : شعندي غيرهاا بطني
سمراء : صگار تدري شي ؟
صگار : شنو
سمراء : انتة تاكل هواي بس ما تسمن ابدددد
صگار : تدرين شي ؟
سمراء : أي
صگار : أني ألعب چم ؟
سمراء : عزااااا صدكك
صگار : والله وهمة إلي يطلبون مني أكثر وجبات وبروتينات .. علمود تنبني عضل
سمراء : بس انتة عندك عضل ؟
صگار : عضل من وحدي .. بنية جسمي هيج .. بس أني أريد صحة
سمراء : واو .. تدري أني جنت اتخبل من الرجال الضعيف
صگار : ههههه .. ليش ؟
سمراء : احسة كل البلة بي ! .. وبلاخص ولد عمي .. بعضهم أكيد .. يابة شكد ضعيفين وكل البلا بيهم
صگار : صح كلامج .. ما مهتمين الصحتهم مهتمين للطربگة
سمراء : أي صح .. زين شنو شخصيتك ؟ علمود أعرف اتصرف وياك
صگار : ما منتبهة الشخصيتي ؟
سمراء : منتبهة بس شوية
صگار : شنو منتبهة !
سمراء : أنو انتة عصبي وحنون بنفس الوقت .. ومن تحب شخص تنطي اهتمام كلش قوي وإذا تكره أحد تخربلة عيشتة
صگار : شلون انتبهتي ؟
سمراء : بـ عمة وغزل .. وبـ مهدي الحقير
صگار :وشلون عرفتي أني مخربلة عيشتة ؟
سمراء : لأن إلى الآن انتة تريد تنتقم منة .. ماعدا أخذت فصلية وهاذ يكسر أكثر من الموت نفسة
صگار : شوفي بوية .. من اكتلة رأستاً هاذ ما يسمى انتقام .. عكس ما اعذبة بهاي دنيا وبلاخص الدنية صعبة .. اتعبة بشغلة ، بحياتة اليومية ، بجميع أمورة اعذبة عذاب نفسي ونوب جسدي واخلي يموت موت بطيئ
سمراء : دفعتة شوية بشقة وكلت .. يمةةة خوفتني
ضحك وأني هم .. ونوب كلت
سمراء : تحس نفسك وعقلك واعي من درست علم نفس !
صگار : أكيد .. حيل ساعدني بفهم الناس .. وبلاخص عقول الي عايشين ويانا .. جدي أبوي اخواني عمامي عقلي يختلف عن عقلهم باضعاف .. كدرت اتفهمهم واحلل شخصياتهم ولهل سبب الشيخ مفضلني على بعض احفادة ما عدا انو همة أكبر مني بس فضلني عليهم
سمراء : أي صح .. اشوف تعامل الشيخ وياك كلش حلو
صگار : هل يردوني اصير شيخ بس مالي خلك طلايب
سمراء : عادي صير شيخ وخلي إلي يروح فصول وايدك اليمنة أحد تثق بي
صگار : معناها اهانة .. يعني لازم الشيخ بنفسة يجي للفصل لو الفاتحة أو حتى عرس .. أني مالي خلك الهيج اشياء أريد أدرس بعد واخذ شهادة رياضيات
سمراء : يعني تصير معلم رياضيات ؟
صگار : نعم
سمراء : تكدر توازن بين عملك ودراستك ؟
صگار : أكيد لااا .. مو لازم هم ابقي وقت الكم مو بس شغل وطلايب
سمراء : احنا عادي أهم شي نشوفك
صگار : ما يصير يا عيوني .. يصيرون عدنا أطفال ولازم اصير قريب منهم علمود يتربون تربية تليق بينا
سمراء : ههههههه .. المهم كلشي بوقتة حلو
صگار : فعلاً .. يلة ننام ؟ نعسانة ؟
سمراء : أي ..
ونمت بحضنة احلى وأأمن نومة من بعد ما عفت بيتي ..
كعدت الصبح وشفتة مو هنا .. رحت غسلت وجهي وسنوني وبدلت لبست دشاشة طويلة .. ونزلت ..
ومر 10 أيام كلش حلوة .. علاقتي ويا صگار كلش قوت .. وعلاقتي ويا الشيخة وعمتي .. واكيد ما تخلى حياتي وايامي من المشاكل !
وبيوم جنت ألف دولمة ويا غزل وندى ..
