أحببت زوج أختي 🩸مكتملة🩸

🩸الجزء 45🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 45 📿

وبدون ما ترد ليها البال فمرة جلسات لتحت كتخشي ديك الفوطة فداك لبانيوو وتعاود تعصرها وتحطها على جبهتو حتى كتولي كتفور وعاد تعاود نفس العملية ليديه وعنقو ...

وكلما كتحط ديك الفوطة كتجر يديها دغيا باش ما تزيدش تقيص فيه ... ماعارفاش علاش انتابها هاد الشعور ولكن بززات على راسها حيث الاولوية انه يولي مزيان هي الاولى ما تبقى غادي تحاول تناساه مع الوقت ...

بينما ام عيسى بقات كطل عليهم بدون ما تبين بلي راها كاينة تما داكشي حسي مسي خخخ حتى طمنات على ولدها والاء وارتاحت نسبيا فدماغها من جهتهم وخدات فكرة فدماغها ما تمشي حتى طبقها سوى اليوم ولا غدا مهم هاد جوج ضاروري ما تجمعهم حيث شافت فعيونهم بجوج بلي يقدرو يوفرو مستقبل زوين لحفيدتها مبعدة فكرة انه يقدرو مكيونش بينهم زواج حقيقي اولا العكس المهم عندها هي حياة حفيدتها اما ولدها حياتو العاطفية متقدرش دخل فيها كيبقى القرار الاول والاخير ديالو ونفس الشيء بالنسبة ليها حيث ما كيختار الواحد شيء حاجة حتى خاصو يكون مقتانع بيها اما الحاجة ديال بزز مكاين لاش منها ...

انساحبات ام عيسى راجعة لبيتها تنعس وهي مقررة تناقش هاد الموضوع مع راجلها بينما رانيا بقات كدير نفس الحاجة حتى وصلات ل 11 ليل وفاقت ليها الاء ثاني كتبكي وباش ما تفيقش عيسى مشات هزاتها كتراري بها شوية وتلعب معاها بالصقيل حتى رجع شد فيها النعاس وكملات نومها كيف قبل ...

وبعياء وبتعب باين توجهات رانيا لواحد الفوطوي وحطات فيه ألاء وشدات ليها فيديها وهي جالسة فالارض لتحت ... كدوز يديها على ظهرها بحنية باش تستحلى ليها النعاس وبلاما تحس على راسها وهي كتشوف فيها لقات عينيها غفاو حتى دخلات فسبات من النوم العميق ...

صباح جديد ...

حلات عينيها من الشعى ديال الضوء وعظامها ضارينيها من قوة ما بقات ناعسة فنفس البلاصة ... شافت الفوطوي مالقاتش الاء فبلاصتها الشيء لي خلاها تنوض قافزة كتقلب وخصوصا فاش لمحات حتى بلاصتوو هو خاوية ... كلشي باقي كيف ما كان فالليلة الماضية الا البنت وباها هوما لي مكاينينش ...

وبلاما تغسل وجهها هبطات بديك الحالة كتسول عليهم اذا بها كتصدم من العائلة لي جالسين وكل واحد شاد فراسوو بحالا نزل عليهم شيء خبر كيف صاعقة ... شافت فمها لي ساهية قدامها وقالت بتساؤل : امي اش واقع ؟؟؟ مالكم مصدومين ؟؟؟

ام رانيا شافت فيها وسكتات اصلا ماعندها ماتقول داكشي لي طرا ماعندها فيها دخل ... بينما ام عيسى بقات غادة جاية فبلاصتها وباين عليها معصبة وتيليفون فيديها كدوز المكالمة لولدها ومرة مرة تشوف فراجلها وتهضر ... ديك الهضرة لي خلات رانيا ضهشر كثر وتبقى غير مبرقة عينيها كتحاول تكذب داكشي لي كتسمعوو ...