سبحان الله وبحمده سبحان الله العظيم ♡
( بهاج)
طلع من المزرعه بكبرها متجهه للمستشفى يزور خالته ام سحاب او يتأكد من حالتها عشان يجيب نوره لها
بهاج: زيد وين امي؟
زيد: دخلت عند مزون
بهاج: وكيف حالتها ؟
زيد : نقول الحمدلله
بهاج: الحمدلله
زيد : الا تعال انت سويتها وقتلت نوره ؟
بهاج بأبتسامه: على طاري نوري طلعت بريئه من كل شي
زيد: ماتت مظلومه!!
بهاج: لالا خبيتها من الناس
زيد بفرحه: صدق ؟!
بهاج: ايه
زيد: طيب وينها؟
بهاج: ماتبي تشوف وجهي ومقدرت اضغط عليها واجيبها
زيد بضحكه : ياويلك وياسواد ليلك من زعلها عاد نوره لازعلت انسى انها ترضى لازم تتعب نفسيتك عشان ترضى هههههه يلا الحمدلله انها حيه
بهاج: الصراحه من حقها تزعل علي
زيد بضحكه : من حقها ههههههه
ام عبدالله طلعت وهي تمسح دموعها
بهاج تقدم: يمهه بسم الله عليك وش فيك
ام عبدالله بحزن: اختي دخلت غيبوبه يابهاج
بهاج: يالله يارب انك تقومها بالسلامة يا رب
زيد: امين
بهاج بأبتسامه: يمه في بشارهه
ام عبدالله: بشرني خلني افرح
بهاج: يمه نوره طلعت بريئه
ام عبدالله: قلت لكم انها ماتسوي هاذي البلاوي
بهاج بحزن : والله بلحضه غضب ضريتها وكارهتني
ام عبدالله: حيهه؟!
بهاج: ايه
ام عبدالله: الله يبشرك بالجنة يا بعد قلبي والله جبها جبها يمكن تكون سبب بطلوع اختي من الغيبوبة من بعد الله
بهاج: ماتبي تشوف خشتي
ام عبدالله جلست بتعب: ليكون ضربتها ؟
بهاج تنهد بضيق: مع الاسف الشديد اني ضريتها واهنتها
ام عبدالله هبدت كتف بهاج: يملا الي ماني بقايله
بهاج نزل راسه بـ حضن امه بضيق: وش الدبره يايمه؟ وش اسوي عشان ترضى؟ تعبت من صدها عني يمه كرهتني نوره ماتبيني تبي بعدي والي ورقه طلاقها يمه مقدر اعيش بدونها يايمه هي صارت نور لحياتي يمه هي خلتني اتخطى كثيرر من الاشياء الي سنين ماتخطيتها كيف تبيني اطلقها بسهوله والله صعبه صعبه
ام عبدالله بحزن : ياولدي يابهاج تصبر تصبر لين تزين الامور وانت الي سويته لها مو بقليل والي شفته ذاك اليوم مو قليل لعنبو حيكك ضاربها قدام العرب كلهم وتقول ليش ماتسامحني ؟!
بهاج بضيق: يمه تعبت من عيونها الي تطالع فيني بكسره تعبت يمه ابي نوره القويه الي اذا تعبت استند عليها يمه نوره القويه صارت هزيله وضعيفة وتخاف منيي تكفينن قولي لي وش اسوي انتحر عشان ترتاح بحياتها ؟!
زيد شاف ان الوضع حساس فـ فضل انه يتركهم ويطلع عشان ياخذون راحتهم
ام عبدالله وهي تمسح على شعر بهاج : بهاج وانا امك خلك لين وحنون معها وساندها عشان ترجع نوره القويه العنيده
بهاج بغصه : يمه اشتقت لها والشوق يوجع احس في جمره بحلقي مو راضيه تروح
ام عبدالله: وينها الحين ؟
بهاج: مستحيل اقول مكانها
ام عبدالله: ليه
بهاج: اخاف تأذونها يكفي انا اذيتها وندمان جدا
ام عبدالله: قم قم معي للبيت وجهك تعبان
بهاج كان يفضل الموت احسن من بعد نوره عنه وكانت ام عبدالله ماسكته وتمشيه زي الطفل ويهوجس
ام عبدالله: زيد وانا اختك بالله عليك ان تودينا البيت
زيد: ابشري
بهاج: مابي اروح للبيت !
