( بنات فهموني شنو سالفة الحملة على الوتباد ترة اني اطرش بالزفة ليش نص الكاتبات حذفن قصصهم 🚫 )
فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
موُفَترة وتعَدي،
مشَتاقلك بَس
صعُب تسَمعها من عِندي، هَلـ مرة ماڪَو عِذر گلبَي وگِف ضَدي،
وفَرحان لَمَن صَرت
ما ابچَي يم أي بشَر
الا اكعَد الوحدي
________________✓_______________
بيران ......✓
ابتعد عني من حس بافل راح يجي كمت لملمت السفرة ويا بتول وجبنا الجاي ولو شهم عكر مزاجي بس يله عادي متعودة
ضلينا نحجي لحد ما فتح بافل موضوع جنا كلنا مغلسين علي وخايفين من الي راح يصير
_ شهم قبل جم يوم ردت اجي افتح وياك الموضوع بس تصاوبت ..بيران شوكت ترجع تدرس ؟ ترة هواي صارلها كاطعة
باوعت على شهم بسرعة وگلبي يدك حيل بعنف وخوف كمت ابلع بريگي وهو يباوع برود ومخلي ايده على التخم _
شهم _ إنشاءالله قريب قريب انته لا تشغل بالگ
بافل _ اي لازم بيران تدرس درجاتها كلش حلوات وتريد تحقق حلمها هم ولو ما تثبت على حلم
نجمة _ شنو حلمها ؟
اولغا _ تريد تصير صيدلانية
شهم _ امم زين
ضليت ساكته كضينا اليوم يمهم وشهم اخذ ليث وطلع يفرفر بالقرية واني هم فكيت من بأفل شوية وكعدت يم امي بس سالوني ليش هيج وجهج كتلهم من الصيام والسكر
لحد ما ردنا نروح بافل ما قبل ولا امي لحو على شهم وزعل بافل يله قبل شهم نبات شكد فرحت
سوينا فطور سوية وهل مرة ما نكزت يم بافل هههه كعدت يم اهلي ونجمة وتونسنا غسلنا المواعين سوة
وكعدنا نسولف ونضحك وكلش انصدمت وحزنت من كالتلي بتول يمامة نخطبت لحسام وراحت تعيش يمهم وساجر رايح
والله انقهرت وانصدمت كلش زين اعرف شكد يمامة تحب ساجر وما يوم سمعتها تحجي عن رجال غير ساجر وهسة هيا الي راضية الله واعلم شصاير بكلبها وهيج سوت
اتصلنا على زينة حجينا وياها وكتلها تجي باجر علينا لان مشتاقتلها
فرشنا لشهم بالستقبال هوة وليث وبافل رجع لغرفته لان ميرتاح بالفراش بالكاع
واني وامي ونجمة بغرفت امي امي على الجرباية
واني ونجمة بالكاع فرشنا
لحد ما نامو كلهم واني ونجمة عبالك وحدة ما شايفة وحدة
نجمة _ اكلج والله واحد يحجي الحق اخوج صاك خرب يومة
بيران _ ولج اسكتي لا تسمعج بتول
نجمة _ يله عادي شكايلة اني غير حلو لو ما متزوجة اني ولا هول ما متزوج جان زحفت علي
ضحكت اضرب بيها وهيا تضرب باوعت علي والتفتت عاضة شفتها _
نجمة _ تدرين اليوم من تسولفين وتضحكين عفت كلشي وركزت عليج
_ ليش ؟
_ لان تعجبت بيج هيج تضحكين ومزاجج حلو من زمان ما شايفتج هيج بس من اول ما اجيتي علينه هيج اشتاقيت السوالفج السخيفة
_ شسوي يمعودة هو اخوج يخلي مزاج زرب حتى بنفسيتي
_ ههههه بس محضوض يعني بافل شاف الضحكه الحلوة هممم واحنه منعجب تعالي تعالي انتي مو تكليلي اني لوكية مال اخو شو انتي لزكتي بافل لزك
_ غير خفت علي گلبي طك علي عمت عيني
_ شووف الواگية شوف
_ اوف هنيالي لو اضل يمهم واخلص من شهم
_ صدك
_ والله
_ يعني بيران خلينا نحجي بصراحة انتي صدك ابد ما حبيتي شهم
_ اييع لو اموت شعندي حابة شهم شنو مخبلة لو اخذ گلبي بتصرفاته الزبالة
_ يعني قبل قبل لا يصير هيج وياج ابد ابد ما حبيتي ؟
_ لا والله ما جنت احبة بس ما جنت اكرهة جنت معتبرته صديق بس وشخص فضل علية بس هسة اكرهة اموت منه
_ يا واذا شهم تغير واعتذر
_ خلي يخلي اعتذارة ***
_ عزاااا شبيج صرتي مثل شهم امداااج
_ من عاشر القوم اربعين يوما اصبح منهم
_ زين يعني ماكو امل ابد تبقين بارادتج يمنا والله خوش جنة انتي هههه
_ لا عيني اعد بيهن يوم يوم حتى اخلص من شهم ولو راح اشتاقلج واشتاق ليث بس لازم راحتي اهم
_ وشكد واثقة شهم يعوفج بيران شهم يريدج
_ ادري واني اريد اخلص منه
_ لا اقصد يريدج يمه حتى لو ما مسوية شي
_ هلو هلو وليش يمه
_ مادري بس يريدج زوجة اله
_ قصدج خدامة اله
_ لا ليش قابل راح يضل هيج شهم اكيد راح يتغير
_ نجمة تسكتين لو اخبط وجهج خبط
_ سكتت اووف بطني تقلصت خرب
_ نجمة شوكت ترجعين لرائد لعد
_ شهم حجة وياي وافقت ارجع
_ صدككك اييي والله رائد خوش رجال
_ همم بس اله بشروط اكيد
_ يله ميخالف نامي نامي
_ اي نعست تصبحين على خير
نجمة نامت واني ضليت انتضر حتى اتسحر صارت ب1ونص وما نعسانة اجة على بالي اكوم اشوف بيتنه اشتاقيتله
كمت على كيف وطلعت من الغرفة الصالة ضلمة وصمت كعدت على التخم
اباوع غمض وراحة جبيرة بگلبي من اصير بيتي بآماني
بعدين كمت للمطبخ فتحت الثلاجة واخذت عصير
وفتحت الكاونتر لكيت كومة حلويات من الي جابهم شهم ومن الي عدهم اخذت جبس واخذت اريو
وطلعت للحديقة
ضلمة والقرية صمت وبس الضوه الاصفر بيها كلش حلو المنضر لان بيتنا هاذا ما بي حايط سياج لا بي سياج حديد ناصي
كعدت على الصبات الي صايرات مثل المقاعد وكعدت اكل ومرتاحة بعد فترة طويلة من الضغط النفسي
شكد ادعي يومية اخلص من شهم ونتطلگ ارجع لحياتي القديمة الي كل همها البس واكل ما على گلبي هم ولا حزن
يعني شهم مادري شنو غايته من مبقيني يمه لا يسوي شي يشفة انتقامة مني ولا يترگني من كل عقلة لازم اتقبل وابقة يمه زوجة واخلص حياتي
اصلا اني صابرة وساكته لأجل بافل وبس ادري بي خبل وياذيني بي يعني ما جاي افتهم اذا سالفة راح يصيرلها ب السنتين صارت وراحت بعد شكو مجلب بيها ومعذبني اني كلها نست اله هوة
خليت اريو بحلگي وتوني دا اشرب العصير انفتح باب الاستقبال الي برة
فزيت بسرعة اباوع شفته شهم واكف واحواجبة معقودات مثل العادة ضليت صافنه وارمش اباوع
حتى الكمة بحكي ما بلعتها
شهم _ شسوين بهل ليل ؟
مسحت حلگي بسرعة واكل بالبسكت بسرعة اريد ابلعة لا اكدر اذبة ولا ينبلع عاد اجة تقدم يحجي باستغراب _
_ شبيج شكعدج هنا
كحيت مختنكه وحجيت بسرعة _
_ بس ضجت كلت اكعد يله تصبح على خير
اجيت اكوم بسرعة بس لزم ايدي وكعدني وكعد بصفي يباوع طبيعي بس عيونه وحواجبة عبالك خازرني _
شهم _ ترة والله ما اكل ولا اعض شبيج بس تشوفيني تشردين شنو بيه جرب
_ لا مو نعست
_ انتي كل ما اجي عليج تكولين نعست وانتي اكبر جذابة
_ اسفة كعدتك
تنهد يباوع للشوارع مالت القرية هم لابس رمادي تراك رمادي مالت بافل وحجة _
_ ما كعدتيني ما نمت اصلا ما ارتاحيت بالنومة
_ مم
ضليت كاعدة على نار اخاف هسة احجي شي بالغلط لو تصرف ويعصبة ويرجع يخوفني اوف يعني ماكدر اكول يضربني ما يضربني بس يطلع روحي هو يضربني بس مرات بس لو راشدي لو يدفعني ما يكتل كتل كتل الكتل الي جان يضربة الغيد مخوفني كلش
باوع علي وحجة بهدوء _
_ كملي اكلج شبيج خايفة
_ لا شبعت
تنهد بانزعاج وجر البسكت فتح عنه الغلاف لان ما جنت فاتحته كله وخلاها بحضني وخله العصير بايدي وعصر ايدي _
_ اكلي ومن تخلصين اشربي علاجج جايبته مو
_ اي
_ عفية يله اكلي اكلي زين ولا تضلين بدون اكل ترة اكتلج
_ اي
هز راسه وخر ايده اكلت بسرعة واني ابوع علي خاف يكول ما سمعت كلامي ويرجع يصير ايع ابتسم بجانبية وهز راسه
شهم _ من انولدتي انتي بهاي القرية لو انتقلتو الها
_ لا هو من انودلت وحتى بابا يعني ممغيرين سكنه ابد
_ خوش القرية حلوة ونضيفة
_ امم
ضلينا ساكتين واني ابد ما مرتاحة بالكعدة ويا رغم هسه هادئ ومبين جته الحالة مال يصير حباب لحد منطق شهم برود
_ تريدين ترجعين لمدرستج ؟
( ملاحضة هامة جنت غلطانة بالبارتات الاولة وبيران مو بالكلية بالمدرسة وعمرها مو 22 اصغر وانشالله اعدلها قريب 🚫 )
التفتت علي بسرعة وبلعت ريك شحجي اخاف يعصب هسة همست _
_ ه هو يعني ..
