سبحان الله وبحمده سبحان الله العظيم ♡
ثم يأتي شخص يرى كل جروحك ورغم أنه لم يتسبب في أيًا منها لكنه يحاول -بكل حُبّ- أن يضمد تلك الجروح.
(بيت ابو عبدالله )
نوره دخلت البيت بعد ماودعت بهاج لانه خلاص بيروح للمداهمه
ام سحاب بضحكه: نوره حيه ولاميته هههههههههه
نوره بضحكه: حيه ياجديده هههههههههه
غدير : نسهر اليوم؟
نوره : قدام
ام عبدالله: لا
ام سحاب : لا
نوره وغدير: ليهه؟
ام سحاب : نامو نامو وعينو من الله خير
نوره غمزت لغدير بمعنى امشي نمثل اننا نمنا
غدير: اجل تصبحون على خير
الكل : وانتي من اهله
نوره: بنام تبون شي
الكل : سلامتك
وراحت غدير ومعها نوره متجههين للغرفه
ام سحاب: الله يستر مانسحبن كذا الا وراهم شي
ام عبدالله: الله يستر
وراحت ام سحاب وام عبدالله يرقدون
___________________________________
(فريق المداهمه )
بهاج بعد مارجع نوره حط راسه ونام عشان يصحى بدري ويمشي للمداهمه
وكذالك كل فريق المداهمه نايمين
___________________________________
(غرفه غدير)
نوره عند الباب: غديروهه جدتي وخالتي نامو
غدير: حلو نكمل السهره هنا يانوروهه
نوره: لاحبيبتي لازم ندبر لنا جدول
غدير: مسلسلات واكل سوالف وحش
نوره: جوييي
غدير: تهقين نجول صاحيه نتصل عليها تجي
نوره: اتصلي بس ماظن ترد الساعه ٢ باليل
غدير: بتصل ويصير الي يصير
نجلاء بصوت نوم: ها ها يااحمد يابو صنادح ماني بفاتحه لك الباب يالسربوت
غدير: نجول انا غدير مو ابو صنادح الداج
نجلاء بنوم: انتي وياه واحد كلكم تتصلون علي اخر اليل
غدير: طيب ماودك تجين؟ نوره مشتاقه لك
نجلاء قامت: جايه جايه
غدير : ننتظرك
وقفلت الخط
نوره: ياروحيي واضح تشتاق بسرعه
غدير: ايه نجول كذا تشتاق بسرعه لو غاب عنها الشخص ساعه تشتاق
نوره بضحكه: يعمريي هههههههههه
وجلسو ينتظرون نجلاء
نجلاء فتحت باب الغرفه: ارحبووو
غدير: بسم الله الرحمن الرحيم
نوره: ارحبي ارحبي
نجلاء: ميري بغت تقتلني تحت عشاني جيت الساعه ٢
غدير بضحكه: مالومها هههههههههه
نجلاء:افاا وهاذي انتي الي عازمتني
نوره:هههههههههه
نجلاء: اخيرا سمعنا الضحكه
نوره: جعلك ماتفقدينها ،نبدا جدول
نجلاء : امين ،البسو بلوفرات هاذا اساس السهره
نوره:انا لابسه
غدير: اصبري البس
راحت غدير تلبس بلوفر
نوره : ايه الي بعده
نجلاء: تعالي تعاليي
نوره: هلا
نجلاء: زانت العلاقه؟
نوره بثقل وحجد: لا والف لا مستحيل ارضى
غدير من وراهم: ولاكأنك حضنتيه الصبح عشان مايروح
نجلاء بغمزه: الله الله حضن وحركات
نوره: غدير تحلم
غدير: مصوره خالتي ام سحاب كل شي
نجلاء: جويي ام سحاب تصور كل شي
نوره عضت على شفايفها بوهقه: ياربي منك ياجديده تصور حتى النمله الي بالبيت
غدير: احسن عشان ماتجحدين
نجلاء: هههههههههه
نوره : سوو نفسكم ماسمعتو ولاشفتو شي
نجلاء: لم ارى لم اسمع
غدير: وانا كذالك لم ارى ولم اسمع
نوره: ايه كذا خلوكم
غدير: تبون نتابع فلم ولا نسوي اكل
نوره ونجلاء: اكل
غدير: مشفوحات
نوره: الاكل مااصبر عنه
نجلاء: اهم شي بطني معليش
غدير: امشو ندبر لنا شي ناكل
نوره: يلا
ونزلو للمطبخ
غدير عند الثلاجه: بنات مافي شي غير الخضار واللحم
نوره: وهنا بعد مافي غير البهارات
نجلاء: ياليل الليل نسوي كبسه؟
غدير: كبسه اخر الليل ؟
نوره: مرهه لا
نجلاء: طيب وش السواه؟
نوره: نروح للبقاله
غدير: صاحيه انتي؟ الساعه٢ الليل مافي بقالات مفتوحه !
