مجاعه شوك بيه
وعطش ملكه
وطف حنين
وتعب مكيود وسبي
كلي ياحوت شدعيت والله سد جوعك نبي
سامر : الدكتوره الحلوه شلونه
شهد سمعت صوته ودرت عليه بسرعه بضحكه
_ هله والله يأبه زين شفنه حضرتك فهمنه انت مقدم
وكذا عليش شايف نفسك علينه
سامر بضحكه : والله الصراحه بدون مجامله بعدت
حتئ اشوف تشتاقيلي او لااا
شهد بابتسامه : طبعا اشتاقلك لعد ليش انت ابن عمي.
سامر يباوع لعيوني ومن باوعت شفت لمعه فرح بيهن
سامر : شهد أمته توافقين عليه
شهد نزلت عيوني و توترت من كالي هيج : احمم
خوما بيك شي جاي للمستشفئ
سامر بعده مركز عليه: يي شتاقيتلج و جيت
شهد: كلش خجلت وبعد مااعرف شنو احجي ونزلت
عيوني منه ماريد اباوعله
سامر بضحكه قويه : بويه ماعت البنيه شبيج
متحملين واحد يحجي الصدك عل عموم اريد منج
معقمات و كطن وشاش اخليه يمي للحالات الطارئة
شهد بتوتر و اني منزله عيني بالكاع : ماشي هسه
اجيبلك
رحت بسرعه
واني افكر بسامر طبعا احجيلكم شوي علي
سامر ابن عمو خالد هو مقدم بالجيش و من صار
الوضع مو زين أكثر وقته بالدوام لان اكو هواي من
الضباط من مختلف المحافظات جوي حتئ يحررون
الأنبار من داعش و هو وياهم يدليهم على المناطق
بالانبار وبنفس الوقت هم يحارب وياهم من احنه
وصغار هو اخ وصديق اليه ماعندي اخوان واعتبرته
اخويه هو اليحميني إذا أحد ضوجني وحتئ إذا ماما
تصيح عليه من اسوي غلط يكوم يحجي علئ ماما
من كبر صار اهتمامه كلش يضايقني ومايقبل اروح
الخوالي و هم ميخليني البس براحتي و حتئ عل
حجاب بابا كلش مدللني و مراد يجبرني عل حجاب
إله اني البسه بقناعتي بس هو ماتحمل كل مااطلع
ويشوفني بلا حجاب يكوم يسب بروحه او ينصي
صوته ويسب واني من اسمع هيج اغلس ولا كانو
عصبيته بسبب حجابي من وصلت اعداديه تحجبت
لحد اول مرحله كليه اهتمامه صار فضيع يعني عادي
اطلع من المحاضره اشوفه بوجهي لو إذا أحد من
الزملاء الي ويانه يشوفه يحجي وياي يرزلني اخر مره
ردت اخذ محاضره من الممثل الي ويانه من الدكتور
وكال يسوي نسخ ويوزعه علينه اجه سامر شاف
هيج وكلش تعصب اني من شفته هيج كتله اريد
ارجع للبيت ومن صعدت بالسياره انواع الغلط
والسب الي اول مره اسمع هيج لحد ماعطت بي من
كثر مامليت وتعبت من تصرفاته
شهد: كافيييي شعليك بيه اني ممسويه اي شي
غلط مو انت تجي تحاسبني
سامر بعصبيه : احاسبج واكسر راسج هم ح…..
تحجين ويه الولد مو عيب
شهد ب عصبيه : ياسيد يامحترم هذا ممثل ويانه
وأخذت منه محاضره ونطاني ياه بكل احترام
لاتجاوز ولا قلل َمن احترامي بعدين انت شكووو
كافي سامرررر والنبي مليت من تحكمك وتصرفاتك
الي صارت لا تطاقققق عوفني بحالي معليك بابا
موجود وكلشي يعرف عني لا تدخل انت
سامر بعصبيه : ليشششش ليش ماادخل شهد
ارحميني والله بعد ماتحمل
شهد بصياح : شنووووو الي ماتحمله شبيك سامر
اصحه
سامر بصوت مخنوك : شهد اني اغار عليج
شهد بعصبيه وعدم فهم : ليششش انت ماتعرفني
اني شنو ليش تغار
سامر عصبيه : لج غبيهه الي يغار علئ مرااا ليششش
شهد : بعد ماتحمل حجيه كتفت اديه باوعت للطريق
وصلنه باب بيتنه وقبل لا انزل كالي
_ شهد اني احبج و ماتحمل اشوف اي ولد قريب
يمج مو نوب يباوعلج بااعجاب
شهد : باوعتله بصدمه وره ماوعيت علئ كلامه عفته
ونزلت دخلت للبيت
ومن اخر موقف صرت ابتعد منه المكان الي اشوفه
او اسمع صوته بي اعوفه ماابقه بي
لحد مره بالعيد عازم عمو خالد العمام بلمت العيد
ورحنه عليهم سلمت عل كل و شفت سامر موجود
كاعد عل تخم يشرب جكاير ويباوعلي من اول
مافتت لحد ماوصلت يمه سلمت علي من بعيد