_ احجي عدل لا تنفرزيني هيج
حجاها بحدة منزعج بسرعة حجيت بتوتر _
_ يعني كل بنية تحب تكمل وتحقق حلمها
_ يعني تريديين ؟
_ اي اريد اكمل
هز راسه منزعج ودار وجهه يباوع ورجع حجة بدون لا يباوع علي _
_ ما اكدر ارجعج هسة !
_ ل ليش
_ ماكدر ...ادري لو مهمى صار وحتى لو اكرهج هاذا حقج وحلمج وماكدر امنعج بس اذا خليتج تكملين هسة بهاذا الوضع راح احطج بخطر جبير
_ مـ ما افتهمت
_ تدرين ليش بيتنا بعيد عن العالم شوية يعني منعزل وبمكان مو معروف
_ لا
_ لان شغلي خطر وجاي اختلط بعصابات وعالم انكس من النكس واذا يردون ينتقمون مني ويحرگون كلبي مثل ما سويت بيهم راح يلجأون الكم لعائلتي يهددوني بيهم حتى لا افضح وصاختهم بس اكيد بالوقت الحالي
ضليت مفهية علي وحلگي مفتوح يعني هيج احنه بخطر وما ندري ابد ما مبين النه هاذا الشي ابد وكان الوضع طبيعي ولا اكو شي كمت اخاف وحجيت _
_ يعني اكيد هسة شافونا من اجينا خلي نمشي نطب جوة حباب لا يجونا هسة
_ جؤؤ ميدرون اصلا وين عايش ولا يدرون وين اروح بس هم ماكدر اخاطر اذا صارلج شي ليث وين ينطي وجهه ؟
حجاها يباوعلي بس عضيت اصبعي بخوف وحجيت منفعلة _
_ يعني هسة كلنا بخطر اخاف يسوون شي بنجمة وليث حباب الزهم بسرعة
_ ما ضل شي وينلزمون كلهم اصلا نصهم جوة رجلي هسة
هزيت راسي بسرعة خايفة وافكر اذا صدك وخطفو ليث لو نجمة لو سوو شي هاي مصيبة لحد ما انتبهت نضراته لرگبتي خليت ايدي على رگبتي بسرعة وصدري لان دشداشة بتول جبيرة ودلعة علية
واني ما لابسة شال كلش خجلت وضليت مدنكة اخاف اكوم ويعصب وهو هسة الله هداه شوية ويحجي بهدوء
شهم _ شعجب لسة لابسة الگلادة ؟
_ ها ؟
تلمست الكلادة بيدي افكر صدك ليش لسة لابستها رغم كل الي سوا بيه وكرهي اله هاي الكلادة ما فكرت بيها وضليت لابستها بس كلش تعجبني ناعمة حيل وتلمع وابد ما احس بنفسي لابستها بس حرت شكله هسة يكول تحبني وما ذابتها
بسرعة فتحت الكلادة احجي _
_ مادري نسيتها اسفة هسة اذبها
خزرني حيل ولزم ايدي ضاغط عليها وحجة بحدة _
_ هل عادة بطليها مالت تستفسرين الموضوع بكيفج كايلج ذبيها انا ؟ جاي اسأل سؤاال مثل العالم شنو هل طبع الخايس
وخرت ايدي وجان تكع الكلادة بحضني باوعت علي بخوف هو حجة _
_ فختي ؟
اخذتها من حجري وايدي ترجف وعيني كل شوية مباوعتله اخر شي زفر بقلة حيلة واخذ الكلادة من ايدي وحجة _
_ قربي علية يله
_ لا شنو اني البسها
_ يعني مثلا اذا لبستج الكلادة راح اصير مصاص دماء واعضج لو شنو
_ هو نفس الشي
رفع حاجبة ضحكت بتوتر لازم البعرها قدم جسمة عليه رجعت ليورة شفته غمض بعصبية وجان ارجع لمكاني خايفة فتح عيونه خازرني رفعت شعري بايدي وحجيت _
_ يله بسرعة
لزم الگلادة بايدة وفتحها وقرب اديه لفها حول رگبتي واني كوه متحملة قربة منه كوة بس ماريد تصير مصيبة هسة وبيت اهلي حسيت الكلادة صارت على ركبتي خلص وخر ادي بس هو ما وخر وجهه قريب من ركبتي حيل
نزلت شعري وحجيت بتوتر _
_ خلصت ..وخر
ولا جن سمعني بالعكس كزبر كل جسمي من حسيت بشواربة طخت برگبتي شهكه زغيرة فرت مني وخليت ايدي على كتفه ابعده _
_ شهم وخر هسة احد يطلع ويشوفنا هيج عيب
حسيت نفسة الحار برگبتي ميلت ركبتي اباوعلة خاف نام هاذا بس شفته مغمض وقريب مني حيل رجعت نفسي ليورة بس
لزم زنودي وحجة بخفوت كوة ينسمع _
_ خليج
_ هسة يطلع احد حباب وخر
_ محد يطلع وشمسوي انا قابل ****
فتحت عيوني بخوف وصدمة ولعبت نفسي وخرت بس لزمني بعد اقوة وخزرني _
_ تبقين ساكته لو ابوسج وهم بعد تزيد باشياء ما تحبينها اختاري
نفيت براسي حيل واني خايفة هز راسه وعيونه مرتخيات وحجة وهو يوخر شعري عن صفحه رگبتي _
_ لعد خليج ساكته ولا تحجيني لان اذا حجيت عن الامور الي شاعلتني بيهم واطلعهم هسة ما اخلص لباجر
سكتت عاقلة بس اني الي ادري شصاير بداخلي رعب مو طبيعي وگلبي شوية وينفجر من كد ما يدك خوف طبعا اباوع ليكدام اريد الهي نفسي وانسى شنو كاعد يسوي
بس ابد ما يساعد تكش نفسي واكزبر من شواربة تجك رگبتي من خشمة الي يمشي على طول رگبتي ويسكن
بعدين همس برگبتي _
_ اكرهج لان ماكدر اقاومج
_ ها
_ اكرهج واكره هاذا الشعور الي يجيني تجاهج
_ شهم شبيك شكاعد تحجي يا شعور هاذا
_ اشش لا تحجين ابد
قلصت جسمي متجمدة من سحبني من خصري اكثر اله وانوب ايده الثانية ورة ركبتي صار صدري ينزل ويصعد سريع حجيت ارجف
_ كافي حباب وخر
_ تموتيني من تبعديني عنج تدرين واكرهج اكثر ..لازم ما تبعديني لازم ما تكرهيني بعد ما حبيتيني
_ بس اني ما احبك والله
_ اشش جذابة اكبر جذابة انتي تمثلين ..
_ راح يصير السحور وخر
جنت مرتاحة من شهم لان صار جم يوم لا زاعجني ولا لامسني بس هسة رجع نفس الزبالة عبالة هيج حلو يعني مادري شنو يعجبهم بهل قذارة ...
