سبية مستباحة

بارت 31

سبية مستباحة، بقلم الكاتبة ميامين الدليم

- جانَت كلمات مهڤ كفيلة تهدي روحي وكلبي احتوائة الية ينسيني الدنياا كلهة صرت مثل الطفلة يمة احب قربة الية احس اذا خسرتة مستحيل ما اخسر روحي

- وكفتة وياي كدام الكل دفاعة الية محافض ع كل حقوقي وملتزم بمسؤلياتة وزيادة

- جان يوم يخوف صدمة الية اهانة بس رجع حقي مشاعر مخربطة حرب اطلاقات نارية شهداء مصابين

- حياتي منوالهة يومية يختلف ماا مسمستقرة بمكان ماكو مكان بي راحة وامان الدنيا خربت بعيني دم الناس صار شي عادي ارواحهم صارت متسوة شي وعادي اذا مشيَت وشفت كدامك جثث عادي اذا ماتو كدامك

- بهذاك الوكت جان لازمني برود برودة دم جان لازم اشيل كلبي واوكف عقلي لهيج مواقف شي صعب ع وحدة بعمري تتحمل كل هذا بدون اهل من الدنياا طلعت بس هية صرت مكطوعة من شجرة

- وحدي بس بعمر 18 سنة بس تحملت اشياء الي يعادلوني بعمري مرتين ماا يتحملوهة

- صح الله عوضني بمهڤ بس خسارتي تبقة كاسرة ضهري خسارة ابوي تبقة كاسرة ضهري عزيز روحي ابقة اشتاكلة وادعيلة واسويلة كلشي يحبة وانطي عن روحة ابد ماراح اقصر ويا اذا جان عايش او لاا يبقة عايش بروحي

- عهد ع روحي وليشهد الله علية مادامني اشتم الهوة ماراح اعوف كل شهيد ولا راح انساهم بكلشي املكة راح يجي اليوم الاوكف بي منتصرة بنص الانبار واحنة منتصرين ونسمات شهدائنة راح تحاوطني وهمة فرحانين

- راح يجي اليوم التاريخي الي راح تتحرر بي الانبار من كل قذر

-راح ترجع تزهر من جديد ونكحل عيونة ينصرها راح نزرع ورد بكل شوارعهاا

-راح نعمرها من جديد

-وراح يستلمها الي يستاهلها ويستحقها تدرون ليش لان هية تعذبت الله راح يعوضها بشخص يبني كلشي انهدم بيهة

-الانبار الله راح يعوضها بشخص يحييها مثل ماا الله عوضني بمهڤ بس عوض الانبار راح يكون اجمل

-

جان كاعد لابس مناضر طبية علمود الابتوب وحاط اوراق ع الجرباية

حرير: شنو هاي شدتسوي

مهڤ: اوراق المشجب

حرير: تريد شي تاكل تشرب

مهڤ: اكو غير شي

حرير: شتريد يعني كول واسويلك

مهڤ: اريد ابوسج

- شهكت ورفع راسة علية يضحك

حرير: شكدد مستفز و ومنحرف وفيسلوقي مهڤ انتً فيسلوقي

- جنت رافعة اصبعي باتجاهة واضرب برجلي بلكاع بعصبية كام من مكانة باتجاهي واني ارجع ورة انلطخت بلكنتور وهوة حط ادينة ع الكنتور مقيد حركتي

- شبيك لاا تستخف

مهڤ: لج عيني شهل الفاض

حرير: اكلك انتَ مو جنت تركض وراية حتة انطيك مجال ومن انطيتك استخفيت

مهڤ: لاا ياا وكت اني اشوفج المستخف شيسوي

حرير: يااا عزة وخرر

- دفعت ايدة وطلعت من الغرفة جنت ناسية كلشي صار ونزلت بدون لا افكر بقيت بـ المطبخ لازمة كلبي، طبَت اية للمطبخ شافتني اجتي وكفَت وجتفَت اديهة وكالت

اية: انتي شوكت تحسين ويصير عندج كرامة

- عبالهة تنرفزني من تحجي بـ الكرامة تحجي ع شي هية ماا تملكة اساسا حطيت ايدي ع جتفهة وكلت

حرير: من يصير عند اختج اخلاق

- دفعت ايدي ورادت تضربني بس منعتهة

- اذا مديتي ايدج اكسرهة واخليج عبرة لمنن لاا يعتبر انهيج من الوجود واحرك البيت ع راسج وراس اختج طلعي من حياتي اني مو عبير اني اليدوسلي ع طرف انعل ساسة فاهمة لو لااا

- عفتهة تحجي وحدهة وطلعت.

