အခန်း (၂၁၅) – "ရုပ်ရှင်ဧကရာဇ်ဖန့်ကြွယ်မင်က မင်းအဒေါ်အဖြစ် ဘယ်တုန်းစပြီး ဖြစ်သွားခဲ့ရတာလဲ" (၁)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)
သူတို့ကိုယ်သူတို့ စာနာစိတ်မြင့်မားတဲ့နေရာမှာ အလိုအလျောက် နေရာယူထားတဲ့သူတွေက သူမကို ကုန်းယိလင်းအား ခွင့်လွှတ်ပေးသင့်ကြောင်း လာပြောတဲ့အခါတိုင်း သူမက သူတို့ကို လျစ်လျူရှုထားလိုက်သည်။ ကုန်းယိလင်းက သူမကို ပြဿနာလာရှာမိတာ သူ့အမှားပဲ။ အကယ်၍ သူမနေရာမှာ အခြားတစ်ယောက်သာဆိုရင် သူ့မိသားစုက သူ့သားဖြစ်သူရဲ့ လုပ်ရပ်အတွက် ငွေဖြင့် ဖြေရှင်းပေးကြလိမ့်မည်။ သူက အမှားတစ်ခုကို ပြုလုပ်ခဲ့ပြီး သူ့လုပ်ရပ်ရဲ့ အကျိုးဆက်များအတွက် ပြင်ဆင်ထားသင့်သည်။ သူက သူ့မိသားစုကို ချမ်းသာကြွယ်ဝတယ်လို့ ယူဆသောကြောင့် သူ့စိတ်ထင်တိုင်း လုပ်ခဲ့သည်။
သူ အခုရရှိသည့် ဖြစ်ရပ်များမှ သင်ခန်းစာကို မယူနိုင်ခဲ့ပါက အနာဂတ်မှာ အခြားသူတွေကို ပိုပြီး ဒုက္ခပေးတဲ့လူတစ်ယောက် ဖြစ်လာပါလိမ့်မည်။ အမှန်တိုင်းပြောရရင် ကုန်းယိလင်းက သူ လုပ်ခဲ့တာတွေအတွက် နောင်တမရဘူး၊ သူက သူမကို အားနည်းသူတစ်ယောက်လို့ အထင်မှားပြီး ပြဿနာရှာလိုက်မိတဲ့အတွက်သာ နောင်တနေတယ်လို့ပြောရင် မမှားနိုင်ဘူး။
သူတို့တွေက ဒီကိစ္စကို အသေးအဖွဲလို့ဆိုကာ ခွင့်လွှတ်ပေးစေချင်ပေမယ့် သူမကတော့ ဘယ်လိုမှ ခွင့်လွှတ်မပေးနိုင်ဘူး။
လီရှင်းယွင်က သူမရဲ့ စကားပြောခန်းကို ပိတ်ကာ အခန်းအပြင်သို့ လမ်းလျှောက်ထွက်သွားခဲ့သည်။ သူမက နှာခေါင်းတစ်ချက်ရှုံ့ပြီး ပြုံးရယ်လိုက်သည်။ "ဒီအနံ့လေးက အရမ်းအံ့သြဖို့ကောင်းတာပဲ။ ဒါလေးက ဘာလေးများလဲ။"
ဆိုဖာပေါ်တွင် ထိုင်နေသော ကျုံးရီသည် သူမကို လှမ်းကြည့်ပြီး အပြုံးလေးဖြင့် လှမ်းခေါ်လိုက်သည်။ "လာ... ငါ့အဖွားရဲ့လက်ရာ ကမာကြော်ကို မြန်မြန်လာပြီး မြည်းစမ်းကြည့်။ သူမလက်ရာက စားသောက်ဆိုင်က လက်ရာတွေထက် ပိုကောင်းတယ်။"
ကျုံးရီရဲ့ အဖွားဖြစ်သူဟာ လွန်ခဲ့သော ရက်အနည်းငယ်ခန့်က သူမတို့အိမ်သို့ ရောက်လာခဲ့သည်။ သူမက အခုတော့ ကျန်းမာရေး တော်တော် ကောင်းမွန်နေခဲ့ပြီ။ သူမက အချက်အပြုတ်ကို လေ့ကျင့်ခန်းလုပ်တယ်လို့ သဘောထားကာ ပြုလုပ်ခဲ့ပြီး လူတိုင်းအတွက် အဆာပြေ ညလယ်စာကို ပြင်ဆင်ချက်ပြုတ်ပေးသည်။
