رِتبة ظفيرة ..
لرسُل فَهد
و بقت قصةّ الحزن وياي
مثل مشاور العرسان
كلها تريد تسمعها
يما تدرون ؟
مَر ريح الندم بالروح
خلص كل أصابعها
رُسُل فهد
...
في مكان آخر ..
- وينو تاشوف طولو وينو
- هلا جدة
- هلا يبعد چتال أبوك
- ما ضَل صبر جدة دليني مچانو تا أبرد نارچ
- لا يجدة ما تگدرلو هساع
خل عودك يضب أكثر و ساعتها أكلك ذاك
روح جيبلي راسو
- و انا أكثر منچ منتظر عَش بيمن ضارينو
امي و أبوي ؟ و يچتلهم ؟
- عبنو خسيس و ما الو صرماية حتى بنفسو
نَفس ما علمتك ما ناسي ؟
- إن چانت بت أكسر ظهرو بيها و أچتلو
و ان چان ولد ضنا يچتلو بأيدو
- بَعد امك و اسمها
..
يَاسمين
- عليك الله رجعني ام دُرة والله تطردني
ما جاوب ..
انتَ شبيككك شبيكككك ؟ شو باوعلي !
بَاوعلي بطرف عينة و رجع يباوع للطريق
اباوع للساعة كلما تزيد دقيقة
تزيد دگات گلبي
هسة دُرة اكيد كعدت امها
من شافتة حرك السيارة
عليك القُرآن رَجعني بعدين اجي وياك والله
مو هسة لتگعد ام دُرة
- يعني عادي عندچ ياهو اليريد تطلعين ويا ، يا حَبيبي
- لا ، بَس انتَ
اخذ تليفونة كتب رسالة ورا شوية دگ تليفونة
الوو .. مية هلا .. راح اصعدها انتي فوتيها شوية خوثة ..
لا متأكد بس أگطع الشك باليقين .. في امان الله
يسوق سَريع ماكو براسي غير ام دُرة اذا گعدت
وصلنة گبال عيادات مال اطباء هذا شيريد ؟
- نزلي و من هذاك الدرج دكتورة أسماء مَيثم
گولي للسكرتيرة دزني ابو شاهين
- و اني مو مريضة ترى
- مَتردين ترجعين بسرعة ؟
فضيني قبل لا تگعد
خطية حتى هو شايل همها
رحت للدرج هو يباوع ويأشرلي ع الساعة
حتى اجي بسرعة صعدت لگيت هواي عالم
شفت اسم الدكتورة گاعدة بصف الباب مَرة چبيرة
بدون ما اجيها هي عرفتني
- جابج ابو شاهين والله يستنگي المَلعون
- شنو ؟
فوتتني للدكتورة گالتلها فَحص عُذرية دكتورة هاي گرايبي
- استفتاح خير
يمة الدكتورة ما تنبلع شنو فحص شنو عذرية
اني مادري بالي مابي غير ام دُرة
نَيمتني ع السَدية هاي شدتسوي لَميت نفسي
عَيطت ضربتني السكرتيرة على حلگي و لزمت ايدي
يمة ذني شنو ؟؟؟؟؟
گمت ابچي حَسيت بألم و و الدكتورة وخرت
- أشرف من شكولهم شنو شوكت نخلص من الهَمجية !
طلعتني السكرتيرة گالت گوليلة ام عدنان
نَظيفة بَس انتَ گلبك وسخ
من الخوفة بس شفت الباب ركضت حتى ردت اوگع
من الدرج لگيتة كاعد بسرعة و اني دموعي ما نشفت
يعني يدري اكيد هي شسوتلي !!