- ردت اصعد بس طلعت عبير وصاحتني

عبير: ادخلي بسرعة

حرير: شكوو ان شاء الله انوب

عبير: لجج لحكيلي

حرير: شمسوية انوب لجج ينعل اليوم العرفتج بي ماوراج غير لحكيلي ويبوو وتمنجدنا

عبير: يارب اني شمسوية وماخليت بشر فاهم وعاقل بحياتي لييش

وردة: طفو الضوة يمعودييين

حرير: هاي الله ليش مياخذ امانتة ويخلصنة لو طخة لو اشلع مخة شمستفادين منهة

عبير: عود اني ارجع امانتة هسة كعدي اريد اكلج شي

حرير: كعدنة غرد ياا عصفور

عبير: راح احجي بس لاا تسوين اي ردة فعل شوفي اذا فززتيني اركعج بهاي الطاسة

حرير: شوفي اني حياتي كلهة اكشن وحياية وضراير تخيلي هسة جنة متكافشين اني واية بلمطبخ

كلتهة وضحكت وهية مسوية وضع المصدومة

عبير: اية ضرتي نفسهة

حرير: ايي نفسهة اخت ضرتي يمهه هههههه

عبير: ضرايرنة خوات شهل حض

حرير: شعندج انتِ احجي

عبير: جبل يريد يخطبني من محمد

حرير: شنووو ولجج

عبير: اكعدي خلي اكمل

حرير: لج شتكملين احنة مصيبَت نور ما فاضيهة انوب تصير بين الولد بلسلاح

عبير: كال اذا تبقين راسج يابس اروح اكول الاخوج احب اختك واريد اخطبهة ووكتهة يصير خير

حرير: ايي مو هية لعب وبكيفة انتو سالفتكم لا بيهة جدر ولا قبق

عبير: هسة كليلي شسوي

حرير: فهمي كليلة انتَ متزوج ماكدر انطيك فرصة ولبنية حرام علية اضلمهة كمل حياتك اني باجر عكبة راجعة لبيتي ولحياتي وانتَ راح تنسة وتتعايش

عبير: خليني احجيلج بلتفصيل

-
عبير: جبل انتَ متزوج تفهمني متزوج ماكدر اضلم نفسي لان ماتحمل اتزوج وضرة وياي ولا اكدر اضلم البنية هم حرام علية وعليك

جبل: ياخي اني ماا هاويهة ماكدر اتقبلهة حاولت ماكدرت كلبي مو الية كلبي مو عندي عبير مو عندي عندج

عبير: البنية ماا مئذيتك حتة تكرهة وما تتقبلهة

جبل: يعني الهنا اني بس الائذي واني الاضلم وفوك ما ضالمج ضالمهة اني هنا حديد ماعندي احساس عبير اية اتزوجتهة لان جانَت مفكرة تنهزم وية واحد وامهة حبستهة وماحجَت اية لوما متزوجهة جان هسة اليوم دورت السنة مال وفاتهة

- فوك ماا انحرمت منج عشت وية وحدة استغفرلله منهة عرضي ماكدر احجي بس اكو بشر يستاهل ينداس علي جنت اتحمل كلشي تحجي مابررت النفسي تحملت الطرفين شلت ذنب هواي اطراف لشوكت ابقة مفضل العالم ع نفسي ومحد مقدر هذا الشي اصلا شوكت تشغلين عقلج عبيرر مو انتهيتت ياا بشررر

