رتبة و ظفيرة
رسُل فهد
بڪثر ما لميتي روحي صرت احسچ مو مرة !
بعدال ديرة ، انتِ بغدادي الزغيرَة
...
في مكان اخر
ام باسم: جبتي الوصيتج عليهن جثير بنوات يردن اكمل شغلهن
شام : اي ستي بس البخور الي بدكيا العطار بيئول ما موجود منو هون
- روحي لمعميلنا
- لا ستي هيدا مكانو ما احبو مانو لو ما ربي وائف معي
لكان شافني ارشد ويا ويلي بروح فيا والله بروح
- عش يابة ارشد رب الدنيا ؟ كوليلو استقريت هينا
شام : دخيلك ستي هيدا ارشد مو اي حدا خليني بعيدة عنو
ام باسم: روحي لباسم اجتو الحالة
اوف أيمتى اشوف تابوتك يطلع من هون ساعتها كلنا نعيش بسلام
تركت الي بايدي و رحت لهيدا الطفل الضحية الي اشترتو من الميتم و هو حفيدها بالحرام
مابعرف لحد هالحظة كيف أدرت مسك تعمل هيك بأرشد
الرجال الي لليوم ما شفت حدا يشبه شهامتو و غيرتو قبل ما يُقارب 18 سنة
كنا عم نتمشى بشوارع لبنان اني و بنتي وو مسك
كانت مجموعة زعران ملاحئتنة واحد منهم سرق الشنطة مسك
و هربو
وهذا كان اول يوم نعرف فيه ارشد لما ركض هو وجماعتو ورا الزعران
و قتلوهم قتلة حشك و لبك
و رجع الشنطة لمسك و هي من يوما انغرمت بأوصافو
وبيوم كنا طالعين من الشقة الي احنة مأجريها
كان موجود منتظر رفيقو راحت مسك سلمت عليه و بعدها تطورت علاقتهم
حتى بلدو تركة وصار يقضي اغلب اوقاتو بلُبنان
مسك بنت اختي الي تزوجت و تركت بنتها وبعد ما هاجرت
غرقت على الحدود بلاني الرب بزوج فاشل كنت مجبورة اشتغل كل يوم
خاطر اعيش الاولاد
و لما عرض علية ارشد الزواج من مسك
و خبرتها هي كانت طايرة ما كنا محسبين بيوم انُ يطلب ايدها
كان يعطيها مصاري تكفينا نحنا العائلة حتى الشغل تركتو بس مصيبتو
كان كل يوم يأجل موضوع الزواج بس هو كان يعرف نفسو مسكتنا
بالمصاري
عشنا بنعيم بسبب حبو لَمسك
و كان شرطها ان احنة نجي معاها للعراق و صدمتنا الاكبر لما وافق
ابني الوحيد لكان رافض كل الي بدو يصير و ماقبل يجي معنا لانو
بدو يدرس و اني قلت اشتغل و ابعتلو مصاري ولادي تبهذلو كتير
بسبب ابوهم الفاشل الي طلئني وراح اخذلو ختيارة تصرف عليه
وقال الها اوفر الكم قريب على بيت اهلي و مكان شغل حتى
بتعتمد خالتك على نفسها وتعيش بنتها لكن عدم وجود ابني معي كان مخليني اتردد و بيوم الي اجا وئال بدو ياخذ مسك
فكرت لو راح من وين بدي عيش ؟ انا و بنتي
اجيت معُن للعراق ئلت بشوف الوضع ازا معجبني اخد مسك و رِقة و ارجع
بس أنصدمت بعيشتهُن ..
...
يَاسمين
لِزم قميصة و خلا على خشمي يمسح الدم ويفَشر
- چلبة توازيني على الضرب ودگول عش تمد ايدك
فضحت الدُنيا بالبچي و هو أحتار شلون يسكتني ضامة بروحي وجع و اخاف أحجي خلة ايدة على حلگة و هو يهمس يَم أذاني
- اششششش ، اش حبيبتي اش
من گال حَبيبتي راحت روحي
و صرت اشهگ شلون يكدر هيج يمثل ؟
والله اني الي بگلبي على عيوني بحيث حُبي الة ما ضل بشر بالدنيا ما عرف بي ميفكر بكسرة خاطرة من اعرف !! ليش ضام علية موضوع بهالحجم
غَمضت عيوني لان الروح مابيها تتحمل بعد اكثر
حسيت بروحي أنرفع و اني بحُضنة عجيب على گلبي !!