فتحت باب السيارة
- رررررجعني بسااااع راح تدمر حياتي
ما عولت احد يلفيني الله ينتقم منك
- شگالت ؟
- نظيفة بَس انتَ گلبك وسسسسسسخ
دگ تليفونة.. هههههه لا أعجبچ
.. دزيلي عدنان باچر .. لا تدللين
سَد التليفون و شمرة گدامة
- غَبرة الدنيا توازينة على هيچ شكول
- عَش ليش گلتي تقربلي ؟
ما جاوبتة ضليت أبچي بصوت عالي و أشهك
من شفتة دخل بالشارع شوية ارتاح گلبي
قبل لا انزل خَلة بأيدي فلوس
- أشتري بيهن تليفون عندي حچي وياچ
نزلت من السيارة و شمرتهن من الجامة من تذكرت
السوتة بية الدكتورة تفلت ع السيارة
المعجبني هوَ كاتم ضحكتة ليششش مادري !!
ركضت للباب لگيت درة أجتي تركض من الدرج
يعني چانت بالسطح تلطم
- كعدت ؟
- لچ وين أخذچ يمكن صار بية سكر من الهبطة
- گعدت ؟
- لا بس هسة گلت بعد دقيقتين أكعدها و أكلها
سحبت نفس طويل
خل نطب لتشوفنة هي نايمة بالاستقبال
رحنة گعدنة بالغرفة
- لچ اخذني للدكتورة
لطمت خدهااا
- يُمة شسوتلچ ؟؟
- لچ مادري مادري شسوت ....
- ليششش ؟
- شمدريني !
- هو شنو شراد ؟
- و العباس ابو فاضل ما أدري
رجعت ضربت خدها
- و شگالت الدكتورة ؟
گالت اشرف من شكولهم لان هاي السكرتيرة
تعرفة و مسوية روحها كدام الدكتورة تعرفني
- و شگلچ ؟
- گالي ليش گلتي تقربلي ؟
و انطاني فلوس كالي اشتري بيهن تليفون
شمرتهن عليه و تفلت على سيارتة
- عفيةةةةة النذل شون هيچ يسوي !
چان گلنة لأمي بَس تذبحنة
- لا دخيلچ
من الخوفة نِمت
هذا چان اخر موقف يجمعني بي بهاي الفَترة
عَدت الايام اني حيل مرتاحة بـ بيت دُرة بس گلبي ما مرتاح
مَرة چانت دنيا الظُهر
چنة ضايجين اني و دُرة گلنة نروح للاسواق امها متخلينة
لو نموت انتظرناها تنام عدلنة شكلنة و طلعنة
دُرة شوية و بعد تتخربط اني شوية متعودة
رحنة اشترينة و رجعنة بالفرع نتمشى
و الگاع مشايلتنة سَيارة تقربت لزمت ايدي قوي دُرة
- لچججج عمي
-يُمة
دَگ هورن و اشرلها تعاي ركن السيارة گبال البيت
من وصلنة للباب جرها من شعرها طبيت
وياهم للكراچ
- يلااااا انتي لبيت اهلچ و انتي تعاي
كامت تعيط و تبچي طَبو للمطبخ
- شعندجججج ادبسزز طالعة بهالظهاري
فرقاااااااااان .. اجتي امها تركض حتى بدون حجاب
- شكو شكو عيني دخيلك عوفها
- مسربتة بنتچ بهالظهاري والله عشتي خوش تربية
- يمةةة شعندج من شوكت انتي تطلعين ؟؟؟
-والله بس اليوم يمة والله اني وياسمين مو وحدي
- و ذيچ منو ماعدها اهل وين بيتها
اذا وصلت للبيت اثنينهن اذبحهن
- ابو علي جاهلات و غلطن ميعيدنها والله
كسر راسها حيل بيها بس والله اول مرة تسويها
والله سلطك عليها
.. ضربها راشدي و شمرها على امها و طلعلي
- شوووو انتي لسة هنا ؟؟؟
- هسة راح اروح
- يلاااا و عوفي بتنا بعد لتتقربين يمها
.. شفت ام دُرة معصبة گطعت دُرة گلت خل اطلع لا انكتل
طلعت من البيت بَس وين اروح ؟؟
مشيت يم بيتنة مَقفول الشوارع فَارغة
بَس البزازين تفتر
عندي الحُرية اروح شوكت مايعجبني بكيفي
و محد يحاسبني بَس اني ما اريد
اقصى احلامي بيت اعيش بي و بالي مرتاح
هسة أني المن عايشة أريد اعرف ؟
خطواتي بَطيئة لان متعرف وين رايحة
اوصل يم المدرسة و ارجع ما اريد امشي اكثر
لمن شفت سيارتة راحت رجعت دگيت الباب
محد فتحة ضليت گاعدة على الصَبة
تَچيت راسي على الحايط الرايح و الجاي يباوعلي
فوگ الساعتين يالله انفتح الباب مَدت راسها ام دُرة
- دفوتي فوتي
طَبيت و شعور الذِل واصل لخشمي
صوچي اني قنعتها نطلع على آمل اشوفة
هوَ ليش هيچ مطبوع براسي !!