လီရှင်းယွင်သည် အခုမှ ဆီအိုးထဲက ချထားတဲ့ ပူပူနွေးနွေး ကမာကြော်တစ်ကောင်ကို ကောက်ယူပြီး သူမပါးစပ်ထဲသို့ ထည့်လိုက်သည်။ ကမာရဲ့ လတ်ဆတ်သော အရသာဟာ သူမရဲ့ လျှာအရသာခံ အာရုံဖုလေးများပေါ်တွင် ပေါက်ကွဲသွားသည်။ ကမာကြော်ရဲ့ အပြင်ဖက်က ကြွပ်ရွနေပြီး အတွင်းဖက်က ပျော့ပျောင်းပြီး နွေးထွေးနူးညံ့သည်။ ငရုတ်ဆီအချို အနည်းငယ်ဖြင့် တွဲဖက်စားသုံးသောအခါတွင် အရမ်းအရသာရှိသည်။
အရသာရှိလိုက်တာ။ သူမလက်က တစ်ခုပြီးတစ်ခု ကောက်ယူစားသုံးနေမိတာကို မရပ်တန့်နိုင်တော့ဘူး။
"အဖွားရဲ့လက်ရာက အရမ်းအံ့အားသင့်ဖွယ်ပဲ။" လီရှင်းယွင်သည် ကျုံးရီရဲ့အဖွားဖြစ်သူကို ကျုံးရီခေါ်သလိုပင် အဖွားဟု လိုက်ခေါ်သည်။
ကျုံးရီက အရမ်းပြုံးရယ်နေသဖြင့် သူမရဲ့ မျက်လုံးများကိုပင် ပျောက်ကွယ်လုမတတ် ဖြစ်နေခဲ့သည်။ "အဖွားက ဒီလိုမချက်ပြုတ်ဖြစ်တာ တော်တော်ကြာခဲ့ပြီ။"
သူမတို့နှစ်ဦးစကားစမြည် ပြောဆိုနေရင်း ကမာကြော် တစ်ပန်းကန်လုံးကို သူမတို့နှစ်ဦးတည်း အပြတ်ရှင်းပစ်လိုက်သည်။ လီရှင်းယွင်သည် စားသောက်ပြီးသောအခါတွင် သူမခါးလေးကို မသိစိတ်အရ ဖိညှစ်ကြည့်လိုက်သည်။ သိပ်မကြာခင်တုန်းက သူမ အနည်းငယ်ခန့် ဝလာတယ်လို့ ခံစားမိနေသည်။ သူမရဲ့ပါးပြင်ကို ကိုင်ကြည့်ပြီး ပိုပြီး ခံစားချက် ဆိုရွားလာသည်။ သူမ ဘာတွေ စားသောက်နေတာလဲ ဆိုတာကို စတင် စစ်ဆေးကြည့်သင့်သည်။ မဟုတ်ရင် သူမ အသစ်ဝယ်လာတဲ့ ဝတ်စုံသစ်တွေကို ဝတ်နိုင်မှာ မဟုတ်ဘူး။
သူမ စားသောက်ပြီးချိန်မှာ သူမရဲ့ မိခင်ဖြစ်သူ ဖန့်ကျွင်းရုံဟာ အပြင်ဖက်မှာ ရာသီဥတု ဆိုးရွားနေသောကြောင့် နှင်းခဲတွေအပြည့်ဖြင့် အိမ်ပြန်လာခဲ့သည်။
လီရှင်းယွင်က တစ်စုံတစ်ခုကို သတိရပြီး မေးမြန်းလိုက်သည်။ "မေမေ ကုန်းအိမ်တော်က အမေ့ကို တရားမစွဲဖို့ လာပြောသေးလား။"
ကုန်းယိလင်းရဲ့ အတန်းဖော်များက သူမကို အရေးတကြီး ရှာဖွေပြောဆိုနေတာကို ကြည့်လျှင် သူက နာမည်ဆိုးကို အလွန်ဂရုစိုက်ပြီး သူ့ကို ပြစ်မှုမှတ်တမ်းတွင် စာရင်းသွင်းခံရမှာကို အလွန်စိုးရိမ်နေတာ ဖြစ်လိမ့်မည်။
