سبحان الله وبحمده سبحان الله العظيم ♡
"وللمحبة مقامات.. فالذي يسألك كيفَ حالك فَتُجيب بتمام، يختلف عن الذي تشرح له تفاصيل التمام."
(بـهاج)
وصل للدوام وعقله مشغول بنوره ومو قادر يفكر باله مشغول
دخل سعود: بهاج بالك مشغول هالفتره اذا ماتقدر تروح عادي اخذ مكانك ولا تتعب نفسك
بهاج : لا مابي الا العافيه
سعود: الحمدلله
_________________________________
(بيت ابو عبدالله )
ام سحاب : غدير يابنيتي قومي جيبي نوره بنمشي للديره
ام عبدالله : تو الناس ليه تروحين خليك عندنا
ام سحاب : والله اني اشتقت لديره وامي وابوي بسلم عليهم
غدير: ياخالتيي يوم مايضر اجلسي
ام سحاب : ماش مارتحت وبالبيت بريعصي (تقصد هيام)
هيام بشوفه نفس: خير عسى ماشر سويت لك شي عشان تقولين كذا!!
ام سحاب : واتوقع اني ماقلت هيام ه ي ا م ماقلت ! لكن الي على راسه بطحه يتحسس
غدير: وانا شهاده خالتي ماقالت لك قالت بريعصي ماقالت هيام
ام عبدالله: خلاص استهدو بالله
ام سحاب : غدير جيبي نوره
غدير :تمام
وراحت
_________________________________
(غرفه بهاج )
نوره جالسه على السرير تفكر بالجامعه وتفكر تاخذ لها فتره راحه وتفكر بصيته مشتاقه لها ولابد من التفكير بحبيب القلب بهاج
نوره تنهدت: الله يعين
دخلت غدير: اهلاً
نوره بأبتسامه: ياهلا
غدير جلست قبال نوره: وجهك متضايق ليه ؟
نوره: مدريي لازم اخذ فتره راحه من الكل
غدير غمزت : الكل الكل ولا في واحد مو من الحسبه ؟
نوره بضحكه: لا الدعوى شموليه هههههههههه
غدير:وهه حتى حبيب القلب تبين تاخذين راحه منه
نوره: ضروري والله اخذ راحه من التفكير
غدير: اذا عندك مشكله واجهيها !
نوره : ماعندي مشكله بس حاسه بضيق بصدري مدري وش سببه
غدير :من الحبيب
نوره : لا متعوده ان يروح مداهمات
غدير: هو مايروح الا وانتي زعلانه الا ذي المرهه !اول مره انتي زعلانه وسافرتي لشرقيه وهو راح مداهمته فـ طبيعي ماتحسين بضيقه لانك كنتي زعلانه منه والحين راح وانتي راضيه عليه فـ تحسين بضيق
نوره : مدري
غدير : ليه مدري ؟
نوره : مدري عقلي مشوش هالفتره
غدير : خذي فتره راحه بس لاتطولين فيها ولاتبعدين عننا !
نوره :ان شاء الله
غدير: ايه صح ماقلت لك خالتي تقول جهزي اغراضك وانزلي بتمشون لديره
نوره:الحين؟
غدير:ايه
نوره حضنت غدير : بتوحشيني
غدير بادلتها الحضن : وانا اكثر ياعمري
نوره : مع السلامه حبي
غدير: هلا
وراحت نوره
تنهدت غدير : ياروحي والله الله ييسر حالكم انتي وبهاج
_________________________________
(الشغل)
فريق اول : بكرا بنداهم مكان مشبوه بالمكان الـ***
العقيد بهاج: تمام
الرائد سعود : كم مده المداهمه ؟
فريق اول: قرابه الاسبوع
العقيد بهاج : مضبوط
وكل واحد راح لمكتبه يجهز لمداهمه بكرا
_________________________________
(بيت ابو عبدالله )
ام سحاب : ياهلا بالنوريي
نوره بأبتسامه: هلا
ام عبدالله : نوره تكفين حاولي بمزون تجلس يوم بس
نوره التفت : جديده خلينا نجلس يوم بس
ام سحاب : تهقين؟
نوره وام عبدالله: اهقى ونص
ام سحاب : اجل شوركم وهدايه الله
دخلت غدير: وش هالاصوات العاليه اكيد الاكيد في شي حلو
هيام بقرف: بتجلس يوم عندنا سراقه الرجال وععع
نوره تقدمت بتضربها كف يطير وجهها لكن مسكتها ام سحاب
ام سحاب : لحضه لحضه
ام سحاب سحبت العصا وهبدت هيام الين عضت الارض