لگيت دُرة بالهول متغطية و نايمة
خَليت راسي يمها و نمت ما گعدت لحد ثاني يوم
گعدت ام دُرة بَس تخوزر بينة متحچي
و دُرة حيل ضايجة متتاحچة حقها هم غير گطعوها
- مَتحاچيني ؟
- لا قابل شعليچ بس گتلچ منروح احسن
- شمدريني ع حضنا راح يجي عمچ ع گولت بيبي
" احنة گملتنة شگرة "
- بيچ گمل ؟
- دنجبي هذا مثل چانت دگولة بيبتي اذا
اسوي شي و تكشفني
عَدة أسبوع يلا شوية رجعت تحاچينة
بس هم مو مثل قبل و گامت تقفل الباب
وتخلي المفتاح يمها و متنام الظهر
ما بقة شي و تخلص المدارس و اني راح عمري هيچ
احلامي كلها متعلقة بالمدرسة و اني خسرت المدرسة
بسبب عمي يعني راحت كل احلامي
چانت دُرة بين فترة و فترة تگعد بالسطح
تبچي على ابوها من تنام امها و أني أبچي وياها
بَس بكل يوم اصعد اضل اباوع
بلكي يجي مَعقولة نساني ؟
يَاسمين شبيچ !!! مادري بَس اكو وجع بداخلي
ما ادري شلون أوخرة
بيوم و احنة صعدنة بالسطح
دُرة گاعدة تسمع قرايات و اني اباوع من الحايط
- ما مليتي ؟ شيجيبة من الفَلوجة ؟
- و اني بحالة دا اباوع العالم
- وين اكو عالم بنص الليل
- اووووو دُرة عوفيني
نزلنة نمنة ورا يومين يالله صعدنة الجو ثلچ
گبل اني رحت يم الحايط و دُرة گعدت بالگاع
لمحت هذيچ السَيارة العالية البيضة بنفس المكان الي وگفلي بي
و أيد شايلة جگارة طالعة من الجامة و ضوة شاشة الجهاز مبين
هذا هوَ ؟؟؟
- لج دُرة هذا هذا
- منو شبيج
اجتي تباوع وياي
- عَزا دادة شجابة ؟
- شمدريني !! اصيحلة ؟؟
- لا والله شبيج بابا شبيج عوفي ترى مصختيها
مبين مو راحة و صايع امي لتصعد ياسة عليج الله
امشي ننزل
سويتلة باي و نزلت ما باوعتلة
بَس انقهرت
صارلي شگد انتظرة تالي هيچ كلشي ما أفتهمت
نِمت بس دموعي بعيني
يارب شيلة من گلبي مابية اشيل هَم بعد
- زين هو شيريد مني ؟
ضميت هَمي بگلبي بَس عيوني فَاضحتني
بعد أبد ما لِمحتة كل ما أنوي باچر انسى
اگعد اتمنى اشوفة اليوم
دُرة بدت تروح للامتحانات راح تخلص السنة
الي كبرتني عَشر سنين و أبد ما ارتاحيت بيها
حتى من أستقريت گلبي عذبني
قَبل اخر امتحان دُرة اجتي وجهة مخطوف
گالت هذا العَسكري يحچي وي ابن جيرانة الي بصفنة
منين يعرفة ؟
- يُمة شمدريني
- لَتشوفة امي و تشك
رِجعلي الامل يعني ما عافني !