ဖန့်ကျွင်းရုံက အနည်းငယ် ပြန်စဥ်းစားကြည့်ကာ ပေါ့ပေါ့ပါးပါး ပြန်ပြောလိုက်သည်။ "အိုး... သမီးက ကုန်းအိမ်တော်အကြောင်းကို မေးတာလား။ မေမေ့နဲ့ မသိဘူးလေ။ သူတို့ရဲ့အဆင့်က အမေ့ရဲ့ကိုယ်ပိုင်ဖုန်းနံပါတ်ကို ရဖို့အထိ မတတ်နိုင်ကြဘူးလေ။"
သူမသမီးဖြစ်သူရဲ့ မတော်တဆမှုကြောင့် ကုန်းအိမ်တော်ကို ဂရုစိုက်စုံစမ်းကြည့်ရာတွင် သူတို့မိသားစုကလည်း အလှကုန်လုပ်ငန်းမှာ အဓိကအားဖြင့် အသားအရေထိန်းသိမ်းသည့် မျက်နှာဖုံးများကို ထုတ်လုပ်ကြောင်း သိရှိလိုက်ရသည်။ သူတို့ရဲ့ အသားတင်အမြတ်က နှစ်ဘီလီယံခန့်ရှိသည်။ ဒီလောက် ပိုင်ဆိုင်မှုလေးနဲ့ သူတို့ကိုယ်သူတို့ ဘာဖြစ်လို့ ယုံကြည်မှု အရမ်းရှိစေတာလဲဟု ဖန့်ကျွင်းရုံအား အတွေးများမိစေသည်။ ဒီကိစ္စက သူတို့အတွက် ပထမဆုံး ပြဿနာဖြစ်ပြီး အံ့သြဖွယ်ရာ ဖြစ်သည်။
လီရှင်းယွင် "..."
ဒါက အမှန်တရား မဟုတ်ဘူးလား။ သူတို့က သူမရဲ့ မိခင်ဖြစ်သူကို တိုက်ရိုက်မဆက်သွယ်ဝံ့တဲ့အတွက် ဖြစ်ကောင်း ဖြစ်နိုင်ပါလိမ့်မည်။ အခြားတစ်ဖက်တွင် သူမကတော့ ၁၇နှစ်အရွယ် မိန်းကလေးသာ ဖြစ်သည့်အတွက် သူတို့ပြောသမျှ ရနိုင်မည့် တစ်စုံတစ်ယောက်လို့ ယူဆတာ ဖြစ်နိုင်သည်။
ထိုအကြောင်းအား စဥ်းစားရင်း လီရှင်းယွင် မကျေမနပ်ဖြစ်ပြီး မျက်မှောင်ကြုတ်လိုက်သည်။ လီရှင်းယွင်သည် သူတို့ သူမကို လျှော့တွက်နေသည်ဟု ခံစားခဲ့ရသည်။
ဖန့်ကျွင်းရုံမှာ အဆက်အသွယ် အများကြီးရှိပြီး ကုန်းယိလင်းရဲ့ ပြဿနာအတွက် အရေးအရာလုပ်ရန် အချိန်အများကြီး မလိုအပ်ပေ။ သူမက ဒီကိစ္စများကို သူမရဲ့ ရှေ့နေအဖွဲ့အား လွှဲပြောင်းပေးအပ်ရန် လိုအပ်သည်။ သူတို့အား လစာအများကြီး ပေးထားခဲ့တာဖြစ်ပြီး အခုက သူတို့တာဝန်အား လုပ်ရမည့်အချိန် ဖြစ်သည်။ သူမသည် သူတို့အား ကုန်းယိလင်းရဲ့ နောက်ကြောင်းကို စုံစမ်းစစ်ဆေးကာ သူ့ကို တရားစွဲချင်သည့် နစ်နာသူများ ရှိမရှိ ရှာဖွေခိုင်းခဲ့သည်။ ထိုနစ်နာသူများက တရားစွဲဆိုချင်လျှင် သူတို့အတွက် ရှေ့နေအခကြေးငွေကို ကြင်နာစွာဖြင့် ပေးဆောင်ပေးဖို့ ဆန္ဒရှိသည်။