ندى : شلونها علاقتج ويا صگار ؟
سمراء : زينة الحمدلله
ندى : الحمدلله والشكر .. بس سمرة أبد لا تحجين يم هذني الحقيرات لأن راح يحسدنج
غزل : عيونهن ما شاء الله ما يتلاحك عليهن
سمراء : أدري .. أساساً ما احجي وياهن . هل تشوفن كلة عرك ومصايب .. والله تعبت نفسيتي .. يجبرني احجي وارزل بيهن حتى صوتي راح
ندى : خيولن .. أنتي مرت الشيخ .. لازم تكون شخصيتج قوية وقيادية .. والبيت يكون جوة ايدج
سمراء : شلون يعني ؟
ندى : بين قوسين تصيرين مثل يمة خديجة
سمراء : هااا
ندى : أي .. شايفة شخصيتها قوية وقيادية وحنونة وطيبة وما تسكت عن الضلم أبد
سمراء : أي .. حيل احبها .. حيل حسستني بالأمان بعد ما فقدت الأمان من اجيت هنا
غزل : وهسة جاي يرجع الأمان !
سمراء : أكيد
غزل : ولجججج صددددكككك تعاييييي اكلجججج
سمراء : طفرتيني ولجج شكوو
غزل : تدرين بـ هند شمسوية ؟
سمراء : يمةةة شمسوية ؟
غزل : ولججج عاقدين هية وفهد ومزوجين وشاكة بروحها حامل
سمراء : هية كالت هيججج وأني شهكت شهكة .. وغصيت بلُعابي ..
ندى : عليج الزهرة ؟
غزل : ولحسين يابة
سمراء : هندددد ؟؟
غزل : أي هند هندد
سمراء : زين ليش ما كالتلي ؟
غزل : لأن ما صار وقت وخافت منج
سمراء : من شنو تخاف ! .. هوة فهد يحبها ؟
غزل : أي والله حيل يحبها .. صارلهم ثلاث أيام من عقدو
سمراء : عززاا العزانيييي .. زين حامل ؟
غزل : كالت شاكة .. تلعب روحها وغثيان وهذني أعراض حمل
سمراء : شو صايرات يضمن علية !
غزل : عود اليوم رادت تكلج .. بس ولعباس من الفرحة ما كدرت الزم روحي وكبل كتلج
سمراء : ضلينا نسولف ونلف .. وخلصنا ..
صار اليل وكعدت سبحت وتوضيت .. وصليت ..
أبد ما تاركة صلاة اليل ولا الايات وكلش متحسنة نفسيتي وحتى شكلي منور ومضيئ ..
خلصت وانفتح الباب .. بدل ولبس بجامة وفالينة تعلاكة .. واجة حضني وباسني ..
صگار : سمرتي
سمراء : ها
- اليوم جمعة ! .. تردين الأحد نروح نعقد محمكة ؟
سمراء : درت وجهي علي بصدمة .. خوف وحسيت روحي ما عندي استعداد الهاذ الشي .. وكلت
- ما اعرف !
صگار : تمام .. شوكت ما تستعدين الهاي الخطوة كليلي
سمراء : حيل طمني بهاذ كلامة .. ونمت ..
مر السبت واجة الأحد .. بكل فرض صلاة ادعي ربي إذا هاي الخطوة خير علية يوخر الخوف من داخلي ..
وفعلاً الأثنين كعدت حسيت روحي كلش مستعدة .. أول ما كعد كتلة وحيل فرح ..
صگار : لعد كومي جهزي روحج علمود نروح
سمراء : تمام ..
صگار : نازل أكول الأمي علمود تصير أحد الشهود علينا
سمراء : انقهرت وتمنيت امي وابوي أحد الشهود بس ما بينت الة .. رحت سبحت وبدلت وحرت شنو البس ! وبهل اثناء أجت عمتي تهلهل هية والشيخة وغزل ..
خديجة : كلللللللوووووششششش .. ألف الصلاة والسلام عليك يا حبيب الله محمد
سمراء : تلكتني بهوسات وضلت تدبج هية والشيخة وغزل .. على أثر هوساتهم اجو البقية وهم ما شاء الله ما قصرو ..
ردت البس فستان أحمر .. بس عمتي ما قبلت
خديجة : انة جايبتلج فستان على ذوقي .. متحضرة الهاذ اليوم من زمان
سمراء : نزلت جابتة وأجت .. جان كلش حلو وفستان أبيض وشوي يجي مخصر .. ويا حذاء گعب وكضتني مرت أحد ولد عمة متخصصة بالمكياج وحيل تسوي حلو .. طلبت منها مكياج بسيط حيل .. وما قصرت سوتة كلش حلو وبسيط ..
لبست الفستان ولفيت شال الأبيض .. باوعت الشكلي حيل حلو .. وأني لوني المفضل الأبيض لأن حيل يلوك البياضي ..
شوية وانفتح الباب .. وطل بدشاشتة البيضة والجراوية والعگال ملفوف بطريقة غير التقليدية
باوعت علي وعلى جمالة ..
ضل صافن بوجهي وكال ..
صگار : طالعة احلى من كل مرة .. كل مرة جمالج يجذب ويسحر .. هاي المرة يجلط ويموت
سمراء : دنكت بخجل واجة لزم ايدية وباسهن وكال
صگار : يلوكلج الأبيض حبيبتي ..
