#الفاتنة و الذيب
البارت "16"
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo
_________________________________
أحببتُك لأنك نِصف الروح ونِصف العقِل وكل القلب أحببتُك لانِي لا أكتمل إلا بك .
_________________________________
مهيمن :اوفف ولج تعبتيني بس تستاهلين اتعبلج
ضحكت وهو حضني لصدرا وباس راسي
شفنا الكل راد يطلع هو ما خلاني اطلع الا كهم يطلعون
مسك ايدي وطلعنا امي واسراء وخالتي ويانا على اساس امي تطلع كدام بس ما قبلت واني طلعت وغزل وجود ورا بحضن امي وخالتي
مهيمن فرحان اشوف عيونا الفرح سمعنا صوت خالتي من حجت
هدى :ان شاء الله اسبوع الجاي زفتكم
مهيمن باوع عليا ضحك وحجا
مهيمن :ان شاء الله
شويه وطلعت الزفه جانت كلش حلوا ومهيمن يخازر بلسياره كلش اتونسنا جنت اصور ومندمجا الطريق كلا من وصلنا القاعه نزلنا ورحنا كعدنا
شفت ملاك سلمت عليها اجت مع ام ابويه لان هي اتصير مرت عمها يعني ابويه وامي ولاد عم
اجت ويانا شويه وبدا العرس دخلو العرسان والهلاهل والتصفيك كلشي جان حلو كعدو العرسان اني وجاي اسولف مع اسراء والبنات كاعدين اشو ملاك حجت
ملاك :يالله هسه خالتكي سبوع الجي انت
اني ضحكت وحجيت
_ان شاء الله
اسراء :ولي فستانكي ما وصل
_بلحني يصل مهيمن ايجيبلي هيم اثنينم
ملاك :ليش من وين ايجيبو
_ما الفستان من البصره ما اكو منو هوني وانا عجبني ومهيمن ما حكا شي وطلبو
ملاك :تعغفين تماره كلش مستغربا منكي
_ليش
ملاك :اشقد كنتي تحكين اتقولين ازوج ضابط وايدللني وايحبني ونطلع كلشي القتي عليه صاغ
_اي اذكر وانتم اشقد كنتم اتعيبو علي
ملاك :اي والله وشوفي اشون اخذتي ضابط وحلو واسمغ وايدللكي مثل ما اتغيدين واكثر زي
_كنتو اققلكم القدر موكل بنطق وانو ما دام عندي ثقه برب العالمين اكيد ما غاح يخذلني وما بس عوضني بمهيمن لا وراضاني وجا بعد احسن من ما اتمنيتونو الحمد لله والشكر
ملاك :اي والله الله يحفضكم
_امين
شويه ورقصو العرسان سلو وجانو كلش حلوين واني صفنت واذكرت
جنت دايما اقرا قصص وادعي يجيني مثلهم وبل فعل مهيمن مثل ما اتمنيتوه وبل فعل هو عوضي من الله مثل ما ابتعدت عن الحرام الله راضاني بل حلال ومثل ما اريد
جنت اكول ازوج ضابط وايدللني ويحبني كانو يضحكون علي وكلهم اسبوع الجي راح يحضرون عرسي مع هذا الشخص الي كالو تحلمين تاخذيه
الحمد لله على كل حال
وعيت من صفنتي على دخول الشباب
لمحت مهيمن يباوع ويدور بعيونا لي حد ما استقر نضرو علي وضحك جنت خالا ايدي على خدي واتاملو كان معجزا بنسبا الي وهو بل فعل معجزا سمعت صوت الطبل والزغناي باوعت عليهم رجعت باوعو على مهيمن وهو ضحك وغمز وراح وكف مع الشباب براس الدبكا
اني ضحكت وضليت اراقبا بلش ايدق بل طبل وهو يدبج وياهم كلش حلو جان رقصو اني مستغربا
او مصدوما من شكلو كلش حلو يركص والكل اتعجب بي شفت ام ابويه اتصيحني رحت عليها وهي حجت
ام ابويه :ولي هذا ما زوجكي
_اي يوم هذا زوجي
ام ابويه :استغربتو اشون عيرقص
_والله حالي من حالكي
رجعت على مكاني وحجو
اسراء :ولي اجنن رقصو
ملاك :حرامات ما عندو اخ
_انجبو قل عوذ برب الفلق هسه ايصيغلو شي