خَلصت امتحانات و رجعت گعداتنة بالسطح
الناس تحير وين تروح و احنة اقوى شي عندنا السطح
چانت تقرة و اني مَحبوسة وياها
صرنة يومية نسهر نص الليل يالله ننزل
الجَو يجنن چان يريد يجي الصيف هستوة
والهَوى بارد
تجيبلنة امها حلويات هيَ تدري نصعد
بس تغشم نفسها حتى مترخيلنا الحَبل
أحمد ربي الي سخرها الي چان صفيت
بالشوارع كُل هالفترة دائماً الفضول ياخذني
سَفينة الحياة بأي مرسى راح تنزلني ؟
كل التوقعات الي أجتي براسي
نُقطة ب بحر من الي مَريت بي
مرات اكو مَشاكل تصير بين دُرة و امها
تگعد درة الليل كلة تبچي بشكل مو طبيعي
و امها بعدين تراضيها
- دُرة شبيچ ؟
- لچ امي تريد تزوج عمي
- ياااا شلون مو حرام ؟
- لا مو حرام عادي و هو من يوم الشافني بالشارع لزمها
حجة عليها بَس هي شبه الموافقة
- خليها واذا
- شنوووو و اذا شنووو تتزوج غير ابوية
ماتستحي !!! هذا ابوية ابوية عمي يصير بمكانة
- الله يرحمة بَس باعي يجوز هي اريدة
- ياسسسمين اسكتي اني روحححي مفرفحة
والله اني هددتها گلتلها اخذ ياسمين و أشرددد بس تسويها
- لا لچ خطية امچ
- امي التزوج غير ابوية ماريدها
شفتها قافلة ما حاچيتها خطية هي كلش متعلقة
بأبوها حقها و هو عمها مينطاق مُتعجرف
بيومها چنت ضايجة على درة صعدنا بالسطح حتى اضحكها
شوية صعدنا اولشي مثل كل مرة باوعت ما لگيت احد
- احلا شي يطلعون اهلنا بالجنة
يحيرون شياكلوون و شيلبسون و احنا ناكل
أجباس بالسطح
- ههههه و احلا شي احنة نطب للنار
- هي بس هاي العايزة لچ والله لو اهلي يدزولي
فلوس من يمهم ع گد الدموع الابچيها عليهم
هسة اني مليارديرة
- هههههه ياسة والله عدچ سوالف
- اكلچ شو هذا نساني ؟ اختفى
- مبين من شواربة عندة كومة نسوان بحالچ
- ياااا عشتو و هو يلگة بجمالي ؟ دباعي عيوني
- يخبلن والله
هيَ حطت السماعات و طربت فليت شعري
و گعدت گدامها تلعب بشعري و تظفرلي
من كملت صعدت على الطابوگات أباوع للشارع ماكو احد
ضليت صافنة اباوع للاضوية
اجاني صووووت خَشن
- هينا يولي ..
..