عصرت ذراعة حيل ورفعت نفسي متجمدة ومتيبسة من طبع بوسة بنص رگبتي وحجه _
_ لعد خليني اتسحر بيج
_ ش شهم شهم شسويت وخر عني الله عليك كافي
ما سمع مني رجع يحرك ابهامة على طول ركبتي ويشمها ويحجي عبالك واحد مبنج _
_ انتي مو تكرهين بافل شكو لازكه بي هيج عوفي احجي وياي انا ...لا تحجين ويا احد وتضحكيله هيج
_ غير اخوي يعني شنو ما احجي ويا وشلون اكرهة ما اكرهة
كلامة جان ما مفهوم مادري اذا يكره يشوفني ويا بافل لو غيران لو ميحب يشوفني اضحك مادري كل الي ادري بي اريده يوخر
عصر خصري حيل وحجة بهدوء _
_ الي يصير بي سكر يسمن ليش هيج ضعفانه حتى الغاليات رايحات
_ شهم لا تصير منحرف وخر
_ يعني قصدج بالعراقي سرسري
_ اي وخر
_ يعني انا سرسري ؟؟؟
صفنت علي وبلعت ريك ونفيت براسي _
_ لا انته كلت سرسري
_ انتي كلتي علي منحرف يعني شنو
_ يعني منحرف
_ يعني بالعراقي سرسري ؟
_ اي بس اني ما كلت سرسري انته كلت على نفسك شعلية
_ اي هو كلتي منحرف يعني شنوو ؟
_ يعني منحرف عن الطريق ويسوي سوالف مكسرة
_ اي يعني سرسري
_ اهوو يا شهم اي سرسري لعد انته شنو شكاعد تسوي مو سرسرة
صرخت حيل فجاة من عض رگبتي بسرعة سد حلكي وحجة بين سنونه _
_ صوتج من خرب صوتج
دفعت ايده ولزمت رگبتي وبجيت _
_ هاي ليش عضيتني
_ تستاهلين تكولين علي سرسري ويني وين السرسرة انا ؟ رجال على باب الله
سكتت صافنه علي من كلامة رفع حواجبه بمعنى خاف ما عاجبج عوجت حلكي وكمت _
_ اروح انام احسلي
_ روحي نخمدي
ردت يوم من عمري يكول طبيعي روحي نامي اله انخمدي باوعت اله مانزعاج واخذت الحلويات بس هوة اخذ العصير وشرب منه من نفس الگصبة
بيران _ مفتوح هاذا عوفه اجيبلك واحد
_ جؤؤ طبي جوة
تنهدت وطبيت ابد ما افهمه ابد رحت سويت سحور وسمعته طب للاستقبال كعدت امي ودكيت الباب على بتول بس متسمعني عفتها رحت سويت جاي كلت هسة اكعدها
بتول.....✓
نايمة بعمق وكعدت على دكة الباب فتحت عيوني بنعاس واني جسمي متكسر
مادري شبيه باوعت على بافل نايم وحاضني حيل اله تثاوبت بنعاس وحجيت اوخر بي _
_ بافل وخر اريد اكوم
ما رد عليه رجعت اخذتلي غفة وانوب هاذا خانگتي قارصني قرص وبيد وحدة هم فتحت عيوني انوب لان ماكدر انام وشغلة شالعة گلبي
وخرت ايده عني وحجيت _
_ بافل وخر رجلك عني
فتح عيونه نعسان وجرني اكثر يحجي بنعاس _
_ نامي نامي
_ اريد اتسحر كوم
فتح عيونه بانزعاج وعافني كمت ومددت جسمي ومغمضه باوعت علي ماخذ راحته زوجي العزيز نازع حتى فانيلته باله ليش ماكدر انام بس اريد افتهم الزلم ليش يحبون ينامون مصاليخ
بس ابتسمت اباوعلة اخيرا حاسة نفسي راضية علي وما معصبة دنكت علي وبست خدة
يمكن هاي اول مرة بعمري ابوسة جنت عبالي نايم بس فتح عيونه فجأة بسرعة يباوعلي بصدمة
شهكت واجيت اشرد بس لزم ذراعي وكعني علي شهكت بخوف
_ باافل جرحك
_ شسويتي توج ؟
_ جرحك راح ينزف عوفني
_ بستيني مو لو جاي احلم ؟
ماكدرت اوخرة حجيت بانزعاج _
_ واذا بستك مو على اساس انته زوجي اووف وخر
ابتسم حيل ورفع راسة باس خدي حييييل من مكان الندبة وحجة _
_ يروحلج فدوة بافل
همست بخجل _
_ حباب عوفني من زمان دكو الباب علي عيب
_ خلي نفطر اليوم شكو بيها
فتحت عيوني بصدمه ودفعته هو كام يضحك خزرنه وحجيت _
_ لا تتسوفل عليه نص اليل
_ شسوي لوگي ما مصدگ بيج حنيتي عليه وسامحتيني
ابتسمت ورفعت شعري الف بي واحجي _
_ ترة اخر مرة اسامحك بعد اذا سويت شي يغثني ارفع عليك دعوة واطلگك
_ لا على بختج لعد والجهال شلون
_ يا جهال ؟
_ مو طلگيني جهالي وين يرحون
_ هههه شكد سخيف
سكت وهو مبتسم ونعسان كمت من يمه ولبست برجلي تكرمون وتوني دا اروح رجع حجة _
_ بعد بوسة الخاطري
_ ماكو نام لا تتعلم
رفع اصبعة وهو كوة مفتح يحجي _
_ بس وحدة وحدة
قلبت عيوني بملل ورحت علي بسته بخدة ابتسم وخله ايده على خدي _
_ شهل شفاف العسل
_ وين اكو شفايف عسل انتو ليش جذبون
_ يابة دخليني اتغزل منين ما اجيج تجيني
_ احجي شي منطقي حبيبي
_ حبيبج ؟ وج من ارووووح فدوة اوووخ
جعص وجهي وضل يبوس بخدودي خنگني وجكك وجهي بلحيته دفعته كوة وحجيت _
_ هو هييج وجهي اشتعل
_ بتول اشردي وعلي ما اسيطر على نفسي
_ شردت شردت ...
رحت يم الباب فتحته وحجيت ويا قبل لا اشرد _
_ شردات ذاك الولد
ضحكت وسديت الباب بسرعة ورحت للصالة لكيت بيران وعمتي كاعدات
بيران _ عمي كلنه مريض كلنه خطية سامحته مو هيج ما شفناج ابد
_ هو اخوج لزگه
اولغا _ يله راح يأذن تسحرن بسرعة
كعدت اكل واني بداخلي مثل الفراشات حمدت الله وشكرته لان بعد كل هل سنوات من التعب اخيرا جاي احس نفسي مرتاحة نفسيا وجسديا اكلنا وشربنا مي لحد ما اذن
عمتي راحت نامت واني وبيران شلنا المواعين
للمطبخ
بيران _ شعجب سامحتي بافل
تنهدت وابتسمت _
_ حسيت اكتفيت من الزعل والعرگ وتاكدت من بافل يحبني هم
_ الحمدالله عرفتي واني هم اعرف وكلش متاكدة بافل يموت عليج لهل سبب لحيت علي يتزوجج لان ادري ورة الزواج راح يحبج من يعاشرج ويعرف شخصيتج
_ اي الحمدالله على كل حال..بعد الي صار صار قابل اضل مجلبة بالماضي
ابتسمت وحضنتني تحجي _
_ والله كلش افرح من اشوفج فرحانة بتول گلبي رتاح ويا كلبج
_ يعمري شكرا ...وانتي شوكت ناوية ترتاحين لعد
ابتعدت عني باستغراب ابتسمت واني امسج بالسينك _
_ لو مهمة كالو مريضة سكر وصيام اعرف بعيونج من يحزنن بيران وادري انتي وشهم ما متوالمين بس ليش ما تحجين
ضلت تصفن بوجهي وتريد تحجي وترجف تخلي اصبعها بحلكها احس وراها شي بس ما تحجي _
بيران _ ب بس ما متعودة ع على الزواج شهم زين وياي بس علاقتنه باردة
_ خلي اصير خبرة بالزواج وعود اعلمج هسة اني احتاجلي واحد يعلمني
ابتسمت وهزت راسها كملنا ورحنا كلمن الغرفته سديت الباب على كيف وقربت للجرباية صعدت وهو نايم على ضهرة وايده مشكله بركبته لان مجروحة وهم مخلوعة بس صايرا من اليمين يعني اليسار اليمي كلشي ما بيها
خليت راسي على صدره وحضنته حيل
حس بيه ولمني بايدة يعدل نفسة
_ اجيتي
_ لا بعدني
باس راسي من شعري تنهد وكمل نومة اني هم نمت بسرعة لان تعبانة من الشغل وهاي وتعبت لان طبخت هواي ب بالعزيمة اليوم وتعبت
لحد ما فتحت عيوني منزعجة من الضوة باوعت للشباك صايرة الصبح تثاوبت ودرت وجهي لبافل نايم كمت واطكط
اخذتلي صفنه للاشيء وبعدين كمت
اخذت دشداشة دا البسها لان لابسة تراك وعيب شهم هنا
رحت للحمام لبستها وغسلت وجهي وفرشت سنوني كلها نايمة
وكالتلي بيران شهم يتاخر بالنوم هو ونجمة وهسة يمكن الساعة
السته رجعت للغرفة مشطت ورطبت ولبست شال
بعده نايم كلت بعد شوية اكعده علمود علاجة
طلعت ونضفت الصالة وطلعت على الطارمة نضفتها