يعني يعرف متزوج و يعرف ضام علية شيء بس لسة يريد قربة لسة
كل الي اريدة يكرس حياتة بس الي بس أني
لان اني ما عندي غيرة هو هم لازم يكون ما عندة غيري
انفتح الباب و هو شايلني و ضام راسي بصدرة و اني مستمرة
مغمضة عيوني
كان البيت هدوء لان الوقت كلش متأخر بالليل
نزلني من حضنة و هو ساندني بأيدة سمعت صوت الدوش انفتح
و دخلت جوا و هو يفرك وجهي بأبهامة حتى يمسح الدم الي نشف على وجهي يحرك ايدة و يطلع بوسات بجبيني
رغم هوَ يعرف اني كاعدة
قرب راسي على صدرة و مَد ايد يفتح بالظفيرة و لان متنگعة مي صارت فتحتها صعبة هِمس يم أذاني
- شـ فين حضنا غير هالطرگاعة الشگرة
لحد ما خلص هو ما مَد ايدة على ملابسي حسيت بمنشفة انشمرت علية و اني كل ملابسي مبللة رجع شالني و صعد الدرج دخلت للغرفة و البرودة صعقت جسمي فتحت عيوني بتعب و هو گعدني على طرف الچرباية
طَفة السـبلت و اجة فتح خانة صغيرة جانت من ضمن ميز المرايا
سَحر و سميحة اذا غسلو ملابسي يخلنها هنا
اجة بَعد المنشفة بعد ما شمر الملابس الطلعهم قريب عني
راح طفة الضوة و بدة يلبسني اباوع لعيونة لا مهتم بشكلي و لا يلقي ربع نظرة على جسمي اساساً بالة ما اعرف وين
خَلة المنشفة على شعري ينشف بي وهو واگف گدامي
بعدها اخذ المشط و گعد وراي ينعم بشعري
لو يشوفون ارشد يگولون يسوي هالحركات ؟؟ مُستحيل
لا شكلة و لا هيئتة و لا أسلوبة وياهم يوحي هو ممكن
يتعامل وي شخص هيچ ، يعني مرتة هم چان هيج يعاملها ؟
أدركت بهاي الفترة أني قابلة اخلي داخلي يتأكل من الالم
خوفاً من الحقيقة المجهولة اني ما اريد اعرف بعد اي شيء اصلا
اني اريد بس يبقى يمي هذولة ميفهموني بَس هو
شوية وراح للجنطة السودة مالتة المشمورة بالكاع سحبها و فتح الجيب الصغير طلع ككوات أثنين و جلاتين خلاهم بحضني
ارشد : نعيد و نكرر بخدمة الزعاطيط
ما باوعتلة بس فتحت واحد من الككوات و اكل هوَ هِمس بصوت خشن
- منو عَيوصلچ حچي عني ؟
رجف جسمي من نبرة صوتة الحادة
- مـــحــد
- سَحر ؟
- لا اصلا حبابة
- يولي إنتِ الحبابة
- عاد احسن منك تهتم بية
- ول يابة و أنا بيمن مقصر وياچ عجل غير انتِ ما ترديني ؟
ما جاوبتة و رجعت اكل انتبهت على نفسي
يعني بحُضنة وحدة خلاني انسى كل الموضوع الي نهاريت عليه اني شدا اسوي ؟؟ أنتفضت بسرعة و سحبت شعري من ايدة
- الله ينتقم منك
- له له عش يابة عش ، نسيتي تسلميني بيد العباس
- مسلمتك بيدة من زمان
ضحك و أتجهت للباب فعلاً احس نفسي مخبلة صرت ما اعرف شنو اريد
صار اسرع مني و سحب القفل من الباب
- لا تهربين خليچ قوية
- و أني قوية
- اكبر جبانة دحكتها عيني
تقربت و هو منتظر ردة فعلي ضربتة بوكس ببطنة ابتسم
و صاح بصوت كأنو متوجع
- اخ يا يابة
تقدمت و ضربتة اقوة سوة نفسة وكع على الجرباية و اني متأكدة
هو ديمثل لان كوة خافي الابتسامة
انقهرت اريد أإذي شلون !!