**********************************
Zawgyi
အခန်း (၂၁၅) – "ရုပ်ရှင်ဧကရာဇ်ဖန့်ကြွယ်မင်က မင်းအဒေါ်အဖြစ် ဘယ်တုန်းစပြီး ဖြစ်သွားခဲ့ရတာလဲ" (၁)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)
သူတို့ကိုယ်သူတို့ စာနာစိတ်မြင့်မားတဲ့နေရာမှာ အလိုအလျောက် နေရာယူထားတဲ့သူတွေက သူမကို ကုန်းယိလင်းအား ခွင့်လွှတ်ပေးသင့်ကြောင်း လာပြောတဲ့အခါတိုင်း သူမက သူတို့ကို လျစ်လျူရှုထားလိုက်သည်။ ကုန်းယိလင်းက သူမကို ပြဿနာလာရှာမိတာ သူ့အမှားပဲ။ အကယ်၍ သူမနေရာမှာ အခြားတစ်ယောက်သာဆိုရင် သူ့မိသားစုက သူ့သားဖြစ်သူရဲ့ လုပ်ရပ်အတွက် ငွေဖြင့် ဖြေရှင်းပေးကြလိမ့်မည်။ သူက အမှားတစ်ခုကို ပြုလုပ်ခဲ့ပြီး သူ့လုပ်ရပ်ရဲ့ အကျိုးဆက်များအတွက် ပြင်ဆင်ထားသင့်သည်။ သူက သူ့မိသားစုကို ချမ်းသာကြွယ်ဝတယ်လို့ ယူဆသောကြောင့် သူ့စိတ်ထင်တိုင်း လုပ်ခဲ့သည်။
သူ အခုရရှိသည့် ဖြစ်ရပ်များမှ သင်ခန်းစာကို မယူနိုင်ခဲ့ပါက အနာဂတ်မှာ အခြားသူတွေကို ပိုပြီး ဒုက္ခပေးတဲ့လူတစ်ယောက် ဖြစ်လာပါလိမ့်မည်။ အမှန်တိုင်းပြောရရင် ကုန်းယိလင်းက သူ လုပ်ခဲ့တာတွေအတွက် နောင်တမရဘူး၊ သူက သူမကို အားနည်းသူတစ်ယောက်လို့ အထင်မှားပြီး ပြဿနာရှာလိုက်မိတဲ့အတွက်သာ နောင်တနေတယ်လို့ပြောရင် မမှားနိုင်ဘူး။
သူတို့တွေက ဒီကိစ္စကို အသေးအဖွဲလို့ဆိုကာ ခွင့်လွှတ်ပေးစေချင်ပေမယ့် သူမကတော့ ဘယ်လိုမှ ခွင့်လွှတ်မပေးနိုင်ဘူး။
လီရှင်းယွင်က သူမရဲ့ စကားပြောခန်းကို ပိတ်ကာ အခန်းအပြင်သို့ လမ်းလျှောက်ထွက်သွားခဲ့သည်။ သူမက နှာခေါင်းတစ်ချက်ရှုံ့ပြီး ပြုံးရယ်လိုက်သည်။ "ဒီအနံ့လေးက အရမ်းအံ့သြဖို့ကောင်းတာပဲ။ ဒါလေးက ဘာလေးများလဲ။"
ဆိုဖာပေါ်တွင် ထိုင်နေသော ကျုံးရီသည် သူမကို လှမ်းကြည့်ပြီး အပြုံးလေးဖြင့် လှမ်းခေါ်လိုက်သည်။ "လာ... ငါ့အဖွားရဲ့လက်ရာ ကမာကြော်ကို မြန်မြန်လာပြီး မြည်းစမ်းကြည့်။ သူမလက်ရာက စားသောက်ဆိုင်က လက်ရာတွေထက် ပိုကောင်းတယ်။"
ကျုံးရီရဲ့ အဖွားဖြစ်သူဟာ လွန်ခဲ့သော ရက်အနည်းငယ်ခန့်က သူမတို့အိမ်သို့ ရောက်လာခဲ့သည်။ သူမက အခုတော့ ကျန်းမာရေး တော်တော် ကောင်းမွန်နေခဲ့ပြီ။ သူမက အချက်အပြုတ်ကို လေ့ကျင့်ခန်းလုပ်တယ်လို့ သဘောထားကာ ပြုလုပ်ခဲ့ပြီး လူတိုင်းအတွက် အဆာပြေ ညလယ်စာကို ပြင်ဆင်ချက်ပြုတ်ပေးသည်။
