سبحان الله وبحمده سبحان الله العظيم ♡
دارٍ بلا نوره ماهي معموره ............
(يوم الجمعه) الصبح
ام سحاب : ياختي برجع البيت تبين معي؟
ام عبدالله: اجلسي اليوم امي مرتفع ضغطها
ام سحاب: خلاص نجلس اجل تروح نوره وراها جامعه بعد بكرا
ام عبدالله: الا على طاريهم وينهم مختفين ليكون للحين مطرودين؟
ام سحاب: شفتها راقده عندي
ام عبدالله: ايه اشوا ولا كان ذابحهم البرد
ام سحاب : ايه والله
ام عبدالله: بروح اسوي الفطور
ام سحاب: بسويه معك
وراحو للمطبخ يسوون فطور
دخل عليهم بهاج بسروال وفنيله ويحك راسه: يمه
ام عبدالله: بسم الله الرحمن الرحيم وشتبي
بهاج:وش الفطور؟
ام عبدالله: فطور عادي
بهاج: ايه زين
ام عبدالله:بهاج وش قوم عيونك تعبانات متى نمت امس؟
بهاج: ٢ الليل بعد ماطمرنا الجدار
ام عبدالله: صادق ابوي يوم قال سرابيت مجمع
بهاج بضحكه: افا يا يمه هههههه
ام سحاب:بهاج بالله عليك رح قوم نوره وودها للبيت تجهز وراها جامعه
بهاج بأبتسامه: عز الطلب
ام عبدالله بضحكه: ليت والله تبتسم دايم هههههههههه
ام سحاب بضحكه: معذور يالجوهره بيروح للوليفه ههههههه
بهاج ابتسم
ام عبدالله: معذور معذور
وطلع متجهه لغرفه خالته ام سحاب
بهاج قعد يطبل بالباب ويغني: نوره يانوريي قوميي قداميي اشوفف
نوره بنوم: توو الناسس انقلع
بهاج بتلحين لـ صوته: اصحى يانايم وحدد الدايم ، شرايك بصوتي بس ؟
نوره :نشاز
بهاج : الناجح دايم محارب
نوره : سكر الستاره واطلع بنام
بهاج تربع عندها: اسمعي خالتي قالت ان ماقمتي تجيك بالقدر تهبدك فيه
نوره: خمس دقايق واقوم
بهاج: لا الان تقومين
نوره: مابغى اقوم بدريي مانمت زين
بهاج بتقليد لنوره:مابغوءء
نوره: قم قم عني بنام
بهاج: عدت خمس دقايق يلا قومي
نوره: ماعدت دقيقه
بهاج : اسمعي عاد بقولك العلم وبودي ثيابي للمغسله اليوم جمعه ياختي
نوره: ايه اسلم يابو مطلق
بهاج: العلم ومافيه ان خالتي تقول خذ نوره وودها للبيت وراها جامعه
نوره انصرعت: يعع مابغى اقوم الصبح
بهاج بضحكه: قومي قومي ماهي ثانوي هي هي جامعه يمكن الدكتوره تلغي المحاضره وترجعين تنامين
نوره: الحمدلله لكن بطني يوجعنيي
بهاج: عادي عشانه اول يوم
نوره : يمكن
بهاج: اخسس والله وصرنا جامعيين ها؟ هههه
نوره :تشوف خلاص جامعيه مستجده لاعاد تكلمني
بهاج بضحكه: اخر شي تفرين السيب مليون مره تدورين الكلاس ههههههه
نوره: شمات
بهاج بضحكه: بقره تائهه في بحر العلم هههههههه
نوره بضحكه: بقره غارقه هههههههه
بهاج مد يده بمعنى كفك :ايييي ههههههه
ام سحاب: خير ان شاء الله مرسلتك تقومها قاعدين تضحكون قومو يلا قداميي اشوف الفطور جهز
بهاج: هابشري يـ خالتي
نوره: جديده لسى زعلانه مني؟
ام سحاب بأبتسامه:لا طبعاً
نوره تقدمت وحضنت جدتها وجدتها بادلتها الحضن
بهاج : لقاء الاحبه
نوره : لقاء العظماء هههههههه
بهاج:هههههههههههههههههه
ام سحاب: يلا الفطور
بهاج اتجهه لباب : باكله قبل تجون
نوره لحقته:ماتاكله كله وانا موجوده
ام سحاب بضحكه: خبول وتزوجو وش هاقيه منهم ههههههههه
_______________________________
(بيت ابو عبدالله)
ابو عبد الله : غدير وانا ابوك اتركي هيام لاتقعدين تلاهدينها
غدير: يا يبه انا ماسوي شي هي الي قاعد تضغطني وتستفزني
ابوعبد الله: مشيها
غدير: بمشيها
ابو عبد الله : كفو بنيتي
غدير ابتسمت
ابو عبد الله : امك متى تجي وبهاج وشلونه ؟
غدير: امي احتمال تجي بكرا او بعده وبهاج طاير بنوره
ابو عبد الله بضحكه: ياحبيبتي يانوره اسعدت هالولد هههههههههههههههههه
غدير : ماشاء الله عليهم الله يخليهم لبعض
ابو عبدالله بأبتسامه: امين
دخلت هيام ومن وراها وئام
وئام : السلام عليكم
ابو عبدالله وغدير: وعليكم السلام
غدير: داخله على كفار انتي ؟ عاجزه تلقين السلام؟
هيام: سوري عمو
غدير:وعععع
ابو عبدالله:خلاص اهجدوو
هيام: عمو انا بطلع لصحباتي
غدير بهمس: سبحان الله فجأه طريقه الكلام تغيرت
ابو عبدالله: قولي لزوجك
هيام: بهاجي مايرد علي
ابو عبدالله: احد يطلع لخوياته الصبح؟
هيام بدلع متصنع: ايوا ياعم
ابو عبدالله: خلاص روحي ولاتميعين كلامك
هيام: تمام
وراحت وجلس ابو عبدالله مع بناته يسولف معهم
_______________________________
(الديره)
الصباح مع قطوات الماء الخفيفه وبراد الجو والفطور المتواضع وجلسه مع الوليف
بهاج قاعد يعطي نوره من كل اصناف الاكل عشان تشبع
نوره: خلاص بهاج شبعت لا تعطيني
بهاج دخل خبره بفم نوره : كولي وانتي ساكته
نوره : بس خلاص
بهاج: حدري حدري اللقمه
نوره : الحمدالله شبعت كل انت ماكليت
بهاج: لفيت عشر صحون تقريباً
الجده ام زيد: صحه
بهاج: صح بدنك
ام عبدالله:نوره خايفه ولامتحمسه للجامعه؟
نوره: مدري ياخالتي نص خايفه ونص متحمسه
ام سحاب: بس اول يوم معليك
بهاج تعمد يخوف نوره: ياويلك يانوره من الكرف والضغط الي بيجيك
نوره: ترى الي فيني مكفيني ادعمني حفزني تقول هالكلام ليش
الجد ابو زيد : ولد والله اي احد يخوف النوري لااذبحه
زيد: من حضك يانوره ابوي وقف بصفك
نوره بضحكه: لان الحق معي ههههههههه
بهاج: كلعاده انا ولد البطه السوداء
ام عبدالله: انا صرت بطه الله المستعان
بهاج : محشومه يايمه
ام سحاب : بهيج الجامعه بعيده؟
بهاج : سجلتها بجامعه بين الديره والرياض تدرس فيها وئام وبنات عمي كلهم ومحمد يقول صيته تدرس فيها بعد من حضك يانوره بس لاتعلمين احد انك سجلتي فيها عشان تفاجئينهم
نوره بفرحه : بهاجج صيته تدرس بالجامعه؟!!
بهاج بأبتسامه: ايه
نوره كذا بدون مقدمات حضنت بهاج بدون لاتحس على وجود ام زيد وابو زيد
الجد ابو زيد هبد بهاج بالعصا: ايا الي ماتستحون على وجيهكم تقلدون الاجانب !!
نوره اخيراً حست على نفسها وابتعدت عن بهاج
بهاج تنهد :الله يسامحك ياجد انت قاتل المتعه
الجد ابو زيد : ماهو عندنا عاد
ام عبدالله : عادي يايبه كلها حضن تعبر عن فرحتها
الجد ابو زيد: تقدر تعبر فرحتها بالكلام
زيد وبهاج كانو ميتين ضحك على وجهه نوره الي قلب احمر من كثر الفشله
زيد بضحكه: ماظن تخطين ذا الموقف هههههههههههههههههه
بهاج بضحكه: وان تخطته بذكرها فيه ههههههههههه
نوره كانت تشر لهم بمعنى اسكتو يرحم والديكم
ام سحاب : نوره قومي اهبديهم
بهاج : لاياخاله نوره قناصه تجينا الضربه براس
نوره خذت علبه المنديل ورمتها على بهاج وزيد: ماطلبتي شي ياجديده
بهاج مسك علبه المنديل : ماقلت لكم انها تصوبها براس هالقناصه ههههههه
زيد: دام كذا يابهاج دخلها عسكريه اشوا لها
بهاج بضحكه: بوظفها حارس يحرس الباب الي عندي حتى مو حارس امن هههههه
زيد:هههههههههههههههههه
نوره : يبي يقول ذبه قال سالفه
زيد:ههههههههههههههه
ام عبدالله بضحكه: زيد طرف ثالث هههههههههههه
زيد :ههههههههههه
الجده ام زيد : ها فتح نحره والله مايسده
الكل:هههههههههههههههههه
وخلصو اكل واتجههو للمجلس يتقهوون ونوره كانت تقهويهم
بهاج : اخخخ اول مره تصير قهوه شغاله جدتي حلوه ههههه
نوره : طبعاً حلوه لان انا سويتها
بهاج: يعع خايسه مو حلو طعمها
نوره : اجل لاتشرب
زيد : صبي صبي
نوره تقدمت وصبت قهوه لـ زيد
بهاج : صبي لي فنجان ياقبله ****(يقصد قبيله نوره)
نوره شاش راسها وملت فنجان بهاج : ابشر بالسعد
زيد: المشكله كلكم من نفس القبيله هههههههههههههههههه
بهاج بصدمه: نوره ماقلت تحمسي واملي الفنجان
نوره صبت له بـ فنجان ثاني له بس بكميه معقوله: لعلي تحمست
بهاج : كفو كفوو
نوره ابتسمت
بهاج:نوره يلا امشي ارجعك للبيت
نوره:دقايق والبس عبايتي
بهاج :اجل انا بالسياره
و راحت نوره
الجده ام زيد: وين وين انسليتو (رحتو)
بهاج:اولاً بروح المغسله ثانياً نوره برجعها للبيت وراها جامعه لازم تجهز والعشاء بنروح للرياض نشتري لها ملابس
الجده ام زيد : ايهه توصلون بالسلامه
بهاج :الله يسلمك
الجد ابو زيد : بهاج والله ان ماشوفك بصلاه الجمعه اني لااذبحك
بهاج: ابشر اول الحضور ان شاء الله
الجد ابو زيد: ايه هاذا بهاج الي نعرفه
بهاج : عزالله يعزك ياجد
الجد ابو زيد ابتسم
جت نوره : ها للحين هنا
بهاج : ها يلا مشينا
بهاج مسك يد نوره واتجهوو لسياره
ام سحاب: يابعد كبدي هالوجيه الله يخليهم لبعض ويسعدهم
ام عبدالله: امين
زيد: اهخخ متى متى تجي حبيبه القلب واسوي كذا
ام عبدالله: الولد له شهر طايح بالحب
ام سحاب: منهي بس الحين نروح نخطبها لك
زيد: بتأكد اذا تبادلني الشعور ولا لا
الجده ام زيد:ويلي وقله واللي بعد بينكم علاقه بدون زواج!