سَميحة
حَنين لكن بِمزاج
التعامل ويا صَعب بَس الي يحبو يتحملو
أبوية و أخواني الــ سِتة و أمهاتي
أحبهم رُبع حبي الة
مِن عُمر الـ تِسع سَنوات هو بدأ بتربيتي
و أني تعلقت بكُل شي يخصة
هوَ أبوية مو بَس أخوية
الحُب الي واصلتو أتجاهو اذا أبوية
حچة عليه حَرف أطنگر و بَعد ما احچي ويا
هوَ يدخل روحو بنص الموت حتى نعيش عِيشة كَريمة
و هُم يستقبلو بالحچي الموزين
و من يوم ألي صارت الحَادثة
واني تعلقت بالصلاة لخاطرو
تاريد ربي يسامحو و يشفعلو هو ماعندو ذنب
غيرو
رجُل قاسي
تحكمهُ العادات
كُل شي لديه مُباح
قرارتهُ تسود على الجميع
لا يهاب كبيراً و لا يُقدر صغيراً
لا يعترف بجنس حواء
اسهل ما بيدهِ الموت
حتى جائت هيَ
كلشي عندة مَيصير
حتى امهاتي محرم عليهن الطَلعة لعتبة البيت
اذا مو چبير وياهن
نسوان أخوتي إذا مو رجولتهن وياهن
محد تعتب باب الحوش
أخواتي بيوتهن بصفنة اذا مو رجولتهن تجي تاخذهن
محد تطلع حتى اخواني ميقبل ياخذوهن
مرة وحدة چان هو بالواجب رحت وي امي للسوگ
و ابوي يدري هوَ گايلي بَس اني أخذچ
لو اجيب التردينو
ضايجة بوكتها و رحت وي امي و علاوي اخذنة
وعدت السالفة لمن نزل شفتة يحاچيني من دون خلگ
عرفتو درة اني طالعة من غير اذنو
- عش هيج جلمتي رخيصة ؟
نزلت لأيدو ابوسها
والله ابوي يدري و امي قنعتني
- بالعافية
- لا تشيل بخاطرك مني والله التريدو يصير
- كل الانشرة يحترگ
- احركهم حرامات
ما جاوبني عدت يومين و هو حتى ما معتبرني
واني روحي متعلگة بي و محد يعرفو شيريد غيري
و لما يغتاض مني حتى الاكل الاصبو ما ياكلو
شفتة كاعد بالصالة اخذت الغراض كدامو و طلعت
بالحوش حركتهم اجيتو
و لزمت ايدو حتى يدحك النار
- يول اليحترگ ريحتو تطلع مو الا ندحك
حضنتو و بچيت ما عگدر على هجرو
بَعد ما أعيدها
امي غلطت علية و رزلتني هي و ابوية
على السويتو بَس اني ارتاحيت أهم شي
ما يعاملني هيچ
.. هاي لو ردت أذكر قساوتو
اخواتي يگولن تبالغين بحبج
بَس اني اعرف شخصيتو هو تركيبتو مختلفة
هو يعاملني مو مثل البَقية حنيتو مغرگتني
مو بالحچي بالافعال وبنفس الوقت أتحاسب
على اتفه الاسباب
رغم كل اطباعو المريضة حنيتو دوة
بيوم تعاركنا اني و محمدنا ضربني على وجهي
علمود اكلو لان ميشتهي غدانا
لمن اجة شكيتلو
صاح لمحمدنا
- عش تمد ايدك على تاج راسك ؟
- و اكسر راسها
- يول شعرة منها تسواك انت و السگط اليمك
يقصد عصام
دحك اذا هجست مو دحكت
مضوجيها مو ضاربيها هاي الفروخ اخليها تنصبكم مضحكة
لزمو من رگبتو و نَزل راسو بمستواي
گال ضربي تشوف شون يمد ايدو بعد
و ضربتو و محمد زعل بس اهمشي حقي اخذتو
وخلا عصام يجي يسويلي اكل
هجست روحي اميرة
- دام الهوى يُمر ع الخشم ما تنطخين
هاي لو ردت احچي عن حنيتو
مَيقبل أحد ياخذ حق أحد
كل بَشر ياخذ حقو بأيدو تا ميضل يعتمد على غيرو
مَرة ابن فراس اخوية الي اصغر من أرشد
ضربو جهال بالمنطقة
و دخل لامو دمو بطولو
امو گامت تعيط و تلطم و فزعت اخوتي
رادو يرحون محمد و عصام بَس أرشد ما خلاهم
مهند جان عيبچي عاط بي الطفل
من خرعتو سكت
- دحگ يول ربع ساعة بالچثير
جايب بيدك وصلة من لحم المفشخك يلا چدامي
الطفل من خوفتو راح و تأخر و امو تدگ وتلطم
شوية و طب خايف و لونومَخطوف
ارشد : بشر ؟
- ضربتو الجاهل و طاح بالگاع
و خالو ركض وراي فشختو بطابوگة
حضرو روحكم عيفصلوكم
- من الاول صير هيچ أزلمة
دوم هو ما يتعاطف وي احد
يگول تعاملت باللين و أنطعنت و حقو
بكل موقف
اول حچاية تنگال
اششش لا يسمع أرشد
كُل هذا چان ماضي الا ان
طبت حوشنا شاهينتو
..