نجلاء: نوره جربي تنامين اذا فضيتي
نوره: بنات نروح محطات تكون مفتوحه٢٤ ساعه!
نجلاء: قدام
غدير : لاحول ولا قوه الا بالله نوره انتي صاحيه؟ وانتي الخبله الثانيه قدام وش قدام مافي محطات قريبه من هنا!
نوره: نمشي لين الله يفرجها
نجلاء: قدام
غدير: نوره لازم نجيب تمثال بهاج عشان تهجدين مو طبيعي كل شوي تبين تطلعين
نجلاء: قدام نجيب تمثال
نوره: جيبو تمثال ولا اقول جيبوه بكبره مايخوفني
غدير بضحكه: ايه عشنا وشفنا هههههههههه
نجلاء: غدير صدق لازم نتصرف نروح اقتنعيي
غدير: وش اسوي طبيعي بروح لأني اكبركم !
نوره: كفو كفو مشينا
ولبسو عباياتهم ونقاباتهم وطلعو
غدير بخوف: يمهه بنات هدوء الحاره يخوف
نجلاء: عاديي
نوره: ههه شكلها اول مره
غدير: ايهه
نوره: اوهه ياكثر دجتي انا وصيوت
نجلاء: اخخ الديره ليت عندنا
نوره: لازم اعزمك نهجول هناك
نجلاء: قدام
غدير بتقليد لنجلاء: قدام
نوره: غدير ونجلاء انتم تعرفون لحارتكم وين اقرب بقاله
غدير: معك وحده بالحاره وماتدري
نجلاء: هناك
نجلاء: قدام
نوره: يلا
واتجهو للبقاله بس كما توقعو مقفله
نوره تنهدت بطفش: ياليلل
نجلاء:مالنا الا قوقل ماب
غدير: وش تنتظرين اخلصي افتحيه
نوره: استهدي بالله غدير
غدير: لاحول ولا قوه الا بالله اخلصي انتي بعدد
نجلاء: اقرب محطه تبعد ربع ساعه تقريباً
نوره :حلوو
غدير: ياراسيي ترى حنا نمشي على رجولنا(يكرم القارئ) مو على سياره!
نجلاء: يعني حوالي نص ساعه
نوره:مناسب
غدير: الله يخلف عليكم
نجلاء: غدير باعوص لو جبنا صيته كان مدبرتنا
نوره : الله يسامحك ذكرتيني فيها اشتقت لها
نجلاء: وحنا؟
نوره: هاذا انتم وش اشتاق
غدير :اخلصوو بسرعه
نوره: ابشري ابشري
ومشو وهم مايعرفون المكان
نجلاء: بنات مواري الحي يخوف
نوره: لالا مافي شي
غدير: نوره يارب تستهبلين ماتشوفين كل هالعمال وتقولين مافي شي
نوره: ترى اوادم مو جن !