ضحكو وضلينا انباعو واني ايدي على خدي اشويه وطلعو الشباب بس استغربت هو ما طلع حجا مع محمد ومحمد راح حجا مع المصورا ومهيمن يجي بتجاهي وينزع الستره ويشمر رداناتا من وصل يمي رما السترا عل ميز اشتغل الاغنيه. هو مد ايدا بتجاهي وضحك وحجا
مهيمن : هل تقبلين الرقص معي يا حضره الاميره
ضحكت ومديتلا ايدي هو باسها واني كمت ومشي وياه لي نص الصاله طول المشيا جانت بس موسيقى من وصلنا بدا الاغنيه
شيرين عبد الوهاب "كلي ملكك "
حضن خصري واني حطيت ايديه على ركبنتا وهو قربني الا اكثر باوعت بعيونا ونحنى نتمايل مع الغنيه جانت عيونا مليانا حب ضحكت على ضحكتا وحجيت
_ليش عملت هشكل
مهيمن : حتى الكل ايباوعون عليج ويكولون نيالها شلون يحبها كتلج اريد الناس تحسدج على عيشتج
_ما هشكل غاح يصيبونا بعين ونفترق
مهيمن :محد ما يكدر يفرقني عنج غير الموت واني كتلج ادللج لحتى ما يتحملج احد غيري
_ما تتعب
مهيمن:تعبج راحه بنسبا الي كلشي اسويه الج بحب ومن كلبي انت عوض ربي واختيراه الي اريد احافض عليج اريد ادللج وما اريد ايضل بنفسج شي
ضحكت وحجيت
_احبك ذيبي الله لا يحرمني منك
حجيت هيج وهو حضني ودفن راسا بركبتي وحجا
مهيمن :واني اعشكج فراشتي اعشكج حيل يا بعد حيلي
ضليتا نتمايل اني وياه وهو قريب عليه حيل جانت انفاسه تضرب بوجهي حسيت عليه من شاني وفرني ضحكت وحضنتا بقوا رجع نزلني واني بعدت راسي من حضنا وباوعت عليه ضلينا نتمايل لي حد ما خلصت الاغنيه بست طرف شفته واشتغلت الاضويه والكل صفكلنا وهو حجا
مهيمن :احبج
_اموت بيك
ضحك واني رجعت بمكاني وهو طلع واني صرت اقرا بداخلي وانفخ ولا التفت الاحد من وصلت عل بنات حضنتهم وهنا كلش فرحانات
اسراء :ولي اشني هاي والله كنتم اجننون
ملاك :والله ولا عغفتوكم
سما :ولييي وي اجنننون والله
هجران :الله يحفضكم
اني بس اضحك وفرحانا حاسا كلبي راح ايطير صار وقت الاكل وراها امي كالت خلي انروح شلت جنطي وجاكيت مهيمن وطلعنا
من طلعنا شفت مهيمن وهو من شافنا اجا علينا وحجا
مهيمن :يالله امشو
هاله :والله تعبناك معانا
مهيمن : لا خاله شنو هل حجي امشو
مشينا وياه واني كعدت يما ومثل ما رحنا خالتي واسراء ويانا هم رجعو ويانا من وصلنا مهين اندار على امي وحجا
مهيمن :خاله اخذها شويه وارجعها
هاله :اتلحق على صرعان غاسك باري اتونس بهل اسبوع (التلح على دوخه الراس اتونس بهل اسبوع )
اني باوعت على امي وحجيت بحدا
_مااامااا
ضحك مهيمن وحجا
مهيمن :راحتي يمها وكلشي يجي منها مثل العسل على كلبي
ضحكت وهنا نزلو و مهيمن باوع عليا وحضن وجهي وطبع بوسات على كل وجهي ورجع بعد راسا وباوع بعيوني وبعدين على شفايفي واخذهم ببوسع واني بادلتا بكل حب بعد عني بعد ما انكطع نفسنا سند راسا على راسي وحجا
مهيمن :ولج شسوي بيج اجرم بيج ريحتج تسطرني شفايفج تسكرني عيونج تسحرتي شسوي بيج ولج ادمنتج وعلي ادمنتج
ضحكت وهو ابتعد مني وسحبني لحضنا واني حضنت ركبنا ودفنت راسي بيها وهو بادلني ضلينا هيج نسولف وهو كل شويه يتحارش بيا واني اضحك وهو يحجي
مهيمن :ولج فضحتينا ضحكتج اجيب التايها وعلي
ضحكت وباوعت بعيونا وحجيت
_تحبني !