سمراء : اكتفيت بس بأبتسامة .. عبرتبيها عن مشاعر الفرح ..
توجهنا للمحكمة ونعقد گلب بـ گلب .. وجنت ما أريد مهر بس لح علية صگار واختاريت ..
سمراء : زيارة الأمام علي .. وللأمام الرضا .. والسيدة زينب عليهم السلام
ابتسم وراد مهر يكون فلوس بس هاذ أحسن من الفلوس .. عقدنا وعمتي ضلت تهلهل وتهوس بنص الناس .. والشيخة ما قصرت !
رجعنا للبيت وطول الطريق فرحانة ومقهورة تمنيت اهلي وياي بس للأسف .. وصلنا وأستقبلونا بهلاهل وجگليت .. بس مو جگليت عبالك حصو .. فشخني تفشخ ..
طبيت للبيت جوة كلش والمعروفات وجوهن شرارة
تلكتنا شيماء .. وأم مصطفى .. ( أحد يلي راحو بسبب مهدي )
شيماء : هااااا ييصگاررر .. هوة هاذذذ وعدكك الييي هيج أخذت ثارررر اخيك وصويحبكك .. هيج اخذتةةة
صگار : اخذة .. بس وجه بوجه .. مثل ما أني زلمة وهوة زلمة نتكابل وجه بوجه .. ما استقوة على مرة مو طبعي هاذ
سمراء : ضلت تحجي وتصيح بس ولا اهتمينا الها .. راحن وسدن البيبان عليهن .. بعد خفة وراحة ..
احتفلنة احتفال كلش بسيط .. بس جان كلة فرح وكمية مشاعر من الحب مو طبيعية .. كطعنا الكيكية وكلهم الضحكة على وجوهم .. تذكرت إلي وراي بليل واختفت ضحكتي .. كأنها عمتي قرت افكاري ..
أجت تقربت مني وهمست ..
خديجة : ما تخوف خايبة ما تخوففف لا تخافيين
سمراء : أحس كلماتها خوفتني أكثر .. ما أعرف إذا مستعدة اصير زوجتة شرعاً لو لا .. ماعرف حايرة حيل ..
مر وقت وصگار طلع يم الزلم .. وأني بقيت يمهن نسولف ..
صار اليل وأني مرعوبة .. أجت عمتي وغصباً عني لبستني من إلي عندي لبسة وطلعت ويبويييييي .. شهيرة وخزي .. اندك الباب لبست الروب وراح گلبي عبالي صگار .. بس الحمدلله طلعت غزل وضحى ..
غزل : ها ولج عروستناا ..
سمراء : لججججج هاذ قصيررررر
ضحى : عادي عادييي
سمراء : عاديي عادييي لابد متعودة
ضحكت وكالت ..
ضحى : انجبيي وعلي احنا شريفين
سمراء : خرببب انةةةة .. همة عود المن ذبو قماش يخلونا بلا ملابس أحسن
غزل : ولجججج غير يصير حلو
سمراء : انجبي بلة .. غزل خل اجي يمج ابات
غزل : انجبي وتعوفين اخوي !
سمراء : انجبي عادي .. ولجججج عيبببببب والله عيببببب
غزل : تكبرين ويصير عادي
سمراء : يبويييييييي .. أني صوجي وعقدنا صوجي
غزل : لجججج .. راح يصير 30 وما شايفين جهالة شوكت نشوفهم
سمراء : هسة ما يصيررر يجون من وحدهم بدون هاذ العيب
غزل : أي اخلي طائر النورس يجيبلج
سمراء : ضحكنا وتذكرنا امي من نكللها شلون اجينا على الدنية ..
ضحى : تذكرت امي جانت تكول اجيتو بطائر هوة جابكم .. وجان اكو فلم همين مال فيل ويشمرون للاحيوانات والاهل
غزل : خاف يغلط ويذبلج حيوان يسمرة
سمراء : ضحكنا وضلينا نضحك وتجهز شعري وتخليلي مكياج بسيط حيل .. مجرد حمرة لون طبيعي واحمر خدود وكحلة
غزل : الكحلة تلوك لعيونج لأن لونهن خضر
ضحى : ايي والله يطلعن حلوات وهنا كبار
غزل : دتعايي تعاييي اكحلج أنتي هم .. ما مقصرات عيون بالجمال
سمراء : ضلت تركض وراها علمود تكحلها وذيج ما تقبل .. بس غصباً عنها كحلتها .. وعيونها طلعت تجننن .. دمعت من شفت بيها امي لأن نفس العيون ومن تكحل عيونها حيل تشبه ضحى ..
كوة كضيت دمعتي .. تمنيتها يمي بهاذ اليوم وتخفف الخوف وتحضني بس للأسف ..