وبدون ماباوعله وعفته ورحت يم البنات ومن كملنه
غدا رحت اغسل واجه سامر يحجي وياي واني
حاولت اطلع ومااسمعه
سامر : شهد الئ متئ ضلين تتهربين
شهد : مامتهربه بس ماريد احجي شي وياك
سامر : يعني تصرفاتج على شنو دل اريد اعرف ليش
تتهربين
شهد باوعتله : سامر انت صديق وأخ وبعدين ابن عم
لاتخرب علاقتنه
سامر : يعني ماتحبيني
شهد : كتلك اخويه وصديق الطفوله انت شلون
مااحبك بس مو حب زواج
سامر باوعلي بعيون مغوركه اخذ نفس عميق من
من سمعته اني كلبي وجعني علي
من بعد ماراح سامر كلش حسيت بتانيب الضمير لان
مااكدر ابني حياتي بالمستقبل علئ شي مراح يصير
ومااكدر اجبر نفسي علي لان اعرف ماراح اكدر احبه
ك زوج ومااكدر افكر او اشوفه بهاي الطريقه وياي
والعصر كلنه البنات كاعدين بالصاله نزل من الدرج
لابس الزي العسكري وشايل الجنطه مالت الدوام
والجكاره باايده ومعصب شافته امه وكامت علي
ام سامر : وين يوم رايح
سامر : خابروني يوم ولازم اروح للدوام
ام سامر : ترجع اليوم ماما
سامر : لا عدنه شغل هواي
وبسرعه باس راس امه وسلم علينه وطلع
بعد مرور كم يوم
داعش كلش قرب من المنطقه الي احنه بيه
وهواي ناس واقارب النه طلعو من الأنبار بس بابا و
عمامي ماقبلو نطلع وخاصه عمو خالد و جاسم الان
ولدهم كلهم تطوعو بالحشد الي طلبته وزاره الدفاع
علمود يصدون داعش و لان اعدادهم كلش هواي و
هم هواي سمعو حجي من الأقارب الي طلعو انو
ماكو احد مستقبلهم و أهالي المحافظات الاكثريه
يلومون بيهم الان طلعو وداعش استولئ علئ
المناطق الي جانو بيه و القوات الي موجودين
بالمنطقه مالتنه طلبو نتركه و نطلع لغير منطقه لان
صارت خطر و راح تصير بيه مواجهات طبعا من
سمعت ماما هيج راحت البابا وكالتله نطلع البغداد
اوالاربيل المهم مانبقه بالانبار بس بابا رفض و كال
نروح للخالديه وبعد محاولات من ماما ماكدرت
تقنعه و حضرنه غراضنه وباليل رحنه البيت بالخالديه كل
عمامي بي كعدنه بي بالخالديه واني صار دوامي
بمستشفى ال…. بالخالديه طبعا هل فتره صار
اسلوب داعش الجديد مو بس يتعرضون للقوات
الامنيه بلشو بالاسلوب ثاني وهي الهاونات يعني
بالأسبوع مرتين او تلث مرات يرمون الخالديه بهاون
و غير عن الهجوم الي يصير المغرب ليله الجمعه عل
الخميس يعني كلنه عرفنه بهذا اليوم راح يصير
التعرض وفعلا القوات والشرطه و الحشد كلهم
يكونون مستعدين لرد هذا الهجوم ومره الصبح صار
هجوم كلش قوي طلعو بابا وعمامي كل من شايل
سلاحه واحنه النسوان ختلنه بالبيت وبعدنه عن
الشبابيك و البوب ونسمع صوت الطلق الي يزرف
بالحياطين واماكن ثانيه وتوقعنه باي لحضه يفوت
داعش علينه لحد ساعه ٣ الضهر هدء الوضع و من
استفسرنه شنو صار اجو عمامي و بابا كلهم
يضحكون وفخورين
سالناهم : شكو شنو صاير
رد عمو خالد بابتسامه كله فخر : ثنين من ولدنه نازلين
الفجر بالشط متسللين علئ المنطقه الي بيه داعش و اكو علم
للدواعش مخلينه يم الشط رافعي ولدنه و منزلي و
مخلين علم العراق و راجعين
احنه من سمعه هيج كلنه ضحكنه وافتخرنه بيهم
سألتهم عمه ام سامر : يااا زين ماكتلوهم داعش
بابا : لا الحمد لله للصبح حتئ شايفينه ومتخبلين و هذا الهجوم
ردو علينه
شهد : زين منو من الولد سوه هيج
عمو جاسم : سامر وويا ٥ ولد ٣ منهم مراقبين و٢ نازلين
وكل واحد يكول اني علمود ماتثبت علئ احد بيهم و ينقتلون
ام سامر بخوف : وسامر وين هسه
ابو سامر: بالواجب لتخافين علي هذا سبع
وستمر الحال هيج كل ليله خميس عل جمعه هجوم لحد يوم ١١/٢١......
الكاتبه / رفقه الفهد
لاتنسون التصويتتتتت