الجهال تلعب برة لان متعودين من الصبح يكعدون وسيارات
زلم القرية تفوت بس عادي عدنه لان هنا مثل الاهل اصلا لابسة شال ودشدلشة عربضة
بس نضفتها ورشيت العشب
وطفيت الحنفية وطبيت
كعدت بملل انوب عطشت لحد ما ارتاحيت شوية وكمت للغرفة فتحت الشال بانزعاج
وهو لسة نايم رحت يمه ودغيته _
_ بافل كوم اكعد ... بافل كوم عيني عندك علاج
تنهدت بتعب ونمت على الجرباية بتعب عطشت خرب حضي غمضت ارتاح ورجعت انداريت على صفحتي كباله وحجيت بصوت مسموع _
_ بافل اكعددد بافل بافلل اهووو شنو ما تسمع
مديت ايدي لجفونه افتح بيهم واحجي _
_ كوووم كوم كافي نووم حباب
حرك راسة بانزعاج وعاقد حواجبة هم انتضرت يفتح وماكو نمت على صدرة وحجيت واني ادغ بصدرة بحنجي _
_ بافلل بافل فلافل فلفول فلفلي كووم
فتح عيونه نص وباوعلي وحجه بنعاس _
_ هاا
_ كوم اشرب علاج ودا تريگ
_ نعسان نامي
حجاها بنعاس ولمني بايدة حركت راسي بنزعاج وكمت وضربته على كيف _
_ كووم ليش تشلع بگلبي
ضحك وهو مغمض وحجه _
_ مو ما اتحمل اكعد واشوفج افطرج
_ مو هية بكيفك شحدك
_ هو لعد علش منجب ما اكدر احجي
جريت ايده اجر بي واحجي _
_ كوووم كووم كوم كوم
_ كمت والله كمت
حجاها ونهض وسند نفسة على التاج ابتسمت وحجيت _
_ صباح الخير
_ شلون صباح يرد الروح هاذا
_ يله كوم غسل دا تتريگ وتشرب علاج
_ وانوب مراة تخبل لا لا كثير على قلبي
ضحكت وكمت ويا غسل وجهه وكعد بالصالة سويتله بيض سلك واجبان ومربة وتريگ وبس يتغزل لو يلمسني واني اعصب لان هيج اخاف افطر
خلص وكعد شغل التلفزيون واني كلشي ما عندي كعدت يمه ضايجة لزم ايدي وباسها وضل لازمها
ضلينا نباوع على مسلسل تركي مدبلج اسمه فاطمة
جان كلش حلو والحلقة تقهر وتحمس هم نمت على كتفه وحجيت _
_ خطية فاطمة شلون شافت ضيم
_ اي صح ولو مسلسل بس خطية
ضلينا نباوع لحد ما نتهيت باوعلي وابتسم وباس كصتي _
_ احبج
_ شوكت تشيل الزرارات
صفن علي وابتسم وحجه يطبب كذلتي بالشال _
_ اروح للطبيب اليوم وهو يقرر يمكن اليوم لو باجر
_ اي همزين دا تخلص منهم
_ همم...بتول احبج
ابتسمت وحضنت ايده سمعته تنهد وضل يبوس براسي
للضهر كعدو سوينه غدة وتغدو وشهم من درة ب بافل يروح للدكتور راح يروح ويا ومن يرجع يرجعون للبيت لان كال باجر يلتحق للدوام مالته
وراحو تونسنا كعدنا وزينه اجت تضحكنا بسوالفها شكد تضحك ونجمة هم سوالفها حلوة يعني صارت كعدة بنات تخبل
لان تاخرو الطريق طويل والرجعة ضلينا نتهم بانفسنا عناية خاصة عندي كومة اغراض عناية اني اشتري وبافل يشتري
كعدنا بغرفتي وحفينا ووماسكات وباقدام يعني صرنا نلق لق هههه واكثر شي ركزت على بيران لان حيل احسها مكتابة انتبهت عليها حيل هاملة نفسها حواجبها ثخان وشعر بوجها ولو هو وبر خفيف اشگر بس سويتلها يا
واخر شي مشطنا وكلمن سوت تسريحة
اني احب اخلي شعري مفرود دائما بس لان هسة يمنه شهم
خليته ذيل حصان وكذلة نجمة شعرها بي كسرة تجنن بس هم رفعته فوك وزينة شعرها الاحمر القصير يموت سرح هم بس ضفرت منا ومنا كصايب ولمته جوة
وبيران اجت بس تلمه بس ما قبلت سويتلها ضفيرتين دفن وطلعتلها كذلة خفيفة صارت تجنن وخدودها من العناية صارن حمر ورديات
وكل وحدة لان شوية صابني حماس واني فرحانه بدون سبب انطيتهن دشاديش اصلا ما لابستهم بافل كل ما يروح يجيبلي قطعة وما البسهم كلهم
كلش حلوات وبالكوة يله قبلن بس بيران اخذت ما تعبتني
زينة _ خرب اله اتزوج واحد عنده محل ملابس
بتول _ يا مو كلتي اريد ضابط
زينة _ لا غيرت اريد طيار
نجمة _ توج كلتي ابو محل ملابس
بيران _ عوفوها هاي محتارة بينهم عساس كلهم واكفياها بالباب
زينة _ ه ه ه شكد تضحكين
بيران _ وجع لا تضحكين مو كايلج اضحكي
نجمة _ السبع يطلع مي السبع يطلع مي
بتول _ دم دم خزيتينا
نجمة _ المهم الفكرة
ضحكنا صارت اليل زينة راحت حضرنا فطور وخابرناهم كالو راح نوصل حضرنا كلشي السفرة والبن والعصاير
بس نصب انتضرنا يجون لحد ما اجو وجان يطفر ليث
_ اده اده بابا وحالو
اولغا _ يمه اروح فدوة لهل حلگ يمه يمه
راحت بيران فتحت الباب وفرحنا من بافل شايل الزرارات وجرحة ملتم جرته امي تبوس بي وتحمد الله ابتسمت ورحت تحمدت اله بالسلامة وبيران هم حضنته وباسته
مادري ليش راحت عيوني لشهم عيونه ما انشالت عن بيران وين ما تروح ومن تباوع علي هيا يدير وجهه
فطرنا واثناء الفطور حجه بافل _
بافل _ شهم انته ليش متصوم
شهم _ لعد انته ليش متصوم
بافل _ اني رجال مؤمن جنت مريض وعندي علاج ومن باجر ابدي اصوم انته ليش متصوم وانتبهت عليك ماصلي شبيك شناقصك
شهم _ وانته شعليك يا اخي شعليك
اولغا _ لا يمة حرام هيج حجي بافل صحيح شناقصك ما تصلي وتصوم لازم تصلي كنزك الوحيد هو صلاتك صدگني ما راح تاخذ شي وياك غير صلاتك وحسناتك محد يفيدك حرام تضيع عمرك بدون صلاه واخر شي تتندم انصحك ابني تصلي
شهم _ انشالله حجية نشالله
اولغا _ ليش متصوم وتصلي من باجر
بافل _ عذري يمة علي الشهرية هههههه
غصينا بالاكل وبيران ختلت ورة نجمة ميته ضحك ونجمة تضرب بيها تريد تكوم ماكو اني دنكت اكل واضحك كوة وبافل ميت ضحك لحد ما وكع وشهم خازره حيل
اولغا _ ادبسزز بنات كاعدات هو هاذا منطوق ؟
بافل _ عذريني يمه وعلي ما كدرت اضمها حسيته صدك علي الشهرية وما يكدر يصووم هههههه
شهم _ بسيطة عمتي كاعدة وما كمت خليت رجلي بب.... استغفرالله ...وانتي ما تسكتين عااد
نتر ب بيران لان واكعة بالكاع تضحك من كل كلبها وكلها تضحك بس هيا تضحك حيل لحد ما هدت وسكتت بس مبتسمة وتباوع على بافل وبافل يضحك وياها يالله هل اخوان شكد يتشابهون نفس السخافة ونفس الطبع والحجي حتى مرات من يحجي وياي وانتبه علي نفس تعابير وجه بيران من تعصب من تفرح من تتشاقة ومن يغمز بشقة ومن يضحك وكع للكاع هم مثلها
وشهم كضاها يخوزر شكد مبين عصبي الله يساعدج يا بيران كملنا وشربنا جاي وهسة راح يرحون كلش ضجنا وشكد اصرينا يبقون بس مع الاسف لان عنده دوام
بوست نجمة وبيران وليث وراحو صعدو بالسيارة
شهم هم ضل يحجي ويا عمتي وبعدين باس راسها ودعها وسلم على بافل اخر شي رفع ايده سلم علي وحجه _
_ مع السلامة بتول
_ الله وياك عيني
شهم _ ما اوصيج قفلي الباب زين لا يشرد منج
خليت ايدي على حلگي متفاجئة وضحكت اباوع لبافل يباوع علي بسخرية _
_ عود رديتها الي اني اعلمك
_ عود مرولنا فد يوم ردوها
اولغا _ انشالله يمه انشالله دير بالك على بيران فدوة اروحلك
_ بعيني الله وياكم
راح للسيارة وصعد وحرگ دكلنا هورن وراح تنهدت وباوعت على بافل ضايج ضحكت _
بافل _ وانتي كيفتي ما بيج دافعين عني
حركت كتفي بغرور وحجيت _
_ ما كال شي غلط