زيد: لالا يايمه بس بشوف يعني بـ جيس النبض
ام سحاب:لا الولد طايح على وجهه المهم منهي سعيده الحظ؟
زيد: مع الوقت بتظهر نوره تعرفها
ام عبدالله بضحكه: نوره صرت اغار منها خذت ولدي والحين اخوي ههههههه
الكل:هههههههههههههههههه
_______________________________
(شوارع الديره)
بهاج ماسك يد نوره وقاعد يسوق متجهه للمغسله
اما نوره ميتهه حماس للجامعه
بهاج: صديق بالله عليك غسيل كوي مستعجل
العامل: تمام
بهاج : يالله توصي على شي
العامل : انت لازم يجي بعد ساعه
بهاج: حلو
وحرك السياره متجهه لبيت ام سحاب
بهاج : يلا وصلنا
نوره نزلت ودخلت تاخذ لها شور مرتب على الاخر وبهاج كذالك اتجهه لقسم الرجال وخذا له شور
وطلع بهاج اتجهه لجواله الي انفجر اتصالات
بهاج:هلا ياجدي
الجد ابو زيد: وينك ماحضرت بالمسجد!!
بهاج قعد يتأكد من ساعه جواله : ياجدي باقي ساعه على صلاه الجمعه
الجد ابو زيد: يامخنز قم تعال يلا
بهاج: ابشر ياجدي
وراح يجيب ثوبه من المغسله وجاء
اما عن نوره الي طلعت من الشور واتجهت للمطبخ تبخر
بهاج ينادي : نورهه
نوره: هلا
بهاج: ابي بخور
نوره : ادخل تعال تتكلم بـ الحوش ليه؟
بهاج دخل : مدري توقعت صيته موجوده
نوره : صيته وش يجيبها بـ ظهر الجمعه بعدين وش عندنا متغيرين ماكأن قبل يومين مهاوشني على صيته
بهاج : راجعت قراراتي وتأكدت انك انتي العقل المدبر مو صيته
نوره بضحكه: شدعوا ترا افكارنا متشابهه عاد هههههههههههه
بهاج : ايه ماشاء الله واضح الي ماخرب البنت
نوره: لالا محد خرب احد كلنا انا وصيوت افكارنا مشتركه ونطبق افكارنا
بهاج : لاتتطبقون اذبحكم ثنتينكم
نوره:حنا نطبق وفق الضوابط الشرعيه يعني
بهاج : ولا كأنك شايله الشرشف قبل كم يوم
نوره : ايه خلاص عاد لاتصير شخوصي
بهاج: بخري بخري
نوره تقدمت ومسكت طرف شماغ بهاج وقعدت تبخر بهاج بأبتسامه
بهاج ميل راسه بتأمل لـ نوره
نوره استحت وماعرفت وش تسوي
بهاج:كملي كملي
نوره: خلاص اشرقتك بالبخور
بهاج:حلالك ياشيخه
نوره ابتسمت
بهاج : يلا بروح للمسجد قبل يفصل علي جدي
نوره بأبتسامه: استودعتك الله
بهاج بأبتسامه : شعرك نشفيه رطب
نوره : تمام
بهاج ابتسم وطلع متجهه للمسجد
ونوره قررت تسوي حلا لـ عصريه الجمعه
_______________________________
(مسجد الجمعه )
الجد ابو زيد معصب على بهاج
زيد: يايبه تونا باقي ساعه
الجد ابو زيد: المفروض تجي قبلها بساعتين
الشيخ : ياهلا بابو زيد
ابو زيد: يامرحبا بابو عبدالعزيز
الشيخ: وشلونك يابو زيد وش علومك
ابو زيد: الحمدلله
الشيخ : وانا ماشوف الا من جمعه ل جمعه !
ابو زيد: والله اعذرني يابو عبدالعزيز ماقدرت ازورك
الشيخ : معذور معذور الا وشلونك يازيد
زيد: بخير دامك بخير
الشيخ : الحمدلله
جاء بهاج متقروش وشايل هم هواش جده قدام الناس وسلم ودخل المسجد يتهرب من جده
ابو زيد : تعال تعال
بهاج:هلا ياجد
ابو زيد: وش هالتأخير
بهاج: اي تأخير ياجدي الله يهداك باقي ساعه
ابو زيد: لاباقي خمس دقايق ويبدا
بهاج التفت لشيخ:ارحبب باقي كم وتبدا الصلاه؟
الشيخ :البقى باقي تقريباً ساعه
بهاج: تشوف ياجدي باقي ساعه
ابو زيد: لاباقي خمس دقايق
بهاج : براحتك ياجد
ودخلو المسجد صلو ركعتين تحيه المسجد وتفرقو الي يسبح ويهلي والي يقرأ سوره الكهف
وبعد ساعه بدت صلاه الجمعه وصلو وسلمو على الناس وكل واحد رجع لبيته
_______________________________
(المطبخ )
نوره كانت تطلع حلا من الفرن ولسعت صبعها النار: اوهه توجع
وخذت الحلا وحطته على الطاوله: حلو باقي التزيين بس
وبدت تحط الكريمه على الكيكه جاهله تماماً الي متكي على الباب يتأملها
نوره تنهد: اففف مو راضي يضبط ليشش
بهاج تقدم وحضن نوره من وراها : وش الي مو راضي يضبط ؟
نوره تجمدت مكانها بهاج كان قريبب مره لها والتفت له وهو لازال حاضنها
نوره بتوتر من قربه : الحلا
بهاج بأبتسامه: نظبطها اذا ماضبطت
نوره ابتسمت
بهاج كان يناظر لشامه نوره الي بين خدها وشفايفها وكذا بدون مقدمات قبل الشامه
نوره من الصدمه ماقدرت تتكلم كأن انربط لسانها
بهاج بضحكه: شكلك تبين ثانيه ههههه
وفعلاً ماخلها بخاطره واعطها قبله ثانيه
نوره الي ادركتت خلاص : بهاج بـ ظهر الجمعه هاذي الحركات؟
بهاج: تبين ثالثه؟
نوره بخجل : بهاج خلاص
بهاج حط انفه عند راس نوره يشم ريحه شعرها الي اسرت قلبه
نوره : بهاج الحلا الحلا
بهاج : لبيه اي الحلا؟
نوره: هاذي بكملها
بهاج :بكملها معك
نوره : تمام امسك النوتيلا وزين الحلا وانا بحط الكريمه
بهاج: ازهليني
نوره:اللهم اني استودعك حلاي
بهاج : لا معليك صدقيني تقولين لي سوها لي مره ثانيه
نوره : كفو يابو مطلق
بهاج : كفوك الطيب يام مطلق
نوره : يلا يلا نبدا
وفعلاً نوره حطت الكريمه وباقي التزيين وبهاج بدا يلعب فيها يكتب اسم نوره ويخرب ويقروش نورهه
نوره : بهيج لا تخربب مو كذاا
بهاج في حاله ذوبان: اخخ ارفقي بحاليي بهيج مره وحده
نوره بأبتسامه : ياروحيي والله صدق انك بهجهه قلبي
بهاج قاعد يحاول يسيطر على نفسه: نوره تكفينن عيديها
نوره بضحكه: بهيج هههههههههههههههههه
بهاج هنا اعلن ذوبانه : لبيهه ياعروق قلبيي
نوره : خلاص عاد ههههه
بهاج : قاتله المتعه ليه خلاص؟
نوره : نكمل بعدين كيفك
بهاج:حلووو
وتهور بهاج وكب الطحين على نوره
نوره بشهقه:هييي بهيج وش سويتت تويي متروشه
بهاج بضحكه: اهلاً يارجل الطحين هههههههههههههههههه
نوره: حرام نعمه حرامم
بهاج: اوهه صح نسيت يارب اغفرلي وسامحنيي لعلي تحمست
نوره خذت تراب الورد الي على الدريشه وكبتها على بهاج
نوره بضحكه:مقلب بدون ذنوب هههههههههههههههههه
بهاج بضحكه: مع ان فيه كيماوي بس معليه ههههههههه
نوره : تعجبني ههههه
بهاج : الحمدلله الكيكه ماجاها شي ولا كان ذبحتينا
نوره :الحمدلله
بهاج: خلصنا؟
نوره: لا حبيبي من ينظف المطبخ؟
بهاج بثقه : انتي
نوره : انت
بهاج: خلاص انا وانتي كذا تعادلنا
نوره: حلوو
نوره خذت المنشفه وبهاج الممسحه
بهاج توهق مايعرف : وش في امها ذي ماتتعدل كل شوي رايحه يمين ويسار
نوره : هات هات ماتعرف انت خذ المنشفه
بهاج : ابشري ابشري
وانعكست ادوارهم نوره تمسح الارضيه وبهاج يمسح الطاوله
بهاج بضحكه: اجي من صلاه الجمعه تستلمني نوره تنظيف هههههههههه
نوره بضحكه: انت الي وسخت المطبخ بحماسك ههههههههه
بهاج :هههههههههههههههههه
نوره تنهدت: خلصنا
بهاج: بسجد سجود شكر والله اننا خلصنا
نوره اتجهه لطاولات تشوف تنظيف بهاج : بهاجج هاذا ايش؟!