شمرت الككو و تقدمت على الجرباية و هو خربان ضحك مديت ايدي على رگبتة و اخنگ بي شگد ما بأيدي قوة وهو مستمر بالضحك لحد ما
شفتة بعد ما تحرك رجفت ايدي
هزيت اكتافة ما گعد
- ارشددد ارشد اكعد حباب
نزلت من الجرباية و اني الرجفة محتلة كل جسمي وصلت للباب و هم ما تحرك فتحت الباب و سديتة حتى اذا يمثل يكعد لان وضحتلة من صوت الباب اني طلعت
بقة على نفس الهيئة و جسمة الضخم الي تارس الچرباية
معقولة صدگ خنگتة ؟؟ لا اني ادية صغار و هو ركبتة جبيرة
حتى ما أإثر بيها تقربت حطيت ايدي على گلبة اشوفة يدگ لو لا
من رجفة جسمي ما اكدر اسمع نزلت راسي و قربت اذاني على صدرة
بحركة سريعة حاوطتني اديه و دموعي نزلت من الخوف
ارشد : شـشـاية بگلبچ علية تا تموتيني يولي انا الحَبيب
- شكد ممثل يا يابة
- بس مو اشطر من تمثيلچ يابة
دفعتة و ردت اگوم قوة قبضة ايدة و رَجع راسي على صدرة
- يولي الفجر رايح لا تتزعططين
رفعت عيوني لوجهة
- هم تروح ؟؟
- عجل مگعد ابو فزعة بمكاني و هو لا يحل و لا يربط
ما جاوبت بس رجعت راسي على صدرة و هو مَد ايدة يمسد بشعري
ارشد : كُل الي هينا ما يريدوني أخذچ مضحك لا تصيرين
و سَحر لا تگربين صوبها
يَاسمين: و اني مليت منا هذا البيت ما احبة
- والله أدري بس ماكو مكان أإمنچ بي غيرو
- ليش اني شمسوية ؟
- نامي
نزلت عيوني و غَمضت سمعت صوت كتابة الرسايل بتليفونة مرت فترة عَم الهدوء بعدها دَگ تليفونة قبل لينقطع يالله جاوب كان صوت المكالمة واضح
ارشد : أهلاً أهلاً
- ارشد العاشگ
ارشد : شنو هذا العشگ ينوكل ، ينشرب ؟
- علينة ؟
ارشد : هيرني شتريد !
- ول يابة عش مختفي من الساحة !
ارشد : مَن طول الغيبات جاب الغنايم
- جايتني وجبة جديدة تساعدني ؟ بس لا تلعب بذيلك
- أحنة الروس يابة ، لعب الذيول للذيل
- تعجبني للابد
- عجل خاف تطلع تدور حلوين ؟
- لا أدور فحَل مثلك
- هه ، هي من النسوان الروح چازة فُضني شـوكت ؟
- قبل الربح ، بالخسارة فديتنا مَـرة
ارشد : مـا عندي ، من إيمتى فديتنا نسوان ؟ خلي السفينة تسير نفس الاتجاه اذا عن اختي محجوزة و مقرية فاتحتها
- بِنت أخو فؤاد
كانت هالجملة مو بس اني رجفتني و أستفزتني
عرفت هو هم أنهار منها بعد ما رفع راسي من صدرة بأنتفاضة
وطلع من كُل الغرفة ، منو هذا ؟
عقلي بعد ميستوعب أحداث وشيريد مني ؟
من خوفتي و همشة گلبي اخذت التليفون اتصل على دُرة شكد اتصلت متجاوب لحد ما نمت .. كعدت على صوت الزلم بغرفتي و واحد لازم التليفون وكلهم بأديهم أسلحة تقرب علية واحد خلة المسدس براسي
و الثاني يصور بس الي صدمتني
كلهم ولد عمة حتى اخوانة موجودين !!
...
