🩸أحــبــبــت زوج أخــتــي🩸
بقلم: ✍🏻 YOUSRA ANGEL ✍🏻
#مــاذا__لــو__أحـبـك__سجين__وأصبحت__أنت__حريته🔥🕊️
📿 بارت 44 📿
بقات واقفة كطلع فالنفس وتهبطو بحرقة ونوعا ندمات حيث خرجات داك الكلام ولايني الجانب الشيطاني فيها غلب ديك ساعة وبغات غير تسكتوو وترد ليه دقة ناسية بلي هاكا سدات عليها داك لباب ديال الحوار بينو وبينها فمرة وحدة وباستسلام رجعات بادراجها للسيارة وركبات بهدوء وهنا وهي تستغرب وزاد ندمها اكثر فاش شافتوو تحرك بسرعة خفيفة ماشي كيف قبل ... وكلما حاولات تفتح فمها باش تهضر كتشوف تعابير وجهوو كدير بناقص وكتقول حتى تجيبها الوقت ويدويها هو وتعتاذر ليه ...
داز الوقت ...
تمات السيارة داخلة مع لكاراج ديال الدار مع ديك الثمنية ديال ليل ورانيا ناعسة على جنبها وعاقدة غوباشتها وباش ما يدويش معاها ويفيقها حيث حلف ما باقي يهضرها كلاكسونا بجهد حتى ناضت قافزة وكيف شافت راسها بلي وصلوو هزات عيونها فيه باش دوي ساعة ماعطاش ليها فرصة ودغيا نزل محرك بحالو داخل ...
تبعاتوو كتجر فرجليها وهي مخربقة عارفة راسها غلطات معاه فالهضرة وقالت ليه كلام ما خاصووش يتقال ولايني راه غيؤ زلة لسان ماشي عناتها بالظبط وعاد زيد عليها هي باقا صغيرة ومزال ما شارباش عقلها كيف كنقولو حنا المغاربة يعني ما واعياش داك الوعي الكامل لي تقول انا كبرت على اللعب وبلي خاصني نبني مستقبلي ونركز على كلشي فدقة ونخدم بالمنطق ونحكم بالعدل كيف مسير عيسى حياتوو بالعكس هي باقا باغا تلعب مع دراري صغار وتخرج وتسارا وتقرا بمرح وتفهم وماشي مشكل لا مافهماتش شيء حاجة فالحياة تقدر تعاود تجرب حضها مرة اخرى واهم حاجة فيها انها نية ولي دخلها بوجه زوين كتصرف معاها فوق بخير وبوجه اجمل وهادي هي اكثر حاجة كتعصب عيسى حيث الحياة لا كنتي نية فيها مع كاع ناس ايجي وقت واطيح طيحة خايبة صعيب تنوض منها بلا اضرار ...
تمات داخلة للدار وهي كتسمع الصقيل فالدار كلشي مخشي فبيتوو متكي ولي ضرها فراسها تعرف الاء فين هي ومعامن بقات ولايني ماعندهاش الجراة تمشي تشوفها حيث اصلا اتكون فبيت باها ولي هو بيت عيسى وبقلة حيلة هبطات راسها للارض وزادت غادة لبيتها تبدل عليها ديك الحالة وتنعس ...
فالبيت الفوقاني ...
محطوطة ألاء فوق الناموسية وكتبكي لربي لي خلقها والخدامة نفسها جالسة كتقيص فحوايج خديجة وتبان بهم قدام المراية ... واخا صوت لبنت خفيف ومكيتسمعش ولايني ولات حمرة بقوة البكى حتى قرب يمشي ليها الصوت وختنا والا على بالها ...
ومع هاد الحذث كيتحل لباب وكيدخل عيسى كيمسد فجبهتوو لا ربما يخف عليه داك الالم لي ولا كيحس بيه مؤخرا من يوم موت مراتوو وهو كيشوف فراسو بلي راه ماشي بخير مي كيقول غير مع صدمة وصافي داكشي باش همل صحتوو مي فالاونة الاخيرة تزاد عليه هادشي ومالقى ليه جهد من قوة المشاكيل ...
ولي زاد ليه طين بلاء هي هاد الحالة لي كيشوفها قداموو بنتو امنها على ناس ماشي قد المسؤولية مخلينها بوحدها كتبكي وماعندها سند ... تعصب من راسو فديك اللحظة وكلام رانيا كيتردد فمسامع اوذنوو بحال دقات الساعة وبدون شعور منو لقى يديه خابطين داك المجسم لي فوق لمراية حتى طاح مشخشخ فالارض صادر موراه ضجيج لا يوصف ومغوت بصوت عالي : اش كديري نتي بحوايج مرتي ...
الخدامة غير شافت بانو فيها الالوان وخافت على راسها بلا قياس خصوصا فاش لمحات ديك شرارة الغضب لي كطوف حول وجهوو وبارتباك نطقات : ا ا ا انا ...
عيسى قبل ما يسمع ولو كلمة وحدة اشار ليها بيديه تخرج برا وهو شاد فراسوو لي قرب يطرطق : خرجي براا ...
الخدامة: ماشي كيفما فهمتي اسي عيسى انا ...
عيسى بالغوات حتى صوت ديالو زعزع دار كاملة وخلا كلشي يطلع لعندو يشوف مالو منهم رانيا لي تهزات : وبرااااااااا
الخدامة غير شافت القضية حماضت وكلشي تجمع عليها خرجات كتسلت بينما عيسى ما قدش يصبر مزال وطاح على ركابيه شاد فراسوو ومكرهش غير يتهدن وهادشي يخفاف عليه ...
