Hesitation & Fear
အဲ့ဒီအချိန်က SUGA ခံစားရတဲ့ စိုးရိမ်ပူပန်မှုက "Skit: Hesitation & Fear" (Hidden Track) ဖြစ်တဲ့ LOVE YOURSELF 承 'Her' အယ်လ်ဘမ် CD ဗားရှင်းမှာသာ တွေ့ရှိရပါတယ်။ ဒီသီချင်းက LOVE YOURSELF 承 'Her' အတွက် သူတို့ ပြင်ဆင်နေချိန်မှာ 2017 BBMAs ရဲ့ Top Social Artist ကြေငြာချက် ဗီဒီယိုကို ပြန်ကြည့်နေစဉ်တုန်းက အဖွဲ့ဝင်များရဲ့ အသံကိုဖမ်းယူခြင်းဖြစ်ပါတယ်။
သူတို့နာမည်ကို တစ်ခါပြန်ခေါ်တာတွေ့တော့ BTS က ဘယ်လောက်ပျော်နေခဲ့တယ်ဆိုတာ ပြောပြတယ်။ မကြာခင်မှာပဲ ဒီမျှော်လင့်မထားတဲ့ အောင်မြင်မှုဟာ ဘယ်လိုခံစားရလဲဆိုတာကိုပါ ဖွင့်ဟလာပါတယ်။ RM က "ငါတို့ဘယ်လောက်ဝေးဝေးသွားရမယ်" "ငါတို့သွားရမှာက ဘယ်လောက်ဝေးမှာလဲ" ဆိုပြီး သူ့ရဲ့စိုးရိမ်မှုတွေကို ဖော်ပြရင်းနဲ့ SUGA ကလည်း "ငါတို့ ဟိုအရင်ကျရှုံးသွားတဲ့အချိန်က တက်လာရတာထက် ပိုမြန်နေမှာကို ငါစိုးရိမ်ခဲ့တယ်"
World business (bang bang) core
Number 1 favourite for casting (clap clap) sold out
ဖော်ပြပါစာသားက LOVE YOURSELF 承 'Her's ထဲက "MIC Drop." သီချင်းရဲ့ စာသားပါ။ ဒီသီချင်းက 2017 BBMAs ရဲ့ ထိပ်တန်းလူမှုရေးအနုပညာရှင်လက်ခံမှုမိန့်ခွန်းကို အသံသွင်းထားတဲ့ "Skit: Billboard Music Awards Speech" ပြီးတဲ့နောက် ချက်ချင်းပေါ်ထွက်လာတဲ့ သီချင်းတစ်ပုဒ်ဖြစ်ပါတယ်။ "MIC Drop" ကိုသရုပ်ဖော်ထားတဲ့အတိုင်း BTS ဟာ သူတို့တွေ့ကြုံနေရတဲ့ အောင်မြင်မှုအဆင့်သစ်အတွက် ဂုဏ်ယူမိပါတယ်။
BTS ဟာ ပွဲဦးထွက်ပြီးတာနဲ့ အွန်လိုင်းမှာ ဆိုးသွမ်းတဲ့ မှတ်ချက်ပေးမှုတွေခံရပြီး လူမြင်ကွင်းမှာတောင် စော်ကားခံခဲ့ရပါတယ်။ သူတို့ရဲ့ ကျော်ကြားမှု မြင့်တက်လာ ပေမယ့်လည်း သူတို့ဖော်ပြထားတဲ့ စာသားလိုပဲ "အကြိတ်အနယ်" အပြောခံနေရတုန်းပါ။
SUGA က အဲ့ဒီအချိန်က သူခံစားခဲ့ရပုံကို ပြောပြခဲ့ပါတယ်။
"ငါတို့ကို ချစ်မြတ်နိုးပြီး ထောက်ပံ့တဲ့သူတွေကလွဲရင် တခြားလူတိုင်းက ရန်သူလို ခံစားရတယ်။ out of the line ဖြစ်သွားရင် ဘယ်လောက်တောင် ဝေဖန်မှုခံရမှာလည်း ဆိုတာကို ကျွန်တော်တို့ တကယ်ကို စိတ်ပူခဲ့ရပါတယ်။"