سَميحة
رغم رفض اهلي بس بقت الفرحة بداخلي
انُ هو جازف لخاطري رُغم يعرف الصد مؤكد
خابرتو و هو يصنف على ابوية و عمي شلون يحاچونو بأستهزاء
هَيثم : يولي هساع ذولي يصلون ؟
اني ما اصلي بس ع الاقل عندي اخلاق
- كافي ترى ابوية
- شطيح حضنا غير أبوچ و هذا عمج شيخ العفطية
- شبيك هيثم لا تجاوز
- والله ما متجاوز هاي حقيقة الله خالقو بس حتى يخرب القسم
لا يخلي ارشد ياخذ الي تحبو و لا اني اخذج و نِيران كتلوها و ماعطوها
وسووها تمرضت و ماتت
- هاي انت تعرف كل اخبار العشيرة ؟
- غير مصاحب اخوج عصام المگلگل
- هيثم شلون بأمي تريدني لعماد
- هي امج حالها حالهم هم الله خالقها بس تغثغث
ما شايف ام تريد تنطي ابن ابنها الجبير لمرت حماها
يمكن الله حاضرها من حنان الام
- هساع حولت على أمي
- هو انتو عائلة مدري شلون مركبة بس انتي بيهم شريفة بشرفي
- ارشد كاسر خاطري يحب ياسمين و يدري اذا عرفت لازم ياخذون ابنها ما تقبل بيه و هو هم مو قابل يعطي ابنو
هَيثم : بطرانين يولي هو منو يعطي بزرو و هاي الناس
ساكنة الاطباء حتى تحصل جاهل
- المصيبة ام باسم يومية دازتلنة طارش لعبت نفسنا
- انتظروها تموت هو انتو صبرتو صبرتو
- لا حرام بس الله يهديها
بوكت السحور و نزلنا أبو شاهين مثل الاعصار ما يتفاهم
من ايمتى اجة ؟ محد دحكو من فات
ارشد : منو موصللهم خبرهااااااااا ؟
فراس : خير ابو شاهين ! منية ؟
وگف بنص الهول و عيونو ما شالها من ابوي
ارشد : وخدر المسكتة زِلم اليگرب ناحيتها شعرة لو هجست طايحة من شعرها أگلب عاليها واطيها على روسكم
ابو ارشد: هذا كلة و متريدها هينة يا چبير الگوم هينة
ارشد : عَفهم انتو تحاربوني بيها بيها !!!
ام ارشد: عجل من اكلك سالفة اطيبها تايطرحنا زواج عندو و يبقيها هينا
تگلي لا ابني كد حچايتو هي ضلت زِلم !!
ارشد : حاسبة نفسج ام ؟؟ تردين تلوعين گلبي يمة عَش ؟
انا مو چبيرچ مو چبيرچ !!
ام ارشد : يعني تحبها ؟ مو ابني و لا اعرفك هساع تذكرت انا امك
روح انا عطيتك هدية لسهلة
سَهلة : و عش مفرفح گلبك يبعد امك و أسمها ؟
منو يگرب صوب امانتك اقلع عيونو والله اليغث هالشوارب
رجع اردف بأتجاه ابوي
- منو موصلو خبرها ؟ ولكم شلون تطون علية نقطة ضعف شلون ؟؟؟
ابو ارشد : جانت امانتك هساع نقطة ضعفك
والله على هالرگبة و ما تصيرلك مرة والله
- لو طاخـة بمزاجـي خايف ! يولي ولله هينا على خشومكم تنزف
و من هساع حچايتي وياك رجل برجُل تنسى عندك زلمة
ابو ارشد: حارب مثل ما كسرتي خشمي باللبنانية
و ردتلك كسرة الخشم صاعين
أنهارت أعصابو و صارت امي سَهلة تصرخ عليهم هو ترك كلشي و طلع و فراس و علي شايلين همو يلوبون بس يخافون من أبوي ينطقون حرف
ما قبلو حتى يتسحرون و لمن خابرهم گال راجع لبغداد و انتو حيرو
بالتسليم انا طلعت من خطيتكم
اجة عمي الشيخ و كل ولد عمومتي طَـر علينا هذاك الفجر اگشر
التسليم الساعة بـ العشرة الصبح و هو دَگ بيهم الناقصة