طبيت جوة اضحك طبيت للمطبخ وكمت الم بالمواعين لحد ما طب يدخن وراجي نفسة على الباب رجلة مو كلش وين يمشي عليها يكول من ادوس مثل الدنابيس تبزني
رفعت حاجبي _
_ ها شكو تريد تتعارك
_ لا يابة بيش طالبتنا تونا تصافينا
بتول _ اي صير خوش وليد
_ هو اني خوش وليد من كاعي
بتول _كلشش ...انته ليش تباوع علي صير رومنسي وتعال ساعدني
ذب الجكارة ودعسها ورفع ردنه وحجه _
_ رب الرومنسي اني شو وخرري
وخرت واني اضحك بدا يغسل واني انطي مواعين وارجعهم المكانهم من يغسلهم خوش شغلة هاي يغسل ويحجي وياي ويتغزل واني اضحك علي عود خجلانه هو اريد يخلصلي المواعين ما بية _
بافل _ بتول لكيت بيت يملخ وراح اشتري
_ صدك وين
_ بغداد هوة ب (*****) المنطقة زينه وسالت على المي زين والجار وكلشي زين اريد قبل العيد احنه بيتنا
هزيت راسي وحجيت _
_ بس هاذا بيتنا حرامات يروح
_ ومنو كالج يروح يبقة وكل فترة نجي هنا نضفة ونكعد كم يوم ونرجع اني بس علمود شغلي هواي جاي اتعب
_ اي والله الطريق طويل والرجعة هم
_ اي والبيت بي مخزن برة راح اعدلج يا واسوي مال خياطة وهاي الشغلات انتي بعد شوفي شسوين
_ صدككك
_ اي فدوة اروح للابتسامة شو نطيني حلگ
ضربت ضهرة وكرصته _
_ لا تصير سرسري
_ هسة هو حلگ شووو
يمد براسة رجعت ليورة وكتفت اديه وحجيت عاوجة حلكي _
_ نووو اغسل يله اريد انام
_ مو تتدللين احله نومه اليوم انومج من كل الجهات
_ شنو
_ انام بغرفتنا
_ الجوة غير
_ لا الفوك غرفتنا
_ بس بافل عمتي جوة وحدها اخاف عليها شلون يصير هيج
_ هم صدك نسيت لعد خل نسوي غرفتنا الجوة هيا تكفينا بس اجيب ملابسي عمي لو يذبوني بمزبلة بس كون بحضنج ارضه
ابتسمت شمرلي بوسة وخلصنا المواعين سوة ورحنا نتابع مسلسلات رمضان ثلاثتنا لحد ما نعسنا ورحنا للغرفة احنه طبينا كال
_ بس اروح اسبح راح اطك
_ خوش روح بس دير بالك
_ اي هسة اجي مو تنامين
هزيت راسي وتثاوبت طلع رحت ذبيت دشداشتي ولبست شي مريح فتحت شعري وغمضت براحة من دلكت راسي احلة شعور
عطرت نفسي ورطبت وكمت للجرباية اكلب بموبايلي نعست واني انتضر ذبيت الموبايل وغمضت بنعاس بس اسمع من طب كال
_ بربوك نامت
رانية .......✓
عصرت راسي بوجع واني استمع لشرحها واحاول اركز تنهدت حجت تأشر بالقلم _
_ فهمتي حبيبتي
_ اي ست بس هاي اكثر شي دوخني وانساها
_ سهله هاي شوفي
رجعت تشرح واني مركزة كاعدين بالصاله محمد قبل جم يوم جابلي مدرسة خاصة درسني للسنه الجاية بما اني فوتت سنه بعد شهر او شهرين واداوم وجابلي ياها
جاب ملازم يجيب كلشي ويدلل واني لابسته
حياتي هنا طبيعية اكثر شوية ولو هم احس روحي غريبة بس احسن من يم اهلي الي ما سألو علي من يوم تزوجت ام محمد
مو كلش تحبني ساعة تحبني وساعة لا جنت بعناد محمد ما اشتغل ابقة كاعدة وهيا تشتغل كدامة وانتضر يحجي حتى اتعارك بس
بعدين انبني ضميري
اشوفها تتعب ف كمت اشتغل وياها اغسل مواعين اكنس امسح ولو شغلي مو زين ما اعرف اجلف المطبخ وين ولا اعرف اكنس زين ما متعلمه اشتغل ابد بس احاول اتعلم
لان حسيت الي جاي اسوي غلط خصوصا ام محمد كامت ابد ما طيقني من تشوفني كل شوية انتر بمحمد تتعارك وياي ومن ما اشتغل او اضل نايمة تكوم تتطافر شر بس ادري بمحمد موصيها ما تحاجيني
جدولت روتيني اكعد بال8 اشتغل ويا ام محمد لل12 هيا تسوي غدة لان اكلها اطيب واصلا ما اعرف اطبخ اني تجي المدرسة تدرسني ل3 وتروح وانام فد ساعة للعصر اكعد هم اشتغل ويا ام محمد ونسوي عشة
واكعد بغرفتي اخابر نجمة وبيران وشهم هم يطمن علي وانام ....
خلصت المدرسة تدريسي ولمت اغراضها مبتسمة _
_ هسة فهمتي
_ اي شكرا ست
_ العفو
كامت كمت وياها وهيا تفر بعيونها بالبيت حكت خشمها وحجت _
_ شعجب محمد مو هنا اليوم
_ طلع ..شلج بي ؟؟
_ ها لا مو علمودج وصاني عليج خاف ما تفتهمين
_ لا مفتهمه عود اني اكله باي ست
_ باي عمري
طلعت من البيت هاي شبيها كل يوم تسأل على محمد شكد متستحي تسالني اني مرته ؟
طبيت للبيت ولميت الكتب اجت ام محمد لازمه كلبها ذبيت الكتب وركضت عليها إسنادها _
_ عمه شبيج عمه كلبج ؟
_ ايي اخخ ميه ميه جيبيلي
_ اي هسة اكعدي
كعدتها على الدوشك وركضت جبت مي شربت ونكت وجها وكلبها تلهث _
رانية _ عمه هو هسة السطح ينكنس ما تشوفين الشمس راح تكع للكاع
_ شسويي منو ينضفه لعد غيري هااا
_ اي جان كلتيلي انضفه باليل عود ليش هيج تعبين نفسج
دفعت ايدي وحجت وهيا تكوم _
_ بيتي وانضفه بكيفي لا تدخلين
رفعت حاجبي بسخرية عبالها ميته على بيتها خزرتني وراحت طبت لغرفتها فريت ايدي ورحت شلت الكتب وطبيت مددت جسمي بتعب ورحت جبت ملابس وطلعت سبحت لان حارة واني من الصبح ما سبحت ويا طلعتي من الحمام لافه شعري بخاولي طب محمد
من شافني ابتسم _
_ نعيما
_ نعم الله ضلوعك
_ لا يا ادبسزز
كلبت عيوني بغرور وطبيت اعاند بي ذبيت المنشفة من راسي انشف وطب هوة وسد الباب وحجة _
_ اجت لمياء مو
التفتت علي خازرته وكلت _
_ وانته منين تعرف اسمها لمياء هااا
_ غير هو اسمها اني الي جبتها شبيج
_ اي كول ست لا تكول لمياء
درت عنه واني معصبة هل ثنين موتوني اشك بينهم علاقة شوية وضحك وهو كاعد على الجرباية _
_ هاي شنوو تغارييين يبوووو
باوعت علي بقرف وحجيت بنفاذ صبر _
_ لا حبيبي ما غيرانة بس اذا تريد ت*** روح برة عني ومرة ثانية كلها جاية درسني مو تسال عليك وانته هم روح حاجيها مو اجت لمياء واجت زربان شعلييي بيكممم
لزم كلبة وحجه بذوبان _
_ الله حبيبيي من يمته ما سامعها
_ يعنيي عفت كل الاغي الي لغيه وركزت على هاي الكلمة ؟
_ ركز على اهدافك
_ شلون اهداف طايح حضها
ما رد كملت ومشطت شعري كدامه اعاند بي اكعد كباله امشط اهتم وما اخلي يطخني طخ وهو ابد ميضغط علي من يشوفني رافضة يوخر يخاف اعوفه
ما اكدر انكر حبنا القديم البعض بس هم ماكدر اثق بي مستحيل ولا اكمل ويا
محمد _ لعد امي وين ؟
_ راحت نامت
_ همم ...تريدين نطلع
_ لا وين نطلع تسمط سمط ما توخر عني
_ هسة شكتلج اني ترة جاي احجي طبيعي
كمت من المقعد الي يم الميز افرك باديه بالمرطب واتقرب من الجرباية احجي بابتسامة مصطنعة _
_ ما كايلتلك احجي وياي زين لا تحجي
_ رانية هواي تنترين وتشمرين وساكتلج استخطيج مو اخاف منج بس ترة صبري اله حدود احترمي شوية
كعدت على الجرباية وحجيت بسخرية _
_ خفت هواي
رفعت ايدي ارجفها جذب واحجي _
_ كمت ارجف شووف عمري اذا ما عاجبتك طلگني على شنو مبقيني ها شنو الي جابرك
غمض عيونه بنفاذ صبر وحجة بنتره _
_ وطلكتج وين ترحيين ها وين مو كلشي يمنعونج منه مو يموتونج لو لا ويين
_ اي لا تدخل عسى ما اكعد بالشارع اهون من شوفة وجهك القذ....