ضحك وحجا وهو مركز نضرا بعيوني
مهيمن :ابيع الدنيا وروحي على مودج هو هم هذا سؤال ولج
ضحكت وحضنتا بست خدا وركبتا ردت احجي هو حجا
مهيمن :شو تتحارشين
_لان لازم اغوح
مهيمن : نصيحه كبل لا اتروحين باوعي لوجهج
حجا هيج وغمز
فزيت من حضنا من استوعبت الموضوع باوعت بوجهي بلمرايه شفت حمرتي واصلا الحنجي والخدودي وشويه وتصل غير اماكن باوعت عليه وهو يضحك حجيت واني امسح وجهي
_بالله هشكل تعمل بي
مهيمن :اي عادي مرتي حلالي
اني وجاي امسح رجع سحبني عليه وخلاني بحضنا مثل الولد الصغير ايد على ركبتي وايد على رجليا ويبوس وعض بيا واني اضحك وادفع بي وهو ولا يما لي حد ما ركز نضرو بيا وجا
مهيمن :اعشكج فراشتي
_اموت بيك ذيبي
حجيت هيج وبست شفتا بوسه سطحيه وحجيت
_يالله لازم اغوح
مهيمن :يالله اسبوع الجاي انا امسكج وشوفي منو يعوفج
_لا اتهدد كوي ما اخاف
حجيت هيج ورجعت مكاني وهو حجا
مهيمن :اي مو اشوف منو ايكول عوفني مهيمن حباب
حجا هيج وهو ايقلد صوتي ضحكت وحجيت
_انا ما احكي هشكل
مهيمن :اي صح تحجين غير كلمات
باوعت عليه بطرف عين وهو ضحك ونزلت ردت اسد الباب سمعت حجيا
مهيمن :وعلي احبج
ضحكت وسديت الباب وفتت وجان هليوم كلش حلو كلش انتونست فتت بدلت ملابس وسبحت وكعدت مع العائله حجت ام امي
ام امي:ولي بنتي انتم اشون هشكل ترقصون ما عيب هلشويه وتتباوسون
_يوم ليش منو قللكي ما اتباوسنا
حجيت هيج وامي خزرتني والكل يضحك وجدتي حجت
ام امي :اشو صيغا فد مره قليلت ادب
_اش اعمل هو حرفني
هاله:والله ما شكلو اجوز انت خليتيه ينحرف
_كلشي جايز
ضحكت ضلينا نحجي شويه ورحت نمت وما حسيت على شي
كعدنا الصبح شفت مهيمن دازلي
💬فراشتي نايمه؟
💬حبيبي من تكعدين اتصلي
شفتها واتصلت عليه سدا ورجع اتصل وسمعت صوتا
مهيمن :عرج كلبي صباح الخير
_صباح الظهر
سمعت ضحكتا وحجا
مهيمن :فراشتي ايمت ترجعون
_اليوم ليش
مهيمن : مو اليوم طالع على بغداد اريد اشوفج
_والله تطلع على بغداد
مهيمن :اي حبيبي ارجع الثنين واجيبلج الفستان وياي وهم يجون عمامي والبيت راح يصير هوسا
_تمام حبيبي انت ايمتي تطلع
مهمين :الفجر بس هسه اني عندي شغل لي المغرب اجي
_تمام نحنى قبل المغرب بلبيت
مهيمن :تمام حبيبي احبج كلش هواي
حجيت هيج ضحكت وسديتا
رحت كتلها الماما اتغدينا ولي العصر رجعنا بتكسي للبيت لي المغرب اجا علينا مهيمن اني ما شفتا امي اجت نادت عليه فتت علستقبال وشفتا كاعد من فتت هو وكف وامي راحت بسرعه حضنتا ودفنت راسي بصدرا
مهيمن : فدوه لفراشتي
_راح اشتاقلك
مهيمن :واني هم راح اشتاكلج قزوم بس هي كم يوم واجي وعلي من يصير عرسنا انومج بحضني وما اخليج اتكومين لي الصبح
_ان شاء الله
مهيمن :يالله حبيبي راح اروح اني
حجا هيج واني رفعت راسي وباوعت عليه وحجيت
_مهيمن الله عليك ادير بالك على نفسك وما اتسوق سريع ومن تصل خبرني
ضحك وحضن راسي بين اديه وصار يبوس بوجهي رجع حضني ودفن راسا بركبتي انفاسا ضربت ركبتي حسيت بي يستنشق عطري رفع راسه وباس راسي وباوع بعيوني وحجا
مهيمن :بويه روحي جيبي عطرج
عقدت حواجبي وحجيت
_ليش
مهيمن :خلص العطر من السوار من كد ما اشم بيه
ضحكت ورحت جبته وصار يبخ عسوار رجع عطاني ياه وشم السوار بعد ايده وحجا
مهيمن :افيش ريحت العافيه
ضحكت وباس خدي وحجا
مهيمن : اروح اني بويه