يَاسمين
اجاني صوت خَشن
- هينا يولي ..
خفت حتى أدير وجهي باوعت لدرة مندمجة
درت وجهي على طريق الصوت
شفتة واگف و جگارتة بحلگة و الدخان محاوطة
قَميصة الابيض الرَسمي
و الزنجيل الفُضة
شذرة المحبس الي تلمع
شَعرة المرفوع خَفيف
حِلم ؟
- انتَ ؟؟؟؟؟؟؟
- تَعبتيني !
- شعندك ؟
- عَجل هو منو منتظر منو ؟
- شصعدك هنا روح لتچي ام دُرة
- يول ترى وريتيني ور بيها ؟ شدعواچ
- يمعود دروح هذاك اليوم گطعت بتها رادت تشحتني
دُرة شافتني مندمجة
وصلت يمي هيَ طويلة بسرعة شافتة ضلت فاكة حلگها
- يُمة
- درة لتچي امچ بلة باوعي
- انزلي ياسة لچ لتجي و شعندچ وي هذا شجابة
أرشد : الگوا** الشَريفة ؟
- شكاااال
- ها شگلت ؟؟
جرتني من ايدي نزلت من الطابوگات بَعد ما بين وجهة
- عليچ الله بس شوية
- لا ياسة خيولي ليطفر على سطحنا
- والله ميطفر بس احاچي
سمعنة حركة جوة گبل طبينة و قفلنة باب السَطح
نمت بَس مرتاااحة يعني ما نساني
يَاسة تحبي ؟؟ لالا بس هوَ سوالفة حلوات
شصعدة لسطح بيت الجيران دُرة گالت شافتة يحچي وياهم
معقول هيچ اني مهمة عندة ؟
نمت و من الفَرحة حتى بَطني توجعني
الصُبح گعدت نَشيطة و الدنيا تجنن بعيوني
دُرة مقابلة على تصرفاتي دگول عنة مو راحة
كل ضني اليوم بالليل هم الگا دُرة تقنع بية
اتركة و اني منتظرة الليل لحظة لحظة
- ياسمين اليوم منصعد لان هذا يجوز هم يجي
- لا عشتو شعلينة بي و حتى اذا شفتة اطردة
- انتي تطردي ؟ والله يا الله
- وداعتج شبيج عبالج انسالة مال الدكتورة ؟
- تحبي ؟
- شبيج اني مال حب ؟ شفتي شكبرة ؟
- مو كلش
- و اني حتى اهل ما عندي منين يخطبني ؟
البنية لازم ابوها يوافق ترى و اني وياج
ابائنا ميتة منو يوقع ع الزواج يمكن اصلا ميصير نتزوج
- صدك ؟؟؟؟
- اي والله يمكن لان اني سامعة الاب يوافق لازم
- اسئل امي ؟ .. سئليها
رحنة يمها هوَ احنة بس گلنة اسم زواج خزرتنة
- وشعدچن بالزواج ؟؟
- بس هيچ نسئل
- لا يصير عادي بس انتن شنو و الزواج شنو ؟
- هو بس هيج نفكر
- فكرن بالمدرسة و انچبن بعدچن هالطول الوحدة
ضحكنة و رحنة نغسل هدوم و شريناهن بالگراچ
و أجة الليل و شگد انتظرتة و هوَ ماكو .. أنقهرت
ليش ما أجة ؟
يُمر يوم و يخلص الثاني
و ولا خبر منة هو ليش هيچ يجي يوم و يغيب شهر
ليش هيچ يسوي !