بهاج: وش يعني اكيد طاوله تلق لق من النظافهه
نوره: افف يا بهاج تبي تجلطنيي مانظفت شي ترا
بهاج : اكبر جحود
نوره : هات هات المنشفه
بهاج : امسكي امسكي بدون عصبيه وزعل
نوره خذت المنشفه وبدت تنظف وماترد على سوالف بهاج الي ماتخلص
نوره : اخيراً خلصت
بهاج: ايه وزي ماقلت لك ابو فهد جاء لدوام وتهاوشت انا وياه عشان ولده الصايع
نوره تكتفت:ايه كمل
بهاج: والله واقولك ماخلا كلمه الا ورماها علي عشاني قفطت ولده بمكان شبهه ولقيته مروج له كم حبه
نوره: لا إله إلا الله صدق ؟
بهاج: ايه صدقين بعد مو صدق وحده
نوره : كفو كفو تستاهل رتبه العقيد
بهاج:انا بهيج طبعاً استاهل
نوره: موضوع غير قابل لنقاش بهيج الافضل دائماً
بهاج : نوري الافضل والله
نوره ابتسمت
بهاج بنعاس: نوره مانمت اليوم زين فـ بنام
نوره: تمام نوم العافيه نم في غرفتي عشان اذا خلصت شغلي اصحيك
بهاج: تمام صحيني بعد اذان العصر
نوره هزت راسها برضى
وراح بهاج بعد ماخذا شور نام ونوره كذالك خذت شور و جلست تتابع مسلسلها
_______________________________
(بيت ابو عبدالله)
غدير:يبه امي تقول ترجع بكرا مع بهاج
ابو عبدالله: ان شاء الله
غدير:يوهه يارب تعين بهاج
ابو عبدالله: الله يعينه عاد ابوي صامل يسفرهم شهر عسل
غدير: الله يستر بس هاذا الي اقدر اقوله
دخلت هيام :هاييي عمو مطلق
ابو عبدالله:هلا
غدير:في شي اسمه السلام
هيام: مالك دخل
غدير: طسي طسي لاقوم الحين افرشك ياورع
هيام: عمووو شوف غديرر
ابو عبدالله: خلاص خلاص كلكم اهجدو وانتي ياهيام روحي لغرفتك
هيام: اوفف ياعميي
وراحت
غدير: شكلها ناويه تخليني اكل عدس
ابو عبدالله:هههههههههههههههههه
_______________________________
(بيت ام سحاب ) بعد اذا العصر
نوره قامت صلت وخلصت واتجهه لغرفتها تصحي بهاج
نوره : بهاج قوم العصر الحين
بهاج كلعاده غارق بـ النوم
نوره : بهيجج يلا قم نجرب الحلا كيف طعمها
بهاج بصوت مليان نوم:ها
نوره: يلا قمم
بهاج فتح عيونه على الخفيف
نوره:بهيج سويت القهوه والشاهيي وجهزت الحلا بس ناقص انت تجي
بهاج بأبتسامه: ها يلا قدني بقوم
نوره : يلا انتظرك بالمجلس
بهاج: تمام
وراحت نوره
بهاج تنهد بفرح: بهاج هل انت نفس الشخص الي رفض فكره الحب والزواج؟ اخس يابهاج طحت بالحب ياربي الحمدلله على نعمه النوري
وقام وتوضى وصلى واتجهه للمجلس
بهاج: سلام
نوره: هلا وعليكم السلام
بهاج جلس : اعطيني نجرب هالحلا
نوره: ها خذها
بهاج قاعد يتلذذ طعم الحلا : امممم يانوره الذ حلا ذقتهه بحياتيي
نوره: حياتييي والله
بهاج: ضاعت علوميي هههههههههههههههههه
نوره: ههههههههههه
بهاج: يلبى الضحكه بسس
نوره ابتسمت
بهاج: ايه ست نوره ماودك تروحين للمول اليوم؟
نوره: مدري احس مايحتاج
بهاج: لالا يحتاج وراك جامعه
نوره: تمام نروح
بهاج: بعد المغرب خليك جاهزه نروح لمول فـ الرياض
نوره هزت راسها برضى
بهاج قام : بروح بخلص اشغالي واجيك تقدرين تتصلين على صيته تجيك بس انتي لاتروحين وزي ماقلت لك لاتعلمين احد انك سجلتي بالجامعه خليها مفاجأه
نوره قامت بأبتسامه: تمام استودعك الله
بهاج تقدم وباس جبهه نوره بكل حب : تبين شي وانا جاي؟
نوره بحياء: سلامتك
بهاج مسك انف نوره: يازين الي يستحونن
نوره ابتسمت وراح بهاج
ولما جاء بيطلع فتح الباب لقى صيته: بسم الله سكنهم مساكنهم
صيته: خير يالطيب سكتت لك واجد عادد
بهاج :الله المستعان
وراح
صيته: كريهه شلون نوره متحملته
ودخلت
نوره:صيوتتتت
صيته: نورييي
وحضنو بعض ماكأنهم قبل يومين متقابلات
_______________________________
(بيت ابو زيد)
ام عبدالله: ها وشلونك يايمه اليوم عساك اشوا من امس
الجده ام زيد: الحمدلله زوينه اليوم
ام سحاب: دامك زوينه ف اكيد بك شي
الجده ام زيد : لا مافيني شي الحمدلله
ام عبدالله وام سحاب: الحمدلله
الجده ام زيد: ها يلا بروح اعلف الغنم
ام سحاب: يايمه اجلسي زيد يعلفهم اليوم
زيد:زيد منصرع مودع الحياه
ام عبدالله: قم قم قداميي
زيد :ابشري
وراح
الجده ام زيد: هالولد هاذا لازم نزوجه عمره بيصك الثلاثين
ام سحاب: ندور له
ام عبدالله: هو براسه وحده
الجده ام زيد: ومنهي هالوحده ؟
ام عبدالله: ماصرح بأسمها
ام سحاب:تظهر مع الوقتت
ام عبدالله:ايه صادقه
_______________________________
(بيت ام سحاب ) قبل المغرب بساعه
صيته بضحكه: ايه وش وضعكم تلعبون بالطحين هههههههههههههههههه
نوره: مدري عنه الله يهديه
صيته:حسستيني انه ولدك
نوره : والصدق احس اني امه اخاف عليه كثيرر
صيته: اخسس والله وحبينا
نوره: وزيودي وين تصريفه؟
صيته : زيد وش دخله
نوره غمزت: ايه صح وش دخل الحبيب
صيته: نوره!
نوره: الحب يطلع من عيونكم وتنكرون
صيته سكتت بأخراج
نوره:خلاص خلاص امزح
صيته ابتسمت
نوره: ياروحيي الابتسامه
صيته: جوالي يتصل دقيقه بس
نوره هزت راسها برضى
صيته:هلا يمه
ام صيته: صويت بالله تعالي بنروح نسلم على جدتك
صيته: تمام جيت
وقفلت الخط
نوره:وين
صيته: بروح اسلم على جدتي
نوره:سلمي لي عليها
صيته:وصل
وراحت صيته
بعد ربع ساعه نوره طلعت بالحوش بطفش:هففف الحين وش اقعد اسوي
فجأه حست بيدين تحاوط خصرها
بهاج:افاا تطفشين وانا موجود؟
نوره : بهاج !؟
بهاج:لبيهه
نوره ابتسمت
بهاج:يلا البسي عبايتك وبنمشي
نوره:بدري
بهاج:نضيع وقت
نوره :تمام
وراحت تلبس عبايتها وبهاج اتجهه لسياره
بهاج بعد انتظار اكثر من خمس دقايق اخيراً جت نوره : سنه يالظالمه
نوره : وش اسوي اذا جيت بطلع تختفي اغراضي
بهاج:هههههههههههههههههه
نوره جت بتسكر الباب لكن وقفها بهاج
بهاج: لالا لاتسكرينه بقوهه تكفيننن
نوره بعناد سكرت الباب بقوه: يوهه نسيت
بهاج فتح عيونه بصدمه من حركتها لكن ماقدر يسوي شي لها تفداها السياره وراعيها
نوره: ترى للحين انتظر الهواش
بهاج: جيتي وانا مروق يعني مابهاوشك علشان باب سياره
نوره: كفو استمر
بهاج: هي عاد لاتفلينها مشيتها هالمره لكن لاعاد تعيدينها
نوره : بسم الله الرحمن الرحيم متقلب المزاج
بهاج :هههههههههههههههههه
نوره : ماشاء الله كم لك شخصيه؟
بهاج: اقل شي ١٠٠ شخصيه
نوره: لاقل ١٠٠٠ احسن لك
بهاج:ممكن
نوره:هههههههههههههههههه
بهاج : يانوره ضحكتك تخطف قلبي ياشيخه
نوره: اذا ما خطفت قلبك من يخطف قلبك غيري
بهاج:ممكن احد غيرك خطف قلبي ماتدرين
نوره بغيره: منهييي!؟؟
بهاج بضحكه: مجهولهه هههههههههههههههههه
نوره بعصبيه: بهاجوهه لاتقعد تستهبل على راسيي قل من هي ست الامر والحسن والدلال ؟!!