- جان نفسي يصعد وينزل بسرعة وبس دموعي وملامحي المصدومة تنشاف رجعت بخطواتي اريد اطلع من يمة بس حيلي صار يرجف ردت اوكع من طولي بس تماسكت حتة ماترجع حالتي واتخربط كدامة ماريد يشوفني بهيج حالة ويعرف صار بية هيج من ورا

حرير: زين انتِ كعدتي فكرتي بلحجي الكالة الج

عبير: ماريد اتسرع وانطي فرصة بسرعة وبعدين حتة اذا اقتنعت مستحيل اخرب بيت غيري بحالة وحدة بس اذا هية جانَت متريدة وعايفتني اتعذب لا هيج ضلم كاعدة تضلم نفسهة وتضلمني اني وجبل هم

حرير: شوفي انتي فكري ورديلة جواب قبل لا يكول لمحمد وتصير مشكلة فكري بشي ايجابي واحسن شي مهمى يكون صعب اصعب من المشكلة الراح يسويهة محمد

عبير: خايبة يطير هوة وتهديدة ماا اتزوجة رجل اية

حرير: تتزوجي غصباعنج مكموعة

عبير: ردتج عون صرتيلي فرعون

حرير: غير اريد راحتج ومصلحتج لان ادري ماراح تحبين غير شخص

عبير: تدرين شراح اسوي راح اوافق على خطبة باقر

حرير: طبعا افكارج هيج فد خايسة تدرين

عبير: منو اخذ رئيج ابقي دافعي الة وما اتزوجة لو يموت

حرير: عود بعرسكم اذكرج بهاي السالفة

عبير: ميخالف انتضرج ليش لاا

حرير: شكد غثيثة

- حرير متفهم انو عبير الدتشوفهة ماصارت بهلقوة بسهولة عبير الكدامهاا خسرت نفسها وخسرت خسرتني كلب كامل

- وبكل سهولة لازم اقاوم وانسة وادوس ع كلبي

حرير:' زين هسة اني وين اولي بلاخير راح انام بلمطبخ مهڤ مستخف ماروح يمة شنو نطيتة عين

-بس شنو انام هنا هسة الحية تكول طاردهة لاا اشو اروح لغرفتي وهوة يطلع ويكولون هية طاردتة احسن شنو سهلة ابقة زعلانة وماا يجي يمي

- صعدت بدون صوت وكفت يم الباب اروح ةارجع واعض باصابعي فجئة نفتح الباب بقيت مصدومة بمكاني سحبني وسد الباب

مهڤ: قلقتيني لتوكفين بلباب مثل الفارة

حرير: ماخايفة منك بس جنت اسوي رياضة ضهري مشنج

مهڤ: هسة منو كال انتِ تخافين يٌباا

حرير: بس اوصلك فكرة يعني ' رحت كعدت بمكان بعيد عنة وشغلت تلفوني ضليت اكتب بمذكراتي الحافضتهة بلجهاز

-حسيت ع شخص يكعد يمي نفسي اختفى حط ايدة قريب اذني وخر خصلات شعري

مهڤ:عاينيلي يُباا اني بدون نضراتج وضحكتج لاا شيئ

حرير: باوعت بعيونة وعيوني متروسة دموع وتحركني ماعرف ليش تصير هيج من اسمع نبرتة الحنينة احس كلبي مفرفح ومفتقدة هلشي واريدة بس مدالكا " جريت نفس بحسرة وكلت

- اخاف اتعلق مهڤ اخاف انتَ بيوم تصير بطريق واني بطريق اخاف طرقنة تختلف هاي حنيتك منين راح اجيبهة اذا احتاجيتهة بيوم وانتَ ماا موجود

- ربي من اخذ حنية ابوية دزك الي عوض بس معقولة راح يدزلي الي يعوضك مستحيل تتكرر نعمة ربي مرتين