هيام بصراخ : خلاصص خلاصص ماعد بقول شيي تكفين خلاصص
ام سحاب هبدت هيام : يومنس تططاولين على الي احسن منس ليه ؟ خلس تستاهلين الي اقوى يهالبريعصي انقلعي عن وجهي بس
هيام ببكى والم: اخخ
نوره : عيديها ثاني مره بستلمك انا
وماشافو الا غبره هيام وهي تهج
غدير بضحكه: تذكرت ريكاشن اوهه ياعميي هههههههههه
نوره بضحكه:ايهه هههههههههه
ام عبد : حرام عليكم مسكينه
ام سحاب:والله مامسكين الا انتي ياوخيتي ابك هاذي عقربب هي وامها لاتغلبس العاطفه وانا اختس
نوره : خنفساء الي يافغصتيها ماتت
غدير بضحكه: صدق هههههههه
فجأه سمعو صوت قويي من جاي من المطبخ
نوره وغدير ذبحهم الفضول وراحو يشوفون
وام عبدالله وام سحاب ينتظرون نوره وغدير يجيبون لهم العلم
_________________________________
(المطبخ)
دخلت نوره وغدير ولقو الخدامه منصرعه
تقدمت نوره : ميري وش فيك؟
ميري : انا في موتت
غديرعارفه انه تمثيل :ليش
بدت الخدامه تقول كلامات مو مفهومه
غدير :نوره انتظري بجيب امي هي الي تعرف لها
نوره : بسرعهه البنت تموتت
راحت غدير وجابت ام عبدالله وام سحاب
ام عبدالله : رجعنا على هالدراما؟
ام سحاب : هاذا عمل الخدامات دلع ماصخ
نوره بصدمه: جدتي خالتي؟! الخدامه تموت وانتم تقولون دلع؟!
ام عبدالله : اصبري شوفي بعينك انه دلع
ام عبدالله: ميري وش تبين ؟
ميري وهي منصرعه: راتب راتب
ام عبدالله : قبل اسبوع اعطيناك!
ميري: مافيي فلوس يبقى فلوس يبقى راتب راتب
ام سحاب : مافي فلوس خلاص شهر هاذا مايعطي فلوس انتا
ميري مثلت انها ميته
نوره :ماتت
غدير بضحكه: حبيبتي تعودي عليها ههههههه
ام عبدالله : خلك على وضعك
وطلعو كلهم من المطبخ الا نوره المنلخمه من الخدامه
قامت الخدامه
نوره من اللخمه والخوف قالت:هايي باي مع السلامه
وطلعت بخطوات سريعه
_________________________________
(الشغل)
فريق اول حمد والعقيد بهاج والرائد سعود والملازم سعد مجتمعين يخططون لمداهمه بكرا والوقت ضيق
الرائد سعود: طيب وش نوع المكان المشتبه ؟
فريق اول حمد: اختلاط و مخدرات ومشروبات وخراب وهاذي الاشياء
العقيد بهاج: حلو بالتوفيق للجميع يارب
_________________________________
(المغرب)
تنهدت نوره بطفش: افف متت طفش
ام سحاب : وين الطفش منا حلو هالاجواء اطلعيي للحوش شرفي المطر والغيوم
نوره: جديده مو سالفه الاجواء سالفه ان ليش مانطلع نتمشى بهاذي الاجواء؟
غدير: والصراحه الجو يبيله كوفي ومول وسهره
نوره جتها فكره خطيرهه والتفت لغدير وابتسمت
غدير فهمت وابتسمت
ام سحاب : وبعدين تعالي لو تبون من يوديكم ؟!
نوره بأبتسامه:النوريي
ام عبدالله : اهجدي اهجدي ترى بهاج ماراح تريه لازال بالرياض بدوامه
نوره : ماهو داري معليك
غدير: ايه يمه تكفينن لازم نروح ترى سواقه نوره تجنن
ام عبدالله : ومن معلم نوره السواقه؟
نوره : بهاج
ام عبدالله : دام الي علمك السواقه بهاج عينا خير
غدير: لييه يمهه
ام عبدالله: ياغدير انتي تعرفين سواقه بهاج الخايسه ومعلم نوره السواقه تبيننا نموت؟؟
ام سحاب: وهه الله يعيننا على سواقه نوره
نوره: عن نفسيي رايحه يعني رايحه الله لايعوق بشر امشو معي انبسطو استانسو وش لكم بالشقى
غدير: يمه خالتي لازم نغير جو
ام سحاب : اجل مشيناا
ام عبدالله: الله يستر يلا معكم
نوره بحماس: يسس
غدير: من الحين اقولكم جيبو فروه وجاكيتات اليوم مرهه برد وامطار!
