سكريبت♥️بقلم سولييه نصار♥️
-هتتجوزيه يا هاجر ...هتتجوزي أحمد الحسيني !!
رجعت لورا وانا ببصله بصدمة وقولت:
-انت عارف بتقول ايه يا بابا ...عايزني اتجوز المتـ.هم الأساسي في قتـ.ل اختي حورية !!!عايزني اتجوز عد.وي يا بابا ...
بصلي بابا بحزن وقال:
-مفيش دليل واحد يقول أن عدي قتـ.ل اختك يا هاجر ...للاسف لو فيه دليل واحد كنت رميته في السجن ...لحد دلوقتي قلبي بيتحر.ق عليها ..حاسس اني فعلا همو.ت ...عايز اي دليل ...اي دليل يدينه ووقتها هر.ميه في الحبس ...
بلعت ريقي فمسك هو أيدي وقال:
-هاجر يا بنتي أنا عارف ان اللي بطلبه صعب بس مش مستحيل عليكي ....مش هجوزك أحمد عشان بحبه بالعكس أنا عايزك انتي تنتقـ.مي منه ....تنتـ.قمي من الانسان اللي قتـ.ل اختك ..انتي فرصتي الوحيدة يا هاجر ...انتي عايزة د.م اختك يروح هدر ....عايزة اللي قتـ.لها يهرب من غير عقا.ب يا بنتي ...انتي عايزة كده ...
دموعي نزلت وابتديت اعيط ...كان قلبي وا.جعني وانا بفتكر اختي اللي اتقتـ.لت بد.م بارد واللي أحمد كان من ضمن المش.كوك فيهم ...ومن وقتها وانا بكر.ه أحمد ...بكر.هه اكتر من اي حاجة في حياتي ...هو الانسان اللي د.مر حياتنا ومستعدة اعمل المستحيل عشان ار.ميه في السـ.جن ....مستعدة اقتـ.له واطلع قلبه بين ايديا عشان ارتاح ...بس الطريقة دي صعبة ...صعبة اتجوز الانسان ده ويرتبط اسمي بإسمه اللي بيطلبه ابويا صعب ...صعب اووي ...
قرب مني ابويا وقال :
-متعيطيش يا هاجر .. انتي بنت علي الشناوي ...وبنت علي الشناوي متعيطش ...بتأخد حقها بس ...أحمد هو اللي حرمنا من حورية ...وانتي الوحيدة اللي هتقدري تنتـ.قمي منه ...الوحيدة اللي هتجيبي حق اختك ...
بصتله وبدأت أقتنع ...مسك بابا ايديا وقال:
-فكري يا بنتي ...أحمد عايزك بأي طريقة ...هو مستعد هيجيبلك اللي انتي عايزاه...هو اتجـ.نن عليكي بعد ما شافك بعد مو.ت حورية وهيبقي خاتم في صباعك ...هتقدري بسهولة تد.مريه ... وبعدها تر.ميه بعد ما تاخدي انتقا.مك !!
هزيت راسي وانا بقول :
-موافقة يا بابا ...حدد ميعاد الفرح ...
...
وبعدين روحت اوضتي ....نومت علي سريري الواسع ...شعري البني كان منتشر جمبي ودموعي بتنزل ...أنا هتجوزه ...هتجوز الشيطا.ن ده ...اللي حرمني من اختي اغلي حاجة عندي !!!صحيح اني بعدت عن حورية خمس سنين بحالهم لما روحت اشتغل في الامارات ...ولما جاتلي مكالمة صادمة من بابا أن اختي ما.تت انهارت وصفيت شغلي كله وقررت ارجع بلدي ...ولما رجعت وعرفت أن أحمد الحسيني هو المتهم الاول كنت مصممة اني اعا.قبه حاولنا كتير نثبت عليه التهمة بس هو خرج منها زي الشعرة من العجين ...ومن وقتها أنا هتجـ.نن عشان أثبت التهمة عنه ومش هرتاح الا لما أشوفه جوا السـ.جن
........
بعد يومين ....
-بارك الله لكما وبارك عليكما وجمع بينكما في خير
قالها المأذون وبكده بقيت مرات أحمد الحسيني رسمي ....
....
-اتفضلي يا عروسة...
قالها أحمد بتريقة فدخلت وانا بحاول اخبي غضبي وحقـ.دي ...
قرب مني ومال عليا شوية لحد ما لمس ودني وقال:
-انا حلمت باللحظة دي من وقت ما شوفتك يا هاجر
كتمت نفسي وأنا حاسة بالغضب وبعدين خلاني الفله وقال:
-ودلوقتي انتي ملكي ...ملكي أنا وبس ..وقعتي في فخي أخيرا!!!
يتبع
#إنتقام_ثم_عشق
#سولييه_نصار