_الله معاك
طلع مهيمن وراح واني رحت على غرفتي
بعدين نزلت اتعشيو وغسلت مواعين وطلعت قريت شويه قصص ونمت
كعدت الصبح شفت تلفوني مهيمن دازلي
💬حبيبي اني وصلت حبيت اطمنج عرفت نايمة ما كدرت اكعدج من تكعدين اتصلي
شفتها واتصلت عليه هو رد بسرعه
مهيمن :حبيبي
_ها
،مهيمن :صباح الخير فراشتي
_صباح النور ايمتي وصلت
مهيمن : وصلت بل ٨ الصبح
_اي الحمد لله على سلامتك حبيبي
مهيمن :الله ايسلمج عمري روحي صلي و اكلي اني اشوف الشباب
_تمام حبيبي
رحت نزلت شفت امي ضحكت وهي حجت
هاله : كوي شدي حيلكي لازم نشتغل البيت لان بليله الحني والزواج غاح يباتون هوني
هزيت راسي وهي حجت
هاله :اشعجب ما علقتي او حكيتي شي
رفعت كتافي وحجيت
_ما اعرف
هاله :قولي ولي اش بيكي البيحا كنتي فغحاني
_والله ما اكو شي بس تعباني وما نيمي مليح هسه اعمل الطابق الفوق وغدا الاخ حتى لي ثنين انكمل كلشي حتى يجون
هزت راسها وكامات واني رحت نضفت غرفتي وغرفه غزل وجود كلشي ما خليت وشطفت السطع ونزلت شفت امي جاي تطبخ رحت عزلت الباقي ورحت صليت وكعدت عتلفون
مر يومين عادي ما صار شي لي حد يوم الثنين جنت كلش متحمسا اليوم مهيمن راح يجي كلش مشتاقتله وهو راح يجو اهلا وهنا ما شاء الله عددهم جبير لان باجر الحنا مالتا
كعدت الصبح ما ضل شي ما نضفتا سمعت هوسا رحت علسطح من بين الحديد شفت مهيمن وهواي ناس بس اباوع اني لمحت يامن ما اهتميت رجعت نزلت وشفت مهيمن ما متصل ولا دازلي شي كلش ضجت البارحا هم بس اتصل شويه وراح سمعت صوت امي رحت كملت وساعدتها. لي العصر اجو بيت جدي ونسوان عمامي هم اجو سلمت عليهن وكلش اتغير مزاجي بس بالي يم مهيمن
رحنا اني والبنات وسولفنا وحجينا لي اليل هنا مسكوني ما ضل شيره ما ضل ماسكات وحف كلشي سولي واني بس اصرخ رحت سبحت وباوعت على نفسي كلش اتغيرت ضحكت وسمعت صوت تلفوني جانت الساعه 11:00
شفتا مهيمن ما رديت
اسيا:ولي دغدي
_ما اغيد اغد هاي من الصبح هو هوني ولا كلف على نفسو ايخبر او ايدز شي هسه اذكرني
حجيت هيج وشفتا يتصل مره ثانيت ما رديت اسراء حجت
اسراء :ولي خطي غدي عليه
اسيا:ليش بكيفكي ما اتغدين
حجت هيج وتقربت مني فتحت التلفون وخلتا على اذني ولزكت راسها بتلفون اجاني صوتا
مهيمن : فراشتي شلونج
_ما مليحا (زينه) اش اتغيد
مهيمن :ها شبيج ولج شسويتلج
_كشي ما عملتلي سلامتك
مهيمن :فراشتي احجي شنو مضوجج
_هاي من الصبح انت هوني وما دزيتلي شي والبيحا بس حكيت كم كلمي وغحت
مهيمن :افااا تحجين هيج مو شفتج شلون تباوعين من السطح ردت اكسر راسج بس استخطيتج
_عوزك زي حتى ما اتزوج
مهيمن :حبيبي وعلي ما جان عندي وكت احك راسي بي هسه الكل نام سبحت وصليت وطلعت عسطح اريد اشوفج
_اما خلي تنفعك هاي ام الوردي اكيد زينب هاي اشون كانت ليزقا بيك شفتوها اشون عتحكي معاك
مهيمن : فراشتي تعالي عل سطح اريد اشوفج ولج والله كلبي طاك عليج
_امااا
مهيمن :فراشتي لا تشلعين كلبي وعلي تعبان
انقهرت عليه كلش فحجيت
_هسه اجي
حجا بضحكا
مهيمن :منتضرج
سديتا وباوعت على اسيا حجت
اسيا :روحي شمنتضرا
_هسه اغوح
اسيا:ولي تعاي لبسي هذا احلا
راحت على الدولاب وجابت تراك برمودا خلتا ابيدي وحجت
اسيا:غوحي البسيه وتعاي
باوعت عليه هو كلش حلو علي بس هسه يفترسني اذا شافني بهذا فحجيت
_لا ما البسو