ام عبدالله: لازم وانا امك
زيد: نوره ماراح تموت لو تركتها يوم بس !
بهاج سكت
وركبو السياره وراحو لبيت ابو عبدالله
________________________________
(المزرعه)
نوره بالغرفه تفكر وتفكر عن الحقيقه الي طلعت ومن طلعها وليش بهاج صدق الغريب ولا صدقها ؟
نوره: نوره خلاص شوفي جسمك ووجهك كلها كدمات منه خلاص قسي قلبك مثل ماقسى قلبه عليك !
وقامت وخذت شور لعلى وعسى تسترجع قوتها وصحتها الي تدمرت
اما عند غدير ونجلاء الي جالسات بالطبخ ويسولفون او يدورون خطه يصلحون بين نوره بهاج
غدير: لا احس ماتنفع الخطه ذي
نجلاء: صادقه سامجه المهم عندي خطه ثانيه شريك كذا نستأجر لنا شاليه ونعزم القبيله ونخلي نوره تكشخ وبهاج يشوفها وينغرم فيها عاد اخوك ثور
غدير: نجول يا حبيبتي بهاج طايح على وجهه لكن نوره الي خلاص ماعاد تبيه
نجلاء:من حقها
غدير: اصلحي بينهم!
نجلاء: هم كبار ويعرفون مصلحه نفسهم انا وش دخلني فيهم ولا انا لو مكان نوره والله لااخلعه واخلع الي جابه
غدير: نجولل اسكتي لاتسمع نوره عن الخلع وتخلع والدين بهاج
نجلاء: خلاص بسكت عشانك
نوره جتهم : بنات
غدير: هلا نوريي
نجلاء: عيون البنات
نوره: بنات حاسه ان جدتيي فيها شي
نجلاء: مافيها الا العافيه بس ندور لنا احد يجي هنا بالخلا يرجعنا لبيوتنا
غدير: ابعد مزرعه شفتها
نوره : تمام اذا لقيتو قولو لي بروح اشوف جدتي
غدير: نوره يوجعك شي؟
نوره بكذب: لا الحمدلله
نجلاء:الحمدلله
وراحت نوره للغرفه
غدير بحزن: ياربي شوفي شلون حتى مشيتها تكسر الخاطر
نجلاء: واخوك هو خلا احد صاحي فينا خبص قلوبنا
غدير : بيهج يصارع الندم
نجلاء: يوهه ياشعور الندم اخس شيي
غدير: الله يعينه
اما عند نوره جلست بتعب جسمها يألمها مو قادره تحرك منه فقررت تقوم على رجولها (يكرم القارى) ونشفت شعرها ولبست بلوفر وطلعت تستكشف المزرعه
________________________________
(بيت ابو عبدالله)
بهاج حاط راسه على فخذ امه بحزن يحتل قلبه
هيام : بهاجيي بغيت حاجه ؟
بهاج من شاف وجهه هيام المليان ميكب خطر كشر وضاقت به
ابو عبدالله بحزن: بهاج نوره وش صار على موضوعها
بهاج ماكان يمهم كان يهوجس بنوره
ام عبدالله: ابشرك نوره حيه ماماتت !
ابو عبدالله بفرحه: صدق؟
هيام هنا انجنت من سمعت ان نوره مامتت قالت بصراخ: ايشش كيف رخيصه تعيش للحين !
بهاج قام واعطى هيام كف طير طبقات الميكب الي على وجهها : لا تتكلمين فيها ولا والله وتالله بحطك مكانها واقتلك !
هيام بتصنع لدلع قامت تبكي : عميي ضربتي ضربني يحسبني نوره يمد يده علي
بهاج تقدم وشد شعرها وقربه لوجهه: اكسري الشر واسكتي
ام عبدالله: خلاص اتركها يابهاج
بهاج دفها وراح
________________________________
(بهاج)
بهاج ركب سيارته وجته فكره يمكن ان نوره ترضى واتجهه لديره ولما وصل جاه اكبر فلاش باك للبدايات وعنادها الي مايخلص واتجهه لبيت خالته ام سحاب ونزل
صيته: هي هي يالطيب نوره وين
بهاج كشر: يوهه مابقى الا انتي صدق
صيته: نوره وينها وليش ماترد عليي!