SUGA ရဲ့စကားများက ထိုအချိန်က BTS ခံစားနေရတဲ့ "တုံ့ဆိုင်းမှုနဲ့ ကြောက်ရွံ့မှု" ကို ရှင်းလင်းစွာပြသနိုင်ပါတယ်။ LOVE YOURSELF 承 'Her' ထုတ်ဝေပြီးတဲ့နောက် Billboard 200 မှာ နံပါတ်တစ်သို့ရောက်ရှိခြင်းက မဖြစ်နိုင်တဲ့ပန်းတိုင်မဟုတ်တော့ပါဘူး။ ဒါပေမယ့် သူတို့က ဒီပန်းတိုင်ကို အမှန်တကယ် ရောက်တဲ့အခါမှာ အနာဂတ်မှာ ဘယ်လိုအရာတွေ ဖြစ်လာမလဲကို မခန့်မှန်းနိုင်တာကြောင့် ကြောက်ရွံ့မှုကို ခံစားနေခဲ့ရပါတယ်။
အဲဒီအချိန်မှာ BTS က ARMY ပေးခဲ့တဲ့ ချစ်ခြင်းမေတ္တာကို တုံ့ပြန်ဖို့ အစွမ်းကုန်ကြိုးစားခဲ့ပါတယ်။ 2017 ခုနှစ် နိုဝင်ဘာလ 1 ရက်နေ့မှာ BTS က UNICEF နဲ့ ပူးပေါင်းပြီး "LOVE MYSELF" ခြေလှမ်းကို စတင်ခဲ့ပါတယ်။ BTS က ARMY ပေးခဲ့တဲ့ ချစ်ခြင်းမေတ္တာတွေအတိုင်းပဲ သူတို့ရဲ့ သြဇာလွှမ်းမိုးမှု ကြီးမားတယ်ဆိုတာကို သိသွားပြီးနောက်မှာတော့ ဒီကမ်ပိန်းကို ဆက်လက်လုပ်ဆောင်နေမယ်လို့ ဆုံးဖြတ်ခဲ့တာပါ။
ကလေးငယ်များနဲ့ လူငယ်များ အထူးသဖြင့် အကြမ်းဖက်မှုနဲ့ ကြုံတွေ့ရသူများအပေါ် သူတို့ရဲ့ပံ့ပိုးကူညီမှုက BTS ရဲ့ ပွဲဦးထွက်စဥ်ကတည်းက ဆယ်ကျော်သက်များရဲ့ အဖြစ်မှန်ကို တွေးတောခြင်းဖြင့် ကြီးထွားလာခဲ့တယ်ဆိုတဲ့ အကြောင်းအရာနဲ့လည်း တိုက်ဆိုင်နေပါတယ်။ ဒါကြောင့် သူတို့က အယ်လ်ဘမ်တစ်ခုစီမှ အမြတ်အစွန်းတစ်စိတ်တစ်ပိုင်းကို လှူဒါန်းရုံသာမက ဒီကမ်ပိန်းကိုလည်း တက်ကြွစွာ ကြော်ငြာ ပေးခဲ့ပါတယ်။ သူတို့ရဲ့ အရောင်းမြှင့်တင်ရေး လှုပ်ရှားမှုတွေကနေတဆင့် ကလေးတွေနဲ့ လူငယ်တွေ ကြုံတွေ့နေရတဲ့ ပြဿနာတွေကို သတိပြုမိလာဖို့ မျှော်လင့်ပါတယ်။
BTSက 2017 ခုနှစ်အစောပိုင်းမှစပြီး BBMAs များသို့ ပထမဆုံးအကြိမ် ဖိတ်ကြားခြင်းခံခဲ့ရပြီး ဒီကမ်ပိန်းအတွက် ပြင်ဆင်မှုများပြုလုပ်နေစဉ် ကာလလည်း ဖြစ်ခဲ့ပါတယ်။ ဒါ့အပြင် WINGS နဲ့ သူတို့ချိုးဖျက်ခဲ့တဲ့ မှတ်တမ်းတွေအားလုံးကို LOVE YOURSELF 承 'Her' နဲ့ ထပ်မံချိုးဖျက်နိုင်ခဲ့ပါတယ်။
ဒါက လူကြိုက်များမှုကို "ထိန်းချုပ်နိုင်မှု မရှိတော့" ဘူးလို့ အလွယ်တကူ ဖော်ပြနိုင်ပါတယ်။