ام سحاب : اقول مابقى الا ورع يعلمنا انقلعي بس
غدير بوهقه: ياخالتي اقصد نوره لازم تلبس شي يدفيها
نوره : سياره بهاج موجوده؟
غدير: اتوقع ايه لانه راح مع خويه وترك سيارته هنا
نوره : حلوو
ام سحاب: بس يانوره سيارته جديده ماكملت شهرين اخاف تخربينها
نوره: ياجدتي انا الطاره نوره
ام عبدالله :الله يستر
نوره ابتسمت
وراحت غدير ونوره ياخذون شراشف تدفي ام سحاب وام عبدالله وخذو فرو وبلوفر وحطوها بصندوق السياره
ركبت نوره: بسم الله
الكل : بسم الله توكلنا على الله
وحركت نوره السياره ومشت
ام عبدالله بخوف : هدي هدي
نوره بضحكه: خالتي لسى بالحاره حنا هههههههههه
ام سحاب: لايانوره سواقتك سريعه هدي
نوره بضحكه: جديده حنا بالحاره وماتعديت ٥٠ هههههههههه
غدير: لاتخافون لاتخافون
ام سحاب: جاء المعزز
غدير:هههههههههه
وطلعت نوره على الخط السريع وكان الطريق زحمهه عشان الامطار
نوره بعصبيه: اففف ياثور امش زين
ام عبدالله : بهاج ماشاء الله عليه ماعلمها السواقه بس علمها العصبيه والالفاظ الي ماهي بزينه
ام سحاب : عز الله تربيه بهاج
نوره تنهدت بعصيبه: لاحول ولاقوه الا بالله ! امش زي الاوادم ياتيس!
غدير بضحكه: تيس هههههههههه
نوره واخيرا قدرت تطلع من الزحمه وتتجهه للكوفي
تنهدت براحه: الحمدلله
نوره طلبت لها قهوه ولغدير قهوه
نوره: جدتي خالتي وش تبون اطلب؟
ام سحاب: الي هي بس مابي قهوه
ام عبدالله: اي شي يعجبنا
نوره: اذا تبون جوكم في كرك وكركديه
ام سحاب: اجل نبيه
نوره:تمام
وطلبت لهم وكل وحد خذا قهوته والي كرك والي كركديه
جاء المغرب وهم يفرون ويدوجون
ام عبدالله : اكبر داجتين نوره و غدير
غدير بضحكه: وهه هههههههههه
نوره بضحكه : حرامم عليك ياخالتيي هههههههههه
ام سحاب: وين وجهتنا؟
نوره: بنروح للمول
ام عبدالله: ماشش ماهو جونا
نوره: صدقيني جوك واذا ماعجبك في سوق الجمعه جنبه
ام سحاب: اجل شدينا له
نوره: جديده خالتي وش رايكم في سواقتي؟
ام عبدالله: تخوف
ام سحاب: اولا تجاوزك لسياره كثيرر ثانياً سرعتك رابعاً اذا سقتي عصبتي
ام عبدالله: كل كلمه تقولها اختي صادقه
غدير: بهاذي النقاط بوقف مع خالتي وامي
نوره: افاا
ام سحاب : يلا بسرعه نروح للسوق تأخر الوقت
ام عبدالله: ايه جاء الليل لازم نرجع
غدير: عادي تو زان الجو
ام سحاب: مايسوق بالليل الا المجنن
نوره:هههههههههه
وطلعو على الخط السريع
كلعاده ام سحاب وام عبدالله خايفين من سواقه نوره : هدي هدي السرعه مسرعه
نوره بضحكه: ماسرعت امشي طبيعي مع الناس هههههههههه
فجأه ضوء قوي
غدير بصراخ: ساهرر
نوره: يويليي وش اسوي
ام عبدالله: ياربيي
ام سحاب : يويليي
نوره: الله يستر
غدير: كملي يومك الي اعرفه ان المخالفه ماتنزل بنفس اليوم
نوره تنهدت براحه: الحمدلله
فجأه نقطه تفتيش.