صارت بـ 11 وانفتح الباب .. صگار وعمة خديجة والشيخة .. باوعت بصدمة وباوعلي بصدمة مع ضحكة والشيخة ضلت تطرد بضحى وغزل
يمةةةةة وضليناااا أني ويااااا .. انطاني ضهرة وضليت اعض بأصبعي ضحك وكأنة شافني وفعلاً انتبهت كبالي شي عاكس .. استحيت أكثر .. دار وجهة علية بعد ما نزع ساعتة وحطها على الميز هية ومحفضتة وتليفونة .. دار وجهة وهوة يفتح الردانات ..
صگار : شبيج خايفة حبيبي
سمراء : دنكت راسي وما جاوبت .. اجة تقرب ولزمني من خدودي وكال ..
صگار : إذا ما مستعدة عادي مو مشكلة !
سمراء : حرت شنو احجي .. وشنو لازم احجي وشلون احجي .. ضحك وكال ..
صگار : على هاذ التعب أريد اغطس بماي حار مو بس اسبح
سمراء : ما حجيت وضحك أكثر .. راح يسبح وأني ما خليت أية ما قريتها .. ما خليت دعاء ما دعيتة تذكرت وراي صلاة وكلش ما لازم افوتها وبلاخص بهاذ اليوم .. طلع وهستوني ردت أكلة سبقني وكال ..
صگار : صليتي ؟
سمراء : هسة ردت اكوم اصلي
صگار : توضي على ما ينشف شعري علمود نصليها سوا أني وياج .. نستقبل حياتنا الجديدة بالصلاة
سمراء : ابتسمت .. وأخذت دشاشة ولبستها وتوضيت .. وهوة وراي توضة ..فرشنة السجادات وحدة بصف الثانية .. وقرآنة وقرآني واحد بصف الثاني .. وصلينا ..
للـ 12 ونص خلصنا وضلينا كاعدين وسرحنا بأفكارنا ما أعرف منين اجتني جرائة وكلت ..
سمراء : هوة زوجج سمراء .. عادي البسي واكشخي مو غريب ومو بالحرام علمود تخافين ..
كمت ورحت وأني ارجف .. رجعت لبست المشلتح إلي لبستنيا عمتي بالغصب .. وسميت بأسم الله وطلعت .. بس أكيد فوكا روب يعني أكيد
شفتة كاعد ويقرأ .. شافني وابتسم .. سد الكتاب ونزع نضاراتة الزايداتة جمال .. وتقدم ناحيتي ..
دنكت بخجل وتقرب مني حيل وخلى ايدي على خصري وكال ..
صگار : تقبلين تصيرين حرم الشيخ صگار وأم وريثة ؟
سمراء : اجتني جرائة وكلت .. نعم
وبدت ليلة من العمر .. بين حبة وحنانة ، وخوفة علية من نفسة ..
****
ضحى : بعد ما شفت سمراء حسيت الدنية ضحكت بوجهي ..
صار الضهر وصارت عركة من سبب نوارة الحيوانة ..
مر الوقت وصبو العشة .. اجتني عمتي ..
خديجة : تعاي ضحاوي اكلي ويا البنات بالغرفة
ضحى : لا عمة ما أريد
خديجة : اصهب كال خل تأكل
ضحى : لاااا مو هسة
خديجة : ولججج اكليي لا ريوك ولا غدة
ضحى : والله بعد شوية واكل
الشيخة : شمالجن
خديجة : اكللها تأكل وما تقبل
الشيخة : خايبة اكلييي .. ضالة بس عضام شيشوف منج صهيب
ضحى : عمتي ضحكت وأني اطرش بالزفة .. لحن بس ما أكلت لأن استحي .. لا أني ولا ندى ولا سمراء ولا غزل وبعض البنات ..
مر الوقت واجة اصهب .. جنت بس أني اصب جاي ..
اصهب : ها ضحاوي .. اكلتي
ضحى : صفنت بوجهة وحرت اجذب علي لو لااا ..
اصهب : مبين ما اكلتي !
ضحى : ها .. أي ما صارلي مجال
اصهب : ليش ما اكلتي ؟
ضحى : مادري مو جوعانة
اصهب : يلة نصعد واوكلج بيدي ..
ضحى : ضحكت وانطيتة الصينية .. وراح
مر وقت وسمراء وزعت الشغل علينا خلصنا وضلينا نسولف ما عدا سمراء .. خلصت وصعدت كبل .. وراها بشوية واصهب صاحني وصعدت ..
طبيت ولكيت صينية دليمية جبيرة .. ضحكت وكلي ..
اصهب : تعاي ناكل
ضحى : ما متعشي ؟
اصهب : ما صارلي مجال
ضحى : اهااا لعد أني هم ما صارلي مجال
اصهب : دتعاي عيوني
ضحى : أكلت أني ويا وخلصناها سوالف وضحك .. يسولفلي عن ماضي واسولفلة عن ماضيي هم ..