ملاك :ليش ولي
_ما اغيد
اسراء :انجبي وروحي البسيه بلا بهاته
رحت لبستا واني ما مقتنعا جان تراك برمودا وبي رسمه ميكي موس وجان اسود وابيض كلش حلو لبستا وطلعت
اجت اسيا سحبتني ومسكت المشط مشطو شعري وخلتا مفتوح وخلت ربطا على شعري ونزلت سلختين وخلتلي مكياج خفيف بس احمر خدود وحمره
اجت اسراء رشت عليه عطر واسيا دفعتني وحجت
اسيا :غوحي يالله
_وقزرقط وحق الله غاح اتخلونو يفترسني اليوم
الكل ضحك واني رحت فتحت الباب وطلعت من شفتا ضحكت مع انو جنت زعلانة منا بس ركضت عليه وهو فتح اديه وحضني وفرني وهو يحجي
مهيمن :اوووففف ولج اوففف يا هجرج الي دوخني مشتاكلج بويه
رفعت راسي وهو نزلني وحضن وجهي وباس عيوني وخدودي وطبع بوسات سطحيه على شفايفي وحجا
مهيمن :ولج شكد مشتاكلج
_المشتاق ما ايدز ولا يسال ما
حجيت هيج ودفعت ردت ابتعد درت ضهري هو سحيني بسرعه وحضنني صار ضهري على صدرا وحجا
مهيمن :اذا ابتعدتي مني هيج اموتج
رفعت راسي وباوعت بعيوني وهو باس خدي وحجا
مهيمن :وعلي بويه لحضه ما غبتي عن بالي ومع انو مشغول بس اتصل عليج واليوم ما كدرت كلهم اجوي وبلموت انهزمت منهم كتلهم اريد انام وطلعت عليج
_حسبالي بعد ما اتغيدني
مهيمن:ولج شلون ما اريدج بويه والعباس صارت روحي بيج بس غصبن عني وداعتج
بتعدت وحضنتا ودنفن راسي بصدرا وحجيت
_وهاي الكلبه الحقيرا اش غادت منك ليزقا بيك
مهيمن : سئلتني على شمس لان ما اجت
رفعت راسي وحجيت
_اي هاي الحقيرا وينا اغشع ولا غشعتو وجا
مهيمن :ولج السانج
_اي المهم ويني
مهيمن :هي بعدين اجت مع بنات عمامي وهسه كلهم نايمين بس خفاش اليل ضال على مودج
_هسه اذا انت خفاش انا اشني
مهيمن :بومه
_عابتلك اي والله بيش اشبهني
مهيمن :بويه مو لسان طركاعه
_كوي اذا اطلعلك مهاراتي تنصدم
مهيمن :عادي بويه كلشي منج حلو
ضحكت ضلينا نحجي شويه وهو حجا
مهيمن : ولج تعاي اكولج ليش لابسه هلبس وطالع هلكد حلوه
_والله لبستوهم جبر
مهيمن :منو جبرج
_بنات عمي وبنت خالتي موتوني
مهيمن :هو كلتكم ناووين علي خلينا ساترين على ارواحنا
ضحكت ودفنت راسي بصدرا بستا وبتعدت رفعت راسي وباوعت بعيونا وحجيت
_لازم اغوح هسه
مهيمن :اخذ حصتي وروحي
حجا حهيج وهو حضن وجهي بين اديه واخذ شفايفي رجع بتعد باوع بعيوني وباس راسي وحجا
مهيمن :هسه تكدرين تروحين
ضحكت ورحت ومر اليوم واجا يوم حنتي
كعدت الصبح على الهوسا والصياح وهوسه الجهال يبووو وكل شويه وحده تجي اتكعدني وتروح واني ارجع انام
لي حد ما اتصل مهيمن فتحتا وحجيت
مهيمن :ولج بربوك لي هسه نايما
_اممم
مهيمن :كومي اليوم حنتج
_بس خمس دقايق حباب
مهيمن :اخخخ ولج بنفسي اكعدج بطريقتي
_لا تستعجل تلحق
مهيمن :كومي يالله حبيبي يا دوب اتلحكين
_مهيمن جبت الفستان ؟
مهيمن :اي حبيبي جبتا وهسه هو عند امج
_اي ومال زواج
مهيمن : هم جبتا وعطيتا الامج
_وي هسه الكل شافو اعغف حضي المهم حبيبي انت ايمتي تجي
مهيمن : من تطلعون انتم وراها نجي
_تمام
مهيمن :احبج فراشتي
_صباح الخير
مهيمن :هسه اذكرتي
_اي يالله غوح على هاي ام الوردي
مهيمن :ولج اني بطريقي للحلاق ليش تضلميني هيج اني رجال فقير
_كلش فقير
مهيمن :ولج ما اجي وي عرامتج تذكرين شسويتي وي اخوانج هذاك اليوم
ضحكت وحجيت
_اي حتى تتعض اذا ما سمعت كلام اقتلك (اكتلك )