بهاج تعمد يثير غيره نوره: يعني صامله تعرفينها ؟ اذا اي بس بشرط
نوره تنهدت بضيق: اييه تمام
بهاج: شرطي ان الان نروح تخطبينها لي وهي الصراحه انتي تكرهينها مرهه هي ريم
نوره بدت عندها الرؤيه تغبش بسبب الدموع : ليش يابهاج تكسر قلبي
بهاج: حبيت ريم ياختي وش اسوي
نوره ببكى وصراخ: ليش ماتركتني قبل تعلقني فيكك ليه ليه
بهاج ماكان متوقع انها بتزعل وتبكيي فـ نزل من السياره واتجهه لباب نوره وفتحه وحضنها وهي تبكيي تتوقع ان السالفه صدق
بهاج : خلاص والله امزح معك وش فيك انتيي
نوره ساكته
بهاج: اسف..
نوره : وش يفيد؟
بهاج : خلاص اسف والله مقلبب ابك عيوني ماتشوف الا عيونك ياشيخه
نوره تعمدت ترد له نفس المقلب: خلاص ننفصل وانت تروح تزوج ريم وانا اتزوج الي ابغى
بهاج بعصبيه شد على يد نوره بقوه: وش تقولينن؟! زواج وخرابيط؟
نوره: مو انت الي تبي كذا ؟
بهاج بعصبيه: يرحم عليك عيال ادم كلهم !!
نوره: وش دخلك فيني
بهاج بصوت عالي: زوجكك
نوره خافت لان الموضوع خرج عن السيطره: خلاص ياادمي مقلب
بهاج :مقلب؟!
نوره:ايه
بهاج: لاياشخه بكل برود تقولين مقلبب؟
نوره:وبكل برود تقول اخطبي لي ريم؟ وحده بوحده
بهاج تركها واتجهه لباب السياره وركب :يلا اركبي بسرعه
نوره :نفسيه
وركبت ورا
بهاج التفت: ماشاء الله قومي قومي قدامي
نوره: مابغى عجبني ذا المكان
بهاج بأسلوب تهديد:والله وتالله ان ماقمتي بجيك
نوره:تعال محد مانعك
نزل بهاج وفتح باب نوره ومسكها ونزلها: انا ماقلت تعالي بالطيب ؟
نوره بجحده: لا ماقلت
بهاج تنهد :هفف تجلطيني
نوره: اسكت صدعت براسي
بهاج: بسكت بس انتي لاترفعين الضغط عندي !
نوره: وصلH من كثر مارتفع
بهاج: تضيعين السالفه اقول اركبي قدام الحين
نوره فكت يدها: بركب ابعد
بهاج تنهد
وركبت نوره وسكرت الباب بكل قوهه
بهاج التفت لها بصدمه تخالطها العصبيه:وش فيك انتي ماتفهمين ؟ مشيتها لك قبل شوي عاد مو تفلين امها عندي هنا!
نوره: اصبرر عبايتي سكر عليها الباب لاتقعد تصج راسي
بهاج: لحضه لحضه لاتسوين شي
وارتفع شوي وشاف عبايه نوره ماهي مسكره على الباب بس نوره تحب التهاويل والعناد
بهاج: وش هالكذب !؟
نوره: توي طلعتها انت وش فيك؟
بهاج: ايه بمشيها
نوره لفت جسمها لجهه اليمين متجاهله بهاج
بهاج:احسن ازعلي تريحيني طول الطريق
نوره: لاتكلمني
بهاج: احسن
بهاج شال الشماغ ورماه ورا وبدا يصفق ويغني:هيلي يارمانه الحلوه زعلانه الحلوه زعلانه
نوره التفت وابتسمت
بهاج: ايه كذا يانور القمر ابتسمي مايصلح عليك الزعل
نوره بأبتسامه: بهيجج خلاص
بهاج: اوهه ياقلبيي
نوره :بسم الله على قلبك
بهاج بضحكه: يازينك ويازين خوفك عليي هههههههه
نوره ابتسمت بخجل
وكملو طريق
_______________________________
(بيت ابو حمدان)
موضي: شوفو لما راقبت تحركات نوره وش تسوي او وش تجهز لاحضت انها تجهز لشي جدا سعيد بالنسبه لها وهو انها راح تدخل الجامعه ومحد يعرف هاذا اولاً ثانياً تواصلت مع هيام حرمه بهاج تقول ان بهاج طايح على وجهه ونوره تبادله الشعور واظن هاذا افضل وقت نخرب بين نوره وبهاج
خالد: وشلون نخرب بينهم وهم متعلقين ببعض؟
معصب: لاصدق شلون
موضي: اول شي خليها تبدا جامعه بعدين ....................................
قالت لهم الخطه
خالد: حلوه الفكره!
مصعب: مرهه
حمدان: الله لو طلقها بهاج بتزوجها
موضي: مو وقتك انت وحبك !
حمدان: طيب طيب نصبر دام الدعوى فيها طلاق وتخريب
خالد: ومتى ذي الخطه تتنفذ؟
موضي: اذا داومت ادرس وضعها وننفذ الخطه
مصعب: عز الله يعزك
موضي ابتسمت
_______________________________
(خط الرياض) بين المغرب والعشاء
بهاج ماسك يد نوره بحنان وقاعد يسولف لها عن ضغوط الشغل
نوره : عادي مهما كان شغلك طبيعي بيكون ضغط وشغل وملعنه خير
بهاج:اواففك الراي
نوره:افف تعبتت من الطريق
بهاج:باقي شوي تحملي بنزل للمحطه واجيب لك الي تبين
نوره:تمام
بهاج نزل للمحطه ونوره مسكت جوالها تفرفر فيه فجأه جتها رساله من رقم غريب
المجهول: مرحباً نوره
نوره تجاهلت الرساله
المجهول:عارف انك اعتبرتي الرساله شي تافهه بس لو تركزين بتلاحضين اني اعرف اسمك
نوره:طيب وشبغيت؟
المجهول : مابي شي بس حاب اقولك ودعي ايامك مع فارس احلامك
نوره : تسوق امها دز بس
المجهول : اسمك نوره اسم امك سحاب اسم ابوك محمد اسم زوجك بهاج يتيمه الابوين الله يرحمهم تعيشين عند جدتك صديقتك المفضله صيته ويوم الاحد تبدين اول سنه جامعه بهاج عنده حرمه ثانيه والي هي هيام وانتي تزوجتي بهاج اجباري بعدين حبيتيه وحساباتك ********* وارقامك********* وعمرك٢٣ ونجلاء تعزينها وتحبينها واكبر اعدائك مصعب وخالد وحمدان وموضي واكثر شي تخافين منه الموت بسبب موت امك وابوك وجدتك مريضه مرض خبيث الله يشفيها وعندك شامه بين خدك وشفايفك وتحبين الكوفيات وتموتين ف بهاج مرهه .
نوره حست ان الخوف يسيطر عليها وتكتب وهي ترجف : طيب وش بغيت مني الحين وش المطلوب اسويي وبعدين في معلومه خطا زوجي عقيد !
المجهول انجلط من برودها : عيشي حياتك كلها اسبوع وتدمر
نوره : طيب يصير خير
المجهول يكتب
نوره بدون مقدمات اعطته بلوك ومع الاسف الخوف بدا يسيطر عليها
دخل بهاج ومعه كيس مفرحات
بهاج : ها جبت جميع الانواع الي تحبينها
نوره بهدوء: مشكور
بهاج: مابيننا شكر ورسميات
نوره ابتسمت ابتسامه باهته وواضح فيها شي
بهاج لاحظ هدوئها وتوترها بس مااعطاه اهميه
وكملو الطريق بس طول الطريق وبهاج يفكر ليش نوره تغير مودها 180 درجه وقعد يسترجع الذاكره هل جرحها بكلمه هل سوا لها شي يخليها تزعل بس هو ماسوا شي طيب هي وشفيها
ونوره طول الطريق تفرك يدينها وهدوئها مرعب هي بالعاده كثيره كلام(راديو)
بهاج مسك يدينها يخفف التوتر عنها : نوري وش فيك منتي على بعضك؟ضايقتك بكلمه ؟
نوره بأبتسامه: لا ماسويت لي شي بس تعرف متوتره من الجامعه
بهاج: عادي كل العالم دخلت جامعه وتخرجو وحققو حلمهم وبتصيرين مثلهم ان شاء الله
نوره : ان شاء الله
وعم الصمت من جديد وبهاج قعد يهوجس بنوره يحس ان وراها شي او فيها شي
ونوره تفكر من هاذا الشخص الي قدر يغير مزاجها
ودخلو الرياض ولازال الصمت سيد الموقف
بهاج وقف السياره بموقف السيارات الي قبال المول
بهاج حط يده على خد نوره من فوق النقاب : نوري حبيبتي اذا فيك شي قولي لي احد مضايقك قولي لي احد مهددك قول لي لاتسكتين تدرين اني اقدر اطلعه من تحت الارض عشانك لاتسكتين انتبهيي تسكتين خصوصاً عني مهما كان غلطك كبير علمتيني قبل تكبر بوقف معك
نوره بغصه: بهيج يابعد روحي انت لا مافيني شي الحمدلله بس كذا اشتقت لصيته
بهاج: صيته توك شفتيها بس ها بقول شي وفكري فيه انا عارف انك تكذبين علي بشي بس مادري وش هالشي اذا ماقلتي لي وكتمتيه وبعدين تبخر الخبر والله ماتحصلين خير انتبهي معك الليله كلها فكري فيها !
