الحلقه (٢٩)
بقلمي أية امير
ساقت لحد ما وصلت قدام شقه وراحت نزلت من العربيه قربت منها
شروق .....انا اي خلاني اجي هنا قولت اني مش عايزه اجي القاهره اديني جيت هنا و كمان جيت ل مكان ده
وقفت تعيط بحرقه كبيره اوي حطيت أيدها علي الباب اخبط ولا لا طيب مش قادره اتخيل اني جيت قدام الشقه دي وواقفه كده كان لازم اكون مصممه علي كلامي اني مش اجي القاهره
كانت غرقانه في التفكير و ما بين حيره أنها تخبط أو انها تمشي
شروق. لا لا مش هقدر ادخل أو اخبط مش هقدر اعمل كده خالص
وراحت رجعت وقفت قدام العربيه . مش قادره اركب ومش قادره امشي و كأني عايزه ادخل.وفي نفس الوقت حاجه كأنها بتمنع فيا
بصيت علي شقه اوي لقيت الانوار جوه شغاله.. معني كده أنها صاحيه
لقيت باب الشقه بيفتح وراحت اديت ضهرها ..انا لازم أمشي من هنا. لازم امشي قبل ما تشوفني
وراحت ركبت العربيه بسرعه و تسوق و هيه عماله تعيط. انا وحشه اوي وحشه لدرجه اني مش قادره. وحشه لدرجه اني حتي طفلي فشلت في اني اكون له أم وحشه لدرجه كبيره اوي
فضلت تعيط لحد ما وصلت قدام الكورنيش ونزلت من العربيه تبص علي البحر . هربت من هنا علشان اهرب من بحر ذكرياتي اللي ليا هنا. .بس للاسف جيت و الذكريات عماله تيجي قدام عيني . كل حاجه عماله افتكرها
كانت في حاله صعبه اوي دموعها مش عايزه تقف. دموعي عماله زي البحر اللي لا عايز يخلص ولا عايز يقف حتي. هفضل لحد امتا كده .مش قادره أخرج من اللي انا فيه. ..يارب انا تعبت و قلبي مبقاش قادر يستحمل خالص
وراحت رجعت ركبت العربيه وهيه عماله تمشي في الشوارع . احساس صعب اوي اوي اللي انا فيه ده. انا واقفه محلك سر مش عارفه اتقدم خطوه أو ارجع خطوه لورا. مش عارفه اعمل اي حاجه خالص
وصلت الفيلا ودخلت الجنينه لقيت جاسر قاعد قدام حمام السباحه .... كنتي فين اومال يا شروق
شروق. كنت بشم هوا عن اذنك انا طالعه ارتاح. علشان تعبانه اوي و محتاجه ارتاح
جت تمشي وقف قدامها. . استني انتي شكلك معيط اوي كمان تقدري تقولي مالك لو في حاجه صدقيني هقف معاكي و يمكن نلاقي حل سوا
شروق .. مظنش أنه يخصك اصلا ..وانا مش عايزه احكي لو في حاجه هحل الحاجه دي مع نفسي و اكيد مش هاجي أسألك حتي
جاسر. مش فاهم طريقتك معايا ده كده ليه.. علفكرة انا مش زي شباب اليومين دول واني بعمل كده. كنوع شقط مثلا او حاجه زي دي لا والله
شروق .. كلكم مقرفين كلكم بلا ضمير اصلا حقيقي انتو ازاي كده ازاي و لما بنت تقولكم لا ساعتها تعملوا رهان و تحدي انكم توصلوا ل بنت دي حتي لو طريقه دي كانت اي . انتو معدومين الضمير ..بكرهكم كلكم
جاسر . اي كلام ده..لا طبعا مش كلنا. و اكيد صوابعك مش زي بعض
تعيط بحرقه ..بكرهكم بكرهكم
جاسر جه يحط أيده علي كتفها راحت صرخت في وشه .اوعي تلمسني اوعي تحط ايدك عليا لا لا
فضلت ترجع لورا و هيه خايفه .مش هسمح لك تقرب مني . . مش هتيجي جنبي ولو حاولت هدافع عن نفسي المره دي
استغرب من كلامها. اهدي بس مافيش حاجه انا مش هعمل حاجه اي تفكير ده بس يا شروق في اي وليه كل الخوف ده كله
شروق ..متقربش مني ..اوعي تقرب خليك واقف مكانك..لو قربت هتشوف هعمل فيك اي
جاسر . يابنتي بطلي جنان . انا معملتش حاجه اصلا ولا هعمل اي التفكير ده
فضلت ترجع لورا وكانت قريبه من حمام السباحه. اقفي وراكي حمام السباحه يا شروق
رجلها تكعبل وقبل ما تقع راح مسكها بسرعه وشدها عليه ... متخفيش
بصيت له و اول ما لقيت نفسها قريبه منه بعدت و نزلت بقلم علي وشه .قولت لك اوعي تحط ايدك دي عليا اصلا
وراحت طلعت تجري علي فوق وهو أنصدم. مجنونه دي ولا اي ازاي أصلا تمد أيدها عليا بشكل ده...حصل ل عقلها حاجه
وراح طلع وراها وهو زي المجنون وقبل ما تقفل الباب راح زق الباب
تتخض. .في اي انت جاي كده ليه اطلع برا. .ازاي تزق الباب كده انت عايز مني اي
جاسر. انتي ازاي تمدي ايدك عليا .انا كنت بساعدك وانتي تعملي كده.. انتي واحده مجنونه
كانت بدأت تخاف اوي من وجوده معاها في اوضه واحده و كان عمال يقرب و هيه ترجع لورا ..اقف عندك أخرج برا. أخرج من هنا
جاسر. مش هخرج لو انتي واحده مجنونه يبقي روحي ل مستشفي أمراض نفسيه انا ماليش دخل في جنانك اصلا ده ولا ها طلعي عفاريتك علينا
شروق . اطلع برا بقولك
راح مسكها من أيدها. بت انتي في اي
.انا عملت اي علشان تعملي معايا كده.