خلصت بساع وهوة مصدوم
اصهب : هوة هاذ اكلج ؟
ضحى : أي !
اصهب : حتى العصفور ياكل احسن منج .. دتعاي تعاي اكلي
ضحى : لح علية بس بطني ما تستقبل أكل كمية أكثر من طاقتي .. بس كعدت ويا واكل شوية شوية ..
مبين شبع بس ضل ياكل غصباً عنة ..
- ليش تاكل غصباً عنك ؟
اصهب : مو صار يومين هامل اكلي والكابتن يريد أكل أكثر
- ليش تلعب حديد ؟
اصهب : أي انة والولد
ضحى : صدك
اصهب : والله .. وعلمود البروتين لازم أكل هواي وبعدين انضم اكلي
ضحى : بس ليش لازم تاكل هواي ! هسة احنا مو نسوي رجيم .. ما يصير أساساً ناكل هواي
اصهب : مو احنا نبني عضل وانتن تضعفن
ضحى : زين انتة عندك عضل ماكو داعي ؟
اصهب : بس أريد اكبرهن أكثر وابرز عضلات البطل
ضحى : عود هم تحس بالثكل لأن عندك عضلا بأيدك ؟
اصهب : لااا
ضحى : أني أحس تخنك
ضحك وكال ..
اصهب : لا عادي
ضحى : خلص أكل واتجينة على الچرباية وضلينا نسولف ..
- زين عادي اسئلك سؤال ؟
اصهب : أي عادي
ضحى : انتة شكد عمرك ؟
اصهب : 27
ضحى : عبالي جبير أكثر
اصهب : أي چا زعطوط انة ؟
ضحى : لااا بس بالعشرينيات عبالي بالـ ثلاثين
اصهب : من ورا لحيتي .. هية مكبرتني
ضحى : صدك ! أني ولا مرة شفتك مزين لحيتك
اصهب : ما أحب ازينها
ضحى : ضليت باوع على خشمة .. ضحك وكال
اصهب : عدنة وراثة بالخشم الصغير
ضحى : ضحكت واستغربت شلون عرف اباوع على خشمة ! .. أي صح كلكم هنا خشومكم صغيرة وحادة
اصهب : شفتج حيل حلوة تدرين ؟
ضحى : ابتسمت وكلت .. أي هواي يكلولي مسوية بوكس مدري شيسمو .. من نروح لبغداد الاهل امي يكولون مسوية بوكس .. اهووو نسيت اسمة
اصهب : قصدج بوتوكس ؟
ضحى : انصدمت وكلت .. عزاااا شلوننن تعرفة !
اصهب : صديقي خوالة من بغداد ويكول كلة نفخ وبوتوكس وتعلمتها منة .. من اهدد واحد من الولد اكلة لا تخليني اسويلك بوتوكس
ضحى : فطست ضحك على كلمتة .. تسوي بوكس طبيعي
اصهب : لجج بوتوكس مو بوكس
ضحى : اهووو والله انساا .. حتى خشمي يكلولي مسوية عملية .. وهمة شايفين امي ويعرفون أني نسخة عنها
اصهب : شكم اخ انتو ؟
ضحى : 4 خوات وثنين اخوان
اصهب : منو احلى واحد بيكم
ضحى : من الولد ثنينهم يشابهون بس حسين احلى من جبر بس بعيونة .. ومن البنات عن نفسي سمراء احلاما لأن الجبيرة
اصهب : بالعكس أنتي احلى .. شايفهن خواتج أنتي احلى وحدة
ضحى : عزاا وين شايفهن
اصهب : تذكرين من جنتي أنتي واهلج وياكم شخص شعرة طويل وعيونة زرك ؟
ضحى : يااااااا شاهين هاذ .. أي وين شفتنا
اصهب : بالسيارة البصفكم ومن نزلتو من السيارة هم شفتج
ضحى : اححححح والله جان خوف .. من عرفنا بيكم من أهل الي تعارك ويا عرفنا راح تطلبون فصلية
اصهب : مو احنا ..النسوان إلي ابنها مات هنة طلبن .. احنا ردنا رجال برجال بس هنة ضلن يتبجبجن يم الشيخ وطلب فصلية .. وصرت ادعي ربي بهذاك اليوم أنتي وياهن .. وللاسف انترس عقلي حقد وكره وردت بس أخذ ثارهم وما يروح دمهم هدر
ضحى : حقكم .. والله حقكم بس احنا شعلينا ؟
اصهب : راح ارجع كرامتج وانعل جدة الي يحاجيج ولو بكلمة
ضحى : زين وكلامك وتصرفاتك الي اعجز أنو انساها
اصهب : ما أعرف إذا كلمة آسف راح تبرد گلبج !