مِن المُفترض الانسان
يعرف كلشي يصير بالحَياة و هوَ صغير
التَحفظ ما راح ينفع بشي !
التَحفظ يُثير الفَضول
خاصتاً البَنات الدنيا صارت غابة
و الوحوش مِن كُل الجِهات
الانسان لازم يكون واعي أكثر
حتى يواجه مَطبات الحياة
هذا مو أستهتار أو إنحراف !
لَمن الانسان يعرف هذا الشيء
و يُعرف عواقبة شنو و الناس الي وگعت بي شگد
ما راح يفوتلة من الاساس
بَس اذا ميعرف ؟
راح يحاول بكل طريقة يجرب و يستكشف
و يكون هو الضَحية يمكن
أني بهالفترة مُغرمة
بَس ما ادري هذا هوَ الحُب
و لا أدري اكو شيء اسمة حُب المُراهقة
و هذا أفشل الانواع اذا ما كان الرجُل ناضچ
بهالعمر البِنت مستعدة تنطي كلشي !!
في سبيل هوَ يكون سَعيد
بهالعُمر ممكن البنية تُستغل ابشع الاستغلال
مادياً و عاطفياً لان تفكر ماعدها شي تخسرة
غيرة هوَ !!
لكن الحُب مو هيچ
الحُب عَطاء .. تَعب .. صَبر
حتى الاشياء و التَغيرات الي تحدث
بحياة البِنت المَفروض تعرفها قبل أوانها
حتى تتلافى كُل الاخطاء المُتوقع حدوثها
بالزمان القَديم چان عادي البِنت
تعرف هالاشياء بوقتها و الحَياة حلوة
مَاشية و الامور طبيعية
لكن هَسة كُل شي أختلف
الايام تمشي و البَشر تتغير و المساوئ تكثر
حتى يكتشف الانسان كل الامور الي يمر بيها
بَس هو الي يگدر يخلص نفسة
لان بَس هوَ المتأذي بالشكل الكبير
و كُل بَشر بهالدنيا الة حياتة و أمورة الخاصة
الي حتى لو تأثرو بالي يصير بية
راح ينالون شوية من وجعي بَس
اني الي أكل الحُصة الكبيرة
انتركت بالوقت الصَعب
اكثر وقت تحتاج البِنت بي أحد يراقبها و تخاف منة
واجهتني هواي اشياء لكن حاشا الرَب اليتمني
مَيطلعني من أقوى المَصائب
- يَاسة باچر الشَهايد أدعيلي
- صدگ ؟ يارب ناجحة گلبي مطمئن لتخافين
صار الصُبح و راحت و اني منتظرتها بالگراج
أدعيلها و الحَمدلله طلعت ناجحة صارت ثالث
و انتِ ياسة ؟
مِشت كل الامور نَفس ما هيَ
ام دُرة أحسها بدت تتضايق بس شسوي وين اروح ؟
هيَ هم ممجبورة بية عايشة على راتب التقاعد مال رجلها
لسة و ما فقدت الشَغف يرجع يوگف بهذاك المكان
و أسولف ويااا أريد أكولة لَتروح بَعد لو أخذني وياك
چنة نايمين اني و دُرة بالغرفة گعدت
على صوت صياح دُرة
طلعت بسرعة أنصدمت بـ عمها واگف
هي گبل سكتت
- هَم هااااي ؟ شعدها هنا بالبيت ؟
دُرة : صديقتي و عايشة يمي و تبقى عايشة
بيتككك ؟ يلا امشي اطلع برة
امها تسكت بيها و اني مثل
الاطرش بالزفة
- ام درةة هاي منو ؟؟؟
دُرة : صديقتي و يتيمة و عايشة عدنا و من زمان