و كلهم مو قابلين يتحركون بدونو خايفين على اراوحهم
صارت بـ ثمانية و كلها كاعدة على نار و منتظرة جيتو و المصيبة يرد
على كل اتصالاتهم ويگللهم ما اجي حيرو بنفسكم منا و عاد و خبرو عمي
دكتو مو خوش دكة
من سمعو عمي شلون يحجي بأستفزاز و هو واثق يخسرون الاول و التالي اذا ما هو دار الوجبة بأيدو
ابو منصور : هي وينها ؟ تخلون المسدس براسها و تبعثون صورتها الو
تا اشوف شلون ميجي والله ان ما اجة اكتلها والله
اغلبهم عارضو و امي سَهلة صارت عصبية و طاحت من طولها عكس امي الي مأيدتهم عدَة وقت قليل وصرخ عمي و هُم كلهم حاقدين على ارشد بسبب دكتو بيهم صعد عمي و صعدو ورا و ما خَلو اي وحدة من عندنا تصعد
الاطفال طلعت من الغرف الفوگ تبجي وصوت صياحهم
انگلب كل بيتنة بدقايق
عش يردون يگببونو ما اعرف و هم يعرفون
هوَ نار إذا وجت تاكل كُل الموجود ومحد يگدر يسيطر عليها
لا تترك الشُجعان ضُعف نُقاطها
الا بعدما قامو بغرس قوتهم في فؤادهنَ
هُنا أدركنا طرگاعة أرشد شاهينةٌ مُبطنة
تحت ذراعهِ ، ذلك الضعف الذي نراه كان لهُ فقط
القوة تظهر في فراقهُ
.....
يَاسمين
تقرب واحد بيهم و و اني گاعدة على الجرباية و مَصدومة بالـ جاي يصير
كًل ضني حلم شيردون مني قبل شوية جنت نايمة على صدرة وينة ؟؟
ابو منصور : خابرو صورة و صوت و خبرو عمك يگول هساع اذا ما دحكتك محزم بالباب و تروح للوجبة طلقة براس امانتك و تنتهي كل سالفتها
اذا صاير يطلب ثارات گلو لا تلعب ويَ الرباك تخسر
شفت هذولة واكفين يتناقشون و معصبين و هذا لازم التليفون بأيدة و يعدل بالكاميرا و هذا عايش اللحظة مقرب المسدس على راسي و اني متأكدة هو خايف بس مثل المجبور و سمعت صوت ارشد من التليفون و هم كلهم ساكتين حتى يسمعو
- لكم شعتسوووووون وخر عنهاااااا كلب
أستمديت القوة من صوتة ما فاهمة كل الي يصير بس الي عرفتة الي كاعدين يسوو ضدة و هم كل انتباههم على صوتة بالمكالمة جريت المسدس من أيد
الواكف يمي هو ضل مصدوم و كلهم صرخو سحبت اقسام و تقدمو علية رفعت المسدس و ضربت وحدة بالسگف
اول مرة بحياتي اخطي هالخطوة رجف جسمي ووجهت المسدس عليهم
- تردون تكتلوووني ؟؟؟ من انعل ابوكم لابو والعباس ابو فاضل اليوم اكتلكم كلكم والله ، بعدكم ماتعرفوني .. و اني واكفة على الجرباية و شعري المنفوش و لبسي و كل شكلي ميوحي لشخصيتي
- عمي تركوها ترى جانت مدمنة اكيد لهساع عقلها شاخط
واضح عليها مخبلة
واحد منهم حچة هيچ و هم حاصرتهم الضحكة واحد يكول للثاني
صدگ طركاعة عمي هاي
ابو منصور : ول يابة زلمة ماكو يكضبها جيبوها الي نزلوها
تا ادوس راسها من ايمتى عندنا حريم تلزم سلاح
يَاسمين : و اني يمتة محسوبة عليكم طمام العار اليطمني اذا انحسب من نسوانكم رجال شكدك شكبرك حاط عقلك وياي من يوم الاجيت لسة
شبيك مشايف ؟ عمو ابو قيصر احسن منك
- انعل ابوج لابو قيصر لابو ارشد الـ ..