လုပ်ဆောင်ချက်တစ်ခုစီတိုင်းက ကြီးမားတဲ့ သြဇာလွှမ်းမိုးမှုကို ပေးခဲ့ပြီး ဒီလုပ်ရပ်တစ်ခုစီမှာ ကြီးမားတဲ့ တာဝန်လည်း ပါလာပါပြီ။ အရိုးသားဆုံးသော ရည်ရွယ်ချက်များဖြင့် စတင်ခဲ့တဲ့ "LOVE MYSELF" ကမ်ပိန်းကပင် သူတို့ရဲ့ အပြုအမူနဲ့ စကားလုံးတိုင်းအတွက် လူမှုရေးအရတာဝန်ယူရန် လိုအပ်တဲ့ အခြားအကြောင်းရင်းတစ်ခု ဖြစ်လာခဲ့ပါတယ်။
BTS ကို စိတ်ဝင်စားမှု ကြီးကြီးမားမားနဲ့ သူတို့အတွက် အလွန်အကျွံ အဓိပ္ပာယ်ဖွင့်ဆိုမှုတွေကနေ ဖိအားတွေ အများကြီး ခံစားခဲ့ရတယ်လို့ SUGA က ပြောပါတယ်။
"အဲဒီတုန်းကနဲ့ အတူတူပါပဲ။ ဒါပေမယ့် အခုတောင်မှ တကယ်တမ်းတော့ ကျွန်တော်တို့နဲ့ တွဲထားတဲ့ နာမည်တွေက ကြီးမားတဲ့ ဝန်ထုပ်ဝန်ပိုးတစ်ခုပါပဲ။ "good influence" လို စကားလုံးတွေနဲ့ ကျွန်တော်တို့ကြုံတွေ့နေရတဲ့ စီးပွားရေးဆိုင်ရာ သက်ရောက်မှုအားလုံးအပေါ် တုံ့ပြန်မှုတွေပေါ့။ နောက်ဆုံးတော့ ဒီလောက်မြင့်မားလာဖို့က ကျွန်တော်တို့ရဲ့ ရည်ရွယ်ချက်မဟုတ်တဲ့အပြင် ကျွန်တော်တို့ကလည်း မရည်ရွယ်ဘဲ အချိန်မရွေးပြုတ်ကျလာနိုင်ပါတယ်။ ဒီကာလအတွင်းက ကျွန်တော် အစိုးရိမ်ဆုံးနဲ့ အံသြနေခဲ့ရတဲ့ကာလပါ။ လူတွေရှေ့မှာ ပြီးပြည့်စုံပြီး ထပ်တူကျတဲ့ အကကို ဖျော်ဖြေနေရသလိုပါပဲ။"
တဖက်မှာတော့ "LOVE MYSELF" campaign ရဲ့အစမှာ Jimin က ကမ္ဘာကြီးအပေါ် ဘယ်လိုသက်ရောက်မှုရှိမလဲဆိုတာကို သိချင်နေခဲ့ပါတယ်။
"နှလုံးသားကို ပြောင်းလဲနိုင်တဲ့ စွမ်းအား" လို့ ခေါ်နိုင်မယ်ထင်တယ်။ အမှန်တော့ ကျွန်တော် တစ်ခါက RM ကိုသွားရှာပြီး ကမ်ပိန်းလုပ်ရတဲ့ သူ့ရဲ့ အတွေးအမြင်တွေကို မေးခဲ့တယ်။ ကျွန်တော် ရုတ်တရက် သိချင်လာလို့လေ။
ဘာလို့လဲဆိုရင် ကျွန်တော် သူ့ကို သွားတွေ့ဖို့ ကောင်းတဲ့အရာတစ်ခုလို့ သိထားလို့ပါ။လှူဒါန်းမှုတွေ လုပ်ပေမယ့် နောက်ကွယ်က စိတ်နေစိတ်ထားက ပိုအရေးကြီးတယ်လို့ ထင်ပါတယ်။"
Jimin နဲ့ RM မျှဝေတဲ့ စကားဝိုင်းက သူလုပ်နေတဲ့ အလုပ်နဲ့ ပတ်သက်ပြီး သူ့အတွေးတွေကို ခိုင်မာစေခဲ့တယ်။