بعدني ما مكملة الكلمه صرخت حيل من دفعني على الجرباية على ضهري وصار فوكاية خزرته ادفع بي _
_ تخبلت وخر عني
عيونه حمر من العصبية وحجة بين سنونه _
_ لا تجبريني اكسر گلبج رانية لا تجبريني ماكدر اسيطر على روحي من اعصب
_ هه والله خفت هواي جاي ارجف
_ رانييييييه
_ شتسوي تغتصبني ؟ عبالك اخاف منك هو انته شنو اصلا دا اخاف منك عبالك تخوفني من هيج تتقرب مني واكوم ارجف واتوسل لا ما اخاف ولا راح اخاف
هز راسه وحجه رافع حواجبه بعصبية _
_ متخافين ؟ مو ومنو ما يخاف
_ اني ما اخاف افهتمت لو لا متخوفني
ابتسم بجانبية فجأة وقرب ودمج شفايفه بشفايفي حيل بعمق خلاني اجمد بمكاني بعدين استوعبت من وجعني وكمت ادفع بكتوفه حيل وهو ولا يمه ضربت ركبته ومخشتها وهو مستمر لازم فگي ويبوس حيل تخبلت كمت ارفس برجلية واضربه
وخر عني وصرخت _
_ قذرررررر وخرررر عنييي
لزم رجلية بدون حجي طبكهم وخلاهم بين رجلي ولزم اديه ثنين بايده وحده ورفعهم فوك طابكهم واني ارفس اصيح ماكو برود رجع يبوسني بقوة شلع شفتي شلع
اريد اوخر راسي ماكو لعبت نفسي معصبة منه هواي ولعبانه نفسي منه اكره فكرة هو جابرني واني ساكته ماكدر
اخر شي عضيت شفته حييل لحد ما نجرحت يله وخر لازم شفته بوجع صرخت بوجهة واحرر بنفسي منه
_ عووووف ايدييي حيواااان وخررررر
مسح شفته من الدم ورجع لازم فگي بخفه _
_ لا تنطنطين ترة اخليج تبجين هسة
_ لا والله تخلينييييي ابجيييي درووووح خايفة منك كلببب
خزرني وقوة لزمه فكي وحجة بحدة _
_ رانية كافيي
_ مووو كافييي مو كافييي انته واحد شهواني وحقير عبالك تضحك عليه بهاي سوالفك لو ارجع احبك قذررر والله تطلگني تطلگني سنه وحدة وياك واروووح
_ احلام العصر هاي صدكيها بس انتي
_ شنووو بكيفكك
_ طلاك ما اطلك لو منو جيبين لو مو شهم طلاك انسييي انسيي
يحجي بسخرية ويدك براسي باصبعة واني ارفس بكل جسمي وهو مقيدني ما بقة عندي حجي غير خازرته شعلني شعل ابن الكلب
رانية _ اي لو عندك كرامة شوية حس اني ما اريدك وطلگني اكرهك
_ رجلج غصبا عليج
_ شدخلللل هايييي عوووف ايديييي
_ شهل جمال كله هيج حليانه ورة الزوااج اووف
_ وخر وخرررر
صحت من خله راسة برگبتي يبوس بيها بوسات خفيفة كمت احرگ براسي حيل واصرخ وهو ولا يمه ابتعد مبتسم _
_ تره اكدر اسوي هيج بكل وقت يعجبني واكدر اخذ الي اريده هم بس اني مستخطييج
_ دوخرررر
ضحك ومال راسه يطبع بوسات سطحية على شفتي واني طببت شفتي جوة عنه وبس اريد املخه بس خل يعوف ايدي بس هاذا الضاهر ما ناوي يوخر عني صعد بوساته لكل وجهي ويضحك عليه من اريد اعضة
واصرخ
اخر شي باس خشمي وجان الكف حنجة بعضه طبكت سنوني علي كام هواة الي يصرخ ويدفع براسي واني جلبت براسه
_ هدينيييي وج اخخخ
كام على ركبه واني ما حليته كمت ويا لازمه وجهه حيل وعاضته انوب معش شعري يدفع بيه واني هم جلبت بشعرة املخ كمنه اماطل على الجرباية
هاذا يملخ وهاذا يملخ
اخر شي تعبت كمت عنه الهث وجان يخزرني لازم حنجه صار ازرگ وسنوني طابعات
ضحكت بشماته وحجيت بعصبية _
_ احسلك مو اكلك وخر عني
_ خرب اهلج
_ واهلك هم لا تنساهم
كعد لازم حنجة بوجع واني الهث تعبني الحيوان وشعري صار هوسة كمت بعصبية _
_ والله اذا بعد تقربت الي كل وجهك ازورگه
_ عادي لا يهمج ترة هم اخذت حقي اني
وياشر علي خزرته ما فاهمه رحت للمراية اشوف شنو وجان افتح عيوني بصدمه من شفت رگبتي مزرگه لزمت المعطر وجان اشمره علي بعصبية
رانية _ قذررررر
_ تخبل هل قذارة تعجبج بس انتي تكابرين
_ ايييع منك بوسات وتعجبني امداني
_ اعرفج گلبي اعرفج واعرف من عيونج الحلوة تخدر
_ تره لعبت نفسي شخدررررت هااا
_ اشش امي برة لا تصيحين
_ كوووم اطلع برا اريد انامم
تسطح على الجرباية وخله ايده ورة راسه يحجي _
_ ما تنامين لازمج هم اريد انام وحد
تعبت من الصراخ درت وجهي ومشطت شعري بعصبية حيل كطعته وشفتي اشتعلت بنار خليت الها مرطب ورحت للجرباية صعدت ودفرته برجلي
_ روووح ليغاد
_ وين اروح اكع
_ روووح شكبرك جنك ثور
_ مليلي ثور رشيق اني بس انتي زعطوطة وابين يمج ثور
سحبت الغطه وتغطيت بعصبية جر الغطه مني
_ جيبيي اريد اتغطه
_ مالتيي عوفه
_ شنوو بس الج جيبييي
_ عوووف
_ نجبييي
خزرته حيل من تغطه وياي باوعلي بسخرية ورجف نفسه عود خايف غطيت وجهي وحاولت اغفى وسمعت من كام نزع ملابسة وبدل
ما وخرت الغطة رجع نام وقرب عليه لزك بيه
دفرته برجلي
_ روح ليغاد لا تلزك
_ راح اكع شسوي ما ميت عليج
_ اممم مبين كلشش
_ ثقتج بنفسج جبيرة
_ وافتخر هم
_ خوش يله نامي گلبي
درت عنه للجهة الثانية وخله ايده على خصري دفعتها ورجع لزمني ودفعته لحد ما كرصته حييل يله وخر بس شنو الفايدة توني دا اغفى هم حضني
بس حجيت _
_ شكد لزگه
ونمت .....
مر جم يوم والتحق محمد وكملت ادرس ويا ست لمياء ام محمد مو كلش علاقتي وياها حلوة من يروح محمد شوية تصير زينه تحجي وياي بس من يجي محمد تشد وياي تغار على محمد مني ادري بيها
ومرت الايام ونفس السطوانه محمد يريد يصالحني واني اجبص بطنه بس اريده يضربني حتى اروح اكول الشهم ويطلگني
بس هوة ولا يمه لو شسوي ما يضربني انوب يشعلني ويكتلني بدون عصا من يتحارش من اعصبه ويعصب حيل يبوسني لو يتحرش بيه وهيج ماكدر اكول الشهم يعرف سوالفي وما يضربني كمت ما اعصبه حيل
لان من صدك مرات يتمادة حيل ويصير سرسري وهاي ست لمياء كامت تغثني حيل كامت من تجي مسرحة الشعر والمكياج والبس انوب هيا تخبل تجنن اني بنية وانعجبت بجمالها
لا هاذا السرسري خاف يكوم يحبها ولو ما اهتم بس اكيد عندي كرامة شنو يحب كدامي خلي نتطلگ وحب
ولو هو هم ما منطيها وجه بس يحجي وياها علمودي ويتفق بس هيا كل ما تجي تضل تسأل
لو تضحك بسوالفه وتكول
يضحكني
لو تكول حلو اسمر ويخبل لو تكول هنيالج علي
لو تكول ليش تزوجتي زغيرة بعدج غير ياخذ وحدة بكدة واني ما اسكت كل ما تحجي ارزلها وكمت اريدها تتعارك وياي حتى تبطل بس هيا لزكه سبحان الله مثل محمد لزكه
ومرة جانت كاعد تدرسني وجابت ام محمد عصير وحجت _
_ نبرد گلب معلمتنا الحلوة
_ تسلمييين عمه فدوة الاديج ليش تعبين نفسج
تحجي بالواكه وام محمد تحب هيج بسرعة اندمجت وياها وتحجي وياها عن الشغل والطبخ وكسبت ام محمد الها واني حجيت بانزعاج
_ ست تره كاعد درسيني مو تعلمين على الطبخ
لمياء _ ههههه العفو عمري بس ام محمد كلش تنحب
ام محمد _ فدوة العمرج حبيبتي انتي متزوجة
لمياء _ لا والله مطلقة
ام محمد _ يا ليش يمه شناقصج وتطلكتي تخبلين
لمياء _ والله هو اني ما بيه خلل بس الي اخذته متزوج وما تعاشرت ويا مرته وطلبت الطلاق اني
رانية _ الله يزوجج بس يله خلصيني
ام محمد خزرتني وحجت _ احجي عدل رانية عيب
رانية _ عمه فدوة العمرج شحجيت غير اريد ادرس
ام محمد _ ما طاير الكتاب ...اي وما تزوجتي بعدها
لمياء _ لا والله ما لكيت ابن الحلال الي يحتويني
ام محمد _ اسم الله عليج تخبلين وين جنتي لعد ما لحكت عليج
اشتعلت نار بگلبي شمرت الكتاب حيل وكمت وحجيت بعصبية _
رانية _ عود من تقررين تدرسيني بسس تعالي واذا تحبين بس تلغين هيج بعد لا تجيين