الي ما اعرف من وين يجيب هالخلق ويلفيها
عمج فؤاد شعتطلعين
يَاسمين : والله اني تاج راسكم و راس الخلفوكم شنو كل ما شفتني و طحتلي دَگ يلا امشو ولو يلاااااا
تقدمو علية مجموعة مصدومين من كل الكلام الي حجيتة رجعت سحبت اقسام و وجهت المسدس عليهم ما خافو كل ضنهم ما اسويها بس من شفت واحد صعد على الجرباية ضغطت على الزناد انرمت طلقة ووگع بالكاع
كلهم التمو عليه طلعت اركض لزمني واحد
ضربتة بالمسدس بوجهة و نزلت اركض و هم يركضون وراي سَحر اشرتلي على الباب الخلفي فتحة و طلعت اركض مادري شسـواني هيج !!
و هو وين ؟ خل يجي بس هو يحميني منهم
جانت عبارة عن مزرعة و بيها ساگية وصوت جلاب تنبح
مسافة و شفت فرع بس ما ادري وين يوديني صار كبابي بيت بابة مفتوح دخلت بسرعة و قفلت الباب كعدت بالكراج ابجي و اجر النفس كوة
طلعت مرة من المطبخ لابسة كلة اسود و بأيدها عكازة
احس شايفة شكلها بس ما ادري وين من الخوف ممركزة
تقربت علية و اندم الباب قوي بالسلاح
- خالةةة ام باسم وينجججججج خالةةةة
اشرتلي بأيدها جوة و تذكرت هاي ام باسم الي جانت تخزرني بفاتحة رجلها طَبيت اركض و هي فتحت الباب اباوعلها من الشباك حاچتة و راح جريت نفس قوي و مسحت دموعي
ام باسم: عش چاتلة الزلمة ؟
- يعني مات ؟؟؟؟؟
- ارشد وين ؟؟
- ما ادري خالة عفية خالة ضميني يمج ذولة يذبحوني
اشرتلي بعينها على الغرفة دخلت وياها جان البيت بي ريحة مو طيبة ابد
و قوية تسطر الراس
صار الليل و البيت ظلام يخوف اني مكابلتها و كاعدة
- خالة هسة شلون ؟
- اركدي هينا و أنچعمي فوك ما كاتلة زلمة من زلامنا
- والله مو متقصدة بس هم رادو يكتلوني و يدزون التصوير لارشد
ما جاوبتني طلعت من الغرفة و سدت الباب
كل شوية اكول هسة تجي و ماكو طلعت من الغرفة من فوك الدرج تجي اصوات غريبة مال نسوان عبالك تحضير الجن
صوت مرة تحجي بس اللغة لا عربية و لا اجنبية
وصوت نسوان تردد وراها
من خوفي من اصواتهن صرت اردد وياهم
ركضت لباب المطبخ فتحتة
و رحت لباب الشارع مقفول خليت رجلي على السرقي و شفت
صوت وحدة تنزل من الدرج
بكل ما بية قوة طفرت تقدمت شوية هذا نفسة شارعهم بس بيت ام باسم صاير ركن مديت راسي هذاك هوَ و أبو قيصر و أبو فزعة و فراس
رحت اركض الة ابو فزعة صاح هاية هو بسرعة دار وجهة شافني اركض
تقدم الي فتحلي أيدة و كل معاني الخوف بعيونة
من وصلت يمة كعدت بالگاع وهو نزل لمستواي لازمني
هسة يالله حسيت على وجع رجلي من الطفرة من الباب
- ول يابة ول أبوية طرگاعتي طرگاعتي
رفعني من الارض و هم تقربو علية يتلمس وجهي وين جنتي خاتلة
- عند بيت ام باسم
حچيتها و هم واحد يباوع للثاني
ارشد : صعدي بالسيارة
صعدت و هم صعد ابو فزعة حاچة ابو قيصر و فراس
- اي مخلوق ما اريدو يهجس لگيتها مَشوها ضايعة
سلم و حرك السيارة مشينة مسافة و هو نزل و ابو فزعة يسوق