"RM က "ကျွန်တော်လှူတဲ့ငွေနဲ့ ဒါမှမဟုတ် သီချင်းဆိုခြင်းနဲ့ လူအနည်းငယ်မဟုတ်ဘဲ လူတစ်ဦးတည်းရဲ့ ဘဝကို ပိုကောင်းအောင်လုပ်နိုင်မယ်ဆိုရင်လည်း ဒီအလုပ်ကို ဆက်လုပ်ချင်ပါတယ်။" ဒီအသံကိုကြားပြီးတာနဲ့ မတူကွဲပြားတဲ့ အရာတွေကို မြင်လာရတော့မယ်ထင်တယ်။ ကျွန်တော်အမြဲလုပ်ချင်တဲ့အရာက လူတွေအတွက် ဖျော်ဖြေတာဖြစ်ပြီး၊ သူတို့အတွက်ကတော့ ကျွန်တော့်နှလုံးသားကို မျှဝေပေးရင် သူတို့ကို ပျော်ရွှင်စေပြီး ကောင်းတဲ့ ခံစားချက်လေးတွေနဲ့ "ဒီနေ့ ပျော်စရာကောင်းတယ်" လို့ ခံစားနေရရင် "ဒါကို ကျေးဇူးတင်တဲ့ စိတ်လေးရှိနေရင်ကို" လုပ်ပေးရကြိုးနပ်ပါပြီလို့ ပြောလို့ရပါတယ်။"
Jimin ပြောသလိုပဲ BTS အတွက်တော့ ARMY နဲ့ သူတို့ရဲ့ ဂီတကို နားထောင်သူတွေရဲ့ စိတ်ခံစားမှု ဖလှယ်ခြင်းက LOVE YOURSELF စီးရီးမှာ ဆက်ပြီး အလုပ်လုပ်နိုင်စေမယ့် အရေးပါတဲ့ မောင်းနှင်အားတစ်ခုပါပဲ။
ဒါနဲ့ပတ်သက်ပြီး LOVE YOURSELF 承 'Her' နဲ့ နောက်ဆက်တွဲအယ်လ်ဘမ် LOVE YOURSELF 轉 'Tear' တို့က "exterior" နဲ့ "interior" လိုပဲ သူတို့ကို လမ်းပြပေးတဲ့ "အလင်း" နဲ့ ကြောက်ရွံ့စေတဲ့ "အမှောင်" လို့ ဆိုနိုင်ပါတယ်။ LOVE YOURELF 承 'Her' မှာတော့ "Pied Piper" က BTS ပရိသတ်များ တစ်နည်းအားဖြင့် ARMY အဖြစ်နေထိုင်နေသူများရဲ့ ဖြတ်သန်းသွားလာနေမှုများကို သရုပ်ဖော်ထားပြီး သူတို့ ဘယ်လိုခံစားနေရတယ်ဆိုတာ ပရိသတ်တွေကို သိစေခဲ့ပါတယ်။ ခေါင်းစဉ်သီချင်း "DNA" က BTS နဲ့ ARMY ရဲ့တွေ့ဆုံမှုကို "ဘာသာတရား၏အမိန့်တော်များ" နဲ့ "စကြဝဠာရဲ့ပံ့ပိုးမှု" အဖြစ်ဖော်ပြခဲ့ပါတယ်။
j-hope ကလည်း ထိုအချိန်က သူဘာ်လို ခံစားခဲ့ရတယ်ဆိုတာကို ပြန်ပြောပြပါတယ်။
"တကယ်တော့ ခက်ခဲတဲ့အချိန်တွေကို စိတ်ခံစားမှုနဲ့ ဖြတ်သန်းနေတယ်ဆိုတာ သူတို့ကို မပြောပြချင်ဘူး။ ကျွန်တော်သူတို့အတွက် ပုံကောင်းတစ်ပုံလောက်တင်ချင်တာနဲ့ ကောင်းတဲ့အရာတွေကိုပဲ အရိပ်အမြွက်ပြချင်တာပါ။"
j-hope လိုချင်တဲ့အတိုင်း LOVE YOURSELF 承 'Her' နဲ့ BTS က ARMY ရှေ့မှာ ပျော်စရာကောင်းပြီး အပြုသဘောဆောင်တဲ့ပုံရိပ်တစ်ခုကို တင်ဆက်နိုင်ဖို့ အကောင်းဆုံးကြိုးစားခဲ့ပါတယ်။ ဆက်တိုက်တွေ့ကြုံနေရတဲ့ အခက်အခဲတွေ နေ့ရက်တွေကိုလည်း ကျော်ဖြတ်ပြီး စတင် ခဲ့ကြပါတယ်။ ARMY ကလည်း LOVE YOURSELF 承 'Her' ဖြစ်တဲ့ BTS ရဲ့သမိုင်းမှာ ပထမဆုံးအယ်လ်ဘမ်ကို တောက်ပစွာ အပြည့်အဝခံစားဖို့ အဆင်သင့်ဖြစ်နေပါပြီ။
