الجميلة والسايكوباثِ ( الجزء الثاني )
بقلمي أنا : چمارة عليِ 🤍 ..
بسم الرحمـٰن ..
________________________
في أحد أيام الشتاء الجميل ..
وفي صباح مليئ بالطاقة ..
واصوات رعد و أمطار غزيرة ورياح ..
وفطور عراقي شتائي اصيل ..
ابيجيل : دموسي كثري لبلبي
دامِس : تدللين ياروح دموسج
الحر : تخرفن الرجال
خزرة دامِس وكمل دلالة بـ عزيزة قبلهُ ..
الثعلب : بوياي بويةة شني من طعم .. دهاج هاج اكلي ابيجيلي اكلي
ابيجيل : انطاني من لفتة وعضيت لگمة .. لزم اصبعي دامِس وجرة الحلكة وعضا .. عطت وجريت اصبعي ..
دامِس : هاا sorry baby .. عبالي كيمر تيهت
ابيجيل : شكد جنت متوجعة بس فطسني ضحك ..
شوية والحر لزم اصعبي وغطسا بالچاي عطت عيطة من كل گلبي ..
الحر : اسفف يمعودة عبالي شگر
الفهد : چا هوة هيجججج .. صليت إصبع البنية يمعودددد
الشاهين : حتى غزل مايعرف
الثعلب : حقة .. نريد يوم اجة وكال أحب لو عجبتي وحدة
ابيجيل : غمضت عيونة وكال ..
الحر : چني راح اكول
ابيجيل : كلنا شهكنة واحد ضل يباوع بوجه الثاني بصدمة .. خزرة دامِس وكال
دامِس : منية ولكك ؟؟
الحر : ها .. منية !!
الثعلب : كولل منية
الحر : شكوللل
ابيجيل : أنجب مو عبالك مانعرففف لو اغبياء .. منية ولكك
الحر : چنج اخذاج الواهس ؟؟
ابيجيل : تمام تمام اسفة .. بس منية حباب
الحر : شبيكم اكلتوني وشربتوني شبيكم جوعانين ؟؟ هاذ أكل واكلو
ضربة الفهد وعاط دامِس ..
دامِس : دكوللل منية لا اكوم افلشكك .. كولللل
الحر : شبيكم يابةة .. قصدي بالمستقبل .. خو ما ابقى هيج بس انتو حبجيات وأني جافة كلشي ماكووو
ابيجيل : والله جذاب .. تحب وحدة بس ما تكول الناا
الحر : انتو مو اصدقائي ؟؟
الكل : أي
الحر : اذاً من أحب والكة الي تكلولي منية عود اجي واكول الكم .. وأول شخص ابيجيل اكلة
ابيجيل : والله ؟؟
الحر : وداعت عبدالله شبيكم !
ابيجيل : كلشي ما بينا عيني كلشي مابينا
خلصنا أكل ورحت أريد اغسل المواعين بس الماي خاني وطلع مجرش .. حرت شلون ومن بعد تفكير قررت اغسلة وعادي شيصير خل يصير بس المهم اغسلهن ..
مديت ايدي بالماي ما طولت ثواني وشمرت الجدر وحسيت ايدي ضلت يكرصن بية ..
عدت هاي الكرة لحد نص المواعين وبعد خلاص ما اكدر ايدية ضلت توجعني حيلللل ..
من كد ضغط الوجع والبرودة صرخت .. ثواني واندفر الباب واجو الولد .. انرعبت واجو كلهم مهبوطين ووجوهم تحجي كمية الخوف
دامِس : شبيججج ارجوانتي شبيجججج
الفهد : احتركتييي ؟؟ نجويتييي
الشاهين : ولجج احجييي شبيجج
الحر : شفتي فارةة لو بريعصي ؟؟
ابيجيل : ايدي ايدي .. من كد ما المي بارد متتتت
راح دامِس وفتح الماي وخلى ايدة يتفحص برودة الماي .. فتح عيونة حيل وكال بصدمة ..