လီရှင်းယွင်သည် အခုမှ ဆီအိုးထဲက ချထားတဲ့ ပူပူနွေးနွေး ကမာကြော်တစ်ကောင်ကို ကောက်ယူပြီး သူမပါးစပ်ထဲသို့ ထည့်လိုက်သည်။ ကမာရဲ့ လတ်ဆတ်သော အရသာဟာ သူမရဲ့ လျှာအရသာခံ အာရုံဖုလေးများပေါ်တွင် ပေါက်ကွဲသွားသည်။ ကမာကြော်ရဲ့ အပြင်ဖက်က ကြွပ်ရွနေပြီး အတွင်းဖက်က ပျော့ပျောင်းပြီး နွေးထွေးနူးညံ့သည်။ ငရုတ်ဆီအချို အနည်းငယ်ဖြင့် တွဲဖက်စားသုံးသောအခါတွင် အရမ်းအရသာရှိသည်။
အရသာရှိလိုက်တာ။ သူမလက်က တစ်ခုပြီးတစ်ခု ကောက်ယူစားသုံးနေမိတာကို မရပ်တန့်နိုင်တော့ဘူး။
"အဖွားရဲ့လက်ရာက အရမ်းအံ့အားသင့်ဖွယ်ပဲ။" လီရှင်းယွင်သည် ကျုံးရီရဲ့အဖွားဖြစ်သူကို ကျုံးရီခေါ်သလိုပင် အဖွားဟု လိုက်ခေါ်သည်။
ကျုံးရီက အရမ်းပြုံးရယ်နေသဖြင့် သူမရဲ့ မျက်လုံးများကိုပင် ပျောက်ကွယ်လုမတတ် ဖြစ်နေခဲ့သည်။ "အဖွားက ဒီလိုမချက်ပြုတ်ဖြစ်တာ တော်တော်ကြာခဲ့ပြီ။"
သူမတို့နှစ်ဦးစကားစမြည် ပြောဆိုနေရင်း ကမာကြော် တစ်ပန်းကန်လုံးကို သူမတို့နှစ်ဦးတည်း အပြတ်ရှင်းပစ်လိုက်သည်။ လီရှင်းယွင်သည် စားသောက်ပြီးသောအခါတွင် သူမခါးလေးကို မသိစိတ်အရ ဖိညှစ်ကြည့်လိုက်သည်။ သိပ်မကြာခင်တုန်းက သူမ အနည်းငယ်ခန့် ဝလာတယ်လို့ ခံစားမိနေသည်။ သူမရဲ့ပါးပြင်ကို ကိုင်ကြည့်ပြီး ပိုပြီး ခံစားချက် ဆိုရွားလာသည်။ သူမ ဘာတွေ စားသောက်နေတာလဲ ဆိုတာကို စတင် စစ်ဆေးကြည့်သင့်သည်။ မဟုတ်ရင် သူမ အသစ်ဝယ်လာတဲ့ ဝတ်စုံသစ်တွေကို ဝတ်နိုင်မှာ မဟုတ်ဘူး။
သူမ စားသောက်ပြီးချိန်မှာ သူမရဲ့ မိခင်ဖြစ်သူ ဖန့်ကျွင်းရုံဟာ အပြင်ဖက်မှာ ရာသီဥတု ဆိုးရွားနေသောကြောင့် နှင်းခဲတွေအပြည့်ဖြင့် အိမ်ပြန်လာခဲ့သည်။
လီရှင်းယွင်က တစ်စုံတစ်ခုကို သတိရပြီး မေးမြန်းလိုက်သည်။ "မေမေ ကုန်းအိမ်တော်က အမေ့ကို တရားမစွဲဖို့ လာပြောသေးလား။"
ကုန်းယိလင်းရဲ့ အတန်းဖော်များက သူမကို အရေးတကြီး ရှာဖွေပြောဆိုနေတာကို ကြည့်လျှင် သူက နာမည်ဆိုးကို အလွန်ဂရုစိုက်ပြီး သူ့ကို ပြစ်မှုမှတ်တမ်းတွင် စာရင်းသွင်းခံရမှာကို အလွန်စိုးရိမ်နေတာ ဖြစ်လိမ့်မည်။