اول ما شافت أيده علي أيدها بشكل ده تجري الرعشه في جسمها.كله و تخاف وراحت قعدت علي الارض وفضلت تصرخ ..لا لا مش هتعمل فيا حاجه ابعد عني ابعد
حطيت أيدها علي وشها و هيه عماله تصرخ وقف مكانه مصدوم من الحاله اللي هيه فيها..مكنش عارف يقرب يهديها وهيه صريخ مش عايزه تسكت . اسكتي اهدي
خرجوا كلهم علي الصوت و راحوا طلعوا بسرعه ليها حتي جليله ومهران
مديحه . شروق بنتي في اي شروق مالك في حاجه
كل اللي عليها عياط و كأنها بيمر قدامها شريط مش قادره توقفه... شروق اهدي هيه مالها
جاسر . مش عارف يا طنط مديحه
شروق ..خلوه يطلع برا. انا مش عايزه حد. خلوه يبعد عني اوعوا يقرب مني محدش ها يقرب مني
كانوا مستغربين من كلامها اوي جاسر نفسه مصدوم.. شروق انتي خايفه مني ليه شروق انا مش وحش أنا خايف عليكي و قولت اشوف مالك . كنت عايز أساعدك بس
مهران.جاسر هو حصل اي
جليله كانت خايفه من كل اللي بيحصل ده شروق تعيط اكتر. طلعوه برا
قرب منها ونزل ل مستواها و بحسن نيه حط أيده علي كتفها. اطمني مافبش حاجه وحشه هتحصل ليكي يا شروق . خوفك مالوش داعي اصلا
راحت صرخت و عيطت اكتر من ايده و تكش في نفسها. شيل ايدك من عليا
تولين. جاسر بلاش تحط ايدك عليها. هيه شكل في حاجه
جاسر . انا معملتش حاجه وحشه يا تولين
غنيم .جاسر اطلع برا سيب البنت
جاسر ..انا عملت اي يا بابا انا حقيقي . معملتش حاجه ومش عارف سوء التفاهم ده اي
حنين. جاسر خلاص دلوقتي طيب
جاسر. بس يل ماما
مهران بص جنبه. اي ده جليله كانت واقفه هنا جليله راحت فين
كلهم أنصدموا .اي جليله
حتي شروق لما سمعت كده قامت بسرعه. .جليله مالها في اي
مهران. مش عارف كانت واقفه هنا جليله انتي فين
خرج بسرعه راح اوضه. مش في اوضه
بدأوا يدوروا عليها في الفيلا .. جليله مش في الفيلا ملهاش اثر خالص هنا
مهران. اي ازاي هتكون راحت فين. اكيد خافت من اللي حصل. ده و العياط و صريخ اكيد افتكرت حاجه من اللي تعرضت لها جليله انتي فين
تولين. معقوله طلعت برا ولا حاجه
مهران. اي معقوله فعلا تكون .. طلعت انا خارج برا اشوف جليله
جاسر ..يلا انا جاي معاك يا مهران يلا بسرعه
خرجوا بسرعه و كان مهران مرعوب . ليه خرجتي يا جليله ليه
وعند جليله خرجت من الفيلا يعد ما شافت شروق بمنظر ده خافت و اتخيلت في الوقت ده ابوها و عذابه ليها
ماشيه في الشارع عماله تعيط و جسمها عمال يترعش اوي
وفي سرها .انا خايفه اوي .انا بقيت اخاف من كل حاجه .. انا تعبت اوي تعبان ومش عارفه اعمل اي
كانت عماله تفكر وهيه ماشيه في عالم تاني مش حاسه بأي حاجه
وفي عربيه مهران عمال يدور عليها. يارب استرها عليه هو اي اللي عمال يحصل معانا ده. بس ياربي
جاسر .اكيد هيه قريبه اكيد مش بعدت عن هنا. هيه تلاقيها خافت من اللي حصل الدكتور قال اصلا جليله مينفعش تتعرض ل ضغط أو زعل ة طريقه شروق و عياط شروق خلاها تكون في حاله زي دي
مهران. ايوا اكيد . ربنا يسترها عليها .انا هموت من خوفي عليها. انا بخاف عليها من كل حاجه
فضلوا ك.ه. اهي جليله اهي ماشيه هناك
راح نزل من العربيه بسرعه. جليله استني جليله . اقفي متخفيش يا جليله انا جيت لك