فتح الباب اليمي و صعد
خَلة راسي على صدرة و هو يسحب نَفس قوي كأنو لگة شيء عزيز عليه
ارشد : يولي شسويتي بحالي شسويتي
يَاسمين: رادو يكتلوني
ارشد : منو يكتلچ يغضب انتِ مسوية الزلم طشار
يَاسمين: محد گلك تعلمني على السلاح
ارشد : جعل ما غيرچ يرمي يولي والله الفخر طالع من عيوني
- مات ؟
- و إن مات ؟ فدوة لگصيبتچ لا يولي عايش بس مسوينو مضحكة
ابو فزعة: لحد الان ساكت مخليكم عايشين اللحظة ما تدرون
اذا اغرد شيصير
يَاسمين : تغرد ؟ شنو حاسب روحك بلبل ؟
ابو فزعة: شبيها المسترجلة
ارشد : اش تركي شحاچتج ام باسم ؟
- ما حاچتني بالبداية ختلتني يمها شو هسة اسمع صوت جناني وهي اختفت
تالي عبرت من فوك الباب و شفتكم
ابو فزعة: ادري مرة لو طرزان ؟
- كلة خل يعوفني خرب
- يولي لا تضوجها تا ما افرغ سلاحي براسك
ابو فزعة : ذيچ العرفتني إعليك سودة مصخمة الساعة
و انتَ بكثر ما شيطان شمرلك الله طرگاعة
- ههههههههه الله و أحلا طرگاعة
ابو فزعة : بعد بعد مرغل روحك و الله لو اصورك على
هالاستخفاف حتى دجاجة ما يشدولك مو نسر
- ادبسزززز انا ما داحك كل عمري هيج مناسب زايع الاحترام
بس هو صوجي هاي هم انطيتها مجال صارت
ياهو التكضبو تسبو و تجرو بزيج
خليت راسي على رجلة و نمت چان ابو فزعة مطلع الاغنية المعتادة
ورثو جگاير كفخني على راسي و رجعة على رجلة
ارشد : انهمدي يغضب ولك ما تتوب و لا تخاف
- طرقاعة هاي لو عندي اطلع مخبل بالشوارع الله وكيلك و العباس كفيلك
نمت و حاسة بشعور آمان حلو محاوطني من كل الجهات
حتى ما سئلتة احنة وين رايحين
كعدت على رفعة راسي من رجلة و راح هو يسوق و ابو فزعة نزل
رجعت كعدت على صوتة يخابر و يشيلني من شفتة بيت الاسلحة
احس الفراشات تفتر ببطني
رجعت نومتي بالغرفة كلشي ما متغير منها بس حارة حتى مبردة ماكو
بس بنكة صحيت الصبح فتحت عيوني هوَ بأيدة كارتون يهفيلي
و يتأمل ملامحي .. أبتسم و سوالي حركة خَشمة الاحبهااا
ارشد : صح النوم
يَاسمين : الله بيت الاسلحة أحبة
- صاحب البيت هم يحبچ
ضحكت و گمت طلعت من الغرفة افتريت بالبيت غسلت وجهي
و تذكرت هو متزوج رجع خيم كل الحزن بگلبي ردت اروح و اتذكرت
سَحر من نقذتني منهم انقهرت عليها طَبيت للغرفة لگيتة نايم
نضفت البيت و لكيت عندي لبسة وحدة باقية هنا اخذتها اشتميتها
العُطر دائماً يحمل كل الذكريات الي نمر بيها ممكن شمة وحدة
ترجعني سنوات هواي
كل يوم اني بمكان و كل فترة أشخاص جدد
من بغداد للشمال للغربية و لسة حياتي ما أعرف وين تصفة
و على يا مرسى توگف سفينتي ، معقولة بيوم تنتهي علاقتي بأرشد ؟
مُستحيل ، شلون أگدر اكمل لعد ؟
كأني الطفلة الضايعة التائهة بأماكن مُخيفة و ماكو غيرة أمان
محد لزم أيدي مثلة اشتاق لأمي مو بگد ابوية
احس هو موجود بمكانة
هو الوحيد بهاي الدنيا ميخذلني