ဖန့်ကျွင်းရုံက အနည်းငယ် ပြန်စဥ်းစားကြည့်ကာ ပေါ့ပေါ့ပါးပါး ပြန်ပြောလိုက်သည်။ "အိုး... သမီးက ကုန်းအိမ်တော်အကြောင်းကို မေးတာလား။ မေမေ့နဲ့ မသိဘူးလေ။ သူတို့ရဲ့အဆင့်က အမေ့ရဲ့ကိုယ်ပိုင်ဖုန်းနံပါတ်ကို ရဖို့အထိ မတတ်နိုင်ကြဘူးလေ။"
သူမသမီးဖြစ်သူရဲ့ မတော်တဆမှုကြောင့် ကုန်းအိမ်တော်ကို ဂရုစိုက်စုံစမ်းကြည့်ရာတွင် သူတို့မိသားစုကလည်း အလှကုန်လုပ်ငန်းမှာ အဓိကအားဖြင့် အသားအရေထိန်းသိမ်းသည့် မျက်နှာဖုံးများကို ထုတ်လုပ်ကြောင်း သိရှိလိုက်ရသည်။ သူတို့ရဲ့ အသားတင်အမြတ်က နှစ်ဘီလီယံခန့်ရှိသည်။ ဒီလောက် ပိုင်ဆိုင်မှုလေးနဲ့ သူတို့ကိုယ်သူတို့ ဘာဖြစ်လို့ ယုံကြည်မှု အရမ်းရှိစေတာလဲဟု ဖန့်ကျွင်းရုံအား အတွေးများမိစေသည်။ ဒီကိစ္စက သူတို့အတွက် ပထမဆုံး ပြဿနာဖြစ်ပြီး အံ့သြဖွယ်ရာ ဖြစ်သည်။
လီရှင်းယွင် "..."
ဒါက အမှန်တရား မဟုတ်ဘူးလား။ သူတို့က သူမရဲ့ မိခင်ဖြစ်သူကို တိုက်ရိုက်မဆက်သွယ်ဝံ့တဲ့အတွက် ဖြစ်ကောင်း ဖြစ်နိုင်ပါလိမ့်မည်။ အခြားတစ်ဖက်တွင် သူမကတော့ ၁၇နှစ်အရွယ် မိန်းကလေးသာ ဖြစ်သည့်အတွက် သူတို့ပြောသမျှ ရနိုင်မည့် တစ်စုံတစ်ယောက်လို့ ယူဆတာ ဖြစ်နိုင်သည်။
ထိုအကြောင်းအား စဥ်းစားရင်း လီရှင်းယွင် မကျေမနပ်ဖြစ်ပြီး မျက်မှောင်ကြုတ်လိုက်သည်။ လီရှင်းယွင်သည် သူတို့ သူမကို လျှော့တွက်နေသည်ဟု ခံစားခဲ့ရသည်။
ဖန့်ကျွင်းရုံမှာ အဆက်အသွယ် အများကြီးရှိပြီး ကုန်းယိလင်းရဲ့ ပြဿနာအတွက် အရေးအရာလုပ်ရန် အချိန်အများကြီး မလိုအပ်ပေ။ သူမက ဒီကိစ္စများကို သူမရဲ့ ရှေ့နေအဖွဲ့အား လွှဲပြောင်းပေးအပ်ရန် လိုအပ်သည်။ သူတို့အား လစာအများကြီး ပေးထားခဲ့တာဖြစ်ပြီး အခုက သူတို့တာဝန်အား လုပ်ရမည့်အချိန် ဖြစ်သည်။ သူမသည် သူတို့အား ကုန်းယိလင်းရဲ့ နောက်ကြောင်းကို စုံစမ်းစစ်ဆေးကာ သူ့ကို တရားစွဲချင်သည့် နစ်နာသူများ ရှိမရှိ ရှာဖွေခိုင်းခဲ့သည်။ ထိုနစ်နာသူများက တရားစွဲဆိုချင်လျှင် သူတို့အတွက် ရှေ့နေအခကြေးငွေကို ကြင်နာစွာဖြင့် ပေးဆောင်ပေးဖို့ ဆန္ဒရှိသည်။