- كل هاي البرودة وتغسلين مواعينننن ؟؟
ابيجيل : لعد شسوي أريد اخلص بساع
الحر : صدك تحجين ابيجيل هيج ثلج وتغسلين مواعينن ؟؟
ابيجيل : اجة دامِس حضني وباسني من خدي وكال بكل حنية
- روحي يابعد روحي .. اكعدي واني اغسلهن عزيزتي
ابيجيل : لاا خليهن أني بعد شوي من يصير ا....
دامِس : اششش روحي ادفي واني اخلصهن هنة شوية
ابيجيل : تمام رايحة ..
الحر : لااا بوية شلون تمشين وانتي ايدك توجعج .. تعاي تعاي
ابيجيل : تقرب مني وشالني .. فطست ضحك وبلاخص دامِس يصيح علي وهوة عناد بي يتغزل بية وشايلني
رحنا للصالة وراح الشاهين جاب بطانية ودفاني بيها والحر حاضني فوك البطانية ..
ضلينة نشاهد فلم شوية واجة دامِس .. صاح بالحر علمود يوخر
دامِس : وخر لككك وخررررر
ابيجيل : وخر الحر واجة حضني حيل .. وخرت البطانية وخليتة يدفى وياي .. وتغطينة ثنينا بالبطانية ..
شوية ودك تليفون الفهد ..
الفهد : هاي ليندا .. الووو .. هلا حبيبي
****
ليندا : شلونك حبيبي
الفهد : على الله وانتي شلونج
ليندا : الحمدلله بخير .. وين انتة هسة ؟
الفهد : يم دامِس .. ليش محتاجة شي ؟
ليندا : لااا بس أريد اعزمكم على العرس
الفهد : ااااا بالخير بوية بالخير .. شوكت حددتو ؟
ليندا : اليوم جمعة ! .. الجمعة الجاية العرس
كال للموجودين يمة وكلهم فرحو .. كال بفرح
الفهد : جايين جايين .. بعد عمج جايين
ليندا : ضحكت وسديت الخط ..
انفتح الباب بهمجية وما فزيت مثل كل مرة لأن تعودت ..
حيف : شلونج عروستي
ليندا : اجة حضني وكعد وكال بفرح ..
حيف : والله لكيت قاعة .. جنها قصر
ليندا : صدك .. وين
حيف : بـ ***
ليندا : بس احسها بعيدة !!
حيف : عادي .. هوة منا ناخذ كوستر ثنين ومنا سيارات الولد عادي ماكو مشكلة بالبعد
ليندا : هوة صح بس هم بعيد
حيف : ههههه .. زين ماكو ! بس هاذ أكثر واحد حلو
ليندا : تمام اروح واشوفة
حيف : ديلة بدلي
ليندا : باوعت للساعة .. ورحت طلعت ملابس وهوة راح يبدل .. خلصت ونزلت
رحنا وجان الطريق ساعة .. بس من طبيت الها انبهرت من جمالهااااا جانت تخبلللل حيل حلوة
عجبتني القاعة حيل وحجزناها .. والدنية حيل حلوة ومطر قليل ما ردت اروح للبيت ورحنا بطريقنا نتعشى ونتناقش بتفاصيل عرسنا واكمال حبنا 🤍 ..
****
ابيجيل : شنو ؟
الفهد : ليندا راح تزوج
ابيجيل : صدكك .. عادي اروح اشوفها ؟
انصدم دامِس والكل انصدم .. باوعت هم مستغربة من ردة فعلهم
الحر : تثاوب .. الجو مال نوم وعلي
دامِس : وين ترحين ارجوان ؟
الحر : يلةةة نكوم ننام يلة ك...
ابيجيل : العرس ليندا !!
بين اصراري اروح وبين عناد دامِس وغضبة وبين الحر يريد يغير الموضوع علمود لا تصير مشكلة بس ما كدر وكبت مشكلة ..
ابيجيل : اريدددد اروححح غيررر صديقتييي هيةةة أريد اشوف شلون تزوججج
دامِس : لججججججج ارجوان لااا تعصبيننيييييي وينننن توليننننن ويننننن .. البراااا خطررر .. البرااااا خطرررررر
ابيجيل : زيننن شلون راح تسونن عرسسس ؟؟
الكل سكت واولهم دامِس ..