j-hope က အဖွဲ့ရဲ့ပြဿနာများ ပိုမိုပြင်းထန်လာ ပေမယ့်လည်း အယ်လ်ဘမ်ကို ဆက်လက်လုပ်ဆောင်နိုင်ပုံကို ရှင်းပြထားပါတယ်။
"ကျွန်တော်မသိပါဘူး။ ဒီလိုပါပဲ... ကျွန်တော်တို့မှာ ဖုန်းခေါ်ဖို့ နည်းနည်း မလုံလောက်ဘူးလားပေါ့။ တကယ်တော့ ကျွန်တော်တို့ဟာ ဘဝမှာ အများကြီး စဉ်းစားတွေးတောနေသူတွေလို့ မထင်ပါဘူး။ တကယ်တော့ ကျွန်တော်တို့အများကြီးတွေးခဲ့မိရင် ပိုခက်လိမ့်မယ်၊ ဘာလို့လဲဆိုရင် ကျွန်တော်တို့က တကယ်ရိုးရှင်းတဲ့ လူခုနစ်ယောက်မို့ပါ။ အဲဒါက ဖြစ်နိုင်ချေရှိတယ်။ စိတ်ဝင်စားဖို့ကောင်းတာက လူတိုင်းက ရုန်းကန်နေချိန် ဖြစ်ပေမယ့် လူတိုင်းမှာ ပရော်ဖက်ရှင်နယ် အတွေးအခေါ်တွေ ရှိတယ်။ တကယ်ရယ်စရာကောင်းပါတယ်။ ရုန်းကန်ပြီး လျှောက်သွားနေချိန်မှာတောင် "ဟမ်...!" ငါတို့သွားကြမယ် "အိုး၊ ဘာပဲဖြစ်ဖြစ်။ လုပ်စရာရှိတာ လုပ်ရမှာပေါ့။" ဆိုတာမျိုးပါ။အနည်းဆုံး ကျွန်တော်တို့ထဲက တစ်ယောက်လောက် လှည့်မကြည့်မိတဲ့ အခြေအနေမျိုးမှာတောင် လူတိုင်းက လေ့ကျင့်မှုတိုင်းနဲ့ မှတ်တမ်းတင်မှုတိုင်းကို လိုက်လုပ်ခဲ့ကြတယ်။ ကျွန်တော်တို့ သိပ်ကြည့်ကောင်းပုံမရတဲ့အချိန်တွေရှိခဲ့ပေမယ့် လုပ်စရာရှိတာလုပ်ခဲ့တယ်။"
ဘယ်လိုအခြေအနေမျိုးမှာပဲဖြစ်ဖြစ် BTS ဟာ သူတို့ရဲ့ ပြင်းထန်တဲ့မေတ္တာတွေကို ARMY တွေဆီပေးပို့ပြီး ဘယ်လောက်ယုံကြည်စိတ်ချရကြောင်း ပြသနေချိန်မှာပဲ BTS ဟာ သူတို့ရဲ့အလုပ်ကို လုပ်နိုင်ကိုင်နိုင်ခဲ့ပြီး အတိအကျလက်ညှိုးထိုးဖို့ ခက်ခဲခဲ့ပါတယ်။ BTS နဲ့ ARMY တို့က အရာအားလုံးကို အတူတကွ ဖြတ်သန်းခဲ့ကြတာကြောင့်လည်း ဖြစ်ကောင်းဖြစ်နိုင်ပါတယ်။ ဒါမှမဟုတ် အဖွဲ့ဝင်တွေရဲ့မွေးရာပါသဘာဝကြောင့် အစကတည်းက သူတို့ရဲ့ပရိသတ်များနဲ့ သဘာဝကျကျ ပြောဆိုဆက်ဆံခဲ့ပြီး ခံစားချက်များကို မျှဝေပေးခဲ့တာကြောင့် ဖြစ်နိုင်ပါတယ်။
ဒါပေမယ့် ရှင်းရှင်းလင်းလင်း သိလာရတာက သူတို့ကို လေ့ကျင့်သင်ကြားခွင့်၊ သီချင်းများနဲ့ ဖျော်ဖြေတင်ဆက်မှုများကို ဖန်တီးပေးနိုင်ခွင့် ရစေတဲ့ ဆန္ဒက LOVE YOURSELF စီးရီးကို ဒီနယ်မြေသစ်ဆီကို ယူဆောင်လာခဲ့တာပါ။
.... ..... ..... ....