نوره : مافي شي قلتلك
بهاج: الحمدلله اذا مافي شي صدق يلا اجل انزلي نتسوق
ونزل بهاج ومسك يد نوره ودخلو للمول ونوره اذا شافت السوق طارت فيه معاد تشوفها وفعلا نوره اختفت فجأه تدخل السوق هاذا وتطلع من هاذا وبهاج ميت ضحك على شكل نوره الي تطلع من محل وتدخل لمحل
وبهاج جته الحاله وصار مثل نوره يدخل من محل ويطلع من محل
وبعد ساعه اخيراً تقابو بمحل وكل واحد منهم معه كيس لايقل عن ١٠ اكياس
بهاج:نوره؟!
نوره :بهاج؟!
بهاج: خلصتي؟
نوره: نو باقي الميكب
بهاج: يلا بسرعه
نوره: تونا تونا ساعه١١
بهاج: ياشيخه شوفي نص المحلات قفلو
نوره: تمام ثواني واخلص
بهاج : تلقيني بالكوفي
نوره : تمام
وراح بهاج للكوفي ونوره لمحل الميكب وخذت نص ساعه واخيراً خلصت واتجهه للكوفي وشافت بهاج يهوجس ومعه قهوه سودا
نوره :بهيج وش فيك؟
بهاج: نوره اذا فيك حاجه قولي لي احس مارتحت
نوره: لاتخاف مافيني شي
بهاج: ان شاء الله تطلعين صادقه ومافيك شي
نوره جلست قباله: لاتشيل همي
بهاج:وكيف ماشيل همك وانتي الوريد
نوره: لا صدق هو انا شلت هم الجامعه خايف ومتوتره وبنفس الوقت متحمسه وكذا فهمت
بهاج: اتمنى ان همك الجامعه
نوره ابتسمت هاذا الي قدرت عليه
وطلب بهاج قهوه لـ نوره وركبو السياره وبهاج تعمد يكذب على نوره انه مايقدر يطلع لديره
بهاج: نوره مانقدر نطلع لديره الحين
نوره: ليش
بهاج بكذب: السياره البطاريه حقتها ماتوصل لديره ف بنستأخر فندق ولا شاليه ونجلس فيه هاليومين
نوره: تمام مو مشكله
بهاج تنهد براحه ان نوره ماعاندته
ووقف بهاج عند بيت كبير وحلو وانارته واصله لاخر الحي
بهاج: يلا ست نوره انزلي
نوره بضحكه: ست هاذي ماسكه معك ليه؟هههههههههههههههههه
بهاج بضحكه: مدري هههههههههههههههههه
ونزلو ودخلت نوره وابتسمت بفرحه
بهاج: اعجبك ؟
نوره بفرحه:يجنن مسبح ومجلس وكل شي يجنن
بهاج: نوري تدرين هاذا بيتك
نوره بفرحه: صدق؟
بهاج بأبتسامه: اكيد ايه وهاذا بيتك واذا ماعجبك ندور غيره
نوره تقدمت وحضنت بهاج وتحمد ربها على نعمه بهاج الي عوضها عن كل شي وبهاج بادلها الحضن
نوره: شكرا يابهاج على كل حاجه سويتها لي
بهاج مسح على شعر نوره بحنان: تستاهلين اكثر
نوره دمعت من الفرحه
بهاج بضحكه: ماتوفرين ي ام دميعه هههههههههههههههههه
نوره : بهاجوه مو وقت ضحك هههههه
بهاج: خليك على بهيج احسن من بهاجوه هههههه
نوره: بهيج وبهاجوه وبهاج وبعاج كلها بقلبي
بهاج كلعاده تحمس وشال نقاب نوره ورماه وقبل شامه نوره الي بين الخد والشفايف
ونوره اكلها الخجل وبهاج يضحك على خجلها
بهاج: ثواني بس خليك هنا
نوره هزت راسها برضى
وجاء بهاج ومعه سماعه كبيره وشغل شيله صاين حبسس
نوره ماتت ضحك على جوهه الرايق :بهاج صاين حبس بأخر الليل كيف ؟ههه
تقدم بهاج وحط يده على خصر نوره وسحبه لجهته وبدا يرقص معها
نوره مصدومه كيف يرقص رقص كذا على شيله صاين حبس؟!
بهاج يغني: صاينن حبس ولاتبع دروب الخاينين
نوره بضحكه: الله على الحنجره الذهبيه ههههههههههه
بهاج بضحكه: اكبر شهاده زور هههههههه
نوره:هههههههه
ووقفو رقص ولعب واستهبال وبد المطر ينزل ونوره تلعب تحت المطر وبهاج يتأملها
تقدم بهاج وشالها وبدا يدور فيها تحت المطر وضحكه نوره وابتسامته
ونزلها ومسك يدها ودخلها بالمجلس وشغل الدفايه وجلسها
بهاج:اجلسي لاتحركين تمرضين زي المره الي فاتت
نوره بأبتسامه: ابشر ياعيوني
بهاج: تسلمين طيب بروح ابدل ملابس وانتي كذالك بدلي عشان ماتبردين
نوره : تمام اوامر ثانيه
بهاج:سلامتك
نوره: استنى شريت لك طقم بجامه يجنن
بهاج: ماتنسيني ماشاء الله عليك
نوره: اكيد انسى نفسي ولاانساك
بهاج ابتسم ونوره راحت تجيب البجامه وجابتها وخذاها وراح يلبسها ونوره راحت تلبس بجامتها الجديده
طلع بهاج من الغرفه على طلعه نوره من الغرفه المقابله له
بهاج قعد يطالع بجامه نوره وبجامته وابتسم
كانو لابسين بجايم طقم سروال كروهات اسود وابيض وتيشرت اسود لبهاج وبلوزه سودا لنوره
نوره: ها كيف بس؟
بهاج: ذوقك توب التوب
نوره ابتسمت
بهاج مسك يدها واتجهه للمطبخ
بهاج : بسوي كرك بالقلب
نوره: شرايك هوت شوكلت مع الامطار والاجواء يطلع يجنن
بهاج: ابد انتي بس اختاري وانا معك
نوره تحمست:جويي بهيج المز
بهاج بضحكه: حبيتت الاعترافف هههههههه
نوره بضحكه: يوهه النرجسي والله تمسكها اسبوع قدام هههههه
بهاج بثقه: لان هاذا الصدق
نوره: لاصدق انت جميل جمال يجنن هههههه
بهاج: والله انتي شبيهه القمر صدق
نوره ابتسمت وبدت تطلع اغراض الهوت شوكلت
بهاج: اظن تحطين الشقليطه قبل
نوره مستلطفه نطقه:ايش اسمها
بهاج: شقليطه
نوره بضحكه:شقليطه هههههههه
بهاج عنده ازمه من كلمه شوكلت : خلاص خلاص اسمها كاكاو انتهينا
نوره بضحكه: كاكاو هههههههه
بهاج : انتي وش تسمينها
نوره: شوكلت
بهاج كشر: وهه شوكلت وش ذي اسمها شقليطه
نوره: صح صح اسمها شقليطه
بهاج بضحكه: شكلنا صرنا كايلي والشايب هههههههههه
نوره : اييي ههههههههههههه
بهاج : فتحت افمها والله ماتسكت هههه
نوره : فطست ههههههههههههه
بهاج: سامجه
نوره : ايي ههههههههه
بهاج: لاطالت زانت عز الله
نوره ابتسمت
بهاج : لو دريت انك تسكتين بالمدح كان من زمان مدحتك ههههه
نوره : هههههههه
بهاج: بلزم الصمت خلاص
نوره :خلاص حتى انا بلزم الصمت
بهاج: لالا بربري فوق واسي
نوره: السوالف جايه مع الوقت
وطفت النار وصبت الهوت شوكلت بالاكواب ومدته لبهاج وبهاج قاعد يشرب
بهاج بتلذذ: منا حلوه ذا
نوره: بعد قلبي
بهاج: صبي صبي ثاني ومشينا للمجلس نتدفى
نوره صبت لبهاج واتجهو للمجلس وبهاج لابس فروه ومعه بنفس الفروه نوره
ونوره من التعب نامت وبهاج لما حس انها نامت شالها واتجهه للغرفه وحطها بالسرير ونام معها
_______________________________
(صباح يوم السبت)
صحت نوره من حست ان في احد محاوط خصرها والتفت لقت بهاج وابتسمت
قامت وغطته بالبطانيه واعطته قلبه الصباح وراحت تصلي وبعدها اتجهت للمطبخ تسوي فطور وخلصت الفطور وحطته على طاوله الطعام ولفت انتباها جوالها الي متفجر رسايل اتجهه له وفتحت لقت رقم غريب قاعد يهبد ويقول ويكرر *اخر ايامك السعيده ياقمر * نوره عقدت حواجبها بأستغراب
نوره بهمس : وش في امه ذا يقول كذا !
وكلعاده بلوك كبر راس المجهول
واتجهت للغرفه تصحي بهاج :بهيج بهاج قم يلا الصبح جاء
بهاج لاول مره يقوم من اول محاوله: لبيه
نوره: غريبه تقوم بدري
بهاج: لان الي قدامي شي يخليني اقوم بسرعه
نوره بأبتسامه:يلا سويت فطور ثقه
بهاج مسك يدين نوره: ابك يدينك حرام تشتغل وتطبخ وتكرف
نوره بضحكه : المفروض والله ههههههه
بهاج: ابشري بالخدم
نوره بضحكه: شدعوا خدم عاد كلنا ثنين مايحتاج هههههههههههه
بهاج : صحيح بس ضروري نجيب
نوره: مو مشكله وحده
بهاج: ههههههههه
نوره: يلا يلا الفطور
بهاج: يلا دقايق واجي
نوره : لاتتأخر
بهاج:معليك
وطلعت نوره وبهاج يغسل ويصلي وبعدها طلع لنوره الي قاعد تصور
بهاج: ارحببي يالدوله المستقله
نوره: البقىى هيا اقلط على قل الكلافه
بهاج: ها قدني قلطت بقى الوليف ماقلط وش نسوي بهاذا الحاله؟
نوره: ماتسوي شي هو يجي بنفسه
وجلست نوره وبدو ياكلون ويسولفون ويتأملون بعض
جوال بهاج اتصل ورد بهاج
بهاج: ارحب
سعود: البقى يالعقيد اسمع ضروري تجي لشغل في شي مهم لازم تجي تحله
بهاج: عز الله انك باعوص
سعود: اوهه معليش بس وشنسوي الشغل ضروري بعد
بهاج: خلاص جايك جايك
وقفل الخط
بهاج بأستعجال: معليش النوري الشغل ضروري اجيه
نوره : تمام خذ راحتك بس انتبهه
بهاج تقدم وقبل جبهه نوره : يابعد قلبي
نوره ابتسمت
وطلع بهاج ونوره جلست وقالت : سعود ذا تحسينه حماتك
وقامت شالت الفطور وجلست وخذت كيس الملابس الجديده تشوفها
ورجع جوالها يرسل توقعته بهاج قامت له بفرحه بس اختفت الابتسامه من شافت الرساله وكانت صوره فتحت الصوره لقت صورتها
نوره بدت ترجف بخوف هي ماترسل صورتها الا بناس ثقه كيف جات الصوره ؟
المجهول: لاتخافين ماراح انشرها !