- كعد كدامي حاوط وجهي ب ادينة ومسح دموعي وكال ، انه شرايد من الدنيا غيرج انتِ وامي حور بس كليلي شرايد هاي حنيتي ضهرت الج بس اني احسج بشر يستاهل هلحب وكلشي كاعد تشوفي مني اني ماكاعد استخطيج واسوي كل هذا يُباا اني احبج ودتشوفين هلشي مني قطعة من كلبي انتي مستوطنتني شلون متخيلة انتِ تروحين بطريق واني بطريق بعد هلحب كلة

- اعشكج انه هواجيسي

حرير: لاا تراضيني بهذا كلامك المعسول وسوالف الفيسلوقيين

مهڤ: اوف يابة هيج زعلج ثكيل بنية الاكبر

حرير: اوي وخر عفية شكد فاسد انتَ ولاا مال واحد ينطيك عين

مهڤ: اتسرسح عليج

حرير: شنو هاي مهڤ وين راحت اخلاقك الخووش

مهڤ: هاي شبيج مرت الخوش اوادم

حرير: مرت الفيسلوقي قصدك كوم من يمي هااي قيسلوقيات ماكاعد تراضيني انتَ

مهڤ: وشلون تريدين اراضيج بدفرة لو چلاق

حرير: وليش حتة تراضيني بنية حالهة حال نفسهة ماكلت تعالو راضوني

مهڤ: واني رجال حالة من حال مرتة وكومي يمي اريد انام

حرير: ومتنام عيوني منو كامشك من ياختك

مهڤ: راح ادوس ابطنج كومي

حرير: مهڤ عادي احاجيك عوف الشقة داحجي جَد

مهڤ: عيوني انتِ احجي كلشي اذان صاغية الج

حرير: شسمة مدري شلون احجيهة بس نور شنو راح يصير بموضوعها

مهڤ: عوفينة من هلموضوع بوية لبنية يم عمامهة ونور يرادلهة واحد يرجع يعدل تربيتهة كاعد تطلع من الطريق وطلعات وطبات وصخام الوجه احنة بلدوام وامهة منطيتهة مطلق الحرية

- تدرين عمامهة يحبوهة اكثر من امهة ع كلامهة شتريد يجيبو الهة وهية تردة الهم بغلط وقلة تربية واحترام

حرير: ياريت الناس الي التجئت الهم وكلت راح تصيرلي عائلة من اشوفهم هيج يعاملوني بس اني اكتشفت انو مالي عائلة غيرك انتَ

مهڤ: بوية اصيرلج الدنيا كلهة وماا تحتاجين احد واني موجود يابعد هاي وهاي

حرير: يمصكووع شكد حلو كلامك

مهڤ: مو احلا من اللوحة الفنية الكبالي

حرير: اني اكول تكوم تنام احسن لان اني من اتحمس اكوم ادفر ايشي كدامي

مهڤ: تفداج روحي

حرير: شكد عندك طاقة تحمل

مهڤ: اصيرلج تايكر

حرير: لاا موطبيعي مو طبيعي صخام الصخمج حرير الرجال موطبيعي

مهڤ: انتي مو مال عيوني واغاتي كومي دانام يلاا كدامي

حرير: عود ع المرة التجي ما افشلك واحاول اخاف

مهڤ: شلون راح اجرم بيهة

حرير: صدقة للعصبي

مهڤ: محاسن الحمرة امشيي كداميي بوية

حرير: كمت ورحت نمت بمكاني وهوة لحكني صديت علي وكلت

- ايدك لاا تمدهة علية اني مو مخدة ناام بدون فيسلوقيات

مهڤ: يلاا راح انام مثل متريدين

- شو هذاا صدك حط ايدة جوة راسة ونام بعد ماتحرك اني الصرت اتكلب وادفر بروحي ماكدر انام باوعتلة ومديت ايدي اشوفة نايم لو كاعد مانطة اي ردة فعل

- اتقربت يمة حطيت راسي ع صدرة بهدوء وحاوطتة بـ ادية الي صغيرة ومتوصل ردت اغمض عيوني وانام واسمع ضحكتة