و احنة ما گنالك يلا تريد شي
- لااااا انتن منتهياااااات
بالقرآن اذا ماطلعت هَسة أذبحچن تلاثتچن
- ابو عدنان الطفلة يتيمة وين تروح مالها احد
- براسججج عقل انتي و انتي شنو بيهاااا
اكو دار ايتام و تروحلة مفتحين سبييييل ؟
دُرة : و انت شعليك ؟ رجلها ؟ تحلم والله
تقرب عليها كتلها و بالگوة امها خلصتها
و طلعتة سحل للگراج ضل يهدد بيها و هي تهدي بي
راح و اجتي ترزل بـ بتها و دُرة فضحتنا أنصدمت بيها
وراحت للغرفة تبچي .. ضليت واگفة بمكاني من سمعت
كلام امها الي چان مثل الوجع الي يبدي ياكل الجسم
- خالة ترضين ينهجم بيتي ؟ رجعي لبيت خالچ
ما دام ابنهم ما مات و انتِ ام الحَق
عمها صاحب مشاكل و جدها ما ينجرع
- اي خالة هو اليوم اروح
- بَس لدگولين لدرة هي بدون شي صايرة
تتعارك وي الحيطان
طَبيت للغرفة هي متغطية و تبچي اخذت غراضي و طلعت
يَاسمين هاي راح تضلين هيچ ؟
ردت أطلع ما قبلت
- لا أني اخلي جيرانة يوصلچ شلون ترحين وحدچ ؟
- لا عادي اندل مو اجيت
ما قبلت حاچت جيرانهم خابر صَديقة
گال اني ما اگدر اروح ضليت انتظرة بالباب
گالتلي فوتي للبيت بين ميجي گلتلها لا مرتاحة
ضليت انتظرة بالشارع و ابن جيرانهم كلساع يخابرة
اجة و گلتلة العنوان
گالتلة من توصلها تجيني انطيك الكروة
صعدت ونَفس الشعور كل مَرة
يارب لا اعتراض على حُكمك
لكن اسئلك الُطف فيه
خَلصت الطريق نوم حتى الدموع
خلصن الطُرق ازدحام وصلنة العَصر
دليتة ع السوگ و من وصلنا دليتة البيت
نِزلت دگيت باب رهام فتحتة ضلت مَصدومة
هو من شافني دخلت راححح
- وين چنتي ولچ ؟ صايرة تخبلين
- بالگبور
- استسلمتي ؟
- لا طبعا ما اشتغل وياج بس خليني يمج بس اليوم
- اممم تدللين بس وين ترحين
- مادري
گعدت بالمطبخ ما طَبيت جوة هي بدت تغسل مواعين
- صارلج شكد مختفية گالت خالتچ رجعت لعمها
- لا جنت يم صديقتي
- اممم هنيالها
- عليمن ؟؟؟؟
- اترگج منها اجتي فترة بيت خالچ
يومية دورية واگفة ببابهم حتى احنة يومين ما طلعنا
ليش ؟
- و شمدريني
- ضايج الحلو شبي ؟
تقربت يمي أبتعدت بَاستني
بَس لعبت نفسي !!
شبيها هاي درة يمتة هيج تبوسني ؟
اجة المغرب و هي بدت تتحضر و اجتي اختها
شمرت روحها على القنفة و نامت
- يُمة هاي شبيها ؟
- مابيها
هاج شربي
انطتني عصير شربتة و هي بعدها واكفة تتمكيج
گبال المرايا لبست صاية و بدت تلف بالشال
حسيت نفسي نَعست
- اكلج وين انام ؟
اشرتلي ع الصالة اكو شي بجسمي بس ماعرفة
نمت و بَعد ما دريت بالدنيا ..
.
رسُل فهد