نترت بيه ام محمد بس اني ما رديت رحت لغرفتي وركعت الباب حيل وشمرت روحي على الجرباية معصبة واحجي _
_ لوگية **** عبالها صدك محمد يباوع عليها شعرات جنهن كركم تدور ابن الحلال بنت الگ****
دكت علي الباب وما رديت عليها بس اسمع ام محمد ودعتها وراحت اجت ام محمد دكت الباب تنهدت بعصبية وكمت فتحت الباب
_ ها عمة
_ شنو هل تصرف كدام البنية مو عيب ما تستحين شنو ما الج رداد محد ميدبج ؟
رانية _ وعمة تصرفاتها صح برايج واكو احد ميدبها ؟
ام محمد _ كلشي ما بيها البنية انتي تغارين منها لان احلة منج
رانية _ وهسة شنو المطلوب مني
ام محمد _ كلشيي ما مطلوب منج انتيي على شنو شايله خشمج على ابنييي ها شنو انتي بنت منووو مو اهلج شمروج علينه ولو هسه تموتين وترحين محد يسأل عليج مو زين ابني لفاج وسوه براسج حض
عصرت ايدي حيل وحجيت برود _
رانية _ ما طالبة من احد يلفيني خلي يطلگني واروح
ام محمد _ اي هوة ما ميت عليج بس ينقهر عليج وين ترحين بالشوارع لو عند العالم
رانية _ ارض الله الواسعه تكفي
هزت ايدها معوجة حلكها وراحت سديت الباب ونزلت دموعي بس بسرعة مسحتهم بعصبية كعدت واني كلبي انترس حقد شوية ودك موبايلي
رحت شفت شفته محمد اي الله جابك شو تعال رديت وحجيت بعصبية _
_ هااا
_ اسم الله شبيج شبي صوتج جاي تبجين
عضيت اصبعي اريد تروح هل غصة وحجيت بعصبية _
_ ما باجية ليش ابجي شتريد
_ خابرتني امي تكول طاردة لمياء
_ لا تكوووول لميااااء
_ صوتجججج شبييج ليش تبجييين
_ ما باجية ما باجية ما باجية واذا طردت زرباء هااا انته جايبها تدرسني لو تدورررر ابن الحلالل هااا
_ ليش شكالتلج
يحجي بصوت طبيعي ولا جن كاعدة املخ بروحي هسة عضيت اصبعي حيييل وحجيت _
_ انيي اكلها درسيني وهيا تحجي ويا عمتي وتكلها والله ما مزوجة ادور ابن الحلال وكل شوية ساله عنك وتحمد بيك وبطولك وتكول يخبل شنووو ما تستحيي مو كاعدة كبالهاا انيي
_ هسة احاجيها بس اهدي
_ لااا شنووو تحاجيهاا ها شنو تحاجيها هاي تتميعلك بصوتها وتتلوگ اطردهااا
_ شلون اطردها يا عيني غير منطيها فلوس وتدريسها زين واقرب وحدة بالمنطقة هنا
_ اطردهااا ختولي ما تعرف تدرسسس
_ ميخالف هسة بس اسكتي ليش هيج حارگه اعصابج مو اكلج تغارين عليه تنكرين
_ شووكت غايرة علييك شوكت اني ما تهمني انته بس هيا جاية هنا تدرسني شنو تتمعشكلي كدامي
_ يله ماشي ماشي لا تنقهرين عمري انتي صوتج شلع گلبي
ضميت حلگي حيل كلام ام محمد قهرني حيل ومن صدك كسر گلبي حجيت بعصبية وبجيت _
_ وعمتي ردت علية تكولي خلفلة على محمد لفاج هنا اهلج شمروج هنا ومنقهر عليج ميطلكج شنو تكلي هيج اني مو جاي اكلك طلگني ها
_ شنوو هيا كالتلج هييج ..اووف أستغفر الله ربييي...رنونة گلبي لا تبجين يعمري انتي شعليج بحجيهم مو تدرين بيه احبج وما اطلكج لا تردين على احد انتي يمي مو يم احد
_ ليش تجذب انته اصلا متحبني تزوجتني علمود شهمم
حجيتها وبجيت حيل ما تحملت بعد هو احتار تخبل يحجي وياي ويقنع واني بس ابجي _
_ ولج عيوني لا تكفريني لو اكدر اجي هسة جان جيت عيوني والله شلعتي گلبي
_ كله بسببك
ضل يحجي وياي ويطيب بخاطري لحد ما قنعني صدك وكالي لا تحجين شي ويا امي ولا تتعاركين اني اجي واحجي وياها وكالي راح ارزلج لمياء هم مسحت دموعي بعد ما هدئت وحجيت _
_ لا تضل تلح ما احبك ترة
_ شتعلو اهلج فوكاها
_ عساس شمسويلي انته عود حباب ردت تتعدة عليه قبل لا نتزوج من وراك
_ بس ما سويتلج شي گلبي ما انطاني لو اريد ادمرج صدك جان صدك سويتها وما تزوجتج وبعد انتي فكري شيصير بيج
_ شكد قذر
_ بس يعني ما ضلت بنفسي اخذتها اخذتها
_ ايييع وخر يله روح باي
_ هههههه احبج رعنة
_ واني اكرهك
_ يله اعتبرها احبك
سديت الموبايل وتنفست احس الخنگه الي بصدري راحت بعد ما حجيت الي بگلبي رغم كرهي اله بس باي شي هو وياي حتى لو جنت غلطانة هو يدافعلي ومن هاي ارتاح من افضفضله ....
اجه محمد واول ما اجه طب يحجي ويه امه ما سمعت شي كعدت بغرفتي بالساعة يله اجه وجه تعبان ضليت كاعدة على الجرباية اباوعله بس ابتسم وحجة
_ الله يسلمج بخير
_ شنو
_ مو ما سلمتي كلت اقنع روحي
كلبت عيوني بملل اجة تقرب عليه ودنك عليه رجعت ليورة وحجبت بحدة _
_ وخر
_ ولج ثاري ميته من الغيرة عليه وتكابرين
_ شبيه مخبله اغار عليك وخر وجهك لطش بوجهي
خزرته يضحك عليه من اخزره كرص خشمي حيل دفعت ايده ورجع تقرب باس خدي بصف شفتي يحجي _
_ كل تعبي يختفي من ارجع واشوفج
_ شنو هل جذب هاذا بس فهمني شكد تجذبون
رجع يضحك بتعب ساند اديه على الجرباية منا ومنا محاصرني بيهم واني اباوعلة بسخرية تقرب انوب يريد يبوسني وخرت وجهي خازرته _
_ لا تبوس
_ فدوة الشاربج صاير اطول من شاربي
فتحت عيوني بصدمه ودفعته بعصبية هو يضحك لزمت شاربي اتاكد _
_ شكد ما تستحي
_ عادي عادي احبج بكل حالاتج
_ ما ميته على حبكك
شمرلي بوسة بالهوة وفتح بنطلونه ذبه صرخت ودرت وجهي اعيط _
_ هاي شنووو شبيك
_ شنو؟
_ ليش تنزع كداميييي
_ عادي يابة شنو
خزرته راح للكنتور يدندن ويشمر ملابس كعدت على الجرباية وكلت _
_ شيل ملابسك وراك ترة مالي شغل بيهم
ما رد عليه اخذ ملابس وطلع تنهدت راسي يوجعني نمت على ضهري اباوع للسكف وجان موبايلي يجي شعار
شلت موبايلي عبالي نجمة لو بيران بس الي شفته صدمني
خلاني ارجف حيل وگلبي نقبض
صورتي بدون حجاب ومكتوب جوة
( معقولة تزوجتي وعفتيني يا ضالمة ؟ )
بيران .....✓
اليوم بجية شهم من الدوام فاجئنا من كال بيت رائد راح يجون حتى يخطبون نجمة ؟؟ زين هيا مو متزوجة شنو يخطبوها اجة من الصبح وهاي اني ونجمة نشتغل بالبيت ونضف بس اكثر الشغل علية
لان هيا بسرعة تتعب الشغل الخفيف عليها انوب متوترة عبالك صدك اول مرة وهيا بطنها لخشمها
شهم هم ملتهي يخابر وليث يمه
خلصنا كلشي للضهر جاي ابخر بالبيت ونجمة جانت صافنه وتعدل بالبردة باوعت عليها وحجيت
_ شبيج ؟ وجهج صفر شبيج
التفتت عليه خايفة وحجت _
_ والله بيران خايفة من زمااان ما شايفته ولا يدري بيه حامل
_ لاا هسة شهم كاله اكيد
_ هيج تكولين
_ اي لعد
هزت راسها وجان تعقج وجها بوجع وتلزم بطنها بسرعة حجيت بقلق _
_ هاا شبيج شبيج
_ تقلص اخخخ
_ روحي روحي نامي على ضهرج تعبتي وخفتي وهيج صار
_ ايي رايحة
راحت طبت لغرفتها كملت تبخير وبخرت الاستقبال هم وشهم بالطارمة كاعد مدري بمنو يخابر كملت خليت المبخرة بالصالة
وطعجت ضهري بتعب طكطك كله رحت للمطبخ
كلت اسوي غدة لشهم ونجمة هم واني كلش تعبت لان اشتغلت
طلعت الفاصوليا كلت اسوي تمن وفاصولية
وبعدني جاي اثرم بالبصل طب شهم وليث يركض وراه
باوعت علي ساكته ورجعت اثرم حجة وياي _
_ لا تسوين غدة طلبت راح يوصل
_ هاا ماشي
رحت رجعت الغراض وغسلت ايدي ضل واكف بالباب واني اجيت اطلع استوقفني كلامه _
_ نجمة شبيها وينها
_ وجعتها بطنها شوية وراحت ترتاح
_ همم
حك خشمة وخله ايده بجيبه مرتجي على الباب صفنت علي انتضرة يوخر رجع حجة _
_ تشوفين رائد مناسب لنجمة
_ شمدريني هو اني شايفته دا اعرفه مناسب
_ هو صوجي اسألج
_ اريد اطلع
_ وجهج صفر روحي فطري
_ لاا مستحيل شنو افطر كضيت رمضان فاطرة انته ليش تفطرني كوة وتاخذ ذنب عوفني