رانيا غير بان ليها ماشي هو هاداك توجهات ديريكت عند الاء كتسكت فيها حتى تهدنات عاد مشات جيهتوو كتسول فيه بقلق باين على وجهها : بخير ...
عيسى لمح البقية كلهم مجموعين عليه وهو ينوض بزز منو ومصبر راسوو باش ميطيحش وقال بهدوء مخيف : تقدرو تخرجو بغيت نرتاح ...
كلشي خلاوه على خاطرو وزادو الا هي لي بقات واقفة وهازة الاء فيديها وكتسناه يقول ليها شيء حاجة في حين هو مع هز فيها العين مبقاش قادر يزيد يصبر لداك الالم وطاح على وقفتوو بالرغم من وعيو الكامل فديك اللحظة ...
بدون شعور وقبل ما يطيح للارض بشكل كامل زربات لعندو شاداه بيد وحدة مكالياه وألاء فيدها الثانية ساكتة وكتشوف فيهم ... رانيا هبطات عندو راسها كطل واش باقي حال عينيه وفنفس الوقت كتسولو واش صافا : عيسى واش كتسمعني ... واش ضرك شيء حاجة نعيط للطبيب ...
لا رد ...
هنا تزاد معاها الزايد وولات خايفة لا تكون وقعات ليه نفس حاذثة اختها وجاتوو حتى هو شيء سكتة دماغية مفاجأة وبهستيرية بدات تحركو بديك اليد لي كانت مكالياه بها وكدوي بنبرة سريعة باين فيها الخوف : واش كتسمعني ... عيسى متخلعنيش واش نعيط للطبيب ....
شافت فباب البيت لا ربما تلقى شيء حد باقي واقف تما مي كلشي هبط فحالو كيف قال ليهم عيسى بالظبط الشيء لي جننها ... كيفاش قدرو يمشيو والسيد كيموت براسوو لي عطاه حريق رهيب وبصوت عالي باين فيه مزعزع قالت : خاااااااالتي ...
عيسى غير سمعها كتنادي لامو وهو يكرز على ديك اليد لي كانت مكالياه وقالت بهدوء كيحاول يثبت راسوو باش تحبس عليه ديك دوخة والحريق : متعيطيش ليها ...
رانيا تنهدات تنهيدة طويلة بحالا حيدتي جبل فوق صدرها : على الاقل غير دوي منين باقي حال عينيك ...
عيسى كيف العادة ماجاوبهاش وبقى ساكت وكلما كيرجع ليه الوجع كيزير على يديها لدرجة هي ولات كتألم معاه مي البلاصة مختلفة ...
رانيا شافت فالاء لي عاقدة غوباشتها وقالت : حاول تشد فيا وتنوض نحط غير ألاء فبلاصتها ومن بعد نشوفو شنو نديرو ...
عيسى هز راسو فيها وعينيه نيشان مشاو لبنتو لي كانت كتشوف فيه غير هو لثواني ولدقائق بدون ملل بحالا كتقول ليه انا حاسة بيك وعارفة شنو كتعيش ولكن خاصك تكون قوي وتوقف على رجليك على قبلي وعلى قبل راسك ....
رانيا شافتوو فين كيشوف وبقات حاضية شوفاتوو وكتهضر مع راسها ... واش لهاد الدرجة تقدر تكون ظلماتوو من هضرتها ؟؟؟ ويقدر يكون هو غير داكشي لي كتشوف وكتستنتج عليه ؟؟؟
أفكار غريبة بقات كتجول فبالها لدرجة تفكرات هضرة امو بخصوص زواجها به على قبل ألاء وعطات العنان لدماغها يفكر لو انها مشات فداك طريق فين ايخرج مصيرها وشنو اتعيش معاه وكيفاش اتلقاه .... ولايني منين وعات براسها وفاشنو كانت كتفكر لعنات عقلها وشيطانها وسحبات انظارها لبعيد عليه ماباغاش طول فيه شوفة باشما تفكرش فيه نهائيا ...
عيسى غير شافت فبنتو خرجات ليها ضحكة بريئة من فمها وعينيها فعينيه بحالا عطاتوو امل جديد باش ينوض ويوقف على رجليه ويحارب العالم كامل على قبلها ... وبعزم واصرار حاول ينوض وهو مغمض عينيه باش متجيهش دوخة ويصدق طايح من اول وجديد ...
رانيا غير شافتوو كينوض من على الارض عاوناتوو بديك اليد مخلياه يشد فيها بقوة وإحكام حتى تقاد فالوقفة وقدر يمشي للناموسية ويتكى بلاصتوو ... مع تسرح وغمض عينيه باغي ينعس مشات عطات الحليب لألاء وبدلات ليها ليكوش عاد نعساتها وحطاتها فالكونة تاعها وهادشي بطبيعة الحال خدا ليها وقت كبير ولي فاش رجعات لعند عيسى طل عليه لقاتوو غارق فالنعاس والسخانة طالعة ليه بزاف ...
قاصتوو فجيهتوو مرة وجوج باش تأكد لقات فري السخانة هاديك وبسرعة مشات للكوزينة جايبة ليه بانيو صغير فيه الماء وفوطة بيضة وفطريقها وبدون ما تلاحظ شافتها ام عيسى ولي بقات متبعة ليها العين حتى شافتها فين دخلات ... بقات كتسنى شوية وهي ما فاهمة والو ... علاش رانيا داخلة لعند ولدها فداك الوقت وبفضول واستغراب تبعاتها حتى وقفات جنب باب البيت وهنا سرحات بخيالها لبعيد وهي كتشوفها كيف مقابلة لولدها لي مريض وهي لي امو ما فراسها ما يتعاود ...