نجلاء: الله يستر
غدير: ايه والله الله يستر
نوره: توكلوعلى الله ومايصير شي ان شاء الله
الكل: بسم الله توكلنا على الله
ومشو نص ساعه
نوره تنهدت براحه من طلعت من الحي بدون اي اذيه: الحمدلله
نجلاء بتعب: بناتت في اضاءه اكيد انها المحطه
غدير: هلكت مقدر اتحرك
نوره: والله حتى انا ماالمشكله هنا المشكله لو رجعنا بنتعب زياده وتخرب السهره
نجلاء تحسس جيوبها: معكم فلوس ؟ ماخذيت بطاقتي!
نوره: بناتت نسيت جوالي بكبره وبطاقتيي
غدير: والله البلشه حتى انا كل شي نسيته
نوره: نجول محمله بطاقتك بجوالك ؟
نجلاء: مع الاسف لا
نوره : ياليلل نحط الحساب بأسم بهاج مو مشكله
غدير: الله يعينك ياخوي
نجلاء: يتخطى
نوره: معليك عندي جانب اخر اخليه يقتنع
غدير: هههههههههه
___________________________________
(رائد ونايف )
كانو راجعين من البر كانو مع اخوياهم والان راجعين لبيوتهم بسياره وحده
رائد: حلو السهره بس متعبه
نايف: مره متعبه
رائد التفت وطاحت عينه على بنت:نايف هاذي مو كنها بنت عمي سالم!
نايف عرف شكل غدير : الا ومعهم بنت عمي مطلق
رائد حس بغيره بقلبه: امش امش وش حلوه ذي داجات بأخر الليل
نايف كذالك حس بغيره: يلا
___________________________________
(قريب عند المحطه)
نوره بخوف من السياره الي متهجهه لهم: بنات اذا نزلو انحاشو!
غدير: مدري احس عارفه السياره بس مدري من
نجلاء: كأني شايفتها
نوره: بنات انجو بحياتكم
رائد نزل والعصبيه الف : تعالو تعالو وين داجات اخر الليل
نجلاء بهمس: ياليل جاء بخور السوق والله مايسكت لازم يعلم اهلنا
نوره بهمس: والله والبلشه
اما عند غدير الكانت معروف بخجلها من اي شخص ماتعرفه او رجال
نايف بهمس : رائد هاذي نجلاء ونعرفها هي و طرحتها الطايحه وهاذي غدير اما باقي وحده احسها ساس البلا لان البنات بحياتهم ماطلعو الامع هالبنت تعرفها؟
رائد : ماعرفها
نايف : من انتي
نوره: وش دخلك !
رائد: يلا اركبو السياره
نجلاء : مستحيللل !
نايف : اركبوو !
نوره غمزت لنجلاء وغدير بمعنى انجو بحياتكم
نوره : يلا
نوره حطت رجلها وقعدت تركض ونجلاء وراها اما عند الي ذابحها الخجل ماركضت وقفت مكانها!
نايف : يلا غدير اركبي السياره
رائد يركض وراهم : وقفو والا والله ماتصبحون
نجلاء بصوت عالي وتركض : دز امها
نوره: بسرعههه وصل لك
نجلاء:يمههه
___________________________________
(بهاج)
صحى من النوم متضايق مره وقام وغسل وتوضى وصلى شفع ووتر وقرأ القرآن الكريم وذكر ربه وجلس يتذكر ضحكه نوره ويبتسم ويحس وده يروح لها يحضنها بكل مأوتيه من قوهه ووده يدخلها بضلوعه من حبه لها ووده يروح يودعها يحس انه ماودعها وداع فـ شاف الساعه وباقي كثير على المداهمه وقرر يروح لـ نوره تواسيه من هالضيقه الي جته .
وقام وركب سيارته
___________________________________
(طيور الخجل )
غدير بحياء: لا مايحتاج
نايف بهدوء: اركبي السياره عشان نشوف صرفه مع هالجنيات الي انحاشو
غدير ماحبت تناقشه اكثر من كذا وركبت السياره بكل هدوء وهو ركب السياره واتجهه لرائد الي يركض وماوصل لهم .