_ طبج مرض
تنهدت وطلعت من المكان الي جوة ايده لان ادري ما يوخر عناد التفت الي بصدمة وحجة _
_ هاي منين عبرتي
_ من جوة
_ همم
_ يله رايحة فوك اني اريد اسبح
_ 124
_ ها ؟ شنو يعني
_ هيج روحي
هزيت راسي مستغربة صار كدامي ليث لزمت ايده وحجيت مبتسمه _
_ نروح فوك نبدلك
_ لاا ماليد اليد الوح ويا بابا
شهم _ عوفي هسة يوصخ نفسه عود باليل بدليله
هزيت راسي وصعدت فوگ طبيت للغرفة ولزمت بطني بوجع كعدت على الجرباية وضليت لازمه بطني لحد ما هودت رحت اخذت ملابس ونزلت جوة للحمام جان كاعد بالصالة هو وليث كاعدين واحد بصف واحد
نفس الكعدة ونفس النضرة ماشالله ليث يجنن
طبيت سبحت وبنص السبحة دخت وكوة سيطرت خلصت بسرعة وصعدت وبطني كطعتني دعيت ربي كون ما تشرفني هسة لان بطني كطعتني
دخلت مشطت وضفرت شعري بعدني ما طالعة وغمضت عيوني بقهر شرفت
متت قهر هسة يتشمت شهم رحت طلعت فوط صحيه وسويت الازم وشربت مسكنات
وطلعت لازمه بطني رحت للمطبخ
بس اريد شي حار سويت جاي وخليت راسي على الكاونتر وبطني توجع حيل
رفعت راسي فازة من صوته الي حجة _
_ خير شبيج دختي ؟ مو كتلج افطري اله تموتين نفسج يله ترتاحين
هسة هاذا شكله حكيت حاجبي وكلت بتوتر _
_ اي هو راح افطر
تفاجئ كال مضيگ عيونه بشك _
_ شعجب ؟ بهل سهولة
بلعت ريگ واني ايدي على بطني لان ما تحملت كطعتني تكطيع كلت _
_ اي سكري انخفض مدري ارتفع واريد افطر
باوع على القوري وعلية بسخرية وهز راسة وكال كبل لا يطلع
_ هلا بيها
ضليت مفهية صافنه ما افتهمت عرف لو لا بس جنت متوجعة صبيت الجاي وخليته حلو ما اهتميت للسكر كعدت بالمطبخ اشرب بي وشوية شوية على المسكنات والجاي هودت بطني
ضليت كاعدة وجان اسمع صوته يصيحلي كمت وجسمي متكسر
كاعد على التخم وعلاكة بنص الصاله بيضة وليث يفتح بيها كال وهو يباوع للتلفزيون _
_ كعدي نجمة وجيبي صينية
هزيت راسي ودا اروح حجه بحدة _
_ مو حجيت وياج
_ اي هزيت راسي
_ وشفتيني اباوع عليج جم مرة كلت استعملي صوتج
_ خلص اسفة مادري
رجع انضارة للتلفزيون هزيت راسي فاقدة الامل بي مستحيل يتعدل رحت كعدت نجمة وجبت صينية واكلنا ونجمة بس صافنه وتتحسر خايفة وشهم ما حجه شي يخاف يحرجها
صار اليل ورة الفطور تحضرنا ساعدت نجمة بلبسها لبست فستان ابيض هادئ يجنن برز بطنها الي مو كلش جبيرة وهيا تعرف تحط مكياج احسن خلت شي يلبق ويا الفستان ساعدتها وبرمت شعرها
جنت محضرة كلشي العصاير الجكليت الضيافه
وحتى ليث بدلتله وانطيته الشهم
خلصت نجمة ابتسمت اباوع عليها تجنن كلت _
_ ولج صايرة تموتين السمن لايكلج
_ صدك ؟ يعني ما صايرة جني مدام نفيخة
_ لا هههههه منو كالج هيج
_ شهم
كالتها بعبوس نفيت براسي _
_ والله تموتين
_ يله لعد روحي بدلي راح يوصلون
_ شبيها ملابسي حلوة
_ يا ملابس لابسة دشداشة ضايعة بيها
_ ماريد ملابسي كلها صايرة عريضة عليه اصلا ليش مبدلة انتي العروس مو اني
_ ميخالفف انتي ام بيتنا ومرت جبير بيتنه شلون تطلعين هيج اكيد جابو قرايبهم هم
_ والله ما بيه اصعد
_ لا اصعدين اوكفي عندي فستان بالي انطيج يا عندي قديم من جنت ضعيفة هسه ميطب عليه بدلي هنا وخلي اخليلج شي خفيف ونعدلج يله
هزت راسي اني هم صدك هامله نفسي طلعت فستان احمر فاتح حيل يصير بينصل لنص الرجل واردانه عراض حيل ونازلات جوة شلون حريم السلطان وكله سادة بس حلو عجبني
لبسته وصدك اجه فيت باوعت النفسي بالمراية ما منتبه الجسمي صاير كلش ضعيف وخصري ضعيف صايرة مثل الروسيات صدك نجمة ضلت تمدح
سوتلي مكياج خفيف بس خلت حمراة حمرة ورفعت نص شعري وطلعتلي كذله برمتها
من صدك غيرت نفسيتي
بهاي الفترة جنت احس روحي العب النفس لان وجهي بس اصفر والبس كله عريض
مالي خلك بس هسه تغيرت نفسيني واني اشوف نفسي حلوة حضنتها اتشكرها واخذنا اني وياها صور
وكالتلي_
_ يله روحي شوفي شناقص اني راح اضل اصبغ اضافري
_ ما عندي شي خلصت
اصرت باصرار تحجي _
_ لاا اطلعي شبيج شوفي شناقص
_ شلون اطلع هيج شوفي شلون الفستان حاصرني ورجليه طالعات كدام شهم عيب
_ والي يسمعج يكول شهم غريييب غير رجلج
ضلت تقنع بيه واقتنعت صدك على شنو استحي هو مو حرام يشوفني هيج بعدين شلي شغل بي طلعت وماكو احد بالصالة فرحت رحت للمطبخ اختل
شفت الكلاصات واعدل بالحلويات الي مرتبتهم
بعدين لزمت موبايلي ورجيته على الكاونتر اطلك صور عجبني شكلي اسوي حركات وخلصت وبقيت اباوع على الصور فرحانه
لحد ما جمدت بمكاني من سمعت صوته _
_ نجمة ؟ منو انتي ؟
التفتت بسرعة خايفة ومنحرجة هو جان حواجبه معقودات من التفتت ارتخت ملامحه بصدمة وضل صافن عليه يكص بيه من فوك لي جوة
عضيت اضافري وفجاة حرت بيدي وين اخليها من التوتر حكيت حاجبي وحجيت _
_ اء و وصلو
ما رد عليه وعيوني ماكدر اخليهم ثابتات بعيونه يركصن منحرجة كلت خلي اطلع واروح على نجمة تقدمت من يمه اريد اطلع وجان اشهك من لزم ذراعي
باوعت علي بخوف ويبست جسمي اريد يوخر ايده ضل ساكت وصافن بوجهي احس ملامحه توحي على انه ما مصدگ بلعت ريگ _
_ عوفني شهم
_ اشتعلو اهلج
_ عوفني ايدي عوفها
فجأة تغيرت ملامحة ورجع شهم الايع ودفع ايدي وخله ادي بجيوبة وحجة بسخرية _
_ شنو فرحانة ملغطه وجهج .. صايرة طحين صفر
كسر خاطري باوعت على روحي وعبست ملامحي تنهدت بحزن وكلت هو هيج دا اروح وحجة
_ 11
_ ها شنو يعني 11 ؟
_ مو شغلج روحي يله
استغربت منه اليوم يحجي بالرقام لو شنو رجعت يم نجمة وسالت بحماس شكال شهم عرفت بيها متقصدة خيبت امالها من كتلها عيب عليه
اجو بيت رائد رائد وعمامة وامه واخته واخوته ونسوانهم كعدنا النسوان بالصالة والزلم بالستقبال
ضيفتهم واني وحدي وضلو بس يمدحون بيه خجلوني عبالك ملكه جمال
ام رائد الحجية كلش حبابة وسوسن هم والباقي ما اعرفهم كلش بس هم خوش ناس
رحت صحت النجمة كوة جبتها ومن طلعت من غرفتها كامت الحجية وطكتها بهلهوله وحضنتها تبجي وتكول
_ فرحتي كلبه وشلتيله ولد الله يفرحج يا يمه الله ينور دربكم ويفرحكم
ضلت تبوس بيها وتشكر وهاي نجمة بسرعة بجت كعدنا وخلصنا وضلو يحجون انتبهت نسوان اخوان رائد ميحبون نجمة ابد من اباوع عليهم الكاهم يباوعلوها صفح ما عاجبهم
سوسن بنية حبابة وهادئة حيل فتح شهم باب الاستقبال مدنك وكاال _
_ نجومة تعالي حبيبتي اوكفي هنا
راحت يمه مستغربة رحت يمهم اريد اعرف شكو كاللها _
_ كتلهم الراي بيدج راح يسالج عم رائد اذا موافقة ترجعين وتكملين حياتكم مع بعض وانتي جاوبي بدون اي ضغط والي يريحج احجي مو
هزت راسها بخوف رجع كال يهز براسه _
_ مووو ؟
_ اي اي ماشي شهم
طب للاستقبال ومن ورة الباب حجو ويا نجمة وكال _
_ بنتي نجمة جايين اليوم نجمع بينكم وانشالله ما تخيبين ضنه ادري بزواجكم صار بضروف مو حلوة وادري ما جان رائد مقرر يكمل وياج بس هو شافج خوش بنية وبنت ناس وجايين اليوم نصلح بينكم ونجمعكم وانشالله ما تردينه كولي بنتي موافقة ترجعين
ابتسمت اباوعلها والكل مبتسم وفرحان هزيت راسي الها غمصت عيونها بخوف وصدمتنا الكل من حجت
_ لا ما موافقة
يتبع .....
( 8238 ) كــلمة
بس كولولي قليل الي جاي اكتبة لو لا جديات اريد اعرف لان حايرة