كانت ماشيه وهيه مش حاسه مش سامعه غير صوت واحد بس وهو ابوها وهو بيقول . هخلص عليكي و اغسل عاري فضحتيني وسط الخلق
فضلت كده ماشيه مش حاسه راح جري وراها و عربيه جايه علي سريع اوي.. جليله جاسبي جليله اقفي بقولك يا جليله ...
مكانتش لا شايفه العربيه ولا سامعه صوته راح جري عليها وقبل ما العربيه تخبط جليله كان شدها عليه وقغ ورأحت وقعت فوق منه وكان خد هو الواقعه كلها
جليله بصيت له بخوف. متخفيش يا جليله مافبش حاجه . كله تمام . اهدي ماشي
جليله بصيت علي دماغه اللي انجرحت من الواقعه وتعيط. عليه بخوف. جليله اهدي مافبش حاجه
وراح قام وقوم جليله .انتي كويسه يا جليله في اي حاجه ولا حاجه
جليله تشاور علي دماغه وراح حط أيده علي دماغه لاقي دم ... متخفيش عليا جرح بسيط . انا خوفت عليكي ينفع تعملي كده يا جليله. و تخليني اخاف عليكي بشكل ده يا جليله
قرب جاسر عليهم بسرعه .انتو كويسين. مهران دماغك
مهران. متخفش انا كويس وبعدين ده جرح بسيط مافيش حاجه كبيره اطمنوا يلا بس نرجع وبعدين الجو برد عليكي يا جليله في وقت زي ده تعالي معايا
خدها و ركبوا العربيه و ساق جاسر وهو مسك أيدها . اوعي تعملي كده مره تانيه و تمشي يل جليله ماشي. و متخفيش من اي حاجه
وصلوا علي الفيلا ورأحوا دخلوا الفيلا و جريوا الكل عليها. جليله انتي كويسه. في حاجه ولا حاجه كله تمام
مهران وهيه كويسه يا طنط بلاش تشيلي هم اي حاجه خالص
شروق تقرب منها. انا اسفه انتي خوفتي كده بسببي انا يا جليله. معلش مكنتش اعرف هيحصل كده يا جليله معاكي
جليله تبص لها بمعني انتي كويسه
شروق .انا كويسه يا جليله. و حقك عليا ماشي يا حبيبتي
وحضنت جليله
تولين. بلاش تعملي كده مره تانيه. متعرفيش كلنا خوفنا عليكي اوي ازاي يا جليله
جليله تهز دماغها ل تولين
حنين .خد مراتك يا مهران و اطلع ارتاح بيها و اكيد هيه كمان تعبانه
مهران. حاضر يا ماما .يلا تصبحوا علي خير عن اذنكم يقا
وراح طلع ب جليله علي فوق
مهران. . جليله انتي رايحه علي فين كده
راحت دخلت جابت علبه اسعافات اوليه وقربت من مهران. هتعملي اي متقلقيش والله جرح بسيط
جليله راحت طلعت و بدأت تطهر له الجرح وهو كان سرحان فيها راح مسك خصلات شعرها
مهران. لا متبصيش اوي كده احسن انا ضعيف قدامك الصراحه .. وبعدين لما تبصي كده هشيل ايدي يغني لا خالص بالعكس
راحت ضربته في قلبه. اه قلبي ينفع كده .وجعتي دقه قلبي ليكي يا هانم
تضحك عليه طهرت له الجرح وراحت تشيل العلبه وراحت قعدت جنبه. عايزه تقولي حاجه
تهز دماغها ب اه راح جاب لها دفتر. خلي الدفتر ده معاكي كل ما تحبي تقولي حاجه ..اكتبي هنا
جليله. خدت منه و كتبت ..هو انت لما عرفت الحقيقه شفقت عليا انك انت السبب في كل ده .ولا . انت فعلا كنت عايزني
ضحك. لا شفقه اي ياستي. ..مش شفقه خالص. اقولك علي سر يا جليله .قبل ما كان المفروض فرحك علي جاسر..كنت ها تجنن و انا شايفك كده ..و هتكوني معاه قلبي كان حاسس بيكي ..و يوم الفرح لقيت نفسي بتمني تكوني مراتي انا. كنت مستغرب .بس بعد ما خلصت امنيتي لقيت جاسر بيسلمك ليا رغم فرحتي بس كنت مصدوم اللي هو بقول لنفسي هيه امنيتي لحقت تتحق و تكون حقيقه.. احساسي بيكي من بدايه كل حاجه كان غريب كنت عايزك وحسك ليا ..حسيت مشاعر غريبه.