نوره بتوتر: يمهه وش اسويي
غدير: خليك طبيعيه بعدين حنا نعتبر عائله ماراح يوفقونا
ام سحاب:الا بيوقفونا تضليل وسرعه والسياره والسواق ماعنده رخصه قياده
ام عبدالله: انفضحنا
العسكري شاف السياره وعرفها : لو سمحتي نزلي الدريشه
نوره : يمهه افتحها؟
الكل : اكيدد
العسكري: اختي افتحيها
نوره : هلا اخوي
العسكري : رخصه القياده
نوره : لحضه ادورها
العسكري : خلاص وقفي السياره يمين ولاتحاولين تهربين لان المكان مليان شرطه
نوره: هيه ياحبيب امك لاتحسبني خايفه وبهرب!
العسكري: تمام وقفي على جنب
وفقت نوره السياره على جنب والعسكري موتر نوره
نوره تدور كذا هي بس كذا تدور وتضيع وقت
العسكري : لو سمحتي الرخصه
نوره: اصبر اصبر
العسكري كان متأكد ان السياره سياره العقيد بهاج مو سياره بنت !
نوره بوهقه: نسيتها بالبيت
العسكري : انتي مانسيتيها هاذي سياره العقيد بهاج
نوره بجحده : صدقني مشبهه وانا معرف احد اسمه بهاج
غدير بهمس: جحدت اخوي
العسكري : انتظري نتأكد من صحه كلامك
نوره: يلا
العسكري اتصل على: السلام عليكم العقيد بهاج
نوره عضت على شفايفها بتوتر ووهقه
بهاج: هلا وعليكم السلام
العسكري : العقيد بهاج سيارتك مسروقه؟
بهاج: لا ليه؟
العسكري : سيارتك عندنا مسروقه
نوره بهمس: وجعع ماسرقتها
بهاج: لا انا متأكد ماهي مسروقه يمكن مشبهه
نوره بهمس: تشوف مشبهه
العسكري : بصور لك اللوحه تتأكد
بهاج: يلا
وفقل الخط وصور اللوحه وارسلها
نوره: مشخصن الوضع؟
العسكري: ايه
رد بهاج: الا هاذي لوحه سيارتي
العسكري : طيب وش نسوي بالمجرم ؟
بهاج: صور لي بطاقته
العسكري : تمام
العسكري : لو سمحتي هويتك الوطنيه
نوره: وش تبغى فيها؟
العسكري: العقيد بهاج يبيها
نوره: مااثق في العقيد بهاج
العسكري: لو سمحتي الهويه
نوره: مابغى
العسكري : تمام اجل امشي لتوقيف
ام سحاب بعصبيه: يانوره بلا عناد اعطيهه
نوره تنهد: بس عشانك ياجده
اعطته نوره الهويه وصورها العسكري وارسلها لبهاج.
_________________________________
(بهاج)
كان جالس على اعصابه من يتجرى يسرق سيارته .
جته الرساله وفتحها وشاف الاسم وقراه مره مرتين ثلاث يستوعب
تنهد براحه: الحمدلله ماهي مسروقه
بهاج بأستيعاب : يوهه هاذي حتى مابدت المداهمه سوت كل ذا كيف لو رحت وش بيصير ؟!
العسكري ارسل: وش اسوي فيها؟
بهاج: دقيقه بس
بهاج اتصل على نوره لكن .
نوره شافت جوالها يتصل : من ؟ يوهه وش اسويي يمهه مستحيل ارد عليك
وقفلت جوالها
بهاج تنهد : تمام لاتردين
بهاج اتصل على العسكري : الو لاتسوي شي بس عطني ياها بتفاهم معها
العسكري : تمام ، لو سمحتي اختي العقيد بهاج يبيك
نوره بجحده: مااكلم رجال !
بهاج: نوره!!!
نوره : لو سمحت اخوي بهاج ماقدر اتكلم معاك ما أكلم رجال ومع السلامه!
بهاج بأسلوب تهديد: نوره واقسم بالله لو مارجعتي البيت الحين لـ اخلي العسكري يمسكك بالتوقيف !
نوره: اخوي من انت عشان ارجع للبيت
العسكري كان منلخم
بهاج: ترى بجي والعن خيرك
نوره: من انت؟
بهاج بعصبيه: نوره لاتستهبلين على راسيي انا زوجك بهاج!
نوره: انا ماني متزوجه
بهاج: جيت
وقفل الخط بعصبيه وقام .