نوره ارتاحت
المجهول: لكن برسلها لبهاج !
نوره بخوف تخفيه: ليه!
المجهول : بس كذا
نوره بدت عيونها تطلع دموع يعني كيفف هي ماترسل صورها لاحد كيف صوره وجهها معه ! قررت ماتبين ضعفها ابداً للمجهول مهما كان
ارسلت والدموع تطيح على شاشه الجوال : عادي بهاج متفهم ماراح يقول شي! واذا تبي صوره ثانيه ارسلها لك ماعندي مشكله
المجهول يعوف بهاج عصبيي وغيورر خصوصاً لو حب احد كيف لنوره ماتخاف من عصبيه بهاج المتهوره ! كيف ماخافت منه ومن تهديداته وكيف تقول اعطيك صوره ثانيه!؟؟ طيب هنا قرر المجهول انه مايتواصل مع نوره ابداً راح يتواصل مع بهاج بصوره اخرى لها
واختفى المجهول ونوره تنهدت بفرحه : الحمدلله
واعطته بلوك
وارخت ظهرها على المخده وبدت عيونها تدريجياً تقفل من التعب النفسي الي هي فيها
_______________________________
( دوام بهاج)
العقيد بهاج: ايه وينه هالمجرم الحين؟
الرائد سعود: بالتوقيف
العقيد بهاج: تمام جايه
الملازم : العقيد بهاج في مداهمه بعد كم شهر اذا حضرتها يرقونك لرتبه اللواء
والرائد سعود يرقونك ل عقيد
العقيد بهاج: تمام موفقين
الرائد سعود: حلو موافقين
الملازم خذا موافقتهم وطلع
العقيد بهاج مد يده: مبروك مقدماً يالعقيد سعود
الرائد سعود صافحه : الله يبارك فيك ياللواء بهاج
العقيد بهاج ابتسم وطلع متجهه للمجرم مروج المخدرات
العقيد بهاج: عطني سبب واحد يخليك تسوي كذا وانت باقي صغير
المتهم : اصدقاء السوء يالعقيد
العقيد بهاج: وانت بهيمه تروح وراهم؟
المتهم: كنت بفتره مراهقه
العقيد بهاج: يعني قبل ل تسوي الشي فكر بعواقبه !
المتهم: مدري ليش مافكرت
العقيد بهاج: طيب الحين سوال وش تستفيد لما تبتز البنات بصورهم؟ استفدت الحين؟لاطبعاً
المتهم: لاماستفدت شي بس والله اني ندمان على كل شي سويته
العقيد بهاج قام: انا مو مسؤل اذا ندمت ولالا
المتهم : تكفى افرجوني
العقيد بهاج بعصبيه: لو اني انا الي ماسك قضيتك بقول مستحيل تفرجون عليه ! حلوه ذي هدد بنات العالم وهكر حساباتهم وروج مخدرات واطلقو سراحي حلوه ذي
وطلع العقيد بهاج مستفز من هاذي الاشكال
وجلس بمكتبه يهدي نفسه عشان يتصل على نوره
وفعلاً هدا نفسه واتصل على نوره لكن نوره ماترد ماشال هم قال يمكن مشغوله ولا شي
وطلع من الدوام
_______________________________
(بيت بهاج ونوره الجديد) العصر
دخل بهاج البيت والبيت مرهه هاديي مره دخل ينادي نوره لكن نوره ماترد حس بشعور خوف عليها ودخل المجلس لقها نايمه نومه عميقهه عقد حواجبه بأستغراب لدموع نوره وتقدم وجلس عندها ومسح دموعها وفزت نوره بخوف وحضنت بهاج بكل قوه بهاج هنا تأكد ان وراها شي بس مو راضيه تبوح وقعد يمسح على شعرها بحنان ويسمي عليها
بهاج: بسم الله عليك نوره وش فيك؟
نوره : لا مافيني شي بس الحلم كان مو كويس
بهاج حضنها : عدت عدت
نوره تحس انها فرصه انها تنهار وفعلاً انهارت بكاء تحت صدمه بهاج الي وش فيها معقوله تبكي عشان حلم؟!
نوره ابعدت عنه ومسحت دموعها وضحكت
بهاج بأستغراب: بسم الله الرحمن الرحيم انجنت البنت
نوره بضحكه: لاصدق ليش ابكي هههههههه
بهاج: عادي لو مافي سبب تعالي ابكي عندي لاتبكين عند احد ثاني
نوره ابتسمت
بهاج قام وسحب نوره للحوش : بسم الله ونبدا جدول
نوره: ناس متوتره ان بكرا جامعه وناس تفكر بالجدول الله المستعان
بهاج بدون مقدمات سحب نوره له وطب بالمسبح ونوره صراخ وهواش
نوره بخوف: بهاج تكفىى لاتتركنيي ماعرف اسبح
بهاج بضحكه: لاتخافين هههههههههههههههههه
نوره تعلقت برقبه بهاج
بهاج تعمد يترك نوره عشان تتعلم السباحه وفعلاً قدر يتركها واول ماتركها اختفت او غرقت البنت وبهاج قاعد يضحك يتوقعها تتعلم كيف تسبح بس ادرك ان نوره ماتعرف تسبح كيف يتركها كذا تغرق ودخل تحت الماء وسحب نوره الغرقانه وحطها على حافه المسبح ونوره تكح
بهاج: نوره تحسين بشيي ؟
نوره لازالت تكح تحس انها شربت ماء المسبح كله
بهاج بضحكه: شكلك يموت ضحك هههههههههه
نوره قدرت تتخلص من الكحه: ليش تسوي كذا؟
بهاج: عشان تعلمين السباحه
نوره:بس مو كذا
بهاج: لازم كذا
نوره:زعلت
بهاج: طيب يالزعلان
وسحبها للمسبح وهي تعلقت فيه
بهاج: بتركك انا زعلان عليك
نوره: لا مو وقت زعل طلعني من هنااا
بهاج :بترك مالي دخل
نوره: خلاص خلاص لاتزعل ولاازعل
بهاج رجعها على حافه المسبح وهو ميت ضحك عليها
نوره :ياثقل مزحك
بهاج:ترى اجيك اغرقك الحين
نوره :لا خلاص خلاص
بهاج :ههههههههههه
وراحت نوره تاخذ شور وطلعت على طلعه بهاج من المسبح وخذا شور
ونوره طلت بالحوش وجاها بهاج بعد ماخذ شور طلع منجن جنونه
بهاج:يالخبله ادخلي!!
نوره:ليشش
بهاج:متروشه وطالعه برى تستهبلين انتي؟!