- اوف بوية كلبي رچيچ انه مايتحمل لطافتج

حرير: عوفني انام مهڤ تعبت من كد ما اتكلب

مهڤ: وليش العناد اذا ماتكدرين بدوني اعترفي

حرير: هذا تعويد اني مثل الطفلة انتَ عودتني مهڤ

مهڤ: خوش وليدي حتة اعودج على اشياء انوب

حرير: دخيلك خليني انام

مهڤ: جعل محد تنام غيرج مصكوعات تروحلج فدوا بنات الديرة ولجمالج ولطافتج بوية اسرسح على لطافتج بكد چف ايدي ول ول يبووو على حضك مهڤ هلكدواهة ودوهنَت حالك

حرير: بقة يلعب بشعري ويحجي واني ودعتهة لغير عالم ونمت بوسط حنانة

-

- كل ماا تحاول تستسلم وتكول خلص انسدت بوجهي فكر انو انتَ ما انخلقت حتة توكف حياتك بهيج موقف ماا كتبلك ربك هلشي الة لسبب كلشي الة عبرة والة سبب ونهاية وبداية جديدة تعوض كلشي مريت بي

- كل دمعة منك راح تتحول لدمعة فرح كل شخص اذاك راح يتاذة كدامك

-كلشي جان بخاطرك وناذرلة بيوم من الايام راح تشوف الناس تشتغل علي ويتحقق كدام عيونك هاي الدنيا الة خراب والهة بناء جديد كلشي ممكن يتصلح الدنيا مستمرة اذا بجيت او انهاريت راح تمشي مراح توكف وانتَ كوم اوكف وياها وقاوم محد راح يشيل الحمل وياك

- دموعك منك حزنك بكلبك كوم قاوم وربك وياك راح يدزلك الشخص الي يسندك

قااوم.

بوسط هوسة عبير

- جنت كاعدة وصلتني رسالة من جبل

*انتِ وين ؟

- شكد ماعندة عقل وين يعني بمصر

*جاوبتة بـ بلكبور

جبل* شسوين هناك ضايعلج شي

عبير* رحت احط مي لكبر زوجي وضاع نعالي العزيز

جبل* يتبدل ارجعي يمعودة

عبير* لاا مو كل النعول تتبدل

جبل* راح اجي اكطع النعال عليج

عبير: انتَ شتريد عيني

جبل* تكعدين الصبح عندي موضوع مهم ولازم اطلع سويلي لكمة

عبير: ايبااااااخ اكعدلة الصبح ابو اذان الكرسبي المكسب داسويلة لكمة هاي الهايشة اليمك شكو متزوجهة

جبل: بس ع كيفج لاا تلكلينة وتشربينة حاجيناج مثل الاوادم ردي بكلمة طيبة خشمج اليابس اكسرة الج عبير

عبير: ماعاش ولا اجة للدنيا اليكسر خشمي

جبل: وينة ديوزع ثواب

عبير: لاا تلعب باعصابي وريوك ماكو مابقت بس هاي اقوم بواجبات مرتك منومها واني الواكعة بيهة وبعدين شهل ميانة ولجرئة العندك

جبل: ياعيني هسة انتي مو زوجتي المستقبلية شكو بيهة ليش هلعصبية هاي

عبير: انتي اكول لو تكعد من احلام العصر احسلك لان متفيدك راح توديك بداهية عزيزي

جبل: حتة ريوك ماريد لك عيني عزيزي

عبير: شكد بطران وسخيف شوف الساعة اريد انام وبطل فساد احسلك اني ماتمشي وياي هلملاعيب

جبل: اذا ماكعدتي سويتي اجي اسحلج

عبير: مرتك الهايشة يمك يلاا استودعناكم

جبل: عبالي اكلج اليوم عمام نور عازمينة يصفون الخلاف الصار بس حرامات كلتلج عود داثير الفضول بس جفصت بيهة

.....يتبع

حسابات الابطال وكلشي يخصهم بحسابي الانستا

هذا اليوزر: no2s.17

+ اعذرونة ع التاخير بس الابطال جان عدهم ضروف وصارت عرقلة ب الاحداث بس نشالله نحل كلشي هسة وقراءة ممتعة

-استودعتكم الله.