وعمرها ما تكون شفقه
مسك أيدها و حط ايد جليله علي قلبه . شايفه ده حس بيكي ة دق لك يا جليله. كان عارف انك اصلا ملكي . مكدبش في إحساسه بس انا اللي كنت مستغرب من الإحساس حاسه بدقات قلبي كده وانتي ايدك علي قلبي
كتبت له. كلامك فرحني اوي كنت خايفه يكون مجرد شفقه بس كلام ده مهم اني سمعته الصراحه
مهران. ولا عمره هيكون شفقه يا جليله وبعدين يلا ننام يا حبيبتي غلشان ترتاحي
لاقاها دخلت في حضنه. استغرب بس فرح اوي وراح حضنها و ناموا و هما مرتاحين
تحت
شروق. اسفه علي الفوضه دي كلها حصلت بسببي انا معلش بجد
تولين..بلاش تقولي كده. المهم انك كويسه يا شروق وده المهم يا شروق
شروق ..شكرا يا تولين . حقكم عليا يا طنط انتي و عمه و حضرتك يا طنط مديحه
مديحه .. شروق بلاش تفكري بشكل ده خلاص مافيش حاجه حصلت
غنيم. عادي يابنتي بلاش تكبري الموضوع..بس بلاش تفهمي جاسر غلط. جاسر انسان نضيف لو شافك عريانه قدامه ها يغطيكي من غير ما يأذيكي. يا شروق و خليكي عارفه ده كويس اوي
شروق ..اكيد يا عمو .بس انا اعصابي تعبانه شويه ..هو معملش حاجه بس انا اللي خدت الموضوع بطريقه تانيه
حنين. عادي ياحبيبتي حصل خير ..هو انتي فعلا شكلك تعبان. خلاص مافيش حاجه
شروق . شكرا يل طنط حنين عن اذنكم أنا طيب
وراحت طلعت و هما كانوا مستغربين . البنت دي وراها حاجه خوفها مره واحده بشكل ده. كده وراه حاجه كبيره
تولين .عندك حق يا بابا ..وهيه موجوعه اوي اوي
حنين. باين عليها ده .و عقده فيها كبيره بردوا
مديحه .بلاش تخافوا منها دي قلبها ابيض اوي ومش وحشه والله يا جماعه
حنين. لا يا مديحه .انتي فهمتي غلط . قصدنا أن في حاجه خليتها تكون بخوف ده فهمه قصدنا
مديحه . فهمه هيه فعلا شكلها تعرضت ل حاجات صعبه اوي اوي .. منعرفش هيه اي . بس هيه موجوعه اوي
تولين. عندك حق يا طنط مديحه باين عليها فعلا انها موجوعه اوي و في حاجه
و شروق طلعت اوضه و كانت حزينه من اللي عملته ده و خصوصا أنها كانت أفور اوي بس هيه فعلا كانت خايفه اوي..اي اللي عملته ده مكنش ينفع خالص خا يقولوا اي دلوفتي عليا . انا فعلا خوفت اوي لما لقيته قريب . انا مش بتعامل مع رجاله يعتبر من ساعه اللي حصل و معامله لو حصل بيكون في شغل في حدود شغلي
انا لازم اعتذر منه علي اللي صدر مني ده
وكانت حزينه من كل اللي عمال يحصل معاها
مبقتش عارفه المفروض تعمل اي
جاسر .هو كمان كان مستغرب كان عمال يفكر ليه عملت كده كان في حيره
وناموا كلهم اخيرا ومر اليوم عليهم بشكل عادي و تاني يوم
كان مهران جهز كل حاجه خلاص علشان ياخد جليله علي المستشفي طلع ياخد جليله غلشان يروحوا لاقي
وبكده خلص الجزء ده
بقلمي أية امير