نوره :يوهه نسيتت
ودخلو بالمجلس
بهاج دخل اصابعه بشعر نوره وبدا يحركه
نوره: وش تسوي
بهاج: انشف شعرك
نوره : ايه ، ايهه صح نسيتت لازم تقيم الاوتفيت حقي حق الجامعه
بهاج: يلا قومي على الاقل يصير عندنا جدول
نوره راحت ولبست بلوزه ورديه على قميص ابيض اوفر سايز وجنز وسيع ازرق فاتح ونضاره ورديه وشوز(يكرم القارئ) ابيض
وراحت عند بهاج
نوره: قيم من ١٠
بهاج : ١٠ من ١٠
نوره : افف لالا ماقد صارت
بهاج: لاوالله ١٠من ١٠
نوره ابتسمت وراحت تلبس اوتفيت ثاني وثالث ورابع وبهاج يقيم لها فوق التقييم الين وصلت لـ اوتفيت ابداً ماعجبه الي هو بلوزه بيضاء عاديه وجنز اسود
بهاج: اوفعي يدك
نوره رفعت يدها بأستغراب:ليه؟
بهاج: صفر من ١٠
نوره: افا ليه
بهاج: بطنك يطلع والي مايستر ماعاد نبيه
نوره : عند بنات ترى
بهاج: هاذا اللبس ماراح تلبسينه ابداً
نوره بعناد: هاذا اول لبس بكشخ فيه
بهاج: ان لبستيه مايحصل لك طيب
نوره بضحكه: مشكله والله عرق الرجل الشرقي الغيور ههههههههه
بهاج : هههههههههههههههههه
وراحت نوره تكمل الاوتفيت وبهاج يقيم لها كله فوق ال١٠ ماعدا المفتح والقصير
_______________________________
(بيت ابو نجلاء) العشاء
نجلاء:يمهه اليوم بعزم بنات خالي
ام نجلاء: ايه حياهم الله
نجلاء ابتسمت وراحت تتصل على غدير والبنات وجو وسلمو على بعض وجلسو
نجلاء:يوهه بناتت لو نوره موجوده
سهام: من زمان عنها
غدير : ماقول ياحظ صيته صدق
الهنوف: بناتت منزله صوره انها بالرياض والواضح انها بشاليه(تقصد بيت نوره وبهاج الجديد)
وداد: احس صعبه نتصل عليها وهي جايه تغير جو
نجلاء: ماهي صعبه ولاشي غدير اخوك وينه؟
غدير:بهاج على خبري انه بالديره
سهام: اجل نوره طالعه مع صديقاتها
الهنوف: ايه ليش نخرب عليها طلعتها حرام
نجلاء: مدري اشتقت لها
وداد: خلاص بـ الويكند نعزمها
غدير: موافقين
سهام: تمام حلو
_______________________________
(بيت بهاج ونوره )
بهاج: يوهه مشتهي مشاوي
نوره: ليش مانسويه هنا ؟
بهاج: فكره بطله يلا قومي البس عبايتك وامشي لسوق نشتري اغراض الشوي
نوره :يلا ثواني واجيك
وطلع بهاج متجهه لسياره ونوره راحت تلبس عبايتها ونقابها وطلعت وركبت وحركو متجهين لااقرب محل يبيع مستلزمات بريه
ونزل بهاج وجاب اغراض الشوي وحطهم بالصندوق ونوره تسولف مع صيته
بهاج بضحكه: صيته طرف ثالث هههههههههههههههههه
نوره : والله اني صدق اشتقت لها
بهاج: امس جالسه عندها وش ذا الدراما
نوره: وش نسوي الشوق يوجع
بهاج: حيكمه حكيمه
نوره : اف اف يالتسليك
بهاج: سلك تسلك الحياه
نوره بضحكه: اعجبتني الحكمه هههههههههههههههههه
بهاج: ياجعل الضحكه ماتفارق هالوجهه
نوره بأبتسامه: امين وياك
وابتسم بهاج واتجهوو للبيت ونزلو
بهاج : نوره جيبي الحطب وانا بجيب المنقد
نوره: تمام وين الحطب
بهاج: شوفي حطيتها ورا البيت امس
نوره: الله ورا البيت ليه ؟
بهاج: مدري والله ليه حطيته هناك تقدرين ولا اجيبه انا ؟
نوره:لا اقدر
بهاج: تمام
وراح بهاج يجيب المنقد ونوره راحت تجيب الحطب
واحت ورا البيت تدور اللمبات وشافت ظل كبير مرههه وقعدت تصارخ
نوره بصراخ: بهاجج حراميي حرامييي
بهاج كان جايب النقد وسمع صراخ نوره وركض لها وفتح المبات ونوره اول ماشافت بهاج اتجهه لمه
نوره: حرامي حرامي
بهاج : وينه
نوره: قدامك
بهاج مات ضحك تحت صدمه نوره
نوره:وشفيك انهبلت؟
بهاج بضحكه: لا هاذا ظل الحطب مشكل هيئه انسان ههههههههههه
نوره ابتسمت بفشلهه
بهاج : خلاص خلاص روحي انا اجيبهم
نوره هزت راسها برضى وراحت للحوش وبعدها جاء بهاج وبيده الحطب
وشبو الضوء
نوره فسرت اكمام البلوفر وبهاج ربط ثوبه على خصره
نوره: لالا مو كذا
بهاج: معليك اعرف هاذي طريقه فخمه صدقيني
نوره:واذا احترق ؟
بهاج: نطلب عشاء
نوره: حلوو في عوض
بهاج:اكيدد
نوره: بهيج ماكأن الليله بيجي مطر؟
بهاج: بيجي لكن خفيف مرهه مايضر الشوي
نوره: تمام بروح اسوي السلطه
بهاج هز راسه برضى وراحت نوره للمطبخ تسوي سلطه وتجهز اغراض المشاوي وبهاج يقلب بالمشاوي
جت نوره : جهزت كل شي
بهاج: كفو كفو
نوره ابتسمت
بهاج حس انه جاب العيد بالمشوي وتنهد بضيق ونوره فهمت انه جاب العيد وتقدمت وجلست جنبه
نوره: لا تضيق ماجبت العيد
بهاج بضحكه: لو احد ثاني غيرك كان فاضحني لاخر الحاره اني احرقت المشوي هههه
نوره بضحكه: سرك ف بير هههههههه
بهاج: والبير من فيه؟ لابد من وجود صيته صح؟
نوره بضحكه: لا انت لك بير خاص فيك وصيوت كذالك لها بير خاص ههههه
بهاج : هههههههههههههههههه
نوره ادركت ان الصبح بتروح الجامعه خلاص : يمهه الصبح الجامعه
بهاج: من الان ورايح تنامين الساعه٩ !
نوره: ٩! صعبه
بهاج : خلاص انتي طالبه الحين مو عاطله تمشين على جدول زيك زي الباقين
نوره: اوامر اخرى حضرتك؟
بهاج: جوالك يسحب
نوره بصدمه: ها ! ماني ورع عندك
بهاج بضحكه: وانتي صدقتي اني بسحب جوالك؟!هههههههههههههههههه
نوره: ايه اشوا تكه واتهاوش معك
بهاج: ههههههههههه
نوره :احترق احرق
بهاج : افا ياذا العلم
وشالو المشوي عن النار وحطوه بصحن
بهاج رمى العمامه : اقلطي يابنت محمد
نوره جلست: ابشر يابو مطلق
بهاج بضحكه: بلوتوث تشبكين بسرعه هههههههههه
نوره: ههههههههههه
بهاج : يلا كولي عشان تنامين
نوره:حسستني اني ورع
بهاج: مو عشان شي عشان مصلحتك
نوره بضحكه: امحق مصلحه هههههههه
بهاج بضحكه: معتوهه ههههههههههههه
وبدو ياكلون وبهاج ياخذ من عنده ويحط عند نوره عشان تاكل
نوره: بيهج يرحم والديك كل انت انا شبعت
بهاج: ان ماكليتي ياويلك
نوره بعناد : مابغى
بهاج تنهد: رجعنا على مابغى
نوره: ماعاد اباها
بهاج: لاتبينها
نوره: مابغى
بهاج تنهد وقام واتجهه لنوره وكتفها
نوره تحاول تفك نفسها: بهاج اتركنيي
بهاج: اذا تركتك تاكلين؟
نوره: لا
بهاج: اجل تحملي الي بيجيك
فتح فهمها وبدا يحط فيه الدجاج المشوي ونوره كانت شبعانه
نوره: بهاج خلاص
بهاج: بقى بقى وحده
نوره: مابيها
بهاج: لو تصيدين لهجتي مافكيتك
وحط المشوي بفمها وتركها
نوره: ياثقل مزحك ههه
بهاج: مو مزح هاذا جد
نوره: اذا هاذا جد وشلون الجد الجد
بهاج: هههههههههههه
وقامو ونضفو المكان مع بعض
بهاج: يلا يلا نوم انا بروح شغله ابو ساعه وأجي
نوره هزت راسها برضى
وراحت تنام وبهاج راح يخلص له كم شغله
_______________________________
(بيت ابو نجلاء)
مافي بالبيت الا نجلاء و غدير والهنوف وداد
وداد : نجول بالله شيلي معي الاغراض بسياره رائد بما انك ماتتغطين
نجلاء: تمام
وشالو الاكياس وطلعو
رائد اول ماشاف نجلاء تنهد: جاء ابو سالم
نجلاء: ابو سالم جعله يسلم
رائد: ابو سالم طول شعرك بالله خلنا نفرق اذا انت بنت ولاولد
نجلاء: كلزق احد طلب رايك
رائد: بدايتها كلزق اجل
نجلاء كشرت: يوهه يانفسك الثقيله
وراحت ورائد ابتسم بعدين ادرك انه ابتسم
قال بهمس: هيي مو هي الي تاخذ قلبي وعقلي!
وداد: يتهنى الي ماخذ عقلك
رائد: مامن احد بعقلي
وداد:ايه واضح
رائد: امسي بس ياشيخه
وداد:ههههههههههههه
وراحو
نجلاء: بناتت شرايكم تنامون عندي؟
غدير: والله شكلي بنام صدق هنا بهاج بالديره وعبدالله مع زوجته مدري من يرجعني للبيت
الهنوف: انا بمشي امشي معي
غدير: تسوين خير والله
نجلاء: افف
غدير:الجايات افضل
نجلاء: ان شاء الله
وطلعت غدير والهنوف
ونجلاء ادركت ان وراها جامعه لازم تنام
_______________________________
(سياره نايف)
طلعت غدير وهي تستحي مرهه من اي شخص ماتعرفه ف تنزل راسها بحياء
نايف لفت نظره بنت خجوله وجاه فضول يعرف من هاذي
الهنوف: غدير يلا اركبيي
نايف بهمس: اوهه ذي غدير ماشاء الله عليها
غدير بصوت واطي: خلاص امشي على رجولي (يكرم القارى)
نايف تحمس: لا تركبين معنا ليه تروحين ماله داعي
غدير سكتت ماتحب تتكلم مع اي رجل بالعالم !
وركبت بكل صمت
ونايف ماقدر مايشيل عيونه عنها قعد يطالعها بالمريه طول الطريق وغدير مسكت جوالها تطقطق فيه
ووصلو البيت ونزلت غدير ونايف اول مره يتمنى ان الطريق يطول بس مع الاسف صار اقصر طريق
وراحو
_______________________________
(بيت بهاج ونوره)
دخل بهاج البيت بعد ماجاء من مشوار ياخذ له ساعه تقويباً واتجهه للغرفه ولقى نوره نايمه وشعرها على وجهها تقدم بهاج ونزل لمستوها ورفع شعرها ومسح على خدها بحنان وقام وبدل ملابسه وحضن نوره ونام معها
~الصبح~
بهاج قام بعد ماجواله تفجر مكالمات ومنبهات وفتح جواله لقى رسايل شغل انه لازم يجي وتنهد وطفى وجواله ونزله وشاف نوره نايمه بحضنه
وقام بهاج وغطاها وراح يغسل ويصلي
بهاج: نوره ي نوره
نوره بنوم:ها
بهاج: يلا يالطالبه المجتهده قومي جامعه يلا
نوره : يمه احس خلاص مابغى
بهاج بضحكه: هو بس اول يوم كذا هههههههههه
نوره : يلا بسم الله بدايه خير ان شاء الله
بهاج : موفقه
نوره ابتسمت وقامت تغسل وتصلي وبهاج بالمطبخ يدور شي ياكله
نوره : وش تدور ؟
بهاج: جيعان ياشيخه
نوره: ازهلنيي
بهاج: عز الطلب
نوره تقدمت وطلعت كورن فليكس
بهاج عقد حواجبه : تستهبلين ؟
نوره: لا ليه
بهاج : شلون ليه ابي فطور ماقلت وجبه خفيفه
نوره: تبي يعني كبسه على الصبح؟
بهاج: ليش لا
نوره: ياراسيي
بهاج : بسم الله عليك
نوره: اسمع مافي الا كون فليكس تبي ولا كيفك !