ضحى : كلمة آسف كلشي ماراح تصلح .. أني كلشي ما أريد غير بس توكف بضهري وتكون إلي سند .. أني اكدر اهين كل شخص يقلل من كرامتي بس خايفة على هند وسمراء .. يعرفن هنة نقط ضعفي
اصهب : ومنا ورايح هيني اليهينج ولا تسكتين .. سمراء وهند نجرات كدرن ياخذن گلوب رجولتهن وصارولهن سند .. وأنتي اخذتي گلبي .. هيني واحجي ولا تسكتين انة راح اصير بضهرج
ضحى : دمعت عيوني وابتسمت .. بس بعدها الحيرة بگلبي ..ما اكدر انسى الي سوا بية أبد
كمت اغسل وهوة هم .. واخذت الصينية ونزلت .. ولصت النص الدرج وشفتها ضلمة وخفت .. درت وجهي وخفت ارجع .. بس تشجعت وأني شايلة الصينية ركضت للغرفة وصلت للغرفة وصرخت بعد ما تخيلت جني يكضني ..
أول ما انفر الباب طفر اصهب واجة علية ..
اصهب : الزهرة الزهرة .. شبيجج خايبةةة
ضحى : خفتت خفتتت .. ضلمة تخوففف
اصهب : يعني هاي ركضتج لأن خفتي ؟
ضحى : أي والله .. يمكن ركض وراي جني !
أني كلت هيج وهوة انفجر من الضحك .. نزلنا أني ويا وهوة يضحك علية وأني ازعل منة لأن يضحك .. بس للامانة ركضتي تموت ضحك .. تذكرتها وصرنا أني ويا نضحك ..
ضليت اشغتل وهوة يمي وكل ما نذكرة نفطس ضحك .. وكعت بالكاع من كد الضحك .. يعني ضحك هستيري
خلصت وصعدت ومن التعب كبل نمت ..
ومرن الأيام .. أني واصهب كلش قوت علاقتنا .. ومن تقربنا البعض ادركت هوايييي أشياء نشابه بيها ونفس نقاط الضعب ونفس نقاط القوة ..
سمراء ازوجت صگار محكمة .. وما تتخيلون فرحتي الها ..
ورمن أيام زيادة ..
وبيوم جنا كاعدين بليل نباوع على مسلسل .. وقاطت اندماجي بالمسلسل ..
اصهب : ضحى
ضحى : ها
اصهب : راح تتقبليني أكون زوج الج ؟
ضحى : دنكت راسي بالكاع وحرت شنو اجاوب !!
اصهب : والله وروح حسن انة احبج حيل .. وجاي اسوي المستحيل علمود اسعدج واكون زوج صالح الج
ضحى : راجعت كل الأيام .. جانت أيام حيل حلوة ولطيفة أني ويا ..
- ما أعرف .. أخاف ما تقبى هيج وياي وراح تكسرني
اصهب : وروح حسن يا ضحاي أبد ما يجي يوم واكسرج .. راح ابقى احبج طول عمري واسندج وما ازعلج أبد وداعت عيونج الحلوة
ضحى : يعني انتة صدك تحبني ؟
اصهب : أموت عليج ضحاي .. مو بس احبج
ضحى : ليش بس هسة يالة كتلي .. مو تكول من زمان احبج ليش جنت تسوي هيج وياي
اصهب : ما أريد ابينلج حبي واضعف .. جان بالي بس الانتقام والثار
ضحى : خايفة منك اصهب .. أخاف مجرد حجي
اصهب : وروح أغلى البشر من بعد امي وابوي .. احبج حيل .. لا تخافين ضحاية .. راح أكون سندج طول عمري .. دام أني أجر النفس راح احبج
ضحى : نعست .. أريد أنام
وأني ما نعست بس ردت اروح أفكر .. الحيرة اكلت راسي أكل .. طول اليل ما غمضلي جفن ..خايفة من قراري لايكون غلط .. خايفة منةة حيل ..
ضحى : يارب .. انطيني إشارة إذا اصهب صدك يحبني وراح حياتنة تصير سعيدة
ثواني وسمعت صوت الأذن .. ابتسمت واعتبرتها إشارة .. ورحت صليت .. أول ما خلصت كعد
اصهب : مقبولة أن شاء الله
ضحى : شكراً
رحت نمت .. كمل صلاتة ورجع نام .. ضليت اباوع علي وعلى ملامحة .. طيف ايامنا كلها مرت وأني اباوعلة .. حسيت گلبي بدة يلين بهاي الكم دقيقة ..
وما حسيت بروحي ونمت .. فزيت بس عيوني بعدهن مغمضات علمود النومة لا تطير من عيوني ..
حسيت بشي على شفتي وراح على خدودي واخر شي من عيوني ..
عرفتة هوة بس استحيت افتح عيوني ويعرف أني كاعدة .. ضليت أحس على حركتة بالغرفة ..
تقرب وشميت عطرة قريب حيل .. قبلني على جبيني .. شوية وسمعت صوت الباب انسد ..
كعدت وغسلت وجهي وسنوني ونزلت ..