_________________________________
(نقطه التفتيش)
نوره بتوتر: خذ جوالك
العسكري : لو سمحتي لاتتحركين انتي محجوزه هنا الين يجي العقيد بهاج
نوره : اقول بس خلني انجي بحياتيي
العسكري : مستحيل تتحركين لو شبر من هنا
نوره تنهد بطفش وسكرت الدريشه التفت على جدتها وخالتها وغدير الي قامطين ام العافيه
ام سحاب هبدت نوره: يملا الي ماني بقايله ليش تاخذين السياره من البدايه !
ام عبدالله: نوره اخر مره تسوقين !
غدير: نوره ماتتوبين هاذي ثاني مره
نوره: لحضه لحضه ليه كلكم جحدتونيي؟
ام سحاب : انتي بس خلصينا من المشكله الي بيسويها بهاج
ام عبدالله:الله يستر صوته صوت الي مو ناوي خير
غدير تحب تصعيد المواضيع: ياويلك ياويلك يانوره
نوره تخفي توترها: وش بيسوي يعني ؟
ام سحاب : ايه نشوف وش يسوي
العسكري طق الدريشه
نوره : هه جاك الثاني ، وشتبي؟
العسكري: خالتي يقول العقيد بهاج انزلو لتكسي ماعدا السواق ماينزل
ام سحاب : اقعدي بها يانوره
ام عبدالله:الله يعينك
غدير: بايي حبيبتي نوره الله يعينك على الي بيجيك
نوره : هيه لاتخلوني
ام سحاب وام عبدالله وغدير: مع السلامه
وراحو وركبو التكسي تحت انظار نوره
نوره : يوهه الله يعينك ي نوره
جاء بهاج: خلاص تقدر تكمل شغلك
نوره اتسعت عيونها من شافته
العسكري : تمام
وراح العسكري
بهاج التفت لسيارته الي فيها نوره: اسلم
نوره تسوي نفسها ماتعرفه
بهاج: نزلي نزلي الدريشه بس
نوره نزلت الدريشه بكل ثبات : نعم اخوي؟
بهاج رفع حاجبه : اسلمم جحدنا بهاجوهه صرنا اخوي اقول انزلي بس ترا اعرف عيونك
نوره : تمام وشبغيت؟
بهاج: نوره ليش تسوقين وانتي مامعك رخصه خلاص بس ارجع اطلع لك رخصه بس لاتسوين كذا!
نوره سكتت ماعندها رد
بهاج بهدوء: يلا انزلي
نوره :مابغى
بهاج تنهد: نوره انزلي بالطيب
نوره : وانا قلت مابغى
بهاج بهدوء وعصبيه: نوره انزليي
نوره: طيب كيفي مابغى انزل!
بهاج فتح الباب وسحبها : من البدايه كان نازله
نوره : بهاج وجع فشلتنا
بهاج: تستاهلين
وسحبها وركبها من الباب الثاني : حلوه دجي وفري وانا اخذ المخالفات وملعنه الخير صح
نوره : والله عاد انت تزوجتني تحمل مايجيك
بهاج ركب السياره وحرك السياره بهدوء
نوره زعلت ولفت لجهه اليمين بزعل !
بهاج : سؤال يعني انتي الغلطانه ليش تزعلين؟
نوره: لاتكلمني رجاً
بهاج: مابكلمك معليك ، نوره جيعانه؟
نوره بثقل:لا
بهاج : عن نفسي جيعان بروح اتعشى وانتي خليك هنا
نوره : مابغى اجلس
بهاج: براحتك تبين تجين معي للمطعم حياك الله
ونزل بهاج واتجهه للمطعم وهورعارف ومتأكد ان نوره بتجي
بهاج التفت لكن مع الاسف خاب ظنه نوره مو موجوده
بهاج تنهد : لاحول ولاقوه الا بالله
وطلب وجبتين وطلع متجهه لسياره
بهاج: بوديك للبيت
نوره : تمام
بهاج مد الوجبه لنوره: هاذي رضاوه
نوره بثقل: مابغى
بهاج بضحكه: مابغوءء هههههههههه
نوره ماقدرت ماتضحك:هههههههههه
بهاج: طيب خذي الاكل عشاني
نوره: بس عشانك والله
بهاج:هههههههههه
وكلو وخلصو وشبعو الحمدلله واتجهو للبيت ونزل بهاج وحضن نوره ونوره بادلته
بهاج: بشتاق لك
نوره: وانا تكثر
وراح بهاج وهو يأشر لها بمعنى مع السلامه
نوره بأبتسامه : استودعتك الله
ودخلت البيت
_________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي لازال معلق مايرد على تعليقاتكم😔😔
.
.