نايف : رائد اركب اركب نلحقهم بالسياره
رائد: يلا
وركب رائد
___________________________________
(قريب عند المحطه)
نوره وقفت بتعب : افف كريهه
نجلاء: صدق هالعايله فيها عرق كريهه الغيره الي مالها دخل
نوره: نجول غدير وينها
نجلاء: يوهه تلقين صايدينها تستحي الخبله ماتنجي بحياتها تلقينها مصنمه مكانها
نوره: الله يستر
بلحضه شرود من البنات وقفت سياره نايف عندهم
نوره: هاذا الي ماحسبنا حسابه
رائد: من انتي ؟!
نوره: وش دخلك!!
نايف : انتي خربتيي بناتنا
نجلاء: هيه هيه ياروح محد خرب احد
نوره بثقه وعصبيه : بنت محمد ماتخرب احد!
غدير من الدريشه: نوره امشي لاتعاندين
نجلاء : نكبتي البنت الله يهديك
نايف : يعني انتي حرمه بهاج!؟
نوره ببرود: ايه
رائد: ترى ان ماركبتي السياره بعلم بهاج!
نوره بعصبيه: وبعلمه انكم تلاحقونا ! تعرف عاد وش يصير لك
رائد تذكر عصبيه بهاج وغيرته على نوره وفضل الصمت
___________________________________
(بهاج)
كان ماشي بالسياره متجهه للبيت بس شاف مجموعه والواضح عندهم مشكله وتعداهم !
بس ادرك انو هو عقيد لازم يفك هالمشكله!
ووقف السياره ونزل بدون لحد يدري بيشوف وش سالفتهم
فـ ميز ملامح عيال عمه مع بنت منقبه ونجلاء!! فـ تكى بيشوف وش سالفتهم وهو كان مشبه البنت المنقبه على نوره
___________________________________
(قريب عند المحطه)
نوره: تقدرون تمشون وتخلونا هنا
رائد بهدوء: يانوره ويانجلاء امشو عشان ماننفضح
نوره: رح وش عليك مني
نايف بأستهزاء: انتي ياليتيمه وحده رخيصه وتبين تخربين بناتنا !
نوره حست بجمره بقلبها وعيونها دمعت واعطت نايف كف بأقوى ماعندها
بهاج ادرك انها نوره وألي قال الكلام نايف تقدم بعصبيه وعروق جبهته بانت
ومسك نايف وجلده كف يمين وكف يسار ووين مايوجعك بس
نوره ببكى ادركت ان بهاج جاء: ياربيي بيكمل علي شوط ثاني عشاني طالعه اخر الليل
اما عند نجلاء راحت لغدير : غدير لايشوفك بهاج يذبحك خليك هنا وانا بروح معك ونامي عندنا اليوم
غدير هزت راسها برضى
وراحت نجلاء وحضنت نوره المنهاره
رائد يفارع بينهم : يابهاج خلاص ذبحته فكهه
بهاج بعصبيه وقهر: خله خله يموت
نايف منصرع : بهاج كبر عقلك مو بنت الي تخرب بيننا
بهاج بعصبيه وصراخ : البنت هاذي ازعل الدنيا كلها عشانها!
رائد قدر يفكهم ويمسك بهاج : ياولد خلاص خذ حرمتك ورح ذبحته
بهاج بعصبيه: اخخ لو ذبحتك وش بيصير
نايف يحاول يفر راس بهاج على نوره: بهاج استوعب طالعه بأخر الليل وتخرب بناتنا واسكت !!
بهاج بعصبيه صفق نايف كف: كيفهاا تطلع متى ماتبيي انت وش دخلك! لاهي اختك ولانجلاء اختك ولازوجتكك وش دخلك
نايف سكتت وقام يمسح انفه من الدم
نوره بحضن نجلاء: نجلاء حتى وانا بريئه يتهموني بشرفي!