****
سمراء : كعدت على تحرش بس بالحلال ..
قبل كل جزء بوجهي واكثرهم شفتي ..
صگار : سمرائي
سمراء : حاولت ابين أنو نايمة بس الضحكة غلبتني ضحك على ضحكتي
- أريد أنام منعسة
صگار : بـ 11 اكعدي
سمراء : باوعت للساعة وفعلاً بـ 11 .. ردت اكوم بس تذكرت إذا اوكف انفضح ..
ضل يشاقيني علمود اكوم وعادي ..
صگار : دكومي كومييي فصلت كل جزء بالساعة الرملية .. وكل شامة حفضتها
سمراء : سرسري .. ما تستحيي
صگار : سرسري بس بالحلال ..
سمراء : اهووو لا تجرررر .. صگارررر .. يبويييي انفضحتتت
صگار : ولعباس الة تكومين .. كومييي
سمراء : لفلفت روحي وكمت ..
- سرسري ما تستحي ..
صگار : يلة قبل لا يهجمون علينا
سمراء : أخذت ملابس ورحت اسبح ..
لبست فستان أبيض حسب ما كالت عمة خديجة ..
وفعلاً هستوني خليت العطر الـ صگار اندك الباب
يا يابةةةةة يالخجل والمستحى .. يبويييي على حضج سمرة ..
راح فتح الباب وطبت عمة والشيخة وبعض النسوان المحبات الصگار والي .. يهوسن أنواع الهوسات ..
اجن باركن إلي والصگار .. كضنة وضلن يبوسن بي .. نزلنا جوة وجان الوضع كلش حلو .. جان صباح يختلف ..
هالمرة جان الريوك بالحديقة .. فرشنة وضلينا نسولف ونشاقة ..
للضهرية وبدن يجن نسوان عمامة وخوالة ..
وشمس جانت لابسة فستان أبيض مثلي !
بس عادي ما اهتميت لأن علية جان احلى ..
....
غزل : تخبلتتتت من شفت شمس لابسة أبيض فستان .. سودنتتتت ..
رحت جبت عصير عنب من هاذ الأسود اليخبل وكفت يمها .. وصرت أشرب بالعصير والحمدلله بدون جهد .. اجة طفل ودفرني من ضهري وكع كلةةةةة عليهااا .. نوب هية لابسة أبيض والعصير أسود .. وانشهرت وتخزت ..
درت وجهي على الجهة إلي اجة بيها الطفل لأن حتى أني ضهري تأذة .. وشفت مرت ذياب تضحك عرفتها هية .. ورحت للمطبخ ميتة ضحك على صياحها ..
نور : ولعباس من مشيتج عرفت قصدج شنو .. وكلت خل اساعدها وتبين حادث حقيقي
غزل : بس مو هيج ولج ! غير ضهري انكسر
نور : عادي استحملي اهم شي نعلنا جدها
غزل : صاحوني علمود انطيها من ملابسي .. عندي 5 بيض بس ما انطيتها .. وانطيتها لون أخضر .. أكثر واحد مو حلو علية ولان ذوقها خ*را قبلت بي
نزلت يم البنات ..
اخذو سمراء يخلولها مكياج قوي .. نص ساعة ونزلت بفستانها الدلع والمخصر على كامل جسمها .. وشعرها النازل الرگبتها شوية ويوصل للكاع .. ومكياجها اليخبل وبياضها ..
ما جنا مخططين هيج بس لأن الناس جانو هواي خليناها تكشخ هيج ..
شغلنا اغاني .. شوية واجو اخواني ولد عمامي وعمامي والشيخ ..
لبسوها الذهب كلهممم .. ترسوها ترس ..
هاذي عاداتنا نترس العروس ترس ذهب أن كانت جاية البيتنا أو طالعة من بيتنا .. وصگار جانت هديتة تختلف كلش .. فلوس ولاسقها وي بعض .. كلة ورقات .. لبسها الگلادة الفلوسية .. وكسر عيون كل وحدة تكره سمرة .. والاحلى من هاذ كلة باسها من شفتها كبال الكللللل
محد مسوي هيج بعائلتنا أبد .. يبوس ايدها لو جبينها أي بس شفتها لااا وصگار كسر هاي العادات والتقاليد ..
****
سمراء : من اجو ولد عمامة والشيخ وعمامة ما تتخيلون الرجفة إلي لزمتني .. من كد الذهب اختنكت وضل يختل توازني .. همة هواي كلش وكل واحد ذهب ثگيل .. طلعت روحييي
وصگار قبلتة والسوا خلاني شوية ويغمى علية من الخجل ..
بدت عمة تنزعني بعض الذهب وضمتة .. وخليت بس شوية ..
وصار اليل وللـ 11 يالة فرغ البيت وضلن نص من بنات عمامة .. حاولت هواي انضف ويا البنات بس يطردني
كعدت بعد ما تعبت حيل ..