- يلةةة كوللل .. لو بس أني ؟؟
دامِس : ارجوانتي .. شوفي تعاي اسمعي
ابيجيل : اللقهر جان غالبني واصدرت تصرف واثار غضبة الي صارلة أيام كلنا مستغربين لأن هادئ ..
- وخررررررر ..ما أريد أسمع أي شييي الناسس كلهم تزوج وتطلع بس أني محبوسة يمكككك محبوسةة بسجنك
كلهم انصدمو ومعاني الرعبة ضهرت على وجوهم ..
دامِس بدت تضهر اعراض الغضب .. عيونة بدت تحمر .. وجهة بدة يحمر .. عروق ايدة بدت تضهر من شدة القبض وتهدئة النفس بس للأسف ما كدر ..
كال قبل الاعصار ..
دامِس : هاذ سجن ؟؟
ابيجيل : بعدني ما مجاوبة .. وارعد
بعد ما فلش الطاولة وهوة يصيح علية ويكسر .. عاف التكسير واجة بأتجاهي .. ما عجبة تصير الصنم حب يكسر جسد .. بعدة ما لازمني وما حسيت غير الحر شالني وطفر بية للدرج .. صعدني الغرفتة وقفل الباب علينة
منهارة وجسمي يرجف .. من كد الرجفة من نزلنلي بالكاع وكعت كبل
اجة وحضني وضل يهدئ بية ..
الحر : حبيبتي أنتي ..اهدئي ابيجيل ..اهدئي كانديز اهدئي يروحي .. ماكو شي .. هسة شوية ويهدئ حبيبتي
ابيجيل : م...و قصدي .. موقص..دي والله .. ما ردت ه..هيج ح....حر
الحر : ياروح الحر .. أدري ادري مالج دخل بس شسوين يخاف عليج ومايعرف يتحكم بغضبة ولا يعرف يعبر عن خوفة حبيبي اهدئي
ابيجيل : الباب يتركع وصوتة المرعب وهوة يصيح ..
دامِس : بسسس اطلعييييي ولجج ارجوان
- ماراح اسويلجج شيييي اطلعييي
- اطلعي نتفاهم حبيبتي .. اطلعييي ارجوان
ابيجيل : ما سمع رد مني لو تخبلللللللل
دامِس : ولججججججج ارجوان لااااا تحتمينننن بييييي ارجواننننننننننن
- ولججججج لا تحتميننننن بأحد غيريييي .. فتحييي الباب
- ارجوان إذا ما طلعتي وداعت عيونجججج ادفنج أنتي والي احتميتي بييي
ابيجيل : بدة يركع بالباب يريد يكسرة .. ما إلي غير حل واحد .. وخرت من الحر وهوة يقيدني وأني اتملص منة واوخر ورحت برعب وخوف وشعري اليمشي وراي نغطي مغطي نص وجهي ..
رحت فتحت الباب وقبل لا يدفرة وكف من شافني ..
ضل يباوع علية وأني ارجف ومستسلمة الضربة .. بس صدمني من سوا شي غير متوقع ..
حضني ورفعني عن الكاع .. حضني وكأن طفل بيدة مو بنية جبيرة .. حضني حيلل وضل يهذي بكلام بس أني اسمعة ..
دامِس : لا تحتمين بغيري .. احتمي بية ارجوانتي .. احبج .. لا تحتمين بأحد غيري .. بس أني .. أني احتمي بية
ابيجيل : وعلى هاذ الكلام الى أن وصلنا لغرفتة .. قفل الباب واخذني السريري .. نزلني مثل الأم وخايفة على طفاها يفز من نومة .. غطاني وراح جر كرسية الملكي الفخم .. وكعد مقابيلي ولزم ايدي وضل يباوع علية ..
نضراتة وعيونة مرعبات حيل .. حاولت اتغاضة نضراتة وصرت اباوع على زواية الغرفة .. بس من خوفي كل شوية اباوع علي .. آخر شي غمضت عيوني ..
باس عيوني وكال بصوت هادئ ..
دامِس : تخافين من عيوني ارجوانتي ؟
ابيجيل : لاا .. أريد انام منعسة
دامِس : أني ما أخاف من عيونج .. بالعكس .. هنة مصدر قوتي وهنة مصدر صبري على هاي الحياة .. عيونج مصدر قوتي ارجوانتي
ابيجيل : أني كلشي ما مسوية وانتة هيج تعصب علية
دامِس : اعتذر ارجوانتي ..