مهيمن :لا عمي اني اخاف على روحي
ضحكت وحجيت
_اغوح انا حبيبي
مهيمن : الله وياج
سديتا واذكرت الموقف
جنت جاي اتعارك مع جود وغزل عل جباسا هما كامو يبجون عضيتهم وهنا بجو واخو الاجباسا وركضو على بابا
جان بابا واكف بباب البيت ال الداخلي جان بابا ايبين لان واكف مكابيلو بس مهيمن ما مبين
اجو جود وغزل على بابا وشوفو ايديهم وحجو
جود :باااابااا شوف تماره عضتني انا وعزل
غزل :اي بابا شوف
اني جنت اضحك وواكفا بحيث بابا ما ايشوفني مسكهم وحجا مع شخص ودخل واني ما جنت اعرف مهيمن جنت احسب هذال
فاني طلعت ولا لابسه حجاب جنت لابست دشداشه نص ردن وكصيره كبل لا اطلع صرخت وحجيت
_هذذااال اتغوحح تشتغيلي اندومي لااا
ردت احجي اخر جمله وطلعت وانصدمت من مهيمن اتصنمت بمكاني شلون فشلا الله لا ايخلاي شخص بهل موقف
هو طقها ضحكا وحجا
مهيمن :اني اجيبلج اندومي وجبس بعد شتريدين
_كشي ما اغيد عابتلك
مهيمن :ولج لو اعرف شمسويلج
_من الله هشكل اكرهك
مهيمن : بس عيونج تحجي غير شي
ضليت صافنا بي وعيت من صدمتي وحجيت
_اكرهك
مهيمن :احبج
_حبك ابرص الاهي
مهيمن :انجبي
حجة هيج واني خزرتا وفتت كلش ضايجا شفت بابا جاي هو حجا
ياسين :وين كنتي
_كنتو بلمطبخ
ياسين :طلعتي بغا
_لا ما طلعت.
ياسين :ديلا غوحي بس احسابكي بعدين على اخوتكي
_اي هيم قتولم طعموني ما قبلو
ياسين :اي غوحي هسه
بوكتها كلش خجلت من الموقف وكعدت الوم بروحي على هلموقف وبابا رزلني على غزل وجود بس لي اليل شفت رساله على تلفوني شفتها من رقم جان كاتب
💬روحي اخذي الي وصيتيني عليهم تلكيهم بسطح
عرفتا مهيمن والله ولا كلت لا رحت اخذتهم وطلعت مسلسلا واكل واشوف كلش اتونست
الحاضر
وعيت على صوت اسراء
اسراء : ولي قومي يالله اسبحي حتى تتمكيجين
هزيت راسي ورحت سبحت واجت اسيا خلتلي مكياج ترابي ما ردت اروح عصالون لان كلت ما اريد اطلع بلمرتين هيج كلش واو المكياج حتى ايصير الزواج مميز اسيا جانت اتمكيجني واسراء اسوي شعري
خليت شعري مفلوت وخليتلا طوقه والفستان طلع كلش حلو والفستان الزواج هم شفتا والكل انصدم بي على ما حلو
طلعنا جان يامن وابن عم مهيمن والثاني يوصلونا طلعت اني ويا يامن ورا واسراء وماما وخالتي وغزل وجود وياي لفيت روحي لف كبل لا اطلع طبعا توصيات مهيمن وصلنا وشلحت ورتبنا كلشي وبلشو يجون المعازيم كلشي جان حلو لي حد ما اجو
جنت واكفا ومهيمن دخل وشايل بوكيه ورد احمر جان لابس لبس كاجويل كلو اسود وفاتح اول زرين من القميص طالع شكلو كان رجال العمال كلش كان حلو
دخل وجانو عيونا عليا جان يضحك وعيونه كلها حب اول ما وصل مسك ايدي وباسها ضحك ورجع فرني وسحبني عليه وحضن خصري وباس راسي وحجا وهو يباوع بعيوني
مهيمن :طالعه اشلين عرج كلبي وين اضمج اني
ضحكت وهو عطاني الورد شفت اكو كرت بي بس استحيت اشوفا كعدنا وبلشت الحنا والمراسم وهيج اجو جابو الحنا مهيمن حناني وطلع من جيبا ورقه وحطها بيدي وشدها
رحعت حنيتا ولفيتها واخذنا صور شكثر كلش اتونسنا
رجع باسني بخدي شويه وطلعو اجت شمس علي وبوستني وحضنتني وحجت
شمس :وعلي مشتاكتلج ولج بس والله ما صحلي اجي البارحه
_عادي قلبي
حجت هل كلام وراحت ونحنا كلش اتونسنا جانت حفله من العمر من رجعت بسرعه شلحت الفستان ردت انام انتبهت على باقه الورد شلتا وشميتا انتبهت عل طارت فتحتا جان مكتوب