بهاج: اقول لاكون فليكس ولاغيره جيبي لي حليب نياق
نوره: تجلط
بهاج: معدتي كيفي
نوره: امسك
بهاج: مابيها بكوب ابيها بطاسه
نوره: اوامر ثانيه؟
بهاج: سلامتك
اعطته نوره حليب النياق بطاسه وشربها وقاعد يتلذذ فيها
بهاج: جربيه
نوره: مابغى شكرا
بهاج: لاداعي لاداعي
نوره ابتسمت وراحت تتجهز للجامعه وبهاج جلس ينتظرها
واخيراً نوره خلصتت
بهاج:سنه
نوره: ترى ماخديت الا ساعه ونص
بهاج : بهالساعه ونص اخلص اشغالي كلها
نوره : ي حبك لتهاويل
بهاج : ماهو تهاويل
نوره :اجل وس
بهاج : معلينا يلا امشي
نوره:يلا
بهاج غمز : مافي قبله الصباح؟
نوره ابتسمت وتقدمت وقبلت خد بهاج
بهاج:يالبيهه
نوره بضحكه: خفيف الاخ ههههههههه
بهاج بحماس: احسني خذيت جرهه طاقه يلا بسرعه امشي
نوره : يلا
وركبو السياره وراحو كوفي وخذو قهواتهم المفضله ونزل نوره للجامعه وبهاج واح لدوامه
_______________________________
(الجامعه)
نوره مستجده ضايعه
نجلاء كانت تمشي وودها تتهاوش مع احد وصقعت ببنت
نجلاء بعصبيه :ماتشوفين انتي
نوره بعصبيه: حولا انتي؟!
نجلاء بصدمه:نوره؟
نوره بصدمه: نجلاء؟؟
نجلاء:وجع اشتقت لكك
نوره : وانا اكثر ياروحيي
وحضنو بعض وقعدو يسولفون ويتعللون فجأه تمشي من عندهم بنت ونوره عرفت ملامحها واتجهه لها
نوره:صيوتتت
صيته:نوره
نوره:صيوتت اخيراً درس جامعهه
صيته: ليش ماعلمتيني
نوره : قلت مفاجأه
صيته : طيب عرفو عمامك ؟
نوره: بهاج يقول انتي تحت حمايتي معليك
صيته: الله يسعده زي مااسعدك
نوره بفرحه: امينن
نجلاء:ياهلا بصيتهه
صيته: هلا نجلاء
وسلمو على بعض
وكملو يومهم طبيعي الين جتهم بنت
البنت :اي وحده منكم اسمها نوره؟
نوره : هلا وش بغيتي
البنت : ابيك شوي بموضوع مهم
نوره: تمام
والبنت مسكت يد نوره وخذتها لمكان ف الجامعه شبه مافيه احد
وكانت البنت مرهه طويله ونحيفه وشعرها بوي ومافي معالم يدل انها بنت حرفياً كأنها ولد
نوره: نعم اختي بغيني شي
البنت بأبتسامه مسكت يدين نوره: حبيبتي نوره بس كذا حبيتك وبغيت اسولف عليك
نوره: بس انا الحين بطلع
البنت حضنت نوره بقوهه ونوره من اللخمه بادلتها الحضن
نوره ابتسمت وراحت تلبس عبايتها ونقابها وطالعه لبهاج
بهاج : اهلاً
نوره: هلا
بهاج : ها كيف الجامعه
نوره : حلوه
بهاج: الحمدلله
نوره : بهاج برجع للديره
بهاج: وداوامك؟
نوره: هالاسبوع مافيه شي
بهاج: ايه مو مشكله نوديك
واتجههو للبيت وخذت اغراضها نوره وركبو السياره وعلى خط الديره
وطول خط الديره ونوره تسولف لبهاج عن الجامعه وكذا وبهاج يتفاعل معها بكل كلمه تقولها ووصلو لمدخل الديره
بهاج : ترى اجيك كل مافضيت او ضاقت بي الوسيعه
نوره بأبتسامه : حياك الله
بهاج بضحكه: دام الترحيب كذ كل يوم وانا عندكم ههههههه
نوره:ههههههههههه
ووصلو لبيت ام سحاب ونزل ونزلت نوره معه ينزلون عفش نوره
نوره : والله ماتروح الا وتقهوى
بهاج: عندي شغل
نوره: حلفت
بهاج: ملزمه؟
نوره: ايه
بهاج : يلا نقلط وش ورانا
ودخل بهاج ونوره سوت القهوه وتقههو وسولفو
بهاج: يلا مع السلامه
نوره: استودعتك الله
نوره حضنت بهاج حضن (وكأنها) تدري ان في شي بيصير وبهاج بادلها الحضن
وطلع بهاج وراح
نوره حست بضيقق ماتدري وش سببه
_______________________________
(بيت ابو زيد)
ام عبدالله وهي ترتب الشنطه: ها بهاج بيجي نبي نروح
ام سحاب: شكلي بروح معكم تنزلوني لبيتي
ام عبدالله: ايه حياك الله
زيد: ياشين الفراق
الجد ابو زيد: اشهد بالله
الجده ام زيد: عاد ها زورونا عاد
ام عبدالله: ابشرو بالزواره الثانيه
ام سحاب: ان شاء الله
دخل بهاج: سلام
الكل: وعليكم السلام
ام عبدالله: وينكم مخنفين
بهاج: ابد....
قاطعته الجده ام زيد: الاشغال والاشغال
الكل:ههههههههههه
بهاج: بس هالمره صدق
الجد ابو زيد: يعني تكذب علينا بالقديمات؟
بهاج: لا ماكذب عليكم لكن هاذي اصدق وحده
زيد: غرد غرد ياطير الحب
بهاج: بغرد، رحت اخلص اشغال جامعه نوره
الجده ام زيد بفرحه: تقول صادق انها خلاص صارت تدرس
بهاج بفرحه:رسمياً تدرس
زيد من الفرحه نط على بهاج : حققت حلمها !
بهاج: وهاذا الي ابيه ههههه
زيد: يسعد امك ياشيخ
بهاج: هههههه
الجد ابو زيد: هاذي لازم اذبح ناقه عشان دراسه نوره تستاهل
بهاج: لازم ياجد هههههه
اما عن ام عبدالله وام سحاب كانو يدرون
بهاج: ها يمه مشينا ؟
ام عبدالله: ايه ياوليدي تبي تروح معنا خالتك
بهاج : حياك الله ياخالتي
ام سحاب: الله يحيك
وبهاج وزيد كلعاده هم الي يشيلون العفش وركبو العفش ومشو
ونزل ام سحاب واتجهه لرياض بضيق ووصلو الرياض وبهاج نزل امه للبيت واتجهه لبيته مايبي يقابل هيام ومع التفكيربـ نوره نام
_______________________________
(ومر اليوم طبيعي على الجميع )
_______________________________
(يوم الاثنين الظهر)
كان الجو جو طلعات بر
بهاج صحى على رسايل فجرت جواله توقع انها من الشغل لكن هالمره تمنى انها تكون من الشغل ولا من هاذا المجهول
بهاج بنوم: اففف وش ذا الي فجر جوالي
وقرأ المكتوب وقراه مره مرتين ثلاث مو قادر يستوعب المكتوب
المجهول : انا فاعل خير وبقولك الي عندي وبمشي مابي منك شي زوجتك نوره على علاقه مع ولد عمها حمدان وهي دائما تنكر انها تحبه قدامك فقط تنكر انها تحبه بس هي بالواقع تحبه حب طاغي وتستغلك ولو تسألها راح تنكر وتراها حامل ! من حمدان انتبه قلت لك الي عند واذا منت مصدق افتح الصوره والصوره مصوره امس ورا الجامعه تقابل حمدان من وراك
بهاج فتح الصوره وشاف نوره حاضنه حمدان ورا الجامعه
بهاج انربط لسانه مايدري ليه ماقدر يرد عض على شفايفه بقهر
بهاج بصراخ وعصبيه: حامل!!!مستحيل اصدق الا لمن اتأكد مستحيل نوره تسوي كذا مستحيلل نوره تحبنيي مستحيل مستحيلل
وفعلاً ركب سيارته واتجهه لديره
_______________________________
(بيت ام سحاب) العصر
نوره بعد ماخلصت اشغال البيت تنهدت براحه وراحت لتسريحه تحط ميكب كذا بدون سبب تحط ميكب وتلبس فساتين
ام سحاب : نوري يابنيني بروح ل ام مساعد تبين تجين معي بما انك كاشخه
نوره: عاجزه اليوم كذا بتزين واصور وامسح الميكب
ام سحاب: زين
وراحت ام سحاب
ونوره جلست على السرير
وفجأه بهاج دخل عليها وجلس جنبها
بهاج: نوره بسألك وجاوبيني بصراحه
نوره: بجاوب بس وش فيه وجهك ؟
بهاج: تحبين احد غيري؟
نوره بعناد تعمدت تثير غيره بهاج : ايه .............
_______________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
نوره عنادها بيوديها بست وستين داهيه 😔
كيف القفله بس؟😉
~وكل عام وسعوديتنا بخير 🇸🇦🫡~
النجمه تدعم الروايه✨