ابيجيل : هواي تعتذر وترجع تعيدها .. أني هم عندي كرامة وانتة بهاي فعلتك دا تقلل من كرامتي
حجة بنبرة هادئة
دامِس : ارجوانتي والله أخاف عليج .. مو طلعتي وشفتي شصار وياج ؟؟ وهاي عود ما طالعة الحدود البشرية هاي بس القليل حيللل .. العالم البرا مرعب وصعب .. خطير .. من يشوفون أي شخص هادئ ومسالم يكولون علي ضعيف وراح يفترسو .. وانتي رقيقة ولطيفة وجميلة وما اريدج تضهرين للعالم و الوحوش الخارجية علمود لا اخسرج .. وراح يجي يوم وتضهرين للعالم الس حذرتج منة وراح تكولين تتمنين ترجعين الهاذ بيتنا .. يجي يوم
ابيجيل : باوعت علي ورجعت غمضت عيوني ونمت ..
****
صگار : شبيج سمرتي
سمراء : تقلص حبيبي تقلص .. مابية شي
صگار : خاف ولادة
سمراء : لاا كالت الأسبوع الجاي
صگار : دتعاي استجني .. من كالتلتج لا تشتغلين رحتي اشتغلتي ويومية كاعدة وساكتة
سمراء : هههههه .. هسة شبيك ياعيني غير يومية ماعندي تنضيف
صگار : اروح فدوة العينج ..
سمراء : رحت كعدت يمة .. عاف الكتاب ونزع النضارات وحضني .. عافني وراح فتح البردة وجان الجو ولا غلطة .. ورجع حضني
بطني كل ثانية يزيد الألم .. بس ساكتة ومستحملة علمود لا يخاف علية ..
ضل يشاقيني علمود اضحك .. وفعلاً ضحكني وفرحني هم ..
لزمت بطني ودخلت بحالة صدمة الدقائق .. تذكرت ابني البطني !!
راح انطي ؟؟ راح ياخذون ابني مني ؟ دمعت بحزن وزاد الألم ..
طلعت حجة من سألني ليش ابجي وكلت بطني ! بس السبب الأكبر حبيبي إلي ببطني .. بس هالاسبوع وينور وراح يبتعد عني !!
كمت ضليت افتر من وجع بطني وجع گلبي ..
صگار معاني الخوف انرسمت على وجهة .. وأني كل ثانية يزيد الألم عندي .. لازمة كف ايدة واصبر بروحي .. إلى أن حسيت بشي على رجلية .. تفحصت روحي وجان يطلع ماي الطفل !!!
صگار : راح تولدين سمرةةة
سمراء : بعدني ما مجاوبة وجان يجيني ألم .. اخخخخخ من كد ما قوي وكعت بالكاع رجلية صارن ما يحملني ..
ضليت أصرخ وعلى صريخي اندك باب غرفتي وصوت غزل وضحى .. وصحى ابني علي باوع علية وتخبلل اجة يركض
- شبيج ماما شبيج
( ماراح احجي بلغة الأطفال 👍🏻 )
اجة حضني وضل يهدئ بية ويا بكائي ضل يبجي وياي .. ضليت اتصنع القوة علمود ابني لا يبجي ..
سمراء : مابية شي ماما مابية شي يروحيي
علي : أنتي شبيج لاتبجين .. أني يمج ماما لاتبجين
سمراء : لأن انتة يمي ماراح ابجي .. وهل راح الألم
غزل : ضحى جيبي عبايتهة وشالها بساععع
سمراء : بهل أثناء اقتحمت الغرفة المسمى ( أم الطفل ) باوعت علية واجت تقربت
- واخيرا راح ينور ابني
صگار : ايي اي بس روحي لا تجين هنا
- ليشش عيني ؟ .. غير ابني راح يجي وأني أكون حاضرة
سمراء : انجبييييي ..ابنيي هاذذذذ ابنييييي ما انطييي الكم لو تموتوننننن ابنيييييي ..
وكبت العيطة .. من الغرفة لحد ما نزلت بس صياح وتوعد قسم يعيط على اليحجن علية وقسم صاف ويا اليحجن علية .. وصلت للسيارة وكبل رحنا للمستشفى ..
متت لحد ما وصلنا ..
من الـ 7 الصبح إلى الـ 5:00 الفجر يلة نور ابني ..
أول ما طلعو من بطني خلو على صدري .. جان يبجي وبس خلو على صدري ضل يهدئ .. ومن سمع صوت أبو سكت وهدئ على الآخر ..
صگار : يابعد ابوك .. ياسندي
سمراء : بجيت وكلت .. ماراح يصير سندك صگار ..ماراح يصير
حضني صگار وضل يهدئ بية ..
طلعوني من العمليات وأني كوة مسيطرة على روحي ما انام .. بس غلبني التعب ونمت ..
فزيت وشفت صگار وضحى وعمتي والشيخة .. ما اهتميت الأحد منهم وردت بس ابني .. أول كلمة نطق بيها حلكي هية " ابني وين " ..
خديجة : إسم الله الرحمـٰن بنيتي .. هذاك نايم نايم
سمراء : ببكاء .. جيبوو .. جيبو ابنيي
الشيخة : خايبة حبوبة لا تتعلقين بي خايبة .. أول وتالي راح يصير أبن المصيوبة
سمراء : تخبلت عليهم .. الى تجيبولي ابني .. راح صگار يجيب ابني وأني منهارة .. شوية واجة شايلة .. من شافتة عمتي ضلت تهلهل وهوة فرحان حيل .. وشايلة بحذر
اجة وخلا بحضني وشفتة .. ضليت ابجي واتأمل جمالهة
خشمة الجميل .. لو شفتة الوردية .. لو خدودة التخبل ..
حرت شنو اتأمل !؟
نص ساعة هوة بحضني .. شوية وحسيت بي بدة يتحرك .. ضحكت وفرحت بنفس الوقت صحى حيل وبدة يبجي
الشيخة : خايبة جدة لا ترضعي
سمراء : جدة ابني هاذ شلون ما ارضعة ؟؟
الشيخة : انتو من البداية اتفقتو تنطو للمصيوبة م...
سمراء : ما اتفقت جدة .. غصباً عني راح تاخذو .. ماكو أم تنطي ابنها بهالسهولة .. بس غصباً
خديجة : ديلة يمة رضعي وشبعي من شوفتة
سمراء : رضعت ابني وشبع ..
والضهر اجة عمي ولد احمويني وسيد ..
فگو العقدة عن الطفل وأذن وكبر بأذن طفلي .. وراح السيد ..
لليل الكل راح وبقينة بس أني وصگار وابنا ..
سمراء : حيل يشبهك
صگار : ههههه
سمراء : أني احبل واتعب وهمة عالحاضر يجون يشبهوك
صگار : هههههه
سمراء : ايي ايي ضل بس اضحك وأني ميتة تعب
صگار : بية ولا بيج هالتعب
سمراء : يعني تولد بدالي ؟
ومتنا ضحك ..
تقدم علية وباسني من گصتي وكال بصوت هادئ وحنين ممزوج بفرح ..
صگار : اشكرج لؤلؤتي ..
سمراء : على شنو ؟
صگار : لأن صرتي بحياتي وجبتيلي هالـ لؤلؤات
سمراء : أني هم اشكرك ..
صگار : ليش ؟
سمراء : لأن قدمت الحب إلي .. يغض النضر عن الي صار وشلون تزوجنة بس صرت إلي سند بفترة جان محد ساندني وما تغير حبك إلي بالعكس زاد ..
صگار : شلون ما احبج وانتي صرتي سند الي .. شكد جنت اكرهج بية علمود انفصل عنج لأن جنت أحس ما تستاهليني بس تتفهميني وتخليني احبج أكثر من الي قبلها
سمراء : احبك صگاري ..
صگار : اعشگج سمرتي ..
سمراء : ابتسمت واكتفينة بالنضر الابنا ..
شوية وتقدم على الطفل وشالنة وخلا بخضنة .. تقرب بأذنة وضل يكبر ويعدد أسماء الأئمة ..
ومن وصل الـ أمير المؤمنين علي ( عليه السلام )
انرسمت الابتسامة على وجه ابني ..
متت فرح وضليت ابجي من كد الفرح .. ومن ضل يشهد بأذنة وهم وصل الى أشهد أن علياً واولاده المعصومين حجج الله هم انرسمت الابتسامة على وجهة ..
وعرفت ابني راح يطلع موالي الـ اميرنا علي 🤍
صگار : عفية بعد ابوك ..هيج اريدك كل ما يذكرون مولانا تضحك وتفرح مفهوم
سمراء : أي شنو راح نسمي ؟؟
صگار : حيدرة
سمراء : الله .. حيدرة .. حيل حلو
ضلينة وقت طويل احنة نسولف لحد ما نعس وأني هم .. نومت حيدرة وشفتة حيل تعبان .. ادنيت ولزكت روحي بالحايط وصحتة ..
- حبيبي تعال هنا نام يمي
صگار : لاا بوية هنا ا....
سمراء : لاا حباب تعال هنا يمي .. شوف ادنيت حيل تعال صگاري
اجة ونام بصفي .. حضني حيل ونمنة هاي اليلة بكل هدوء
****
فوج : مُهيب
مُهيب : عيونة
فوج : حباب تعال أخذ جان حباب تعبني
تقدم بخطواتة واجة شال جان ورفعة حيلل وكال بضحك
مهيب : ولكككك ليش تعبت امكك .. ولككك جويننن .. ولككك ولكككك
فوج : أني ملتهية بالطبخ وهمة يلعبون يمي وكل شوية يشاقوني ..
حضرت الأكل وضلينة نساعد بعض ونودي الميز الطعام ..
التمينة احنا الـ ثُنائي الجميل ..
ضلينة ناكل وجان يسولف على دوامة ..
جان : بابا اليوم شفت نيلا
( ارجع واكرر ما احجي بلغة الأطفال 👍🏻 )
مهيب : صدك .. شلونها
جان : زينة وباستني
فوج : ضحك بخجل وضل يأشر على خدة
فوج : غص مهيب بالأكل واني متت ضحك وجان خايف من ابو
مهيب : جان
جان : نعم بابا
مهيب : حرام ابني وعيب تسوي هيج شي
جان : بس هية باستني!
مهيب : حتى لو تبعدها وتكللها حرام انتة دينك ما يسمحلك هيج تسوي ذنب
جان : بس جوزيف يبوس حبيبتة؟
مهيب : جوزيف مو من ديانتنة احنة شيعة مسلمين ومحرم علية تقبيل او النضر الأمرأة ما مزوجيهة لأن محرمة
جان : بس اني هم احبها نيلا
مهيب : تمام مو مشكلة تبقون على حب بس حرام يصدر اي تصرف مو حلو عزيزي تكدر تحبها وترتبطون ومن تكبرون تزوجون بس بهاي الفترة ما يصدر اي تصرف غير اخلاقي منكم انتو الاثنين مفهوم؟؟
جان : حاضر بابا
مهيب : عفية ابني دينا اهم من كل شي
جان : بس أكبر ازوجها لأن هية هم تحبني
مهيب : أي حبيبي أكيد
فوج : أي حضرة الأستاذ جان .. شنو مشتهي يكون لانش بوكس اسويلك باجر ؟؟
تحمس وكات كعد على طاولة الطعام وضل يعدللي الأكل الي يريدة
مهيب : بس هاذ نصة مو صحي !
جان : اسمحليي بس اليوم اسمحليي
فوج : سمحلة وباوع علية وفهمت نضراتة ..
خلصنا أكل و نقلت المواعين .. وتوزعنا
النهار كلة أني اشتغل ومهيب بالدوام وجان بالروضة
فا من روتينا اليلي .. جان يرتب وأني اسبح واخذ وقت إلي ومهيب يغسل مواعين العشاء ويحضر تحلاية ويحضرون أفلام ..
رحت سبحت وطلعت بدلت وخلصت ونزلت يمهم .. لكيتهم مبدلين ولابسين تطقيم .. محضرين فلم ومحضرين بطانيات ومحضرين حلويات ..
ابتسمت ورحت بكل حب واحترام بست جان وكلت ..
فوج : شكراً جان .. كلش شكراً لأن ساعدتنا .. أني فخورة بيك حيل
منيب : چا وابو جان ؟ شني أبن البطة السودة ؟
فوج : ضحكت ورحت أريد ابوسة .. قدملي شفتة .. ضحكت ولزمتة من اذاناتة ودرت وجهة وبستة من خدة وكلت
- شكراً عزيزي
فوج : يلة تعالو نبدي سهرتنا ..
وبدينة السهرة الجميلة ويا فلم كوميدي وصوت ضحكنة وصل الـ سابع جار
****
- ست سدم ستتت
سدِم : نعم عزيزتي
- ست هاذ الدرس عدنا شاغر تعاي اخذينا
سدِم : تمام عزيزتي .. حضرو كتبكم على ما اجي .. يلة ركض
رحت وحضرت درس الانكليزي وخلصت ..
وصار وقت الحلى وكلمن راح البيتة ..
رجعت وكبل بدون أي سلام صعدت الغرفتي .. سبحت وذبيت روحي على سريري بتعب
ما حسيت على روحي وكبل نمت ..
فزيت على صوت تليفوني .. باوعت للساعة جانت بـ 12 اليل
شفتة مكتوب " ثعلبي ❤️ "
ابتسمت ورديت
سدِم : ها ثعلبي
الثعلب : ياروح ثعلبج .. مشتاقلج سديمي
سدِم : أني هم
الثعلب : شلونج عزيزتي
سدِم : الحمدلله وانتة شلونك
الثعلب : تعبان .. وخابرتج علمود استعيد قوتي
سدِم : ياعيني انتة .. ليش تعبان يروحي ؟ شبيك
الثعلب : من الشغل .. واليوم هم دامِس هبطنة
سدِم : ليش شبي ؟
بدة يسولفلي على الصار وأني مصدومة ..
سدِم : يعني فوك ما راعب البنية يكللها لا تحتمين بغيري ؟
الثعلب : شسويي يا سديمي شسوي .. البنية من كد المشاكل راح تموت
سدِم : اوفففف .. هية شكد عمرها ؟
الثعلب : صارت 17 قبل شهرين
سدِم : أي أدري .. عبالي صارت 16
الثعلب : تعبت حيل .. أقل كلمة ويعنفها .. شايفة زندها ياسدم جنة گطن وبس نعوفها ونرجع نجي نلكا عبارة عن زراك
سدِم : اوفففف .. شبي دامِس هوة مو يحبها ؟
الثعلب : حبة حب تملك .. خلي تكلة كلشي وخل تضربة الة الطلعة .. هسة بنية حالها حال العالم تريد تطلع حابسة هنا شكووو 11 سنة حابسة ما كافيييي
سدِم : عزااااااااا ثعلب 11 سنة ما شايفة الناس ؟
الثعلب : أي والله .. واهمها انو من تطلع ياكلوها ويعذبوها
سدِم : اوففففف
الثعلب : بس تدرين شي
سدِم : شنو
الثعلب : حقة !! حقة يحبسها وما يخليها تطلع للعالم !! العالم برا وحش وهية لطيفة وبريئة وإذا طلعت راح تنوكل يتفرسوها !!
سدِم : بس مو هيج !! .. يعني لازم يكلعها حتى لو بالاسبوع مرة
الثعلب : هيهيهييي خل يسمعج تكولين هيج
سدِم : ههههههه .. يمةةة والله أني حيل أخاف من دامِس
الثعلب : هوة ياهو المايخاف منة ؟
سدِم : ههههههههههه ..
الثعلب : بلة هسة ليندا صارلها سنة من انخطبت وهسة راح تزوج .. زين احنا الي صارلنا 4 سنين مخطوبين شوكت يحن گلبيبج ؟؟
سدِم : ههههههه .. يعني شنسوي ؟ مو كل ما نريد نحدد الموعد ويصير شي !
الثعلب : كوا** مايعرفون يموتون الة ويا زواجنة
سدِم : عادي واساساً هاذ احلى شي سوينا انو بقينة هالكد مخطوبين .. اني تخرجت وتعينت والحمدلله .. هسة لو مزوجين من قبل جان صار علية ضغوطات حيل قوية
الثعلب : زين هسة يلة .. حققتي كل احلامج يلة حددي عرسج يلةةةة
سدِم : أخاف نحدةة وهم يموت أحد .. ههههههههههه
الثعلب : اشكهم شكك ومحمد
سدِم : على كيفك على كيفك ..
الثعلب : يلةةةةةةة ..بساعععععععع هسة تحددين العرسسس يلةةة
سدِم : هوة يحجي ومنفعل وأني ميتة ضحك على انفعالة
- تمام تمام حبيبي اهدئ .. الأسبوع هاذ أحدد واشوف شوكت يوم المحدد .. ويكون يوم حلو
الثعلب : انجبي عزيزتي .. خلي هاذ الأسبوع
سدِم : لااا ثعلب .. أني احدد حباب
الثعلب : بس ياويلج وسواد ليلج إذا خليتي أكثر من اسبوعين
سدِم : هههههههههههه .. لاا لااا حبيبي ..
وضلينة نسولف الحد الساعة بـ 3 .. ونمت
كعدت الصبح الساعة بـ 11 ..
رتبت سريري بساع ورحت سبحت وبدلت ونزلت ..
الجدة : ياهلاااا .. صبحج الله بالخير بنيتي
سدِم : رحت حضنتها وأخذت جرعة طاقة من خدودها .. شوية والتمو الكل على السفرة ..
- أي شلونج اسيلة .. شلون الدراسة وياج
اسيل : الحمدلله بخير
سالم : الحمدلله .. هسة بعد سنتين ونروحلها العيادتها الخاصة
سدِم : ضحكت اسيل بخجل ..
كملت أكل بساع بعد ما باوعت للساعة وحيل تأخرت ..
الجدة : ولجج وينن رايحة سديممةة .. تعاي اكلي شكلتييي
سدِم : بيبي تأخرت والله بعد ماكو وقت أبد
ركضت لبست حذائي وبيبي وراي تعطرني بالدعوات التفتح النفس ..
صعدن بالسيارة وهية واكفة بالباب
الجدة : سديمةة على مهلج حبوبة .. على مهلج لا تسوگين سريعع
سدِم : حاضر حبوبة .. يلة مع السلامة بيبي
رحت وأول ما طلعت الفرع عليت السرعة .. وحضي المصخم شافتي صديق خالي واكيد ماراح يمر هاليوم على خير وهوة شايفني بهاي السرعة ..
رحت والحمدلله لحكت عالدرس ..
خلص نهاري بين الدروس وتصحيح الأوراق .. وصار وقت الحلى وأول ما طلعت شفت بوجهي الثعلب منتضرني
فرحت بشوفتة حيل لأن أسبوع كامل ما شايفتة ..
سدِم : شنو وين سيارتك ؟؟
الثعلب : ركنتها بالبيت وأجيت ويا حيف
سدِم : ليش ؟؟
الثعلب : چا وين تعوفين سيارتج ؟؟ واحنا نريد نطلع
سدِم : ياااا ههههه نسيت
الثعلب : جيبي اسوق وانتي ارتاحي
سدِم : تمام عزيزي ..
أخذ السويج وحرك السيارة وبعدنة ما كايلين يا الله شخط السيارة بكل سرعتة ..
ويكولون منو علمج على السرعة !!
رحنا وخلصنة وقت حيل لطيف وممتع .. وللـ 9 رجعنا
وأول ما طبيت للبيت وضحكتي على حلكي وتلكوني ....
سالم : لجججج سديمةةةة
يتبع ..
للحكاية بقية ..
________________
اهلاً بكم
في أول بارت من ( الجميلة والسايكوباثِ )
الجزء الثاني ..
الجزء الأول في حسابي الأول ..
( jamaraAli )
سبق وتحدث في ( الانسكرام ) عن السبب الذي
أضطريت فيه اسوي حساب ثاني ..
وبالبداية ماراح تفتهمون تسلسل الأحداث
لكن بارت عن بارت راح تفتهمون أن شاء الله
ولا تنسون تتابعوني على قنواتي لأن مهم جداً
تابعوني على قنواتي ..
تلكرام :
JamaraAli
انستكرام :
jamar_aali
وتكدرون تتواصلون وياي واتباد هم 🤍
دمتم سالمين 🤍
استودعتكم الله ✨