مهيمن :انت الاختيار الصح الذي افتخر فيه امام الجميع
قريتها وضحكت ونمت وما حسيت الا على صوت التلفون شفتا مهيمن
مهيمن :اميرتي الحلوه ولج اشطالعه اليوم
_اممم
مهيمن :ولج نايمه
_اي والله تعباني غجلي عيوجعوني متو تعب
مهيمن :سوده عليا ولج جا العرس شلون تصبرين
_عادي هم من ارجع انام
مهيمن :حتى اكسرج
_لكن ما ازوج اشني هاي حفلا وتعباني من الصبح والله ما علي
مهيمن :الله كريم حبيبي نشوف منو يخليج اتنامين
_والله ما علي الا انام وما اقعد اشقد حلو زي
مهيمن :اسكتي ورجعي نامي رايح اني
_قول هشكل من البدايه ونبي تعباني
مهيمن : بيا ولا بيج فراشتي
_اسم الله
سكت شويه واني حجيت
_مهيمن اسد التلفزن لو نعمل من هذوي العشاق الي ينامون على صوت بعض لا عشتو
مهيمن :ولج ما احلف عليج بس اعتقد شاربا شي روحي بويه نامي هو بعد باجر واتكونين عندي واني اعلمج
_عود خوش
ردت اسدا حجيت
_مهيمن
مهيمن :روحه
_احبك
مهيمن:اعشكج حيل عرج كلبي
****بنات لا تنسون اتعلقون
حجا هيج وسديتا ورجعت نمت ما كعدت لي العصر شفت مهيمن متصل وداز
💬حبيبي صباح الخير
💬ما راح اكدر احجي وياج اليوم كلش مشغول من افضا احجي وياج
قريت الرسايل واتصلت بي هو رد
مهيمن:ها حبيبي
_حبيت اسمع صوتك
مهيمن :اروحلج فدوه كبد
ضحكت وسمعت صوت ايناديه هو حجا وياهم ورجع حجا
مهيمن :حبيبي لازم اروح احبج كلش هواي
حجا هيج وسدا واني رحت شفت البيت هوسا رحت اكلت وسمعنا صوت الطبل والزغناي وهوسا ردنا نشوف بس ابويه شايل مفاتيح السطح حتى ما نطلع ضلينا انحوص بس ما كدرنا حتى نطلع واتي ردت اشوف مهيمن لي اليل ابويه جان ما موجود رحت على غرفت امي اخذت المفاتيح وصيحت علبنات على اساس انروح على غرفتي وطلعنا
شفنا الاجواء كلش حلوه انتبهت على مهيمن لابس دشداشه سوده والسلاح على خصره ولابس الغتره البيضه جان طالع كلش حلو كزكزت على شكله
والبنات كل شويه وحده تحجي على واحد
شويه وشفت مهيمن يحجي ويا المطرب راح وكف بنص وطلع المسبحه صار المطرب يغني وهو يركص جوبي جان شكله كلش كلش حلو والبنات مصدومين ضحكت اني وضليت اباوع عليه وهو يركص ويفر بسبحه
يا يمه انطيني الدربيل
لانضر حبي واشوفه
لابس عبايه شغل الدير
تبرز ما بين جتوفا
هب الهوه يطيبو
من بيت اهل الحبيبو
بشرع المحبه كالو
كلمن ياخذ خطيبو
داير طارز علموده
فوك الكذله يطرزنو
والطول ناقه جنو
والله لعلي قصري
وفك القصر طياره
بلوه ابتلينا بحظري
بلوه ابتلينا بحضري
نحنا عرب سياره
يا يمه انطيني الدربيل
لانضر حبي واشوفه
لابس عبايه شغل الدير
تبرز ما بين جتوفا
ضليت صافنه بيه لي حد ما نزلنا واني نزلت رجعت المفاتيح بمكانهم وطلعت
لي اليل قريب التسعه جنت كاعده مع البنات اجو خالاتي ونسوان عمامي اني استغربت ونسيت اصلا شنو ايريدون خلو البنات كلهم يطلعون واني ضليت صفنت بيهم وخالتي حجت
هديل :اي تماره خلينا انعلمكي اش غاح ايصيغ غدا
اني فزيت من سمعت الموضوع وحجيت
_والله الي تحكي شي ما ازوج ونبي اسكتو الي اعغفو ايكفي ويوفي
مرت عمي :بس ما ايصيغ لازم انقللكي
_ها ومن كنتم تحكون الخالاتي انقللكم اش قتملم اتقولون ما لكم دخل وهسه اتغيدون اعغف ما اغيد شكرا
حجت مرت عمي
مرت عمي :ولي غيغ لازم تعغفين
_ما اغيد ونبي بلا شي انا خيفي وعدغجف اششش كشي ما اغيد اسمع