رحت سبحت ورتبت روحي گ عروس جديدة ..
وانعادت ليلة البارحة ..
ومر أسبوع كلش جميل واكيد ما يخلى من مشاكل العدوات .. بدة صگار بهاذ الأسبوع يتحلف الشيماء وبنتها وشمس .. عبالي نسا بس طلع مذكرة ..
صار السبعة وكذالك سوينة حفلة كلش حلوة وبسيطة .. وكذالك الهداية تراكعت علية ..
استحي ارجعها تعتبر اهانة واستحي اخذها ..
ومر أسبوع اضافي .. وحيل فرحت أنو ضحى راح تعقد بعد ثلاث أيام .. وهند تأكد حملها بس ما كلنا الأي بشررر غير زوجها واحنا وعمتي والشيخة فقط
صار يوم عقد ضحى وحضرنا كذالك عزيمة وحفلة بسيطة .. رحت وياها على أحد الشهود من طرف البنية لأن أني اختها .. وراحت هند علمود عقد محكمة .. وصرنا ثنينا شهود عليهم وحدة صارت شاهد للثانية ..
***
ضحى : جانت حفلة حيل حلوة وبسيطتة عكس سمراء .. أني الي كلت الاصهب تكون حفلة بسيطة وما يعزم لأن استحي ..
وصار اليل وتوتري بدة يزيد .. ومن رحت الغرفتي زاد أكثر وأكثر ..
أني واصهب مثل ما كالت سمراء صلينا صلاة اليل وصلاة شكر الربنا ..
***
صار ثاني يوم وضحى وجها منو .. أي عروس ثاني يوم رب العالمين يذب الجمال كلة بوجها ..
هم صار نفس ما صار وياي بس ما قبلت نسوي حفلة أبد .. حاولنا وياها بس ما قبلت ..
مر شهر كامل ..
هند بطها بدت تكبر .. وبدت تصير بـ رابع ..
ضحى سافرو هية وزوجها الايران .. راد صگار نروح وياها بس تعبانة ومالي خلك ..
خلصت شغلي وصعدت للغرفة .. كذالك شفت صگار يقرأ كتاب بس غيرة .. شافني ابتسم وفتحلي ايدة بمعنى اروحلة .. رحت وكعدني بحضنة ..
صگار : اشتاقيتلج .. الشغل ياخذج مني !
سمراء : اعتذر حيل بس اليوم ما كدرت اعوف البنات وحدهن خطية
صگار : شلون صرتي ! بعدة العبان نفس
سمراء : أي والله
لزم بطني وباسني من كتفي وكال بأبتسامة
صگار : خاف اكو بيبي هنا
سمراء : صار عندي استيعاب .. نفس أعراض حمل هندة .. لزمت بطني بدموع فرح .. وباوعت علي
- عندي كل أعراض الحمل صگار
ضحكت وكال بفرحة ..
صگار : عليج الله
سمراء : والله يابةة كل أعراض الحمل
صگار : لعد الباجر اخذج تسوين تحليل
سمراء : عزااااا ..تخيل صدك أني حامل
ما تتوقعون فرحتة شلون جانت .. وبلاخص جان يردد طول اليل ..
صگار : اريدها بنية تشبهج
- وين الله تكون نسخة مالتج
- انذر نذر إذا بنية تجينا ..
سمراء : أن شاء الله يارب .. هسة احنا بعدنا يا الله مانعرف إذا صدك حامل لو لا ..
بالكوة نمت ليلي .. كل شوية وماسحة دمعتي ..
صار الصبح بعد ما طلعت روحي ..
نزلت كلت العمتي كوة كضت هلهولتها ..
خديجة : أريد اضمهااا .. اتأكد يلة اهلهل
سمراء : ما كلنا الأحد أبد ..
والصدفة أنو كل عدو رايحات الاهلهن ..
صار الضهرية ورحنا أني وصگار .. اخذنا تحليل .. ورجعت للبيت ..
مر وقت وصار وقت التحليل .. وراح جابة .. من كد توتري كاعدة بالحديقة ولازمة بطني وخايفة هاي الفرحة تروح على الفاضي .. انفتح الباب وشفتة صگار .. وجهة يبشر بأبو الخير .. اجة علية وكال بدموع فرح ..
صگار : حامللللل سمرتيييي حامللللل ....
يتبع ......
للحكاية بقيه 🤍
_______________________
افففففف تعبت حيل بهاذ البارت ...
تدرون كم كلمة ؟؟
11218 كلمة !! تخيلو بـ يومين بس !
المهم راح يكون بارت اضافي لأن حيل تعبت .. وحيل صار بارت طويل زيادة عن الزوم ..
أتمنى تستمتعون بالبارت الشكوكي 😎🔥🔥😉
تابعوني على قنواتي ..
تلكرام :
candiesjojo
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