سبحان الله وبحمده سبحان الله العظيم ♡
نوره بدموع وقله حيله :جدكك
اتسعت عيون بهاج بصدمه : وش!!
نوره : جدك
بهاج بعد نوره عنه وقام وشال المغذي من يده تحت صدمه نوره وطلع ونوره وراه
بهاج بعصبيه: وين جدي؟؟
ابو عبدالله: ليه
بهاج: وينهه؟
رائد : شفته بالحديقه الي جنب المستشفى (دايم يجيب العيد)
بهاج : تمام
نوره: خلاص بهاج!
تجاهلها بهاج وراح ونوره وراه
بهاج بعصبيه: ي جديي
الجد عبدالرحمن ببرود : خير
بهاج بعصبيه: هو في خير دام انت السالفه؟
الجد عبدالرحمن: تراني جدك احترمنيي
بهاج بعصبيه: جدي على عيني وراسي اما انك تجي وتهجم على نوره ليه ؟!
الجد عبدالرحمن : وانتي يانوره ماصدقتي يقوم وتقولين له العلم !
نوره : وانت.....
قاطعها بهاج بعصبيه: خلك من نوره قاعد اكلمك انا!!
الجد عبدالرحمن: لا لا واضح مسحور !!
بهاج بعصبيه وصراخ: ترابب يملى فمك ! ماني بمسحور ولا غيره ياادمي اتركها اتركهاا بحال سبيلها
الجد عبدالرحمن: يابهاج افهمم انا جدكك احترمنيي
بهاج: جديي مايسوي كذا ومايدمر حياه حفيده!
الجد عبدالرحمن: مادمرت انا بنقذك
بهاج حس بألم مكان الاصابه وضيق بالتنفس لكن تجاهله : خلني لاتنقذني!
نوره لاحظت تعب بهاج ومسكته: بهاج خلاص امش انت تعبان
بهاج : يانوره اتركيني خليني اشوف شغلي
نوره : بهاجج!
بهاج تجاهلها وقال بحده: ياجد اذا تبيني سعيد بحياتي جنب حياتي لاعاد تقرب لها
الجد عبدالرحمن : لا واض.....
قاطعته نوره: يادميي سد حلقك دبلت كبدييي ساحر ومسحور !
الممرضه جت تركض : لو سمحت انت المريض بهاج؟
بهاج: ايه
الممرضه: لازم ترجع لغرفتك
بهاج: شوي شوي مو الحين
نوره : بهاج تستهبل يلا امش !
بهاج: خلوني اكملل
نوره: بعدين بعدين
الممرضه : لازم ترجع لان في تحقيق
بهاج: يلا يلا
نوره : شطور
بهاج برفعه حاجب: الله الله
نوره بضحكه: يلا هههههههههه
وراحو
الجد عبدالرحمن : لا واضح مسحور الولد (نقول ثور قال احلبوه)
_______________________________
(المستشفى)
كان الشرطه والتحقيق ينتظرون بهاج يحققون معه
جاء بهاج ونوره والممرضه
بهاج التفت لنوره: نوروهه بالله عليك ماتطلعين من الغرفه
نوره: بتجاهل نوروهه لكن ليه ما اطلع؟
بهاج تكتف : لا والله ؟ البسي عبايه بعدين اسألي
نوره بضحكه: مابغى هههههههههه
بهاج تنهد : رجعنا
نوره : بس عشانك تعبان بمشيها
بهاج : كفو خليك كذا لاتعاندين ترفعين ضغطي يلا توصين على شي بروح اخلص التحقيق واجيك
نوره بأبتسامه: سلامتك
وراح بهاج والابتسامه شاقه وجهه
ابو عبدالله : ليش راح لجده يانوره؟
نوره بوهقه: اء مارحت معه
ام عبدالله : وشلون مارحتي معه؟
نوره بحجه: رحت معه بس قال انه نقاش خاص وتفهمت ورحت وتركتهم
ام سحاب : والله عويناتك عوينات الكذوب
نوره : افا ياجديده افاا
نجلاء : الصدق واضحح انها كذبهه
نوره : لالا هاذا الصدق
غدير : اكيد كذبه ولابهاج مايطلع من الغرفه معصب ويقول لحبيبه القلب موضوع خاص ؟بهاج يقول لنوره موضوع خاص ؟! ماتدخل العقل الصراحه
نوره بكذب : ايهه رحت للكوفي وهى راح لجده واذا ماصدقتوني اسألوه
ام سحاب : نوره وخابزتها على يدي الي يا كذبت ماتضبط الكذبه
نوره : جديده اوقفيي معي
رائد بهمس لـ احمد : والله يا ان ام سحاب حشرت لها
احمد بهمس: شخصنتها معها ههههه
رائد بهمس : تتخطى ههههه
ام سحاب : وانتم من الصبح وانتم تساررون ايا الي مانتي بقايلهه
احمد : هاذي جزاتنا ياخاله نحش بك عشان تاخذين اجر
رائد: اسكت اسكت فضحتنا
ام سحاب هبدت احمد ب العصا : يهالحمير !
رائد : عساها قويه
احمد يحك مكان الضربه: اوهه والله توجعع هاذا مو عصا ابك ذا شيول
الكل :هههههههههه
ام سحاب بضحكه : تعيش وتاكل غيرها هههههههههه
نوره بأبتسامه: لبىى جدتي ياناسس
ام سحاب : يابعدهم يالنوريي
_______________________________
(التحقيق)
المحقق: معنا اللواء بهاج؟
بهاج: ايه معكم
المحقق: تتذكر تفاصيل الحادثه ؟
بهاج: ايه اتذكرها
المحقق : اشرحها بالتفصيل
بهاج : كانت في بنت مخطوفه هناك وهاذي البنت قريبه لي وطلبت مني المساعده ولبيت طلبها وجيب وكان المكان مليان حراس وقدرت ادخل ودخلت لقيها تتعرض لضرب وماقدرت امسك نفسي وهبدت المجرم لين عض الارض واغمى عليه وطلعت انا والبنت بعدين جاء صديقه الثاني وصار في اطلاق نار ولعلها صابتني وكان اسماء المجرمين تركي وفيصل اخوياء سلطان
المحقق: تمام حبيت اقول تم القبض على تركي وفيصل وجماعته والبنت ممكن تجي نحقق معها؟
بهاج: ليه تجي مايحتاج تدخل بـ امور مالها دخل فيها
المحقق : اجباري تجي
بهاج : طيب حقق معي بدالها!
المحقق: لازم هي البنت
بهاج : مو لازم !! مابي ادخلها بمواضيع
المحقق : والله ي بهاج ضروري تجي ولا البنت تعرض لمسائل قانونيه
بهاج تنهد بقله حيله: تمام
وراح يجيب نوره
_______________________________
(الحديقه جنب المستشفى)
جالسين الرجال بجهه والحريم بجهه والبنات يلعبون اونو والعيال كوره والكل مستانس وفرحان
نوره ونجلاء جالسات على فوق ١٥ ورقه اونو ومسويات الوضع طبيعي وكل اوراقهم تسحيبات
نجلاء قفطت الهنوف تغش: ههه تعالي تعالي شفتك تغشين
نوره اكبر شهاده زور: ايه ايه شفتك ههههههه
الهنوف : ماعندكم دليل اني غشيت ههههه
سهام : لا حرام الهنوف ماتغش
وداد: الهنوف اهدا وحده بيننا كيف تغش؟!
نجلاء: لاتحكم على الكتاب من غلافه يالحب شفتها بعيونيي
نوره :الصراحه ماشفتها تغ......
قاطعها بهاج ومسك يدها وقومها من مكانها
نوره : بهاج ؟
بهاج : بسرعه بسرعه
نوره: وش فيك؟
بهاج: اعلمك شوي
ابو عبدالله والرجال والعيال يأشرون لبهاج بمعنى تعال
وبهاج يأشر بيده : دقايق وأجيكم
وسحب نوره واتجهه للمستشفى
نوره بخوف : بهاج وش فيك خوفتني!!
بهاج: لاتخافين بس تحقيق بسيط وتطلعين
نوره بخوف : بهاج مابغى
بهاج : والله يالنوريي حاولت فيهم بس قالو ضروري
نوره بخوف بالدمعه بطرف عينها: طيب ادخل معي
بهاج بضحكه: عز الله ماتوفرينن ليه ليه هالدموعع ؟ هههههههه
نوره بدموع: بهاج مابغى ادخل لحالي
بهاج يمسح دموع نوره: نوره بس ربع ساعه وتطلعين لاتخافين بس كم سؤال جاوبي عليه
نوره تنهد بضيق: تمام
بهاج جته لحضه ادراك متأخره واستوعب ان نوره ماعليها نقاب ولا عبايه!
وسحبها وطلعها من المستشفى بكبره
نوره بصدمه: بهاج وش فيك طلعتني ؟
بهاج : دقيقه
واتجهه للحديقه
بهاج : من يتبرع لنا بعبايته نص ساعه؟
غدير : ليه ؟
بهاج : البنت تبي تدخل التحقيق ولا عليها عبايه
ام سحاب : امسك يابهاج برقعي
بهاج خذ البرقع: عز الله يعزس ياخاله
نجلاء : امسك عبايتي وطرحتي لاني اساسا ماتغطى
بهاج : حلو كملنا يلا يانوره البسي
نوره ماسكه العبايه بيد والبرقع بيد : تستهبلون؟ برقع وعبايه ملونه كيف تجي؟
بهاج : البسيي البسي اهم شي الستر مو ضروري الشكل
نوره لبستهم بقله حيله وكان شكلها بالبرقع فتنه تهبل
بهاج حس بغيره : لا لا شيلي البرقع وحطي الغطوه
نوره بعناد: مابغى اعجبتي شكلي بالبرقع وبعتمده
بهاج تنهد : يامن شراله من حلاله عله
نوره : من بكرا بقلب شخصيتي ولا اقول من الحين
بهاج : نوره التحقيق ينتظرك!
نوره قلبت شخصيتها : يمال فرقا العين ابك انا تباني اطيع شورك لابالله تخسي ماني برايحه وعانني جلست ولاني بقايمه
بهاج قلب معها: ابك ي ام مطلق قومي عانيني ازريت معك
نوره : ابك انت سكني ماتزري ماشاء الله عليك لاتقعد تصدر راسي ترى راسي ازرا
بهاج تنهد : وقت غلط مرهه ههههههه
نوره : خلاص يلا مشينا
بهاج : يلا حطي الغطوه
نوره : افكر بالموضوع
بهاج : فكري فكري يلا ادخلي
نوره : يمه خلاص ماعاد ابا
بهاج : ايه خلي هياطك قبل شوي ينفعك
نوره : ياربي اخرجني من هالورطه
بهاج بضحكه: خوافه هههههههههه
نوره : ابك وانا بنت محمد ابك الخوف حرام عندنا
بهاج : ماشاء الله ايه خليك كذا لاتخافين
نوره : يلا سلام
بهاج : الغطوه
نوره : يويلي نسيتها
وحطت الغطوه ودخلت
تنهد بهاج : الله يسعدك ياشيخه
وجلس ينتظر نوره
_____________________________
(التحقيق )
نوره تحاول تتخلص من شخصيتها الجديده بس مو قادره تتخلص منها
المحقق : نوره بنت محمد بن سعود ال*** ؟
نوره : الله الله نوره بنت محمد بن سعود ال***
المحقق: بسألكم كم سؤال وجاوبي عليه بدون كذب
نوره : اسلم
المحقق : انتي المخطوفه من قبل عصابه؟
نوره : ايه
المحقق: طيب انتي تعاونتي معهم ؟
نوره : يمال فرقا العين ابك انا نوره بنت محمد تبانيي اتعاون مع مجرمين؟!ياحرر كبدي حراهه
المحقق : الجواب ايه او لا؟؟
نوره : لا
المحقق جاء ايرور قال بينه وبين نفسه: كيف يخطفونها وهي قويه كذا؟
نوره : عسانا خلصنا؟
المحقق : باقي كذا سؤال
نوره : اهيب ولا تسده ابك متى نخلص
وبدا المحقق يسأل نوره ونوره تجاوبه
اما عند بهاج الي يدور بتوتر يدري ان نوره بتجيب العيد بنفسها
المحقق : خلاص كذا خلاصنا
نوره : الحمدلله مابغينا
وطلعت نوره
بهاج : جبتي العيد صح ؟
نوره : هالمره لا
بهاج تنهد براحه : الحمدلله
نوره : نرجع للبيت ولا انت تجلس هنا؟
بهاج : لا خلاص نروح يدي حطيب فيها الحامل الازرق اسبوع وتطيب ان شاء الله
نوره : ان شاء الله
بهاج مسك يد نوره واتجهه للكوفي وطلبو قهوتهم المفضله
نوره اذا شربت قهوه عيونها تصير قلوب من حب القهوه
وبهاج يتأملها
نوره : توجعك يدك؟
بهاج: حالياً لا
نوره : الحمدلله ترى الدكتور قال حطو عليها كريم وكمدو الجرح ياويلك تهمل يدك !
بهاج بضحكه: ابشري هههههههههه
نوره ابتسمت
بهاج : ها نرجع للبيت؟
نوره : يلا
وقامو واتجهو للحديقه
_____________________________
(الحديقه)
ام عبدالله : متى تحسون مناسب وقت للعزيمه بمناسبه رتبه بهاج الجديده وسلامته؟
ام رائد : انا اقول اسأليه الوقت المناسب له
ام سحاب : وهي صادقه
ام عبدالله : يلا ننتظره
نجلاء بصراخ: لاااا بحقق تفوزون وانا جالسه على ٢٠ورقه! كيف فزتو !
ام سحاب بهواش: وجع وش هاذا الصوت الي تقل صرد (صرصور الليل)
سهام: لاننا ماغشيناا
نجلاء: وصل جرحك ياخالتيي
ام سحاب : يومنس تصارخين بين هالعرب وشوله؟!
نجلاء : خالتيي تخيلي اغش اغش اخر شي مافزت شي يقهر الصراحهه
ام سحاب : تستاهلين هاذي جزات الي يغشش!
اما عند نوره وبهاج اول مادخلو الحديقه العيال جو يركضون وياخذون بهاج بالاحضان
نوره تركتهم وراحت للحريم
نجلاء: تعالي يانوره الي تاقف بصفيي
نوره: ابشري بي
نجلاء: تخيلي غشيت ولا فزت!
نوره بضحكه: غشيتي طبيعي ماتفوزين هههههههههه
وداد: تبيها عون صار فرعون
غدير: اييي هههههههه
نجلاء: يلعن ام الجحده تو قبل شوي تغشين معيي!
نوره بجحده: انا؟ لالا مو انا
نجلاء: يراسييي
ام سحاب : تعالي يالنوريي
نوره : جيت
تقدمت نوره وحضنتها ام سحاب وتمسح عليها : وش قالو لك عساهم ماضغطو عليك
نوره: لابس كذا سؤال بسيط و طلعت
الكل : الحمدلله
ام نجلاء: الا ليه رجعتي من سفرتك
نوره بحجه: مدري مارتحت هناك قلت ارجع (ماقالت انها مخطوفه عشان مايفهمون غلط)
ام عبدالله: ايه احسن ماسويتي
ام سحاب : طيب وش قومس اختفيتي؟
نوره بكذب: من طياره لطياره وانشغلت عن جوالي
ام رائد: الحمدلله على السلامه
نوره :الله يسلمك
_____________________________
(الرجال )
جالسين يتقهوون ويسولفون ويتحمون لبهاج بالسلامه
ابو عبدالله: وشلونك الحين
بهاج: الحمدلله بخير
ابو عبدالله : الحمدلله
نايف : بهاج ابيك شوي
بهاج ببرود : نعم؟ طيب
الكل استغرب من برود بهاج
وراحو بهاج ونايف
ابو رائد: تعال ي راس السوسه
رائد: هلا والله مالي دخل
ابو عبدالله: ندري ان مالك دخل بس تدري وش صاير بينهم
ابو نايف : قل يلا انطق
رائد : لم اسمع لم ارى لم اقل شي
ابو رائد : تهرج زين ياولد!
رائد: ماعرف شي عنهم شوفو احمد يمكن يعرف
احمد بوهقه : وانا وش دخل امي!
ابو عبدالله: انطق اخلص علينا
ابو رائد: عجل
احمد : والله العظيم ماعرف شي حلفت
ابو نايف : ياليل ياذا الجحد
احمد : شوفو عبدالله اخو بهاج هو ادرا لانه اخوه
ابو عبدالله: اعترف ياعبدالله
عبدالله: والله وتالله ماعرف شي
ابو نايف : ياليلل
_____________________________
(بهاج ونايف )
بهاج تكتف : نعم خير ياوجه الفقر؟
نايف : استهدي بالله
بهاج ببرود: لااله الا الله انت الحين وش تبي؟ قل الي عندك وبمشي
نايف : حنا عيال عم
بهاج : طيب والمطلوب؟
نايف : وانا الصراحه ندمان على الغلط الي سويته
بهاج بعصبيه: لاياشيخ ؟ بعد ماسبيتها وسببت لها عقده وازمه جاي تعتذر ياخوي ثمن كلامك قبل تقوله فكر فيه !
نايف : بس انا ندمان
بهاج : ومشكلتك هاذي ! تلفظ على الناس وتندم عقبها ؟ مايفيد الندم
نايف تنهد بضيق: طيب هي زوجتك مقدر اعتذر منها!!
بهاج: احلم تقرب منها او تعتذر ! لانها لاشافتك انسدت نفسها
نايف : بهاج! اعتذرت طيب
بهاج: هاذي غلطه وتصير درس لك
نايف: افف طيب شسويي
بهاج: غلطتك وتحمل عوقبهاا ويلا سلام
نايف تنهد بضيق وندمان ندم شديددد
راح بهاج
_____________________________
(الحريم)
نوره: نجولل امسكي عباتك
نجلاء: البسيها البسيها رجلك جاء
نوره: وينهه؟
بهاج من ورا نوره : بوو
نوره بفزه: بسم الله الرحمن الرحيم
بهاج بضحكه: بسم الله عليك هههههههههه
ام عبدالله : يابهيج تعال جابك الله
بهاج : هلا يمه
ام عبدالله : تعال اجلس عندي بقولك شيي
بهاج على انه ماسوا شي بس توتر : جيت
وجلس جنب ام عبدالله
ام عبدالله: وش فيك مرتبش؟
بهاج : لا الحمدلله
ام عبدالله: زين تحس بعد ثلاث ايام نسوي عزيمه مناسب؟
بهاج: اي عزيمه؟
ام عبدالله: عزيمه لسلامتك ورتبتك الجديده
بهاج : اهاا
استوعب وقال: بعد ثلاث ايام!؟؟؟
ام عبدالله:ايه
بهاج: لا يايمه خليها بعد اسبوع لمني تعافيت عشان اشيل العزيمه
ام عبدالله: شورك وهدايه الله
بهاج : طيب يلا تجهزو بنمشيي
ام سحاب : اي بالله اندبلت تسبدي من هالجلسه هنا
بهاج:تمام نوره وسهام مع عبدالله وامي وخواتي مع ابوي يلا سيارتي محجوزه
ام عبدالله بصدمه:محجوزه؟؟؟
بهاج: ايه بكرا يطلعونها عشان الحادثه الي صارت لقوها هناك
ام سحاب: ايه زين انها بتطلع
بهاج :الحمدلله
اما عند نوره ونجلاء يتهاوشون من يلبس العباه نوره تشيل العبايه ونجلاء تلبس نوره العبايهه
نوره شالت العبايه: خذي خلاص برجع للبيت
نجلاء لبست نوره العبايه: البسي البسي لايفضحنا رجلك
نوره بعصبيه : نجولل البس انتي!
نجلاء ببرود: عصبي من هنا لبكرا ماراح البسها
بهاج من ورا نوره : وش فيك معصبه؟
نوره التفت لـ بهاج : اعطيها عبايتها ورافضه تلبسهاا !
بهاج يصفق بيدينه: كفو تصرف صحيحح ي نجلاء
نوره: تستهبل؟ عبايه البنتت !
بهاج تكتف: هي ماتبي انتي وش عليك؟
نوره: عبايتها!
بهاج: اقول قدامي على السيارهه
نوره : مابغى اركب السياره الا واعطي نجولل العبايه
بهاج تنهد: شكليي برجع ل اسلوب البداياتت !
نوره تخصرت: وش اسلوب البدايات ؟
بهاج تقدم وشال نوره على كتفه تحت صدمه الرجال والحريم!
نوره تضرب ظهر بهاج : بهاجج فشلتنا ! كل العالم تشوفنا!
بهاج: تستاهلين انتي الي عاندتي بالبدايه
نوره : خلاصص نزلنيي
ابو عبدالله بصراخ وعصبيه: ولد عيب استح على وجهك مو قدام العالمم !
ام نجلاء: وش تبي بهم ياخوي خلهم شف منا حليلهم
بهاج بكذب: يبه حرامم جاها شد عضلي ماتقدر تمشيي
نوره: نزلنيييي
بهاج هبدها: اسكتي خليني اكمل الكذبه
نوره: يراسيي احس دمي كله تجمع براسيي
بهاج : ضريبه العناد
هيام: وعع حركات بزران
بهاج ونوره بنفس الوقت: وش دخلك انتيي؟
هيام: هوب هوب كليتونيي
نوره وهي مكتومه وتحس الدم كله براسها: فارقيني بسس!
بهاج: وصل لك الرد فارقيني
ابو هيام : خير شوي على بنتيي
بهاج : جاك الضب
نوره بضحكه: الضب العود هههههههههه
بهاج فطس ضحك ونوره تعرف انه اذا فطس ضحك لازم ينسدح بالارض ويكمل ضحك وتدري ان هالضحكه تبي تسبب لها اصابه
نوره :بهاجج نزلنيي قبل تنسدحح
بهاج فاطس ضحك وقاعد ينزل تدريجياً لين وصل للارض ومات ضحكك
نوره بصراخ: بهاجج قومم رجليي (يكرم القارى) تحتكك قوم
بهاج:هههههههههه
نوره: اخخ رجلي بتودعع الحياه نجولل تعالي انقذني من الدب القطبي ذا
نجلاء بضحكه: حلوه الدب القطبي هههههههههه
نوره: رجلي رجليي
تقدمت نجلاء تسحب نوره بس ماش ماقدرت
نوره : بهاج قم رجليي توجعنيي
بهاج واخيراً خلص ضحكه : ها وش بغيتو؟
نوره : اخخ
بهاج قام: يلا مشينا
ابو عبدالله : لاياشيخ؟ قم قم بس يدك لاتلتهب مهملها
نوره قامت واتجهه لسياره عبدالله مع سهام بكل هدوء
اما عند بهاج الي عمامه عاقبوه يشيل عفشهم كلهه بيد وحده وفعلاً شالهم وراحو وتنهد بتعبب واتجهه لسياره عبدالله
بهاج : ارحبب
عبدالله: البقى
بهاج : للبيت
عبدالله: اشك ان المستشفى سارقين عقلك !مو طبيعي الغباء والخبال الي جاك
بهاج: ليه
عبدالله: لا هنا تأكدت ان عقلك مسروق
بهاج تنهد : اخخ مسروق عقليي من الجني الي ورا
اتسعت عيون نوره بصدمه