بهاج سمع هالكلام وعض على شفايفه بحزن وكسره ونزل مستواها وحط يدينه على وجهها
بهاج: نوره مهما صار انا معك مهما سويتي غلط انا بوقف معك
نوره ببكى: بهاج يتهمونيي بشرفيي
بهاج : نجلاء خلاص تقدرين تروحين
نجلاء قامت وراحت بكل هدوء وركبت سياره نايف وراحو
بهاج حضن نوره
نوره بادلت بهاج: بهاج تعبت تعبت
بهاج يمسح على ظهرها بحنان: خليك قويهه وواثقه من نفسك
نوره بتعب وبكى: مقدر
بهاج بحزن: نوره لاتنكسرين ماحب اشوفك حزينه
نوره ببكى: بهاج
بهاج : لبيه ياعروق قلبيي
نوره اجهشت بالبكاء بحضنه، وبهاج يمسح عليها بحنان ويهديها
بهاج قوم نوره : يلا يلا امشي
نوره قامت بأنكسار الكلمه كانت قويهه على قلبها
وركبو السياره وبهاج ماسك يد نوره يهديها ويواسيها
___________________________________
(سياره نايف)
رائد بعصبيه: نايف قبل لاتقول الكلمه احسب لها الف حساب ! تعرف ان البنت مجروحه جرح كبيرر وبهاج يتعب ويحاول ينسيها الي صار ! تروح انت تهدم كل شي! غبي انت؟ ترى لولا الله ثم انا كان ميت بين يدين بهاج !
نايف ماعند رد على فعلته الي يستحي منها المرء
نجلاء وغدير كانو ساكتينن وكارهين نايف كرهه مو طبيعي !
___________________________________
(سياره بهاج)
بهاج بأبتسامه: نوره مقدر اخليك ببيئه مايحسون بقلبك النظيف ويجرحونك كأنه شي عادي وعشان اتطمن عليك وقلبي يكون متطمن عليك ابيك تسافرين
نوره : وجدتي ؟
بهاج: كلها اسبوع وبقول لـ امي تخلي خالتي تجلس عندها اسبوع
نوره حضنت بهاج وتدمع بفرحه: بهاج تدري انك عوضتني عن اشخاص كثيررر مدري كيف اوصف لك فرحتيي شكرا ياربي على نعمه بهاج
وشكرا يابهاج
بهاج شد على الحضن والفرحه مش سايعته مع انه شوي زعلان على نوره انها طلعت بأخر اليل بس كتم عصبيته لان الي فيها مكفيها
نوره تحمست وقبلت بهاج على خده: مشكور وترجع بالسلامه يارب
بهاج بأبتسامه: مابيننا شكر ورسميات
نوره ابتسمت ونزلت
بهاج تأكد انها دخلت البيت ومشى : يارب احفظها بعينك التي لاتنام واحفظها من كل مكروهه واحفضها لي
___________________________________
(سياره نايف )
وصل عند بيت ابو نجلاء
نجلاء سحبت غدير وقبل تنزل قالت: وعع ياكرهي لكم
ونزلت هي وغدير وصفقت الباب بقوهه
رائد كتم الضحكه لكن لعلها انفجرت الضحكه
نايف : ايه ايه اضحك
رائد بضحكه: والله مالومها هههههههههه
نايف ادرك ان علاقته مع بهاج خربت وادرك انه طعن بشرف بنت عفيفه
قال بندم: وش اسوي يارائد خربت علاقتي مع بهاج وطعنت بشرف حرمته
رائد : انا اشوف اذا رجع من مداهمته اعتذر منه وعاد حرمته مدري وش الدبره وانا لو مكانه نحرتك الصدق
نايف تنهد : يارب يسرها
وكل واحد راح لبيته
___________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
ها كيف بس وانا انزل لكم كل ثلاث ايام؟
.