حجيت هيج وخليت ادييه على اذاني
ضلو يحجون ويحاولون يقنعوني واني رافضا خفت افكار كلش هواي تجيني خايفه من مهيمن ومن الي راح يصير خايفه من حياتي لان اليوم راح انام بغرفتي بس باجر راح انام مع مهيمن كلش خايفه ومتوترا طلع الحجي سهل بس من تجي وكتها كلشي يختلف ضليت بغرفتي واني افكار اجيبني وتوديني شفت اتصال من مهيمن فتحتا وهديت نفسي واجاني صوتا
مهيمن:مستعدا لباجر العرس مالنا
_لا ما اغيد ازوج
مهيمن :انجبي حبيبي
_مهيمن يعني غدا اش ايقعدني من الصبح عصالون
مهيمن :غصبن عليج تكعدين
_هو بكيفك
مهيمن: حبيبي
_ها
مهيمن :شبيج احجي
_ما بي شي
مهيمن : احجي ولج شبيج
حجيت والغصه بلعومي
_مهيمن خيفي من غدا والله خيفي هسه جو هجوم علي وانا طرتوهم وهسه خيفي ونبي
حجيت هيج وبجيت
مهيمن :هسه عليمن البجي مسحي دموعج ترا ما يسوا والله الخوف
_يعني شيفني مزوجي قبل حتى ما اخاف
ضحك وحجا
مهيمن :صح ما لومج
_مهيمن
مهيمن :هسه انت منيش خايفه
_منك
مهيمن :افااا فراشتي خايفه مني طز بكلشي المهم انت وياي ما اريد بس اغفا بحضنج ولو ابقا طول العمر هيج عادي المهم انت ما تزعلين
_اخاف لا ما اكون قد المسئوله اخاف لا اقصر معاك ومع اهلك
مهيمن :اكون وياج ما اتركج واذا غلطي اعلمج وامي مثل امج لا اتخافين من شي دام اني وياج وانت كد المسئوليه واعرفج وواثق منج اني
_ما راح تتغير علي بعد الزواج
مهيمن :لا حبيبي من هاي الناحيه لا اتخافين بويه
_احبك انا ذيبي
مهيمن :اعشكج حيلي يحيلي
حجينا شويه وهو كدر يغير مزاجي بطرقته وحجا وما تركني لي حد ما نمت وما حسيت الا على امي اتكعدني الصبح
مع انو جنت خايفة بس هسه متحمسا كلش رحنا عصالون اني وامي وام مهيمن وشمس سويت المكياج والتسريحه كلش طلع حلو اجا علينا يامن ورجعنا
اول ما فتت استقبلوني بلهلاهل والديجي جانو مشغليه فتت سبحوني بلعطر والبوطره على كل جسمي لبست الفستان وباوعت على نفسي بلمرايه كلش طالعه حلوه استغربت من نفسي جان الفستان ستن وبي لولو فضي عل صدر والكتاف
كلش جان حلو شفت امي تبجي حضنتها واني هم بجيت
الكل كامو يجون علينا رجعنا ضحكنا واني كعدت لبين ما يكملون اجا بابا وشافني لاول مره اشوف بابا يبجي كلش اتاثرت حضنتا وبجيت واخويه هم سلم عليه وحضني حسيت بل فعل راح اشتاقلهم صح مرات ازعل منهم ويقسون عليه بس بعمري ما كرهتهم اشويه واجت الزفه ودخل
مهيمن جنت دايرا ضهري وهو لمس كتفي ودرت نفسي حسيتا انصدم وعيونه تلمع حضني وباسني وعطاني الورده دخل بابا والكل سكت من حجا
ياسين :مهيمن ابني الغالي وصديقي راح اسلمك بنتي قطعه من غوحي اول فرحه بعمري دير بالك عليها وخليها بعيونك هاي امني يمك لا ازعلا بيوم ولا تبكيها واذا بيوم جت عدنا وزعلاني وكن اذيتا ترا ما يصير خير دايما اذكر انو نحنا بضهغا وهاي انا اسلمك الاماني حافض عليها وخليها بعيونك
(مهيمن ابني الغالي وصديقي راح اسلمك بنيتي قطعه من روحي اول فرحه بعمري دير بالك عليها وخليها بعيونك صارت امنه يمك لا ازعلها بيوم ولا اتبجيها واذا بيوم اجت وهي زعلانه واذيتها ترا ما يصير خير دايما اذكر انو نحنا بضهرها وها اني اسلمك الامانه حافض عليها وخليها بعيونك )
يتبع .....
#الفاتنة و الذيب
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo