الجميلة والسايكوباثِ ( الجزء الثاني )

إعلان⁉️

الجميلة_والسايكوباثِ(الجزء_الثاني)

بقلمي أنا: چمارة عليِ 🤍

اللهم صل على محمد وآل محمد

• ____________________ •

العودة لنا يا اصدقاء 😎

أهلا حلاواتي اليوم عدت لكم من جديد مع قصتنا الرهيبة ( الجميلة والسايكوباثِ ) ولكن الجزء الثاني

حيث اروي لكم بطريقة مختلفة جداً .. واحداث مشوقة وجميلة ..

بدايتاً الغلاف يحجي عن القصة وممكن أن تفسرو :

كان هُناك رجل ..

حسن المضهر .. وصعب الطباع

كان يُـلقب بـ " دامس " لشدة غموضة
وحبهُ للضلام .. وكان القب المناسب جداً وكان
إسم على مسما

حيث اسبت قلبهُ فتاة ذات وجه حسن .. وطباع جميلة ..

كان فارق العمر بينهم كبير جداً .. كان عائق بالنسبة لذات الوجه الحسن .. لكن غير مهم بالنسبة

للـ ملقب بـ " دامس " ..

وكان اهم شيئ قربهُ لها ..

قد رويت لكم ماذا حصل في الجزء الأول ..
سوف اروي لكم المتبقي من قصتنا في الجزء الأول ..

سوف ادعكم تشاهدون بعض المقتطفات من المستقبل لكسب قلوبكم ..

******

- فزيت وجان شعور غريب مراودني .. خوف ، قلق ، حيرة .. انفتح الباب الي كان مقفول علية من أيام .. شفتة سندي المتبقي بهاي الحياة .. كوة شلت روحي ورحت ذبيت روحي بحضنة واعلنت الحداد ..

حجيت بصوت يرجف ومكسور ..

- أريد اشرد .. حباب ساعدني .. أريد اروح يم دامسي حباب

- ما تكدرين ماتكدرين .. كلهم جوة .. وثاني شي وين ترحين ؟؟ عندج أحد ترحين يمة ؟

- عادي اروحلة للسجن أريد ويا انسجن حباب

- اسكتي وحيري ببطنج ! وين راح تودي ويننن

- كل عقلك اخلي ياخذونة ؟؟ وداعت كل غالي عندي احركهم واحرك البيت عليهم ..

بهالاثناء سمعنا صوت إطلاق نار قوييي .. وكل ثانية يقرب الصوت ويصير أقرب .. حضني ودنكنا ..

ثواني وما أحس غير الجام يتفلش .. تخبل واخذنا زاوية نحمي روحنا من كمية الطلق .. فوك الطلق والصوت العالي بطني أذتني حيللل ..

حسيت روحي راح تطلع ..

صرخت بعلو صوتي .. ما كدرت صرخاتي تعبر عن كمية الألم الي دا احسها

انخبص بية وضل يحضني ويهدئ بية بس ألم بطني مايخليني أسمع أي شي يكولة ..

خليت ايدي على بطني ولعل اخفف ألم .. كعدت ومديت رجلية وايدي تغطت بـ دم !!!!! ......

*****

- بس عوفني والله ما اسويلة شي بس ابوسة مشتاقتلة

- لااا عوفي .. هسة حتى مايعرفج أنتي امة عوفي حبيبتي

- بس ابوسة والله !!

- لا تقهرين گلبج بالزايد .. تعايي شوفي شلون عدنا گمر والنجمة بـ بطنج .. عوفي يمهم هوة وعة عليها وحباهة عوفي انسي غاليتي

- باوعت بقهر .. تريد انسة ضناي ؟؟ .. تعبت وتعرف هوة أكثر واحد بيهم تعبني وخلا لا نهاري نهار ولا ليلي ليل وتريد انسااا !؟ بكل هالسهولة ؟

ما حجة واستغفر وحضني ..

گلبي مشتعل .. أريد ابني غصباً عني اخذو ابني .. اشوفة كبال عيوني يلعب ويصيح الغيري " ماما " وياريت لو حنونة علي ياريت !!

بس توكلة وتشربة وتنومة وتسبحة !! فقط !!

أما لا تحبة ولا كلبها علي أبد .. كبالهم تموت علي بس وراهم تكرهة كره العمى واني مابيدي شي ..

تضربة ، تصيح علي ، تخوفة ، تزمخ بوجهة ، وتهينة ..

وأني ساكتة !! .. شنو بيدي .. اكللهم بس اطلع أني الحقيرة .. توهمهم أنو تحبة وتطلعني اغار منها لأن انطيتها ابني ..

مر اليوم بتعاسة ونفسيتي تعبانة ..

كل ما أتذكر الصبح شلون ضربتة تطلع روححييي .. صرختة واستنجادة بية بصفتي مرت عمة ومايعرف أني امة ...

صار اليل ..

سبحت الابني ورحت نومتة وأني نزلت اخلص شغلي والبيت فارغ محد بي ..

بينما استنشق الهوى النضيف وارش بالحديقة وازهارها سمعت صوت طكة قوية .. وصراخ ابني بس بساع اختفة ....

*****

- بدون مقدمات وكولي منو أنتي ؟؟؟

ضحكت ضحكة رنانة .. ضحكة ضهرت شخصيتها السيئة
ضلت تتماوع بحركاتها وكالت بأبتسامة ..

- أنتي مرتة موو ؟؟

- نعم .. وارجع واكرر منو حضرتج ؟؟

ضلت تعلج وتمشي وتتماوع بمشيتة .. وراحت باتجاه جنطة سودة جبيرة كلها جلد .. طلعت فايل لون زيتوني واجت تعلج وتباوع علية بنضرات مو حلوة وكان تشمت بية ..

وصلت يمي وشمرت الفايل على الميز وخلت ايدها على خصرها وضلت تطلع صوت بالعلج ..

ما ردت انطيهة اهمية واحسسها هية مهمة أو حجيها يهمني عفتها ورحت .. بس سرعان ما جرتني من زندي .. بردة فعل قوية ضربتها راجدي وكلت بتحذير

- لا تلمسيني لجج

ضحكت وكالت ..

- ماخذلة لبوة .. المهم .. فتحي الضرف وشوفي كلش حلو .. بس مفاجأت حلوة شوفي راح يعجبج

- خزرتها ورحت أخذت الفايل ..

اخخخ ياريت لو عايفتها ورايحة .. ياريت ما شفت الي شفتة .. اكلب بـ الأوراق عبارة عن صور !!!

صور بالمسمة " خطيبي " .. صور موزينة بمعنى الكلمة ..
ضليت جامدة بمكاني واگلب بـ الأوراق ..

مرة ، مرتين ، ثلاثة ، أربعة .. أكثر من 10 مرات ارجع اعيدهن .. أريد اصدك الي شفتة حقيقة لو حلم !!!!!

ضحكت وكالت ..

- ما صدكتي موو ؟؟؟ .. خوش اواريج الاحلى

- رجعت النفس الجنطة .. ونفس المشية ونفس الحركة
أجت جايبة وياها ورقة أجت مقابيلي وكالت ..

- اتحداج تحزرين شنو ؟؟

- ضليت مصدومة حتى ما كدرت احجي .. لساني مدري وين راحح !! كررت كلامهة وشافت ماكو جواب وضحكت ودارت الورقة علية ..

ياريت لو بقت بس على الصور ياريتتتتت ..

- ههاييييي .. شوفي هاذ سونار .. رحنة أني وعزيزي وسوينا وطلعت حامل وبشهر الـ رابع ..

- ا... أنتي و... ويا ؟

- لعد ؟؟ وحدي اروح ؟؟

- حا... حامل من..ة

- أي وعلى عنادج .. راح يصير أبو اطفالي .. فا أحسن الج تعوفينة نستقر الوحدنة ولا تفرقينة وتوكلي راوينة عرض اجتافج .....

يتبع ....

للحكاية بقيه....

  __________________

يا الله شكد مشتاقتلكم .. مشتاقتلكم بكد الكون والله مشتاقتلجن حلاوات 😭🤍🤍

المهم ..

هسة لازم افهمكم شلون راح تكون القصة ..

القصة مثل ما تعرفون كلشي صار مو بيدي ولو بيدي ارجع للقصة ..

هاذ يوزر الحساب الي بي الجزء الأول

@jamaraAli

ماراح افهمكم راح تبدون تفهمون من بارت الـ 3 لو الـ 4 بعد حسب الأحداث ..

بس الي أريدة منكم ترحون توصلون حسابي للناس الموجودة بحسابي القديم .. تخيلو بارت 1 واصل 14 ألف 😶😭

تعبي كلةةةةةة راححح كلةةةة .. بس العوض قريب قريب جداً ..

أن شاء الله راح يكون البارت القادم حسب الوقت الي عندي 🤍🤍

لا تنسون تتفاعلون وتنشرون القصة بكل مكان حلاواتي 🤍✨

ولا تنسون تابعوني على قنواتي ..

تلكرام :

candiesjojo

انستكرام :

jamar_aali

وتكدرون تتواصلون وياي واتباد هم 🤍

دمتم سالمين 🤍

استودعتكم الله ✨