بهاج: نوره ماعاد تشوفينها بعد اليوم
صيته اتسعت عيونها بصدمه: وجعع ليش ماشوفها ؟!
بهاج: كذا كيفي
صيته: يع كريهه
بهاج تجاهلها ودخل للبيت ودخل غرفه نوره وضاق صده من شاف نتظر غرفه نوره في اخر لقاء بينهم لما ضربها
بهاج بندم: اخخ ليت ماعاندتيي وماقلتي ايه اخخ يانوره وعنادك
وجلس بسريرها يتأمل غرفتها وقعد يشوف طيوفها
بهاج: نوريي ليتك ترضين
نوره: ماظن اني برضى انت شفت وش سويت بوجهي وجسمي ؟
بهاج: تعبتت سامحيني
نوره : اتعب زيادهه هاذا جزاك تستاهل زياده
واختفت نوره
بهاج تنهد بضيق وقام وفتح دولاب نوره وخذا له كم لبس لها وشاف فستان امها الي تهاوش معها عشانه وخذا الفستان وبدا يدور قطوتها ولقى القطو بيموت جوع راح للمطبخ وفتح الثلاجه وطلع له حليب وحط للقطو والقطو شرب الحليب وبهاج يتأمله يتذكر ابتسامة نوره وشال القطوه والملابس وركب سيارته
واتجهه للمزرعه
________________________________
(المزرعة )
نوره لبست بلوفرها وطلعت تكتشف المزرعه واكتشفتها ولقت شبك نياق وتقدمت
نوره: حبيت المزرعه بس اكرهها
نوره: تدرين ليش اكرهك بالناقه؟عشانك بركتي علي الله يسامحك
بهاج من وراها : بسم الله عليك
نوره التفتت بس لما شافته كشرت بضيق
بهاج: شوفي وش جبت لك
نوره مارضت تلتفت له وتجاهلته
بهاج: تخطى ياتوتو راعيتك ماتبيك
نوره التفت بشوق لتوتو وتقدمت وخذت توتو بأبتسامه
بهاج ابتسم بفرح من ابتسامة نوره الي اشتاق لها
نوره بأبتسامه: توتو اشتقت لك يا حياتي شكرا بهاج
بهاج استوعب انها نطقت اسمه: مابيننا
نوره الي استوعبت انها كلمته : ماقصدتك ترى!
بهاج بينه وبين نفسه: ايه اجحديي اجحدي
نوره كشرت وراحت وبهاج تضايق انها راحت بس ادرك انه مااعطى نوره الملابس
نوره دخلت الغرفه وبدت تلعب مع توتو
بهاج دخل الغرفه وجلس عند نوره ونوره وتجاهلته تماما وهاذا الي ضايقه
بهاج: فستان امك وكم لبسه جبتها لك
نوره خذت الكيس بهدوء وصمت ونزلته ورجعت تعلب مع توتو
بهاج بضيق: لمتى هالتجاهل؟
نوره : لين تستوعب الي سويته لي
بهاج: استوعبت وندمت
نوره: قلت لك لاتسوي لي شي وتندم عليه وانت ماهتميت لكلامه ورحت تسوي الي براسك
بهاج: يعني زعلك عناد؟؟
نوره: مالها دخل تحمل غلطتك
بهاج تنهد بضيق : طيب انتي قلتي ايه بالبدايه ايش كبرائي السالفه !
نوره: وياسبحان الله وكأنك ماتعرفني اعرف اني احب الف وادور
بهاج : نوره....
ماكمل كلامه الا ونوره : بهاجج مايبي اسمع صوتكك خلاص خلاص
بهاج بعصبيه : ابشري ماراح تسمعينه ومع السلامه
طلع بهاج
نوره : استودعتك الله
________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
اعتذر عارفه انه قصير لكن هاذا تصبيره بس للاحداث الجايه 👍🏻
اكتب البارت وانا عين مسكره وعين مفتوحه نعسانه مرهه😭😭😭
.
.