وسهام تضحك على شكل نوره المنصدم
عبدالله : ايهه اجل الله يعينك دامه مسروق من ادميي مجرب انا
سهام ابتسمت بخجل
نوره غمزت : يلبى الي يستحونن
بهاج بضحكه : عينا خير اجل هههههههههه
_____________________________
(بيت ابو عبدالله)
جاء زيد وخذا ام سحاب بدون علم نوره ليش؟ لان بهاج متفق مع زيد يسكت يبي نوره تجلس عنده طولل عمره مايبيها ترجع لديره
عبدالله: ها وصلنا البيت انزل
بهاج: كنها طرده؟
عبدالله: قلبها يمين يسار تفهمها
بهاج: مشينا مشينا يانوره
نوره نزلت بس بهاج الكذاب انصرع على الكرسيي
نوره : وشفيك؟
عبدالله : ولد وشفيك؟
بهاج غمز لعبدالله بمعنى بخوف نوره بس وعبدالله فهم عليه
نوره تهز بهاج: ولد تسمعني؟
بهاج بتمثيل: اخخ يانوره ماقدر امشيي
نوره: تعال انا اشيلك
بهاج كاتم الضحكه: بكسر ظهرك
نوره : طيب بس بساندك
بهاج بتمثيل لتعب : يلا يلا
ونزل وحط يده على خصر نوره وخشمه على شعر نوره يحب ريحه شعرها
نوره ماتدري تشيل نفسها ولا تساند بهاج ولا وش تسويي
ودخلو البيت ونوره سكرت الباب ودخلو
ام عبدالله : يويلي وش قومك منصرع على البنت
بهاج غمز لامه بمعنى بس كذا ابيها تخافف علي
ام عبدالله ضحكت ومشت
ونوره وبهاج اتجهو للغرفه وتقرب لسرير وتفك يدين بهاج ويطيح على السرير
بهاج بألم: اخخ مافيك حنان انتيي
نوره : بسوي نفسي ماشفت الغمزات !
بهاج : هههههههه
نوره: ياورع تراها قافله معي من امس مارقدت والله تصج راسي بسماجتك ياويلك
بهاج : اوهه الكابتن معصبب
نوره : ايه ماتعرفني لاعصبتت
بهاج بضحكه: دميه ماسكه سكين هههههههههه
نوره هبدت بهاج بالمخده: سامج !
بهاج بضحكه: والله تضحك هههههههههه
نوره : ولد بكمدك وارقد يرحم والديك عقلك بدا يفصل
بهاج بضحكه: فاصل ولا متصل هههههههه
نوره : يراسيي بهاج !!
بهاج : ها ها يا تنوره
نوره : تنوره؟
بهاج بضحكه : غلط مطبعي مو منيي هههههههههه
نوره : نم نم
بهاج : لا ي تنوره الجرح لازم تكمدينه
نوره : دور تنوره خلها تكمده لك انا بنامم !
بهاج : يملا العافيه ليه؟
نوره: دور تنوره تكمده لك
بهاج : بروح لهيامم !
نوره : تعال بس
بهاج قرب لنوره عشان الجرح وشال التيشيرت ونوره لازالت تستحيي هههه
وكمدت الجرح بشكل سريع ولفته وبهاج في حاله ذوبان وانصهار يتأمل توتر نوره
نوره : خلصنا
بهاج: بس؟
نوره: ايه
بهاج : اجل تصبحين على خير
نوره :وانت من اهلهه
ونامو في سلاماً وامان
_____________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
.
.