و هو الوحيد الي أحتواني بدون أستغلال
النظرة الي أشوفها بعيونة الي محد بهالدنيا يباوعلي هيچ
ضليت طول الفترة كاعدة بالكراج اباوع للسما اريد اباوع للشارع شلون
جبت كرسي و هم ما اشوف ضليت ادور بالبيت كلة ماكو شي ينصعد عليه
طَبيت للمطبخ بيأس شفت جدر قديم على السنك اخذتة و خايفة خاف مايضبط
خليت الجدر على الكرسي و صعدت والله شوية بين الشارع
وگفت على اطراف اصابيعي جان الشارع فارغ و الدنيا ضَحى
بعدين فاتو زلم اثنين نزلت راسي و من راحو رجعت رفعتة
تعبت رجلي نزلت رجلي و بعدت ايدي من الباب ارجع شعري ليورة
تزحلگ الجدر من الكرسي ووگعت على راسي اني و الجدر و الكرسي
صارت الصوت قوي و مديت ايدي على گصتي بيها دم و هو اجة
مفزوع و روحة طالعة من شاف شكلي غم گصتة اكثر من مرة
- دخيلك يا اللهي خفف من هالامتحان دخيلك
لزمت گصتي أبچي بس اريد انسى الفشلة
اريدة يسحبني و يواسيني
أرشد: يولي ترى شيبتيني كافي كبري كافي تزعطط
- ترى ضايجين هسة شسوينا گايلة لربي سويني قصيرة ؟
- گصيرة و موگفتنا تك رجل عجل لو طويلة شلون يا حبيبي
- تعاي سولفي البارحة شفينتي
مسحت گصتي وهو كعد على واحد من الصناديگ و اني واگفة گدامة اسولفلة شلون رميت شمرلي سلاحة
ارشد : بالله تا اشوف عيدي شلون رميتي
- بالصدگ ؟
- امممم
اخذت السلاح و سحبت أقسام ضحك رفعت ايدي و رميت وحدة وگع علينة
شوية بياض من السگف و وهو أهتزت اكتافة من الضحك
- يولي لو هاي البنوات لو بالشط ، طرگاعة
- كافي دگول طرگاعة كلها صارت دگول علية طرگاعة أرشد
ارشد : مـا يدرون شسويتي بأرشد
- شسويت ؟
نهض و تقرب علية ببطئ قدمت السلاح بأتجاهة وصل يمي
مَد أيدة على السلاح واخذة مني خلا برگبتي قَشعر جسمي من برودة الحديد
طُبع بوسة بصف مكان السلاح
غَمضت ومن اجتي ببالي صورتة هو و مرتة دفعتة بقوة ، ضحك
- صايرة ثگيلة يولي ؟ من إيمتى
- اني مو مضحك عندك
- شتردين يولي ؟
- تحجيلي كلشي و تتزوجني اني تعبت
غُمز و أردف
- مو نگول تردين رجل ما ترضين
اكعدي اقري انگليزي يغضب
- عادي اتزوج و اقرة
- هو هم عادي يولي تصيرين مرتي مو الا عرس
فلوس ما عندي و انتِ اكيد عاذرتني
- طيط ، لا والله شنو وحد
بعدني ممكملة خلة السلاح بحلگي
ارشد : و رجعتي ؟
- بالغلط بس من كد الحماس طلعت
شنو يابة وحد والله اريد عرس و تجي دُرة و ياخذولي صور
حجيتها و تذكرت صور مسك اردفت
- لا ما اريد حتى عرس ما اريد رجعني لخوالي
- سوادين أي والله
تركتة و طلعت للكراج الدمعة بعيني هو رجع للغرفة صور مرتة متقبل تطلع من دماغي رحت يمة هو يلعب بالجهاز اردفت بحزن
- لو أني اطلع متزوجة تقبل بية
ارشد : خاف رجعتي تكبسلين ؟ اليوم شجاج ؟
- ليش متگلـي انتَ متــزوج ؟
باوعلي بصدمة و عقد حواجبة و سَد الجهاز
أنتَ الحرامي الگبل يحچونة الي بصُغري
شگد خوفوني و صدگ هسة بگت عمري
...
رسُل فهد